Maktabgacha va maktab taʼlimi sohasida boshqaruv tizimi samaradorligini oshirishning qoʻshimcha chora-tadbirlari toʻgʻrisida (PF-51-son)

19.03.2025

Oʻzbekiston Respublikasi Prezidentining

Farmoni

Maktabgacha va maktab taʼlimi sohasida boshqaruv tizimiga yuqori salohiyatli kadrlarni jalb etish, amalga oshirilayotgan islohotlarning eng quyi tizimgacha yetib borishini taʼminlash, tizim xodimlarini munosib ragʻbatlantirish hamda vertikal boshqaruv tizimi samaradorligini oshirish orqali sifatli taʼlimga erishish maqsadida:

1. Quyidagilar maktabgacha va maktab taʼlimi sohasida boshqaruvning asosiy ustuvor yoʻnalishlari etib belgilansin:

sifatli taʼlim berishda respublika, hududiy, tuman va shahar darajasida yaxlit vertikal boshqaruv tizimini shakllantirish;

maktabgacha va maktab taʼlimining barcha darajasidagi boshqaruv tuzilmalariga yuqori salohiyatli, zamonaviy bilim, koʻnikma va malakaga ega tashabbuskor nomzodlarni tanlov asosida jalb qilish;

maktabgacha va umumiy oʻrta taʼlim tashkilotlarini bosqichma-bosqich zamonaviy boshqaruv va menejerlik qobiliyatiga ega boʻlgan rahbar kadrlar bilan toʻldirish;

sifatli taʼlim berilishini taʼminlashda oʻquvchilarning bilim va koʻnikmalarni egallashlari, tanqidiy fikrlash, jamoada ishlash kabi koʻnikmalarini rivojlantirishga qaratilgan baholash monitoringini oʻtkazish;

tizimda faoliyat yuritayotgan pedagoglarning kasbiy va pedagogik mahoratini oshirish hamda ularga malaka toifalarini berishning yangi tizimini joriy etish;

tizim tashkilotlari faoliyatini raqamlashtirish orqali boshqaruv samaradorligini oshirish.

2. Belgilansinki:

a) tuman (shahar) maktabgacha va maktab taʼlimi boʻlimlari huzuridagi Maxsus taʼmirlash-ekspluatatsiya xizmatidan 810 ta shtat birligini maqbullashtirish hisobidan Maktabgacha va maktab taʼlimi vazirligi hamda uning hududiy va tuman (shahar) boʻlinmalari jami boshqaruv xodimlarining umumiy cheklangan soni 5 002 taga yetkaziladi;

b) Maktabgacha va maktab taʼlimi vazirligi, uning tizimidagi agentlik hamda markazlar, hududiy va tuman (shahar) boʻlinmalari xodimlarining koʻp yillik xizmati uchun ragʻbatlantirish tizimi joriy etiladi;

v) 2025-yil 1-sentabrdan boshlab:

umumiy oʻrta taʼlim tashkilotlari direktori lavozimining bazaviy tarif stavkasi 20 foizga;

umumiy oʻrta taʼlim tashkilotlari direktori oʻrinbosari lavozimining bazaviy tarif stavkasi 15 foizga;

I va II guruhga kiruvchi maktabgacha taʼlim tashkiloti direktorlari lavozimlarining bazaviy tarif stavkalari tegishlicha III va IV guruhdagi umumiy oʻrta taʼlim tashkiloti direktori oʻrinbosari lavozimining bazaviy tarif stavkalariga tenglashtirish orqali oshiriladi;

g) 2026-yil 1-yanvardan boshlab umumiy oʻrta taʼlim tashkilotlarining direktor jamgʻarmasi mablagʻlari hisobidan direktor va uning oʻrinbosarlariga faoliyat samaradorligi koʻrsatkichlari (KPI) natijasiga koʻra bazaviy tarif stavkalariga nisbatan tegishlicha 20 va 10 foiz miqdorida har oylik ustamalar belgilanadi.

3. Maktabgacha va maktab taʼlimi vazirligi:

Iqtisodiyot va moliya vazirligi bilan birgalikda bir oy muddatda mazkur Farmonda nazarda tutilgan tadbirlarni moliyalashtirish manbaini belgilasin va Davlat budjeti parametrlariga tegishli oʻzgartirishlar kiritish choralarini koʻrsin;

ikki oy muddatda maktabgacha va maktab taʼlimi tizimida islohotlarni amalga oshirish uchun belgilangan vazifalardan kelib chiqib, Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahar maktabgacha va maktab taʼlimi boshqarmalari hamda tuman (shahar) maktabgacha va maktab taʼlimi boʻlimlari xodimlarining lavozim majburiyatlarini qayta koʻrib chiqsin;

uch oy muddatda umumiy oʻrta taʼlim tashkilotlarining direktor jamgʻarmasi mablagʻlari hisobidan direktor va uning oʻrinbosarlariga har oylik ustamalarni belgilash uchun ularning faoliyat samaradorligi koʻrsatkichlarini (KPI) ishlab chiqsin va belgilangan tartibda Vazirlar Mahkamasiga kiritsin.

4. Maktabgacha va maktab taʼlimi vazirligi, uning tizimidagi agentlik hamda markazlar, hududiy va tuman (shahar) boʻlinmalari xodimlarini 2025-yil 1-apreldan boshlab qoʻshimcha ragʻbatlantirish shartlari 1-ilovaga muvofiq tasdiqlansin.

5. Ushbu Farmon ijrosi uchun zarur mablagʻlar 2025-yilda Maktabgacha va maktab taʼlimi vazirligiga ajratilgan mablagʻlarni qayta taqsimlash orqali moliyalashtiriladi, 2026-yildan boshlab esa Davlat budjeti parametrlarida nazarda tutiladi.

6. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

7. Maktabgacha va maktab taʼlimi vazirligi manfaatdor vazirlik hamda idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 19-mart,

PF-51-son

Oʻzbekiston Respublikasi Prezidentining 2025-yil 19-martdagi PF-51-son Farmoniga 1-ILOVA

Maktabgacha va maktab taʼlimi vazirligi, uning tizimidagi agentlik hamda markazlar, hududiy va tuman (shahar) boʻlinmalari xodimlarini qoʻshimcha ragʻbatlantirish shartlari

1. Oʻzbekiston Respublikasi Davlat budjeti hisobidan davlat organlari va tashkilotlaridagi koʻp yillik xizmati uchun ragʻbatlantirish koeffitsiyentini hisobga olgan holda lavozim maoshiga belgilangan koeffitsiyentlarda quyidagi hajmda har oyda ustamalar toʻlanadi:

a) Maktabgacha va maktab taʼlimi vazirligi, uning tizimidagi agentlik hamda markazlar, Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari xodimlariga:

1 yildan 3 yilgacha — 0,3;

3 yildan 5 yilgacha — 0,6;

5 yildan 10 yilgacha — 0,8;

10 yildan 15 yilgacha — 1,0;

15 yildan 20 yilgacha — 1,2;

20 yildan yuqori — 1,5;

b) tuman (shahar) maktabgacha va maktab taʼlimi boʻlimlari xodimlariga:

1 dan 3 yilgacha — 0,15;

3 dan 5 yilgacha — 0,3;

5 dan 10 yilgacha — 0,45;

10 dan 15 yilgacha — 0,6;

15 dan 20 yilgacha — 0,75;

20 dan yuqori — 1,0.

2. Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari, tuman (shahar) maktabgacha va maktab taʼlimi boʻlimlari xodimlariga (metodist xodimlardan tashqari) Oʻzbekiston Respublikasi Davlat budjeti hisobidan Oʻzbekiston Respublikasi Prezidentining 2017-yil 9-yanvardagi “Davlat boshqaruvi hududiy organlari faoliyatini yanada takomillashtirish va xodimlarini moddiy ragʻbatlantirishni kuchaytirish chora-tadbirlari toʻgʻrisida”gi PQ-2722-son qarorining 1-bandi ikkinchi xatboshisida nazarda tutilgan har oylik ustamalar tatbiq etiladi.

Oʻzbekiston Respublikasi Prezidentining 2025-yil 19-martdagi PF-51-son Farmoniga 2-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

2. Oʻzbekiston Respublikasi Prezidentining 2022-yil 11-maydagi “2022 — 2026-yillarda maktab taʼlimini rivojlantirish boʻyicha milliy dasturni tasdiqlash toʻgʻrisida”gi PF-134-son Farmonida:

a) 8-bandning uchinchi xatboshisi chiqarib tashlansin;

b) 9-bandda:

oʻn birinchi xatboshi quyidagi tahrirda bayon etilsin:

“Maktabgacha va maktab taʼlimi vazirligi (X. Umarova) hamda Oliy taʼlim, fan va innovatsiyalar vazirligi (K. Sharipov) Iqtisodiyot va moliya vazirligi (I. Norqulov) bilan kelishgan holda xalqaro tan olingan va milliy baholash tizimida berilgan sertifikatlar (ularning kombinatsiyasi) roʻyxatini hamda har oylik ustama olish uchun sertifikatlarning eng kam darajasini qonunchilikda belgilangan tartibda tasdiqlasin”;

oʻn ikkinchi — oʻn toʻrtinchi xatboshilar chiqarib tashlansin;

v) 1-ilovada:

12-pozitsiya chiqarib tashlansin;

13-pozitsiyaning “Amalga oshirish mexanizmi” va “Bajarish muddati” ustunlari 2-bandi oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 1-ilovada:

a) “13. Maktabgacha va maktab taʼlimi vazirligi” boʻlimi “Maktabgacha va maktab taʼlimi vazirligi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “4 119” raqami “4 929” raqami bilan almashtirilsin;

b) izohlar qismida:

5.12. bandda “Respublika taʼlim markazi” soʻzlaridan keyin “, Taʼlim sohasida ovqatlantirishni tashkil etish va nazorat qilish markazi” soʻzlari bilan toʻldirilsin;

5.13. bandda “ilmiy-amaliy markazi” soʻzlaridan keyin “, Fan olimpiadalari markazi” soʻzlari bilan toʻldirilsin.

4. Oʻzbekiston Respublikasi Prezidentining 2023-yil 26-maydagi “Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari toʻgʻrisida”gi PF-79-son Farmonida:

a) 4-bandning “a” kichik bandi ikkinchi xatboshisi quyidagi tahrirda bayon etilsin:

“umumiy oʻrta taʼlim muassasalari direktorlariga oʻz oʻrinbosarlarini ishga qabul qilish va ishdan boʻshatish masalalarini mustaqil hal qilish huquqi beriladi”;

b) 3-ilovaning “Taʼminot va logistika xizmati” DUK, “Innovatsiya, texnologiya va strategiya markazi” DUK” blokidan “Innovatsiya, texnologiya va strategiya markazi” DUK” soʻzlari chiqarib tashlansin.

5. Oʻzbekiston Respublikasi Prezidentining 2023-yil 11-sentabrdagi “Oʻzbekiston — 2030 strategiyasi” toʻgʻrisida”gi PF-158-son Farmoniga 1-ilovaning 1-pozitsiyasi quyidagi tahrirda bayon etilsin:

“1.Maktabgacha taʼlim tizimini yangi bosqichga olib chiqish hamda bolalarning toʻliq qamrovini taʼminlash.Bolalarni maktabga tayyorlov guruhlari bilan toʻliq qamrab olish.100 foiz maktabgacha taʼlim tashkilotlarini toza ichimlik suv va zamonaviy sanitariya-gigiyena infratuzilmasi bilan taʼminlash.”.

6. Oʻzbekiston Respublikasi Prezidentining 2024-yil 1-apreldagi “Ixtisoslashtirilgan maktablar tarmogʻini kengaytirish va ularning faoliyatini yanada takomillashtirish chora-tadbirlari toʻgʻrisida”gi PF-55-son Farmonining 4-bandi “b” kichik bandining uchinchi xatboshisi “Extension,” soʻzidan keyin “(Focus on Assessment yoki Focus on Teaching),” soʻzlari bilan toʻldirilsin.

7. Oʻzbekiston Respublikasi Prezidentining 2024-yil 30-sentabrdagi “Maktabgacha taʼlim sifati va samaradorligini yanada oshirish boʻyicha qoʻshimcha chora-tadbirlar toʻgʻrisida”gi PF-152-son Farmonining 3-bandi ikkinchi xatboshisi “shartlarini” soʻzidan keyin “hamda malaka toifalarini berish tartibini” soʻzlari bilan toʻldirilsin.

8. Oʻzbekiston Respublikasi Prezidentining 2024-yil 16-oktabrdagi “Kasbiy taʼlimda malakali kadrlar tayyorlash tizimini yanada takomillashtirish va xalqaro taʼlim dasturlarini joriy qilish chora-tadbirlari toʻgʻrisida”gi PF-158-son Farmonida:

a) 1-ilovaning 108-pozitsiyasi chiqarib tashlansin;

b) 3-ilova quyidagi mazmundagi 181-pozitsiya bilan toʻldirilsin:

“181.5.Buxoro shahriBuxoro pedagogika kolleji650Umumiy oʻrta taʼlim maktabi”.

9. Oʻzbekiston Respublikasi Prezidentining 2025-yil 30-yanvardagi “Oʻzbekiston — 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida”gi PF-16-son Farmoniga 3-ilovada:

a) 4-pozitsiya quyidagi tahrirda bayon etilsin:

“4.Toza ichimlik suv va sanitariya-gigiyena infratuzilmasi bilan taʼminlangan davlat maktabgacha taʼlim tashkilotlari ulushi.foiz83--8283“Oʻzsuvtaʼminot” AJ,Maktabgacha va maktab taʼlimi vazirligi”;

b) 5-pozitsiya quyidagi tahrirda bayon etilsin:

“5.Umumiy oʻrta taʼlim tizimida yaratiladigan yangi oʻquvchi oʻrinlari soni.mingta11024282830Qurilish va uy-joy kommunal xoʻjaligi vazirligi,Maktabgacha va maktab taʼlimi vazirligi”;

v) 6-pozitsiya quyidagi tahrirda bayon etilsin:

“6.Toza ichimlik suv va sanitariya-gigiyena infratuzilmasi bilan taʼminlangan umumiy oʻrta taʼlim muassasalari ulushi.foiz9185889091“Oʻzsuvtaʼminot” AJ,Maktabgacha va maktab taʼlimi vazirligi”;

g) 11-pozitsiya quyidagi tahrirda bayon etilsin:

“11.Oʻquvchilar uchun bepul maktab avtobuslari yoʻlga qoʻyilgan olis va chekka hududlarda joylashgan umumiy oʻrta taʼlim muassasalari soni.dona100--100-Samarqand va Jizzax viloyati hokimliklari,Transport vazirligi,Iqtisodiyot va moliya vazirligi”.

10. Oʻzbekiston Respublikasi Prezidentining 2017-yil 15-sentabrdagi “Nodavlat taʼlim xizmatlari koʻrsatish faoliyatini yanada rivojlantirish chora-tadbirlari toʻgʻrisida”gi PQ-3276-son qarorining 8-bandi birinchi xatboshisidagi “2021” raqami “2030” raqami bilan almashtirilsin.

11. Oʻzbekiston Respublikasi Prezidentining 2018-yil 5-apreldagi “Maktabgacha taʼlim tizimini yanada ragʻbatlantirish va rivojlantirish chora-tadbirlari toʻgʻrisida”gi PQ-3651-son qaroriga 1-ilovaning 97-bandi toʻqqizinchi xatboshisidagi “metodistlari” soʻzi “direktor oʻrinbosarlari” soʻzlari bilan almashtirilsin.

12. Oʻzbekiston Respublikasi Prezidentining 2018-yil 5-sentabrdagi “Maktabgacha va maktab taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida”gi PQ-3931-son qarorida:

a) 6-band oʻz kuchini yoʻqotgan deb hisoblansin;

b) 13-bandda:

birinchi xatboshidagi “2025” raqami “2030” raqami bilan almashtirilsin;

uchinchi xatboshi quyidagi tahrirda bayon etilsin:

“Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyxatlar boʻyicha nodavlat maktabgacha va umumiy oʻrta taʼlim tashkilotlarini jihozlash va faoliyatini taʼminlash uchun olib kiriladigan zamonaviy oʻquv va laboratoriya uskunalari, kompyuter texnikasi, dasturiy mahsulotlar, oʻquv va ilmiy-metodik adabiyotlar, anjomlar va moddiy-texnik resurslar 2030-yil 1-yanvarga qadar muddatga bojxona toʻlovlaridan (bojxona rasmiylashtiruvi uchun yigʻimlar bundan mustasno)”.

13. Oʻzbekiston Respublikasi Prezidentining 2020-yil 6-noyabrdagi “Taʼlim-tarbiya tizimini yanada takomillashtirishga oid qoʻshimcha chora-tadbirlar toʻgʻrisida”gi PQ-4884-son qarorining 11-bandida:

beshinchi xatboshi chiqarib tashlansin;

oltinchi xatboshi beshinchi xatboshi deb hisoblansin;

beshinchi xatboshidan “hamda umumtaʼlim muassasalari direktorlarini” soʻzlari chiqarib tashlansin.

14. Oʻzbekiston Respublikasi Prezidentining 2022-yil 11-maydagi “Maktabgacha va maktab taʼlimini rivojlantirishga oid qoʻshimcha chora-tadbirlar toʻgʻrisida”gi PQ-241-son qarorida:

a) 6-bandda:

ikkinchi xatboshi chiqarib tashlansin;

uchinchi — beshinchi xatboshilar tegishincha ikkinchi — toʻrtinchi xatboshilar deb hisoblansin;

b) 1-ilova oʻz kuchini yoʻqotgan deb hisoblansin.

15. Oʻzbekiston Respublikasi Prezidentining 2023-yil 11-sentabrdagi “Oʻzbekiston — 2030” strategiyasini 2023-yilda sifatli va oʻz vaqtida amalga oshirish chora-tadbirlari toʻgʻrisida”gi PQ-300-son qarorida:

2-bandning “a” kichik bandi uchinchi xatboshisidan “, kelgusida mazkur tajriba respublikaning barcha hududlarida bosqichma-bosqich joriy etilsin” soʻzlari chiqarib tashlansin;

1a-ilovaning 4-pozitsiyasi “Oʻlchov birligi” ustunidagi “mingta” soʻzi “ta” soʻzi bilan almashtirilsin.

16. Vazirlar Mahkamasining 2005-yil 21-dekabrdagi “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 275-son qarorida:

a) 2-ilovada:

1.1-pozitsiyasi quyidagi tahrirda bayon etilsin:

“1.1Umumiy oʻrta taʼlim tashkiloti direktori5,8445,5255,2104,879”;

2.1-pozitsiyasi quyidagi tahrirda bayon etilsin:

“2.1Umumiy oʻrta taʼlim tashkiloti direktorining oʻrinbosarlari(2.9-banddan tashqari), maktab maslahatchisi5,2954,9934,6764,368”;

quyidagi mazmundagi 2.9-pozitsiya bilan toʻldirilsin:

“2.9Umumiy oʻrta taʼlim tashkiloti direktorining xoʻjalik ishlari boʻyicha oʻrinbosari2,2772,1021,9331,772”;

b) 2a-ilovaning 2-bandi quyidagi tahrirda bayon etilsin:

“2. Davlat maktabgacha taʼlim tashkiloti rahbarlari mehnatiga haq toʻlash boʻyicha bazaviy tarif stavkalari miqdorlari:

T/rLavozim nomiMehnatga haq toʻlashning eng kam miqdoriga nisbatan(koeffitsiyentda)I guruhII guruh 1.Direktor4,6764,368

Izoh. Davlat maktabgacha taʼlim tashkiloti direktorining bazaviy tarif stavkasi tashkilotlar guruhidan kelib chiqib belgilanadi”.

17. Vazirlar Mahkamasining 2019-yil 7-iyundagi “Olis hududlarda joylashgan umumiy oʻrta taʼlim muassasalarida faoliyat yuritayotgan pedagog xodimlarning mehnatini yanada ragʻbatlantirish toʻgʻrisida”gi 471-son qaroriga 1-ilovaning “12. Xorazm viloyati” boʻlimi quyidagi mazmundagi pozitsiya bilan toʻldirilsin:

“Tuproqqaʼla tumaniSarimoy mahalla fuqarolar yigʻini (MFY) (Sarimoy qishlogʻi)”.

18. Vazirlar Mahkamasining 2019-yil 30-sentabrdagi “Umumiy oʻrta taʼlim muassasalarining oʻrnak koʻrsatgan xodimlarini moddiy ragʻbatlantirish tartibini takomillashtirish toʻgʻrisida”gi 823-son qaroriga 1-ilovaning 29-bandida:

a) birinchi xatboshidagi “50” raqami “75” raqami bilan almashtirilsin;

b) quyidagi mazmundagi ikkinchi xatboshi bilan toʻldirilsin:

“Bunda mukofotlash davrida mukofot miqdori Jamgʻarmani amaldagi moliyaviy holatidan kelib chiqib, uning mavjud mablagʻlari doirasida belgilanadi”.

19. Vazirlar Mahkamasining 2020-yil 15-dekabrdagi “Xalqaro taraqqiyot uyushmasi, Taʼlimda global hamkorlik tashkiloti hamda Natijalarga asoslangan yondashuvlar uchun global hamkorlik tashkiloti ishtirokidagi “Bolalarni erta yoshdan rivojlantirishni takomillashtirish” loyihasini amalga oshirish chora-tadbirlari toʻgʻrisida”gi 789-son qarorining 1-bandi “g” kichik bandidagi “2020 — 2024-yillarni” soʻzlari “2020 — 2025-yillarni” soʻzlari bilan almashtirilsin.

20. Vazirlar Mahkamasining 2022-yil 2-avgustdagi “Maktabgacha taʼlim sohasida davlat-xususiy sheriklik munosabatlarini zamonaviy raqamli texnologiyalar yordamida soddalashtirish chora-tadbirlari toʻgʻrisida”gi 426-son qaroriga 2-ilovaning 6-bandi “b” kichik bandidagi “metodist” soʻzi “direktor oʻrinbosari” soʻzlari bilan almashtirilsin.

Izoh. 18 band 2025-yil 1-sentabrdan boshlab kuchga kiradi.