Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga oʻzgartirishlar kiritish haqida (1781-5-son)

05.06.2025

Oʻzbekiston Respublikasi Iqtisodiyot va moliya vazirligi Oʻzbekiston Respublikasi Qishloq xoʻjaligi vazirligining

qarori

[Oʻzbekiston Respublikasi Adliya vazirligi tomonidan 2025-yil 5-iyunda roʻyxatdan oʻtkazildi, roʻyxat raqami 1781-5]

Oʻzbekiston Respublikasining “Fermer xoʻjaligi toʻgʻrisida” va “Buxgalteriya hisobi toʻgʻrisida”gi qonunlariga muvofiq, Oʻzbekiston Respublikasi Iqtisodiyot va moliya vazirligi va Qishloq xoʻjaligi vazirligi qaror qiladi:

1. Oʻzbekiston Respublikasi Moliya vazirligi va Qishloq va suv xoʻjaligi vazirligining 2008-yil 21-yanvardagi 1 va 1/2-son qarori (roʻyxat raqami 1781, 2008-yil 26-mart) (Oʻzbekiston Respublikasi qonun hujjatlari toʻplami, 2008-y., 12-13-son, 81-modda) bilan tasdiqlangan Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi va Oʻzbekiston fermerlari kengashi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Iqtisodiyot va moliya vaziri D. KUCHKAROV

Toshkent sh.,

2025-yil 8-may,

257-son

Qishloq xoʻjaligi vaziri I. ABDURAHMONOV

Toshkent sh.,

2025-yil 7-may,

31-son

Kelishildi:

Raqobatni rivojlantirish va isteʼmolchilar huquqlarini himoya qilish qoʻmitasi raisi H. TURAXUJAYEV

2025-yil 28-aprel

Oʻzbekiston fermerlari kengashi raisi A. XAITOV

2025-yil 23-aprel

Oʻzbekiston Respublikasi Iqtisodiyot va moliya vazirligining 2025-yil 8-maydagi 257-son va Qishloq xoʻjaligi vazirligining 2025-yil 7-maydagi 31-son qaroriga ILOVA

Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga kiritilayotgan oʻzgartirishlar

1. Muqaddima quyidagi tahrirda bayon etilsin:

“Mazkur Nizom fermer xoʻjaliklarida buxgalteriya hisobining soddalashtirilgan tizimini tashkil etish va ular tomonidan moliyaviy hisobotlarni taqdim etish tartibini belgilaydi.”.

2. 8-banddagi “Buxgalteriya hisobida hujjatlar va hujjatlar aylanuvi toʻgʻrisidagi nizomga (roʻyxat raqami 1297, 2004-yil 14-yanvar)” degan soʻzlar “Buxgalteriya hisobida hujjatlar va hujjatlar aylanishi toʻgʻrisidagi nizomga (roʻyxat raqami 3538, 2024-yil 30-iyul)” degan soʻzlar bilan almashtirilsin.

3. 11-bandda:

birinchi xatboshidagi “schyotlar Rejasini” va “schyotlar” degan soʻzlar tegishli ravishda “hisobvaraqlar rejasini” va “hisobvaraqlar” degan soʻzlar bilan almashtirilsin;

ikkinchi xatboshi quyidagi tahrirda bayon etilsin:

“Fermer xoʻjaliklari xoʻjalik operatsiyalari buxgalteriya hisobining ishchi hisobvaraqlar rejasini Oʻzbekiston Respublikasi buxgalteriya hisobining milliy standarti (21-sonli BHMS) “Xoʻjalik yurituvchi subyektlarda buxgalteriya hisobining hisobvaraqlar rejasi va uni qoʻllash boʻyicha yoʻriqnoma”ga (roʻyxat raqami 3593, 2024-yil 27-dekabr) va ushbu nizomning 1-ilovasida keltirilgan Fermer xoʻjaliklarining moliyaviy-xoʻjalik faoliyati buxgalteriya hisobi namunaviy Hisobvaraqlar rejasiga muvofiq tuzadi. Xoʻjalik operatsiyalari buxgalteriya hisobining ishchi hisobvaraqlar rejasi fermer xoʻjaligining hisob siyosatida qonunchilikda belgilangan tartibda aks ettirilishi lozim.”.

4. 16-banddagi “schyotlarda” degan soʻz “hisobvaraqlarda” degan soʻz bilan almashtirilsin.

5. 18-banddagi “schyotlar” va “buxgalteriya schyoti uchun aniq buxgalteriya schyotlari” degan soʻzlar tegishli ravishda “hisobvaraqlar” va “buxgalteriya hisobvaragʻi uchun aniq buxgalteriya hisobvaraqlari” degan soʻzlar bilan almashtirilsin.

6. 19-banddagi “schyotlarning” va “schyotlar” degan soʻzlar tegishli ravishda “hisobvaraqlarning” va “hisobvaraqlar” degan soʻzlar bilan almashtirilsin.

7. 20-banddagi “schyoti” degan soʻz “hisobvaragʻi” degan soʻz bilan almashtirilsin.

8. 21-bandning ikkinchi va uchinchi xatboshilari quyidagi tahrirda bayon etilsin:

“Xoʻjalik operatsiyalarini hisobga olish kitobida yuritilgan aktivlar, majburiyatlar va xususiy kapitalni hisobga oluvchi hisobvaraqlarning qoldiqlari buxgalteriya balansiga oʻtkaziladi.

Xoʻjalik operatsiyalarini hisobga olish kitobida yuritilgan daromadlar va xarajatlarni hisobga oluvchi hisobvaraqlarning hisobot davridagi aylanmasi moliyaviy natijalar toʻgʻrisidagi hisobotga oʻtkaziladi.”.

9. 24-bandda:

birinchi xatboshidagi “schyotlari” degan soʻz “hisobvaraqlari” degan soʻz bilan almashtirilsin;

ikkinchi xatboshidagi “schyotning” va “schyot” degan soʻzlar tegishli ravishda “hisobvaraqning” va “hisobvaraq” degan soʻzlar bilan almashtirilsin;

uchinchi xatboshidagi “schyotlar” degan soʻz “hisobvaraqlar” degan soʻz bilan almashtirilsin;

toʻrtinchi xatboshidagi “schyotlarning” degan soʻz “hisobvaraqlarning” degan soʻz bilan almashtirilsin.

10. 25 va 26-bandlar quyidagi tahrirda bayon etilsin:

“25. Asosiy vositalar va nomoddiy aktivlarni hisobga olish qaydnomasi: asosiy vositalarni hisobga oluvchi hisobvaraqlar (0100) boʻyicha va moliyaviy ijaraga olingan asosiy vositalarni hisobga oluvchi hisobvaraqlar (0300) boʻyicha asosiy vositalarning, nomoddiy aktivlarni hisobga oluvchi hisobvaraqlar (0400) boʻyicha nomoddiy aktivlarning, asosiy vositalarning eskirishini hisobga oluvchi hisobvaraqlar (0200) boʻyicha eskirishning va nomoddiy aktivlar amortizatsiyasini hisobga oluvchi hisobvaraqlar (0500) boʻyicha amortizatsiyaning mavjudligi va harakatlanishining analitik va sintetik hisobi registri boʻlib hisoblanadi.

Qaydnomada asosiy vositalar va nomoddiy aktivlar boʻyicha maʼlumotlar pozitsiyali usul bilan har bir obyekt boʻyicha alohida yozib boriladi.

Agar asosiy vositalar va nomoddiy aktivlar boʻyicha harakatlanish mavjud boʻlsa, har oyda ularning aylanma summalari hisoblanadi va hisobot oyidan keyingi 1-sanaga qoldiq chiqariladi.

Asosiy vositalar boʻyicha, shu jumladan, moliyaviy ijara (lizing) shartnomasi asosida olinganlari boʻyicha ham eskirish Oʻzbekiston Respublikasi buxgalteriya hisobining milliy standarti (5-sonli BHMS) “Asosiy vositalar”ga (roʻyxat raqami 3546, 2024-yil 9-avgust) muvofiq hisoblanadi.

Nomoddiy aktivlar boʻyicha amortizatsiya tanlangan usulga binoan Oʻzbekiston Respublikasi buxgalteriya hisobining milliy standarti (7-sonli BHMS) “Nomoddiy aktivlar”ga (roʻyxat raqami 3547, 2024-yil 9-avgust) muvofiq hisoblanadi.

Aktiv qismi boʻyicha hisoblangan eskirish (amortizatsiya) summalarini va barcha asosiy vositalar va nomoddiy aktivlar boʻyicha jamgʻarilgan eskirishni nazorat qilish uchun qaydnomada eskirishni (amortizatsiyani) oʻsib boruvchi tartibda hisobga oluvchi tegishli ustunlar koʻzda tutilgan.

26. Moliyaviy investitsiyalarni hisobga olish qaydnomasi uzoq muddatli investitsiyalarni hisobga oluvchi hisobvaraqlarda (0600) va qisqa muddatli investitsiyalarni hisobga oluvchi hisobvaraqlarda (5800) hisobga olinadigan moliyaviy investitsiyalar toʻgʻrisidagi maʼlumotlarni umumlashtirish uchun moʻljallangan.”.

11. 27 — 29-bandlardagi “schyotlarda” degan soʻz “hisobvaraqlarda” degan soʻz bilan almashtirilsin.

12. 30 — 33-bandlar quyidagi tahrirda bayon etilsin:

“30. Xaridor va buyurtmachilar bilan hisob-kitoblarni hisobga olish qaydnomasi olinadigan joriy toʻlovlarni hisobga oluvchi hisobvaraqlarda (4000) hisobga olinadigan xaridorlar va buyurtmachilar bilan hisob-kitoblarning hisobi uchun qoʻllaniladi.

Qaydnomada 4010 hisobvaraqning debeti boʻyicha pozitsiyali usulda, xaridor va buyurtmachilarning sotilgan tovar-moddiy zaxiralari va boshqa aktivlar uchun debitorlik qarzlari yozib boriladi. 4010 hisobvaraqning kreditida yakuniy hisob-kitoblar boʻyicha operatsiyalar (shu jumladan, xaridor va buyurtmachilardan olingan avanslarni hisobga kiritish) pul mablagʻlarini hisobga oluvchi hisobvaraqlarning krediti bilan korrespondensiyalangan holda aks ettiriladi.

31. Boshqa debitorlik qarzlarini hisobga olish qaydnomasi, fermer xoʻjaligining mahsulotlar va boshqa aktivlarni sotish bilan bogʻliq boʻlmagan xoʻjalik operatsiyalari natijasida yuzaga keladigan debitorlik qarzlarining analitik va sintetik hisobi uchun moʻljallangan. Ushbu qaydnoma uzoq muddatli debitorlik qarzlari va kechiktirilgan xarajatlarni hisobga oluvchi hisobvaraqlar (0900), 4210 “Ish haqi boʻyicha berilgan boʻnaklar” hisobvaragʻi, mol yetkazib beruvchilar va pudratchilarga berilgan boʻnaklarni hisobga oluvchi hisobvaraqlar (4300), budjetga boʻnak toʻlovlarini hisobga oluvchi hisobvaraqlar (4400), davlat maqsadli jamgʻarmalariga va sugʻurtalar boʻyicha boʻnak toʻlovlarini hisobga oluvchi hisobvaraqlar (4500), xodimlarning boshqa operatsiyalar boʻyicha qarzini hisobga oluvchi hisobvaraqlar (4700) va boshqa joriy debitorlik qarzlarni hisobga oluvchi hisobvaraqlarda (4800) hisobga olinadigan boshqa debitor qarzdorlikning har bir turi uchun alohida ochiladi.

32. Pul mablagʻlarini hisobga olish qaydnomasi, fermer xoʻjaliklari tomonidan kassadagi pul mablagʻlarini hisobga oluvchi hisobvaraqlar (5000), hisob-kitob hisobvaragʻidagi pul mablagʻlarini (5100), chet el valyutasidagi pul mablagʻlarini (5200), bankdagi maxsus hisobvaraqlardagi pul mablagʻlarini hisobga oluvchi hisobvaraqlarda (5500) hisobga olinadigan pul mablagʻlarining hisobi uchun qoʻllaniladi.

Pul mablagʻlarini hisobga olish qaydnomasida hisob-kitob hisobvaragʻi va bankdagi boshqa hisobvaraqlar boʻyicha operatsiyalar yozuvlari bank koʻchirmalari va unga ilova qilingan hujjatlar asosida amalga oshiriladi. Hisob-kitob hisobvaragʻi boʻyicha operatsiyalarni amalga oshirish va rasmiylashtirish qonunchilikda belgilangan tartibda amalga oshiriladi.

33. Mol yetkazib beruvchilar va pudratchilar bilan hisob-kitoblarni hisobga olish qaydnomasi, mol yetkazib beruvchilar va pudratchilarga toʻlovlar boʻyicha joriy majburiyatlar hisobvaraqlarida (6000) hisobga olinadigan mol yetkazib beruvchilar va pudratchilar bilan hisob-kitoblarni hisobga olish uchun qoʻllaniladi.

Qaydnomada 6010 hisobvaraqning krediti boʻyicha pozitsiyali usul bilan olingan moddiy qimmatliklar uchun mol yetkazib beruvchilarning hisobvaraqlari, shuningdek, pudratchilarning bajarilgan ishlar va xizmatlari uchun hisobvaraqlari yoziladi. 6010 hisobvaraqning debetida mol yetkazib beruvchilar va pudratchilarning hisobvaraqlari boʻyicha yakuniy toʻlov operatsiyalari, pul mablagʻlarini hisobga oluvchi hisobvaraqlar krediti bilan korrespondensiyalashgan holda aks ettiriladi.”.

13. 34-banddagi “schyoti” va “Hisobdor shaxslarga qarzdorlik” schyotlari” degan soʻzlar tegishli ravishda “hisobvaragʻi” va “Hisobdor shaxslarga boʻlgan qarzlar” hisobvaraqlari” degan soʻzlar bilan almashtirilsin.

14. 35 va 36-bandlar quyidagi tahrirda bayon etilsin:

“35. Mehnatga haq toʻlash boʻyicha hisob-kitoblarni hisobga olish qaydnomasi, ish haqi boʻyicha xodimlar bilan hisob-kitoblarni hisobga oluvchi hisobvaraqlarda (6700) hisobga olinadigan ish haqi boʻyicha hisob-kitoblar hisobi uchun moʻljallangan.

Qaydnomaning “6710 — hisobvaragʻi kreditidan quyidagi hisobvaraqlar debetiga” boʻlimida fermer xoʻjaligining ishchilariga bajarilgan ishlar uchun qonunchilikka muvofiq hisoblangan ish haqi summalari aks ettiriladi.

Qaydnomaning “6710 — hisobvaragʻi debetidan quyidagi hisobvaraqlar kreditiga (ushlab qolingan)” boʻlimida ishchilarning ish haqidan qonunchilikka muvofiq barcha ushlanmalarning (jismoniy shaxslarning daromadlaridan soliq, berilgan boʻnaklar summasi, hisobdor shaxslar tomonidan oʻz vaqtida qaytarilmagan summalar, turli korxonalar va shaxslar foydasiga ijro varaqalari boʻyicha summalar va boshqalar) summasi aks ettiriladi. “Toʻlanadi” ustunida ishchilarga toʻlanishi lozim boʻlgan summa aks ettiriladi.

Qaydnoma toʻlov hujjati ham hisoblanadi va fermer xoʻjaligi ishchilariga ish haqini toʻlash uchun moʻljallangan.

Fermer xoʻjaligi xodimlariga toʻlanishi lozim boʻlgan ish haqi oʻz vaqtida toʻlanmagan holatda, ushbu qaydnomaning “Toʻlanadi” ustunida “Deponentlangan” deb yoziladi va koʻrsatilgan summa har bir xodim boʻyicha (pozitsiyali usuldagi yozuv bilan) keyingi oyning qaydnomasida “20__ yil ________dagi qoldiq (xodim oldidagi qarzdorlik)” ustuniga oʻtkaziladi.

36. Boshqa majburiyatlarni hisobga olish qaydnomasi, fermer xoʻjaligining asosiy ishlab chiqarish faoliyati bilan bogʻliq boʻlmagan xoʻjalik operatsiyalari natijasida yuzaga keladigan boshqa majburiyatlarning analitik va sintetik hisobi uchun moʻljallangan. Ushbu qaydnoma, kechiktirilgan joriy majburiyatlarni hisobga oluvchi hisobvaraqlarda (6200), olingan boʻnaklarning joriy qismini hisobga oluvchi hisobvaraqlarda (6300), budjetga toʻlovlar boʻyicha qarzlarni hisobga oluvchi hisobvaraqlarda (6400), sugʻurta va davlat maqsadli jamgʻarmalariga toʻlovlar boʻyicha joriy qarzlarni hisobga oluvchi hisobvaraqlarda (6500), qisqa muddatli kreditlar va qarzlarni hisobga oluvchi hisobvaraqlar (6800) va 6970 “Hisobdor shaxslarga boʻlgan qarzlar” hisobvaragʻidan tashqari turli kreditorlarga boʻlgan qarzlarni hisobga oluvchi hisobvaraqlarda (6900) hisobga olinadigan boshqa majburiyatlarning har bir turi boʻyicha kreditorlar kesimida alohida ochiladi.”.

15. 37-banddagi “schyotlarda” degan soʻz “hisobvaraqlarda” degan soʻz bilan almashtirilsin.

16. 38-band quyidagi tahrirda bayon etilsin:

“38. Hisobot davri xarajat (sarf)larini hisobga olish qaydnomasi, hisobot davri xarajatlarini (sarfini) ishlab chiqariladigan qishloq xoʻjalik mahsulotlarining tannarxiga olib boriladigan ishlab chiqarish xarajatlari va ishlab chiqarish jarayoni bilan bevosita bogʻliq boʻlmagan, davr xarajatlari boʻyicha umumlashtirish uchun qoʻllaniladi. Ushbu registrda hisobot davrining xarajatlari (sarflari) haqidagi maʼlumot 2010 “Asosiy ishlab chiqarish” hisobvaragʻi, 2310 “Yordamchi ishlab chiqarish” hisobvaragʻi va davr xarajatlarini hisobga oluvchi hisobvaraqlar (9400) aylanmasidan kelib chiqqan holda aks ettiriladi.

2010 “Asosiy ishlab chiqarish” hisobvaragʻi, 2310 “Yordamchi ishlab chiqarish” hisobvaragʻi va davr xarajatlarini hisobga oluvchi hisobvaraqlar (9400) debetidagi xarajatlar turli hisobvaraqlarning kreditlaridan boshqa qaydnomalardagi maʼlumotlar va bevosita alohida boshlangʻich hisob hujjatlaridagi maʼlumotlardan yigʻiladi.

Tugallanmagan ishlab chiqarish mahsulotlariga (ishlar, xizmatlarga) sarflangan xarajatlar aniqlanishi bilan ularning haqiqiy tannarxi aniqlanadi va ular 2010 “Asosiy ishlab chiqarish” hisobvaragʻi va 2310 “Yordamchi ishlab chiqarish” hisobvaraqlarning kreditidan mahsulotlardan (ishlar, xizmatlardan) foydalanish yoʻnalishlariga qarab tegishli hisobvaraqlarning debetiga hisobdan chiqariladi — omborga (2810 “Ombordagi tayyor mahsulotlar” hisobvaragʻi), realizatsiyaga (9110 “Sotilgan tayyor mahsulotlarning tannarxi” hisobvaragʻi), hisobot davrining yakunida esa davr xarajatlarini hisobga oluvchi hisobvaraqlarning (9400) aylanmasi summasi 9910 “Yakuniy moliyaviy natija (foyda yoki zarar)” hisobvaragʻiga yopiladi.”.

17. 41-banddagi “schyotning debetida xarajatlar moddalari boʻyicha kreditlanadigan schyotlarni” va “schyotining” degan soʻzlar tegishli ravishda “hisobvaraqning debetida xarajatlar moddalari boʻyicha kreditlanadigan hisobvaraqlarni” va “hisobvaragʻining” degan soʻzlar bilan almashtirilsin.

18. 43-band quyidagi tahrirda bayon etilsin:

“43. Fermer xoʻjaligining hisobot davri qaydnomalarida (dehqonchilik mahsulotlarini ishlab chiqarish xarajatlari va mahsulot chiqishini hisobga olish qaydnomasi, chorvachilik mahsulotlarini ishlab chiqarish xarajatlari va mahsulot chiqishini hisobga olish qaydnomasi, yordamchi ishlab chiqarish xarajatlari va xizmatlarini hisobga olish qaydnomalaridan tashqari) aks ettirilgan moliyaviy-xoʻjalik faoliyati natijalarini umumlashtirish Xoʻjalik operatsiyalarini hisobga olish jamlanma qaydnomasida amalga oshiriladi.

Hisobot davrining yakunida har bir hisobvaraqning debet va krediti boʻyicha aylanmasi hisoblanadi va hisobot davrining oxiriga (keyingi hisobot davrining boshiga) qoldiq chiqariladi.

Xoʻjalik operatsiyalarini hisobga olish jamlanma qaydnomasi sintetik hisob registri sanaladi, uning asosida hisobot davrining oxirida mablagʻlarning va ular manbalarining mavjudligini aniqlash va moliyaviy hisobotni tuzish mumkin.

Xoʻjalik operatsiyalarini hisobga olish jamlanma qaydnomasi hisobot davri uchun ochiladi va unda hisobot davridagi operatsiyalar hisobi umumlashtiriladi. Xoʻjalik operatsiyalarini hisobga olish jamlanma qaydnomasining soʻnggi varagʻi fermer yoki qonunchilikda belgilangan tartibda u tomonidan belgilangan shaxs tomonidan imzolanadi.

Xoʻjalik operatsiyalarini hisobga olish Jamlanma qaydnomasining “Hisobvaraqning raqami va nomi” ustunida buxgalteriya hisobini yuritishda qoʻllanilgan barcha hisobvaraqlar keltiriladi va “20___ yil “___” ________dagi qoldiq” ustuniga mablagʻlar turlari va ularning manbalari boʻyicha hisobot davri boshidagi mavjud qoldiq summalari oʻtkaziladi. Aktiv hisobvaraqlarning qoldiqlari ushbu ustunning “debet” qismida, passiv hisobvaraqlar boʻyicha esa — “kredit” qismida yoziladi. Shundan soʻng, “20___ yil ______ uchun jami aylanma” ustunida shu hisobot davridagi ushbu hisobvaraqlar aylanmalarining jami yoziladi. “20___ yil “__” ______dagi qoldiq” ustunida aktivlarni, majburiyatlarni va xususiy kapitalni hisobga oluvchi hisobvaraqlarning har biri boʻyicha hisobot davrining yakunidagi mavjud qoldiq summalari aniqlanadi. “Qaydnoma nomi” ustunida esa keltirilgan hisobvaraqda hisob obyekti yuritiladigan qaydnomaning nomi koʻrsatiladi.

Xoʻjalik operatsiyalarini hisobga olish jamlanma qaydnomasida keltirilgan aktivlarni, majburiyatlarni va xususiy kapitalni hisobga oluvchi hisobvaraqlarning qoldiqlari buxgalteriya balansiga oʻtkaziladi.

Xoʻjalik operatsiyalarini hisobga olish jamlanma qaydnomasida keltirilgan hisobot davridagi daromadlar va xarajatlarni hisobga oluvchi hisobvaraqlarning aylanmasi moliyaviy natijalar toʻgʻrisidagi hisobotga oʻtkaziladi.”.

19. 44 va 45-bandlar quyidagi tahrirda bayon etilsin:

“44. Qonunchilik hujjatlarida belgilangan tartibda buxgalteriya hisobini buxgalteriya hisobining milliy standartlariga asosan yuritadigan fermer xoʻjaliklari Buxgalteriya balansi va Moliyaviy natijalar toʻgʻrisidagi hisobotlardan iborat yillik moliyaviy hisobotni hisobot yilidan keyingi yilning 1-martidan kechiktirmay, buxgalteriya hisobini moliyaviy hisobotning xalqaro standartlariga asosan yuritadigan fermer xoʻjaliklari Moliyaviy holat toʻgʻrisidagi hisobot va Foyda yoki zarar va boshqa umumlashgan daromad toʻgʻrisidagi hisobotlardan iborat yillik moliyaviy hisobotni hisobot yilidan keyingi yilning 1-mayidan kechiktirmay taqdim etadi.

45. Moliyaviy hisobotlarni taqdim qilish Moliyaviy hisobotlarni taqdim etish muddatlari hamda ularning tarkibi va mazmuni toʻgʻrisidagi nizom (roʻyxat raqami 3567, 2024-yil 4-noyabr) bilan belgilangan shakllarda va tartibda amalga oshiriladi.”.

20. 1-ilova quyidagi tahrirda bayon etilsin:

“Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 1-ILOVA

Fermer xoʻjaliklarining moliyaviy-xoʻjalik faoliyati buxgalteriya hisobi Namunaviy hisobvaraqlar rejasi

21. 2-ilovaning matnidagi “Schyot” degan soʻz “Hisobvaraq” degan soʻz bilan almashtirilsin.

22. 3-ilovaning matnidagi “Schyotning” va “Schyot” degan soʻzlar tegishli ravishda “Hisobvaraqning” va “Hisobvaraq” degan soʻzlar bilan almashtirilsin.

23. 4-ilovaning matnidagi “ijara shartnomasi boʻyicha olingan” va “schyotlar” degan soʻzlar tegishli ravishda “ijaraga olingan” va “hisobvaraqlar” degan soʻzlar bilan almashtirilsin.

24. 5-ilovaning matnidagi “schyot” degan soʻz “hisobvaraq” degan soʻz bilan almashtirilsin.

25. 6 va 7-ilovalar quyidagi tahrirda bayon etilsin:

“Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 6-ILOVA

Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 7-ILOVA

26. 8-ilovaning matnidagi “schyot” va “schyotlar” degan soʻzlar tegishli ravishda “hisobvaraq” va “hisobvaraqlar” degan soʻzlar bilan almashtirilsin.

27. 9 va 10-ilovalar quyidagi tahrirda bayon etilsin:

“Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 9-ILOVA

Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 10-ILOVA

28. 11-ilovaning matnidagi “schyot” degan soʻz “hisobvaraq” degan soʻz bilan almashtirilsin.

29. 12-ilova quyidagi tahrirda bayon etilsin:

“Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 12-ILOVA

30. 13-ilovaning matnidagi “schyot” degan soʻz “hisobvaraq” degan soʻz bilan almashtirilsin.

31. 14 — 17-ilovalar quyidagi tahrirda bayon etilsin:

“Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 14-ILOVA

* Shaxsiy jamgʻarma pensiya hisobvaragʻi (maʼlumot tariqasida)

Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 15-ILOVA

Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 16-ILOVA

Fermer xoʻjaliklarida buxgalteriya hisobining soddalashtirilgan tizimini tashkil etish toʻgʻrisidagi nizomga 17-ILOVA

32. 20-ilovaning matnidagi “schyot” degan soʻz “hisobvaraq” degan soʻz bilan almashtirilsin.

33. 21-ilovaning matnidagi “schyotlar” va “schyot” degan soʻzlar tegishli ravishda “hisobvaraqlar” va “hisobvaraq” degan soʻzlar bilan almashtirilsin.

34. 22-ilovaning matnidagi “Schyotning” degan soʻz “Hisobvaraqning” degan soʻz bilan almashtirilsin.