“Tijorat banklari kapitalining yetarligiga qoʻyiladigan talablar toʻgʻrisida”gi nizomga oʻzgartirishlar kiritish haqida (949-2-son)

14.05.2002

Oʻzbekiston Respublikasi Markaziy banki boshqaruvining

Qarori

[Oʻzbekiston Respublikasi Adliya vazirligi tomonidan 2002-yil 14-maydagi 949-2-son bilan davlat roʻyxatidan oʻtkazilgan]

Oʻzbekiston Respublikasi “Oʻzbekiston Respublikasining Markaziy banki toʻgʻrisida”gi Qonunining 3, 7, 17 va 51-moddalariga asosan hamda Oʻzbekiston Respublikasi Prezidentining “Pul massasi oʻsishini cheklash va moliya intizomiga rioya etish masʼuliyatini oshirish chora-tadbirlari toʻgʻrisida”gi 2002-yil 30-martdagi PF-3047-sonli farmonining 7-bandi ijrosini taʼminlash maqsadida, Markaziy bank Boshqaruvi qaror qiladi:

1. 2000-yil 26-apreldagi 420-sonli “Tijorat banklari kapitalining yetarliligiga qoʻyiladigan talablar toʻgʻrisidagi” Nizomga (Adliya vazirligidan 2000-yil 25-iyulda 949-son bilan roʻyxatga olingan) 1-ilovaga muvofiq 2-sonli oʻzgartirish kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilganidan oʻn kun oʻtgach kuchga kiritilsin.

Markaziy bank raisi F.M. MULLAJONOV

Toshkent sh.,

2002-yil 20-aprel,

9/19-son

Oʻzbekiston Respublikasi Markaziy banki Boshqaruvining 2002-yil 20-apreldagi qaroriga 1-ILOVA (9/19-sonli bayonnoma)

“Tijorat banklari kapitalining yetarliligiga qoʻyiladigan talablar toʻgʻrisida”gi Nizomga

OʻZGARTIRIShLAR

1. 1.1-band quyidagi mazmunda bayon etilsin:

“1.1 Ushbu Nizom Oʻzbekiston Respublikasining “Oʻzbekiston Respublikasi Markaziy banki toʻgʻrisida”, “Banklar va bank faoliyati toʻgʻrisida”gi qonunlari, Oʻzbekiston Respublikasi Prezidentining 2002-yil 30-martdagi PF-3047-sonli “Pul massasi oʻsishini cheklash va moliya intizomiga rioya etish masʼuliyatini oshirish chora-tadbirlari toʻgʻrisida”gi Farmoni, (2002-yildagi 5-6-sonli Oʻzbekiston Respublikasi Qonun hujjatlari toʻplamining 38-moddasi), va boshqa qonun hujjatlariga muvofiq ishlab chiqilgan boʻlib, tijorat banklarining kapital yetarliligiga boʻlgan talablarning tartibini oʻrnatadi”.

2. 3.1-bandining beshinchi xatboshisi quyidagi tahrirda bayon etilsin:

“Xususiy banklar uchun — 1,25 mln. AQSh dollari ekvivalentida”.