Oʻzbekiston Respublikasi qurilish tashkilotlarining budjet bilan hisob-kitob qilish tartibi toʻgʻrisida (299-son)

15.06.1994

Oʻzbekiston Respublikasi Vazirlar Mahkamasining

qarori

Oʻzbekiston Respublikasining 1991-yil 15-fevraldagi “Korxonalar, birlashmalar va tashkilotlardan olinadigan soliqlar toʻgʻrisida”gi Qonuniga muvofiq va Oʻzbekiston Respublikasining 1992-yil 2-iyuldagi, 1992-yil 9-dekabrdagi qonunlari bilan kiritilgan oʻzgartirish va qoʻshimchalarni hisobga olgan holda qurilish pudrat tashkilotlarining moliyaviy ahvolini, soliq va toʻlovlarning budjetga tushishini barqarorlashtirish va tashkilotlarning moliyaviy hisobotlaridagi xatoliklarni bartaraf etish maqsadida Vazirlar Mahkamasi qaror qiladi:

1. 1994-yilning 1-yanvaridan boshlab qurilish, qurilish-montaj, taʼmirlash-qurish, ishga tushirish, loyiha-qidiruv va ilmiy tashkilotlar uchun bajarilgan ish (xizmat}lar uchun budjet bilan hisob-kitob qilish tartibi belgilansin, yaʼni mazkur tashkilotlar boʻyicha soliq olish maqsadlari uchun bajarilgan ish (xizmat)dan tushum deganda bajarilgan va ular boʻyicha hisob-kitob hujjatlari taqdim etilgan ishlar, xizmatlar evaziga olingan summa tushuniladi.

2. Oʻzbekiston Respublikasi Vazirlar Mahkamasining “Oʻzbekiston Respublikasi korxonalari va tashkilotlarining budjet bilan hisob-kitob qilish tartibini qisman oʻzgartirish toʻgʻrisida” 1993-yil 18-avgustdagi 420-son qarori qurilish, qurilish-montaj, taʼmirlash-qurish, ishga tushirish, loyiha-qidiruv va ilmiy tashkilotlar uchun tatbiq etmasin.

Oʻzbekiston Respublikasining Bosh vaziri A. MUTALOV

Toshkent sh.,

1994-yil 15-iyun,

299-son