Xalqaro shartnomani tasdiqlash toʻgʻrisida (PQ-101-son)

14.03.2025

Oʻzbekiston Respublikasi Prezidentining

qarori

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:

1. 2024-yil 13-noyabrda Boku shahrida imzolangan Ozarbayjon Respublikasi, Qozogʻiston Respublikasi bilan Oʻzbekiston Respublikasi oʻrtasida yashil energiyani rivojlantirish va uzatish sohasida strategik sheriklik toʻgʻrisidagi Bitim tasdiqlansin.

2. Energetika vazirligi ushbu xalqaro shartnomani amalga oshirish uchun masʼul boʻlgan vakolatli organ etib belgilansin.

3. Tashqi ishlar vazirligi Oʻzbekiston Respublikasi tomonidan ushbu xalqaro shartnomaning kuchga kirishi uchun zarur boʻlgan davlat ichki tartib-taomillari bajarilganligi hamda uni amalga oshirish uchun masʼul boʻlgan vakolatli organ toʻgʻrisida Ozarbayjon va Qozogʻiston tomonlariga tegishli bildirishnomalarni yuborsin.

4. Vazirlar Mahkamasi hamda tegishli vazirlik va idoralarning rahbarlari mazkur xalqaro shartnoma kuchga kirganidan keyin belgilangan tartibda uning qoidalarini amalga oshirish ustidan nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 14-mart,

PQ-101-son