Bojxona yuk deklaratsiyasini toʻldirish tartibi toʻgʻrisidagi yoʻriqnomaga qoʻshimcha va oʻzgartirishlar kiritish haqida (2773-11-son)

07.04.2025

Oʻzbekiston Respublikasi Iqtisodiyot va moliya vazirining

buyrugʻi

[Oʻzbekiston Respublikasi Adliya vazirligi tomonidan 2025-yil 7-aprelda roʻyxatdan oʻtkazildi, roʻyxat raqami 2773-11]

Oʻzbekiston Respublikasining Bojxona kodeksi hamda Oʻzbekiston Respublikasi Prezidentining 2024-yil 4-martdagi PQ-109-son “Oʻzbekiston — 2030” strategiyasida belgilangan asosiy yoʻnalishlar boʻyicha islohotlarni amalga oshirishning 2024-yildagi ustuvor chora-tadbirlari toʻgʻrisida”gi qarori va Oʻzbekiston Respublikasi Vazirlar Mahkamasining 2025-yil 11-fevraldagi 77-son “Bojxona maʼmuriyatchiligi tartib-taomillarini takomillashtirish boʻyicha qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi Davlat bojxona qoʻmitasining 2016-yil 29-fevraldagi 01-02/15-07-son qarori (roʻyxat raqami 2773, 2016-yil 6-aprel) (Oʻzbekiston Respublikasi qonun hujjatlari toʻplami, 2016-y., 14-son, 133-modda) bilan tasdiqlangan Bojxona yuk deklaratsiyasini toʻldirish tartibi toʻgʻrisidagi yoʻriqnomaga ilovaga muvofiq qoʻshimcha va oʻzgartirishlar kiritilsin.

2. Mazkur buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil hamda Oʻzbekiston Respublikasi Savdo-sanoat palatasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. KUCHKAROV

Toshkent sh.,

2025-yil 6-mart,

234-son

Kelishildi:

Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV

2025-yil 19-fevral

Oʻzbekiston Respublikasi Savdo-sanoat palatasi raisi D. VAXABOV

2025-yil 17-fevral

Oʻzbekiston Respublikasi iqtisodiyot va moliya vazirining 2025-yil 6-martdagi 234-son buyrugʻiga ILOVA

Bojxona yuk deklaratsiyasini toʻldirish tartibi toʻgʻrisidagi yoʻriqnomaga kiritilayotgan qoʻshimcha va oʻzgartirishlar

1. 22-bandning 26-kichik bandida:

quyidagi mazmundagi yigirmanchi xatboshi bilan toʻldirilsin:

“Bunda, TIF TN kodlari 07, 08, 0904, 1008, 1202, 1207409000, 2008191900 boʻlgan tovarlarni rasmiylashtiruvida fitosanitar sertifikatida koʻrsatilgan mahsulot yetishtirilgan tuman (shahar) kodi koʻrsatiladi. Agar fitosanitar sertifikatida ikki yoki undan ortiq tuman (shahar) koʻrsatilgan boʻlsa, har bir hududga tegishli tovarlar alohida tovar sifatida yoziladi.”;

yigirmanchi — yigirma toʻrtinchi xatboshilar tegishli ravishda yigirma birinchi — yigirma beshinchi xatboshilar deb hisoblansin.

2. 82-bandning birinchi va ikkinchi xatboshilari “26,” raqamidan keyin “28,” raqami bilan toʻldirilsin.

3. 4-ilovada:

1) 10 — 13-pozitsiyalar quyidagi tahrirda bayon etilsin:

“10.“Mingtepa” chegara bojxona posti0300511.“Qorasuv” chegara bojxona posti0300612.“Xonobod” chegara bojxona posti0300713.“Pushmon” chegara bojxona posti03008”;

2) 16-pozitsiya quyidagi tahrirda bayon etilsin:

“16.“Keskanyor” chegara bojxona posti03013”.

4. 9 va 11-ilovalar mazkur qoʻshimcha va oʻzgartirishlarning 1 va 2-ilovalariga muvofiq tahrirda bayon etilsin.

5. 13-ilovada:

1) “Bojxona rasmiylashtiruvi uchun bojxona yigʻimlari” blokida:

4-pozitsiyaning “Toʻlov turining nomi” ustunidagi “qayta yuklash” degan soʻzlar “yuk” degan soʻz bilan almashtirilsin;

quyidagi mazmundagi 6-pozitsiya bilan toʻldirilsin:

“6.Xalqaro kuryerlik joʻnatmalarining (1 kg (brutto) xalqaro kuryerlik joʻnatmasi uchun) bojxona rasmiylashtiruvi uchun bojxona yigʻimlari15”;

2) “Boshqa yigʻimlar” blokida:

quyidagi mazmundagi 71-pozitsiya bilan toʻldirilsin:

“71.Deklarantning murojaatiga asosan bojxona organi tomonidan tranzit deklaratsiyasiga oʻzgartirish va (yoki) qoʻshimcha kiritilganlik uchun bojxona yigʻimi47”;

quyidagi mazmundagi 10-pozitsiya bilan toʻldirilsin:

“10.Bir intellektual mulk obyektini bojxona reyestriga kiritilganlik uchun bojxona yigʻimi54.”.

Bojxona yuk deklaratsiyasini toʻldirish tartibi toʻgʻrisidagi yoʻriqnomaga kiritilayotgan qoʻshimcha va oʻzgartirishlarga 1-ILOVA

“Bojxona yuk deklaratsiyasini toʻldirish tartibi toʻgʻrisidagi yoʻriqnomaga 9-ILOVA

Bitim xususiyati

TASNIFLAGICHI

T/rNomiKodiSavdo xususiyatidagi operatsiyalar1.Oʻzbekiston Respublikasi valyutasi yoki chet el valyutasida hisob-kitob qilishni nazarda tutuvchi savdo operatsiyalari (2 — 13-bandlar bundan mustasno)012.Birja savdolari orqali operatsiyalar023.Konsignatsiya tartibidagi operatsiyalar034.Markazlashgan tartibdagi operatsiyalar045.Barter tartibidagi operatsiyalar056.Lizing tartibidagi operatsiyalar067.Keyinchalik xorijga sotish maqsadida tovarlarni bojxona hududiga olib kirib, “bojxona ombori”, “erkin ombor” yoki “erkin bojxona zonasi” bojxona rejimlariga joylashtirish boʻyicha operatsiyalar078.Bojxona hududiga olib kirib, xorijga sotish maqsadida “bojxona ombori”, “erkin ombor” yoki “erkin bojxona zonasi” bojxona rejimlariga joylashtirilgan tovarlarni “reeksport” bojxona rejimiga rasmiylashtirish boʻyicha operatsiyalar 089.Xorijiy buyurtmachi talabi boʻyicha bojxona hududida yoki rezident shaxs talabi boʻyicha bojxona hududidan tashqarida amalga oshiriladigan qayta ishlash operatsiyalari (xizmat)0910.Xorijiy buyurtmachi mavjud boʻlmagan holda amalga oshiriladigan qayta ishlash operatsiyalari1011.Bojxona hududida qayta ishlangan tovarlarni keyingi qayta ishlashga topshirish boʻyicha operatsiyalar (kooperatsiya)1112.Tijorat banklari orqali hisob-kitob qilinmaydigan savdo operatsiyalari1213.Boshqa turdagi savdo operatsiyalari13Nosavdo xususiyatidagi operatsiyalar1.Begʻaraz yordam va (yoki) homiylik operatsiyalari 812.Texnik yordam operatsiyalari823.Hadya sifatidagi operatsiyalari844.Namuna va (yoki) sinov sifatidagi operatsiyalar855.Xorijiy davlatlar granti boʻyicha operatsiyalar866.Gumanitar yordam operatsiyalari877.Tovarlarni ustav kapitaliga kiritish operatsiyalari888.Oʻzbekiston Respublikasi valyutasi yoki chet el valyutasida hisob-kitob qilish nazarda tutilmagan boshqa turdagi nosavdo operatsiyalar89”.

Bojxona yuk deklaratsiyasini toʻldirish tartibi toʻgʻrisidagi yoʻriqnomaga kiritilayotgan qoʻshimcha va oʻzgartirishlarga 2-ILOVA

“Bojxona yuk deklaratsiyasini toʻldirish tartibi toʻgʻrisidagi yoʻriqnomaga 11-ILOVA

Tovarlarni olib oʻtish xususiyatlari

TASNIFLAGICHI

T/rNomiKodi1.Avariyalar, halokatlar va tabiiy ofatlarning natijalarini bartaraf etish maqsadida olib oʻtiladigan qaytarilishi lozim boʻlgan tovarlar1052.Xalqaro tashuvlarni amalga oshiruvchi transport vositalarining normal ekspluatatsiyasi uchun zarur boʻlgan moddiy-texnika taʼminoti buyumlari, asbob-uskunalar, yonilgʻi, oziq-ovqat va boshqa mol-mulkni olib oʻtish0073.Oʻzbekistonga tegishli Oʻzbekiston shaxslari tomonidan ijaraga olingan kemalar (havo yoki dengiz) faoliyatini taʼminlash uchun Oʻzbekiston Respublikasi bojxona hududidan olib chiqilayotgan moddiy-texnik taʼminot buyumlari va anjomlari, yonilgʻi va moylash materiallari (shu jumladan bunkerlash uchun), oziq-ovqat va boshqa mol-mulk0084.Oʻzbekiston kemalaridan va Oʻzbekiston shaxslari tomonidan ijaraga olingan kemalardan dengiz mahsulotlarini olib kirish0095.Oʻzbekiston Respublikasining chet eldagi elchixonalari, konsulliklari, xalqaro tashkilotlar qoshidagi vakolatxonalari va boshqa rasmiy vakolatxonalari faoliyatini taʼminlash uchun tovarlarni olib chiqish0126.Xorijiy davlatlarning elchixonalari, konsulliklari va boshqa rasmiy vakolatxonalari, xalqaro tashkilotlarning vakolatxonalari faoliyatini taʼminlash uchun tovarlarni olib kirish va (yoki) ularni qaytarib olib chiqish0137.Turli ishlarni amalga oshirayotgan Oʻzbekistonlik personalning shaxsiy foydalanilishi uchun korxonalar tomonidan Oʻzbekiston Respublikasidan olib chiqilayotgan tovarlar0428.Oʻzbekiston Respublikasi hududidan tashqarida joylashgan Oʻzbekiston Respublikasining tijorat va notijorat tashkilotlari yoki Oʻzbekiston Respublikasi korxona va tashkilotlari boʻysunuvidagi tijorat va notijorat tashkilotlar faoliyatini taʼminlash uchun Oʻzbekiston Respublikasidan olib chiqilayotgan tovarlar (mazkur ilovaning 5-bandi bundan mustasno)0439.Muomalaga chiqarilgan milliy va xorijiy valyuta (numizmatika maqsadlarida foydalaniladiganlari bundan mustasno), qimmatli qogʻozlar, banknota, tangalar va monetar oltinni olib oʻtish01710.Garov hisobidan tovarlarni yetkazib berish03411.Kafolat xizmatini koʻrsatish doirasida tovarlarni olib oʻtish01812.Reklamatsiya boʻyicha olib oʻtilayotgan tovarlar03913.Koʻrgazma eksponatlari02114.Tomosha va sport tadbirlari uchun tovarlarni yetkazib berish02615.Tovarlarni namuna va nusxa sifatida olib oʻtish03116.Qaytarilishi lozim boʻlgan, koʻp foydalaniladigan tarani olib oʻtish02817.Zarur hujjatlar (bundan ruxsat etish xususiyatiga ega hujjatlar mustasno) va maʼlumotlar taqdim etilmaganligi sababli shartli chiqarib yuborilgan tovarlar03618.Bojxona toʻlovlari shartli bojxona qiymatini aniqlash asosida toʻlanganligi sababli shartli chiqarib yuborilgan tovarlar05819.Tashqi iqtisodiy faoliyat tovar nomenklaturasi boʻyicha tovarlar kodini shartli belgilanganligi sababli shartli chiqarib yuborilgan tovarlar05920.Mahsulotlarni taqsimlash boʻyicha bitimlar doirasida tovarlarni olib oʻtish06221.Aniq bir mijoz ehtiyoji uchun ishlab chiqarilgan dasturiy taʼminot yozilgan axborot tashish vositalari yoki identifikatsiyalanadigan har qanday turdagi asarlarning asl nusxalari07022.Tovarlarni taʼmirlash uchun bojxona hududida qayta ishlash rejimi ostida olib kirish va (yoki) bojxona hududida qayta ishlash bojxona rejimi ostida taʼmirlangan tovarlarni qaytarib olib chiqish04023.Tovarlarni taʼmirlash uchun bojxona hududidan tashqarida qayta ishlash rejimi ostida olib chiqish va (yoki) bojxona hududidan tashqarida qayta ishlash bojxona rejimi ostida taʼmirlangan tovarlarni qaytarib olib kirish08024.Bojxona hududida qayta ishlash bojxona rejimiga joylashtirilgan tovarlarni qayta ishlash natijasida olingan qayta ishlash mahsulotlari, hosil boʻlgan chiqindilar va qoldiqlarni erkin muomalaga chiqarish (import) bojxona rejimiga joylashtirish yoki bojxona hududidan tashqarida qayta ishlash bojxona rejimiga joylashtirilgan tovarlarni qayta ishlash natijasida olingan qayta ishlash mahsulotlari, hosil boʻlgan chiqindilar va qoldiqlarni eksport bojxona rejimiga joylashtirish (ushbu rejimlarda taʼmirlangan tovarlar bundan mustasno)09025.Erkin bojxona zonasi (IM 71), boj olinmaydigan savdo (IM 72) va erkin ombor (IM 73) bojxona rejimlariga joylashtirilgan tovarlarni Oʻzbekiston Respublikasi bojxona hududidan olib chiqish04726.Erkin bojxona zonasi (EK 71), boj olinmaydigan savdo (EK 72) va erkin ombor (EK 73) bojxona rejimlariga joylashtirilgan tovarlarni qaytarib olib kirish17527.Avval vaqtinchalik saqlash, bojxona ombori, bojxona tranziti rejimlariga joylashtirilgan va (yoki) hech qanday rejimga olinmagan tovarlarni qaytarib olib chiqish (ular avval boshqa rejimlarga joylashtirilgan holatlar bundan mustasno)07828.Bir yildan kam muddatga vaqtinchalik olib kirilayotgan yoki vaqtinchalik olib chiqilayotgan tovarlar02329.Avval bir yilgacha boʻlgan muddatga vaqtinchalik olib kirish bojxona rejimiga joylashtirilgan tovarlarni qaytarib olib chiqish yoki avval bir yilgacha boʻlgan muddatga vaqtinchalik olib chiqish bojxona rejimiga joylashtirilgan tovarlarni qaytarib olib kirish12330.Avval bir yil va undan koʻp muddatga vaqtinchalik olib kirish bojxona rejimiga joylashtirilgan tovarlarni erkin muomalaga chiqarish (import) bojxona rejimiga joylashtirish yoki avval bir yil va undan koʻp muddatga vaqtinchalik olib chiqish bojxona rejimiga joylashtirilgan tovarlarni eksport bojxona rejimiga joylashtirish223”.