Mahsulotlarni eksport qilish tartib-taomillarini takomillashtirish va qoʻshilgan qiymatga ega tayyor mahsulotlar ishlab chiqarishni ragʻbatlantirish chora-tadbirlari toʻgʻrisida (PF-47-son)

14.03.2025

Oʻzbekiston Respublikasi Prezidentining

Farmoni

Eksport tartib-taomillarini yanada takomillashtirish, mahalliy xomashyo asosida qoʻshilgan qiymatga ega tayyor mahsulot ishlab chiqarishni ragʻbatlantirish va qayta ishlash sanoatining investitsiyaviy jozibadorligini oshirish maqsadida qaror qilaman:

I. Maqsadlar

1. Ushbu Farmonni qabul qilishdan koʻzlangan asosiy maqsad etib eksport tartib-taomillarini Jahon savdo tashkiloti qoidalariga muvofiqlashtirish belgilansin.

II. Eksport tartib-taomillarini takomillashtirish chora-tadbirlari

2. 2025-yil 1-iyuldan boshlab ayrim turdagi xomashyo tovarlari va ijtimoiy ahamiyatga ega mahsulotlarga nisbatan eksport bojxona bojlari joriy etilsin hamda ularning stavkalari 1-ilovaga muvofiq tasdiqlansin.

3. Jahon savdo tashkiloti bilan ishlash boʻyicha idoralararo komissiya (J.A. Xodjayev) joriy qilinayotgan eksport bojxona bojlari samarasi boʻyicha har chorakda tahlillar olib borib, zarur hollarda, ularni oʻzgartirish boʻyicha Oʻzbekiston Respublikasi Prezidenti Administratsiyasi va Vazirlar Mahkamasiga takliflar kiritib borsin.

4. Oʻzbekiston Respublikasi Prezidentining ayrim hujjatlariga 2-ilovaga muvofiq quyidagilarni bekor qilishni nazarda tutuvchi oʻzgartirishlar va qoʻshimcha kiritilsin:

(a) Oʻzbekiston Respublikasi Prezidentining va Oʻzbekiston Respublikasi Hukumatining qarorlari asosida buyumlar va mahsulotlarni eksport qilish tartibini;

(b) ayrim turdagi tovarlarni eksport qilishda undiriladigan yigʻimlarni.

5. Oʻzbekiston Respublikasi Prezidentining ayrim hujjatlari 3-ilovaga muvofiq oʻz kuchini yoʻqotgan deb hisoblansin.

III. Farmon ijrosini tashkil etish va nazorat

6. Mazkur Farmonning ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosarlari J.A. Xodjayev va J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 14-mart,

PF-47-son

Oʻzbekiston Respublikasi Prezidentining 2025-yil 14-martdagi PF-47-son Farmoniga 1-ILOVA

Ayrim turdagi xomashyo tovarlari va ijtimoiy ahamiyatga ega mahsulotlarga nisbatan eksport bojxona bojlari

STAVKALARI

T/rTIF TN kodiTovarning nomiBoj stavkasi(foizda, tovarning bojxona qiymatiga nisbatan)1.0101Tirik otlar, eshaklar, xachirlar va xoʻtiklar202.0102Tirik yirik shoxli qoramol203.0103Tirik choʻchqalar204.0104Tirik qoʻy va echkilar205.0105(0105 11, 0105 94 000 0 dan tashqari)Tirik uy parrandalari, xonaki tovuqlar (Gallus domesticus), oʻrdak, gʻoz, kurkalar va sesarkalar206.0201Yangi soʻyilgan yoki sovitilgan yirik shoxli qoramol goʻshti307.0202Muzlatilgan yirik shoxli qoramol goʻshti308.0203Yangi soʻyilgan, sovitilgan yoki muzlatilgan choʻchqa goʻshti309.0204Yangi soʻyilgan, sovitilgan yoki muzlatilgan qoʻy yoki echki goʻshti3010.0205Yangi suyilgan, sovitilgan yoki muzlatilgan otlar, eshaklar, xachir va xoʻtiklarning goʻshti3011.1001Bugʻdoy va meslin (bugʻdoy va javdar aralashmasi)3012.1002Javdar3013.1003Arpa3014.1004Suli3015.1005Makkajoʻxori3016.1006Guruch10017.1207 21Paxta chigiti10018.1207 2919.1404 20 000 0Paxta linti10020.2503 00Sublimatsiyalangan, tindirilgan yoki kolloidli oltingugurtdan tashqari barcha koʻrinishdagi oltingugurt10021.2711 21 000 0Tabiiy gaz2022.3101 00 000 0Kelib chiqishi oʻsimlik yoki hayvonot bilan bogʻliq moddalardan tashkil topgan oʻgʻitlar, aralashtirilgan yoki aralashtirilmagan, kimyoviy ishlov berilgan yoki berilmagan; kelib chiqishi oʻsimlik yoki hayvonotga mansub mahsulotlardan aralashtirish yoki kimyoviy ishlov berish orqali olingan oʻgʻitlar1023.3102Mineral yoki kimyoviy, azotli oʻgʻitlar1024.3103Mineral yoki kimyoviy, fosforli oʻgʻitlar1025.3104Mineral yoki kimyoviy, kaliyli oʻgʻitlar1026.3105Ikki yoki uchta ozuqaviy elementlarni oʻz ichiga olgan mineral yoki kimyoviy oʻgʻitlar: azot, fosfor va kaliy; boshqa oʻgʻitlar; tabletkalar yoki shunga oʻxshash shakllarda yoki brutto massasi 10 kg dan oshmaydigan oʻramlardagi ushbu guruh mahsulotlari1027.3901 10Salmogʻi 0,94 dan kam boʻlgan polietilen1028.3902 10 000 0Birlamchi shakllardagi polipropilen1029.3903Birlamchi shakllardagi stirol polimerlari1030.3907 61Polietilentereftalat va uning chiqindilari, parchalari va qirindilari10031.3907 6932.3915 90 800 033.4101Yirik shoxli qoramol (jumladan, hoʻkizlar (buyvol) yoki otlar oilasiga mansub hayvonlarning yangi shilingan holatidagi yoki tuzlangan, quritilgan, oshlangan, pikellangan yoki boshqa usulda konservalangan, oshlanmagan pergament uchun tayyorlangan yoki qoʻshimcha ishlov berilmagan, jun qatlami boʻlgan yoki boʻlmagan, ikki qatlamga ajratilgan yoki ajratilmagan xom terilari30, lekin har bir tonnasi uchun 300 AQSH dollaridan kam boʻlmagan miqdorda34.4102Ishlov berilmagan qoʻy yoki qoʻzichoq (yangi shilingan holatdagi yoki tuzlangan, quritilgan, oshlangan, pikellangan yoki boshqa usulda konservalangan, oshlanmagan pergament uchun tayyorlangan yoki qoʻshimcha ishlov berilmagan, jun qatlami boʻlgan yoki boʻlmagan, ikki qatlamga ajratilgan yoki ajratilmagan, izoh qismining birinchi bandi (v) kichik bandiga koʻra ushbu guruhga kiritilmagan xom terilar3035.4103Ishlov berilmagan (yangi shilingan holatdagi yoki tuzlangan, quritilgan, oshlangan, pikellangan yoki boshqa usulda konservalangan, oshlanmagan pergament uchun tayyorlangan yoki qoʻshimcha ishlov berilmagan, jun qatlami boʻlgan yoki boʻlmagan, ikki qatlamga ajratilgan yoki ajratilmagan, izoh qismining birinchi bandi (b) yoki (v) kichik bandlariga koʻra ushbu guruhga kiritilmagan boshqa turdagi xom terilar3036.4104Yirik shoxli mol terisidan (yovvoyi hoʻkiz, buyvol terisidan olingan charmlar ham kiradi) yoki otlar oilasiga mansub hayvon terilaridan olingan, jun qatlami yoʻqotilgan, ikki qatlamga ajratilgan yoki ajratilmagan, keyingi ishlovlardan oʻtkazilmagan charm yoki charm krasti10, lekin har bir tonnasi uchun 300 AQSH dollaridan kam boʻlmagan miqdorda;2026-yil 1-yanvardan — 20, lekin har bir tonnasi uchun 600 AQSH dollaridan kam boʻlmagan miqdorda;2028-yil 1-yanvardan — 30, lekin har bir tonnasi uchun 900 AQSH dollaridan kam boʻlmagan miqdorda37.4107 4114-tovar pozitsiyasidagi charmdan tashqari yirik shoxli mol (shuningdek, buyvollar) terisidan yoki otsimonlar oilasiga mansub hayvonlar terilaridan qilingan, yung qatlamisiz, ikki qatlamga ajratilgan yoki ajratilmagan, oshlashdan keyin qoʻshimcha ishlov berilgan charm yoki charmning krast bosqichidagi koʻrinishi, shu jumladan, pergament qilib ishlangan charm538.4112 00 000 0Qoʻy terisidan yoki qoʻzi terisidan olingan, oshlashdan keyingi ishlovlardan oʻtkazilgan charm yoki charm krasti, oshlangan pergament holatida tayyorlangan charmlar, jun qatlamisiz, ikkilangan yoki ikkilanmagan, 4114-tovar pozitsiyasidagi charmlar bunga kirmaydi539.4113Boshqa hayvon terilaridan olingan, oshlashdan keyingi ishlovlardan oʻtkazilgan charm yoki charm krasti, oshlangan pergament holatida tayyorlangan charmlar, jun qatlamisiz, ikkilangan yoki ikkilanmagan, 4114-tovar pozitsiyasidagi charmlar bunga kirmaydi540.5001 00 000 0Chuvishga yaroqli ipak qurti pillalari 50, lekin har bir tonnasi uchun 8 000 AQSH dollaridan kam boʻlmagan miqdorda41.5002 00 000 0Ipak xomashyosi (chuvatib oʻralmagan)1, lekin har bir tonnasi uchun 500 AQSH dollaridan kam boʻlmagan miqdorda;2026-yil 1-yanvardan — 5, lekin har bir tonnasi uchun 2 500 AQSH dollaridan kam boʻlmagan miqdorda;2028-yil 1-yanvardan — 10, lekin har bir tonnasi uchun 5 000 AQSH dollaridan kam boʻlmagan miqdorda42.5003 00 000 0Ipak chiqindilari (shu jumladan, chuvishga yaroqsiz pillalar, pilla ipi chiqindilari va titilgan xomashyo)1, lekin har bir tonnasi uchun 500 AQSH dollaridan kam boʻlmagan miqdorda;2026-yil 1-yanvardan — 5, lekin har bir tonnasi uchun 2 500 AQSH dollaridan kam boʻlmagan miqdorda;2028-yil 1-yanvardan — 10, lekin har bir tonnasi uchun 5 000 AQSH dollaridan kam boʻlmagan miqdorda43.5201Kardolanmagan yoki yigiruv tarogʻida taralmagan paxta tolasi10044.5202Paxta tolasi chiqindilari (jumladan, yigiruv chiqindilari va titilgan xomashyo)10045.5203 00 000 0Kardolangan yoki yigiruv tarogʻida taralgan paxta tolasi10046.5205(boʻyalganidan tashqari)Tarkibida paxta tolasi massasi 85 foiz va undan koʻp boʻlgan, chakana sotish uchun qadoqlanmagan paxtadan yigirilgan ip (tikuv iplaridan tashqari)2, lekin har bir tonnasi uchun 50 AQSH dollaridan kam boʻlmagan miqdorda;2027-yil 1-yanvardan — 5, lekin har bir tonnasi uchun 125 AQSH dollaridan kam boʻlmagan miqdorda47.5206(boʻyalganidan tashqari)Tarkibida paxta tolasi massasi 85 foizdan kam boʻlgan, chakana sotish uchun qadoqlanmagan paxtadan yigirilgan ip (tikuv iplaridan tashqari)2, lekin har bir tonnasi uchun 50 AQSH dollaridan kam boʻlmagan miqdorda;2027-yil 1-yanvardan — 5, lekin har bir tonnasi uchun 125 AQSH dollaridan kam boʻlmagan miqdorda48.5207(boʻyalganidan tashqari)Chakana sotish uchun qadoqlangan paxtadan yigirilgan ip (tikuv ipidan tashqari)2, lekin har bir tonnasi uchun 50 AQSH dollaridan kam boʻlmagan miqdorda;2027-yil 1-yanvardan — 5, lekin har bir tonnasi uchun 125 AQSH dollaridan kam boʻlmagan miqdorda49.6001(boʻyalgan trikotaj matodan tashqari)Tukli trikotaj matolar, mashinada yoki qoʻlda toʻqilgan, shu jumladan, uzun tukli matolar va paxmoq matolar150.6002(boʻyalgan trikotaj matodan tashqari)Eni 30 sm dan ortiq boʻlmagan, tarkibida elastomer yoki rezina iplar massasi 5 foiz yoki undan koʻp boʻlgan, mashinada yoki qoʻlda toʻqilgan trikotaj matolar, 6001-tovar pozitsiyasidagi matolardan tashqari151.6003(boʻyalgan trikotaj matodan tashqari)Eni 30 sm dan ortiq boʻlmagan, mashinada yoki qoʻlda toʻqilgan trikotaj matolar, 6001- yoki 6002-tovar pozitsiyasidagi trikotaj matolardan tashqari152.6004(boʻyalgan trikotaj matodan tashqari)Eni 30 sm dan ortiq, tarkibida elastomer yoki rezina iplar massasi 5 foiz yoki undan koʻp boʻlgan, mashinada yoki qoʻlda toʻqilgan trikotaj matolar, 6001-tovar pozitsiyasidagi matolardan tashqari153.6005(boʻyalgan trikotaj matodan tashqari)Asosi toʻqilgan matolar (shu jumladan, galunlarni ishlab chiqarish uchun trikotaj mashinalarida toʻqilganlar), 6001 — 6004-tovar pozitsiyalaridagi trikotaj matolardan tashqari154.6006(boʻyalgan trikotaj matodan tashqari)Mashinada yoki qoʻlda toʻqilgan trikotaj matolarning boshqalari155.7204Qora metall chiqindilari va lomi10056.7401Misli shteyn; sementlash misi (mis choʻkmasi)1057.7402Tozalanmagan mis; elektrolitik tozalash uchun mis anodlari1058.7403Tozalangan mis va ishlov berilmagan mis qotishmalari1059.7404 00Mis chiqindilar va lom10060.7405Mis asosida ligaturalar1061.7406Mis kukun va poʻstloqlar1062.7408(7408 19 dan tashqari)Mis sim563.7602 00Aluminiy chiqindilari va lom10064.7802 00 000 0Qoʻrgʻoshin chiqindilari va qoldiqlari10065.7902 00 000 0Rux parchalari va chiqindisi10066.8002 00 000 0Qalay chiqindilari va lomi10067.8101 97 000 0Volfram chiqindilari va lomi10068.8102 97 000 0Molibden chiqindilari va lomi10069.8103 30 000 0Tantal chiqindilari va lomi10070.8104 20 000 0Magniy chiqindilari va lomi10071.8105 30 000 0Kobalt chiqindilari va lomi10072.8106 10 000 0Vismut chiqindilari va lomi10073.8106 90 000 074.8108 30 000 0Titan chiqindilari va lomi10075.8109 31 000 0Sirkoniy chiqindilari va lomi10076.8109 39 000 077.8110 20 000 0Surma chiqindilari va lomi10078.8111 00 190 0Marganets chiqindilari va lomi10079.8112 13 000 0Berilliy chiqindilari va lomi10080.8112 22 000 0Xrom chiqindilari va lomi10081.8112 31 000 0Gafniy chiqindilari va lomi10082.8112 41 000 1Reniy chiqindilari va lomi10083.8112 52 000 0Talliy chiqindilari va lomi10084.8112 61 000 0Kadmiy chiqindilari va lomi10085.8112 92 210 1Germaniy chiqindilari va lomi10086.8112 92 210 8Boshqa chiqindilar va lom100

Oʻzbekiston Respublikasi Prezidentining 2025-yil 14-martdagi PF-47-son Farmoniga 2-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha

1. Oʻzbekiston Respublikasi Prezidentining 2017-yil 15-dekabrdagi “Tashqi bozorlarda mahalliy mahsulotlar raqobatdoshligini taʼminlash va eksportini ragʻbatlantirishga doir qoʻshimcha chora-tadbirlari toʻgʻrisida”gi PF-5286-son Farmonida:

a) 1-bandda:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin;

b) 2-bandning ikkinchi xatboshisidagi “tovarlarning barcha turlariga bojxona eksport bojlari va” soʻzlari chiqarib tashlansin;

v) 1-ilova oʻz kuchini yoʻqotgan deb hisoblansin.

2. Oʻzbekiston Respublikasi Prezidentining 2020-yil 2-sentabrdagi “Oʻzbekiston Respublikasida pillachilik va qorakoʻlchilikni yanada rivojlantirish chora-tadbirlari toʻgʻrisida”gi PF-6059-son Farmonida:

a) 11-band oʻz kuchini yoʻqotgan deb hisoblansin;

b) 12-band quyidagi tahrirda bayon etilsin:

“12. “Oʻzbekipaksanoat” uyushmasi huzurida yuridik shaxs maqomiga ega boʻlmagan Pillachilikni rivojlantirish jamgʻarmasi tashkil qilinsin va qonunchilik hujjatlari bilan taqiqlanmagan manbalar uning mablagʻlarini shakllantirish manbai etib belgilansin”.

3. Oʻzbekiston Respublikasi Prezidentining 2022-yil 31-maydagi “Isteʼmol bozorlarida narxlar barqarorligini taʼminlashga va monopoliyaga qarshi choralarning taʼsirchanligini oshirishga doir qoʻshimcha chora-tadbirlar toʻgʻrisida”gi PF-145-son Farmoni 2-bandi uchinchi xatboshisi “1207” raqamidan keyin “, bundan 1207 21 va 1207 29 mustasno” soʻzlari bilan toʻldirilsin.

4. Oʻzbekiston Respublikasi Prezidentining 2018-yil 3-maydagi “Charm-poyabzal va moʻynachilik sohalarini rivojlantirish va eksport salohiyatini oshirishni yanada ragʻbatlantirish chora-tadbirlari toʻgʻrisida”gi PQ-3693-son qarorida:

a) 5-band oʻz kuchini yoʻqotgan deb hisoblansin;

b) 6-bandda:

ikkinchi xatboshi chiqarib tashlansin;

uchinchi — oltinchi xatboshilar tegishlicha ikkinchi — beshinchi xatboshilar deb hisoblansin.

Izoh: ushbu ilova 2025-yil 1-iyuldan boshlab kuchga kiradi.

Oʻzbekiston Respublikasi Prezidentining 2025-yil 14-martdagi PF-47-son Farmoniga 3-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim hujjatlari roʻyxati

1. Oʻzbekiston Respublikasi Prezidentining 2019-yil 6-martdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5684-son Farmoniga ilovaning 15-bandi.

2. Oʻzbekiston Respublikasi Prezidentining 2023-yil 21-noyabrdagi “Ayrim sanoat tarmoqlarida sifatli va raqobatbardosh mahsulotlar ishlab chiqarishga qaratilgan qoʻshimcha chora-tadbirlar toʻgʻrisida”gi PF-198-son Farmoniga 1-ilovaning 7-bandi.

3. Oʻzbekiston Respublikasi Prezidentining 2023-yil 12-dekabrdagi “Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari toʻgʻrisida”gi PF-205-son Farmoniga 2-ilovaning 7-bandi.

4. Oʻzbekiston Respublikasi Prezidentining 2024-yil 26-avgustdagi “Oʻzbekiston Respublikasi Prezidentining 2017-yil 15-dekabrdagi “Tashqi bozorlarda mahalliy mahsulotlar raqobatdoshligini taʼminlash va eksportini ragʻbatlantirishga doir qoʻshimcha chora-tadbirlari toʻgʻrisida”gi PF-5286-son Farmoniga chorvachilik sohasida eksportni rivojlantirishga qaratilgan oʻzgartirish kiritish haqida”gi PF-125-son Farmoni.

5. Oʻzbekiston Respublikasi Prezidentining 2024-yil 27-dekabrdagi “Tadbirkorlar uchun teng sharoitlar va adolatli raqobat muhitini taʼminlash boʻyicha navbatdagi chora-tadbirlar toʻgʻrisida”gi PF-229-son Farmonining 10-bandi.

6. Oʻzbekiston Respublikasi Prezidentining 2025-yil 16-yanvardagi “Toʻqimachilik va tikuv-trikotaj sanoatida qayta ishlash zanjirini rivojlantirish boʻyicha qoʻshimcha chora-tadbirlar toʻgʻrisida”gi PF-6-son Farmoniga ilova 3-bandi “b” kichik bandi.

7. Oʻzbekiston Respublikasi Prezidentining 2019-yil 16-sentabrdagi “Yengil sanoatni yanada rivojlantirish va tayyor mahsulotlar ishlab chiqarishni ragʻbatlantirish chora-tadbirlari toʻgʻrisida”gi PQ-4453-son qarorining 2-bandi.

8. Oʻzbekiston Respublikasi Prezidentining 2024-yil 20-maydagi “Charm-poyabzal, ipakchilik va gilamchilik tarmoqlarini rivojlantirishni yangi bosqichga olib chiqish chora-tadbirlari toʻgʻrisida”gi PQ-181-son qaroriga ilovaning 1-bandi.

Izoh: ushbu ilova 2025-yil 1-iyuldan boshlab kuchga kiradi.