Qiyoslashdan oʻtkazilishi lozim boʻlgan oʻlchash vositalari turkumlarining roʻyxatini tasdiqlash toʻgʻrisida (3606-son)
10.02.2025
Vazirlar Mahkamasi huzuridagi Oʻzbekiston texnik jihatdan tartibga solish agentligi direktorining
buyrugʻi
[Oʻzbekiston Respublikasi Adliya vazirligi tomonidan 2025-yil 10-fevralda roʻyxatdan oʻtkazildi, roʻyxat raqami 3606]
Oʻzbekiston Respublikasining “Metrologiya toʻgʻrisida”gi Qonuni hamda Oʻzbekiston Respublikasi Vazirlar Mahkamasining 2024-yil 12-sentabrdagi 564-son “Oʻzbekiston Respublikasining “Metrologiya toʻgʻrisida”gi Qonuniga oʻzgartirishlar kiritilishi munosabati bilan Oʻlchash natijalari davlat ahamiyatiga ega boʻlgan oʻlchash vositalari turkumlarining roʻyxatini tasdiqlash hamda Oʻzbekiston Respublikasi Hukumatining ayrim qarorlariga metrologiya tekshiruvi hamda davlat metrologiya nazorati funksiyalarining ajratilishini nazarda tutuvchi oʻzgartirishlar kiritish toʻgʻrisida”gi qaroriga muvofiq buyuraman:
1. Qiyoslashdan oʻtkazilishi lozim boʻlgan oʻlchash vositalari turkumlarining roʻyxati 1-ilovaga muvofiq tasdiqlansin.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili hamda Savdo-sanoat palatasi bilan kelishilgan.
4. Mazkur buyruq rasmiy eʼlon qilingan kundan eʼtiboran kuchga kiradi.
Direktor A. JUMANAZAROV
Toshkent sh.,
2025-yil 7-yanvar,
78-son
Kelishildi:
Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV
2025-yil 4-yanvar
Savdo-sanoat palata raisi D. VAXABOV
2024-yil 25-dekabr
Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi direktorining 2025-yil 7-yanvardagi 78-son buyrugʻiga 1-ILOVA
Qiyoslashdan oʻtkazilishi lozim boʻlgan oʻlchash vositalari turkumlarining
ROʻYXATI
Izoh:
* Birlamchi qiyoslashdan oʻtkazilgan shishali kichik sigʻimdagi suyuqlik oʻlchagichlari hamda qum soatlar qiyoslashdan arizachining murojaatiga asosan ixtiyoriy ravishda oʻtkaziladi.
** kommunal-maishiy sohada qoʻllaniladigan hisoblagichlarning oʻlchash chegarasi 10÷40 m3/h.
*** Ushbu oʻlchash vositalarini qiyoslash akkreditatsiya qilingan Oʻzbekiston milliy metrologiya instituti, respublika ijro etuvchi hokimiyat organlari va xoʻjalik boshqaruvi organlarining metrologiya xizmatlari tomonidan amalga oshiriladi.
Oʻlchash natijalari davlat ahamiyatiga ega boʻlgan oʻlchash vositalari turkumlarining roʻyxatiga kiritilmagan oʻlchash vositalarini qiyoslash yuridik shaxslarning metrologiya xizmatlari tomonidan amalga oshirilishi mumkin.
Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi direktorining 2025-yil 7-yanvardagi 78-son buyrugʻiga 2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
ROʻYXATI
1. Oʻzbekiston standartlashtirish, metrologiya va sertifikatlashtirish agentligi bosh direktorining 2019-yil 12-iyuldagi 91-son “Metrologiya tekshiruvidan oʻtkazilishi lozim boʻlgan oʻlchov vositalari turkumlarining roʻyxatini tasdiqlash toʻgʻrisida”gi buyrugʻi (roʻyxat raqami 3174, 2019-yil 30-iyul) (Qonun hujjatlari maʼlumotlari milliy bazasi, 30.07.2019-y., 10/19/3174/3491-son).
2. Oʻzbekiston standartlashtirish, metrologiya va sertifikatlashtirish agentligi bosh direktorining 2019-yil 16-oktabrdagi 137-son “Metrologiya tekshiruvidan oʻtkazilishi lozim boʻlgan oʻlchov vositalari turkumlarining roʻyxatiga oʻzgartirishlar kiritish toʻgʻrisida”gi buyrugʻi (roʻyxat raqami 3174-1, 2019-yil 7-noyabr) (Qonun hujjatlari maʼlumotlari milliy bazasi, 07.11.2019-y., 10/19/3174-1/4002-son).