Avtotransportda yoʻlovchi tashish xizmatlari sifatini baholash metodikasini tasdiqlash toʻgʻrisida (855-son)

19.12.2024

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining ““Oʻzbekiston — 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida” 2024-yil 21-fevraldagi PF-37-son Farmoni ijrosini taʼminlash hamda transport sohasidagi ustuvor vazifalarni bajarish, aholiga transport xizmatlari koʻrsatish darajasini oshirish maqsadida Oʻzbekiston Respublikasi Vazirlar Mahkamasi qaror qiladi:

1. Quyidagilarni nazarda tutuvchi Avtotransportda yoʻlovchi tashish xizmatlari sifatini baholash metodikasi ilovaga muvofiq tasdiqlansin:

hududlarning jamoat transporti bilan taʼminlanganlik darajasi koʻrsatkichlarini belgilash;

hududlarning jamoat transporti bilan taʼminlanganlik darajasi koʻrsatkichlarini baholash orqali ularning jamoat transporti bilan taʼminlanganlik darajasini aniqlash;

avtotransportda yoʻlovchi tashish xizmatlari sifatini baholash;

avtotransportda yoʻlovchi tashish xizmatlari sifati boʻyicha hududlarning reytinglarini belgilash.

2. Belgilansinki:

ikki yilda bir marta 1-fevralga qadar Transport vazirligi tomonidan avtotransportda yoʻlovchi tashish xizmatlari sifatini baholash dasturi tasdiqlanadi;

avtotransportda yoʻlovchi tashish xizmatlari sifati boʻyicha hududlarning reytinglari mahalliy ijro etuvchi hokimiyat organlari rahbarlari faoliyatining eng muhim samaradorlik koʻrsatkichlari (KPI)ni aniqlashda hisobga olinadi.

3. Transport vazirligi:

2025-yil 1-noyabrga qadar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda shaharlarning avtotransportda yoʻlovchi tashish xizmatlari sifatini baholasin;

2025-yil 10-noyabrga qadar baholash natijalariga koʻra aholiga transport xizmatlarini koʻrsatish boʻyicha respublika shaharlarining reytinglarini eʼlon qilsin;

2025-yil 15-noyabrga qadar respublika shaharlarining reytinglari haqidagi maʼlumotni Vazirlar Mahkamasiga kiritsin.

4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2025-yil 10-dekabrga qadar reyting natijalarini hisobga olgan holda, aholiga transport xizmatlarini koʻrsatish reytingini yaxshilash boʻyicha chora-tadbirlarni ishlab chiqsin hamda Vazirlar Mahkamasiga kiritsin.

5. Transport vazirligi ushbu qaror ijrosi uchun zarur boʻlgan mablagʻlar Transport vazirligi huzuridagi Transport va logistikani rivojlantirish jamgʻarmasi mablagʻlari hisobidan ajratilishini taʼminlasin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda transport vaziri I.R. Maxkamov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 19-dekabr,

855-son

Vazirlar Mahkamasining 2024-yil 19-dekabrdagi 855-son qaroriga ILOVA

Avtotransportda yoʻlovchi tashish xizmatlari sifatini baholash

METODIKASI

1-bob. Umumiy qoidalar

1. Ushbu Metodika aholiga avtotransportda yoʻlovchi tashish xizmatlari koʻrsatish sifatini baholash (keyingi oʻrinlarda — baholash) hamda bu orqali hududlarning jamoat transporti bilan taʼminlanganlik darajasini aniqlash tartibini, shuningdek, jamoat transporti va uning infratuzilma obyektlariga qoʻyiladigan minimal ijtimoiy standartlarni belgilaydi.

2. Mazkur Metodika aholiga jamoat transporti xizmatlarini koʻrsatuvchi avtotransport vositalariga (yoʻnalishsiz taksilar bundan mustasno) nisbatan tatbiq etiladi.

3. Ushbu Metodikada quyidagi asosiy tushunchalar qoʻllaniladi:

avtotransportda yoʻlovchi tashish xizmatlari reytingi — avtotransportda yoʻlovchi tashish xizmatlarining ommabopligi, ishonchliligi va qulayligini tavsiflovchi tegishli koʻrsatkichlarni baholashga asoslangan muayyan hudud aholisining jamoat transporti bilan taʼminlanganlik darajasi;

avtotransportda yoʻlovchi tashish xizmatlarining ommabopligi — aholi uchun avtotransportda yoʻlovchi tashish xizmatlaridan foydalana olish imkoniyatining mavjudligi;

avtotransportda yoʻlovchi tashish xizmatlarining qulayliligi — aholi tomonidan avtotransportda yoʻlovchi tashish xizmatlaridan foydalanishda oʻzini qulay his qiladigan va moddiy ehtiyojlarini qondirish uchun ushbu xizmatlardan qulay, xavfsiz va oqilona foydalanish;

avtotransportda yoʻlovchi tashish xizmatlarining ishonchliligi — aholi uchun avtotransportda yoʻlovchi tashish xizmatlarining muntazam faoliyat koʻrsatishining taʼminlanganligi.

4. Baholash Oʻzbekiston Respublikasi Transport vazirligi tomonidan tasdiqlanadigan respublika aholisiga koʻrsatilayotgan avtotransportda yoʻlovchi tashish xizmatlari sifatini baholash dasturiga muvofiq har ikki yilda bir marotaba amalga oshiriladi.

5. Baholash qonuniylik, xolislik, oshkoralik va ishonchlilik tamoyillariga asoslanadi.

6. Baholash quyidagi manbalar orqali olingan maʼlumotlar asosida hududlarda oʻtkazilgan tadqiqot natijalariga muvofiq amalga oshiriladi:

Oʻzbekiston Respublikasi Prezidenti huzuridagi Statistika agentligining hisobotlari;

Oʻzbekiston Respublikasi Transport vazirligi huzuridagi Avtomobil yoʻllari qoʻmitasining maʼlumotlari;

Oʻzbekiston Respublikasi Ichki ishlar vazirligining maʼlumotlari;

mahalliy ijro etuvchi hokimiyat organlarining maʼlumotlari;

hududiy transport boshqarmalarining maʼlumotlari;

respublika va mahalliy ijro etuvchi hokimiyat organlari va boshqa davlat tashkilotlarining rasmiy veb-saytlari.

2-bob. Hududlarning jamoat transporti bilan taʼminlanganlik darajasini aniqlash tartibi

7. Hududlarning jamoat transporti bilan taʼminlanganlik darajasi quyidagi koʻrsatkichlarni baholash orqali aniqlanadi:

1-§. Avtotransportda yoʻlovchi tashish xizmatlarining ommabopligi

8. “Avtobus bekatlarining hududiy ommabopligi” koʻrsatkichi koeffitsiyenti (kbekat) 1-jadvalda koʻrsatilgan obyektlar boʻyicha belgilangan normativni inobatga olgan holda quyidagi formula bilan aniqlanadi:

bunda:

Qk.q.u — avtobus bekatlaridan 1-jadvalda koʻrsatilgan normativ doirasida (radiusda) joylashgan koʻp qavatli uylar soni;

Qy.u — avtobus bekatlaridan 1-jadvalda koʻrsatilgan normativ doirasida (radiusda) joylashgan yakka tartibdagi uy-joylar soni;

Qs.k — avtobus bekatlaridan 1-jadvalda koʻrsatilgan normativ doirasida (radiusda) joylashgan savdo muassasasining maydoni 1000 m2 va undan ortiq boʻlgan savdo korxonalari soni;

Qi.o — avtobus bekatlaridan 1-jadvalda koʻrsatilgan normativ doirasida (radiusda) joylashgan aholiga tibbiy xizmat koʻrsatuvchi tibbiyot muassasalari (poliklinika va davlat shifoxonalari) va taʼlim muassasalari soni;

Qt.t — avtobus bekatlaridan 1-jadvalda koʻrsatilgan normativ doirasida (radiusda) mavjud shaharlararo, viloyatlararo va xalqaro yoʻnalishlarga qatnovchi avtotransport vositalari avtoshohbekatlari soni;

Q — 1-jadvalda koʻrsatilgan obyektlarning umumiy soni.

*) Qoraqalpogʻiston Respublikasi, Navoiy, Buxoro, Qashqadaryo, Surxondaryo Xorazm viloyatlari uchun qoʻllaniladi.

9. “Avtobus bekatlarining hududiy ommabopligi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

10. “Aholining ayrim ijtimoiy ehtiyojmand toifalari (nogironligi boʻlgan shaxslar, keksalar va homilador ayollar) uchun jamoat transporti infratuzilmasi obyektlarining (avtobus bekatlari, avtovokzallar va avtostansiyalar) ommabopligi” koʻrsatkichi koeffitsiyenti (kijt) quyidagicha aniqlanadi:

bunda:

Qijt — aholining ayrim ijtimoiy ehtiyojmand toifalari (nogironligi boʻlgan shaxslar, keksalar va homilador ayollar) uchun qonunchilikda belgilangan talablarga javob beradigan toʻxtash maydonchalari, panduslar va tutqichlar, avtotransport vositasining kirish eshiklari oldidagi maydonchalarda taktil qoplamalar, elektron axborot tablolari mavjud boʻlgan avtobus bekatlari, avtovokzallar hamda avtostansiyalar soni;

Qbekat — avtobus bekatlari, avtovokzallar va avtostansiyalarning umumiy soni.

11. “Aholining ayrim ijtimoiy ehtiyojmand toifalari (nogironligi boʻlgan shaxslar, keksalar va homilador ayollar) uchun jamoat transporti infratuzilmasi obyektlarining (avtobus bekatlari, avtovokzallar va avtostansiyalar) ommabopligi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

12. “Nogironligi boʻlgan shaxslar uchun jamoat transportidan foydalana olishning ommabopligi” koʻrsatkichi koeffitsiyenti (kn.sh) quyidagicha aniqlanadi:

bunda:

Qn.sh — avtotransport vositasida nogironligi boʻlgan shaxslar uchun pandus, maxsus joylar, eshitish qobiliyati zaif boʻlganlar uchun axborot tablolari hamda bekatlarning ovozli eʼlon qilish vositalari bilan jihozlangan avtotransport vositalarining soni;

Qt.v — avtotransportda yoʻlovchi tashish uchun moʻljallangan avtotransport vositalarining umumiy soni.

13. “Nogironligi boʻlgan shaxslar uchun jamoat transportidan foydalana olishning ommabopligi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

14. “Jamoat transportidan foydalanishda yoʻlkira narxining ommabopligi” koʻrsatkichi koeffitsiyentini aniqlash uchun dastlab 2-jadvalda koʻrsatilgan normativni inobatga olgan holda, jamoat transportidan foydalanishda yoʻlkira narxini oʻrtacha bir oylik yurishlar soniga koʻpaytirish yoʻli bilan ushbu hududdagi jamoat transporti uchun sarflanadigan bir kishi uchun oʻrtacha bir oylik xarajatlar miqdori (R) aniqlab olinadi:

Izoh. Aholi soni 500 000 va undan ortiq hududlarda jamoat transportida yurish imkonini beradigan va belgilangan vaqt davomida cheklanmagan miqdorda yurish huquqini taqdim etadigan oylik yoʻl chiptasi narxi bir kishi uchun oʻrtacha oylik xarajatlar miqdoriga (R) teng deb olinadi.

15. Jamoat transporti uchun sarflanadigan bir kishi uchun oʻrtacha bir oylik xarajatlar miqdori (R) aniqlanganidan soʻng “Jamoat transportidan foydalanishda yoʻlkira narxining ommabopligi” koʻrsatkichi koeffitsiyenti (knarx) quyidagi formula orqali aniqlanadi:

bunda:

P — hududdagi jamoat transporti uchun sarflanadigan bir kishi uchun oʻrtacha bir oylik xarajatlar miqdori;

So.d — hududdagi aholi jon boshiga toʻgʻri keladigan oʻrtacha bir oylik daromad.

16. “Jamoat transportidan foydalanishda yoʻlkira narxining ommabopligi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

17. “Jamoat transporti infratuzilmasi obyektlarining (avtobus bekatlari) jihozlanganligi” koʻrsatkichi koeffitsiyenti (ko.j) quyidagicha aniqlanadi:

bunda:

Qo.j — oʻrindiqlar, chiqindilar uchun qutilar, avtobus toʻxtash joyi belgisi bilan jihozlangan avtobus bekatlari soni;

Qbekat — avtobus bekatlarining umumiy soni.

18. “Jamoat transporti infratuzilmasi obyektlarining (avtobus bekatlari) jihozlanganligi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

2-§. Avtotransportda yoʻlovchi tashish xizmatlarining qulayliligi

19. “Avtotransport vositasining yoʻlovchilarga xabar berish vositalari (yoʻnalish sxemasi, elektron tablo, mikrofon) bilan jihozlanganligi” koʻrsatkichi koeffitsiyenti (ko.h ) quyidagicha aniqlanadi:

bunda:

Qo.h — yoʻlovchilarga xabar berish vositalari (yoʻnalish sxemasi, elektron tablo, mikrofon) bilan jihozlangan avtotransport vositalarining soni;

Qt.v — yoʻlovchi tashish uchun moʻljallangan avtotransport vositalarining umumiy soni.

20. “Avtotransport vositasining yoʻlovchilarga xabar berish vositalari (yoʻnalish sxemasi, elektron tablo, mikrofon) bilan jihozlanganligi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

21. “Yoʻlovchi tashish yoʻnalishlarida havo haroratini meʼyorida ushlab turish xususiyatiga ega avtotransport vositalari ulushi” koʻrsatkichi (Unorm) quyidagi formula orqali aniqlanadi:

Unorm = (Us · U≥30°C + Ui · U≤5°C + Un) · 100

bunda:

Us — sovitish tizimi bilan jihozlangan avtotransport vositalarining yoʻlovchi tashish yoʻnalishlarini jami avtotransport vositalari soniga nisbati;

Ui — isitish tizimi bilan jihozlangan avtotransport vositalarining yoʻlovchi tashish yoʻnalishlarini jami avtotransport vositalari soniga nisbati;

U≥30°C — bir yil davomidagi oʻrtacha havo harorati 30°C va undan yuqori boʻlgan kunlarning ulushi;

U≤5°C — bir yil davomidagi oʻrtacha havo harorati 5°C va undan past boʻlgan kunlarning ulushi;

Un — bir yil davomidagi oʻrtacha havo harorati 5°C dan yuqori va 30°C past boʻlgan kunlarning ulushi.

22. “Yoʻlovchi tashish yoʻnalishlarida havo haroratini meʼyorida ushlab turish xususiyatiga ega avtotransport vositalari ulushi” koʻrsatkichi qiymati aniqlanganidan soʻng aniqlangan qiymat quyidagicha baholanadi:

23. “Jamoat transportidan foydalanishda yoʻlkira haqini naqd pulsiz shaklda toʻlash tizimi bilan jihozlanganligi” koʻrsatkichi koeffitsiyenti (knaqdsiz) quyidagicha aniqlanadi:

bunda:

Qnaqdsiz — yoʻlkira haqini naqd pulsiz shaklda toʻlash tizimi bilan jihozlangan yoʻlovchi tashuvchi avtotransport vositalari soni;

Qt.v — yoʻlovchi tashish uchun moʻljallangan avtotransport vositalarining umumiy soni.

24. “Jamoat transportidan foydalanishda yoʻlkira haqini naqd pulsiz shaklda toʻlash tizimi bilan jihozlanganligi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

25. “Yoʻlovchilarni tashishda avtotransport vositasining sigʻim meʼyorlariga amal qilinishi” koʻrsatkichi koeffitsiyentini aniqlash uchun yoʻlovchilarni tashishda avtotransport vositasining sigʻim meʼyorlariga amal qilgan holda, avtotransport vositalari tomonidan bajarilgan qatnovlar soni aniqlanadi.

26. Yoʻlovchilarni tashishda avtotransport vositasining sigʻim meʼyorlariga amal qilgan holda, avtotransport vositalari tomonidan bajarilgan qatnovlar soni (Qsigʻ) quyidagi formula orqali aniqlanadi:

bunda:

Qy — har bir yoʻnalishdagi tashilgan yoʻlovchilar soni (kunlik, haftalik yoki oylik);

Qn — bir yoʻnalishdagi avtotransportda yoʻlovchilarni tashish uchun moʻljallangan avtotransport vositalarining belgilangan umumiy sigʻimi (kunlik, haftalik yoki oylik).

27. Mazkur Metodikaning 26-bandiga muvofiq aniqlangan qiymatlar quyidagi formulaga asosan saralab olinadi:

0,5≤ Qsigʻ≤1

28. Yoʻlovchilarni tashishda avtotransport vositasining sigʻim meʼyorlariga amal qilgan holda, avtotransport vositalari tomonidan bajarilgan qatnovlar soni aniqlanganidan soʻng quyidagi formula orqali “Yoʻlovchilarni tashishda avtotransport vositasining sigʻim meʼyorlariga amal qilinishi” koʻrsatkichi koeffitsiyenti (ksigʻ) aniqlanadi:

bunda:

Qsig' — yoʻlovchilarni tashishda avtotransport vositasining sigʻim meʼyorlariga amal qilgan holda, avtotransport vositalari tomonidan bajarilgan qatnovlar soni (kunlik, haftalik yoki oylik);

Qqat — avtotransport vositalari tomonidan bajarilgan qatnovlarning umumiy soni (kunlik, haftalik yoki oylik).

29. “Yoʻlovchilarni tashishda avtotransport vositasining sigʻim meʼyorlariga amal qilinishi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

30. “YEVRO-5 va undan yuqori ekologik sinfga mansub avtotransport vositalarining ulushi” koʻrsatkichi (Ueko) quyidagicha aniqlanadi:

bunda:

Ueko — yoʻlovchilarni tashish uchun moʻljallangan YEVRO-5 va undan yuqori ekologik sinflarga mansub avtotransport vositalarining soni;

Ut.v— yoʻlovchilarni tashish uchun moʻljallangan avtotransport vositalarining umumiy soni.

31. YEVRO-5 va undan yuqori ekologik sinfga mansub avtotransport vositalarining ulushi” koʻrsatkichi qiymati aniqlanganidan soʻng, aniqlangan qiymat quyidagicha baholanadi:

32. “Belgilangan foydalanish muddatidan ortiq foydalanilayotgan avtotransport vositalarining ulushi” koʻrsatkichi (Um) quyidagicha aniqlanadi:

bunda:

Qm — ishlab chiqarilganiga 10 yil va undan ortiq boʻlgan avtotransport vositalarining soni;

Qt.v — yoʻlovchi tashish xizmatlarini koʻrsatayotgan avtotransport vositalarining umumiy soni.

33. “Belgilangan foydalanish muddatidan ortiq foydalanilayotgan avtotransport vositalarining ulushi” koʻrsatkichi qiymati aniqlanganidan soʻng, aniqlangan qiymat quyidagicha baholanadi:

34. “Elektron tizimda (ilova, dasturiy taʼminot yoki boshqa elektron tizim) aks ettiriladigan qatnovlar ulushi” koʻrsatkichi (Ue.t) quyidagicha aniqlanadi:

bunda:

Qe.t — real vaqt rejimida (onlayn) ishlaydigan tegishli tizimda (ilova, dasturiy taʼminot yoki boshqalar) aks ettiriladigan avtotransport vositalari qatnovlarining soni (kunlik, haftalik yoki oylik);

Qqat — avtotransport vositalari tomonidan bajarilgan qatnovlarning umumiy soni (kunlik, haftalik yoki oylik).

35. “Elektron tizimda (ilova, dasturiy taʼminot yoki boshqa elektron tizim) aks ettiriladigan qatnovlar ulushi” koʻrsatkichi qiymati aniqlanganidan soʻng aniqlangan qiymat quyidagicha baholanadi:

3-§. Avtotransportda yoʻlovchi tashish xizmatlarining ishonchliligi

36. “Jamoat transportining harakat jadvaliga amal qilishi” koʻrsatkichi koeffitsiyenti (kh.j) quyidagicha aniqlanadi:

bunda:

Qh.j — jamoat transportining harakat jadvaliga amal qilgan holda bajarilgan qatnovlar soni (kunlik, haftalik yoki oylik);

Qqat — avtotransport vositalari tomonidan bajarilgan qatnovlarning umumiy soni (kunlik, haftalik yoki oylik).

37. Jamoat transportining harakat jadvaliga amal qilinganligi qonunchilik hujjatlariga muvofiq aniqlanadi.

38. “Jamoat transportining harakat jadvaliga amal qilishi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

39. “Oʻlim bilan tugagan yoʻl-transport hodisalari soni” koʻrsatkichi koeffitsiyenti (kt.h) quyidagicha aniqlanadi:

bunda:

Qt.h — hududdagi oʻlim bilan tugagan yoʻl-transport hodisalari soni;

Qa.s— hududda yashovchi aholining umumiy soni.

40. “Oʻlim bilan tugagan yoʻl-transport hodisalari soni” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

41. “Hududning jamoat transporti bilan taʼminlanganligi” koʻrsatkichi koeffitsiyenti (kj.t) quyidagicha aniqlanadi:

bunda:

Lj.t — jamoat transportlari yoʻnalishlari mavjud yoʻllar uzunligi, km;

Ly — hudud boʻyicha barcha avtotransport vositalari harakatlanadigan yoʻllarning jami uzunligi, km.

42. “Hududning jamoat transporti bilan taʼminlanganligi” koʻrsatkichi koeffitsiyenti aniqlanganidan soʻng aniqlangan koeffitsiyent quyidagicha baholanadi:

3-bob. Avtotransportda yoʻlovchi tashish xizmatlari sifatini baholash

43. Hududlarda oʻtkazilgan tadqiqotlar natijasida mazkur Metodikaning 8 — 42-bandlariga muvofiq aniqlangan ballarning umumiy yigʻindisi hisoblanadi.

44. Hisoblangan ballarning umumiy yigʻindisi asosida jamoat transporti va uning infratuzilma obyektlariga qoʻyilgan quyidagi ijtimoiy standart orqali hududning avtotransportda yoʻlovchi tashish xizmatlari reytingi belgilanadi:

45. Hududlarning avtotransportda yoʻlovchi tashish xizmatlari reytinglari Oʻzbekiston Respublikasi Transport vazirligining rasmiy veb-saytida eʼlon qilib boriladi.

4-bob. Yakunlovchi qoida

46. Ushbu Metodikada qoʻllaniladigan maʼlumotlarning ishonchliligi uchun masʼuliyat ushbu maʼlumotlarni taqdim etuvchi tashkilotlarga yuklanadi.