Nogironlikni belgilash tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish toʻgʻrisida (741-son)
07.11.2024
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Nogironlikni belgilash tizimini takomillashtirish boʻyicha qoʻshimcha chora-tadbirlar toʻgʻrisida” 2024-yil 16-iyuldagi PQ-257-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar va qoʻshimcha kiritilsin:
ixtisoslashtirilgan (psixiatriya, ftiziatriya va pulmonologiya, pediatriya) tibbiy-ijtimoiy ekspert komissiyalarining vazifalari va shtat birliklari Qoraqalpogʻiston Respublikasi, viloyatlar, Toshkent shahar, tumanlararo va tuman (shahar) tibbiy-ijtimoiy ekspert komissiyalariga oʻtkazilgan holda tugatilishi munosabati bilan qonunchilik hujjatlarini muvofiqlashtirish;
tibbiy-ijtimoiy ekspertiza komissiyalarining roʻyxatini yangilash.
2. Oʻzbekiston Respublikasi Prezidenti huzuridagi Ijtimoiy himoya milliy agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 7-noyabr,
741-son
Vazirlar Mahkamasining 2024-yil 7-noyabrdagi 741-son qaroriga ILOVA
Oʻzbekiston Respublikasi Hukumatining ayrim hujjatlariga kiritilayotgan oʻzgartirishlar va qoʻshimcha
1. Vazirlar Mahkamasining 2020-yil 30-oktabrdagi 677-son qarori bilan tasdiqlangan Oʻzbekiston Respublikasi Adliya vazirligining yuridik texnikumlariga oʻqishga qabul qilish boʻyicha davlat xizmatlari koʻrsatishning maʼmuriy reglamentiga 3-ilovaning 2-3-pozitsiyalari quyidagi tahrirda bayon etilsin:
2. Vazirlar Mahkamasining “Tibbiy-ijtimoiy ekspertiza xizmati tashkiliy tuzilmasini va faoliyatini tashkil etishga oid normativ-huquqiy hujjatlarni tasdiqlash toʻgʻrisida” 2022-yil 8-fevraldagi 62-son qarorida:
a) 2-bandning ikkinchi xatboshisi quyidagi tahrirda bayon etilsin:
“Qoraqalpogʻiston Respublikasi, viloyatlar va Toshkent shahar tibbiy-ijtimoiy ekspert komissiyalarining, tumanlararo, tuman (shahar) tibbiy-ijtimoiy ekspert komissiyalarining namunaviy tuzilmalari 3-4-ilovalarga muvofiq”;
b) 3-ilovaning matni quyidagi tahrirda bayon etilsin:
“Qoraqalpogʻiston Respublikasi, viloyatlar va Toshkent shahar tibbiy-ijtimoiy ekspert komissiyalarining
NAMUNAVIY TUZILMASI
Umumiy shtatlar soni 10 — 12 birlikni tashkil etadi, hududlar kesimida ularning aniq soni Ijtimoiy himoya milliy agentligi direktori tomonidan belgilanadi.
Izoh.
1. Tibbiy-ijtimoiy ekspert komissiyasi raisi vrach-ekspert hisoblanadi.
2. Alohida bino boʻlganda qorovul va farrosh, avtotransport vositasi boʻlganda haydovchi lavozimlari qoʻshimcha kiritiladi.
3. Ijtimoiy himoya milliy agentligi direktori tibbiy-ijtimoiy ekspert komissiyalarining tuzilmasiga xodimlarning umumiy cheklangan soni doirasida oʻzgartirish kiritishi mumkin.”;
v) 4-ilovaning matni quyidagi tahrirda bayon etilsin:
“Tumanlararo va tuman (shahar) tibbiy-ijtimoiy ekspert komissiyalarining namunaviy tuzilmasi
Umumiy shtatlar soni 3,5 — 5 birlikni tashkil etadi, hududlar kesimida ularning aniq soni Ijtimoiy himoya milliy agentligi direktori tomonidan belgilanadi.
Izoh. Tibbiy-ijtimoiy ekspert komissiyasi raisi vrach-ekspert hisoblanadi.
Alohida bino boʻlganda qorovul va farrosh, avtotransport vositasi boʻlganda haydovchi lavozimlari qoʻshimcha kiritiladi.
Ijtimoiy himoya milliy agentligi direktori tibbiy-ijtimoiy ekspert komissiyalarining tuzilmasiga xodimlarning umumiy cheklangan soni doirasida oʻzgartirish kiritishi mumkin.”;
g) 5-ilova oʻz kuchini yoʻqotgan deb hisoblansin;
d) 6-ilovaning matni quyidagi tahrirda bayon etilsin:
“Tibbiy-ijtimoiy ekspert komissiyalarini zarur asbob-uskunalar bilan jihozlangan davlat tibbiyot muassasalariga bepul tekshiruvlar oʻtkazish uchun biriktirish roʻyxati
e) 8-ilovada:
1-2-bandlar quyidagi tahrirda bayon etilsin:
“1. Ushbu Nizom Qoraqalpogʻiston Respublikasi, viloyatlar va Toshkent shahar, tuman (shahar), tumanlararo tibbiy-ijtimoiy ekspert komissiyalarining (keyingi oʻrinlarda — TIEK) maqomi, vazifalari, funksiyalari, huquqlari va javobgarligini, shuningdek, faoliyatini tashkil etishni belgilaydi.
2. TIEKlar Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Agentlik) Qoraqalpogʻiston Respublikasi, viloyatlar va Toshkent shahar boshqarmalarining (keyingi oʻrinlarda — Boshqarma) tibbiy-ijtimoiy ekspertiza xizmati tizimidagi funksional tarkibiy boʻlinmalari hisoblanadi.”;
3-banddan “Inspeksiya boshligʻining buyruqlariga,” soʻzlari chiqarib tashlansin;
5-band oʻz kuchini yoʻqotgan deb hisoblansin;
6-banddagi “Tumanlararo, tuman (shahar), ixtisoslashtirilgan va pediatriya TIEK” soʻzlari “TIEKlar” soʻzi bilan almashtirilsin;
7-band quyidagi tahrirda bayon etilsin:
“7. Tibbiy-ijtimoiy ekspertiza tizimiga Qoraqalpogʻiston Respublikasi, viloyatlar va Toshkent shahar, tuman (shahar), tumanlararo TIEKlari kiradi.”;
9-band quyidagi tahrirda bayon etilsin:
“9. Shaxsni nogironligi boʻlgan shaxs yoki 18 yoshgacha boʻlgan bolani nogironligi boʻlgan bola deb topish TIEK tomonidan amalga oshiriladi.”;
10-bandning beshinchi xatboshisidagi “muvofiqlashtirish” soʻzi “muvofiqlashtirishda ishtirok etish” soʻzlari bilan almashtirilsin;
11-bandda:
ikkinchi xatboshidagi “Bosh TIEK” soʻzi “Qoraqalpogʻiston Respublikasi, viloyatlar va Toshkent shahar TIEK” soʻzlari bilan almashtirilsin;
“a” kichik bandda:
ikkinchi, oltinchi — toʻqqizinchi xatboshilardan “, ixtisoslashtirilgan va pediatriya” soʻzlari chiqarib tashlansin;
uchinchi va beshinchi xatboshilardan “va ixtisoslashtirilgan” soʻzlari chiqarib tashlansin;
toʻrtinchi xatboshidan “pediatriya” soʻzi chiqarib tashlansin;
oʻninchi — oʻn ikkinchi xatboshilar quyidagi tahrirdagi oʻninchi xatboshi bilan almashtirilsin:
“fuqarolar tumanlararo, tuman (shahar) TIEK xulosasidan norozi boʻlganda, qayta nazorat koʻrikdan oʻtishga ikki marotaba xabar berilishiga qaramasdan kelmaganligi sababli nogironlik pensiya (nafaqa)si dalolatnoma asosida toʻxtatilgan shaxslarni belgilangan tartibda koʻrikdan oʻtkazadi”;
“b” kichik bandning uchinchi xatboshisidagi “Inspeksiyaga” soʻzi “Agentlikka” soʻzi bilan almashtirilsin;
“g” kichik bandda:
birinchi xatboshidagi “muvofiqlashtirish” soʻzi “muvofiqlashtirishda ishtirok etish” soʻzi bilan almashtirilsin;
ikkinchi — toʻrtinchi xatboshilardan “, ixtisoslashtirilgan va pediatriya” soʻzlari chiqarib tashlansin;
“d” kichik bandda:
ikkinchi — toʻrtinchi xatboshilar chiqarib tashlansin;
beshinchi xatboshi ikkinchi xatboshi deb hisoblansin;
ikkinchi xatboshidagi “Bosh” soʻzi “Qoraqalpogʻiston Respublikasi, viloyatlar va Toshkent shahar” soʻzlari bilan almashtirilsin;
“e” kichik bandda:
birinchi xatboshidan “, ixtisoslashtirilgan va pediatriya” soʻzlari chiqarib tashlansin;
uchinchi xatboshidan “pediatriya” soʻzi chiqarib tashlansin;
yettinchi, oʻninchi, oʻn toʻqqizinchi, yigirmanchi va yigirma birinchi xatboshilar chiqarib tashlansin;
sakkizinchi, toʻqqizinchi, oʻn birinchi — oʻn sakkizinchi, yigirma ikkinchi — oʻttizinchi xatboshilar tegishlicha yettinchi, sakkizinchi, oʻninchi — oʻn yettinchi, oʻn sakkizinchi — yigirma oltinchi xatboshilar deb hisoblansin;
yigirma toʻrtinchi xatboshidan “ixtisoslashtirilgan” soʻzlari chiqarib tashlansin;
yigirma beshinchi xatboshidan “, ixtisoslashtirilgan va pediatriya” soʻzlari chiqarib tashlansin;
yigirma oltinchi xatboshidan “, ixtisoslashtirilgan va pediatriya” soʻzlari chiqarib tashlansin;
12-bandda:
birinchi xatboshidagi “Bosh” soʻzi “Qoraqalpogʻiston Respublikasi, viloyatlar va Toshkent shahar” soʻzlari bilan almashtirilsin;
ikkinchi xatboshi quyidagi tahrirda bayon etilsin:
“tumanlararo, tuman (shahar) TIEKda koʻrikdan oʻtkazilgan shaxslarning tibbiy hujjatlarini “Tibbiy-ijtimoiy ekspertiza” elektron axborot tizimi orqali oʻrganadi va oʻrganish natijasiga koʻra shubhali holatlar aniqlanganda nogironligi boʻlgan shaxs deb topilgan shaxslarni chaqirgan holda yuzma-yuz koʻrikdan oʻtkazish yoʻli bilan ekspertiza xulosalari sifatini va asoslanganligini nazorat qilish;”
uchinchi va toʻrtinchi xatboshilardan “, ixtisoslashtirilgan va pediatriya” soʻzlari chiqarib tashlansin;
oltinchi xatboshi chiqarib tashlansin;
yettinchi xatboshi oltinchi xatboshi deb hisoblansin;
oltinchi xatboshi quyidagi tahrirda bayon etilsin:
“Qoraqalpogʻiston Respublikasi, viloyatlar va Toshkent shahar TIEKning vrach ekspertlari tumanlararo, tuman (shahar), TIEK majlislarida qaror qabul qilishda ovoz berish huquqi bilan qatnashadi, shuningdek, shubhali holatlarda tibbiyot muassasalari tomonidan berilgan tibbiy hujjatlarning asoslanganligini tekshiradi hamda yoʻl qoʻyilgan xato-kamchiliklarni bartaraf etish boʻyicha chora-tadbirlar koʻradi.”;
13-bandda:
birinchi xatboshidan “, ixtisoslashtirilgan va pediatriya” soʻzlari chiqarib tashlansin;
yettinchi xatboshidagi “Bosh” soʻzi “Qoraqalpogʻiston Respublikasi, viloyatlar va Toshkent shahar” soʻzlari bilan almashtirilsin;
15-bandda:
birinchi xatboshidan “, ixtisoslashtirilgan va pediatriya” soʻzlari chiqarib tashlansin;
uchinchi xatboshidagi “Bosh” soʻzi “Qoraqalpogʻiston Respublikasi, viloyatlar va Toshkent shahar” soʻzlari bilan almashtirilsin;
16-band quyidagi tahrirda bayon etilsin:
“16. TIEKni tashkil etish, qayta tashkil etish va tugatish toʻgʻrisidagi qaror Agentlikning taklifi boʻyicha Oʻzbekiston Respublikasi Vazirlar Mahkamasi tomonidan qabul qilinadi.
Qoraqalpogʻiston Respublikasi, viloyatlar va Toshkent shahar, tumanlararo, tuman (shahar) TIEK vrachlik-maslahat komissiyalarini boshlangʻich tashxislariga va taqdim qilingan tibbiy hujjatlariga shubha boʻlgan holatlarda bepul tekshiruvlar oʻtkazish uchun asbob-uskunalar bilan jihozlangan davlat tibbiyot muassasalariga biriktirish Vazirlar Mahkamasi tomonidan amalga oshiriladi.”;
17 — 21-bandlar quyidagi tahrirda bayon etilsin:
“17. Qoraqalpogʻiston Respublikasi, viloyatlar va Toshkent shahar TIEK raisi lavozimiga tibbiy-ijtimoiy ekspertiza boʻyicha kamida 5 yil ish stajiga ega boʻlgan vrach-ekspertlar tayinlanadi.
18. TIEK raislari Agentlik direktorining oʻrinbosari bilan kelishilgan holda Agentlikning Qoraqalpogʻiston Respublikasi, viloyatlar va Toshkent shahar boshqarmalari boshliqlari tomonidan lavozimga tayinlanadi va lavozimdan ozod etiladi.
TIEK aʼzolarini lavozimga tayinlash va lavozimdan ozod qilish Agentlikning Qoraqalpogʻiston Respublikasi, viloyatlar va Toshkent shahar boshqarmalari boshliqlari tomonidan amalga oshiriladi.
19. Qoraqalpogʻiston Respublikasi, viloyatlar va Toshkent shahar TIEK tarkibi 7 ta mutaxassislik boʻyicha vrach-ekspert — terapevt, xirurg, nevrolog, pediatr, oftalmolog, psixiatr, ftiziatrlardan iborat tarkibda tashkil etiladi, shuningdek, nogironlikning strukturasiga qarab psixolog, sotsiolog va boshqa mutaxassislar kiritilishi mumkin.
Qoraqalpogʻiston Respublikasi, viloyatlar va Toshkent shahar TIEK vrach-ekspertlaridan biri TIEK raisi etib tayinlanadi.
Qoraqalpogʻiston Respublikasi, viloyatlar va Toshkent shahar TIEKda ishlash uchun mehnatga soatbay haq toʻlangan holda tibbiy, texnik va boshqa masalalar boʻyicha maslahatchilar jalb etilishi mumkin.
TIEK shtatiga vrach metodist, tibbiy hamshira, haydovchi (avtomobil boʻlganda) kiradi, shuningdek, alohida binoga ega boʻlganda qoʻshimcha ravishda qorovul va farrosh lavozimi kiritiladi.
TIEK ish grafigi haftada 6 kun 5,5 soatdan boʻlib, har oyning bir kunida ekspert — metodik kengash oʻtkaziladi.
20. Qoraqalpogʻiston Respublikasi, viloyatlar va Toshkent shahar TIEK Qoraqalpogʻiston Respublikasi, viloyatlar va Toshkent shahrida har birida bittadan mustaqil tarkibiy boʻlinma shaklida, tuman (shahar), tumanlararo TIEK maʼlum bir hududda xizmat koʻrsatiladigan aholi soni, nogironligi boʻlgan shaxslarning soni, shuningdek, hududlarning oraliq masofasini hamda chegaradoshligini inobatga olgan holda tashkil etiladi.
21. Tumanlararo, tuman (shahar) TIEK 4 ta mutaxassislik boʻyicha vrach-ekspertdan iborat tarkibda tashkil etiladi va vrach-ekspertlardan biri TIEK raisi etib tayinlanadi.
Tumanlararo, tuman (shahar) TIEK tarkibiga ekspert-terapevt, ekspert-xirurg, ekspert-nevrolog, ekspert-pediatr kiradi.
Tumanlararo, tuman (shahar) TIEK komissiya yigʻilishida Qoraqalpogʻiston Respublikasi, viloyatlar va Toshkent shahar TIEKning ekspert-oftalmologi, ekspert-ftiziatri va ekspert-psixiatri qatnashishi taʼminlanadi.
Tumanlararo, tuman (shahar) TIEK geografik, demografik va boshqa xususiyatlarni (aholi zichligi, kasallanish, nogironlik darajasi va murojaatlari) hisobga olgan holda aholiga bitta TIEK tashkil etilishi mumkin.
Aholi soni va zichligi yuqori boʻlmagan choʻl va togʻli joylarda oʻrindoshlik lavozimidagi vrach-ekspertlardan iborat TIEK tashkil etilishi mumkin”;
25-band oʻz kuchini yoʻqotgan deb hisoblansin;
26-band quyidagi tahrirda bayon etilsin:
“26. Yuklangan vazifalarga muvofiq TIEK raislari quyidagi funksional majburiyatlarni bajaradi:
Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etadi;
TIEKga umumiy rahbarlik qiladi va unga yuklangan vazifalar va funksiyalarning bajarilishi uchun shaxsan javob beradi;
TIEK vrach-ekspertlari va xodimlarini lavozimga tayinlash va lavozimdan ozod etilishiga oid taklif va taqdimnomalar kiritadi;
TIEK vrach-ekspertlari va xodimlarining faoliyati yoʻnalishlari va hududlarga rahbarlik qilish boʻyicha vakolatlarini va shaxsiy javobgarligi darajasini belgilaydi;
TIEKga biriktirilgan hududda Tibbiy-ijtimoiy ekspertiza xizmati ish yuritish sohasiga daxldor takliflarda sohaga oid davlat siyosatiga qatʼiy rioya etilishini taʼminlaydi, tayyorlangan hujjatlar loyihalariga viza qoʻyadi. Tegishli hujjatlar qabul qilinganidan keyin ularning amalga oshirilishi ustidan tizimli nazorat oʻrnatilishini taʼminlaydi;
vrach-ekspertlar va xodimlarning samarali mehnat qilishlari uchun shart-sharoitlarni yaratadi va tizim boʻyicha kadrlar zaxirasini shakllantiradi;
“Jismoniy va yuridik shaxslarning murojaatlari toʻgʻrisida”gi Qonunga muvofiq jismoniy va yuridik shaxslar murojaatlarini ijro etish muddatlariga rioya etilishini taʼminlaydi;
TIEK faoliyati rejalashtirilishini tashkil etadi, yillik ish rejalarini tasdiqlash uchun tegishliligi boʻyicha Agentlikning Qoraqalpogʻiston Respublikasi, viloyatlar va Toshkent shahar boshqarmalariga kiritadi va ularning bajarilishini taʼminlaydi;
TIEK vrach-ekspertlari va xodimlarining manfaatlarini himoya qiladi;
qonunchilik hujjatlarida belgilangan boshqa vakolatlarni amalga oshiradi.”;
29-banddagi “Inspeksiya” soʻzi “Agentlik” soʻzi bilan almashtirilsin;
30-band quyidagi tahrirda bayon etilsin:
“30. TIEK faoliyatining samaradorligi va natijadorligini baholash yakunlari boʻyicha:
TIEK raislari va boshqa xodimlariga nisbatan Agentlik huzuridagi Ijtimoiy himoya davlat jamgʻarmasi mablagʻlari hisobidan 75 foizgacha ragʻbatlantirish (mukofotlash) yoki intizomiy javobgarlik choralari;
TIEK faoliyatida aniqlangan kamchiliklarni bartaraf etish va ularning faoliyatini yanada takomillashtirish chora-tadbirlari koʻriladi.
TIEK faoliyati samaradorligi va natijadorligini baholash tartibi va uslubi Agentlik tomonidan belgilanadi.”;
31-band oʻz kuchini yoʻqotgan deb hisoblansin;
32-banddagi “TIEK raislari” soʻzlari “Agentlikning Qoraqalpogʻiston Respublikasi, viloyatlar va Toshkent shahar boshqarmalari boshliqlari” soʻzlari bilan almashtirilsin;
36-bandning ikkinchi xatboshisidagi “Bosh TIEK raislari va ularning oʻrinbosarlariga” soʻzlari “Qoraqalpogʻiston Respublikasi, viloyatlar va Toshkent shahar TIEK raislariga” soʻzlari bilan almashtirilsin;
j) 9-ilovada:
1-bandda:
“(Bosh, tuman, shahar, tumanlararo, ixtisoslashgan va pediatriya)” soʻzlari chiqarib tashlansin;
uchinchi xatboshi quyidagi tahrirda bayon etilsin:
“Fuqaroni nogironligi boʻlgan shaxs yoki oʻn sakkiz yoshgacha boʻlgan bolalarni nogironligi boʻlgan bola deb topish — TIEKlar tomonidan amalga oshiriladi”;
beshinchi xatboshidagi “shaxsiy hujjatlar yigʻmajildlarini” soʻzlari “elektron maʼlumotlarini “Tibbiy-ijtimoiy ekspertiza” elektron axborot tizimida” soʻzlari bilan almashtirilsin;
9-banddan “mavjud ixtisoslashtirilgan” soʻzlari chiqarib tashlansin;
16-banddan “Bosh, tuman (shahar), tumanlararo, ixtisoslashtirilgan va pediatriya” soʻzlari chiqarib tashlansin;
18-band quyidagi tahrirda bayon etilsin:
“18. Koʻrik hujjatlar TIEKda qabul qilib olingan kundan boshlab 20 kun muddat ichida oʻtkaziladi.
TIEK tomonidan koʻrikdan oʻtuvchini qoʻshimcha ravishda tibbiy tekshirish hamda klinik tashxisni aniqlashtirish toʻgʻrisida xulosa qilingan hollarda koʻrik bir oygacha boʻlgan muddat ichida oʻtkaziladi”;
20-bandda:
ikkinchi xatboshidagi “deb yoziladi” soʻzlari “degan maʼlumotlari kiritiladi” soʻzlari bilan almashtirilsin;
quyidagi mazmundagi uchinchi xatboshi bilan toʻldirilsin:
“Nogironlik belgilari aniq koʻrinib turgan, anatomik nuqsonlari boʻlgan, shuningdek, noxush klinik prognozga ega kasalliklar va asoratlarning roʻyxatida koʻrsatilgan holatlar boʻyicha TIEKga elektron yoʻllanmada koʻrik sirtdan oʻtkazilishi tanlanadi.”;
21-bandning ikkinchi xatboshisi quyidagi tahrirda bayon etilsin:
“Fuqaro sogʻligi holati boʻyicha hamda karantin (epidemiya va pandemiya) tadbirlari, tabiiy ofatlar, tabiiy va texnogen tusdagi favqulodda holatlar davrida koʻrik oʻtkazish uchun hujjatlar koʻrikdan oʻtuvchi joylashgan hududdagi tibbiyot muassasasi tomonidan rasmiylashtiriladi va tegishli TIEKga elektron axborot tizimi orqali taqdim etiladi. Koʻrik oʻtkazgan TIEK tomonidan qilingan xulosa “Tibbiy-ijtimoiy ekspertiza” elektron axborot tizimida shakllantiriladi hamda TIEK raisi va vrach-ekspertlari tomonidan tasdiqlangandan soʻng koʻrikdan oʻtuvchi doimiy roʻyxatda turadigan hududdagi tegishli TIEKga 1 kundan kechiktirmay yuboriladi.”;
22-band quyidagi tahrirda bayon etilsin:
“22. Koʻrik maʼlumotlari va TIEK xulosasi “Tibbiy-ijtimoiy ekspertiza” elektron axborot tizimida shakllantirib boriladi.”;
24-band quyidagi tahrirda bayon etilsin:
“24. TIEK xulosasi koʻrikdan oʻtuvchiga TIEK raisi tomonidan koʻrikni oʻtkazgan barcha mutaxassislar ishtirokida, tegishli xulosa qabul qilingandan soʻng darhol eʼlon qilinadi.”;
26-bandning yettinchi xatboshisi chiqarib tashlansin;
28 — 30-bandlar quyidagi tahrirda bayon etilsin:
“28. Nogironlik toʻgʻrisidagi maʼlumotnoma ushbu Nizomga 4-ilovaga muvofiq shakl boʻyicha rasmiylashtirilib, QR-kod orqali tasdiqlanib fuqaroga beriladi. Iqtisodiyot va moliya vazirligi huzuridagi budjetdan tashqari Pensiya jamgʻarmasi (keyingi — oʻrinlarda Pensiya jamgʻarmasi)ga hamda “Yagona milliy ijtimoiy himoya” axborot tizimiga elektron tarzda oʻsha kunning oʻzida “Tibbiy-ijtimoiy ekspertiza” elektron axborot tizimi orqali yuboriladi.
29. TIEK tomonidan koʻrikda nogironligi boʻlgan bola deb topilganda, shu kunning oʻzida mazkur Nizomga 4-ilovada koʻrsatilgan shakl boʻyicha maʼlumotnoma rasmiylashtirilib, QR-kod orqali tasdiqlanib nogironligi boʻlgan bolaga (yoki qonuniy vakiliga) beriladi hamda “Yagona milliy ijtimoiy himoya” axborot tizimiga elektron tarzda oʻsha kunning oʻzida “Tibbiy-ijtimoiy ekspertiza” elektron axborot tizimi orqali yuboriladi.
30. Koʻrikdan oʻtkazish dalolatnomasi “Tibbiy-ijtimoiy ekspertiza” elektron axborot tizimida rasmiylashtirib boriladi”;
31-banddagi “TIEK” dasturi” soʻzlari “Tibbiy-ijtimoiy ekspertiza” elektron axborot tizimi” soʻzlari bilan almashtirilsin;
32-banddagi “3 ish kunida” soʻzlari “oʻsha kunning oʻzida “Tibbiy-ijtimoiy ekspertiza” elektron axborot tizimi orqali” soʻzlari bilan almashtirilsin;
33-bandda:
ikkinchi xatboshi chiqarib tashlansin;
uchinchi va toʻrtinchi xatboshilar tegishlicha ikkinchi va uchinchi xatboshilar deb hisoblansin;
35-band quyidagi tahrirda bayon etilsin:
“35. Agar TIEKning raisi yoki aʼzolaridan biri qabul qilingan xulosaga rozi boʻlmasa, u holda “Tibbiy-ijtimoiy ekspertiza” elektron axborot tizimiga ularning alohida fikri qayd etiladi va ushbu fuqaro takroriy koʻrikdan oʻtkazish uchun uch kun muddatda tegishli Qoraqalpogʻiston Respublikasi, viloyatlar va Toshkent shahar TIEKga yuboriladi.
Qoraqalpogʻiston Respublikasi, viloyatlar va Toshkent shahar TIEKda qarorlar kollegial, TIEK aʼzolarining koʻpchilik ovozi asosida qabul qilinadi. Ovozlar teng boʻlgan taqdirda, Qoraqalpogʻiston Respublikasi, viloyatlar va Toshkent shahar TIEK raisining ovozi hal qiluvchi ovoz hisoblanadi.”;
41-bandning oʻn yettinchi xatboshisi chiqarib tashlansin;
53-band oʻz kuchini yoʻqotgan deb hisoblansin;
54-bandda:
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
55-bandning beshinchi xatboshisidagi “Bosh TIEK yoki Respublika tibbiy-ijtimoiy ekspertiza inspeksiyasi” soʻzlari “Qoraqalpogʻiston Respublikasi, viloyatlar va Toshkent shahar TIEK, Agentlik yoki Agentlik huzuridagi Ijtimoiy inspeksiya” soʻzlari bilan almashtirilsin;
59-bandda:
birinchi xatboshi quyidagi tahrirda bayon etilsin:
“59. TIEKning koʻrikdan oʻtkazish xulosalarini va “Tibbiy-ijtimoiy ekspertiza” elektron axborot tizimida rasmiylashtirilgan hujjatlarni takroriy ekspertizadan oʻtkazish ushbu Nizomning 55-bandi beshinchi xatboshisida nazarda tutilgan holatlarda, ilgari belgilangan muddatlardan qatʼi nazar, amalga oshiriladi.”;
ikkinchi va uchinchi xatboshilardagi “bildirishnoma” soʻzi “SMS-xabar” soʻzlari bilan almashtirilsin;
yettinchi xatboshidagi “Bosh” soʻzi “Qoraqalpogʻiston Respublikasi, viloyatlar va Toshkent shahar” soʻzlari bilan almashtirilsin;
60-band quyidagi tahrirda bayon etilsin:
“60. Koʻrikdan oʻtkaziluvchi tuman (shahar), tumanlararo TIEK xulosasidan norozi boʻlgan taqdirda, u bir oy mobaynida Qoraqalpogʻiston Respublikasi, viloyatlar va Toshkent shahar TIEKga yoki belgilangan tartibda sudga murojaat qilishi mumkin. Ariza tushgandan keyin Qoraqalpogʻiston Respublikasi, viloyatlar va Toshkent shahar TIEK keyingi 20 kun mobaynida ariza beruvchini qayta koʻrikdan oʻtkazadi va oʻz xulosasini “Tibbiy-ijtimoiy ekspertiza” elektron axborot tizimida rasmiylashtirib beradi.
TIEKning xulosalaridan vrach-ekspertlardan birortasi, shuningdek, koʻrikdan oʻtuvchi norozi boʻlgan holatlarda fuqaro Qoraqalpogʻiston Respublikasi, viloyatlar va Toshkent shahar TIEK tomonidan qayta koʻrikdan oʻtkaziladi.
Qoraqalpogʻiston Respublikasi, viloyatlar va Toshkent shahar TIEK xulosasidan ham norozi boʻlingan taqdirda, Qoraqalpogʻiston Respublikasi, viloyatlar va Toshkent shahar TIEK tomonidan ushbu xulosani oʻzgartiradigan yoki bekor qiladigan xolis, malakali vrach-ekspertlardan iborat komissiya tuziladi.
TIEK xulosasi oʻzgartirilgan taqdirda, qayta koʻrikdan oʻtkazgan Qoraqalpogʻiston Respublikasi, viloyatlar va Toshkent shahar TIEK tomonidan nogironlik toʻgʻrisidagi maʼlumotnoma rasmiylashtirilib beriladi.
Fuqarolar, shuningdek, vrach-ekspertlardan birortasi Qoraqalpogʻiston Respublikasi, viloyatlar va Toshkent shahar TIEK xulosasidan norozi boʻlgan taqdirda, 30 kun muddatda Agentlikka shikoyat qilish yoki qonunchilik hujjatlarida belgilangan tartibda sudga murojaat qilishga haqlidir.
Agentlik shikoyatni qabul qilib olingan kundan boshlab bir oy muddat ichida koʻrib chiqadi.
Bunday holatlarda TIEK xulosasini nazorat tartibida oʻrganish uchun Agentlik tomonidan xolis vrach-ekspertlardan iborat tarkibda Maxsus komissiya tashkil etiladi.
Maxsus komissiya tomonidan avval qabul qilingan xulosa oʻzgartirilgan taqdirda, komissiya xulosasiga asosan tegishli hududdagi TIEK tomonidan nogironlik toʻgʻrisidagi maʼlumotnoma rasmiylashtiriladi”;
1-ilovaning “3-bosqich” “Bajarilish muddati” ustunidagi “10 ish kuni ichida” soʻzlari “20 kun ichida” soʻzlari bilan almashtirilsin;
4-ilovadagi “bosh, tumanlararo, tuman (shahar) yoki ixtisoslashtirilgan” soʻzlari “tumanlararo, tuman (shahar)” soʻzlari bilan almashtirilsin;
5 va 6-ilovalar oʻz kuchini yoʻqotgan deb hisoblansin;
7-ilovada:
“Respublika tibbiy-ijtimoiy ekspertiza inspeksiyasi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi” soʻzlari bilan almashtirilsin;
“(Qoraqalpogʻiston Respublikasi, viloyat, Toshkent sh.) bosh, tumanlararo, tuman (shahar) yoki ixtisoslashtirilgan, pediatriya” soʻzlari (Qoraqalpogʻiston Respublikasi, viloyat, Toshkent sh.) tumanlararo, tuman (shahar)” soʻzlari bilan almashtirilsin;
“Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin.
z) 10-ilovaning 1-bandi quyidagi tahrirda bayon etilsin:
“1. Ushbu Nizom Qoraqalpogʻiston Respublikasi, viloyatlar va Toshkent shahar, tuman, shahar, tumanlararo tibbiy-ijtimoiy ekspert komissiyalari (keyingi oʻrinlarda — TIEK) tomonidan mehnatda mayib boʻlgan yoki kasb kasalligiga chalingan shaxslarning kasbiy mehnat layoqati yoʻqotilishi darajasini belgilash tartibini belgilaydi.”.
3. Vazirlar Mahkamasining 2023-yil 30-sentabrdagi “Oʻzbekiston Respublikasi Prezidentining huzuridagi Ijtimoiy himoya milliy agentligi huzuridagi Ijtimoiy himoyani rivojlantirish instituti va Ijtimoiy himoya tizimi xodimlarining malakasini oshirish markazi faoliyatini tashkil etish chora-tadbirlari toʻgʻrisida” 518-son qarorida:
3-bandi beshinchi xatboshidagi “mehnatga soatbay” soʻzlaridan keyin “(kunbay, ishbay)” soʻzlari bilan toʻldirilsin;
2-ilovaning matni quyidagi tahrirda bayon etilsin:
“Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi Ijtimoiy himoya tizimi xodimlarining malakasini oshirish markazining tashkiliy
TUZILMASI
Izohlar.
Markaz xodimlarining cheklangan umumiy soni (texnik va xizmat koʻrsatuvchi xodimlar bundan mustasno) — 23 nafar.
* Mehnatga haq toʻlash shartlari boʻyicha kafedra mudiri boʻlim boshligʻiga, professor-oʻqituvchilar bosh mutaxassisga tenglashtiriladi.
Texnik va xizmat koʻrsatuvchi xodimlar qonun hujjatlarida nazarda tutilgan normativlar asosida belgilanadi. Bunda, ularning ish haqini hisoblash yagona tarif setkasi boʻyicha mehnatga haq toʻlash tarif koeffitsiyentini 2 baravarga oshirilgan holda qoʻllash orqali amalga oshiriladi.
** Masʼul xodimlar shtat birliklari soni bir nafardan iborat boʻlganda mehnatga haq toʻlash shartlari boʻyicha boʻlim boshligʻiga tenglashtiriladi.
Professor-oʻqituvchilar soni malaka oshiruvchilar sonidan kelib chiqib belgilanadi.”.
4. Vazirlar Mahkamasining 2024-yil 16-apreldagi 204-son qarori bilan tasdiqlangan Ehtiyojmand oilalar roʻyxatini shakllantirish va ularga tabiiy gaz hamda elektr energiyasi xarajatlarining bazaviy meʼyordan ortiq isteʼmol qilgan qismiga kompensatsiya toʻlab berish sxemasining “I. Ehtiyojmand oilalar roʻyxatini shakllantirish” boʻlimida:
1-bosqich quyidagi tahrirda bayon etilsin:
4-bosqich quyidagi tahrirda bayon etilsin:
6-bosqich quyidagi tahrirda bayon etilsin:
5. Vazirlar Mahkamasining “Muhtoj shaxslarni protez-ortopediya moslamalari va reabilitatsiya qilishning texnik vositalari bilan taʼminlash tartibi toʻgʻrisidagi nizomni tasdiqlash haqida” 2024-yil 30-apreldagi 253-son qarorida:
a) 1-ilovada:
27-bandning toʻqqizinchi xatboshisidan “muhtoj shaxslar tomonidan mahsulot qabul qilib olinganligi toʻgʻrisidagi SMS-xabarnoma tasdiq kodi maʼlum qilinganda,” soʻzlari chiqarib tashlansin;
60-band quyidagi tahrirda bayon etilsin:
“60. Elektron savdo maydonida reabilitatsiya vositalarini vaucher asosida realizatsiya qilish istagini bildiruvchi elektron savdo maydonchasining operatorlari mavjud boʻlmaganda yoki elektron savdo maydonchasining operatorlari tomonidan reabilitatsiya vositalari realizatsiya qilinmayotgan hollarda, muhtoj shaxslar reabilitatsiya vositalari bilan “Ijtimoiy himoya” ATning elektron savdo platformasida hamda Agentlik yoki uning hududiy boshqarmalari tomonidan markazlashgan holda xarid qilish tartib-taomili asosida taʼminlanadi.
Bunda elektron savdo platformasida realizatsiya qilingan reabilitatsiya vositalari muhtoj shaxslarga bevosita sotuvchilar tomonidan yoki pochta aloqa bogʻlamalari orqali yetkazib beriladi.”;
b) 2-ilovaning izoh qismi toʻrtinchi xatboshisidagi “0,01” raqamlari “0,02” raqamlari bilan almashtirilsin.
6. Vazirlar Mahkamasining “Toshkent shahrida “International inclusive hub” xalqaro tayanch inklyuziv professional taʼlim markazi faoliyatini yoʻlga qoʻyish toʻgʻrisida” 2024-yil 19-avgustdagi 518-son qarorida:
a) 3-band “International inclusive hub” soʻzlaridan keyin “xalqaro” soʻzi bilan toʻldirilsin;
b) 4-bandning “b” kichik bandi quyidagi tahrirda bayon etilsin:
“b) Markaz xodimlari boʻyicha:
markaz rahbari, pedagog kadrlari va boshqa xodimlari mehnatiga professional taʼlim tizimidagi mehnatga haq toʻlash miqdori va shartlari asosida haq toʻlanadi;
Markazda qisqa muddatli kurslar boʻyicha shakllangan guruhlarda ikki nafardan oʻqituvchi faoliyat koʻrsatadi;
dars mashgʻulotlarini oʻtkazganlik uchun mehnatga soatbay haq toʻlash dars beruvchining ilmiy darajasi va unvoni, malaka toifasidan kelib chiqib, oliy taʼlim va ilmiy tadqiqot muassasalari hamda qayta tayyorlash va malaka oshirish muassasalarida tashkil etiladigan oʻquv kurslarida oʻquv mashgʻulotlari oʻtkazganlik uchun mehnatga soatbay haq toʻlash miqdorlarida belgilanadi;
Markazda taʼlim-tarbiya jarayoni bilan bevosita shugʻullanuvchi rahbar xodimlar, pedagogik xodimlar, psixologlar, ijtimoiy xodimlar, mutaxassislar, ishlab chiqarish taʼlimi ustalari, mehnat taʼlimi oʻqituvchilari va yordamchi tarbiyachilarning lavozim maoshlariga 100 foiz miqdorida, qolgan barcha xodimlarning lavozim maoshlariga 50 foiz miqdorda budjet mablagʻlari hisobidan ustamalar toʻlanadi;
Markazning barcha xodimlariga, shu jumladan mehnatiga soatbay haq toʻlanuvchi oʻqituvchi-pedagoglarga budjetdan tashqari mablagʻlar hisobidan qoʻshimcha har oylik 200 foizgacha oylik mehnatga haq toʻlash jamgʻarmasi miqdorida ustama haqi toʻlanishi mumkin;
umumiy ish haqi jamgʻarmasiga nisbatan 15 foiz miqdorida moddiy ragʻbatlantirish jamgʻarmasi tashkil etiladi”;
v) 5-band quyidagi tahrirda bayon etilsin:
“5. Markaz huzurida tarkibida kengash raisi, rais oʻrinbosari va boshqa aʼzolardan iborat 11 kishilik “International inclusive hub” xalqaro tayanch inklyuziv professional taʼlim markazining jamoatchilik asosida faoliyat yurituvchi Ekspert kengashi tashkil etilsin.
“International inclusive hub” xalqaro tayanch inklyuziv professional taʼlim markazining Ekspert kengashi tarkibi va kengash toʻgʻrisidagi nizom Agentlik direktori tomonidan tasdiqlanadi”;
g) 9-bandning uchinchi xatboshisidagi “mikroavtobusni” soʻzi “imkoniyati cheklangan shaxslarga moʻljallangan yoʻlovchi avtobusni” soʻzlari bilan almashtirilsin;
d) 1-ilovada:
nomi “International inclusive hub” soʻzlaridan keyin “xalqaro” soʻzi bilan toʻldirilsin;
“izoh” qismi quyidagi mazmundagi 4-band bilan toʻldirilsin:
“4. Markazda eshitishida nuqsoni boʻlgan har 12 nafar oʻquvchi uchun 1,0 birlik (oʻquvchilarning soni 12 nafardan kam boʻlganda 0,5 birlik) surdotarjimon lavozimi kiritiladi. Surdotarjimonning oylik maoshi professional taʼlim muassasasining yetakchi oʻqituvchisi bazaviy tarif stavkasi miqdoriga tenglashtiriladi”;
e) 2-ilovaning nomi “International inclusive hub” soʻzlaridan keyin “xalqaro” soʻzi bilan toʻldirilsin.