Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasining yangi tarkibini tasdiqlash toʻgʻrisida (242-V-son)
27.12.2024
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining
qoʻshma qarori
Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasi faoliyatini samarali tashkil etish maqsadida Oʻzbekiston Respublikasi Oliy Majlisi Qonunchilik palatasining Kengashi va Oʻzbekiston Respublikasi Oliy Majlisi Senatining Kengashi qaror qiladilar:
1. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2020-yil 27-fevralda qabul qilingan “Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasini tuzish toʻgʻrisida”gi 149-IV/KQ-16-IV-sonli Qoʻshma qarorining 1-ilovasiga (Oʻzbekiston Respublikasi Oliy Majlisi palatalarining Axborotnomasi, 2020-yil, № 2, 193-modda) oʻzgartirish va qoʻshimchalar kiritilib, Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasining yangi tarkibi ilovaga muvofiq tasdiqlansin.
2. Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasi aʼzolariga:
2030-yilgacha boʻlgan davrda barqaror rivojlanish sohasidagi milliy maqsadlar va vazifalarning (bundan buyon matnda Milliy maqsadlar va vazifalar deb yuritiladi) ijrosi ustidan taʼsirchan parlament nazoratini amalga oshirish;
muhokama qilinayotgan qonun loyihalari, qonunchilik takliflari hamda boshqa qonunchilik hujjatlarining Milliy maqsadlar va vazifalarga mosligi nuqtai nazaridan ularni baholash;
respublikamizda qabul qilinayotgan hududiy, tarmoq va davlat dasturlari doirasida amalga oshirilgan ishlarning Milliy maqsadlar va vazifalarga muvofiqligini xalq deputatlari mahalliy Kengashlari deputatlari bilan birgalikda koʻrib chiqish;
mamlakatimizda amalga oshirilayotgan islohotlarni ularning Milliy maqsadlar va vazifalarga mosligi yuzasidan monitoring qilish hamda ularni keng jamoatchilikka va xalqaro hamjamiyatga yetkazish choralarini koʻrish tavsiya etilsin.
3. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2021-yil 12-fevralda qabul qilingan “Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasining yangi tarkibini tasdiqlash toʻgʻrisida”gi 749-IV/KQ-186-IV-sonli Qoʻshma qarori (Oʻzbekiston Respublikasi Oliy Majlisi palatalarining Axborotnomasi, 2021-yil, № 2, 214-modda) oʻz kuchini yoʻqotgan deb topilsin.
4. Ushbu Qoʻshma qaror qabul qilingan kundan eʼtiboran kuchga kiradi.
Oʻzbekiston Respublikasi Oliy Majlisi Qonunchilik palatasining Spikeri N. ISMOILOV
Oʻzbekiston Respublikasi Oliy Majlisi Senatining Raisi T. NARBAYEVA
Toshkent sh.,
2024-yil 27-dekabr,
№ 242-V/KQ-26-V
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 27-dekabrdagi 242-V/KQ-26-V-sonli Qoʻshma qaroriga ILOVA
Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasi
TARKIBI