Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan oʻzaro hamkorligini yanada kuchaytirish chora-tadbirlari toʻgʻrisida (KQ-35-V-son)

14.01.2025

Oʻzbekicton Respublikasi Oliy Majlisi Senati Kengashining

qarori

2024-yilda hududlarni rivojlantirish, aholi bilan muloqot samaradorligini yanada oshirish orqali ularning muammolarini hal etishda xalq deputatlari viloyat, tuman va shahar Kengashlari (keyingi oʻrinlarda mahalliy Kengashlar deb yuritiladi) deputatlari va senatorlarning “mahalla yettiligi” bilan oʻzaro hamkorligi yoʻlga qoʻyildi.

Ushbu hamkorlik natijasida mahallalardagi qator muammolar bartaraf etildi, hududlarni rivojlantirishga qaratilgan dasturlar ijrosi yuzasidan jamoatchilik nazorati olib borildi.

Xususan, hududlarda 7,9 mingga yaqin loyihalarga mahalliy Kengashlar deputatlari biriktirildi, “mahalla yettiligi” va tashabbuskor fuqarolar bilan birgalikda nazorat-tahlil tadbirlari doirasida qariyb 3 ming marta oʻrganishlar olib borildi, mahallalarda fuqarolar qabullari tashkil etildi.

Bu borada aniqlangan hamda fuqarolar qabullari jarayonida koʻtarilgan turli masalalarga doir 18 mingdan ziyod muammolarni hal etish choralari koʻrildi.

Hududlarni rivojlantirish borasida belgilangan vazifalar ijrosi hamda “Mahalla yettiligi” — Kengash — Senat” uch boʻgʻinli hamkorlik tizimi samaradorligini yanada oshirish maqsadida “Oʻzbekiston Respublikasi Oliy Majlisi Senatining Reglamenti toʻgʻrisida”gi Oʻzbekiston Respublikasi Qonunining 6-moddasiga muvofiq Oʻzbekiston Respublikasi Oliy Majlisi Senatining Kengashi qaror qiladi:

1. Quyidagilar:

Hududlarni rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etishda mahalliy Kengashlar deputatlari va senatorlarning “mahalla yettiligi” bilan oʻzaro hamkorligini amalga oshirish sxemasi 1-ilovaga,

Hududlarni rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etish boʻyicha hamkorlik yoʻnalishlari 2-ilovaga muvofiq;

mahalliy Kengashlar deputatlari tomonidan respublika darajasidagi muammoli masalalarni Oʻzbekiston Respublikasi Oliy Majlisi Senatiga taqdim etish sxemasi 3-ilovaga muvofiq tasdiqlansin.

2. Xalq deputatlari viloyatlar, Toshkent shahar, tuman (shahar)lar Kengashlariga:

tegishli hududni rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etishga koʻmaklashish borasida mahalliy Kengash deputatlarining “mahalla yettiligi” bilan hamkorligini 1-ilovadagi sxema asosida yoʻlga qoʻyish;

aholi bilan muloqot jarayonida koʻtarilgan, sektor, “mahalla yettiligi” tomonidan taqdim etilgan muammoli masalalar sessiyalarda muhokama qilinishini yoʻlga qoʻyish;

har yili 15-fevralga qadar mahalliy Kengash deputatlari tomonidan aholini qiynab kelayotgan muammolar oʻrganilishini hamda ularni hal etish boʻyicha takliflar tayyorlanishini taʼminlash;

har yili 20-fevralga qadar mahalliy Kengash deputatlari tomonidan taqdim etilgan takliflarni umumlashtirib, kelgusi yil uchun ishlab chiqiladigan hududni kompleks ijtimoiy-iqtisodiy rivojlantirish yillik dasturida inobatga olish uchun mahalliy ijro etuvchi hokimiyatga taqdim qilish;

har chorakda mahalliy Kengash sessiyasida hududni kompleks ijtimoiy-iqtisodiy rivojlantirish yillik dasturi ijrosini hamda mahallalardagi muammolarni hal etish borasida amalga oshirilayotgan ishlarni muhokama qilish;

har oyda mahalliy Kengash deputatlari tomonidan respublika darajasidagi muammoli masalalarni 3-ilovadagi sxema asosida Oʻzbekiston Respublikasi Oliy Majlisi Senatiga taqdim etib borish;

mahalla fuqarolar yigʻini Kengashi majlisida davlat organlari vakillarining, mahalla fuqarolar yigʻinida (fuqarolar vakillari yigʻilishida) “mahalla yettiligi” aʼzolarining hisobotlarini eshitishda tegishli mahallaga biriktirilgan mahalliy Kengash deputatining ishtirokini yoʻlga qoʻyish tavsiya etilsin.

3. Viloyatlar, tumanlar, shaharlar hokimliklari:

har oy yakuni boʻyicha hududlarni kompleks ijtimoiy-iqtisodiy rivojlantirish yillik dasturlari ijrosi yuzasidan amalga oshirilgan ishlar toʻgʻrisidagi tahliliy maʼlumotlarni mahalliy Kengashlarga kiritib borsin;

navbatdagi yil uchun hududlarni kompleks ijtimoiy-iqtisodiy rivojlantirish yillik dasturlari loyihalarini ishlab chiqishga mahalliy Kengash deputatlari, “mahalla yettiligi”ni jalb etsin hamda ularning takliflarini inobatga olsin.

4. Oʻzbekiston Respublikasi Oliy Majlisi Senati aʼzolari 4-ilovaga muvofiq hududlarga biriktirilsin. Ular zimmasiga:

bir oy muddatda biriktirilgan hududda mahalliy Kengashlardagi ishlarni 1-ilovadagi sxema asosida tashkil etish;

oʻzi biriktirilgan hududga chiqqanda mazkur Qarorda belgilangan vazifalarning sifatli tashkil etilishida mahalliy Kengashlarga amaliy yordam koʻrsatish, mahalliy Kengash (viloyat, tuman, shahar) sessiyalarida ishtirok etish vazifalari yuklansin.

5. Oʻzbekiston Respublikasi Oliy Majlisi Senati devonining Hududiy vakillik organlari faoliyatini oʻrganish markazi, Hududlarni ijtimoiy-iqtisodiy rivojlantirish va budjet masalalari boshqarmasi:

mahalliy Kengashlarga hududlarni kompleks ijtimoiy-iqtisodiy rivojlantirish yillik dasturlari ijrosini nazorat qilish hamda mahallalardagi muammolarni hal etishda “mahalla yettiligi” bilan hamkorlikni samarali yoʻlga qoʻyish boʻyicha uslubiy koʻmak berib borsin;

mahalliy Kengashlar tomonidan respublika darajasidagi muammoli masalalarni hal etishga koʻmaklashish boʻyicha kiritilgan takliflarni umumlashtirib, Senatning tegishli qoʻmitalariga kiritib borishni yoʻlga qoʻysin.

6. Oʻzbekiston Respublikasi Oliy Majlisi Senati Kengashining 2024-yil 4-apreldagi KQ-706-IV-sonli Qarori oʻz kuchini yoʻqotgan deb hisoblansin.

7. Mazkur Qarorning ijrosini nazorat qilish Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklansin.

8. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2025-yil 14-yanvar,

KQ-35-V-son

Oʻzbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qaroriga 1-ILOVA

Hududlarni rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etishda mahalliy Kengashlar deputatlarining “mahalla yettiligi” bilan oʻzaro hamkorligini amalga oshirish

SXEMASI

Oʻrganiladigan masalalarOʻzbekiston Respublikasi Prezidentining farmon va qarorlari, Prezident raisligida oʻtkazilgan majlis bayonlari, oliy darajadagi tashriflar davomida erishilgan kelishuvlar doirasida ishlab chiqilgan “yoʻl xaritalari”;Oʻzbekiston Respublikasi Oliy Majlisi Senati hamda Senat Kengashining qarorlari;Oʻzbekiston Respublikasi Vazirlar Mahkamasining qarorlari;Qoraqalpogʻiston Respublikasi Joʻqorgʻi Kengesi, xalq deputatlari mahalliy Kengashlarining qarorlari;Qoraqalpogʻiston Respublikasi Vazirlar Kengashi, viloyat, tuman, shahar hokimliklarining hujjatlari;tashabbusli budjet jarayonida gʻolib deb topilgan loyihalar;mahalliy Kengash deputatlarining “mahalla yettiligi” bilan oʻzaro hamkorligidagi masalalar;“mahalla yettiligi”ning kollegial qarorlari asosida koʻrsatiladigan ijtimoiy yordam va ajratiladigan subsidiyalar.Oʻrganishga jalb etiladiganlarmahalliy Kengash deputatlari, Mahallalar uyushmasi tuman (shahar) boʻlimi rahbari, tuman (shahar) idora va tashkilotlari vakillari, oʻzi saylangan okrugdagi “mahalla yettiligi” vakillari, sektor shtabiBosqichlarSubyektlarTadbirlarIjro muddati1-bosqichXalq deputatlari viloyat, tuman (shahar) Kengashi kotibiyatiMahalliy Kengash deputatini “mahalla yettiligi” bilan hamkorlikni yoʻlga qoʻyish uchun u saylangan okrugdagi hududlarga (mahallalarga) biriktiradi.2 kun2-bosqichXalq deputatlari tuman (shahar) Kengashi kotibiyatiTegishli ijro etuvchi hokimiyat organlarini jalb etgan holda hududni rivojlantirishga qaratilgan dasturlar, chora-tadbirlar, loyihalar (keyingi oʻrinlarda dasturlar) toʻliq xatlovdan oʻtkazilishini tashkil etadi.Har yili 25-yanvargacha3-bosqichXalq deputatlari tuman (shahar) Kengashi kotibiyatiOʻzbekiston Respublikasi Prezidenti hujjatlari, Oliy Majlis Senati, Senat Kengashi va Hukumat qarorlari, oliy darajadagi tashriflar davomida erishilgan kelishuvlar doirasida ishlab chiqilgan “yoʻl xaritalari”, hududni rivojlantirish boʻyicha dasturlarda belgilangan chora-tadbirlarning amalga oshirilishini manzilli oʻrganish hamda samarali nazoratni amalga oshirish Rejasi ishlab chiqilishini taʼminlaydi. Ushbu Reja Qoraqalpogʻiston Respublikasi Joʻqorgʻi Kengesi Raisi, xalq deputatlari viloyatlar va Toshkent shahar Kengashlari raislari tomonidan tasdiqlanadi (namunadagi shaklda).Har yili 1-fevralgacha“Tashabbusli budjet” jarayoni boʻyicha xalq deputatlari tuman (shahar) Kengashi qarori bilan manzilli roʻyxat tasdiqlangandan soʻng rejaga oʻzgartirish kiritiladi.Manzilli roʻyxat tasdiqlangandan soʻng 3 kunda4-bosqichXalq deputatlari tuman (shahar) Kengashi deputati, “mahalla yettiligi”, sektor shtabiRejada belgilangan tadbirlarning oʻz vaqtida va sifatli bajarilishi ustidan nazorat oʻrnatadi hamda amaliy yordam koʻrsatib boradi, vazifalarning bajarilmasligi va ortda qolish sabablarini oʻrganadi hamda tegishli takliflarni shakllantiradi.Har haftaMahallalarda fuqarolar qabulini tashkil etadi hamda “mahalla yettiligi” doirasida hal etiladigan masalalar boʻyicha tegishli choralarni belgilaydi.Har oyda5-bosqichXalq deputatlari tuman (shahar) Kengashi deputatiOʻrganish va aholi bilan muloqot natijalari boʻyicha aniqlangan kamchiliklar hamda ularni bartaraf etish boʻyicha takliflarni mahalliy Kengash kotibiyatiga taqdim etadi.Har hafta dushanba kuni6-bosqichXalq deputatlari tuman (shahar) Kengashi kotibiyatiDeputatlar tomonidan taqdim etilgan muammolar hamda ularni bartaraf etish boʻyicha takliflarni tegishli komissiyalar oʻrtasida taqsimlaydi.Kelib tushgandan keyin 2 kunda7-bosqichXalq deputatlari tuman (shahar) Kengashi doimiy komissiyalariTaqdim etilgan muammolarni tuman (shahar) darajasidagi mutasaddi idora va tashkilotlar vakillari bilan birgalikda oʻrganib, hal etish choralarini koʻradi.Oʻrganish natijalari boʻyicha oʻz yechimini topmagan, tuman (shahar) darajasida yechiladigan muammolarni Kengash sessiyasi muhokamasiga kiritadi.Doimiy8-bosqichXalq deputatlari tuman (shahar) Kengashi kotibiyatiTegishli ijro etuvchi hokimiyat organlarini jalb etgan holda Reja ijrosi boʻyicha mahallalar kesimida monitoring maʼlumotlarini tayyorlab, mahalliy Kengash raisiga taqdim etadi.Har oy yakuni boʻyicha keyingi oyning 10-sanasigacha9-bosqichXalq deputatlari tuman (shahar) KengashiAholi bilan muloqot jarayonida koʻtarilgan, sektor, “mahalla yettiligi” tomonidan taqdim etilgan muammolarni sessiya boshlanishidan oldin muhokama qiladi.DoimiyReja ijrosi yuzasidan tegishli idora va tashkilotlar rahbarlarining hisobotlarini eshitadi hamda ular faoliyatiga baho beradi.Muammolar masalalarni hal etish boʻyicha qoʻshimcha choralarni belgilaydi.Har chorak yakuni boʻyicha keyingi oyning 20-sanasigacha

Izoh: hududga biriktirilgan Oliy Majlis Senati aʼzosi oʻzi biriktirilgan hududda mazkur tizim asosida ishlarni tashkil etish uchun masʼul hisoblanadi. Shuningdek, xalq deputatlari viloyat Kengashi deputatlari tuman (shahar) Kengashlariga amaliy yordam koʻrsatadi.

Oʻzbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qaroriga 2-ILOVA

Hududlarni rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etish boʻyicha hamkorlik

YOʻNALISHLARI

1. Aholining ijtimoiy xizmatlardan xabardorligini oshirish boʻyicha:

“mahalla yettiligi” vakillari ishtirokida mahalla aholisi bilan muloqot tashkil etish (har oyda bir marotaba fuqarolarni qabul qilish);

“mahalla yettiligi” vakillari bilan birgalikda davlat ijtimoiy xizmatlari mazmun-mohiyati boʻyicha tushuntirishlar olib borish;

mamlakatimizda amalga oshirilayotgan demokratik islohotlarning ahamiyatini aholiga yetkazish.

2. Mahalla hududini rivojlantirish, aholi muammolarini samarali hal etish, ijtimoiy-maʼnaviy muhit barqarorligini taʼminlash, madaniy-maʼrifiy tadbirlarni amalga oshirish boʻyicha:

hududni rivojlantirishga qaratilgan dastur va loyihalar, obodonlashtirish va koʻkalamzorlashtirish tadbirlari ijrosini nazorat qilish;

hokim yordamchisi, yoshlar yetakchisi, xotin-qizlar faoli, profilaktika inspektori, soliq inspektori va ijtimoiy xodimning belgilangan vazifalarni oʻzaro hamkorlikda bajarishini yoʻlga qoʻyish;

mahallada aholini moddiy va ijtimoiy qoʻllab-quvvatlash ishlarini tashkil etish, kambagʻal oilalarga ajratilayotgan mablagʻlarni maqsadli va manzilli yoʻnaltirish;

Mahallaning ijtimoiy-iqtisodiy muammolarini hal etish jamgʻarmasiga qonunchilikka muvofiq jalb etilgan mablagʻlar va homiylik xayriyalaridan maqsadli foydalanish;

mahallada sogʻlom ijtimoiy-maʼnaviy muhitni saqlash, milliy qadriyatlarni targʻib qilish, madaniy-maʼrifiy tadbirlarni amalga oshirish;

“mahalla yettiligi”ning ijtimoiy yordam va ajratiladigan subsidiyalar toʻgʻrisidagi kollegial qarorlarini belgilangan tartibda rasmiylashtirish va asosli qabul qilish;

mahalla hududida qonunchilik hujjatlari ijrosi ustidan jamoatchilik nazoratini oʻrnatish, shu jumladan, taʼlim, tibbiy xizmat, sport, savdo va xizmat koʻrsatish qoidalariga rioya etilishini nazorat qilish.

3. Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish boʻyicha:

mahallada tadbirkorlikni rivojlantirish, aholining tadbirkorlik tashabbuslarini qoʻllab-quvvatlash maqsadida kredit va subsidiyalar ajratilishida koʻmaklashish, bu borada tijorat banklari bilan hamkorlikda ishlash;

kichik ishlab chiqarish va xizmat koʻrsatish boʻyicha loyihalarni amalga oshirishga toʻsiq boʻlayotgan muammolarni hal etish;

oʻzini oʻzi band qilish faoliyatini boshlamoqchi boʻlgan ishsiz, shu jumladan, “Temir daftar” va “Ayollar daftari”ga kiritilgan fuqarolarga faoliyatini boshlash uchun belgilangan mezonlarga asosan subsidiyalarni toʻgʻri ajratish (tomorqa yer egalariga yengil konstruksiyali issiqxonalar oʻrnatish, sugʻorish vositalarini xarid qilish, urugʻliklar va koʻchatlar sotib olish va boshqa asbob-uskunalar);

aholi bandligini taʼminlash;

mahallada “Kambagʻallikdan farovonlik sari” dasturida belgilangan vazifalar, kambagʻallikni qisqartirish boʻyicha maqsadli koʻrsatkichlar ijrosini taʼminlash;

mehnat migratsiyasidan qaytgan shaxslarga reyintegratsiya yordami koʻrsatish va ularning bandligini taʼminlash.

4. Xotin-qizlarni har tomonlama qoʻllab-quvvatlash, bilim va koʻnikmalarni egallashda ularga koʻmaklashish va ragʻbatlantirish boʻyicha:

xotin-qizlar bandligini taʼminlash, oilaviy va xususiy tadbirkorlikka keng jalb etish, kreditlar ajratilishiga koʻmaklashish;

xotin-qizlarni hudud drayveridan kelib chiqqan holda mehnat bozorida talab yuqori boʻlgan kasb-hunar va tadbirkorlik koʻnikmalariga oʻqitish;

xotin-qizlar oʻrtasida reproduktiv salomatlik qoidalarini, sogʻlom turmush tarzini keng targʻib qilish, sport tadbirlariga jalb etish;

“Ayollar daftari”dagi xotin-qizlarga belgilangan mezonlar asosida ijtimoiy-huquqiy, psixologik va moddiy yordam koʻrsatish, uy-joy uchun subsidiyalar ajratish;

tazyiq va zoʻravonlikka nisbatan murosasizlik muhitini yaratishda faol ishtirok etish.

5. Yoshlarni har tomonlama qoʻllab-quvvatlash va ularning ijtimoiy faolligini yanada oshirish boʻyicha:

“Yoshlar daftari”ga kiritilgan yoshlarga belgilangan mezonlar asosida moddiy yordam, tadbirkorlik faoliyatini boshlash va oʻzini oʻzi band qilish uchun subsidiyalarni toʻgʻri ajratish (asbob-uskunalar, mehnat qurollari, urugʻlik va koʻchatlarni xarid qilish va boshqa);

yoshlarni kasb-hunar va tadbirkorlik koʻnikmalariga oʻqitish, oʻqitish kurslari xarajatlarini qoplash;

yoshlarning ishga joylashishiga koʻmaklashish;

yoshlar oʻrtasida turli madaniy-maʼrifiy hamda sport tadbirlari tashkil etish;

“Yoshlar daftari”ga kiritilgan professional va oliy taʼlim muassasalarida taʼlim olayotgan yoshlarning toʻlov-kontrakt summasining bir qismini toʻlab berish.

6. Mahallada huquqbuzarliklarning oldini olish, jamoat tartibini saqlash boʻyicha:

mahallada huquqbuzarliklarning oldini olish, jamoat tartibini saqlash va xavfsiz muhitni taʼminlash;

mahalla hududida kriminogen vaziyat barqarorligini taʼminlash, huquqbuzarliklarni aniqlash va ularga barham berish boʻyicha qonunchilikda belgilangan chora-tadbirlarni amalga oshirish;

aholi, ayniqsa, yoshlar va voyaga yetmaganlar oʻrtasida huquqbuzarliklar profilaktikasini amalga oshirish;

voyaga yetmaganlar va yoshlarni Vatanga muhabbat, milliy va umuminsoniy qadriyatlarga hurmat ruhida tarbiyalash, terrorizm, ekstremizm, zoʻravonlik va shafqatsizlik gʻoyalaridan himoyalashga yoʻnaltirilgan ishlarni amalga oshirish.

7. Aholini ijtimoiy muhofaza qilish, davlat tomonidan koʻrsatiladigan ijtimoiy xizmatlar sifatini oshirish boʻyicha:

aholining ijtimoiy xizmat va yordamlar, shuningdek, ijtimoiy ish faoliyati haqida xabardorligini oshirish;

ijtimoiy himoyaga muhtoj shaxslarga ijtimoiy xizmat va yordamlar koʻrsatishni tashkil qilish;

ijtimoiy himoyaga muhtoj shaxs nomidan ijtimoiy xizmat va yordamlardan foydalanish uchun soʻrovnoma (ariza) kiritish;

ichki resurslarni, shu jumladan ijtimoiy qoʻllab-quvvatlash boʻyicha koʻngillilarni (qarindoshlar, qoʻni-qoʻshnilar, koʻngillilar, homiylar) ijtimoiy xizmat va yordamlar koʻrsatishga jalb qilish hamda ularning bu boradagi faoliyatini muvofiqlashtirish;

aholiga davlat tomonidan kafolatlangan ijtimoiy xizmat va yordamlar toʻgʻrisida, shuningdek, aholining mazkur xizmatlardan foydalanishga boʻlgan huquqlari boʻyicha tushuntirish berish.

8. Mahalliy budjet daromadlari barqarorligini taʼminlash boʻyicha:

tadbirkorlarga soliq xizmatlarini koʻrsatish, hududdagi imkoniyatlarni ishga solish, soliq bazasini kengaytirish, soliqlarni undirish va mahalla budjetining daromadini shakllantirish;

tadbirkorlik faoliyatini qonuniylashtirish hamda oʻzini oʻzi band qilgan fuqarolarning kichik biznes toifasiga oʻtishiga amaliy yordam koʻrsatish;

norasmiy bandlikni qisqartirish boʻyicha tegishli choralarni amalga oshirish;

aholining, tadbirkorlarning qonunchilik hujjatlarida belgilangan soliq imtiyozlarini haqida xabardor qilish.

Oʻzbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qaroriga 3-ILOVA

Mahalliy Kengashlar deputatlari tomonidan respublika darajasidagi muammoli masalalarni Oʻzbekiston Respublikasi Oliy Majlisi Senatiga taqdim etish

SXEMASI

BosqichlarSubyektlarTadbirlarIjro muddati 1-bosqichXalq deputatlari tuman (shahar) Kengashi kotibiyatiMahalliy Kengash deputatlarining yuqori darajada hal etiladigan muammoli masalalar hamda ularni hal etish boʻyicha takliflarini viloyat (Toshkent shahar) Kengashiga kiritadi.Har oyning yakuni bilan keyingi oyning 5-sanasigacha 2-bosqichXalq deputatlari viloyat (Toshkent shahar) Kengashi kotibiyatiKiritilgan muammoli masalalar hamda ularni hal etish boʻyicha takliflarni dastlabki tarzda koʻrib chiqish uchun tegishliligi boʻyicha doimiy komissiyalarga taqdim etadi.Kelib tushgan kundan eʼtiboran 2 kun 3-bosqichXalq deputatlari viloyat (Toshkent shahar) Kengashi doimiy komissiyalariTaqdim etilgan muammoli masalalarni mutasaddi idora va tashkilotlar vakillari bilan birgalikda oʻrganadi, muhokama qiladi hamda hal qilish choralarini koʻradi.Muhokama yakunlari boʻyicha respublika darajasida hal etiladigan muammoli masalalar yuzasidan takliflarni kotibiyatga taqdim etadi.Kelib tushgan kundan eʼtiboran 1 hafta4-bosqichXalq deputatlari viloyat (Toshkent shahar) Kengashi kotibiyatiRespublika darajasida hal etiladigan muammoli masalalar boʻyicha takliflarni viloyat (Toshkent shahar) hokimligi bilan birgalikda koʻrib chiqib, Oʻzbekiston Respublikasi Oliy Majlisi Senatiga Kengash raisining imzosi bilan kiritadi.Har oy yakuni boʻyicha keyingi oyning 10-sanasiga qadar5-bosqichOliy Majlis Senati devonining Hududiy vakillik organlari faoliyatini oʻrganish markazi, Hududlarni ijtimoiy-iqtisodiy rivojlantirish va budjet masalalari boshqarmasiRespublika darajasida hal etiladigan muammoli masalalar boʻyicha hududlardan yuborilgan takliflarni umumlashtirib, Senatning tegishli qoʻmitalariga taqdim etadi.Kelib tushgan kundan eʼtiboran 2 kun6-bosqichOliy Majlis Senati qoʻmitalariTaqdim etilgan muammoli masalalar boʻyicha takliflarni mutasaddi vazirlik va idoralar vakillari bilan birgalikda oʻrganadi, muhokama qiladi hamda hal etish choralarini koʻradi.Zarur hollarda, Senator soʻrovi, Parlament soʻrovi institutlaridan foydalanadi, Senat yalpi majlisi muhokamasiga kiritadi.Doimiy ravishda

Oʻzbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qaroriga 4-ILOVA

Qoraqalpogʻiston Respublikasi, viloyatlar, Toshkent shahri va tuman (shahar)larga biriktirilgan senatorlar

ROʻYXATI

T/rF.I.O.LavozimiBiriktirilgan hudud nomiQORAQALPOGʻISTON RESPUBLIKASI(Senatning Fan, taʼlim va sogʻliqni saqlash masalalari qoʻmitasi raisi oʻrinbosari — Ataniyazova Oral Aminovna)1.Ataniyazova Oral AminovnaSenatning Fan, taʼlim va sogʻliqni saqlash masalalari qoʻmitasi raisi oʻrinbosariNukus shahri, Moʻynoq, Shumanay, Qonlikoʻl, Qoʻngʻirot, Boʻzatov, Kegeyli, Chimboy, Nukus tumanlari2.Bekatova Zumrad RaximbayevnaSenatning Sud-huquq masalalari va korrupsiyaga qarshi kurashish qoʻmitasida doimiy asosda ishlovchi senatorToʻrtkoʻl, Beruniy, Ellikqalʼa, Qoraoʻzak, Amudaryo, Taxtakoʻpir, Taxiatosh, Xoʻjayli tumanlariANDIJON VILOYATI(Senatning Mudofaa va xavfsizlik masalalari qoʻmitasi raisi — Burxanov Kutbidin Nukritdinovich)3.Burxanov Kutbidin NukritdinovichSenatning Mudofaa va xavfsizlik masalalari qoʻmitasi raisiXonobod shahri, Jalaquduq, Xoʻjaobod, Qoʻrgʻontepa tumanlari4.Axunov UktamjonOʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi Andijon viloyati boʻlimi raisi, nuroniylar jamoatchilik Kengashi raisiAndijon shahri, Andijon, Baliqchi, Boʻston, Izboskan, Oltinkoʻl, Paxtaobod, Ulugʻnor, Shahrixon, Asaka, Buloqboshi, Marhamat tumanlariBUXORO VILOYATI(Senatning Budjet va iqtisodiy masalalar qoʻmitasi raisi — Gadoyev Erkin Fayziyevich)5.Gadoyev Erkin FayziyevichSenatning Budjet va iqtisodiy masalalar qoʻmitasi raisiKogon shahri, Buxoro, Kogon, Qorovulbozor, Olot tumanlari6.Toshova Moyra NabiyevnaBuxoro shahar “Shayx-ul Olam” mahalla fuqarolar yigʻini raisiBuxoro shahri, Jondor, Qorakoʻl, Gʻijduvon, Vobkent, Peshku, Romitan, Shofirkon tumanlariJIZZAX VILOYATI(Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasida doimiy asosda ishlovchi senator — Bobanazarova Jamila Xolmurodovna)7.Ermatov Husan Tohirovich“Ishonch” va “Ishonch-Doveriye” gazetalari bosh muharririJizzax shahri, Zafarobod, Baxmal, Gʻallaorol, Mirzachoʻl, Sharof Rashidov, Forish tumanlari8.Pardayev NusuratullaOʻzbekiston kasaba uyushmalari Federatsiyasining Jizzax viloyati Kengashi raisiZarbdor, Zomin, Yangiobod, Arnasoy, Doʻstlik, Paxtakor tumanlariQASHQADARYO VILOYATI(Senatning Sud-huquq masalalari va korrupsiyaga qarshi kurashish qoʻmitasida doimiy asosda ishlovchi senator — Bekatova Zumrad Raximbayevna)9.Karamova Komila ZaydullayevnaRespublika maʼnaviyat va maʼrifat markazi Qashqadaryo viloyati boʻlimi rahbariQarshi shahri, Qarshi, Kasbi, Mirishkor, Nishon tumanlari10.Irkayev Abduraxim PandjiyevichQarshi davlat universiteti “Milliy gʻoya va maʼnaviyat asoslari” kafedrasi dotsenti, professoriChiroqchi, Koson, Muborak, Koʻkdala, Qamashi tumanlari11.Aslanov Shuxrat Choriyevich“Shoʻrtan gaz kimyo majmuasi” masʼuliyati cheklangan jamiyati bosh direktoriShahrisabz shahri, Shahrisabz, Gʻuzor, Dehqonobod, Kitob, Yakkabogʻ tumanlari NAVOIY VILOYATI(Senatning Budjet va iqtisodiy masalalar qoʻmitasi raisi oʻrinbosari — Tursunov Kobul Beknazarovich)12.Tumishova Aksavli MoldagaliyevnaZarafshon shahar 9-sonli umumiy oʻrta taʼlim maktabi direktoriZarafshon shahri, Uchquduq, Tomdi, Konimex tumanlari13.Sanakulov Kuvandik“Navoiy kon-metallurgiya kombinati” masʼuliyati cheklangan jamiyati korxonasi boshqaruvi raisi — bosh direktoriNavoiy, Gʻozgʻon shaharlari, Karmana, Qiziltepa, Nurota, Navbahor, Xatirchi tumanlariNAMANGAN VILOYATI(Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi oʻrinbosari — Mamatkarimov Odiljon Oxundedayevich)14.Najmiddinov Ikromxon “Nuroniy” jamgʻarmasi Namangan viloyati boʻlimi raisiUychi, Uchqoʻrgʻon, Chortoq, Norin, Chust, Yangiqoʻrgʻon, Kosonsoy tumanlari15.Dobrix Anna KonstantinovnaNamangan shahridagi “Iftixor kiyim sanoat” masʼuliyati cheklangan jamiyati rahbariNamangan shahri, Yangi Namangan, Namangan, Pop, Toʻraqoʻrgʻon, Davlatobod, Mingbuloq tumanlari SAMARQAND VILOYATI(Senatning Fan, taʼlim va sogʻliqni saqlash masalalari qoʻmitasi raisi — Abdullayev Baxrom Ismoilovich)16.Niyazova Maryam KadirovnaKattaqoʻrgʻon tumanidagi “Kumush tola” xususiy korxonasi bosh direktori, taʼsischiKattaqoʻrgʻon shahri, Kattaqoʻrgʻon, Paxtachi, Narpay, Nurobod tumanlari17.Sharipov Shavkat OʻktamovichSamarqand shahar “Sharq-Sanoat” konserni taʼsischisiSamarqand shahri, Samarqand, Toyloq, Urgut, Jomboy, Bulungʻur tumanlari 18.Xalmuradov Rustam IbragimovichSamarqand davlat universiteti rektoriPastdargʻom, Oqdaryo, Payariq, Ishtixon, Qoʻshrabot tumanlariSIRDARYO VILOYATI(Senatning Agrar, suv xoʻjaligi masalalari va ekologiya qoʻmitasi raisi — Tuychiyev Anvar Mirzaaxmedovich)19.Tuychiyev Anvar MirzaaxmedovichSenatning Agrar, suv xoʻjaligi masalalari va ekologiya qoʻmitasi raisiGuliston shahri, Oqoltin, Mirzaobod, Sardoba tumanlari20.Axmedjanova Pokiza ShavkatovnaGuliston shahridagi “Xalima Xudayberdiyeva” nomidagi ijod maktabi direktoriShirin, Yangiyer shaharlari, Boyovut, Sayxunobod, Sirdaryo, Xovos, Guliston tumanlariSURXONDARYO VILOYATI(Senatning Sud-huquq masalalari va korrupsiyaga qarshi kurashish qoʻmitasi raisi — Eshmuratov Abdulxakim Xushbokovich)21.Suvonova Dilbar NabiyevnaTermiz davlat universiteti oʻqituvchisiTermiz shahri, Boysun, Sherobod, Qiziriq, Oltinsoy, Boysun, Angor, Muzrabot tumanlari22.Saidov Sirojiddin SaloxovichOʻzbekiston yozuvchilar uyushmasi raisiTermiz, Qumqoʻrgʻon, Jarqoʻrgʻon, Shoʻrchi, Sariosiyo, Uzun, Denov tumanlariTOSHKENT VILOYATI(Senatning Yoshlar, xotin-qizlar, madaniyat va sport masalalari qoʻmitasida doimiy asosda ishlovchi senator — Kadirxanova Malika Akbarovna)23.Toirov Mahmudjon Oʻzbekiston yozuvchilar uyushmasi Toshkent viloyati boʻlimi rahbari, “Adabiyot ziyosi” gazetasi bosh muharririOhangaron, Chirchiq, Nurafshon shaharlari, Oʻrta Chirchiq, Oqqoʻrgʻon, Boʻstonliq, Ohangaron, Parkent, Qibray, Yuqori Chirchiq tumanlari24.Xursanov Abdullo Xalmuradovich“Olmaliq kon-metallurgiya kombinati” aksiyadorlik jamiyati boshqaruvi raisiAngren, Bekobod, Olmaliq, Yangiyoʻl shaharlari, Zangiota, Toshkent, Chinoz, Quyi Chirchiq, Yangiyoʻl, Bekobod, Boʻka, Piskent tumanlariFARGʻONA VILOYATI(Senatning Yoshlar, xotin-qizlar, madaniyat va sport masalalari qoʻmitasi raisi — Qozixonova Orzigul Moʻydinovna)25.Qozixonova Orzigul MoʻydinovnaSenatning Yoshlar, xotin-qizlar, madaniyat va sport masalalari qoʻmitasi raisiFargʻona, Margʻilon, Quvasoy shaharlari, Fargʻona, Yozyovon, Quva, Qoʻshtepa, Oltiariq,Toshloq tumanlari26.Raxmanov ZakirjonFargʻona viloyati Qoʻshtepa tumanidagi “Ismoiljon gilamlari” xususiy ishlab chiqarish korxonasi rahbariQoʻqon shahri, Beshariq, Dangʻara, Bagʻdod, Buvayda, Rishton, Soʻx, Uchkoʻprik, Furqat, Oʻzbekiston tumanlariXORAZM VILOYATI(Senatning Agrar, suv xoʻjaligi masalalari va ekologiya qoʻmitasi raisi oʻrinbosari — Abdukarimova Sayyora Sapayevna)27.Abdullayev Baxrom IsmoilovichSenatning Fan, taʼlim va sogʻliqni saqlash masalalari qoʻmitasi raisiUrganch shahri, Gurlan, Shovot, Urganch, Qoʻshkoʻpir, Yangibozor tumanlari28.Abdukarimova Sayyora SapayevnaSenatning Agrar, suv xoʻjaligi masalalari va ekologiya qoʻmitasi raisi oʻrinbosariXiva shahri, Xiva, Yangiariq, Xonqa, Xazorasp, Tuproqqalʼa, Bogʻot tumanlariTOSHKENT SHAHRI(Senatning Fan, taʼlim va sogʻliqni saqlash masalalari qoʻmitasida doimiy asosda ishlovchi senator — Marufova Gulnora Maxmudovna)29.Kalanov Rustam Abduxakimovich“Nuroniy” jamgʻarmasi Toshkent shahar boʻlimi raisiUchtepa, Shayxontohur, Bektemir, Sergeli, Yangihayot, Chilonzor, Olmazor tumanlari30.Ayupov Shavkat AbdullayevichOʻzbekiston Fanlar akademiyasi prezidentiMirzo Ulugʻbek, Mirobod, Yunusobod, Yakkasaroy, Yashnobod tumanlari