Boʻsh turgan davlat koʻchmas mulk obyektlarini xatlovdan oʻtkazish va ulardan samarali foydalanishni tashkil etish chora-tadbirlari toʻgʻrisida (247-son)

21.04.2025

Oʻzbekiston Respublikasi Vazirlar Mahkamasining

qarori

Davlat koʻchmas mulk obyektlaridan samarali foydalanishni tashkil etishda ularni xatlovdan oʻtkazish hamda xatlov ishlarini tashkil etishda axborot-kommunikatsiya texnologiyalarini joriy etish maqsadida Vazirlar Mahkamasi qaror qiladi:

1. Quyidagilar:

a) Oʻzbekiston Respublikasining “Davlat mulkini boshqarish toʻgʻrisida”gi Qonunining 22-moddasiga asosan Oʻzbekiston Respublikasi Davlat aktivlarini boshqarish agentligi (keyingi oʻrinlarda — Davlat aktivlari agentligi):

davlat mulkini boshqarish sohasida yagona davlat siyosatini amalga oshirishi;

davlat muassasalarining, shu jumladan davlat organlarining va mahalliy davlat hokimiyati organlarining davlat mulkini boshqarish sohasidagi faoliyatini muvofiqlashtirishi;

davlat muassasalariga operativ boshqaruv huquqi asosida berilgan davlat mulkining ortiqcha qismini, shuningdek, foydalanilmayotgan yoki lozim darajada foydalanilmayotgan davlat mulkini olib qoʻyish toʻgʻrisida qaror qabul qilishi;

b) respublika va mahalliy ijro etuvchi hokimiyat organlarining, davlat ulushi 50 foiz va undan yuqori boʻlgan xoʻjalik jamiyatlarining maʼmuriy binolarida xodimlarni joylashtirish meʼyorlari tasdiqlanganligi;

v) maʼmuriy binolarda xodimlarni joylashtirish meʼyorlaridan kelib chiqqan holda, Davlat aktivlari agentligiga respublika va mahalliy ijro etuvchi hokimiyat organlarini samarali joylashtirish boʻyicha qarorlar qabul qilish vakolati berilganligi maʼlumot uchun qabul qilinsin.

2. Quyidagilarni nazarda tutuvchi Boʻsh turgan davlat koʻchmas mulk obyektlarini xatlovdan oʻtkazish va ulardan samarali foydalanishni tashkil etish tartibi toʻgʻrisidagi nizom ilovaga muvofiq tasdiqlansin:

xatlovni oʻtkazishning birlamchi maʼlumotlarini shakllantirish uchun tegishli davlat organlari va tashkilotlarining axborot tizimlaridan onlayn axborot almashinuvi orqali real vaqt rejimida maʼlumotlarni olgan holda tahlil qilish;

tahlil natijasida shakllangan davlat koʻchmas mulk obyektlari asosida Davlat aktivlari agentligi huzuridagi Davlat mulki obyektlaridan samarali foydalanish markazi tomonidan obyektni joyiga chiqqan holda xatlovdan oʻtkazish;

boʻsh turgan davlat koʻchmas mulk obyektlari (keyingi oʻrinlarda — boʻsh turgan bino) toʻgʻrisidagi maʼlumotlarni “Inventarizatsiya” mobil ilovasi orqali real vaqt rejimida “Davlat mulki” axborot tizimiga (keyingi oʻrinlarda — “Davlat mulki” AT) kiritish;

“Davlat mulki” AT orqali boʻsh turgan binolarning hisobini yuritish;

boʻsh turgan binolardan samarali foydalanish mezonlarini belgilash.

3. Belgilansinki:

boʻsh turgan binolar birinchi navbatda ommaviy savdolarga chiqarilishi uchun xususiylashtirish dasturiga kiritiladi. Bunda davlat tashkilotlari boʻsh turgan binoni oʻzida “sot yoki tushuntir” tamoyili boʻyicha saqlab qoladi;

uch oydan ortiq boʻsh turgan binolar balansda saqlovchilar bilan kelishilmagan holda (ijtimoiy soha obyektlari ushbu yoʻnalish boʻyicha) ijaraga berish uchun “E-auksion” elektron savdo platformasidagi elektron onlayn-auksion savdolariga chiqariladi, maxfiylikning alohida tartibi tatbiq etiladigan davlat mulkining, shu jumladan, harbiy va maxsus maqsadlar uchun moʻljallangan alohida tartibga va alohida muhim, muayyan tartibga boʻysunuvchi hamda davlat siri bilan bogʻliq, shuningdek, foydalanishga yaroqsiz hisoblangan, davlat-xususiy sheriklik asosida berilishi belgilangan hamda qurilishi tugallanmagan obyektlar bundan mustasno;

respublika va mahalliy ijro etuvchi hokimiyat organlari hamda davlat koʻchmas mulk obyektlaridan tekin foydalanish huquqi asosida foydalanayotgan nodavlat notijorat tashkilotlarining xodimlari maʼmuriy binolarda xodimlarni joylashtirish meʼyorlariga asosan joylashtiriladi;

davlat koʻchmas mulk obyektlarini tekin foydalanishga berish boʻyicha shartnomalar, shuningdek, ularni ijaraga yoki tekin foydalanishga berish boʻyicha tuzilgan shartnomalarga oʻzgartirish va qoʻshimchalar kiritish yoki ularni bekor qilish faqatgina “online-ijara.uz” axborot tizimi orqali amalga oshiriladi, bunda tuzilgan tekin foydalanish shartnomalari “online-ijara.uz” axborot tizimida roʻyxatdan oʻtkaziladi.

4. Respublika va mahalliy ijro etuvchi hokimiyat organlari:

bir oy muddatda davlat koʻchmas mulk obyektlaridan tekin foydalanish boʻyicha rasmiylashtirilgan shartnomalar “online-ijara.uz” axborot tizimida qayta roʻyxatdan oʻtkazilishini;

maʼmuriy binolarga xodimlarni joylashtirish meʼyorlaridan kelib chiqqan holda, tizimidagi tashkilotlarning maʼmuriy binolarini oʻrganish, tahlil qilish va ulardan samarali foydalanish choralari koʻrilishini taʼminlasin.

5. Nodavlat notijorat tashkilotlariga bir oy muddatda davlat mulkidan tekin foydalanish boʻyicha rasmiylashtirilgan shartnomalarni “online-ijara.uz” axborot tizimida qayta roʻyxatdan oʻtkazish tavsiya etilsin.

6. Davlat aktivlari agentligi manfaatdor vazirlik va idoralar bilan birgalikda uch oy muddatda:

“online-ijara.uz” axborot tizimini “property.davaktiv.uz” axborot tizimi bilan integratsiya qilinishini taʼminlasin;

qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

7. Oʻzbekiston Respublikasi Hukumatining 2-ilovaga muvofiq ayrim hujjatlariga quyidagilarni nazarda tutuvchi oʻzgartirish va qoʻshimchalar kiritilsin:

davlat mulkini xususiylashtirish boʻyicha savdolarni oshkora va shaffof mexanizmlar orqali tashkil etishni yanada takomillashtirish;

elektron onlayn-auksion savdolarida ishtirok etish uchun davlat mulkining boshlangʻich narxlariga bogʻliq ravishda zakalat miqdorini belgilash;

elektron onlayn-auksion savdolarida turgan maydoni kichik boʻlgan yonma-yon turgan yer uchastkalari shaharsozlik normalaridan kelib chiqqan holda birlashtirilib qoʻshimcha kelishuvlarsiz qayta auksion savdolariga chiqarish;

xususiylashtirish sohasidagi qonunchilik hujjatlarini tizimlashtirish.

8. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish Oʻzbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 21-aprel,

247-son

Vazirlar Mahkamasining 2025-yil 21-apreldagi 247-son qaroriga 1-ILOVA

Boʻsh turgan davlat koʻchmas mulk obyektlarini xatlovdan oʻtkazish va ulardan samarali foydalanishni tashkil etish tartibi toʻgʻrisidagi

NIZOM

1-bob. Umumiy qoidalar

1. Ushbu Nizom noturar boʻlgan boʻsh turgan davlat koʻchmas mulk obyektlarini aniqlash va xatlovdan oʻtkazish, xatlov natijalarini rasmiylashtirish, boʻsh turgan davlat koʻchmas mulk obyektlaridan samarali foydalanish mezonlari va ulardan samarali foydalanishni tashkil etish tartibini belgilaydi.

Ushbu Nizom Oʻzbekiston Respublikasining chet elda joylashgan davlat koʻchmas mulk obyektlariga, oʻta muhim va toifalangan obyektlarga nisbatan tatbiq etilmaydi.

2. Mazkur Nizomda quyidagi asosiy tushunchalardan foydalaniladi:

ijtimoiy soha obyekti — davlat maktabgacha taʼlim, umumiy oʻrta va oʻrta maxsus taʼlim, professional va oliy taʼlim, teatr va konsert-tomosha muassasalarining ommaviy-madaniy hamda konsert-tomosha tadbirlari oʻtkaziladigan obyektlari, sogʻliqni saqlash, sport, madaniyat va kinolashtirish muassasalarining davlat koʻchmas mulk obyektlari (ushbu sohadagi davlat tashkilotlarining maʼmuriy binolari bundan mustasno);

davlat tashkiloti — davlat organi yoki davlat muassasasi.

3. Boʻsh turgan davlat koʻchmas mulk obyektlarini xatlovdan oʻtkazish va ulardan samarali foydalanish ushbu Nizomga ilovaga muvofiq sxemaga asosan tashkil etiladi.

2-bob. Davlat koʻchmas mulk obyektini xatlovdan oʻtkazish

4. Oʻzbekiston Respublikasi Davlat aktivlarini boshqarish agentligi huzuridagi Davlat mulki obyektlaridan samarali foydalanish markazi (keyingi oʻrinlarda — Markaz) xatlovni oʻtkazishning birlamchi maʼlumotlarini shakllantirish uchun onlayn axborot almashinuvi orqali real vaqt rejimida quyidagi davlat organlarining axborot tizimlaridan maʼlumotlarni oladi:

Adliya vazirligidan — davlat roʻyxatidan oʻtgan yuridik shaxslarning hamda tugatilgan davlat tashkilotlarning nomi va rasmiy yuridik manzili;

Kambagʻallikni qisqartirish va bandlik vazirligidan — davlat tashkilotlarining lavozim boʻyicha shtat jadvali hamda ularning amaldagi maʼmuriy-boshqaruv xodimlari va texnik xodimlari soni;

Iqtisodiyot va moliya vazirligidan — budjetdan moliyalashtiriladigan davlat tashkilotlarining lavozim boʻyicha shtat jadvali, hududlarni rivojlantirish hamda davlat-xususiy sheriklik dasturlariga kiritilgan obyektlar nomi, manzili va balansda saqlovchilari;

Kadastr agentligidan — davlat koʻchmas mulk obyektlarining oʻlchamlari, toifasi, turi (liter) va geolokatsiyasi;

Madaniy meros agentligidan — davlat koʻchmas mulk obyekti hisoblangan moddiy madaniy meros obyektlarining nomi, manzili va balansda saqlovchilari;

Qurilish va uy-joy kommunal xoʻjaligi vazirligidan — qurilish ishlari tugallanmagan davlat obyektlarining nomi, manzili hamda qurilishga ruxsat berilgan sanasi va yakunlash muddati;

Soliq qoʻmitasidan — ijara shartnomasiga asosan ijaraga berilgan davlat koʻchmas mulk obyektlari nomi, manzili va balansda saqlovchilari;

Sanoat, radiatsiya va yadro xavfsizligi qoʻmitasidan — davlat mulkida boʻlgan xavfli ishlab chiqarish koʻchmas mulk obyektlarining nomi, manzili va balansda saqlovchilari;

Favqulodda vaziyatlar vazirligidan — davlat mulkida boʻlgan fuqaro muhofazasi obyektlarining nomi, manzili va balansda saqlovchilari;

Majburiy ijro byurosidan — davlat koʻchmas mulk obyektlariga nisbatan taqiqning (cheklov)ning mavjudligi.

5. Boʻsh turgan davlat koʻchmas mulk obyektini tahlil qilish jarayonida tegishli davlat tashkilotlari Markazga maʼlumotlarni real vaqt rejimida bepul taqdim etadi.

Markaz boʻsh turgan davlat koʻchmas mulk obyektlarini tahlil qilish jarayonida tegishli davlat tashkilotlaridan qoʻshimcha maʼlumotlarni soʻrab olishi mumkin, bunda davlat tashkilotlari soʻralgan maʼlumotlarni real vaqt rejimida taqdim etishi shart.

6. Markaz va uning hududiy boshqarmalari tomonidan Davlat aktivlarini boshqarish agentligining (keyingi oʻrinlarda — Davlat aktivlari agentligi) “property.davaktiv.uz” axborot tizimiga (keyingi oʻrinlarda — “property.davaktiv.uz” AT) kiritilgan davlat koʻchmas mulk obyektlari boʻyicha masʼuliyatlar ushbu Nizomning 4-bandida keltirilgan tashkilotlardan olingan maʼlumotlar asosida tahlil qilinadi.

7. Tahlil natijasida Markaz va uning hududiy boshqarmalari Davlat aktivlari agentligining “Davlat mulki” axborot tizimida (keyingi oʻrinlarda — “Davlat mulki” AT) quyidagilarni aniqlaydi:

xodimlarning belgilangan meʼyorlarga muvofiq joylashtirilganligi va meʼyorga asosan ortiqcha maydonlarning oʻlchamini;

davlat koʻchmas mulk obyektlaridan foydalanishda ijara yoki tekin foydalanish shartnomalarining mavjudligi hamda ularning belgilangan tartibda tuzilganligini;

obyektning toifasi va turlari (literlari)ning nomma-nom tahlilini;

ijtimoiy soha, oʻta muhim va toifalangan obyektlar jumlasiga kirishini;

bitta manzilda davlat roʻyxatidan oʻtgan yuridik shaxslarning mavjudligini.

8. Davlat koʻchmas mulk obyektlari Markaz va uning hududiy boshqarmalari tomonidan xatlovdan oʻtkazish boʻyicha roʻyxat shakllantirilgandan soʻng bir oy muddatda ushbu roʻyxat asosida joyiga chiqqan holda “Davlat mulki” ATga tegishli maʼlumotlarni kiritish orqali xatlovdan oʻtkaziladi.

Bunda mazkur Nizomning 4-bandi boʻyicha qoʻshimcha davlat koʻchmas mulk obyektlari aniqlanib, xatlovdan oʻtkazish zarurati mavjud boʻlganda, obyekt joyiga chiqqan holda xatlovdan oʻtkaziladi.

9. Markaz va uning hududiy boshqarmalari xatlov natijasida aniqlangan boʻsh turgan davlat koʻchmas mulk obyektlari toʻgʻrisida quyidagi maʼlumotlarni “Inventarizatsiya” mobil ilovasi orqali “Davlat mulki” ATga real vaqt rejimida kiritadi:

a) obyekt boʻyicha:

balansda saqlovchi;

kadastr raqami;

manzili;

umumiy yer maydoni;

obyektning umumiy (qurilish osti) maydoni, shundan boʻsh turgan maydoni;

boʻsh turgan obyektning nomi (literlari);

ijtimoiy soha obyekti toifasiga kirishi yoki kirmasligi;

fotosuratlari;

geolokatsiyasi;

servitut mavjudligi;

boʻsh turganligi boʻyicha onlayn dalolatnoma, bunda balansda saqlovchi kelishishdan bosh tortganda, bosh tortganligi toʻgʻrisida belgi kiritiladi;

b) obyektdan samarali foydalanish boʻyicha:

boʻsh turgan davlat koʻchmas mulk obyektining Oʻzbekiston Respublikasi Prezidenti, Vazirlar Mahkamasi, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari tomonidan tasdiqlangan hududlarni yoki tarmoqlarni rivojlantirish boʻyicha dastur yoki qarorlarda (tarmoq jadvalida), davlat-xususiy sheriklik dasturida mavjud yoki mavjud emasligi;

Oʻzbekiston Respublikasi Prezidenti, Vazirlar Mahkamasi, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari hamda Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasining boʻsh turgan davlat koʻchmas mulk obyektlarini xususiylashtirish yoki kelgusida ulardan samarali foydalanish boʻyicha qarorlarida mavjud yoki mavjud emasligi;

boʻsh turgan davlat koʻchmas mulk obyekti xususiylashtirilmaydigan obyektlar toifasiga kirishi yoki kirmasligi;

boʻsh turgan davlat koʻchmas mulk obyektiga nisbatan taqiq (cheklov)ning mavjud yoki mavjud emasligi.

10. Markaz va uning hududiy boshqarmalari “Davlat mulki” ATda boʻsh turgan davlat koʻchmas mulk obyektlarining hisobini yuritish sohasida quyidagilarni amalga oshiradi:

a) toifalarga ajratish boʻyicha:

boʻsh turgan;

meʼyorga asosan ortiqcha maydon aniqlangan;

qurilishi tugallanmagan (bir yildan ortiq muddatda);

b) samarali foydalanish choralari koʻrilganligi boʻyicha:

rivojlantirish dasturlariga kiritilgan;

ommaviy savdolar orqali sotilishi belgilangan;

davlat-xususiy sheriklik dasturiga kiritilgan;

ijaraga berish uchun ommaviy savdolarga chiqarilishi belgilangan.

11. Markaz aniqlangan boʻsh turgan davlat koʻchmas mulk obyektlari (obyekt nomi, manzili, maydoni va balansda saqlovchisi) toʻgʻrisidagi maʼlumotlarni xatlov yakunlangandan soʻng oʻn kun muddatda oʻzining rasmiy veb-saytida eʼlon qiladi.

3-bob. Boʻsh turgan davlat koʻchmas mulk obyektidan samarali foydalanishni tashkil etish mezonlari

12. Boʻsh turgan davlat koʻchmas mulk obyektlaridan samarali foydalanish quyidagi tartibda tashkil etiladi:

a) birinchi navbatda obyekt ommaviy savdolarga chiqarilishi uchun xususiylashtirish dasturiga kiritiladi. Bunda:

davlat tashkilotlari boʻsh turgan davlat koʻchmas mulk obyektlarini “sot yoki tushuntir” tamoyili boʻyicha saqlab qoladi;

quyidagi talablarning biriga yoki bir nechtasiga mos kelganda boʻsh turgan davlat koʻchmas mulk obyektlari xususiylashtirish dasturlariga kiritilmasligi mumkin:

davlat mulkini boshqarish toʻgʻrisidagi qonunchilikda nazarda tutilgan xususiylashtirilmaydigan davlat koʻchmas mulki obyekti boʻlganda;

obyektni yaxlit holda ajratib olish imkoniyati mavjud boʻlmaganda;

hududlarni yoki tarmoqlarni rivojlantirish boʻyicha dastur yoki qarorlarga kiritilgan taqdirda;

b) quyidagi holatlarda obyektlar balansda saqlovchilar bilan kelishilmagan holda, ijaraga berish uchun “E-auksion” elektron savdo platformasidagi elektron onlayn-auksion savdolariga (ushbu kichik bandning toʻrtinchi-beshinchi xatboshilaridagi holatlarda ijtimoiy soha obyektlari boʻlganda ushbu yoʻnalish boʻyicha) chiqariladi:

amalda xususiylashtirish dasturlariga kiritilib, uch oydan ortiq muddatda sotilmasdan turganda;

hududlarni yoki tarmoqlarni rivojlantirish boʻyicha dastur yoki qarorlarga kiritilgan taqdirda;

mahallalarda tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchilari hamda jismoniy shaxslarning obyektni ijaraga berish uchun elektron onlayn-auksion savdolariga chiqarish toʻgʻrisidagi buyurtmanomalari berilganda;

balansda saqlovchi boʻsh turganligi aniqlangan obyektdan uch oy muddatda samarali foydalanish choralarini koʻrmagan taqdirda.

Bunda:

Markaz va uning hududiy boshqarmalari tomonidan ushbu kichik bandning ikkinchi va uchinchi xatboshisidagi holatlarda xususiylashtirilgunga yoki taʼmirlash boshlangunga qadar ijaraga berish muddatlari belgilanadi;

qolgan holatlarda ijaraga berish muddatlari balansda saqlovchining taklifiga asosan Markaz va uning hududiy boshqarmalari tomonidan belgilanadi, Markazning soʻroviga asosan besh kun ichida javob berilmagan taqdirda, Markaz va uning hududiy boshqarmalari uch yil muddatgacha ijaraga berish muddatini mustaqil belgilaydi;

mazkur kichik bandning beshinchi xatboshisidagi holatda davlat koʻchmas mulk obyekti boʻsh turganligi toʻgʻrisida dalolatnoma rasmiylashtirilgan boʻlishi hamda boʻsh turgan davlat koʻchmas mulk obyekti toʻgʻrisidagi maʼlumot Markazning veb-saytida eʼlon qilingan kundan boshlab, balansda saqlovchi tomonidan uch oy ichida obyektdan samarali foydalanilgani toʻgʻrisida tasdiqlovchi hujjatlarni fotosuratlari bilan birga Markaz va (yoki) uning hududiy boshqarmalariga taqdim etmagan boʻlishi lozim.

13. Quyidagi hollarda boʻsh turgan davlat koʻchmas mulk obyektlari ijaraga berish uchun “E-auksion” elektron savdo platformasida elektron onlayn-auksion savdolariga chiqarilmaydi:

davlat-xususiy sheriklik asosida berilishi belgilanganda, davlat sherigi tomonidan ijaraga berish tashabbusini bildirgan hollar bundan mustasno;

maxfiylikning alohida tartibi tatbiq etiladigan davlat mulkining, shu jumladan, harbiy va maxsus maqsadlar uchun moʻljallangan alohida tartibga va alohida muhim, muayyan tartibga boʻysunuvchi hamda davlat siri bilan bogʻliq davlat koʻchmas mulk obyektlari boʻlganda;

Markaz va uning hududiy boshqarmalari tomonidan vizual koʻrikdan oʻtkazish jarayonida obyekt foydalanishga yaroqsiz holatda boʻlganda, bunda Markazning hududiy boshqarmalari boʻsh turgan davlat koʻchmas mulk obyektining foydalanishga yaroqsizligi toʻgʻrisidagi vakolatli organning xulosasi belgilangan tartibda olinadi;

qurilishi tugallanmagan obyekt boʻlganda.

14. Davlat tashkilotlarining xodimlari maʼmuriy binolarga xodimlarni joylashtirish meʼyorlariga asosan joylashtiriladi, sud, Qurolli Kuchlar, huquqni muhofaza qiluvchi organlar va ularning tizimidagi tashkilotlar va ijtimoiy soha tashkilotlarining binolari bundan mustasno.

Davlat aktivlari agentligi tomonidan belgilangan meʼyorlardan ortiqcha maydonga ega boʻlgan davlat tashkilotlariga oʻn kun muddatda xodimlarni belgilangan meʼyorlar boʻyicha joylashtirish hamda boʻshagan maydonlarni (literlar yoki xonalar kesimida roʻyxat) taqdim etish boʻyicha ogohlantirish yuboriladi.

Belgilangan muddatda ogohlantirish ijrosi toʻliq taʼminlanmagan taqdirda, Davlat aktivlari agentligi davlat tashkilotlarining maʼmuriy binolariga xodimlarni joylashtirish meʼyorlariga asosan samarali joylashtirish boʻyicha qaror qabul qiladi.

Tegishli davlat tashkilotlari Davlat aktivlari agentligi tomonidan qabul qilingan qaror ijrosini oʻn ish kuni ichida taʼminlashi shart.

15. Jismoniy va nodavlat yuridik shaxslarning murojaatlariga asosan boʻsh turgan davlat koʻchmas mulk obyekti qonunchilikda belgilangan tartibda ishonchli boshqaruvga yoki davlat-xususiy sheriklikka berilishi mumkin.

16. Balansda saqlovchi va uning yuqori turuvchi tashkiloti Markaz va uning hududiy boshqarmalari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklariga boʻsh turgan davlat koʻchmas mulk obyektini buzish toʻgʻrisida Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida hududiy nazorat qilish inspeksiyasi, qurilish sohasidagi loyihalashtirish tashkiloti, maxsus litsenziyaga ega boʻlgan tashkilot yoki ilmiy-tadqiqot muassasasining boʻsh turgan davlat koʻchmas mulk obyekti foydalanish uchun yaroqsizligi toʻgʻrisidagi xulosasi ilova qilingan holda murojaat qilishlari mumkin.

Bunda obyekt buzilishi natijasida aniqlangan foydalanish uchun yaroqli qurilish va boshqa materiallar balansda saqlovchi tomonidan tuziladigan komissiyaning dalolatnomasiga asosan elektron onlayn-auksion savdolariga chiqarilishi mumkin.

4-bob. Yakunlovchi qoidalar

17. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

18. Ushbu Nizom qoidalari qoʻllanilishi bilan bogʻliq nizolar qonunchilik hujjatlarida belgilangan tartibda hal etiladi.

Boʻsh turgan davlat koʻchmas mulk obyektlarini xatlovdan oʻtkazish va ulardan samarali foydalanishni tashkil etish tartibi toʻgʻrisidagi nizomga ILOVA

Boʻsh turgan davlat koʻchmas mulk obyektlarini xatlovdan oʻtkazish va ulardan samarali foydalanishni tashkil etish

SXEMASI

Vazirlar Mahkamasining 2025-yil 21-apreldagi 247-son qaroriga 2-ILOVA

Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

1. Vazirlar Mahkamasining “Tashgorplodoovoshchprom” birlashmasini tashkil etish toʻgʻrisida” 1992-yil 29-yanvardagi 37-son qarorining 3-bandi toʻrtinchi xatboshisi quyidagi tahrirda bayon qilinsin:

“paydo boʻlayotgan erkin narxlarda keng assortimentda yil davomida kartoshka va meva-sabzavot mahsulotlarini sotishni tashkil etish”.

2. Vazirlar Mahkamasining “Oʻzbekiston Respublikasida davlat uy-joy fondini xususiylashtirishni davom ettirish toʻgʻrisida” 1993-yil 1-martdagi 114-son qarorining 5 va 6-bandlari quyidagi tahrirda bayon qilinsin:

“5. Davlat uy-joy fondini xususiylashtirishni oʻtkazish uchun masʼuliyat Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yuklatilsin.

6. Oʻzbekiston Respublikasi Qurilish va uy-joy kommunal xoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda davlat uy-joy fondini xususiylashtirishni oʻtkazish boʻyicha aniq tashkiliy-texnikaviy tadbirlarni ishlab chiqsin, aniqlangan kamchiliklarni bartaraf etish uchun darhol chora-tadbirlar koʻrsin hamda huquqni muhofaza qilish organlari bilan birgalikda oʻz xizmat mavqeyini suiisteʼmol qilayotgan va davlat uy-joy fondini xususiylashtirish tartibini buzishda aybdor boʻlgan shaxslarni qattiq javobgarlikka tortsin”.

3. Vazirlar Mahkamasining “Kimyo sanoatini boshqarish tuzilmasini takomillashtirish chora-tadbirlari toʻgʻrisida” 2001-yil 13-martdagi 124-son qarorida:

a) 6-banddagi “Davlat mulki qoʻmitasi va “Oʻzkimyosanoat” davlat-aksiyadorlik kompaniyasiga” soʻzlari “Davlat aktivlarini boshqarish agentligi va “Oʻzkimyosanoat” aksiyadorlik jamiyatiga” soʻzlari bilan almashtirilsin;

b) 8-bandning uchinchi xatboshisidagi “davlat mulkini xususiylashtirishdan va” soʻzlari chiqarib tashlansin;

v) 10-banddagi uchinchi xatboshisi quyidagi tahrirda bayon etilsin:

“Oʻzkimyosanoat” aksiyadorlik jamiyati daromadlari (foydasi) kompaniya aksiyalarini sotish, mol-mulki kompaniyaning ustav fondiga toʻliq kirgan tashkilotlarning ajratmalari (ular sof foydasining 50 foizigacha miqdorda), shuningdek, amaldagi qonunchilikka muvofiq boshqa daromadlardan shakllantiriladi”.

4. Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida” 2014-yil 6-oktabrdagi 279-son qarorida:

a) 3-ilovada:

2-bandda:

oʻn ikkinchi xatboshi quyidagi tahrirda bayon qilinsin:

“tanlov — tanlov hujjatlari mezonlari va shartlariga muvofiq (har qanday nodavlat yuridik va jismoniy shaxs qatnashishi mumkin boʻlgan) qatnashchilar tomonidan taqdim etilgan eng yaxshi takliflarni tanlash orqali xaridorni aniqlash boʻyicha savdo shakli”;

oʻn uchinchi va oʻn toʻrtinchi xatboshilar chiqarib tashlansin;

oʻn beshinchi — yigirma beshinchi xatboshilar tegishlicha oʻn uchinchi — yigirma uchinchi xatboshilar deb hisoblansin;

yigirmanchi xatboshi quyidagi tahrirda bayon etilsin:

“auksion — musobaqalashish asosida (har qanday nodavlat yuridik va jismoniy shaxs qatnashishi mumkin boʻlgan) xaridorni aniqlash shakli, bunda eng katta narxni taklif qilgan qatnashchi oldi-sotdi shartnomasini tuzish huquqiga ega boʻladi”;

yigirma birinchi xatboshi chiqarib tashlansin;

yigirma ikkinchi va yigirma uchinchi xatboshilar tegishlicha yigirma birinchi va yigirma ikkinchi xatboshilar deb hisoblansin;

yigirma birinchi xatboshidagi “yopiq” soʻzi “tanlov asosidagi” soʻzlari bilan almashtirilsin;

26-bandda:

uchinchi xatboshidagi “(ochiq yoki yopiq)” soʻzlari chiqarib tashlansin;

toʻrtinchi xatboshi quyidagi tahrirda bayon etilsin:

“oʻzining rasmiy veb-saytida auksion oʻtkazilishi toʻgʻrisidagi xabarnomani (bundan buyon matnda auksion toʻgʻrisidagi xabarnoma deb yuritiladi) chop etadi (tanlov asosidagi auksionlar oʻtkazish hollaridan tashqari)”;

27-bandda:

uchinchi xatboshi quyidagi tahrirda bayon etilsin:

“auksion oʻtkazilishidan kamida oʻttiz kun oldin oʻzining va sotuvchining rasmiy veb-saytida auksion toʻgʻrisidagi xabarnomani eʼlon qiladi, bunda bayram va dam olish kunlarida savdolar oʻtkazilmaydi, savdo bayram va dam olish kunlariga toʻgʻri kelgan taqdirda, navbatdagi ish kunida oʻtkaziladi”;

oltinchi xatboshi quyidagi tahrirda bayon etilsin:

“tanlov asosidagi auksion oʻtkazilishi toʻgʻrisidagi xabarnomalarni (bundan buyon matnda tanlov asosidagi auksion toʻgʻrisidagi xabarnoma deb yuritiladi) yuboradi va mazkur xabarnomada koʻrsatilgan nodavlat yuridik va jismoniy shaxslardan buyurtmanomalar oladi”;

oʻninchi va oʻn birinchi xatboshilardagi “ochiq” soʻzi chiqarib tashlansin;

28-bandning birinchi xatboshisi quyidagi tahrirda bayon etilsin:

“28. Auksion toʻgʻrisidagi (tanlov asosidagi auksion toʻgʻrisidagi) xabarnoma quyidagi maʼlumotlarni oʻz ichiga olishi lozim”;

29-band quyidagi tahrirda bayon etilsin:

“29. Tanlov asosidagi auksionni oʻtkazishda sotuvchi uning talablariga mos keladigan nodavlat yuridik va jismoniy shaxslar roʻyxatini oldindan aniqlaydi, ixtisoslashtirilgan tashkilot ularga tanlov asosidagi auksion toʻgʻrisidagi xabarnomani auksion boshlanishidan kamida oʻttiz kun oldin yuboradi. Tanlov asosidagi auksion toʻgʻrisidagi xabarnoma ommaviy axborot vositalarida chop etilmaydi va auksion taklif etilgan nodavlat yuridik va jismoniy shaxslar oʻrtasida oʻtkaziladi”;

47-bandning toʻrtinchi xatboshisi quyidagi tahrirda bayon etilsin:

“oʻzining rasmiy veb-saytida tanlov oʻtkazilishi toʻgʻrisidagi xabarnomani (bundan buyon matnda tanlov toʻgʻrisidagi xabarnoma deb yuritiladi) chop etadi”;

49-bandning uchinchi xatboshisi quyidagi tahrirda bayon etilsin:

“ilgari tanlov toʻgʻrisidagi xabarnoma chop etilgan aynan oʻsha ommaviy axborot vositalarida tanlov yakunlari haqidagi axborotni tanlov oʻtkazilgan kundan boshlab oʻttiz kun ichida chop etadi”;

50-bandning birinchi xatboshisi quyidagi tahrirda bayon etilsin:

“50. Tanlov toʻgʻrisidagi xabarnoma quyidagi maʼlumotlarni oʻz ichiga olishi lozim”;

51-band oʻz kuchini yoʻqotgan deb hisoblansin;

1-ilovaning 4-bosqichi “Tadbirlar” ustunining ikkinchi xatboshisidagi “ochiq” soʻzi chiqarib tashlansin;

b) 4-ilovada:

2-bandda:

oʻn birinchi — yigirma beshinchi xatboshilar quyidagi tahrirdagi oʻn birinchi — yigirma ikkinchi xatboshilar bilan almashtirilsin:

“tanlov — tanlov hujjatlari mezonlari va shartlariga muvofiq (har qanday nodavlat yuridik va jismoniy shaxs qatnashishi mumkin boʻlgan) qatnashchilar tomonidan taqdim etilgan eng yaxshi takliflarni tanlash orqali xaridorni aniqlash boʻyicha savdo shakli;

tanlov shartlari — tanlovni oʻtkazish tartibi, oʻtkazish joyi, taklifning narxi, davlat koʻchmas mulk obyektlarining soni va miqdori, qoʻshimcha yuklamalar, qatnashchilarga qoʻyiladigan investitsiyaviy majburiyatlar va ijtimoiy majburiyatlar va talablar boʻyicha sotuvchi tomonidan belgilanadigan shartlar;

tanlov hujjatlari — davlat koʻchmas mulk obyektining texnik, tijorat, tashkiliy va boshqa tavsiflari toʻgʻrisidagi, shuningdek tanlov shartlari va tartib-taomili toʻgʻrisidagi dastlabki axborotdan iborat tanlov tashkilotchisi tomonidan talabgorlarga taqdim etiladigan tanlov oʻtkazish qoidalari, tanlov takliflari shakllarini oʻz ichiga oluvchi hujjatlar toʻplami;

tanlov taklifi — tanlov hujjatlarida belgilanadigan shartlarda shartnoma tuzish taklifi;

savdolarni oʻtkazish sanasi — auksion oʻtkazish yoki tanlov yakunlari yuzasidan xulosa chiqarish sanasi va vaqti;

sotib olish toʻlovi — sotib olinayotgan davlat koʻchmas mulk obyekti uchun xaridor tomonidan milliy va (yoki) erkin ayirboshlanadigan valyutada (keyingi oʻrinlarda EAV deb ataladi) Davlat aktivlarini boshqarish, transformatsiya va xususiylashtirish jamgʻarmasiga bir yoʻla yoki boʻlib-boʻlib toʻlanadigan pul mablagʻlari;

investitsiyaviy majburiyatlar — davlat koʻchmas mulk obyektini sotib olishda xaridor tomonidan davlat koʻchmas mulk obyektiga investitsiyalarni amalga oshirish boʻyicha qabul qilinadigan pul bahosiga ega boʻlgan va qonun hujjatlariga zid boʻlmagan shakllarda amalga oshiriladigan majburiyatlar;

ijtimoiy majburiyatlar — davlat koʻchmas mulk obyektini sotishda xaridor tomonidan qabul qilinadigan pul bahosiga ega boʻlmagan va qonun hujjatlariga zid boʻlmagan shakllarda amalga oshiriladigan majburiyatlar;

auksion — musobaqalashish asosida (har qanday nodavlat yuridik va jismoniy shaxs qatnashishi mumkin boʻlgan) xaridorni aniqlash boʻyicha savdo shakli, bunda eng katta narxni taklif qilgan qatnashchi davlat koʻchmas mulk obyektining oldi-sotdi shartnomasini tuzish huquqiga ega boʻladi;

tanlov asosidagi auksion — auksionning sotuvchi tomonidan belgilangan mezonlar boʻyicha oldindan tanlangan maxsus taklif qilingan shaxslar qatnashishi mumkin boʻlgan turi;

balansda saqlovchi — sotilayotgan davlat koʻchmas mulk obyekti biriktirilgan yuridik shaxs;

boshlangʻich narx — davlat koʻchmas mulk obyektini savdolarga qoʻyish uchun sotuvchi tomonidan belgilangan narx”;

30-bandda:

uchinchi xatboshidagi “(ochiq yoki yopiq)” soʻzlari chiqarib tashlansin;

toʻrtinchi xatboshi quyidagi tahrirda bayon etilsin:

“oʻzining rasmiy veb-saytida auksion oʻtkazilishi toʻgʻrisidagi xabarnomani (bundan buyon matnda auksion toʻgʻrisidagi xabarnoma deb yuritiladi) eʼlon qiladi, tanlov asosidagi auksionlar oʻtkazish hollari bundan mustasno”;

31-bandda:

uchinchi xatboshi quyidagi tahrirda bayon etilsin:

“auksion oʻtkazilishidan kamida oʻttiz kun oldin oʻzining va sotuvchining rasmiy veb-saytida auksion toʻgʻrisidagi xabarnomani chop etadi, bunda bayram va dam olish kunlarida savdolar oʻtkazilmaydi, savdo bayram va dam olish kunlariga toʻgʻri kelgan taqdirda, navbatdagi ish kunida oʻtkaziladi”;

oltinchi xatboshi quyidagi tahrirda bayon etilsin:

“tanlov asosidagi auksion oʻtkazilishi toʻgʻrisidagi xabarnomani (bundan buyon matnda tanlov asosidagi auksion toʻgʻrisidagi xabarnoma deb yuritiladi) yuboradi va mazkur xabarnomada koʻrsatilgan nodavlat yuridik va jismoniy shaxslardan buyurtmanomalar oladi”;

toʻqqizinchi va oʻninchi xatboshilardagi “ochiq” soʻzi chiqarib tashlansin;

32-bandning birinchi xatboshisi quyidagi tahrirda bayon etilsin:

“32. Auksion (tanlov asosidagi auksion) toʻgʻrisidagi xabarnoma quyidagi maʼlumotlarni oʻz ichiga olishi lozim”;

33-band quyidagi tahrirda bayon etilsin:

“33. Tanlov asosidagi auksionni oʻtkazishda sotuvchi uning talablariga mos keladigan nodavlat yuridik va jismoniy shaxslar roʻyxatini oldindan aniqlaydi, savdolar tashkilotchisi ularga yopiq auksion toʻgʻrisidagi xabarnomani auksion boshlanishidan kamida oʻttiz kun oldin yuboradi. Tanlov asosidagi auksion toʻgʻrisidagi xabarnoma ommaviy axborot vositalarida chop etilmaydi hamda auksion taklif etilgan nodavlat yuridik va jismoniy shaxslar oʻrtasida oʻtkaziladi”;

35-band quyidagi tahrirda bayon etilsin:

“35. Auksionda qatnashish uchun buyurtmanomalar ochiq auksion (tanlov asosidagi auksion) toʻgʻrisidagi xabarnomada koʻrsatilgan muddatlarda qabul qilinadi”;

36-bandda:

birinchi xatboshi quyidagi tahrirda bayon etilsin:

“36. Auksionda qatnashish uchun talabgor yoki uning vakolatli vakili savdolar tashkilotchisiga shaxsan yoki pochta orqali auksion (tanlov asosidagi auksion) toʻgʻrisidagi xabarnomada belgilangan muddatlarda quyidagi hujjatlarni ilova qilgan holda auksionda qatnashish uchun buyurtmanomani ikki nusxada taqdim etadi”;

toʻrtinchi xatboshi quyidagi tahrirda bayon etilsin:

“auksion (tanlov asosidagi auksion) toʻgʻrisidagi xabarnomada koʻrsatilgan bank hisobvaragʻiga zakalat toʻlanganligini tasdiqlaydigan toʻlov hujjatining nusxasi”;

38-bandning birinchi xatboshisidagi “Ochiq tanlov (yopiq tanlov)” soʻzlari “Tanlov” soʻzi bilan almashtirilsin;

50-bandning toʻrtinchi xatboshisi quyidagi tahrirda bayon etilsin:

“oʻzining rasmiy veb-saytida tanlov oʻtkazilishi toʻgʻrisidagi xabarnomani (bundan buyon matnda tanlov toʻgʻrisidagi xabarnoma deb yuritiladi) eʼlon qiladi”;

52-bandda:

oltinchi xatboshi quyidagi tahrirda bayon etilsin:

“tanlov takliflari solingan konvertlarni ochish belgilangan sanadan kamida oʻttiz kun oldin oʻzining va sotuvchining rasmiy veb-saytida tanlov oʻtkazilishi toʻgʻrisidagi xabarnomani (bundan buyon matnda tanlov toʻgʻrisidagi xabarnoma deb yuritiladi) eʼlon qiladi, bunda bayram va dam olish kunlarida savdolar oʻtkazilmaydi, savdo bayram va dam olish kunlariga toʻgʻri kelgan taqdirda, navbatdagi ish kunida oʻtkaziladi”

toʻqqizinchi — oʻn uchinchi xatboshilar quyidagi tahrirdagi toʻqqizinchi — oʻn birinchi xatboshilar bilan almashtirilsin:

“talabgorlarni taqdim etiladigan hujjatlarning namunalari bilan taʼminlaydi va ularni rasmiylashtirishda yordam beradi;

tanlov yakunlari toʻgʻrisidagi axborotni chop etadi, u tanlov oʻtkazilgan kundan boshlab oʻttiz kun ichida ilgari tanlov toʻgʻrisidagi xabarnoma chop etilgan aynan oʻsha ommaviy axborot vositalarida chop etiladi;

tuzilgan shartnomaga muvofiq boshqa funksiyalarni bajaradi”;

53-bandning birinchi xatboshisi quyidagi tahrirda bayon etilsin:

“53. Tanlov toʻgʻrisidagi xabarnoma quyidagi maʼlumotlarni oʻz ichiga olishi lozim”;

54-band oʻz kuchini yoʻqotgan deb hisoblansin;

56-bandning birinchi xatboshisi quyidagi tahrirda bayon etilsin:

“56. Tanlovda qatnashish uchun talabgor yoki uning vakolatli vakili savdolar tashkilotchisiga tanlov toʻgʻrisidagi xabarnomada belgilangan muddatlarda shaxsan yoki pochta orqali quyidagi hujjatlarni ilova qilgan holda buyurtmanomani ikki nusxada taqdim etadi”;

58-banddagi “Ochiq tanlov (yopiq tanlov)” soʻzlari “Tanlov” soʻzi bilan almashtirilsin;

62-bandning birinchi xatboshisi quyidagi tahrirda bayon etilsin:

“62. Tanlovda qatnashishga buyurtmanomalarni qabul qilish tanlov toʻgʻrisidagi xabarnoma chop etilgan kundan boshlanadi va xabarnomada belgilangan konvertlarni ochish sanasidan uch soat oldin toʻxtatiladi”;

70-bandning beshinchi va oltinchi xatboshilari quyidagi tahrirda bayon etilsin:

“tanlov oʻtkazish sanasini, ilgari tanlov toʻgʻrisidagi xabarnoma chop etilgan aynan oʻsha ommaviy axborot vositalarida tegishli axborotni chop etish orqali yozma ravishda xabardor qilgan holda, tanlov toʻgʻrisidagi xabarnomada belgilangan muddatdan ikki oydan ortiq boʻlmagan muddatga koʻchirish;

auksion oʻtkazish sanasini ilgari auksion (tanlov asosidagi auksion) toʻgʻrisidagi xabarnoma chop etilgan aynan oʻsha ommaviy axborot vositalarida tegishli axborotni chop etish orqali (ilgari tanlov asosidagi auksion toʻgʻrisidagi xabarnoma yuborilgan nodavlat yuridik va jismoniy shaxslarga tegishli axborotni yuborgan holda) yozma ravishda xabardor qilgan holda, auksion (tanlov asosidagi auksion) toʻgʻrisidagi xabarnomada belgilangan muddatdan ikki oydan ortiq boʻlmagan muddatga koʻchirish”;

1-ilovaning 4-bosqichi “Tadbirlar” ustunining ikkinchi xatboshisidagi “ochiq” soʻzi chiqarib tashlansin;

v) 6-ilovada:

2-bandda:

oʻninchi xatboshi quyidagi tahrirda bayon etilsin:

“tanlov — tanlov hujjatlari mezonlari va shartlariga muvofiq (har qanday nodavlat yuridik va jismoniy shaxs qatnashishi mumkin boʻlgan) qatnashchilar tomonidan taqdim etilgan eng yaxshi takliflarni tanlash orqali davlat mulki xaridorini aniqlash boʻyicha savdolar shakli”;

oʻn birinchi va oʻn ikkinchi xatboshilar chiqarib tashlansin;

oʻn uchinchi — oʻn toʻqqizinchi xatboshilar tegishincha oʻn birinchi — oʻn yettinchi xatboshilar deb hisoblansin;

6-bandda:

birinchi xatboshi quyidagi tahrirda bayon etilsin:

“6. Tanlovni oʻtkazishda tanlov takliflari solingan konvertlar ochiladigan sanadan kamida oʻttiz kun oldin oʻzining rasmiy veb-saytida ishchi organ tomonidan ochiq tanlov oʻtkazilishi toʻgʻrisida xabarnomani (keyingi oʻrinlarda tanlov toʻgʻrisidagi xabarnoma deb ataladi) eʼlon qilinadi, bunda, bayram va dam olish kunlarida savdolar oʻtkazilmaydi, savdo bayram va dam olish kunlariga toʻgʻri kelgan taqdirda, navbatdagi ish kunida oʻtkaziladi”;

ikkinchi xatboshidagi “Ochiq tanlov” soʻzlari “Tanlov” soʻzi bilan almashtirilsin;

7-band oʻz kuchini yoʻqotgan deb hisoblansin;

8-bandning birinchi xatboshisi quyidagi tahrirda bayon etilsin:

“8. Tanlovda qatnashish uchun sotuvchiga talabgor yoki uning vakolatli vakili tanlov toʻgʻrisidagi xabarnomada belgilangan tanlovda qatnashish uchun buyurtmanomaning muddatlarini ikki nusxada quyidagi hujjatlarni ilova qilgan holda, belgilangan muddatlarda shaxsan yoki pochta orqali taqdim etadi”;

10-band quyidagi tahrirda bayon etilsin:

“10. Tanlov toʻgʻrisidagi xabarnomada sotuvchi tomonidan belgilangan muddatdan keyin tushgan tanlov takliflari qabul qilinmaydi. Pochta orqali joʻnatilgan hujjatlarning tushgan sanasi sotuvchining roʻyxatdan oʻtkazishi boʻyicha belgilanadi”;

14-bandning birinchi xatboshisi quyidagi tahrirda bayon etilsin:

“14. Tanlovda qatnashish uchun buyurtmanomalarni qabul qilish tanlov toʻgʻrisidagi xabarnoma eʼlon qilingan kunda boshlanadi va konvertlarni ochishning eʼlonda koʻrsatilgan sanasidan uch soat oldin toʻxtatiladi”;

16-band quyidagi tahrirda bayon etilsin:

“16. Davlat komissiyasi yoki uning topshirigʻiga koʻra ishchi organ tanlov oʻtkaziladigan sanani tanlov toʻgʻrisidagi xabarnomada belgilangan muddatni kechiktirishi mumkin, bu holda ilgari tanlov toʻgʻrisidagi xabarnoma eʼlon qilingan aynan oʻsha ommaviy axborot vositalarida tegishli axborot chop etiladi hamda qatnashchilar mavjud boʻlganda ular yozma ravishda xabardor qilinadi”;

17-bandning birinchi xatboshisi quyidagi tahrirda bayon etilsin:

“17. Agar konvertlarni ochishning tanlov toʻgʻrisidagi xabarnomada belgilangan sanasigacha birorta ham buyurtmanoma tushmasa yoki faqat bitta buyurtmanoma tushsa, tanlov oʻtmagan deb eʼtirof etiladi”;

ilovaning 1-bosqichi “Bajarish muddatlari” ustunining ikkinchi xatboshisidagi “Ochiq savdo” soʻzlari “Savdo” soʻzi bilan almashtirilsin;

g) 7-ilova 2-bandining uchinchi xatboshisi quyidagi tahrirda bayon etilsin:

“tanlov — tanlov hujjatlari mezonlari va shartlariga muvofiq (har qanday nodavlat yuridik va jismoniy shaxs qatnashishi mumkin boʻlgan) qatnashchilar tomonidan taqdim etilgan eng yaxshi takliflarni tanlash orqali xaridorni aniqlash boʻyicha savdolar shakli”.

5. Vazirlar Mahkamasining “Birja va koʻrgazma-yarmarka savdolarini tartibga solishga doir qoʻshimcha chora-tadbirlar toʻgʻrisida” 2018-yil 17-yanvardagi 33-son qarorining 3-bandidagi “Xususiylashtirilgan korxonalarga koʻmaklashish va raqobatni rivojlantirish davlat qoʻmitasi” soʻzlari “Raqobatni rivojlantirish va isteʼmolchilar huquqlarini himoya qilish qoʻmitasi” soʻzlari bilan almashtirilsin.

6. Vazirlar Mahkamasining 2018-yil 3-maydagi 322-son qarori bilan tasdiqlangan Maʼmuriy huquqbuzarlik sodir etgan shaxslar va maʼmuriy huquqbuzarlik yoʻli bilan maʼnaviy, jismoniy yoki mulkiy zarar yetkazilgan shaxslarni markazlashtirilgan hisobga olish tartibi toʻgʻrisida nizomga 8-ilovada

a) 340-satri quyidagi tahrirda bayon etilsin:

b) quyidagi tahrirdagi 3401-satri bilan toʻldirilsin:

7. Vazirlar Mahkamasining 2018-yil 14-sentabrdagi 733-son qarori bilan tasdiqlangan Xususiylashtirilgan turar joyni boshqa shaxsga oʻtkazish shartnomasini notarial tasdiqlashda xususiylashtirishga rozilik bergan shaxslar haqida maʼlumotlar olishning maʼmuriy reglamenti 1-bandidagi “Oʻzbekiston Respublikasi Davlat aktivlarini boshqarish agentligining hududiy boshqarmalari (Toshkent shahrida — “Toshkent shahrida uy-joyga davlat orderlari va maʼlumotlar berish markazi” davlat unitar korxonasi)” soʻzlari “tuman (shahar) hokimliklari” soʻzlari bilan almashtirilsin.

8. Vazirlar Mahkamasining “Toshkent shahrining Olmazor tumani mahallalarida “Tadbirkorlik markazlari”ni tashkil etish chora-tadbirlari toʻgʻrisida” 2018-yil 18-sentabrdagi 740-son qarorida:

a) 4-bandning beshinchi xatboshisidagi “mulki obyektlarini “nol” qiymatida xarid qilish” soʻzlari “mulkini xususiylashtirish” soʻzlari bilan almashtirilsin;

b) 5-banddagi “Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Savdo-sanoat palatasi bilan birgalikda” soʻzlari “Savdo-sanoat palatasi” soʻzlari bilan almashtirilsin.

9. Vazirlar Mahkamasining 2019-yil 15-maydagi 404-son qarori bilan tasdiqlangan Oʻzbekiston Respublikasi Davlat aktivlarini boshqarish agentligi huzuridagi budjetdan tashqari Davlat aktivlarini boshqarish, transformatsiya va xususiylashtirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 11-bandining sakkizinchi xatboshisi quyidagi tahrirda bayon etilsin:

“xoʻjalik jamiyatlari ustav kapitalidagi aksiyalarni (ulushlarni, paylarni), shuningdek, boshqa aktivlarni davlat manfaatlarini koʻzlab sotib olish hamda xoʻjalik jamiyati tomonidan aloqa mavjud boʻlmagan aksiyadorlar (ishtirokchilar)ning ulushi qiymatini notarial idoraning depozitiga qoʻyish natijasida ularga oʻtgan aksiyalar (ulushlar)ni sotib olish bilan bogʻliq xarajatlar”.

10. Vazirlar Mahkamasining “Xorazm viloyati hududida boʻsh turgan davlat mulki obyektlaridan samarali foydalanish chora-tadbirlari toʻgʻrisida” 2020-yil 7-apreldagi 205-son qarorida:

a) 1-band quyidagi tahrirda bayon etilsin:

“1. Xorazm viloyati hokimligining Urganch shahri Amudaryo koʻchasidagi 1/4-uy manzilida joylashgan umumiy maydoni 2,58 gektar, shundan bino va inshootlar egallagan maydon 4 152,23 kvadrat metr boʻlgan “Xorazm trolleybus boshqarmasi” davlat korxonasi binosining bir qismida (keyingi oʻrinlarda — obyekt) yillik 15 000 tonna sintetik polipropilen va polietilen tolalar geotekstil materiallari ishlab chiqarish faoliyatini tashkil etish uchun “Khorezm Orient Ceramik” masʼuliyati cheklangan jamiyatiga (keyingi oʻrinlarda — investor) investitsiya va ijtimoiy majburiyatlarni bajarish sharti bilan sotish toʻgʻrisidagi taklifi maʼqullansin”;

b) 2-bandning uchinchi xatboshisi quyidagi tahrirda bayon etilsin:

“2025-yil 31-dekabrga qadar 3,0 mln AQSH dollari miqdoridagi investitsiya kiritish orqali obyekt negizida yillik 15 000 tonna sintetik polipropilen va polietilen tolalardan geotekstil materiallari ishlab chiqarishni tashkil etish”.

11. Vazirlar Mahkamasining 2020-yil 15-maydagi 287-son qarori bilan tasdiqlangan Kasbiy malakalar, bilim va koʻnikmalarni rivojlantirish milliy tizimi toʻgʻrisidagi nizom 159-bandining oltinchi xatboshisi quyidagi tahrirda bayon etilsin:

“investitsiya loyihalari va xususiylashtirilgan korxonalarni rivojlantirish “yoʻl xaritalari”ni amalga oshirish, foydalanilmayotgan xonalar va binolarni ishlab chiqarish faoliyatini tashkil etish uchun investitsiya va ijtimoiy majburiyatlar olish sharti bilan sotish, shuningdek, davlat mulki obyektlarini ijaraga berish munosabati bilan zarur ish oʻrinlari sonini aniqlash asosida hisoblanadi”.

12. Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizomda:

a) 2-bandning yettinchi, oʻn ikkinchi va yigirma ikkinchi xatboshilari, 32-bandning birinchi — toʻrtinchi xatboshilari, 33-bandning toʻrtinchi — oltinchi va sakkizinchi xatboshilari, 37-bandning “g” kichik bandi birinchi xatboshisi, 48-bandning ikkinchi xatboshisi, 81-bandning toʻrtinchi — oltinchi xatboshilari, 83-bandning “v” va “g” kichik bandlari, 90-bandning ikkinchi xatboshisidagi “salohiyatli” soʻzi tegishlicha “zaxiradagi” soʻzi bilan almashtirilsin;

b) 3-band quyidagi tahrirda bayon etilsin:

“3. Oʻzbekiston Respublikasi Prezidentining farmonlari, qarorlari, farmoyishlari hamda Vazirlar Mahkamasining qarorlari va farmoyishlari asosida hududlarni ijtimoiy-iqtisodiy rivojlantirish ahamiyatiga ega boʻlgan loyihalar yoki boshqa vazifalarni amalga oshirish uchun davlatga va ustav fondida davlat ulushi 50 foiz va undan ortiq boʻlgan yuridik shaxslar, shuningdek, ustav fondining 50 foizi va undan ortigʻi 50 foiz va undan ortiq miqdorda davlat ulushiga ega yuridik shaxsga tegishli boʻlgan mol-mulk, yer uchastkalari hamda ularga tegishli boʻlgan huquqlar boʻyicha tanlov asosidagi auksion buyurtmachi tomonidan taqdim etiladigan yuridik va jismoniy shaxslar oʻrtasida oʻtkazilishi mumkin.

Buyurtmachi tomonidan yuridik va jismoniy shaxslarning maʼlumotlari (ularning roʻyxati, shaxsiy maʼlumotlari, yashash hududi va boshqalar) oldindan buyurtmada koʻrsatiladi yoki operatorga taqdim etiladi.

Ushbu tartibda oʻtkaziladigan tanlov asosidagi auksion toʻgʻrisida savdo oʻtkazilishidan besh kalendar kun, takroriy savdoda bir kalendar kun oldin ishtirokchilarning shaxsiy kabinetiga xabarnoma yuboriladi.

Taklif etilgan shaxslar belgilangan tartibda roʻyxatdan oʻtmagani yoxud tanlov asosidagi auksion savdolariga oid maʼlumotlar bilan tanishib chiqmaganligi uchun operator javobgar hisoblanmaydi.

Mazkur tanlov asosidagi auksion ham ushbu Nizomda belgilangan tartib-taomillarga asosan oʻtkaziladi”;

v) 5-bandning oltinchi xatboshisidagi “, yopiq auksion va tanlov bundan mustasno” soʻzlari chiqarib tashlansin;

g) 14-band quyidagi mazmundagi oʻn beshinchi — oʻn toʻqqizinchi xatboshilar bilan toʻldirilsin:

“Davlat mulkini xususiylashtirish boʻyicha auksion savdolarida ishtirok etish uchun davlat mulkining boshlangʻich narxlariga bogʻliq ravishda zakalat miqdori quyidagicha belgilanadi:

auksion obyektining boshlangʻich narxi BHMning 100 baravarigacha boʻlganda — boshlangʻich narxning 15 foizi miqdorida;

auksion obyektining boshlangʻich narxi BHMning 100 baravaridan yuqori, lekin BHMning koʻpi bilan 1000 baravarigacha boʻlganda — boshlangʻich narxning 10 foizi miqdorida;

auksion obyektining boshlangʻich narxi BHMning 1000 baravaridan yuqori, lekin BHMning koʻpi bilan 10 000 baravarigacha boʻlganda — boshlangʻich narxning 5 foizi miqdorida;

auksion obyektining boshlangʻich narxi BHMning 10 000 baravaridan yuqori boʻlganda — boshlangʻich narxning 3 foizi miqdorida”;

oʻn beshinchi — oʻn yettinchi xatboshilar tegishlicha yigirma — yigirma ikkinchi xatboshilar deb hisoblansin;

d) 33-band quyidagi mazmundagi yettinchi xatboshi bilan toʻldirilsin:

“Bunda, davlat mulkini xususiylashtirish boʻyicha oʻtkazilgan savdolarda auksion gʻolibi oldi-sotdi shartnomasini auksion natijalari boʻyicha bayonnoma rasmiylashtirilgandan soʻng oʻn ish kuni ichida imzolashdan bosh tortsa, operator zaxiradagi gʻolibga oldi-sotdi shartnomasini tuzishni taklif qiladi. Agar zaxiradagi gʻolib ham oldi-sotdi shartnomasini oʻn ish kuni ichida imzolashdan bosh tortsa, davlat mulkini sotish boʻyicha auksion boʻlib oʻtmagan deb hisoblanadi hamda mazkur davlat mulki takroriy auksionga qoʻyiladi”;

yettinchi — toʻqqizinchi xatboshilar tegishlicha sakkizinchi — oʻninchi xatboshilar deb hisoblansin;

e) 34-banddagi “(ushbu Nizomning 24-bandida belgilangan holatlar bundan mustasno)” soʻzlari “ijro hujjatlari boʻyicha takroriy oʻtkaziladigan auksionlar hamda ushbu Nizomning 24-bandida belgilangan holatlar bundan mustasno” soʻzlari bilan almashtirilsin;

j) 41-bandning toʻrtinchi xatboshisidagi “taqdirda” soʻzidan keyin “ijro hujjatlari boʻyicha oʻtkaziladigan takroriy auksionlar bundan mustasno” soʻzlari bilan toʻldirilsin;

z) 42-band quyidagi tahrirda bayon etilsin:

“42. Takroriy auksion alohida shartlarsiz, umumiy tartibda oʻtkaziladi, ijro hujjatlari boʻyicha oʻtkaziladigan takroriy auksionlar bundan mustasno.

Bunda ijro hujjatlari boʻyicha takroriy auksionlar mazkur Nizomning 2-bobi 5-paragrafida keltirilgan ijro hujjatlari boʻyicha obyektlarni elektron onlayn-auksionga chiqarish va sotishning oʻziga xos xususiyatlarini inobatga olgan holda oʻtkaziladi”;

i) 50-bandning ikkinchi xatboshisi quyidagi tahrirda bayon etilsin:

“Ijro hujjatlari boʻyicha mol-mulkni sotish uchun oʻtkazilgan elektron onlayn-auksion natijalari haqidagi bayonnoma uni taqiqdan yechish, shuningdek, auksion gʻolibi nomiga mulkni, mulk huquqini va boshqa mulkiy huquqlarni roʻyxatdan oʻtkazish (hisobga qoʻyish) uchun asos hisoblanadi. Bunda majburiy tartibda undirish uchun yuborilmagan maʼmuriy jarimalarni toʻlash majburiyati mol-mulkning sobiq egasi zimmasida qoladi”.

13. Vazirlar Mahkamasining 2022-yil 14-fevraldagi 71-son qarori bilan tasdiqlangan Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi toʻgʻrisida nizomda:

a) 3-bandning oʻninchi xatboshisidagi “Elektron onlayn-auksionlarni tashkil etish markazi” davlat unitar korxonasi” soʻzlari ““Elektron onlayn-auksionlarni tashkil etish” aksiyadorlik jamiyati” soʻzlari bilan almashtirilsin;

b) 16-band quyidagi mazmundagi oʻninchi va oʻn birinchi xatboshilar bilan toʻldirilsin:

“Tuman (shahar) hokimliklari hamda jismoniy va yuridik shaxslarni takliflariga asosan yonma-yon turgan yer uchastkalari maydonini birlashtirgan va/yoki lotlarga boʻlgan holda auksion savdolariga chiqariladi.

Bunda Kadastr agentligi tomonidan “YERELEKTRON” AATda qoʻshimcha kelishuvlarsiz yer uchastkalari maydonini birlashtirgan va/yoki lotlarga boʻlgan holda (yer uchastkasining maydoni, boshlangʻich narxi va faoliyat turlarini muvofiqlashtirgan) holda qayta auksionga chiqarish imkoniyati yaratiladi”.

14. Vazirlar Mahkamasining “Yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari toʻgʻrisida” 2022-yil 25-martdagi 133-son qarorida:

a) 1-ilova bilan tasdiqlangan Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalarni elektron onlayn-auksion orqali berish sxemasining 3-bosqichi “Tadbirlar” ustunidagi “salohiyatli” soʻzi “zaxiradagi” soʻzi bilan almashtirilsin;

b) 2-ilova bilan tasdiqlangan Noruda foydali qazilmalarni oʻz ichiga olgan yer qaʼri uchastkalaridan foydalanish huquqini elektron onlayn-auksion orqali berish sxemasining 3-bosqichi “Tadbirlar” ustunidagi “salohiyatli” soʻzi “zaxiradagi” soʻzi bilan almashtirilsin;

v) 3-ilova bilan tasdiqlangan Qimmatbaho metallarni oltin izlovchilar usulida qazib olish uchun berilayotgan yer qaʼri uchastkalaridan foydalanish huquqi elektron onlayn-auksion orqali berish sxemasining 3-bosqichi “Tadbirlar” ustunidagi “salohiyatli” soʻzi “zaxiradagi” soʻzi bilan almashtirilsin.

15. Vazirlar Mahkamasining “Davlat daromadiga olingan mol-mulklarni soddalashtirilgan auksion tamoyillari asosida “E-auksion shop” elektron savdo doʻkoni orqali sotish tartibi toʻgʻrisida” 2023-yil 4-oktabrdagi 526-son qarorida:

a) 2-bandning beshinchi xatboshisidagi “salohiyatli” soʻzi “zaxiradagi” soʻzi bilan almashtirilsin;

b) ilovada:

32 — 34-bandlar, 36-bandning beshinchi xatboshisi, 38-bandning ikkinchi xatboshisi, 39-bandning birinchi xatboshisi, 43-bandning ikkinchi xatboshisidagi “salohiyatli” soʻzi “zaxiradagi” soʻzi bilan almashtirilsin.

16. Vazirlar Mahkamasining 2023-yil 16-oktabrdagi 540-son qarori bilan tasdiqlangan Xususiy mulkdorlar buyurtmasi asosida ularning mulklarini soddalashtirilgan tartib va muddatlarda “E-auksion shop” elektron savdo doʻkoni orqali sotish va ijaraga berish boʻyicha savdolar oʻtkazish tartibi toʻgʻrisidagi nizomning 35 — 37-bandlari, 39-bandning toʻrtinchi xatboshisi, 42-bandning ikkinchi xatboshisi, 43-bandning birinchi xatboshisi, 47-bandning ikkinchi xatboshisidagi “salohiyatli” soʻzi tegishlicha “zaxiradagi” soʻzi bilan almashtirilsin.

17. Vazirlar Mahkamasining “Alohida uy-joyni (kvartira, uy, kvartiraning yoki uyning bir qismini) xususiylashtirishga rozilik bergan shaxslar toʻgʻrisida maʼlumotnoma hamda davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatishning maʼmuriy reglamentlarini tasdiqlash haqida” 2023-yil 27-noyabrdagi 627-son qarorida:

a) 2-band “tuman (shahar) hokimliklari” soʻzlaridan keyin “(Toshkent shahrida — “Toshkent shahar uy-joylarga davlat orderlari va maʼlumotnomalar berish markazi” DUK)” soʻzlari bilan toʻldirilsin;

b) 3-bandning uchinchi xatboshisidagi ikkinchi jumla chiqarib tashlansin;

18. Vazirlar Mahkamasining 2023-yil 21-dekabrdagi 674-son qarori bilan tasdiqlangan Oʻrmon fondi yer uchastkalarini elektron onlayn-auksion orqali ijaraga berishning maʼmuriy reglamentida:

a) 26-banddagi “salohiyatli” soʻzi “zaxiradagi” soʻzi bilan almashtirilsin;

b) 2-ilovaning 6-bosqichi “Tadbirlar” va “Muddatlar” ustunlaridagi “salohiyatli” soʻzi “zaxiradagi” soʻzi bilan almashtirilsin.

19. Vazirlar Mahkamasining “Toshkent shahrida “Toshkent Invest kompaniyasi” aksiyadorlik jamiyati va tadbirkorlik subyektlari oʻrtasida oʻzaro manfaatli hamkorlik asosida investitsiya loyihalarini amalga oshirishni takomillashtirish chora-tadbirlari toʻgʻrisida” 2024-yil 25-martdagi 149-son qarori 2-bandining:

birinchi xatboshisidagi “hududidagi” soʻzi “hududidagi, shuningdek, boʻsh turgan yer uchastkasini aniqlash va tanlash materiallari Davlat aktivlarini boshqarish agentligi tomonidan tayyorlangan” soʻzlari bilan almashtirilsin;

uchinchi xatboshidagi “xarajatlarni chegirgan holda,” soʻzlaridan keyin “Toshkent shahrining shahar budjetida ochilgan alohida daromad hisobvaragʻiga oʻtkazilgandan soʻng, toʻliqligicha” soʻzlari bilan toʻldirilsin.

Vazirlar Mahkamasining 2025-yil 21-apreldagi 247-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

ROʻYXATI

1. Vazirlar Mahkamasining “Mahalliy sanoat, aholiga maishiy xizmat koʻrsatish, davlat savdosi hamda umumiy ovqatlanish korxonalari va tashkilotlarini davlat tasarrufidan chiqarish va xususiylashtirishni tashkil etish chora-tadbirlari toʻgʻrisida” 1992-yil 23-sentabrdagi 443-son qarori.

2. Vazirlar Mahkamasining “Davlat tasarrufidan chiqarish va xususiylashtirish jarayonining samarali tashkil etilishini taʼminlash boʻyicha qoʻshimcha chora-tadbirlar toʻgʻrisida” 1993-yil 11-avgustdagi 402-son qarori.

3. Vazirlar Mahkamasining “Toshkent shahridagi aholiga avtomobil yonilgʻisini naqd pulga sotuvchi ayrim avtomobil yonilgʻisi quyish shoxobchalarini eksperiment tariqasida xususiylashtirish toʻgʻrisida” 1994-yil 9-iyundagi 290-son qarori.

4. Vazirlar Mahkamasining “Vazirlar Mahkamasining 1992-yil 23-sentabrdagi 443-son qaroriga oʻzgartirishlar kiritish toʻgʻrisida” 1994-yil 13-sentabrdagi 462-son qarori.

5. Vazirlar Mahkamasining “Ayrim korxonalar va mol-mulkni davlat tasarrufidan chiqarish va xususiylashtirishning baʼzi masalalari toʻgʻrisida” 1995-yil 4-dekabrdagi 448-son qarori.

6. Vazirlar Mahkamasining “Aholiga naqd pulga avtomobil yonilgʻisi sotuvchi respublika avtomobil yonilgʻisi quyish shoxobchalarini xususiylashtirish toʻgʻrisida” 1996-yil 20-martdagi 107-son qarori.

7. Vazirlar Mahkamasining “Xususiylashtirish va tadbirkorlikni qoʻllab-quvvatlash jarayonlarini yanada rivojlantirish toʻgʻrisida” 1996-yil 27-dekabrdagi 460-son qarori.

8. Vazirlar Mahkamasining “Davlat tasarrufidan chiqarish va xususiylashtirish jarayonida tashkil etilgan aksiyadorlik jamiyatlari ustav jamgʻarmasidagi davlat ulushi toʻgʻrisida” 1998-yil 30-iyundagi 272-son qarorining 4 va 5-bandlari.

9. Vazirlar Mahkamasining “Avtomobil yonilgʻisi quyish shoxobchalarining ishini takomillashtirish va respublika isteʼmolchilarini neft mahsulotlari bilan taʼminlashni yaxshilash chora-tadbirlari toʻgʻrisida” 1998-yil 18-sentabrdagi 397-son qarorining 7 va 8-bandlari.

10. Vazirlar Mahkamasining “Aholiga kommunal xizmat koʻrsatish tizimida iqtisodiy islohotlarni chuqurlashtirish konsepsiyasini tasdiqlash toʻgʻrisida” 1998-yil 18-noyabrdagi 477-son qarorining 7-bandi.

11. Vazirlar Mahkamasining “Qimmatli qogʻozlarning markaziy depozitariysini tashkil etish va uning faoliyati masalalari toʻgʻrisida” 1999-yil 21-maydagi 263-son qarori.

12. Vazirlar Mahkamasining “Ulgurji va birja savdosini tashkil etish tizimini takomillashtirish toʻgʻrisida” 2001-yil 1-maydagi 198-son qarori 8-bandining uchinchi va toʻrtinchi xatboshilari.

13. Vazirlar Mahkamasining “Iqtisodiy nochor korxonalarni tugatish va ularning tarkibini oʻzgartirishga doir qoʻshimcha chora-tadbirlar toʻgʻrisida” 2002-yil 8-oktabrdagi 347-son qarori.

14. Vazirlar Mahkamasining “Xususiylashtirishdan tushadigan mablagʻlarni taqsimlash tartibini takomillashtirish toʻgʻrisida” 2003-yil 14-noyabrdagi 512-son qarori.

15. Vazirlar Mahkamasining “Oʻzbektelekom” aksiyadorlik kompaniyasini xususiylashtirishga doir qoʻshimcha chora-tadbirlar toʻgʻrisida” 2004-yil 29-sentabrdagi 453-son qarorining 1-bandi.

16. Vazirlar Mahkamasining “Oʻzbekiston Respublikasi Prezidentining “Yuridik shaxslar va fuqarolarning binolari hamda inshootlari bilan band boʻlgan yer uchastkalarini xususiylashtirish toʻgʻrisida” 2006-yil 24-iyuldagi PF-3780-son Farmonini amalga oshirish haqida” 2006-yil 26-iyuldagi 147-son qarori.

17. Vazirlar Mahkamasining “Davlat aktivlarini ochiq savdolarda sotishga doir qoʻshimcha chora-tadbirlar toʻgʻrisida” 2011-yil 18-iyuldagi 207-son qarori.

18. Vazirlar Mahkamasining “Aksiyadorlik jamiyatlarida korporativ boshqaruv tizimini yanada takomillashtirish chora-tadbirlari toʻgʻrisida”gi 2014-yil 2-iyuldagi 176-son qaroriga 2-ilovaning 1-bandidagi “b” kichik bandi.