Oʻzbekiston Respublikasi Prezidentining 2000-yil 4-martdagi “Rangli metallar parchalari va chiqindilari oʻgʻirlanishi hamda noqonuniy chetga olib chiqib ketilishining oldini olish chora-tadbirlari toʻgʻrisida”gi PF-2559-sonli Farmoniga qoʻshimcha kiritish haqida (PF-3643-son)

05.08.2005

Oʻzbekiston Respublikasi Prezidentining

Farmoni

Respublikada akkumulyator batareyalari ishlab chiqarish uchun xomashyo bazasini kengaytirish maqsadida:

Oʻzbekiston Respublikasi Prezidentining 2000-yil 4-martdagi “Rangli metallar parchalari va chiqindilari oʻgʻirlanishi hamda noqonuniy chetga olib chiqib ketilishining oldini olish chora-tadbirlari toʻgʻrisida”gi PF-2559-sonli Farmonining 4-bandi quyidagi soʻzlar bilan toʻldirilsin: “jismoniy shaxslardan ishlatib boʻlingan (kislotali-qoʻrgʻoshinli batareyalar) akkumulyatorlarni qabul qilib olish bundan mustasno”.

Oʻzbekiston Respublikasi Prezidenti I. KARIMOV

Toshkent sh.,

2005-yil 5-avgust,

PF-3643-son