Vazirlar Mahkamasining “Viloyatlar va Toshkent shahar hokimliklari apparati tuzilmasini takomillashtirish toʻgʻrisida” 1997-yil 17-iyundagi 301-son qaroriga oʻzgartirishlar kiritish toʻgʻrisida (82-son)

26.02.1998

Oʻzbekiston Respublikasi Vazirlar Mahkamasining

qarori

Vazirlar Mahkamasining “Akademik litseylar va kasb-hunar kollejlarini tashkil etish va ularning faoliyatini boshqarish toʻgʻrisida” 1998-yil 24-fevraldagi 77-son qaroriga muvofiq Vazirlar Mahkamasi qaror qiladi:

1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari apparati tuzilmasida Qoraqalpogʻiston Respublikasi Xalq taʼlimi vazirligi, viloyatlar va Toshkent shahar xalq taʼlimi boshqarmalarining tugatiladigan hunar-texnika taʼlimi boʻlimlari va metodik kabinetlari shtatlari hisobiga oʻrta maxsus, kasb-hunar taʼlimi boshqarmalari 1—4*-ilovalarga muvofiq tashkil etilsin.

* Ilovalar rus tilidagi matnda berilgan.

2. Belgilab qoʻyilsinki:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari apparatidagi oʻrta maxsus, kasb-hunar taʼlimi boshqarmalariga Qoraqalpogʻiston Respublikasi Vazirlar Kengashining raisi, viloyatlar va Toshkent shahar hokimlari shaxsan rahbarlik qiladilar;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari oʻrta maxsus, kasb-hunar taʼlimi boshqarmalarining boshliqlari Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlim markazi bilan kelishilgan holda Qoraqalpogʻiston Respublikasi Vazirlar Kengashi va tegishli hokimlar tomonidan tayinlanadilar.

Vazirlar Mahkamasining Raisi I. KARIMOV

Toshkent sh.,

1998-yil 26-fevral,

82-son