Oʻzbekiston Respublikasi Vazirlar Mahkamasining “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida” 2018-yil 19-iyundagi 458-son qaroriga oʻzgartirish va qoʻshimchalar kiritish toʻgʻrisida (261-son)
25.04.2025
Oʻzbekiston Respublikasi Vazirlar Mahkamasining
Qarori
Oʻzbekiston Respublikasi Prezidentining 2024-yil 22-noyabrdagi “Teatrlarning jamiyat madaniy hayotidagi ahamiyatini oshirish va ular faoliyatini yanada qoʻllab-quvvatlash chora-tadbirlari toʻgʻrisida” PQ-399-son hamda “Madaniyat va sanʼat, axborot-kutubxona va muzeylar sohasida faoliyat olib borayotgan xodimlar ish haqi miqdorlarini oshirish toʻgʻrisida” PQ-400-son qarorlari ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Vazirlar Mahkamasining “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida” 2018-yil 19-iyundagi 458-son qaroriga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
Vazirlar Mahkamasining 2018-yil 19-iyundagi 458-son qarorini Oʻzbekiston Respublikasi Prezidentining 2024-yil 22-noyabrdagi PQ-399-son va PQ-400-son qarorlariga muvofiqlashtirish;
teatr, sirk, konsert-tomosha tashkilotlari, madaniyat markazlari, axborot-kutubxona va muzeylarda faoliyat olib borayotgan xodimlarning bazaviy lavozim maoshlari miqdorlarini belgilash.
2. Madaniyat vazirligi, Madaniy meros agentligi boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 25-aprel,
261-son
Vazirlar Mahkamasining 2025-yil 25-apreldagi 261-son qaroriga ILOVA
Oʻzbekiston Respublikasi Vazirlar Mahkamasining “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida” 2018-yil 19-iyundagi 458-son qaroriga kiritilayotgan oʻzgartirish va qoʻshimchalar
1. 1-bandning beshinchi xatboshisi quyidagi mazmundagi beshinchi — sakkizinchi xatboshilar bilan almashtirilsin:
“Bunda:
mazkur qaror bilan bazaviy lavozim maoshlari miqdori tasdiqlangan teatrlar xodimlariga Oʻzbekiston Respublikasi Prezidentining “Respublika teatrlari artistlarining mehnatiga haq toʻlash shartlarini yaxshilash toʻgʻrisida” 1993-yil 3-dekabrdagi PF-692-son Farmoni bilan belgilangan har oylik ustama haqlari tatbiq etilmaydi;
mazkur qarorning 1a, 2a, 3a, 4a, 6a, 7a, 8a, 9a va 10a-ilovalari bilan tasdiqlangan davlat madaniyat muassasalari xodimlari mehnatiga haq toʻlash boʻyicha bazaviy lavozim maoshlari miqdorlarini belgilash boʻyicha koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-399-son qaroriga asosan “Qoraqalpogʻiston sanʼat saroyi” davlat muassasasiga hamda Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi;
mazkur qarorning 1a, 2a, 3a, 4a, 6a, 7a, 8a, 9a va 10a-ilovalarida keltirilmagan davlat madaniyat muassasalari xodimlari mehnatiga haq toʻlash boʻyicha bazaviy lavozim maoshlari miqdorlari Davlat budjeti hisobidan 2025-yil 1-yanvardan boshlab — 20 foizga, 2025-yil 1-iyuldan boshlab yana — 15 foizga oshirilgan holda qoʻllanadi.”.
2. Quyidagi mazmundagi 1a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 1a-ILOVA
Sirk va teatrlarning maʼmuriy-boshqaruv va badiiy-rahbar xodimlarining mehnatiga haq toʻlash boʻyicha bazaviy lavozim maoshlari miqdorlarini belgilash boʻyicha
koeffitsiyentlar
Izoh.
1. Milliy va akademik maqomidagi davlat teatrlari maʼmuriy-boshqaruv hamda badiiy-rahbar xodimlarining mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 1,5 koeffitsiyentga oshirilgan holda belgilanadi.
2. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.
3. Quyidagi mazmundagi 2a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 2a-ILOVA
Teatrlar artist xodimlarining mehnatiga haq toʻlash boʻyicha bazaviy lavozim maoshlari miqdorlarini belgilash boʻyicha
koeffitsiyentlar
Izoh.
1. Milliy va akademik maqomga ega davlat teatrlari artist xodimlari mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 1,5 koeffitsiyentga, shuningdek, mehnatga haq toʻlash boʻyicha I guruhga tegishli teatrlar xodimlari 1,17 koeffitsiyentga oshirilgan holda belgilanadi.
2. “Diydor” yoshlar eksperimental teatr-studiyasi” davlat muassasasi pedagog xodimlarining bazaviy lavozim maoshlari miqdorlari (soatbay toʻlash shartlarida jalb qilinadigan ishlardan tashqari) oliy taʼlim muassasalarining professor-oʻqituvchilari uchun mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari mehnatiga haq toʻlash II guruh boʻyicha qoʻllanadi.
3. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.
4. Quyidagi mazmundagi 3a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 3a-ILOVA
Konsert tashkilotlari va saroylari (teatr-konsert saroyi) maʼmuriy-boshqaruv va badiiy-rahbar xodimlarining mehnatiga haq toʻlash boʻyicha bazaviy lavozim maoshlari miqdorlarini belgilash boʻyicha
koeffitsiyentlar
Izoh.
1. Oʻzbekiston davlat simfonik orkestri maʼmuriy-boshqaruv va badiiy-rahbar xodimlarining mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 4 koeffitsiyentga oshirilgan holda belgilanadi.
2. Oʻzbekiston Milliy simfonik orkestri badiiy-rahbar xodimlarining mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 4,0 koeffitsiyentga oshirilgan holda belgilanadi.
3. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.
5. Quyidagi mazmundagi 4a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 4a-ILOVA
Konsert tashkilotlari, musiqa va raqs jamoalari, shuningdek, sirklardagi artist xodimlarining mehnatiga haq toʻlash boʻyicha bazaviy lavozim maoshlari miqdorlarini belgilash boʻyicha
koeffitsiyentlar
Izoh.
* Oʻzbekiston davlat simfonik orkestrining oliy toifali, birinchi toifali orkestr artistlari boʻyicha mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 5 koeffitsiyentga, ikkinchi toifali, toifasiz orkestr artistlari boʻyicha mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 3 koeffitsiyentga oshirilgan holda belgilanadi.
** Yirtqich hayvonlarni oʻrgatuvchi artistlarning tegishli toifasi boʻyicha mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 1,05 koeffitsiyentga oshirilgan holda belgilanadi.
1. Oʻzbekiston Milliy simfonik orkestrining oliy va birinchi toifali artistlari uchun mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 4,0 koeffitsiyentga, ikkinchi toifali va toifasiz artistlari uchun — 3,0 koeffitsiyentga oshirilgan holda belgilanadi.
2. Oʻzbekiston davlat filarmoniyasi ijodiy jamoalari, Oʻzbekiston davlat simfonik orkestri xor artistlari, Mukarrama Turgʻunboyeva nomidagi “Bahor” davlat raqs ansambli va Oʻzbekiston Respublikasi Qurolli Kuchlari markaziy ashula va raqs ansamblining artist xodimlari mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 1,17 koeffitsiyentga oshirilgan holda belgilanadi.
3. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.
6. Quyidagi mazmundagi 6a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 6a-ILOVA
Davlat muzeylari, muzey-qoʻriqxonalari, uy-muzeylari va boshqa muzey turidagi tashkilotlardagi maʼmuriy-boshqaruv xodimlarining mehnatiga haq toʻlash boʻyicha bazaviy lavozim maoshlari miqdorlarini belgilash boʻyicha
koeffitsiyentlar
Izoh.
1. Maʼmuriy-boshqaruv xodimlarining mehnatga haq toʻlashning eng kam miqdoriga nisbatan koeffitsiyent hisobida hisoblanadigan bazaviy lavozim maoshlari miqdorlari:
fan doktori ilmiy darajasiga yoki fan doktori (Doctor of Science) yoki xorijiy davlatlarning ularga tenglashtirilgan boshqa ilmiy darajalarga ega boʻlganlarga — 2,5 koeffitsiyentga oshirilgan holda belgilanadi;
fan nomzodi ilmiy darajasiga yoki falsafa doktori (PhD) yoki xorijiy davlatlarning ularga tenglashtirilgan boshqa ilmiy darajalarga ega boʻlganlarga — 2 koeffitsiyentga oshirilgan holda belgilanadi.
2. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.
7. Quyidagi mazmundagi 7a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 7a-ILOVA
Davlat muzeylari, muzey-qoʻriqxonalari, uy-muzeylari va boshqa muzey turidagi tashkilotlar ijodiy xodimlari va mutaxassislarining mehnatiga haq toʻlash boʻyicha bazaviy lavozim maoshlarining miqdorlarini belgilash boʻyicha
koeffitsiyentlar
Izoh.
1. Ijodiy xodimlar va mutaxassislarning mehnatga haq toʻlashning eng kam miqdoriga nisbatan koeffitsiyent hisobida hisoblanadigan bazaviy lavozim maoshlari miqdorlari:
Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi va hududlardagi oliy taʼlim muassasalari tuzilmasidagi “Qatagʻon qurbonlari xotirasi” muzeylari, Oʻzbekiston davlat sanʼat muzeyi, “Samarqand” davlat muzey-qoʻriqxonasi, “Buxoro” davlat muzey-qoʻriqxonasi, “Ichan qalʼa” davlat muzey-qoʻriqxonasi, I. Savitskiy nomidagi Qoraqalpogʻiston Respublikasi davlat sanʼat muzeyi, Oʻzbekiston davlat tabiat muzeyi, Oʻzbekiston amaliy sanʼat va hunarmandchilik tarixi davlat muzeyi, Fanlar akademiyasi muzeylarida mehnatga haq toʻlashning eng kam miqdoriga nisbatan koeffitsiyent hisobida hisoblanadigan bazaviy lavozim maoshlari miqdorlari 1,17 koeffitsiyentga oshirilgan holda;
viloyatlardagi tarix va madaniyat davlat muzeylarida mehnatga haq toʻlashning eng kam miqdoriga nisbatan koeffitsiyent hisobida hisoblanadigan bazaviy lavozim maoshlari miqdorlari — 1,08 koeffitsiyentga oshirilgan holda;
fan doktori ilmiy darajasiga yoki fan doktori (Doctor of Science) yoki xorijiy davlatlarning unga tenglashtirilgan boshqa ilmiy darajalarga ega boʻlganlarga — 2,5 koeffitsiyentga oshirilgan holda;
fan nomzodi ilmiy darajasiga yoki falsafa doktori (PhD) yoki xorijiy davlatlarning unga tenglashtirilgan boshqa ilmiy darajalarga ega boʻlganlarga — 2 koeffitsiyentga oshirilgan holda belgilanadi.
2. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.
8. Quyidagi mazmundagi 8a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 8a-ILOVA
Madaniy-maʼrifiy muassasalarning maʼmuriy-boshqaruv xodimlarining mehnatiga haq toʻlash boʻyicha bazaviy lavozim maoshlari miqdorlarini belgilash boʻyicha
KOEFFITSIYENTLAR
Izoh.
1. Madaniy-maʼrifiy muassasalarga koʻrgazmalar, rasm va fotogalereyalar, kutubxonalar (axborot-resurs markazlari, shu jumladan, koʻzi ojizlar uchun, axborot-kutubxona markazlari) kiradi.
2. Bosh buxgalter oʻrinbosarlarining mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari bosh buxgalterning bazaviy lavozim maoshlari miqdoridan 5 foizga kam belgilanadi.
3. Alisher Navoiy nomidagi Oʻzbekiston milliy kutubxonasi — axborot-resurs markazi maʼmuriy-boshqaruv xodimlarining mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari I guruh mehnatga haq toʻlashga nisbatan 1,17 koeffitsiyentga oshirilgan, Respublika yigʻma elektron katalogi markazida mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari esa I guruh mehnatiga haq toʻlashga nisbatan — 1,08 koeffitsiyentga oshirilgan holda belgilanadi;
4. Qoraqalpogʻiston Respublikasi, Andijon, Buxoro, Namangan, Samarqand, Toshkent, Fargʻona, Xorazm viloyatlari va Toshkent shahar axborot-kutubxona markazlari boʻlim mudirlari (boshliqlari)ning mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari II guruh mehnatga haq toʻlashga nisbatan 1,08 koeffitsiyentga oshirilgan holda belgilanadi.
5. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.
9. Quyidagi mazmundagi 9a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 9a-ILOVA
Madaniy-maʼrifiy muassasalarning ijodiy va boshqa xodimlarining mehnatiga haq toʻlash boʻyicha bazaviy lavozim maoshlari miqdorlarini belgilash boʻyicha
KOEFFITSIYENTLAR
Izoh.
1. Madaniy-maʼrifiy muassasalarga koʻrgazmalar, rasm va fotogalereyalari, kutubxonalar (axborot-resurs markazlari, shu jumladan, koʻzi ojizlar uchun axborot-kutubxona markazlari) kiradi.
2. Ijodiy xodimlarning mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari:
Alisher Navoiy nomidagi Oʻzbekiston Milliy kutubxonasi — axborot-resurs markazida 1,17 koeffitsiyentga;
Oʻzbekiston Respublikasi Madaniyat vazirligining Respublika markaziy koʻzi ojizlar uchun kutubxonasi, Oʻzbekiston Respublikasi Vazirlar Mahkamasi huzuridagi Madaniyat va sanʼatni rivojlantirish jamgʻarmasining Respublika bolalar kutubxonasi, Qoraqalpogʻiston Respublikasi, viloyatlar va Toshkent shahar “Bolalar kutubxonalari”, Oliy va oʻrta maxsus taʼlim vazirligining Respublika ilmiy-pedagogika kutubxonasi, Sogʻliqni saqlash vazirligining Davlat ilmiy-tibbiyot kutubxonasi, Fanlar akademiyasining fundamental kutubxonasi, Alisher Navoiy nomidagi Oʻzbekiston Milliy kutubxonasining Respublika yigʻma elektron katalogi markazi, Oʻzbekiston Badiiy akademiyasining Badiiy koʻrgazmalar direksiyasi, shuningdek, Qoraqalpogʻiston Respublikasi, Andijon, Buxoro, Namangan, Samarqand, Toshkent, Fargʻona va Xorazm viloyatlari hamda Toshkent shahri axborot-kutubxona markazlarida — 1,08 koeffitsiyentga oshirilgan holda belgilanadi.
3. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.
10. Quyidagi mazmundagi 10a-ilova bilan toʻldirilsin:
“Vazirlar Mahkamasining 2018-yil 19-iyundagi 458-son qaroriga 10a-ILOVA
Madaniyat markazlari xodimlarining mehnatiga haq toʻlash boʻyicha bazaviy lavozim maoshlarining miqdorlarini belgilash boʻyicha
KOEFFITSIYENTLAR
Izoh.
* Koʻrsatilgan lavozimlarning oliy maʼlumotli xodimlariga mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 1,08 koeffitsiyentga oshirilgan holda belgilanadi.
1. Koʻrsatilgan lavozimlarning mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari madaniyat markazlari huzuridagi xalq teatrlari va havaskorlik jamoalariga nisbatan tatbiq etiladi.
2. Mazkur koeffitsiyentlar Oʻzbekiston Respublikasi Prezidentining 2024-yil 22-noyabrdagi PQ-400-son qarori bilan tasdiqlangan Xodimlarining ish haqi miqdorlari oshirilayotgan davlat madaniyat muassasalari va tashkilotlari roʻyxatida nazarda tutilgan davlat madaniyat muassasalari va tashkilotlariga nisbatan tatbiq etiladi.”.