Oʻzbekiston Respublikasi Oliy Majlisining Shimoliy Yevropa mamlakatlari parlamentlari (Finlyandiya Respublikasi, Shvetsiya Qirolligi, Daniya Qirolligi, Norvegiya Qirolligi) bilan hamkorlik boʻyicha parlamentlararo guruhini tashkil etish toʻgʻrisida (700-V-son)

24.03.2025

Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining

qoʻshma qarori

“Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi Oʻzbekiston Respublikasi Qonunining 341-moddasi va “Oʻzbekiston Respublikasi Oliy Majlisi Senatining Reglamenti toʻgʻrisida”gi Oʻzbekiston Respublikasi Qonunining 331-moddasiga muvofiq Oʻzbekiston Respublikasi Oliy Majlisi Qonunchilik palatasining Kengashi va Oʻzbekiston Respublikasi Oliy Majlisi Senatining Kengashi qaror qiladilar:

1. Oʻzbekiston Respublikasi Oliy Majlisining Shimoliy Yevropa mamlakatlari parlamentlari (Finlyandiya Respublikasi, Shvetsiya Qirolligi, Daniya Qirolligi, Norvegiya Qirolligi) bilan hamkorlik boʻyicha parlamentlararo guruhi Oʻzbekiston Respublikasi Oliy Majlisi palatalarining vakolatlari muddatiga quyidagi tarkibda tashkil etilsin:

2. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining:

2020-yil 10-iyundagi “Oʻzbekiston Respublikasi Oliy Majlisining Norvegiya Qirolligi Parlamenti (Storting) bilan hamkorlik boʻyicha parlamentlararo guruhini tashkil etish toʻgʻrisida”gi 316-IV/KQ-50-IV-sonli (Oʻzbekiston Respublikasi Oliy Majlisi palatalarining Axborotnomasi, 2020-yil, № 6, 420-modda);

2020-yil 10-iyundagi “Oʻzbekiston Respublikasi Oliy Majlisining Daniya Qirolligi Parlamenti (Folketing) bilan hamkorlik boʻyicha parlamentlararo guruhini tashkil etish toʻgʻrisida”gi 318-IV/KQ-52-IV-sonli (Oʻzbekiston Respublikasi Oliy Majlisi palatalarining Axborotnomasi, 2020-yil, № 6, 422-modda);

2020-yil 10-iyundagi “Oʻzbekiston Respublikasi Oliy Majlisining Finlyandiya Parlamenti (Eduskunta) bilan hamkorlik boʻyicha parlamentlararo guruhini tashkil etish toʻgʻrisida”gi 329-IV/KQ-63-IV-sonli (Oʻzbekiston Respublikasi Oliy Majlisi palatalarining Axborotnomasi, 2020-yil, № 6, 433-modda);

2020-yil 10-iyundagi “Oʻzbekiston Respublikasi Oliy Majlisining Shvetsiya Qirolligi Parlamenti (Riksdag) bilan hamkorlik boʻyicha parlamentlararo guruhini tashkil etish toʻgʻrisida”gi 333-IV/KQ-67-IV-sonli (Oʻzbekiston Respublikasi Oliy Majlisi palatalarining Axborotnomasi, 2020-yil, № 6, 437-modda) Qoʻshma qarorlari oʻz kuchini yoʻqotgan deb topilsin.

3. Ushbu Qoʻshma qaror Oʻzbekiston Respublikasi Tashqi ishlar vazirligiga maʼlumot uchun yuborilsin.

4. Ushbu Qoʻshma qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2025-yil 24-mart,

700-V-son

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2025-yil 24-mart,

KQ-141-V-son