Qishloq xoʻjaligiga ishlab chiqarish-texnika xizmati koʻrsatish tizimida maʼmuriy-boshqaruv xodimlari sonini qisqartirish toʻgʻrisida (84-son)
27.02.1998
Oʻzbekiston Respublikasi Vazirlar Mahkamasining
qarori
“Oʻzqishloqxoʻjaliktaʼminottuzatish” davlat-kooperativ qoʻmitasi tizimining boshqaruv apparati tuzilmasini takomillashtirish, qishloq xoʻjaligiga ishlab chiqarish-texnika xizmati koʻrsatish sohasida noishlab chiqarish xarajatlarini qisqartirish maqsadida Vazirlar Mahkamasi qaror qiladi:
1. “Oʻzqishloqxoʻjaliktaʼminottuzatish” davlat-kooperativ qoʻmitasi va Oʻzbekiston Respublikasi Moliya vazirligining shu yil 1-martdan boshlab:
“Oʻzqishloqxoʻjaliktaʼminottuzatish” davlat-kooperativ qoʻmitasi xodimlarining cheklangan sonini 134 nafar etib belgilab (xizmat koʻrsatuvchi xodimlardan tashqari), qoʻmita markaziy apparati maʼmuriy-boshqaruv xodimlari sonini 25 foizga qisqartirish haqidagi taklifi qabul qilinsin. Apparat tuzilmasiga 1-ilovaga muvofiq rozilik berilsin;
“Agromashservis” viloyat (Qoraqalpogʻiston Respublikasi) aksiyadorlik birlashmalari maʼmuriy-boshqaruv xodimlari sonini 20 foizga;
“MTP” davlat-aksiyadorlik jamiyatlari maʼmuriy-boshqaruv xodimlari sonini 15 foizga qisqartirish haqidagi takliflari qabul qilinsin.
2. “Agromashservis” aksiyadorlik birlashmalarining va “MTP” davlat-aksiyadorlik jamiyatlarining namunaviy tuzilmalariga 2 va 3-ilovalarga muvofiq rozilik berilsin.
Vazirlar Mahkamasining 1997-yil 19-martdagi 152-son qaroriga 1a-ilova oʻz kuchini yoʻqotgan deb hisoblansin.
3. “Oʻzqishloqxoʻjaliktaʼminottuzatish” davlat-kooperativ qoʻmitasi (Olimjonov)ga:
maʼmuriy-boshqaruv xodimlari qonun hujjatlarida belgilangan tartibda qisqartirilishini taʼminlash va qoʻmitaning koʻrsatib oʻtilgan boʻlinmalari shtat jadvallariga tegishli oʻzgartirishlar kiritish;
1998-yil 15-aprelgacha barcha tarkibiy boʻlinmalarda maʼmuriy-boshqaruv apparati xodimlarini belgilangan tartibda attestatsiyadan oʻtkazish;
tarkibiy boʻlinmalar rahbarlari va mutaxassislarining Jahon iqtisodiyoti va diplomatiya universitetida, Oliy xoʻjalik sudining oʻquv markazida, Oʻzbekiston Respublikasi Makroiqtisodiyot va statistika vazirligi huzuridagi Bozor munosabatlari oʻquv-konsalting markazida kurslarda bozor iqtisodiyoti sharoitlarida xoʻjalik yuritish prinsiplari va usullariga oʻqitilishini tashkil etish topshirilsin.
4. Mazkur qarorning bajarilishini nazorat qilish Bosh vazirning birinchi oʻrinbosari I. H. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1998-yil 27-fevral.,
84-son
Vazirlar Mahkamasining 1998-yil 27-fevraldagi 84-son qaropiga 1-ILOVA
“Oʻzqishloqxoʻjaliktaʼminottuzatish” davlat-kooperativ qoʻmitasi markaziy apparatining
TUZILMASI
Jami: 134 kishi
Vazirlar Mahkamasining 1998-yil 27-fevraldagi 84-son qaropiga 2-ILOVA
“Agromashservis” viloyat aksiyadorlik birlashmalari boshqaruv apparatining
NAMUNAVIY TUZILMASI
Jami: 38 — 47 kishi
Vazirlar Mahkamasining 1998-yil 27-fevraldagi 84-son qaropiga 3-ILOVA
“MTP” davlat-aksiyadorlik jamiyati ijro etuvchi apparatining
NAMUNAVIY TUZILMASI
Jami: 28 — 32 kishi