Namangan viloyatida zamonaviy tibbiyot muassasalarini tashkil etish va jihozlash chora-tadbirlari toʻgʻrisida (356-son)
10.06.2025
Oʻzbekiston Respublikasi Vazirlar Mahkamasining
qarori
Namangan viloyati aholisiga yuqori texnologiyali va sifatli tibbiy xizmatlar koʻrsatilishini tashkil etish hamda viloyatdagi davolash-profilaktika muassasalarining moddiy-texnik bazasini yanada mustahkamlash maqsadida Vazirlar Mahkamasi qaror qiladi:
1. Namangan viloyatida zamonaviy tibbiyot muassasalarini tashkil etish va jihozlash maqsadida:
a) Namangan viloyati hokimligi va “AME International GmbN” kompaniyasi (Avstriya) oʻrtasida 2022-yil 10-mayda imzolangan Anglashuv memorandumiga muvofiq “UniCredit Bank Austria AG” banki (Avstriya) tomonidan 2023-yil 11-mayda “Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasini (keyingi oʻrinlarda — Travmatologiya loyihasi) amalga oshirish uchun 3 yil 6 oylik imtiyozli davr bilan 17 yil 6 oy muddatga davlat kafolati ostida 10 mln yevro miqdorida qarz ajratishga rozilik berilgani;
b) Iqtisodiyot va moliya vazirligi hamda “UniCredit Bank Austria AG” banki (Avstriya) oʻrtasida “Respublika ixtisoslashtirilgan kardiologiya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasi (keyingi oʻrinlarda — Kardiologiya loyihasi) doirasida 6 yil 6 oylik imtiyozli davr bilan 21 yil muddatga 8,9 mln yevro miqdoridagi qarz bitimi imzolangani;
Kardiologiya loyihasi doirasida imzolangan qarz bitimi boʻyicha tegishli toʻlovlar 2022 — 2024-yillar davomida Namangan viloyati mahalliy budjeti mablagʻlari hisobidan amalga oshirilgani maʼlumot uchun qabul qilinsin.
2. Quyidagilar:
“Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasining asosiy texnik-iqtisodiy parametrlari 1-ilovaga muvofiq;
“Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasini amalga oshirish doirasida “UniCredit Bank Austria AG” bankining (Avstriya) qarzini qaytarish, shu jumladan, qoʻshimcha haq va foizlarni toʻlashning prognoz jadvali 1a-ilovaga muvofiq;
“Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasi doirasida qarzni qaytarish, qoʻshimcha haq va foizlar hamda tashqi qarzga xizmat koʻrsatish xarajatlarini qoplash taqsimoti 1b-ilovaga muvofiq;
“Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasi doirasida yetkazib beriladigan tibbiy asbob-uskunalar roʻyxati 1v-ilovaga muvofiq;
“Respublika ixtisoslashtirilgan kardiologiya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasining asosiy texnik-iqtisodiy parametrlari 2-ilovaga muvofiq;
“Respublika ixtisoslashtirilgan kardiologiya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasini amalga oshirish doirasida “UniCredit Bank Austria AG” bankining (Avstriya) qarzini qaytarish, shu jumladan, qoʻshimcha haq va foizlarni toʻlashning prognoz jadvali 2a-ilovaga muvofiq;
“Respublika ixtisoslashtirilgan kardiologiya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasi doirasida qarzni qaytarish, qoʻshimcha haq va foizlar hamda tashqi qarzga xizmat koʻrsatish xarajatlarini qoplash taqsimoti 2b-ilovaga muvofiq tasdiqlansin.
3. Belgilansinki:
a) Sogʻliqni saqlash vazirligi va Namangan viloyati hokimligi Kardiologiya va Travmatologiya loyihalarini oʻz vaqtida amalga oshirish hamda muvofiqlashtirish, shuningdek, “UniCredit Bank Austria AG” bankining (Avstriya) imtiyozli kreditidan maqsadli va samarali foydalanish boʻyicha masʼul ijro etuvchi organlar hisoblanadi;
b) “UniCredit Bank Austria AG” bankining (Avstriya) qarzini qaytarish, shu jumladan, qoʻshimcha haq va foizlar bilan bogʻliq xarajatlar boʻyicha toʻlovlar Oʻzbekiston Respublikasi respublika budjeti hisobidan qoplanadi.
Bunda Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filiali va Respublika ixtisoslashtirilgan kardiologiya ilmiy-amaliy tibbiyot markazining Namangan filiali (keyingi oʻrinlarda — Markazlar) tomonidan tibbiy xizmatlar koʻrsatishdan tushgan tushumlar hamda Namangan viloyati mahalliy budjeti mablagʻlari ushbu qarorga 1b va 2b-ilovalarga muvofiq belgilangan taqsimot asosida Oʻzbekiston Respublikasi respublika budjetiga oʻtkaziladi;
v) Markazlar tomonidan qarzni qaytarish boʻyicha mablagʻlar yetarli boʻlmagan taqdirda, uning yetishmagan qismi Namangan viloyati mahalliy budjeti hisobidan qoplanadi.
4. Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filiali Namangan shahri Margʻilon koʻchasidagi 4-uy manziliga tekin foydalanish huquqi asosida joylashtirilsin.
5. Namangan viloyati hokimligi:
a) Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filiali uchun xarid qilinadigan tovarlar yetkazib berilguniga qadar tibbiyot uskunalarini oʻrnatish va montaj qilish uchun tegishli bino hamda xonalar tayyorlanishini taʼminlasin;
b) Sogʻliqni saqlash vazirligi bilan birgalikda 2025-yil yakuniga qadar Markazlarda zamonaviy boshqaruv tizimini joriy etish uchun chet ellik mutaxassislarni jalb etgan holda ularning faoliyatini qayta tashkil etsin.
Bunda yuqori texnologik tibbiy amaliyotlarni yoʻlga qoʻyish, Markazlarni bosqichma-bosqich xalqaro akkreditatsiyadan oʻtkazish, jahon standartlari asosida tibbiy xizmatlar koʻrsatish hamda tibbiy turizmni rivojlantirish orqali Markazlar faoliyati shaffof va samarali yoʻlga qoʻyilishini taʼminlasin.
6. Iqtisodiyot va moliya vaziriga Oʻzbekiston Respublikasi nomidan Travmatologiya loyihasi doirasida “UniCredit Bank Austria AG” banki (Avstriya) bilan qarz bitimini, Kardiologiya va Travmatologiya loyihalari doirasida Markazlar va Namangan viloyati hokimligi bilan qarzlarni qayta kreditlash toʻgʻrisidagi bitimlarni imzolash vakolati berilsin.
7. Adliya vazirligi Oʻzbekiston Respublikasi va “UniCredit Bank Austria AG” banki (Avstriya) oʻrtasida imzolanadigan qarz bitimi boʻyicha yuridik xulosa bersin.
8. Tashqi ishlar vazirligi Namangan viloyati hokimligi va Sogʻliqni saqlash vazirligining viza talabnomalariga binoan ushbu qarorda nazarda tutilgan loyihalarni amalga oshirish doirasida jalb qilinadigan chet ellik mutaxassislar uchun kirish vizalari konsullik yigʻimlari va boshqa haqiqiy xarajatlarning oʻrnini qoplash hisobidan yigʻimlar undirilmasdan rasmiylashtirilishini taʼminlasin.
9. Ichki ishlar vazirligi Namangan viloyati hokimligi talabnomalariga asosan ushbu qarorda nazarda tutilgan loyihalarni amalga oshirish uchun jalb qilinadigan chet ellik mutaxassislarga koʻp martalik viza muddatlari uzaytirilishini, shuningdek, vaqtincha turar joyi boʻyicha roʻyxatga olinishini va uning muddati uzaytirilishini taʼminlasin.
10. Ushbu qarorning bajarilishini nazorat qilish sogʻliqni saqlash vaziri A.A. Xudayarov va Namangan viloyati hokimi Sh.Sh. Abdurazakov zimmasiga yuklansin.
Oʻzbekiston Respublikasi Bosh vaziri A. ARIPOV
Toshkent sh.,
2025-yil 10-iyun,
356-son
Vazirlar Mahkamasining 2025-yil 10-iyundagi 356-son qaroriga 1-ILOVA
“Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasining asosiy
TEXNIK-IQTISODIY PARAMETRLARI
* Soʻnggi qiymat koʻrsatkichlari tovarlar va xizmatlarni yetkazib berish boʻyicha oʻtkaziladigan xalqaro tender savdolari natijalariga koʻra aniqlanadi.
** Yakuniy xarajat koʻrsatkichlari Davlat budjeti hisobidan qoplanishi koʻzda tutilgan soliqlar va bojlardagi oʻzgarishlar hamda loyihaning xarid rejasidagi oʻzgarishlar natijalariga koʻra aniqlanadi.
Vazirlar Mahkamasining 2025-yil 10-iyundagi 356-son qaroriga 1a-ILOVA
“Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasini amalga oshirish doirasida “UniCredit Bank Austria AG” bankining (Avstriya) qarzini qaytarish, shu jumladan, qoʻshimcha haq va foizlarni toʻlashning
PROGNOZ JADVALI
* Toʻlovlar miqdori qarzni amalda oʻzlashtirish hamda qarz bitimi shartlaridan kelib chiqib, aniqlashtirib boriladi.
Vazirlar Mahkamasining 2025-yil 10-iyundagi 356-son qaroriga 1b-ILOVA
“Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasi doirasida qarzni qaytarish, qoʻshimcha haq va foizlar hamda tashqi qarzga xizmat koʻrsatish xarajatlarini qoplash
TAQSIMOTI
Vazirlar Mahkamasining 2025-yil 10-iyundagi 356-son qaroriga 1v-ILOVA
“Respublika ixtisoslashtirilgan travmatologiya va ortopediya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasi doirasida yetkazib beriladigan tibbiy asbob-uskunalar
ROʻYXATI
Vazirlar Mahkamasining 2025-yil 10-iyundagi 356-son qaroriga 2-ILOVA
“Respublika ixtisoslashtirilgan kardiologiya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasining asosiy
TEXNIK-IQTISODIY PARAMETRLARI
Vazirlar Mahkamasining 2025-yil 10-iyundagi 356-son qaroriga 2a-ILOVA
“Respublika ixtisoslashtirilgan kardiologiya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasini amalga oshirish doirasida “UniCredit Bank Austria AG” bankining (Avstriya) qarzini qaytarish, shu jumladan, qoʻshimcha haq va foizlarni toʻlashning
PROGNOZ JADVALI
* Toʻlovlar miqdori qarzni amalda oʻzlashtirishdan kelib chiqib, aniqlashtirib boriladi.
Vazirlar Mahkamasining 2025-yil 10-iyundagi 356-son qaroriga 2b-ILOVA
“Respublika ixtisoslashtirilgan kardiologiya ilmiy-amaliy tibbiyot markazining Namangan filialini zamonaviy tibbiyot uskunalari bilan jihozlash” loyihasi doirasida qarzni qaytarish, qoʻshimcha haq va foizlar hamda tashqi qarzga xizmat koʻrsatish xarajatlarini qoplash
TAQSIMOTI