Aholini ijtimoiy himoya qilish tizimini moliyalashtirish tartib-taomillarini takomillashtirish toʻgʻrisida (PF-17-son)

30.01.2025

Oʻzbekiston Respublikasi Prezidentining

Farmoni

Soʻnggi yillarda mamlakatimizda aholining ijtimoiy himoyaga muhtoj qatlamlarini davlat ijtimoiy qoʻllab-quvvatlash choralari bilan qamrab olish, ijtimoiy yordam va xizmatlar koʻrsatishning ijtimoiy adolat mezoniga asoslangan shaffof va raqamlashtirilgan yangi tizimini joriy etish boʻyicha tizimli islohotlar amalga oshirilmoqda.

“Kambagʻallikdan farovonlik sari” dasturi doirasida har bir fuqaroni oʻzi va farzandlari kelajagi uchun masʼuliyat bilan yondashishga undaydigan va salohiyatini roʻyobga chiqarish uchun imkoniyat yaratish hamda ijtimoiy xizmat va yordam koʻrsatish koʻlamini kengaytirish orqali oilalarning mehnat qilish imkoniyatini cheklovchi sabablarni bartaraf etishga alohida eʼtibor qaratilmoqda.

“Kambagʻallikdan farovonlik sari” dasturida nazarda tutilgan imkoniyatlarni roʻyobga chiqarish, hududlarda aholining yashash sharoitini yaxshilash, tadbirkorlikni rivojlantirish hamda kambagʻallikni qisqartirish boʻyicha yangicha yondashuvlarni joriy etish uchun “Saxovat va koʻmak”, “Ayollar daftari” va “Yoshlar daftari” jamgʻarmalari (keyingi oʻrinlarda — “Ijtimoiy daftarlar” jamgʻarmalari) mablagʻlarini shakllantirish va ulardan foydalanish tartib-taomillarini takomillashtirish maqsadida:

1. Belgilansinki:

a) “Ijtimoiy daftarlar” jamgʻarmalari orqali koʻrsatiladigan ijtimoiy yordamlar Ijtimoiy reyestrga kiritilgan oilalarga, uy-joy sharoitlarini yaxshilash va sogʻliqni saqlash boʻyicha ijtimoiy yordamlar esa — oylik daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilalarga ham taqdim etiladi.

Bunda madaniy-maʼrifiy, taʼlim, sport va turizm tadbirlarini tashkil etish va oʻtkazishga “Ayollar daftari” va “Yoshlar daftari” jamgʻarmalari tushumlarining 25 foizidan koʻp boʻlmagan qismini yoʻnaltirishga ruxsat beriladi;

b) “Ijtimoiy daftarlar” jamgʻarmalari orqali ijtimoiy yordamlar quyidagi tartibda koʻrsatiladi:

oilalarni kambagʻallikdan chiqarish boʻyicha individual rejada kambagʻal oilalarning yoshlari va xotin-qizlariga muayyan ijtimoiy yordamlarning belgilanishi ushbu toifadagi shaxslardan qoʻshimcha murojaat talab etmagan holda “Ijtimoiy daftarlar” jamgʻarmalari hisobidan ijtimoiy yordamlar koʻrsatilishiga asos boʻladi;

“Ijtimoiy daftarlar” jamgʻarmalari hisobidan ijtimoiy yordam koʻrsatishni soʻrab murojaat qilgan shaxslarning ijtimoiy holatini aniqlash “Yagona milliy ijtimoiy himoya” axborot tizimi orqali, oilaning moliyaviy holatini esa — idoralararo axborot almashinuvi orqali avtomatik ravishda baholash (skoring) natijalariga muvofiq amalga oshiriladi.

2. “Ijtimoiy reyestrga kiritilgan oilalar uchun “Ijtimoiy daftarlar” jamgʻarmalari orqali qoʻllab-quvvatlashning quyidagi yangi instrumentlari joriy etilsin:

a) kamida 3 nafar xotin-qizlar, yoshlar va aholining boshqa ehtiyojmand toifalarining bandligi hamda ijtimoiy faolligini taʼminlashga qaratilgan ijtimoiy loyihalarni moliyalashtirish uchun tegishincha “Ayollar daftari”, “Yoshlar daftari” va “Saxovat va koʻmak” jamgʻarmalari hisobidan bazaviy hisoblash miqdorining 60 baravarigacha grantlar ajratish;

b) “Yoshlar daftari” jamgʻarmasi hisobidan:

nogironligi boʻlgan yoshlarga parasport toʻgaraklariga qatnashishi uchun yoʻl haqi xarajatlarini har oyda bazaviy hisoblash miqdorining 1 baravarigacha miqdorda qoplab berish. Bunda nogironligi boʻlgan yoshlarning parasport toʻgaraklariga qatnashishi Sport vazirligining “ERP-sport” axborot tizimi orqali monitoring qilib boriladi;

6 oy davomida muntazam ravishda sport va sanʼat toʻgaraklariga qatnashayotgan yoshlar uchun qiymati bazaviy hisoblash miqdorining 10 baravaridan oshmaydigan maxsus sport forma, inventar, musiqa va cholgʻu asboblarini xarid qilish;

v) yongʻin, suv toshqini, zilzila va boshqa texnogen hodisalar oqibatida zarar koʻrgan oilalarga uy-joylarini tiklash va taʼmirlash xarajatlarini qoplash uchun “Saxovat va koʻmak” jamgʻarmasi orqali bazaviy hisoblash miqdorining 150 baravarigacha boʻlgan miqdorda yordam koʻrsatish.

3. Shunday tartib oʻrnatilsinki, unga muvofiq:

2025-yil 1-apreldan boshlab “Ayollar daftari” va “Yoshlar daftari” jamgʻarmalari orqali tadbirkorlik faoliyatini boshlash va oʻzini oʻzi band qilishga zarur boʻlgan asbob-uskunalar, mehnat qurollari, urugʻlik va koʻchatlar xarid qilish uchun toʻlanadigan ssuda va subsidiyalar Kambagʻallikni qisqartirish davlat maqsadli jamgʻarmasi mablagʻlari hisobidan ajratiladi;

“Yoshlar daftari” va “Ayollar daftari” jamgʻarmalari orqali toʻlanadigan bir martalik moddiy yordamlar oʻrniga Davlat budjeti mablagʻlari hisobidan Ijtimoiy reyestrga kiritilgan oilalar uchun nazarda tutilgan nafaqalar toʻlanadi.

4. Belgilab qoʻyilsinki, 2025-yil 1-maydan boshlab “Ijtimoiy daftarlar” jamgʻarmalari hisobidan davolash va jarrohlik amaliyotini oʻtkazish xarajatlari Davlat tibbiy sugʻurtasi jamgʻarmasi orqali quyidagi shartlar asosida moliyalashtiriladi:

“Ijtimoiy daftarlar” jamgʻarmalaridan tegishli mablagʻlarni Davlat tibbiy sugʻurtasi jamgʻarmasiga koʻchirish, ushbu jamgʻarma tomonidan qonunchilikka muvofiq belgilangan tibbiyot tashkilotida davolash yoki jarrohlik amaliyoti oʻtkazilganidan soʻng amalga oshiriladi;

“Ijtimoiy daftarlar” jamgʻarmalari hisobidan jarrohlik amaliyoti uchun oʻtkaziladigan mablagʻlar miqdori qonunchilikka muvofiq Davlat tibbiy sugʻurtasi jamgʻarmasi tomonidan qoplanadigan bazaviy narxlar doirasida belgilanadi.

5. “Ayollar daftari”, “Yoshlar daftari” va “Saxovat va koʻmak” jamgʻarmalari orqali koʻrsatiladigan ijtimoiy yordamlar roʻyxati 1-ilovaga muvofiq tasdiqlansin.

Oila va xotin-qizlar qoʻmitasi va Yoshlar ishlari agentligi Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) hamda Iqtisodiyot va moliya vazirligi bilan birgalikda ikki oy muddatda mazkur Farmonga muvofiq joriy etilayotgan yordamlarni ajratish tartibini nazarda tutuvchi Hukumat qarori loyihasini Vazirlar Mahkamasiga kiritsin.

6. Agentlik hamda Iqtisodiyot va moliya vazirligining quyidagi takliflari maʼqullansin:

a) 2025-yil 1-iyuldan boshlab Davlat budjeti mablagʻlari hisobidan Qoraqalpogʻiston Respublikasi va Xorazm viloyatida muhtoj oilalarga bir marta beriladigan moddiy yordam oʻrniga ushbu hududlarda yashovchi Ijtimoiy reyestrga kiritilgan oilalarga uy-joyida artezian quduq qazish, suv nasoslarini oʻrnatish hamda ichimlik suv filtrlarini xarid qilish xarajatlarini qoplash uchun subsidiya ajratish tartibini joriy etish.

Bunda mazkur subsidiya artezian quduq qazish, suv nasoslarini oʻrnatish hamda ichimlik suv filtrlarini xarid qilish xarajatlarining 90 foizi, biroq bazaviy hisoblash miqdorining 30 baravaridan koʻp boʻlmagan miqdorda ajratiladi;

b) 2025-yil 1-maydan boshlab ozodlikdan mahrum etish joylaridan ozod qilingan shaxslarga bazaviy hisoblash miqdorining 6 baravari miqdoridagi bir martalik nafaqa pulini uni tayinlashning amaldagi tartibi saqlab qolingan holda “Inson” ijtimoiy xizmatlar markazlari orqali toʻlash;

v) tuman (shahar) hokimliklari huzurida yuridik shaxs maqomiga ega boʻlmagan “Infratuzilma va ijtimoiy barqarorlik” jamgʻarmalarini tashkil etish.

7. Agentlik:

a) Iqtisodiyot va moliya vazirligi bilan birgalikda:

2025-yil 1-iyunga qadar Qoraqalpogʻiston Respublikasi va Xorazm viloyatida yashovchi Kambagʻal oilalar reyestriga kiritilgan oilalarga uy-joyida artezian quduq qazish, suv nasoslarini oʻrnatish hamda ichimlik suv filtrlarini xarid qilish xarajatlarini qoplash uchun subsidiya ajratish tartibini nazarda tutuvchi Hukumat qarori loyihasini;

2025-yil 1-iyulga qadar “Temir daftar”ga kiritilgan oilalar uchun qonunchilik hujjatlarida belgilangan ijtimoiy yordam, xizmatlar va imtiyozlarni Kambagʻal oilalar reyestridagi oilalarga ham tatbiq etish boʻyicha takliflarni Vazirlar Mahkamasiga kiritsin;

b) Ichki ishlar vazirligi bilan birgalikda 2026-yil 1-aprelga qadar ozodlikdan mahrum etish joylaridan ozod qilingan shaxslarning ijtimoiylashuvini taʼminlash hamda bir martalik nafaqa pulini ularning moddiy va mulkiy holatidan kelib chiqqan holda tayinlash yuzasidan takliflarni Oʻzbekiston Respublikasi Prezidenti Administratsiyasiga kiritsin.

Ichki ishlar vazirligi Iqtisodiyot va moliya vazirligi hamda Agentlik bilan birgalikda 2025-yil 1-martga qadar ozodlikdan mahrum etish tariqasidagi jazoni oʻtab boʻlgan fuqarolar haqidagi maʼlumotlar bazasini “Ijtimoiy himoya yagona reyestri” axborot tizimiga integratsiya qilsin.

8. Oʻzbekiston Respublikasi Prezidentining 2020-yil 24-noyabrdagi “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari toʻgʻrisida”gi PF-6118-son Farmonining 12-bandiga muvofiq “Ijtimoiy daftarlar” jamgʻarmalariga yoʻnaltiriladigan mablagʻlarni taqsimlashning shunday tartibi joriy etilsinki, unga muvofiq:

yoʻnaltirilishi belgilangan mablagʻlarning 30 foizi tuman (shahar)lardagi aholi soni va Ijtimoiy reyestrga kiritilgan oilalar soniga mutanosib ravishda “Infratuzilma va ijtimoiy barqarorlik” jamgʻarmalariga oʻtkaziladi;

yoʻnaltirilishi belgilangan mablagʻlarning 70 foizi tuman (shahar)dagi aholi soni, nogironligi boʻlgan shaxslar soni va Ijtimoiy reyestrga kiritilgan oilalar sonidan kelib chiqib, tuman va shaharlardagi “Ijtimoiy daftarlar” jamgʻarmalariga teng ulushda oʻtkaziladi. Bunda mablagʻlarni tuman va shaharlar boʻyicha taqsimlash tuman (shahar)ning toifasi, uning ixtisoslashuvi hamda kichik biznes uchun yaratilgan sharoitlardan kelib chiqib belgilanadigan tuzatish koeffitsiyentlarini qoʻllagan holda amalga oshiriladi.

Belgilansinki, mazkur bandga muvofiq “Infratuzilma va ijtimoiy barqarorlik” jamgʻarmalariga yoʻnaltirilgan mablagʻlardan foydalanish Xalq deputatlari tuman (shahar) kengashlari qarorlari asosida amalga oshiriladi.

9. “Infratuzilma va ijtimoiy barqarorlik” jamgʻarmalari hamda “Ijtimoiy daftarlar” jamgʻarmalari faoliyatini samarali tashkil etish maqsadida quyidagilarga ruxsat berilsin:

a) “Infratuzilma va ijtimoiy barqarorlik” jamgʻarmalari hamda “Ijtimoiy daftarlar” jamgʻarmalari mablagʻlari hisobidan xaridlarni amalga oshirishda tovar (ishlar, xizmatlar)ni yetkazib beruvchilarni maxsus axborot portalida eʼlon joylashtirmasdan va xarid qilish tartib-taomillarini elektron shaklda oʻtkazmasdan eng yaxshi takliflarni tanlash orqali aniqlash;

b) “Infratuzilma va ijtimoiy barqarorlik” jamgʻarmalari mablagʻlarini tuman (shahar) “Inson” ijtimoiy xizmatlar markazlari hamda iqtisodiyot va moliya boʻlimlari bilan kelishgan holda quyidagilarni amalga oshirishga yoʻnaltirish:

tuman (shahar)da aholining hayot kechirishiga salbiy taʼsir koʻrsatayotgan ijtimoiy-iqtisodiy, tashkiliy-amaliy va infratuzilmaviy muammolarni bartaraf etishga qaratilgan chora-tadbirlarni moliyalashtirish;

tuman (shahar)da sogʻlom turmush tarzini keng tatbiq etish va ommaviy sportni yanada rivojlantirish chora-tadbirlarini moliyalashtirish;

ekologiyani yaxshilash va atrof-muhitni asrash, aholi salomatligi va sanitariya-gigiyena sharoitini yaxshilash bilan bogʻliq boʻlgan hamda boshqa zarur xarajatlarni moliyalashtirish.

10. Iqtisodiyot va moliya vazirligi:

“Infratuzilma va ijtimoiy barqarorlik” jamgʻarmalari va “Ijtimoiy daftarlar” jamgʻarmalariga yoʻnaltirilgan mablagʻlarning Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan yagona maxsus hisobvaraqda yigʻilishini;

yigʻilgan mablagʻlar mazkur Farmonning 8-bandida belgilangan koʻrsatkichlarga mutanosib “Ijtimoiy daftarlar” jamgʻarmalariga avtomatik ravishda teng taqsimlanishini taʼminlasin.

11. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

12. Iqtisodiyot va moliya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

13. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazirning oʻrinbosari J.A. Qoʻchqorov hamda Oʻzbekiston Respublikasi Prezidentining maslahatchisi — Ijtimoiy himoya milliy agentligi direktori M.P. Olloyorov belgilansin.

Farmon ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 30-yanvar,

PF-17-son

Oʻzbekiston Respublikasi Prezidentining 2025-yil 30-yanvardagi PF-17-son Farmoniga 1-ILOVA

“Ayollar daftari”, “Yoshlar daftari” hamda “Saxovat va koʻmak” jamgʻarmalari orqali koʻrsatiladigan ijtimoiy yordamlar

ROʻYXATI

T/rIjtimoiy yordam nomi*Ijtimoiy yordamni taqdim etish davriyligiIjtimoiy yordam miqdoriIjtimoiy yordamni taqdim etishning talab va shartlari**I. “Yoshlar daftari” jamgʻarmasi mablagʻlari hisobidan koʻrsatiladigan ijtimoiy yordamlar1.Kamida 3 nafar yoshlarning bandligi va ijtimoiy faolligini taʼminlashga qaratilgan ijtimoiy loyihalarni moliyalashtirish uchun grant ajratish.Bir yilda bir martaBazaviy hisoblash miqdorining(keyingi oʻrinlarda — BHM) 60 baravarigacha1. Grant ajratiladigan ijtimoiy loyihalar har bir mahalladagi yoshlar yetakchisi tomonidan shakllantiriladi.2. Har yili tuman (shahar)dagi har bir mahallaga bittadan ijtimoiy loyiha uchun grant mablagʻlari ajratiladi.3. Mazkur grant tanlov asosida aniqlangan jismoniy shaxslar va nodavlat tashkilotlarga taqdim etiladi. Bunda tanlovni oʻtkazish va ijtimoiy loyihalarni amalga oshiruvchi shaxslarni tanlash tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari rahbarligidagi komissiya tomonidan amalga oshiriladi.4. Grant mablagʻlari: jismoniy shaxslarga loyiha uchun zarur asbob-uskuna, jihozlar, xomashyo yoki xizmatlar xarid qilib berish orqali ajratiladi; nodavlat tashkilotlarning hisobvaraqlariga shartnomaga muvofiq oʻtkazib beriladi.2.Nogironligi boʻlgan yoshlarning parasport toʻgaraklariga qatnashishi uchun yoʻlkira xarajatlarini qoplash.Har oydaBHMning 1 baravaridan koʻp boʻlmagan miqdorda1. Mazkur yordam Ijtimoiy reyestrga kiritilgan oilalarning nogironligi boʻlgan 14 — 30 yoshdagi aʼzolari uchun ajratiladi.2. Ijtimoiy reyestrga kiritilgan oilalarning nogironligi boʻlgan aʼzolari haqiqatda parasport toʻgaraklariga qatnashishi Sport vazirligining “ERP-sport” axborot tizimi orqali monitoring qilib boriladi.3. Mazkur yordam mablagʻlari yoʻnalishsiz taksi xizmatlarini koʻrsatuvchi tadbirkorlik subyektlariga shartnoma asosida oʻtkazib beriladi.3.6 oy davomida muntazam sport va sanʼat toʻgaraklariga qatnashayotgan yoshlar uchun maxsus sport formasi, inventar yoki musiqa va cholgʻu asboblarini xarid qilish.Bir martaBHMning 10 baravaridan koʻp boʻlmagan miqdordaMazkur yordam doirasida tegishli buyum yoki instrument Ijtimoiy reyestrga kiritilgan oilalarning 14 — 20 yoshdagi aʼzolarining talabnomalariga muvofiq mablagʻ ajratuvchi tomonidan xarid qilib beriladi.4.Jarrohlik amaliyotisiz davolanish va jarrohlik amaliyoti xarajatlarini qoplash.Bir yilda bir martaJarrohlik amaliyotisiz davolanish uchun — BHMning 50 baravarigachaJarrohlik amaliyotini oʻtkazish uchun — Davlat tibbiy sugʻurtasi jamgʻarmasi tomonidan qoplanishi belgilangan bazaviy narxlar doirasida1. Mazkur yordam Ijtimoiy reyestrga kiritilgan oilalar hamda oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarning*** 14 — 30 yoshdagi aʼzolariga taqdim etiladi.2. Mazkur yordamni koʻrsatish boʻyicha mablagʻlar Davlat tibbiy sugʻurtasi jamgʻarmasiga oʻtkazib beriladi. Bunda:yordam koʻrsatiladigan shaxsni jarrohlik amaliyotisiz davolash yoki jarrohlik amaliyotini oʻtkazish Davlat tibbiy sugʻurtasi jamgʻarmasi tomonidan qonunchilikda belgilangan tartibda tanlangan hamda shartnoma tuzilgan tibbiyot tashkiloti (davlat yoki nodavlat) tomonidan amalga oshiriladi;yordam koʻrsatiladigan shaxsni jarrohlik amaliyotisiz davolash yoki jarrohlik amaliyoti oʻtkazilganidan soʻng Davlat tibbiy sugʻurtasi jamgʻarmasining talabnomasiga muvofiq tegishli xarajatlarni moliyalashtirish uchun mablagʻlar jamgʻarmaga oʻtkaziladi;Davlat tibbiy sugʻurtasi jamgʻarmasi ijro etuvchi apparati tomonidan tegishli mablagʻlar tibbiyot tashkilotiga oʻtkazib beriladi;Davlat tibbiy sugʻurtasi jamgʻarmasi ijro etuvchi apparati tomonidan “Yoshlar daftari” jamgʻarmasi mablagʻlari hisobidan tibbiyot tashkilotlariga oʻtkazilgan mablagʻlar boʻyicha alohida hisob-kitob yuritiladi.5.Avtomototransport vositalari haydovchilik guvohnomasining “A”, “B”, “D” va “DE” toifalarini olish boʻyicha oʻquv kursi xarajatlarini qoplash uchun subsidiya ajratish.Bir martaBHMning 8 baravarigacha1. Mazkur subsidiya Ijtimoiy reyestrga kiritilgan oilalarning qonunchilikda belgilangan tartibda oʻquv kurslarida qatnashish huquqini beruvchi yoshga toʻlgan, biroq 30 yoshdan oshmagan aʼzolari uchun ajratiladi.2. Mazkur subsidiyaning 50 foizi oʻquv kursi boshlanishida, qolgan qismi milliy haydovchilik guvohnomasi olinganidan soʻng hamda ijtimoiy shartnomaning shartlarini bajarish darajasidan kelib chiqib toʻlab beriladi.3. Subsidiya toʻlovlarining 50 foizi avtomototransport vositalari haydovchilarini tayyorlash oʻquv kursini tashkil qilgan davlat va nodavlat taʼlim tashkilotlariga shartnoma asosida, qolgan 50 foizi shartnoma shartlariga koʻra taʼlim tashkilotiga oʻtkazib beriladi yoki fuqaroga toʻlab beriladi.6.Kasbiy va oliy taʼlim tashkilotlari oʻquvchi-talabalarining toʻlov-kontrakt summasini toʻlab berish.****-Toʻlov-kontrakt summasining 50 foizgacha qismi miqdorida, biroq BHMning 50 baravaridan koʻp boʻlmagan miqdorda1. Mazkur yordam Ijtimoiy reyestrga kiritilgan oilalarning 30 yoshdan oshmagan kasbiy taʼlim, bakalavriat va magistraturaning kunduzgi yoʻnalishida taʼlim olayotgan oʻquvchi-talaba aʼzolariga beriladi.2. Toʻlov-kontrakt summasi oʻquvchi-talaba bilan tuzilgan ijtimoiy shartnoma shartlarini bajarish darajasidan kelib chiqib toʻlanadi.7.Ijtimoiy himoyaga muhtoj yosh oilalarga turarjoy ijarasi uchun kompensatsiya toʻlash.12 oydan koʻp boʻlmagan muddatgaHar oyda, ijara toʻlovlarining 50 foizi, biroq BHMning 2 baravarigacha(Toshkent va Nukus shaharlari hamda viloyatlar markazlarida BHMning 3 baravarigacha)1. Mazkur kompensatsiya Ijtimoiy reyestrga kiritilgan yosh oilalarga ajratiladi.2. Mazkur kompensatsiya soliq organlarida hisobga qoʻyilgan ijara shartnomasiga muvofiq ajratiladi.3. Ijara uchun kompensatsiya summasi ijara toʻlovining ikkinchi oyidan boshlab tuzilgan ijtimoiy shartnoma shartlari bajarilishi darajasidan kelib chiqib toʻlanadi.8.Yoshlarning tadbirkorlik, anʼanaviy va zamonaviy kasblarni egallash, axborot texnologiyalarini oʻrganish va xorijiy tillarga oʻqitish boʻyicha oʻquv kurslarida oʻqish xarajatlari uchun subsidiya ajratish.****6 oydan koʻp boʻlmagan muddatgaHar oyda, BHMning 4 baravarigacha1. Mazkur yordam Ijtimoiy reyestrga kiritilgan oilalarning 14 — 30 yoshdagi aʼzolari uchun ajratiladi.2. Har oylik subsidiyalar miqdori oʻtgan oyda subsidiya olgan shaxs tomonidan ijtimoiy shartnoma shartlarini bajarish darajasidan kelib chiqib belgilanadi va toʻlov amalga oshiriladi.3. Tegishli mablagʻlar oʻquv kurslarini tashkil etgan taʼlim tashkilotlari bilan tuzilgan shartnomaga muvofiq oʻtkaziladi.9.Ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi oʻquv kurslari uchun subsidiya ajratish.****6 oydan koʻp boʻlmagan muddatgaHar oyda, BHMning 1 baravarigacha1. Mazkur yordam Ijtimoiy reyestrga kiritilgan oilalarning 14 — 30 yoshdagi aʼzolari uchun ajratiladi.2. Har oylik subsidiyalar miqdori oʻtgan oyda subsidiya olgan shaxs tomonidan ijtimoiy shartnoma shartlarini bajarish darajasidan kelib chiqib belgilanadi va toʻlov amalga oshiriladi.3. Tegishli mablagʻlar oʻquv kurslarini tashkil etgan taʼlim tashkilotlari bilan tuzilgan shartnomaga muvofiq oʻtkaziladi.10.Yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari uchun subsidiya berish.****Bir yilda bir martaMahalliy bosqichdagi tadbirlar uchun BHMning 4 baravarigachaXalqaro bosqichdagi tadbirlar uchun BHMning 40 baravarigachaMazkur subsidiya Ijtimoiy reyestrga kiritilgan oilalarning 14 — 30 yoshdagi aʼzolari uchun ajratiladi.11.Yoshlarga taʼlim, madaniyat va sanʼat, sport, axborot texnologiyalari sohasiga va fanlarni oʻqitishga ixtisoslashgan nodavlat taʼlim tashkilotining noturar joy ijarasi yoki zarur jihozlar bilan taʼminlash xarajatlarini qoplash.Bir martaBHMning 50 baravarigacha1. Mazkur yordam chekka va olis hududlardagi qishloq joylarda tashkil etilgan ixtisoslashgan nodavlat taʼlim tashkilotlariga tatbiq etiladi.2. Mazkur yordamdan foydalanish uchun ixtisoslashgan nodavlat taʼlim tashkilotida oʻqitiladigan oʻquvchilarining kamida 20 foizini Ijtimoiy reyestrga kiritilgan oilalarning farzandlari tashkil etishi lozim.12.Yoshlar uchun safarbarlik chaqiruvi rezervidagi xizmatni bepul oʻtash imkoniyatini yaratish.Bir martaSafarbarlik chaqiruvi rezervidagi xizmatni oʻtash badalining toʻliq qismi1. Mazkur yordam Ijtimoiy reyestrga kiritilgan oilalarning 18 — 27 yoshdagi aʼzolariga ajratiladi.2. Yosh fuqaroga harbiy xizmatni oʻtab kelgandan soʻng rasmiy band boʻlish majburiyati yuklanadi.13.Yoshlarning intellektual salohiyatini yuksaltirish, ularning boʻsh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi tadbirlarni moliyalashtirish.-Mahalla darajasida bir kalendar oy uchun BHMning 20 baravarigachaMahalla-sektor-tuman-hudud darajasida oʻtkaziladigan tadbirlar hisob-kitoblarga muvofiq amalga oshiriladi.II. “Ayollar daftari” jamgʻarmasi mablagʻlari hisobidan koʻrsatiladigan ijtimoiy yordamlar1.Kamida 3 nafar xotin-qizlarning bandligi va ijtimoiy faolligini taʼminlashga qaratilgan ijtimoiy loyihalarni moliyalashtirish uchun grant ajratish.Bir yilda bir martaBHMning 60 baravarigacha1. Grant ajratiladigan ijtimoiy loyihalar har bir mahalladagi xotin-qizlar tomonidan shakllantiriladi.2. Har yili tuman (shahar)dagi har bir mahallaga bittadan ijtimoiy loyiha uchun grant mablagʻlari ajratiladi.3. Mazkur grant tanlov asosida aniqlangan jismoniy shaxslar va nodavlat tashkilotlarga taqdim etiladi. Bunda tanlovni oʻtkazish va ijtimoiy loyihalarni amalga oshiruvchi shaxslarni aniqlash tuman (shahar) hokimining oʻrinbosari — tuman (shahar) oila va xotin-qizlar boʻlimi boshligʻi rahbarligidagi komissiya tomonidan amalga oshiriladi.4. Grant mablagʻlari:jismoniy shaxslarga loyiha uchun zarur asbob-uskuna, jihozlar, xomashyo yoki xizmatlar xarid qilib berish orqali ajratiladi; nodavlat tashkilotlarning hisobvaraqlariga shartnomaga muvofiq oʻtkazib beriladi.2.Ijtimoiy reyestrga kiritilgan oilalarning bakalavriat va magistraturaning kunduzgi yoʻnalishida taʼlim olayotgan xotin-qizlar yoki ularning tahsil olayotgan ikki va undan ortiq farzandlarining bir nafariga bir marotaba toʻlov-kontraktini toʻlab berish.Bir martaToʻlov-kontrakt summasining 50 foizigacha, biroq BHMning 50 baravaridan koʻp boʻlmagan miqdordaMazkur yordam Ijtimoiy reyestrga kiritilgan oila aʼzolari boʻlgan bakalavriat va magistraturaning kunduzgi yoʻnalishida taʼlim olayotgan xotin-qizlar yoki ularning tahsil olayotgan ikki va undan ortiq farzandlarining bir nafariga beriladi.3.Jarrohlik amaliyotisiz davolanish va jarrohlik amaliyoti xarajatlarini qoplash.Bir yilda bir martaJarrohlik amaliyotisiz davolanish uchun — BHMning 50 baravarigachaJarrohlik amaliyotini oʻtkazish uchun — Davlat tibbiy sugʻurtasi jamgʻarmasi tomonidan qoplanishi belgilangan bazaviy narxlar doirasida1. Mazkur yordam Ijtimoiy reyestrga kiritilgan oilalar hamda oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarning*** 30 yoshdan katta xotin-qizlariga taqdim etiladi.2. Mazkur yordamni koʻrsatish boʻyicha mablagʻlar Davlat tibbiy sugʻurtasi jamgʻarmasiga oʻtkazib beriladi. Bunda:yordam koʻrsatiladigan shaxsni jarrohlik amaliyotisiz davolash yoki jarrohlik amaliyotini oʻtkazish Davlat tibbiy sugʻurtasi jamgʻarmasi tomonidan qonunchilikda belgilangan tartibda tanlangan hamda shartnoma tuzilgan tibbiyot tashkiloti (davlat yoki nodavlat) tomonidan amalga oshiriladi;yordam koʻrsatiladigan shaxsni jarrohlik amaliyotisiz davolash yoki jarrohlik amaliyoti oʻtkazilganidan soʻng Davlat tibbiy sugʻurtasi jamgʻarmasining talabnomasiga muvofiq tegishli xarajatlarni moliyalashtirish uchun mablagʻlar jamgʻarmaga oʻtkaziladi;Davlat tibbiy sugʻurtasi jamgʻarmasi ijro etuvchi apparati tomonidan tegishli mablagʻlar tibbiyot tashkilotiga oʻtkazib beriladi;Davlat tibbiy sugʻurtasi jamgʻarmasi ijro etuvchi apparati tomonidan “Ayollar daftari” jamgʻarmasi mablagʻlari hisobidan tibbiyot tashkilotlariga oʻtkazilgan mablagʻlar boʻyicha alohida hisob-kitob yuritiladi.4.Xotin-qizlarga turarjoy ijarasi uchun kompensatsiya toʻlab berish.-Ijara toʻlovining 50 foizi, biroq BHMning 2 baravarigacha(Toshkent va Nukus shahri hamda viloyatlar markazlarida BHMning 3 baravarigacha)1. Mazkur kompensatsiya Ijtimoiy reyestrga kiritilgan 30 yoshdan katta xotin-qizlarga ajratiladi.2. Mazkur yordam boʻyicha mablagʻlar ijaraga beruvchi, ijaraga oluvchi va tuman (shahar) oila va xotin-qizlar boʻlimi oʻrtasida tuzilgan turarjoy ijarasi toʻgʻrisidagi shartnomaga muvofiq toʻlanadi.5.Xotin-qizlarning uy-joyini taʼmirlash uchun mablagʻ ajratish.Bir martaBHMning 50 baravarigacha1. Mazkur kompensatsiya Ijtimoiy reyestrga kiritilgan hamda oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarning*** 30 yoshdan katta xotin-qizlariga ajratiladi.2. Mazkur yordam boʻyicha mablagʻlar uy-joyni taʼmirlash uchun zarur boʻlgan qurilish materiallarini xarid qilish uchun tegishli tovarlarni (xizmatlar va ishlar)ni yetkazib beruvchilarga shartnomaga muvofiq toʻlanadi.6.Xotin-qizlar uchun madaniy-maʼrifiy, sport va boshqa tadbirlar tashkil etish xarajatlarini moliyalashtirish.-Mahalla darajasida bir kalendar oy uchun BHMning 20 baravarigachaMahalla-sektor-tuman-hudud darajasida oʻtkaziladigan tadbirlar hisob-kitoblarga muvofiq amalga oshiriladi.III. “Saxovat va koʻmak” jamgʻarmasi mablagʻlari hisobidan koʻrsatiladigan ijtimoiy yordamlar1.Kamida 3 nafar ijtimoiy himoyaga muhtoj shaxslarning (yoshlar va xotin-qizlar bundan mustasno) bandligini va ijtimoiy faolligini taʼminlashga qaratilgan ijtimoiy loyihalarni moliyalashtirish uchun grant ajratish.Bir yilda bir martaBHMning 60 baravarigacha1. Grant ajratiladigan ijtimoiy loyihalar har bir mahalladagi ijtimoiy xodim tomonidan shakllantiriladi.2. Har yili tuman (shahar)dagi har bir mahallaga bittadan ijtimoiy loyiha uchun grant mablagʻlari ajratiladi. 3. Mazkur grant tanlov asosida aniqlangan jismoniy shaxslar va nodavlat tashkilotlariga taqdim etiladi. Bunda tanlovni oʻtkazish va ijtimoiy loyihalarni amalga oshiruvchi shaxslarni tanlash tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari rahbarligidagi komissiya tomonidan amalga oshiriladi.4. Grant mablagʻlari: jismoniy shaxslarga loyiha uchun zarur asbob-uskuna, jihozlar, xomashyo yoki xizmatlar xarid qilib berish orqali ajratiladi; nodavlat tashkilotlarning hisobvaraqlariga shartnomaga muvofiq oʻtkazib beriladi.2.Jarrohlik amaliyotisiz davolanish va jarrohlik amaliyoti xarajatlarini qoplash.Bir yilda bir martaJarrohlik amaliyotisiz davolanish uchun — BHMning 50 baravarigachaJarrohlik amaliyotini oʻtkazish uchun — Davlat tibbiy sugʻurtasi jamgʻarmasi tomonidan qoplanishi belgilangan bazaviy narxlar doirasida1. Mazkur yordam Ijtimoiy reyestrga kiritilgan oilalar hamda oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarning*** vakillariga taqdim etiladi.2. Mazkur yordamni koʻrsatish boʻyicha mablagʻlar Davlat tibbiy sugʻurtasi jamgʻarmasiga oʻtkazib beriladi. Bunda:yordam koʻrsatiladigan shaxsni jarrohlik amaliyotisiz davolash yoki jarrohlik amaliyotini oʻtkazish Davlat tibbiy sugʻurtasi jamgʻarmasi tomonidan qonunchilikda belgilangan tartibda tanlangan hamda shartnoma tuzilgan tibbiyot tashkiloti (davlat yoki nodavlat) tomonidan amalga oshiriladi;yordam koʻrsatiladigan shaxsni jarrohlik amaliyotisiz davolash yoki jarrohlik amaliyoti oʻtkazilganidan soʻng Davlat tibbiy sugʻurtasi jamgʻarmasining talabnomasiga muvofiq tegishli xarajatlarni moliyalashtirish uchun mablagʻlar jamgʻarmaga oʻtkaziladi;Davlat tibbiy sugʻurtasi jamgʻarmasi ijro etuvchi apparati tomonidan tegishli mablagʻlar tibbiyot tashkilotiga oʻtkazib beriladi;Davlat tibbiy sugʻurtasi jamgʻarmasi ijro etuvchi apparati tomonidan “Saxovat va koʻmak” jamgʻarmasi mablagʻlari hisobidan tibbiyot tashkilotlariga oʻtkazilgan mablagʻlar boʻyicha alohida hisob-kitob yuritiladi.3.Oziq-ovqat, kiyim-kechak va boshqa eng zarur tovarlar bilan taʼminlash xarajatlarini qoplash.Oziq-ovqat — bir chorakda bir marta;kiyim-kechak va boshqa eng zarur tovarlar — har yarim yilda bir martaOziq-ovqat uchun — BHMning 1 baravariKiyim-kechak va boshqa eng zarur tovarlar uchun — BHMning 5 baravari1. Mazkur yordam Ijtimoiy reyestrga kiritilgan oilalarga taqdim etiladi. 2. Mazkur yordam quyidagi shakllardan biri orqali koʻrsatiladi:oziq-ovqat mahsulotlari, kiyim-kechak va boshqa eng zarur tovarlarni elektron savdo platformasi va savdo maydonchalari orqali elektron shaklda xarid qilish uchun tegishli qiymatdagi (1 yoki 5 BHM) vaucher ajratiladi;oziq-ovqat mahsulotlari, kiyim-kechak va boshqa eng zarur tovarlar yetkazib beruvchilarga elektron savdo platformasi va savdo maydonchalari orqali vaucher asosida oʻtkaziladi.4.Turarjoy ijarasi uchun kompensatsiya toʻlab berish.6 oy davomida har oydaIjara toʻlovining 50 foizi, biroq BHMning 2 baravarigacha(Toshkent va Nukus shahri hamda viloyatlar markazlarida BHMning 3 baravarigacha)1. Mazkur kompensatsiya Ijtimoiy reyestrga kiritilgan oilalarga ajratiladi.2. Mazkur kompensatsiya soliq organlarida hisobga qoʻyilgan ijara shartnomasiga muvofiq ajratiladi.5.Uy-joyini taʼmirlash, shu jumladan, oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning yashash sharoitini moslashtirish xarajatlarini qoplash.Ikki yilda bir martaBHMning 50 baravarigacha1. Mazkur yordam Ijtimoiy reyestrga kiritilgan oilalar hamda oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarning*** vakillari va oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga taqdim etiladi. 2. Mazkur yordam uchun pul mablagʻlari:a) taʼmirlash ishlarini bajaruvchiga shartnoma;b) qurilish materiallarini yetkazib beruvchiga esa elektron savdo platformasi va savdo maydonchalari orqali vaucher asosida oʻtkaziladi.6.Kommunal xarajatlarni qoplash.Bir kuz-qish mavsumida koʻpi bilan ikki marta(1-oktabrdan 15-martga qadar)BHMning 1 baravarigacha1. Mazkur yordam Ijtimoiy reyestrga kiritilgan oilalarga taqdim etiladi.2. Mazkur yordam yuzasidan mablagʻlar kommunal xizmatlar boʻyicha taʼminot korxonalariga elektron axborot dasturi orqali toʻgʻridan-toʻgʻri oʻtkazib beriladi.7.Kommunal xizmatlar boʻyicha qarzdorlikni qoplash.Bir kuz-qish mavsumida koʻpi bilan ikki marta(1-oktabrdan 15-martga qadar)BHMning 5 baravarigacha1. Mazkur yordam Ijtimoiy reyestrga kiritilgan oilalarga taqdim etiladi.2. Tegishli mablagʻlar kommunal xizmatlar boʻyicha taʼminot korxonalariga elektron axborot dasturi orqali toʻgʻridan-toʻgʻri oʻtkazib beriladi.3. Mazkur yordam miqdori Qoraqalpogʻiston Respublikasi respublika budjeti, viloyatlar va Toshkent shahar mahalliy budjeti hamda tuman (shahar)lar budjetlarining qoʻshimcha manbalari hisobidan koʻpaytirilishi mumkin.8.Koʻmir yoki boshqa yoqilgʻi mahsulotlari bilan taʼminlash xarajatlarini qoplash.Bir kuz-qish mavsumida koʻpi bilan ikki martaBHMning 2 baravarigacha(tabiiy gaz bilan taʼminlanmagan hududlarda BHMning3 baravarigacha)1. Mazkur yordam Ijtimoiy reyestrga kiritilgan oilalarga taqdim etiladi.2. Tegishli mablagʻlar yetkazib beruvchilarga elektron savdo platformasi va savdo maydonchalari orqali vaucher asosida oʻtkaziladi.3. Mazkur yordam miqdori Qoraqalpogʻiston Respublikasi respublika budjeti, viloyatlar va Toshkent shahar mahalliy budjeti hamda tuman (shahar)lar budjetlarining qoʻshimcha manbalari hisobidan koʻpaytirilishi mumkin.9.Yongʻin, suv toshqini, zilzila va boshqa texnogen hodisalar oqibatida zarar koʻrgan uy-joylarni tiklash va taʼmirlash xarajatlarini qoplash.Zaruratga koʻra, cheklanmagan martaBHMning 150 baravarigacha1. Mazkur yordam Ijtimoiy reyestrga kiritilgan oilalar hamda oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarning*** vakillariga taqdim etiladi. 2. Mazkur yordam uchun pul mablagʻlari:a) uy-joylarni tiklash va taʼmirlash ishlarini bajaruvchilarga shartnoma;b) qurilish materiallarini yetkazib beruvchilarga esa elektron savdo platformasi va savdo maydonchalari orqali vaucher asosida oʻtkazib beriladi.10.Fuqarolarning, xususan bolalarning shaxsga doir hujjatlarini rasmiylashtirish uchun shaxslarning kelib chiqishini aniqlashga doir tadbirlar xarajatlarini qoplash.Bir martaToʻlanishi lozim boʻlgan ekspertiza xarajatlari doirasida1. Mazkur yordam Ijtimoiy reyestrga kiritilgan oilalarga taqdim etiladi.2. Tegishli mablagʻlar vakolatli organning qaroriga muvofiq shaxsning kelib chiqishini aniqlashga doir tadbirlarni amalga oshiruvchi tashkilotning hisob raqamlariga oʻtkaziladi.

* Jarrohlik amaliyotisiz davolanish va jarrohlik amaliyoti xarajatlarini qoplash, toʻlov-kontraktning bir qismini toʻlash, turarjoy ijarasi uchun kompensatsiya hamda uy-joyni taʼmirlash xarajatlarini qoplash tarzidagi yordamlar bir jamgʻarma mablagʻlari hisobidan koʻrsatilgan boʻlsa, qolgan ikki jamgʻarma mablagʻlari hisobidan koʻrsatilmaydi.

** Vazirlar Mahkamasining qarorlariga muvofiq mazkur roʻyxatda nazarda tutilmagan ijtimoiy yordamlarni taqdim etish yoki boshqa maqsadlarga xarajatlar amalga oshirilishi hamda ijtimoiy yordamlarni taqdim etishning qoʻshimcha talab va shartlari ham belgilanishi mumkin.

*** Oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalar “oilalarni Ijtimoiy reyestrga” kiritish uchun belgilangan tartib-taomillar asosida aniqlanadi.

**** Ushbu ijtimoiy yordamlar qonunchilik hujjatlarida belgilangan tartibda Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi mablagʻlari hisobidan ham koʻrsatilishi mumkin.

Oʻzbekiston Respublikasi Prezidentining 2025-yil 30-yanvardagi PF-17-son Farmoniga 2-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2003-yil 26-fevraldagi PF-3214-son Farmoni bilan tasdiqlangan Yuqori texnologik ixtisoslashtirilgan tibbiy yordam koʻrsatuvchi tibbiyot tashkilotlari tomonidan Oʻzbekiston Respublikasining Davlat budjeti mablagʻlari hisobiga tibbiy yordam koʻrsatiladigan imtiyozli toifadagi shaxslar roʻyxatida:

a) nomlanishidagi “roʻyxati” soʻzi “roʻyxati*” soʻzi bilan almashtirilsin;

b) 2-banddagi “Chin yetimlar” soʻzlari “Yetim bolalar” soʻzlari bilan almashtirilsin;

v) 9-banddagi “deb eʼtirof etilgan oilalarning aʼzolari” soʻzlari “oilalarning bolalar nafaqasi va moddiy yordam oluvchi aʼzolari” soʻzlari bilan almashtirilsin;

g) quyidagi mazmundagi 91 va 92-bandlar bilan toʻldirilsin:

“91. Kambagʻal oilalar reyestriga kiritilgan oilalarning aʼzolari;

92. Oylik daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilalarning aʼzolari”;

d) quyidagi mazmundagi izoh bilan toʻldirilsin:

“* 91-bandda nazarda tutilgan Kambagʻal oilalar reyestriga kiritilgan oilalarning aʼzolarini jarrohlik amaliyotisiz davolash va jarrohlik amaliyotini oʻtkazish xarajatlari qonunchilik hujjatlarida belgilangan tartibda “Saxovat va koʻmak”, “Ayollar daftari” va “Yoshlar daftari” jamgʻarmalari mablagʻlari hisobidan ham Davlat tibbiy sugʻurtasi jamgʻarmasi orqali moliyalashtirilishi mumkin.

92-bandda nazarda tutilgan oylik daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilalarning aʼzolarini jarrohlik amaliyotisiz davolash va jarrohlik amaliyotini oʻtkazish xarajatlari qonunchilik hujjatlarida belgilangan tartibda “Saxovat va koʻmak”, “Ayollar daftari” va “Yoshlar daftari” jamgʻarmalari mablagʻlari hisobidan Davlat tibbiy sugʻurtasi jamgʻarmasi orqali moliyalashtiriladi”.

2. Oʻzbekiston Respublikasi Prezidentining 2020-yil 24-noyabrdagi “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari toʻgʻrisida”gi PF-6118-son Farmonining 12-bandi quyidagi tahrirda bayon etilsin:

“12. Belgilansinki, jinoyat natijasida davlatga yetkazilgan zarar, davlat bojlari, jinoiy va maʼmuriy jarimalar, davlat foydasiga boshqa turdagi undiruvlar hamda davlat daromadiga oʻtkaziladigan olib qoʻyilgan mol-mulkni sotishga oid ijro hujjatlari boʻyicha kelib tushgan mablagʻlar alohida gʻaznachilik hisobraqamida jamlanadi va 3-ilovada belgilangan mablagʻlarning 70 foizi proporsional miqdorlarda “Ayollar daftari”, “Yoshlar daftari” va “Saxovat va koʻmak” jamgʻarmalariga hamda qolgan 30 foizi tuman (shahar) hokimliklari huzuridagi “Infratuzilma va ijtimoiy barqarorlik” jamgʻarmalariga yoʻnaltiriladi.

Mazkur bandda nazarda tutilgan ijro hujjatlari boʻyicha kelib tushgan mablagʻlarning oluvchilar va budjet tizimi budjetlari darajalari oʻrtasidagi taqsimoti mablagʻlarning belgilangan qismi “Ayollar daftari”, “Yoshlar daftari” va “Saxovat va koʻmak” jamgʻarmalariga hamda tuman (shahar) hokimliklari huzuridagi “Infratuzilma va ijtimoiy barqarorlik” jamgʻarmalariga oʻtkazilganidan keyin amalga oshirilishi belgilansin”.

3. Oʻzbekiston Respublikasi Prezidentining 2021-yil 25-martdagi “Keksalar va nogironligi boʻlgan shaxslarni ijtimoiy qoʻllab-quvvatlash, “Saxovat” va “Muruvvat” internat uylari tizimini yanada rivojlantirish toʻgʻrisida”gi PF-6195-son Farmonida:

a) nomidagi “Saxovat” soʻzi “Ijtimoiy qoʻllab-quvvatlash markazlari” soʻzlari bilan almashtirilsin;

b) 4-bandning “b” kichik bandida:

birinchi xatboshidagi “Saxovat” soʻzi “Ijtimoiy qoʻllab-quvvatlash markazlari” soʻzlari bilan almashtirilsin;

oltinchi xatboshidagi “protez-ortopediya buyumlari, reabilitatsiya texnik vositalari” soʻzlari “protez-ortopediya moslamalari, reabilitatsiya qilishning texnik vositalari” soʻzlari bilan almashtirilsin;

v) 6-bandda:

“a” kichik bandning birinchi xatboshisi quyidagi tahrirda bayon etilsin:

“a) Ijtimoiy qoʻllab-quvvatlash markazlari va “Muruvvat” internat uylarining”;

“v” kichik banddagi “Saxovat” internat uylari hamda Urush va mehnat faxriylari uchun respublika pansionatida” soʻzlari “Ijtimoiy qoʻllab-quvvatlash markazlarida” soʻzlari bilan almashtirilsin;

g) 16-bandning uchinchi xatboshisidagi “Saxovat” internat uylari hamda Urush va mehnat faxriylari uchun respublika pansionatidagi” soʻzlari “Ijtimoiy qoʻllab-quvvatlash markazlaridagi” soʻzlari bilan almashtirilsin;

d) 2-ilovada:

6-pozitsiyada:

“Hal etilishi lozim boʻlgan masalalar” ustuni quyidagi tahrirda bayon etilsin:

“Kattaqoʻrgʻon tumanida Urgut nogironligi boʻlgan shaxslar uchun erkaklar “Muruvvat” internat uyi uchun 300 oʻrinli bino va inshootlarni qurish”;

“Amalga oshirish muddati” ustunidagi “2024-yil” soʻzlari “2024-2025-yillar” soʻzlari bilan almashtirilsin;

7, 15 — 17, 19 — 21-pozitsiyalar chiqarib tashlansin;

23-pozitsiyada:

“Hal etilishi lozim boʻlgan masalalar” ustuni quyidagi tahrirda bayon etilsin:

“Muassasada mavjud bino va inshootlarni rekonstruksiya qilish”;

“Amalga oshirish muddati” ustunidagi “2022-yil” soʻzlari “2025 — 2027-yillar” soʻzlari bilan almashtirilsin;

26-pozitsiyaning “Amalga oshirish muddati” ustunidagi “2024-yil” soʻzlari “2025 — 2027-yillar” soʻzlari bilan almashtirilsin;

28-pozitsiyada:

“Hal etilishi lozim boʻlgan masalalar” ustuni quyidagi tahrirda bayon etilsin:

“Muassasa uchun yangi bino-inshootlar qurish va jihozlash”;

“Amalga oshirish muddati” ustunidagi “2023-yil” soʻzlari “2024-2025-yillar” soʻzlari bilan almashtirilsin;

30-pozitsiyaning “Amalga oshirish muddati” ustunidagi “2023-yil” soʻzlari “2025 — 2027-yillar” soʻzlari bilan almashtirilsin;

31-32-pozitsiyalarning “Amalga oshirish muddati” ustunidagi “2024-yil” soʻzlari “2025 — 2027-yillar” soʻzlari bilan almashtirilsin;

33-pozitsiyaning “Amalga oshirish muddati” ustunidagi “2023-yil” soʻzlari “2025 — 2027-yillar” soʻzlari bilan almashtirilsin;

34-pozitsiyaning “Amalga oshirish muddati” ustunidagi “2024-yil” soʻzlari “2025 — 2027-yillar” soʻzlari bilan almashtirilsin.

4. Oʻzbekiston Respublikasi Prezidentining 2021-yil 11-avgustdagi “Kam taʼminlangan oilalarga moddiy yordam koʻrsatish hamda kambagʻallik bilan kurashish koʻlamini yanada kengaytirish chora-tadbirlari toʻgʻrisida”gi PF-6277-son Farmonining 2-bandi yettinchi xatboshisi quyidagi mazmundagi yettinchi — toʻqqizinchi xatboshilar bilan almashtirilsin:

“Bunda:

2021-yil 1-sentabrga qadar tayinlangan 14 yoshgacha bolalari boʻlgan oilalarga nafaqa, bola 2 yoshga toʻlguniga qadar uni parvarish qilish nafaqasi hamda kam taʼminlangan oilalarga moddiy yordamni toʻlash muddatlari tugaguniga qadar, mazkur turdagi nafaqalar va moddiy yordamning amaldagi miqdorlari hamda ularni toʻlash muddatlari saqlab qolinadi;

Vazirlar Mahkamasining qarorlari bilan mazkur turdagi nafaqalar va moddiy yordamning miqdorlariga oʻzgartirish kiritilishi mumkin”.

5. Oʻzbekiston Respublikasi Prezidentining 2023-yil 1-iyundagi “Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida”gi PF-82-son Farmonida:

a) 3-ilovaning 7-pozitsiyasi quyidagi tahrirda bayon etilsin:

b) 4-ilovada:

“g” kichik bandning uchinchi xatboshisi chiqarib tashlansin;

toʻrtinchi xatboshi uchinchi xatboshi deb hisoblansin;

quyidagi mazmundagi “d” kichik band bilan toʻldirilsin:

“d) 2026-yil 1-yanvardan boshlab palliativ yordam koʻrsatish markazlari va shelterlar faoliyatini tashkil etish boʻyicha loyihalar va dasturlarni moliyalashtirish, shuningdek, doimiy yashash joyiga ega boʻlmagan shaxslarni reabilitatsiya qilish, ijtimoiy oshxonalar tashkil etish”.

6. Oʻzbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi boʻgʻin sifatida ishlashini taʼminlashga qaratilgan chora-tadbirlar toʻgʻrisida”gi PF-209-son Farmonida:

a) 5-bandda:

birinchi xatboshidan “2024-yil 1-martdan boshlab” soʻzlari chiqarib tashlansin;

ikkinchi xatboshi quyidagi tahrirda bayon etilsin:

“jismoniy shaxslarni daftarlarga kiritish, shuningdek, daftarlar, Bandlikka koʻmaklashish davlat jamgʻarmasi hamda Kambagʻallikni qisqartirish davlat maqsadli jamgʻarmasi orqali ijtimoiy yordam koʻrsatish va subsidiyalar ajratish “mahalla yettiligi”ning kollegial qarori asosida amalga oshiriladi”;

uchinchi xatboshidagi “daftarlarga kiritilgan fuqarolar” soʻzlari “mahalladagi aholi soni, Kambagʻal oilalar reyestriga kiritilgan oilalar soni, nogironligi boʻlgan shaxslar” soʻzlari bilan almashtirilsin;

b) 5-ilovada:

“I. Hokim yordamchisi tomonidan shakllantiriladigan hujjatlar” boʻlimining 8 va 13-pozitsiyalari chiqarib tashlansin;

“II. Xotin-qizlar faoli tomonidan shakllantiriladigan hujjatlar” boʻlimida:

5-pozitsiya chiqarib tashlansin;

9-pozitsiyaning “Miqdori” ustunidagi “30” raqami “50” raqami bilan almashtirilsin;

10-pozitsiyaning “Miqdori” ustuni quyidagi tahrirda bayon etilsin:

“Turarjoy ijarasi uchun toʻlovlarning 50 foizi, biroq BHMning 2 baravarigacha (Toshkent va Nukus shahri hamda viloyatlar markazlarida BHMning 3 baravarigacha)”;

14 va 15-pozitsiyalar chiqarib tashlansin;

16-pozitsiya quyidagi tahrirda bayon etilsin:

22-pozitsiya quyidagi tahrirda bayon etilsin:

24 va 25-pozitsiyalar chiqarib tashlansin;

26-pozitsiyaning “Miqdori” ustuni quyidagi tahrirda bayon etilsin:

“Mahalla darajasida bir kalendar oy uchun BHMning 20 baravarigacha”;

27-pozitsiya chiqarib tashlansin;

quyidagi mazmundagi 28-pozitsiya bilan toʻldirilsin:

“III. Yoshlar yetakchisi tomonidan shakllantiriladigan hujjatlar” boʻlimida:

2, 4 — 6, 13, 15, 18 va 19-pozitsiyalar chiqarib tashlansin;

3-pozitsiyaning “Miqdori” ustunidagi “4” raqami “8” raqami bilan almashtirilsin;

7-pozitsiya quyidagi tahrirda bayon etilsin:

8-pozitsiyaning “Ijtimoiy yordam va subsidiyalar turi” ustuni “Yoshlarga” soʻzidan keyin “tadbirkorlik, anʼanaviy va” soʻzlari bilan toʻldirilsin;

9-pozitsiyaning “Miqdori” ustuni “Har oyda” soʻzlaridan keyin “, biroq 6 oydan koʻp boʻlmagan muddatga” soʻzlari bilan toʻldirilsin;

10-pozitsiyaning “Miqdori” ustuni quyidagi tahrirda bayon etilsin:

“Mahalliy bosqichlar uchun BHMning 4 baravarigacha, xalqaro bosqichlar uchun BHMning 40 baravarigacha”;

11-pozitsiya quyidagi tahrirda bayon etilsin:

12-pozitsiya quyidagi tahrirda bayon etilsin:

16-pozitsiya quyidagi tahrirda bayon etilsin:

17-pozitsiyaning “Miqdori” ustunidagi “10” raqami “20” raqami bilan almashtirilsin;

quyidagi mazmundagi 20 — 22-pozitsiyalar bilan toʻldirilsin:

7. Oʻzbekiston Respublikasi Prezidentining 2024-yil 24-maydagi “Oliy taʼlim tashkilotlariga oʻqishga qabul qilish va davlat buyurtmasini joylashtirish tizimini takomillashtirish toʻgʻrisida”gi PF-81-son Farmonining 6-bandi uchinchi xatboshisi quyidagi tahrirda bayon etilsin:

“alohida qabul parametrlari doirasida tanlovda ishtirok etish uchun asos boʻluvchi imtiyozga ega abituriyentlar (nogironligi boʻlgan shaxslar hamda yigirma besh yoshga toʻlmagan Mehribonlik uylari, kichik hajmli bolalar uylari, bolalar shaharchalari, SOS — bolalar mahallalari va oilaviy bolalar uylarining bitiruvchilari boʻlgan, shuningdek, vasiylikka, homiylikka yoki oilaga tarbiyaga olingan (patronat) yetim bolalar hamda ota-onalik huquqidan mahrum qilinganligi, bedarak yoʻqolgan yoki muomalaga layoqatsiz deb topilganligi sababli ota-ona yoki yolgʻiz ona qaramogʻidan mahrum boʻlgan, shuningdek, topib olingan (tashlab ketilgan) ota-onasi nomaʼlum boʻlgan bolalar hamda nikohda boʻlmagan onaning (yolgʻiz onaning) vafot etganligi natijasida boquvchisiz qolgan bolalar) ular uchun ajratilgan alohida qabul parametrlari doirasida, tanlagan birinchi bakalavriat taʼlim yoʻnalishi boʻyicha tanlovda ishtirok etadi”.

8. Oʻzbekiston Respublikasi Prezidentining 2019-yil 22-apreldagi “Bola huquqlari kafolatlarini yanada kuchaytirishga oid qoʻshimcha chora-tadbirlar toʻgʻrisida”gi PQ-4296-son qarorining 6-bandi quyidagi tahrirda bayon etilsin:

“6. Mehribonlik uylari, kichik hajmli bolalar uylari, bolalar shaharchalari, SOS — bolalar mahallalari va oilaviy bolalar uylarining bitiruvchilari boʻlgan, shuningdek, vasiylikka, homiylikka yoki oilaga tarbiyaga olingan (patronat) yetim bolalar hamda ota-onalik huquqidan mahrum qilinganligi, bedarak yoʻqolgan yoki muomalaga layoqatsiz deb topilganligi sababli ota-ona yoki yolgʻiz ona qaramogʻidan mahrum boʻlgan, shuningdek, topib olingan (tashlab ketilgan) ota-onasi nomaʼlum boʻlgan bolalar hamda nikohda boʻlmagan onaning (yolgʻiz onaning) vafot etganligi natijasida boquvchisiz qolgan bolalar (yigirma besh yoshga toʻlganlar bundan mustasno) uchun oliy taʼlim muassasalariga abituriyentlarni qabul qilishning umumiy soniga qoʻshimcha ravishda bir foizgacha davlat granti asosidagi qabul kvotalari ajratiladi”.

9. Oʻzbekiston Respublikasi Prezidentining 2021-yil 9-avgustdagi “Yetim bolalar va ota-ona qaramogʻidan mahrum boʻlgan bolalarni davlat tomonidan qoʻllab-quvvatlashning yangi tizimini joriy etish chora-tadbirlari toʻgʻrisida”gi PQ-5216-son qarorining 11-bandi quyidagi tahrirda bayon etilsin:

“11. Belgilansinki, oliy taʼlim muassasalariga abituriyentlarni qabul qilishning umumiy soniga Mehribonlik uylari, kichik hajmli bolalar uylari, bolalar shaharchalari, SOS — bolalar mahallalari va oilaviy bolalar uylarining bitiruvchilari boʻlgan, shuningdek vasiylikka, homiylikka yoki oilaga tarbiyaga olingan (patronat) yetim bolalar hamda ota-onalik huquqidan mahrum qilinganligi, bedarak yoʻqolgan yoki muomalaga layoqatsiz deb topilganligi sababli ota-ona yoki yolgʻiz ona qaramogʻidan mahrum boʻlgan, shuningdek, topib olingan (tashlab ketilgan) ota-onasi nomaʼlum boʻlgan bolalar hamda nikohda boʻlmagan onaning (yolgʻiz onaning) vafot etganligi natijasida boquvchisiz qolgan bolalar (yigirma besh yoshga toʻlganlar bundan mustasno) uchun qoʻshimcha ravishda bir foizgacha davlat granti asosidagi qabul kvotalari ajratiladi. Bunda ushbu qoʻshimcha kvotalarning oliy taʼlim muassasalari boʻyicha taqsimoti Agentlik tomonidan belgilanadi”.

10. Oʻzbekiston Respublikasi Prezidentining 2024-yil 10-maydagi PQ-175-son qarori bilan tasdiqlangan Tazyiq va zoʻravonlikdan jabrlangan shaxslarni reabilitatsiya qilishga doir chora-tadbirlar dasturining 17-pozitsiyasi quyidagi tahrirda bayon etilsin:

11. Oʻzbekiston Respublikasi Prezidentining 2024-yil 16-iyuldagi “Nogironlikni belgilash tizimini takomillashtirish boʻyicha qoʻshimcha chora-tadbirlar toʻgʻrisida”gi PQ-257-son qarori 5-bandining “b” kichik bandida:

birinchi xatboshidagi “apreldan” soʻzi “oktabrdan” soʻzi bilan almashtirilsin;

ikkinchi xatboshidagi “kattalar uchun vrach-ekspert, pediatr vrach-ekspert hamda reabilitologdan” soʻzlari “uch nafar vrach-ekspertdan” soʻzlari bilan almashtirilsin.

12. Oʻzbekiston Respublikasi Prezidentining 2024-yil 18-iyuldagi “Oʻzbekiston Respublikasi Prezidenti huzuridagi Ijtimoiy himoya milliy agentligi toʻgʻrisidagi hamda Ijtimoiy himoya milliy agentligi huzuridagi Ijtimoiy inspeksiya toʻgʻrisidagi nizomlarni tasdiqlash haqida”gi PQ-268-son qarorida:

4-bandning uchinchi xatboshisidagi “ikki” soʻzi “uch” soʻzi bilan almashtirilsin;

2-ilovaning 15-bandi ikkinchi xatboshisidagi “ikki” soʻzi “uch” soʻzi bilan almashtirilsin.

13. Oʻzbekiston Respublikasi Prezidentining 2024-yil 5-sentabrdagi “Davlat tibbiy sugʻurtasi mexanizmlarini joriy etishga oid chora-tadbirlar toʻgʻrisida”gi PQ-311-son qarori 2-bandining “i” kichik bandi quyidagi mazmundagi ikkinchi xatboshi bilan toʻldirilsin:

“Bunda imtiyozli toifadagi Kambagʻal oilalar reyestriga kiritilgan oilalarning aʼzolari hamda oila aʼzolarining jon boshiga oylik daromadi minimal isteʼmol xarajatlari miqdorining 2 baravaridan koʻp boʻlmagan oilalarning aʼzolarini jarrohlik amaliyotisiz davolash va jarrohlik amaliyotini oʻtkazish xarajatlari qonunchilik hujjatlarida belgilangan tartibda “Ayollar daftari” va “Yoshlar daftari” jamgʻarmalari hamda “Saxovat va koʻmak” jamgʻarmasi mablagʻlari hisobidan Jamgʻarma orqali moliyalashtiriladi”.

14. Oʻzbekiston Respublikasi Prezidentining 2024-yil 23-sentabrdagi “Kambagʻallikdan farovonlik sari” dasturini amalga oshirish boʻyicha birinchi navbatdagi chora-tadbirlar toʻgʻrisida”gi PQ-330-son qarorining 13-bandi toʻrtinchi xatboshisi chiqarib tashlansin.

15. Oʻzbekiston Respublikasi Prezidentining 2024-yil 24-dekabrdagi PQ-454-son qarori bilan tasdiqlangan 2025-yilda Samarqand viloyatida obyektlarni qurish, rekonstruksiya qilish, mukammal taʼmirlash va jihozlash boʻyicha manzilli roʻyxatning 114-pozitsiyasi “Obyekt nomi va manzili” ustuni quyidagi tahrirda bayon etilsin:

“Kattaqoʻrgʻon tumanida Urgut nogironligi boʻlgan shaxslar uchun erkaklar “Muruvvat” internat uyi uchun bino va inshootlar qurish (300 oʻrinli bino va inshootlar qurish va jihozlash)”.