Davlat ishtirokidagi yirik korxonalarni xalqaro bozorlarda xususiylashtirish toʻgʻrisida (PQ-145-son)
21.04.2025
Oʻzbekiston Respublikasi Prezidentining
qarori
Davlat ishtirokidagi yirik korxonalar va tijorat banklarining (keyingi oʻrinlarda — davlat ishtirokidagi yirik korxonalar) faoliyati samaradorligini oshirish va ularni xususiylashtirish orqali xorijiy investitsiyalar jalb etilishini jadallashtirish maqsadida qaror qilaman:
I. Maqsadlar
1. Quyidagilar davlat ishtirokidagi yirik korxonalarni xalqaro va mahalliy bozorlarda sotishning asosiy maqsadli koʻrsatkichlari etib belgilansin:
(a) 29 ta davlat ishtirokidagi yirik korxona ustav kapitalidagi aksiyalar paketini (ulushlarni) nufuzli xalqaro professional konsultantlarni jalb qilgan holda ommaviy savdolarga chiqarish;
(b) 12 ta davlat ishtirokidagi yirik korxona ustav kapitalidagi aksiyalar paketining xalqaro va mahalliy fond bozorlarida birlamchi (IPO) va (yoki) ikkilamchi (SPO) ommaviy taklifini oʻtkazish.
II. Davlat aktivlarini xalqaro bozorlarda sotish
2. Quyidagilar:
(a) Professional konsultantlarni jalb qilgan holda xalqaro va mahalliy bozorlarda ommaviy savdolarga chiqariladigan aksiyalar paketlari (ulushlar) roʻyxati 1-ilovaga muvofiq;
(b) Xalqaro va mahalliy fond bozorlarida aksiyalarining birlamchi (IPO) va (yoki) ikkilamchi (SPO) ommaviy taklifi oʻtkaziladigan davlat ishtirokidagi yirik korxonalar roʻyxati 2-ilovaga muvofiq;
(v) Davlat ishtirokidagi ayrim yirik korxonalarni sotish mexanizmi 3-ilovaga muvofiq;
(g) Davlat ishtirokidagi yirik korxonalar ustav kapitalidagi aksiya paketlarini (ulushlarni) xususiylashtirish oldi tayyorgarlik ishlarini muvofiqlashtirish boʻyicha ishchi guruhi tarkibi 4-ilovaga va uning asosiy vazifalari 5-ilovaga muvofiq tasdiqlansin.
3. Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasi (A. Aripov) (keyingi oʻrinlarda — Xususiylashtirish davlat komissiyasi) oʻn kun muddatda davlat ishtirokidagi yirik korxonalar ustav kapitalidagi aksiyalar paketlarini (ulushlarini) savdoga chiqarishning alohida korxonalar boʻyicha “yoʻl xaritalari”ni amalga oshiriladigan chora-tadbirlarning aniq mexanizmi va masʼullarini nazarda tutgan holda tasdiqlasin.
4. Davlat aktivlarini boshqarish agentligi (keyingi oʻrinlarda — Davlat aktivlari agentligi):
(a) 2025-yil 1-iyulga qadar jalb qilingan professional konsultantning taklifini inobatga olgan holda va Energetika vazirligining yoqilgʻi yetkazib berishning eng kam miqdori boʻyicha kafolati asosida xalqaro bozorda issiqlik elektr stansiyalarining ochiq ommaviy savdolarini eʼlon qilsin;
(b) tasdiqlangan chora-tadbirlar ijrosi yakuni boʻyicha “Oʻzmetkombinat” AJning ustav kapitalidagi davlat ulushini savdoga chiqarsin.
III. Davlat aktivlarini xalqaro bozorlarda sotish mexanizmi
5. Shunday tartib oʻrnatilsinki, unga muvofiq mazkur qaror doirasida davlat aktivlarini ommaviy savdolarga chiqarish va ularni sotish jarayonlarini tashkil etishda:
(a) Iqtisodiyot va moliya vazirligi xalqaro moliya bozorlari konyunkturasi, ishlab chiqarish quvvatlari hamda strategik investorlar talablaridan kelib chiqib davlat aktivlarini xususiylashtirish modeli va grafigini ishlab chiqadi va Oʻzbekiston Respublikasi Prezidenti Administratsiyasi bilan kelishgan holda tasdiqlaydi;
(b) Davlat aktivlari agentligi xalqaro ochiq ommaviy savdolar jarayonini amalga oshirish uchun nufuzli xalqaro professional tashkilotlar va yuridik konsultantlarni jalb etadi;
(v) Davlat aktivlari agentligi yoki “UzAssets” investitsiya kompaniyasi” AJ “katta toʻrtlik” turkumiga kiruvchi baholovchi tashkilotlarni eng yaxshi takliflarni tanlab olish asosida ular bilan tuziladigan shartnomalarni ekspertizadan oʻtkazmasdan jalb etadi;
(g) xalqaro professional tashkilotlar tomonidan davlat aktivlarini sotish maqsadida aniqlangan qiymat yoki qiymatlar oraligʻi (baholash faoliyatining milliy standarti talablaridan qatʼi nazar) savdo jarayonida moʻljal sifatida hisobga olinadi;
(d) jalb etilgan baholovchi tashkilotlarning baholash toʻgʻrisidagi hisoboti ekspertizadan oʻtkazilishi talab etilmaydi va hisobotda aniqlangan narxdan davlat aktivining boshlangʻich narxini belgilashda moʻljal sifatida foydalaniladi;
(e) Iqtisodiyot va moliya vazirligi davlat aktivlarining xususiylashtirish modelini va grafiklarini tasdiqlab, sotish jarayonlarini muvofiqlashtirib boradi;
(j) “Oʻzbekiston Respublikasi milliy investitsiya jamgʻarmasi” AJning 1ROsi boʻyicha ommaviy taklif muddati va hajmi toʻgʻrisidagi qarorlarni Jamgʻarma va Iqtisodiyot va moliya vazirligi tomonidan bozor konyunkturasidan kelib chiqib qabul qilinadi.
IV. Qaror ijrosini tashkil etish, taʼminlash va nazorat
6. Davlat aktivlari agentligi Iqtisodiyot va moliya vazirligi bilan birgalikda 2025-yil 1-dekabrga qadar professional konsultantlar, xalqaro moliya tashkilotlarining ekspertlarini jalb etgan holda 2030-yilgacha davlat korxonalarini isloh qilish va xususiylashtirish strategiyasi ishlab chiqilishi va Vazirlar Mahkamasiga kiritilishini taʼminlasin.
7. Davlat aktivlari agentligi Tashqi ishlar vazirligi, Investitsiyalar, sanoat va savdo vazirligi, Iqtisodiyot va moliya vazirligi, Axborot va ommaviy kommunikatsiyalar agentligi bilan birgalikda mazkur qarorga asosan xususiylashtirilishi belgilangan aktivlarning xalqaro bozorlarda savdolarini tashkil qilish va salohiyatli investorlarni jalb qilish maqsadida xorijiy ommaviy axborot vositalari hamda PR-konsalting kompaniyalari hamkorligida keng qamrovli targʻibot-tashviqot ishlarini tashkillashtirish, shuningdek, xalqaro forumlarda taqdimotlar (“Road Show”) oʻtkazish choralarini koʻrsin.
8. Mazkur qarorning ijrosini samarali tashkil qilishga masʼul etib Bosh vazir oʻrinbosari J.A. Qoʻchqorov hamda Davlat aktivlarini boshqarish agentligi direktori A.J. Ortikov belgilansin.
9. Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 21-aprel,
PQ-145-son
Oʻzbekiston Respublikasi Prezidentining 2025-yil 21-apreldagi PQ-145-son qaroriga 1-ILOVA
Professional konsultantlarni jalb qilgan holda xalqaro va mahalliy bozorda ommaviy savdolarga chiqariladigan aksiyalar paketlari (ulushlar)
ROʻYXATI
T/rNomiTHSHAksiyador (ishtirokchi) nomiSotiladigan ulush miqdori (%)Amalga oshirish muddatikonsultant jalb etishommaviy savdoni eʼlon qilish1.Universal Mobile SystemsMCHJRaqamli texnologiyalar vazirligi1002025-yil II chorak2025-yil III chorak2.UzAuto MotorsAJ“Oʻzavtosanoat” AJ99,72025-yil IV chorak2026-yil I chorak3.UzAuto Motors PowertrainAJ1002025-yil III chorak2025-yil IV chorak5.OʻzagrosugʻurtaAJDavlat aktivlarini boshqarish agentligi99,352025-yil II chorak2026-yil I chorak6.Uzbekistan GTLMCHJ“Oʻzbekneftgaz” AJ1002025-yil III chorak2026-yil II chorak7.OʻzbekgidroenergoqurilishAJ“Oʻzbekgidroenergo” AJ96,72025-yil II chorak2025-yil IV chorak8.TransgazmaxsusqurilishAJ“Oʻztransgaz” AJ77,62025-yil II chorak2025-yil IV chorak9.MaxsusenergogazAJ“Oʻzbekneftgaz” AJ412025-yil II chorak2025-yil IV chorak10.Toʻraqoʻrgʻon issiqlik elektr stansiyasiAJ“Issiqlik elektr stansiyalari” AJ1002025-yil II chorak2025-yil IV chorak11.Yangi Angren issiqlik elektr stansiyasiAJ99,62025-yil II chorak2025-yil IV chorak12.Angren issiqlik elektr stansiyasiAJ1002025-yil II chorak2025-yil IV chorak13.Sirdaryo issiqlik elektr stansiyasiAJ1002025-yil II chorak2025-yil IV chorak14.Muborak issiqlik elektr markaziAJ1002025-yil II chorak2025-yil IV chorak15.Fargʻona issiqlik elektr markaziAJ1002025-yil II chorak2025-yil IV chorak16.Toshkent issiqlik elektr markaziAJ1002025-yil II chorak2025-yil IV chorak17.Toshkent issiqlik elektr stansiyasiAJ1002025-yil II chorak2025-yil IV chorak18.Navoiy issiqlik elektr stansiyasiAJ1002025-yil II chorak2025-yil IV chorak19.Taxiatosh issiqlik elektr stansiyasiAJ1002025-yil II chorak2025-yil IV chorak20.TexnoparkMCHJToshkent shahar hokimligi1002025-yil III chorak2026-yil I chorak21.Uzbek Leasing InternationalAJ“Oʻzmilliybank” AJ45,52025-yil II chorak2026-yil I chorak22.OʻzagrolizingAJDavlat aktivlarini boshqarish agentligi97,52025-yil II chorak2026-yil I chorak24.Sherobod sement zavodiMCHJ“Olmaliq KMK” AJ1002025-yil II chorak2025-yil IV chorak25.YoʻlqurilishAJDavlat aktivlarini boshqarish agentligi1002025-yil II chorak2025-yil III chorak26.OʻzsuvqurilishAJ1002025-yil II chorak2025-yil III chorak27.ShargʻunkoʻmirAJ99,932025-yil II chorak2025-yil IV chorak28.OʻzmetkombinatAJIqtisodiyot va moliya vazirligi912025-yil III chorak2026-yil I chorak29.NavoiyazotAJ75Alohida grafik asosida*
Izoh:
ushbu ilovadagi jamiyatlar ustav kapitalidagi davlat ulushlari ishonchli boshqaruvga berilgan boʻlsa, ular baholangan qiymatda dastlab ishonchli boshqaruvchiga taklif etiladi;
“Oʻzbekiston Respublikasi milliy investitsiya jamgʻarmasi” AJning ustav kapitaliga berilgan aksiyalar paketlari davlat ulushi bilan birgalikda yaxlit paket shaklida realizatsiya qilinishi mumkin, bunda Jamgʻarmaning roziligi boʻlgan taqdirda u birgalikdagi sotuvda ishtirok etadi;
mazkur ilovada nazarda tutilgan davlat ishtirokidagi korxonalar ustav kapitalidagi davlat hamda xoʻjalik jamiyatlari ulushi ular tomonidan Davlat aktivlarini boshqarish agentligiga topshirilgan aktivlarning qoldiq (balans) qiymati miqdoriga kamaytiriladi.
Bunda davlat ishtirokidagi korxonalar tomonidan amaldagi qarz bitimlarining moliyaviy shartlari (kovenantlari) inobatga olingan holda aktivlarning ommaviy savdolarga chiqarilishi Davlat aktivlarini boshqarish agentligi tomonidan koʻrib chiqiladi.
* “Navoiyazot” AJ aksiyalar paketini savdoga chiqarish muddatlari Oʻzbekiston Respublikasi Prezidenti Administratsiyasi bilan kelishilgan holda Davlat aktivlarini boshqarish agentligi tomonidan belgilanadi.
Oʻzbekiston Respublikasi Prezidentining 2025-yil 21-apreldagi PQ-145-son qaroriga 2-ILOVA
Xalqaro va mahalliy fond bozorida aksiyalarining birlamchi (IPO) va (yoki) ikkilamchi (SPO) ommaviy taklifi oʻtkaziladigan davlat ishtirokidagi yirik korxonalar
ROʻYXATI
Izoh: Oʻzbekiston Respublikasi Prezidenti Administratsiyasi bilan kelishgan holda Davlat aktivlarini boshqarish agentligi birlamchi (IPO) va (yoki) ikkilamchi (SPO) ommaviy taklif etiladigan aksiyalar paketining hajmi, sotish shakli va savdoga chiqarish muddatiga oʻzgartirishlar kiritishi mumkin.
Oʻzbekiston Respublikasi Prezidentining 2025-yil 21-apreldagi PQ-145-son qaroriga 3-ILOVA
Davlat ishtirokidagi ayrim yirik korxonalarni sotish
MEXANIZMI
Oʻzbekiston Respublikasi Prezidentining 2025-yil 21-apreldagi PQ-145-son qaroriga 4-ILOVA
Davlat ishtirokidagi yirik korxonalar ustav kapitalidagi aksiya paketlarini (ulushlarni) xususiylashtirish oldi tayyorgarlik ishlarini muvofiqlashtirish boʻyicha ishchi guruhi
TARKIBI
Izoh: Ishchi guruh aʼzolari boshqa ishga oʻtganda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaxslar kiritiladi.
Oʻzbekiston Respublikasi Prezidentining 2025-yil 21-apreldagi PQ-145-son qaroriga 5-ILOVA
Davlat ishtirokidagi yirik korxonalar ustav kapitalidagi aksiya paketlarini (ulushlarni) xususiylashtirish oldi tayyorgarlik ishlarini muvofiqlashtirish boʻyicha ishchi guruhining
ASOSIY VAZIFALARI
1. Davlat ishtirokidagi yirik korxonalarning moliyaviy hisobotlari xalqaro standartlar asosida tayyorlanishini va xalqaro auditdan oʻtkazilishini taʼminlash.
2. Savdo jarayonlarini tashkil etish uchun nufuzli xalqaro konsultantlarni jalb etish va davlat ishtirokidagi yirik korxonalar tomonidan xalqaro reyting tashkilotlarining barqaror koʻrsatkichlariga erishish jarayonlarini muvofiqlashtirib borish.
3. Xorijiy davlatlardagi kapital bozorini tartibga soluvchi organlar va fond birjalari bilan oʻzaro hamkorlik qilinishini taʼminlash, tegishli memorandum va shartnomalarni tuzish uchun muzokaralar olib borish.
4. Nufuzli xalqaro konsultantlar va anderrayterlar faoliyatini muvofiqlashtirib borish va marketing materiallari tayyorlanishini tashkil qilish.
6. Ommaviy savdolarga chiqarilgan davlat ishtirokidagi yirik korxonalarni salohiyatli investorlarga sotish uchun doimiy ravishda xorijiy ommaviy axborot vositalari, xalqaro moliya institutlari va investitsiya banklari orqali targʻibot ishlarini olib borish.