Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari toʻgʻrisida (PQ-421-son)

04.12.2024

Oʻzbekiston Respublikasi Prezidentining

qarori

Oʻzbekiston Respublikasi Prezidentining 2024-yil 21-fevraldagi “Oʻzbekiston — 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida”gi PF-37-son Farmoni ijrosini taʼminlash, shuningdek, jamoaviy sport turlariga yoshlarni keng jalb qilish va iqtidorli sportchilarni saralab olish (seleksiya) hamda yuqori mahoratli sportchilarni tayyorlash tizimini takomillashtirish maqsadida:

1. Quyidagilar jamoaviy sport turlarini (voleybol, basketbol, gandbol, regbi, chim ustida xokkey, suv polosi) rivojlantirishning asosiy yoʻnalishlari etib belgilansin:

yoshlarning jamoaviy sport turlariga qiziqishini oshirish, ularning jamoaviy sport turi bilan shugʻullanishi uchun zarur shart-sharoitlarni yaratish, shuningdek, sport musobaqalarini tizimli oʻtkazib borishni yoʻlga qoʻyish;

terma jamoalar va professional sport klublari uchun sport zaxirasini yaratish, iqtidorli yosh sportchilarni aniqlash, tanlash va saralab olish (seleksiya)ning raqamlashtirilgan tizimini joriy qilish;

trenerlar, hakamlar va mutaxassislarni tayyorlash, ularning malakasini oshirish va qayta tayyorlash tizimini yanada takomillashtirish;

jamoaviy sport turlarini rivojlantirish maqsadida chet ellik mutaxassislarni jalb etish va xalqaro hamkorlikni kengaytirish;

jamoaviy sport turlari boʻyicha zamonaviy sport obyektlarini barpo etish, mavjudlarining moddiy-texnika bazasini mustahkamlash, ularni zamonaviy sport anjomlari va jihozlari bilan taʼminlash.

2. Jamoaviy sport turlari bilan muntazam shugʻullanishni tashkil qilish hamda ushbu sport turlarini yanada rivojlantirish boʻyicha “yoʻl xaritasi” (keyingi oʻrinlarda — “yoʻl xaritasi”) ilovaga muvofiq tasdiqlansin.

3. Oʻzbekiston Respublikasi Prezidentining 2024-yil 15-noyabrdagi “Umumiy oʻrta taʼlim maktablarida jismoniy tarbiya fani oʻqitilishini tubdan takomillashtirish hamda ushbu fan oʻqituvchilarining kasbiy faoliyatini rivojlantirish chora-tadbirlari toʻgʻrisida”gi PQ-392-son qarori bilan 2025/2026 oʻquv yilidan boshlab har bir maktabda bosqichma-bosqich maktab sport klublari faoliyati yoʻlga qoʻyilishi belgilanganligi maʼlumot uchun qabul qilinsin.

4. Belgilansinki, 2025/2026 oʻquv yilidan boshlab:

barcha davlat universitetlarida voleybol, basketbol, gandbol, regbi, chim ustida xokkey, suv polosi jamoaviy sport turlari boʻyicha, boshqa davlat oliy taʼlim muassasalarida kamida uchta jamoaviy sport turlari boʻyicha sport klublari tashkil etiladi. Bunda oliy taʼlim muassasalarining sport klublari faoliyati uchun tegishli oliy taʼlim muassasasi rektori (direktori) shaxsan masʼul hisoblanadi;

sport klubi raisi etib oliy taʼlim muassasasi rektori (direktori) tayinlanadi, sport klubi menejeri lavozimi esa oliy taʼlim muassasasi kafedra mudiri lavozimiga tenglashtiriladi;

oliy taʼlim muassasalariga oʻz sport klublarini tegishli sport bazalariga begʻaraz asosda joylashtirish huquqi beriladi;

oliy taʼlim muassasalarining sport klublarini saqlash, ularni sport jihozlari va ekipirovkalari bilan taʼminlash oliy taʼlim muassasalarining toʻlov-kontrakt asosida oʻqitishdan tushadigan mablagʻlari va budjetdan tashqari boshqa mablagʻlari hisobidan amalga oshiriladi;

oliy taʼlim muassasalarining har yilgi budjetdan tashqari daromadlar va xarajatlar smetasida sport klublarini saqlash boʻyicha xarajatlar koʻzda tutiladi.

Bunda oliy taʼlim muassasalarining sport klublari faoliyatini muvofiqlashtirish, ularga tashkiliy va uslubiy koʻmaklashish Oʻzbekiston talabalar sporti assotsiatsiyasi tomonidan amalga oshiriladi.

5. 2025/2026 oʻquv yilidan boshlab jamoaviy sport turlari boʻyicha:

a) Maktabgacha va maktab taʼlimi vazirligi (X. Umarova) Sport vazirligi (A. Ikramov) bilan birgalikda umumiy oʻrta taʼlim maktablari maktab sport klublari oʻrtasida “Maktab ligasi”;

b) Oliy taʼlim, fan va innovatsiyalar vazirligi (K. Sharipov) Sport vazirligi (A. Ikramov) hamda Oʻzbekiston talabalar sporti assotsiatsiyasi bilan birgalikda:

oliy taʼlim muassasalari sport klublari oʻrtasida “Talabalar ligasi” va “Oliy taʼlim kubogi”;

oliy taʼlim muassasalari miqyosida “Rektor kubogi” sport musobaqalarini oʻtkazib borishni yoʻlga qoʻysin.

6. Vazirlik va idoralar, xoʻjalik birlashmalari, davlat ishtirokidagi tijorat banklari va korxonalar (keyingi oʻrinlarda — idoraviy tashkilotlar) mehnat jamoasining sogʻlom turmush tarzini qoʻllab-quvvatlash va jismoniy faollik darajasini oshirish maqsadida ularda kamida uchta jamoaviy sport turlari boʻyicha sport klublari tashkil qilinadi. Bunda:

ish vaqtidan soʻng belgilangan kunlarda (haftada kamida bir marta) idoraviy tashkilotlar rahbarlari mehnat jamoasining jamoaviy sport turlari bilan shugʻullanishini tashkil qilish choralarini koʻradi;

jamoaviy sport turlari boʻyicha idoraviy tashkilotlar kesimida “Rahbar kubogi”, mahalliy hokimliklar kesimida “Hokim kubogi” musobaqalari oʻtkazib boriladi;

sport musobaqalari gʻolib va sovrindorlari sport musobaqalari tashkilotchilarining budjetdan tashqari mablagʻlari hisobidan moliyaviy ragʻbatlantirib boriladi.

7. Biznes hamjamiyati, Savdo-sanoat palatasi va jamoaviy sport turlari boʻyicha sport federatsiyalari (uyushmalari)ning:

tadbirkorlik subyektlari xodimlarini jamoaviy sport turlari bilan muntazam shugʻullanib borishga jalb qilish;

tadbirkorlik subyektlarida jamoaviy sport turlari boʻyicha sport klublarini tashkil qilish;

tadbirkorlik subyektlari sport klublari oʻrtasida “Korporativ sport oʻyinlari” sport musobaqasini oʻtkazib borish toʻgʻrisidagi tashabbuslari maʼqullansin.

Bunda Savdo-sanoat palatasi (D. Vaxabov) va Sport vazirligi (A. Ikramov) xoʻjalik birlashmalari bilan birgalikda asosiy faoliyati tadbirkorlik subyektlarini sportga jalb qilish va ular oʻrtasida sport musobaqalarini oʻtkazib borish boʻlgan Oʻzbekiston korporativ sport assotsiatsiyasini tashkil qilish choralarini koʻradi.

8. Savdo-sanoat palatasi (D. Vaxabov) Iqtisodiyot va moliya vazirligi (I. Norqulov), Sport vazirligi (A. Ikramov) va Soliq qoʻmitasi (Sh. Kudbiyev) bilan birgalikda 2025-yil 1-iyulga qadar xodimlarining jamoaviy sport turlari bilan shugʻullanishi uchun zarur shart-sharoitlarni yaratgan tadbirkorlik subyektlari faoliyatini qoʻllab-quvvatlash hamda jamoaviy sport turlariga homiylik mablagʻlarini yoʻnaltirganlik uchun soliq imtiyozlarini taqdim qilish boʻyicha Vazirlar Mahkamasiga taklif kiritsin.

9. Oʻzbekiston mahallalari uyushmasi (Q. Kuranbayev) Sport vazirligi (A. Ikramov), Maktabgacha va maktab taʼlimi vazirligi (X. Umarova), Oila va xotin-qizlar qoʻmitasi (Z. Mahkamova), Yoshlar ishlari agentligi (A. Saʼdullayev) va “Nuroniy” jamgʻarmasi (S. Turdiyev) bilan birgalikda:

“mahalla yettiligi” imkoniyatlaridan foydalangan holda har bir mahalla aholisini mahalla hududidagi mavjud sport infratuzilmasi va umumiy oʻrta taʼlim maktablari sport inshootlarida jamoaviy sport turlari bilan shugʻullanishga jalb qilib borishni yoʻlga qoʻysin;

mahallalar oʻrtasida “Mahalla ligasi” musobaqalarini oʻtkazib borsin.

10. Sport vazirligi, Oʻzbekiston Milliy olimpiya qoʻmitasi, jamoaviy sport turlari boʻyicha sport federatsiyalari (uyushmalari) hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzurida jamoaviy sport turlari boʻyicha hududiy sport klublari (keyingi oʻrinlarda — hududiy sport klublari) faoliyatini yoʻlga qoʻyish toʻgʻrisidagi taklifiga rozilik berilsin.

11. Qoraqalpogʻiston Respublikasi Vazirlar Kengashining Raisi, viloyatlar va Toshkent shahri hokimlari:

bosqichma-bosqich hududiy sport klublarini rivojlantirish va moliyalashtirish, shuningdek, hududiy sport klublariga homiy tashkilotlarni biriktirish yuzasidan zarur chora-tadbirlarni amalga oshirib borsin;

jamoaviy sport turlari boʻyicha sport federatsiyalari (uyushmalari)ning hududiy boʻlinmalari moliyaviy va moddiy-texnik bazasini mustahkamlashga koʻmaklashsin;

tegishli hududlarning rahbar kadrlari orasidan nomzodlarni jamoaviy sport turlari boʻyicha sport federatsiyalari (uyushmalari)ning hududiy boʻlinmalari rahbarlari lavozimiga tavsiya etib borsin;

hududiy sport klublari natijalari va ularni rivojlantirish borasidagi muammolarni muhokama qilib borsin.

Bunda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklariga hududiy sport klublarini saqlash xarajatlarini amalga oshirishda moliyaviy mustaqillik beriladi.

12. Belgilab qoʻyilsinki:

idoraviy mansubligi va mulkchilik shaklidan qatʼi nazar, sport klublari yuridik shaxs maqomi bilan yoki yuridik shaxs maqomisiz tashkil qilinadi;

jamoaviy sport turlari boʻyicha sport federatsiyalari (uyushmalari) tomonidan sport ligalarini oʻtkazib borish yoʻlga qoʻyiladi;

sport ligalarida mulkchilik va tashkiliy-huquqiy shakllaridan qatʼi nazar, har qanday sport klublari, shu jumladan, hududiy sport klublari ishtirok etadi;

sport ligalarini oʻtkazib borish tartibi jamoaviy sport turlari boʻyicha sport federatsiyalari (uyushmalari) tomonidan Sport vazirligi va Oʻzbekiston Milliy olimpiya qoʻmitasi bilan kelishilgan holda tasdiqlanadi;

sport ligalarini oʻtkazib borish bilan bogʻliq xarajatlar Sport va ommaviy jismoniy tarbiya tadbirlarining respublika kalendar rejasi doirasida moliyalashtiriladi;

hududiy sport klublarining sport ligalaridagi natijalaridan kelib chiqib, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari reytingini shakllantirish va yuritish yoʻlga qoʻyiladi.

13. Jamoaviy sport turlari boʻyicha yuqori mahoratli sportchilar va malakali trenerlarni tayyorlash hamda sport tayyorgarligi jarayoniga xalqaro standartlarni joriy qilish maqsadida:

jamoaviy sport turlari boʻyicha milliy terma jamoalar aʼzolarini muntazam mahalliy va xorijiy oʻquv-yigʻin mashgʻulotlariga yuborish yoʻlga qoʻyiladi;

jamoaviy sport turlari boʻyicha tahsil olayotgan “Sport faoliyati” bakalavriat yoʻnalishlari talabalarini doimiy mahalliy va xorijiy oʻquv-yigʻin mashgʻulotlariga jalb qilish hamda xorijlik mutaxassislarga biriktirish tartibi joriy etiladi.

Sport vazirligi (A. Ikramov) Oʻzbekiston Milliy olimpiya qoʻmitasi (O. Umarov) bilan birgalikda jamoaviy sport turlari boʻyicha milliy terma jamoalar aʼzolarini muntazam mahalliy va xorijiy oʻquv-yigʻin mashgʻulotlariga yuborish grafigini tasdiqlasin.

14. Belgilansinki, ilgʻor texnologiyalarni joriy qilish orqali iqtidorli yoshlarni saralab olish (seleksiya)ning shaffof tizimini joriy etish maqsadida 2025 — 2027-yillarda “ERP-sport” yagona elektron boshqaruv tizimida iqtidorli yoshlarni aniqlash, tanlash va saralab olish (seleksiya) boʻyicha texnik imkoniyatlar yaratiladi. Bunda:

har bir jamoaviy sport turi boʻyicha alohida mezonlar ishlab chiqiladi;

sportchilarning joriy jismoniy holati toʻgʻrisidagi maʼlumotlarni “ERP-sport” yagona elektron boshqaruv tizimiga yuklab borish mexanizmi yoʻlga qoʻyiladi;

sunʼiy intellektdan foydalangan holda toʻplangan maʼlumotlarni tahlil qilish hamda sportchilarning jismoniy holati va imkoniyatlarini baholash tizimi joriy etiladi;

jamoaviy sport turlari boʻyicha iqtidorli sportchi yoshlarni aniqlash, tanlash va saralab olish (seleksiya) jarayoni toʻliq raqamlashtiriladi;

iqtidorli sportchi yoshlarni aniqlash, tanlash va saralab olish boʻyicha (seleksiya) texnik imkoniyatlar yaratish bilan bogʻliq xarajatlar Sportni qoʻllab-quvvatlash jamgʻarmasi mablagʻlari hisobidan moliyalashtiriladi.

15. Sport vazirligi, Oʻzbekiston Milliy olimpiya qoʻmitasi va sport federatsiyalari (uyushmalari)ning Oʻzbekiston Milliy olimpiya qoʻmitasi va olimpiya sport turlari boʻyicha sport federatsiyalari (uyushmalari) oʻrtasida oʻzaro majburiyatlar kelishuvini tuzish tizimini yoʻlga qoʻyish toʻgʻrisidagi taklifiga rozilik berilsin.

Belgilansinki:

oʻzaro majburiyatlar kelishuvi Olimpiya oʻyinlari oʻtkaziladigan muddatga qadar tuziladi;

oʻzaro majburiyatlar kelishuvida sport federatsiyasi (uyushmasi)ning nufuzli xalqaro sport musobaqalarida yuqori natijalarga erishish boʻyicha vazifalari va majburiyatlari koʻzda tutiladi;

sport federatsiyasi (uyushmasi)ning nufuzli xalqaro sport musobaqalaridagi natijalaridan kelib chiqib, ularning faoliyatini moliyalashtirish miqdorlari belgilab boriladi.

Sport vazirligi (A. Ikramov) 2026-yil 1-iyulga qadar Oʻzbekiston Milliy olimpiya qoʻmitasi va sport federatsiyalari (uyushmalari) oʻrtasida oʻzaro majburiyatlar kelishuvini tuzish tartibini tasdiqlash boʻyicha Hukumat qarori loyihasini Vazirlar Mahkamasiga kiritsin.

16. Belgilab qoʻyilsinki, Sport vazirligi tomonidan ushbu qaror va “yoʻl xaritasi”da koʻzda tutilgan chora-tadbirlarning oʻz vaqtida va sifatli amalga oshirilishi boʻyicha har yarim yilda bir marotaba Vazirlar Mahkamasiga axborot kiritiladi va Bosh vazir huzurida muhokama qilib boriladi.

17. Sport vazirligi (A. Ikramov):

manfaatdor vazirlik va idoralar bilan birgalikda ikki oy muddatda ushbu qarorda koʻrsatilgan musobaqalarga puxta tayyorgarlik koʻrish va ularni yuqori saviyada oʻtkazish boʻyicha chora-tadbirlar rejasini tasdiqlasin;

uch oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.

18. Mazkur qarorning ijrosini samarali tashkil qilishga masʼul va shaxsiy javobgar etib sport vaziri A.I. Ikramov belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraxmanov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 4-dekabr,

PQ-421-son

Oʻzbekiston Respublikasi Prezidentining 2024-yil 4-dekabrdagi PQ-421-son qaroriga ILOVA

Jamoaviy sport turlari bilan muntazam shugʻullanishni tashkil qilish hamda ushbu sport turlarini yanada rivojlantirish boʻyicha

“YOʻL XARITASI”

T/rChora-tadbirlarAmalga oshirish mexanizmlariAmalga oshirish muddatlariMoliyalashtirish manbalariMasʼul ijrochilarI. Aholini jamoaviy sport turlari bilan shugʻullanishga jalb qilish1.Umumiy oʻrta taʼlim maktablarida sport musobaqalarini tizimli tashkil qilib borish orqali jamoaviy sport turlarini rivojlantirish va ommalashtirish.1. Umumiy oʻrta taʼlim maktablari maktab sport klublarida kamida ikkita jamoaviy sport turlarini rivojlantirish.2. Maktab sport klublari oʻrtasida jamoaviy sport turlari boʻyicha “Maktab ligasi” sport musobaqalarini oʻtkazib borish.3. “Maktab ligasi” sport musobaqalarida gʻolib va sovrindor boʻlgan umumiy oʻrta taʼlim maktablariga jamoaviy sport turlari boʻyicha zarur sport jihozlari va anjomlarini yetkazib berishni yoʻlga qoʻyish.2025/2026 oʻquv yilidan boshlabMaktabgacha va maktab taʼlimi vazirligi mablagʻlariMaktabgacha va maktab taʼlimi vazirligi(X. Umarova),Sport vazirligi(A. Ikramov)4. Jamoaviy sport turlari bilan umumiy oʻrta taʼlim maktablarining 2 million nafar oʻquvchilarini qamrab olish.2025/2026 oʻquv yili2.Oliy taʼlim muassasalarida jamoaviy sport turlari boʻyicha sport klublari faoliyatini yoʻlga qoʻyish.1. Barcha davlat universitetlarida voleybol, basketbol, gandbol, regbi, chim ustida xokkey, suv polosi jamoaviy sport turlari boʻyicha, boshqa davlat oliy taʼlim muassasalarida kamida uchta jamoaviy sport turlari boʻyicha sport klublarini tashkil etish.2025/2026 oʻquv yiliOliy taʼlim muassasalarining toʻlov-kontrakt asosida oʻqitishdan tushadigan mablagʻlari va budjetdan tashqari boshqa mablagʻlari Tizimida oliy taʼlim muassasalari mavjud boʻlgan vazirlik va idoralar,Oliy taʼlim, fan va innovatsiyalar vazirligi (K. Sharipov),Sport vazirligi(A. Ikramov)2. Oliy taʼlim muassasalarining sport klublari faoliyati uchun tegishli oliy taʼlim muassasasi rektori (direktori)ni shaxsan masʼul etib belgilash.3. Sport klubi raisi etib oliy taʼlim muassasasi rektori (direktori)ni tayinlash, sport klubi menejeri lavozimini esa oliy taʼlim muassasasi kafedra mudiri lavozimiga tenglashtirish.4. Oliy taʼlim muassasalarining sport klublarini sport jihozlari va ekipirovkalari bilan taʼminlash choralarini koʻrish.2025/2026 oʻquv yilidan boshlab3.Oliy taʼlim muassasalari sport klublari oʻrtasida sport musobaqalarini tizimli tashkil qilib borish.1. Oliy taʼlim muassasalarining jamoaviy sport turlari boʻyicha sport klublari oʻrtasida har oʻquv yili davomida “Talabalar ligasi” va “Oliy taʼlim kubogi” musobaqalarini oʻtkazib borish.2. Oliy taʼlim muassasasi miqyosida “Rektor kubogi” sport musobaqalarini oʻtkazib borish.2025/2026 oʻquv yilidan boshlab Oliy taʼlim muassasalarining toʻlov-kontrakt asosida oʻqitishdan tushadigan mablagʻlari va budjetdan tashqari boshqa mablagʻlariOliy taʼlim, fan va innovatsiyalar vazirligi (K. Sharipov),tizimida oliy taʼlim muassasalari mavjud boʻlgan vazirlik va idoralar,Sport vazirligi(A. Ikramov), Oʻzbekiston talabalar sporti assotsiatsiyasi 3. Jamoaviy sport turlari bilan oliy taʼlim muassasalarining 300 ming nafar talabalarni qamrab olish.2025/2026 oʻquv yili4.Vazirlik va idoralar, xoʻjalik birlashmalari, davlat ishtirokidagi tijorat banklari va korxonalar mehnat jamoasining sogʻlom turmush tarzini qoʻllab-quvvatlash va jismoniy faollik darajasini oshirish.1. Vazirlik va idoralar, xoʻjalik birlashmalari, davlat ishtirokidagi tijorat banklari va korxonalar rahbarlari va xodimlarini jamoaviy sport turlariga jalb qilish uchun barcha zarur sharoitlarni yaratish hamda bu orqali 1,2 million nafar aholini jamoaviy sport turlari bilan qamrab olish.2025-yil davomida Ijrochilarning budjetdan tashqari mablagʻlari,homiylik mablagʻlariVazirlik va idoralar, xoʻjalik birlashmalari, davlat ishtirokidagi tijorat banklari va korxonalarVazirlik va idoralar, xoʻjalik birlashmalari, davlat ishtirokidagi tijorat banklari va korxonalar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari2. Ish vaqtidan soʻng belgilangan kunlarda (haftada kamida bir marta) barcha vazirlik va idoralar, xoʻjalik birlashmalari, davlat ishtirokidagi tijorat banklari va korxonalar mehnat jamoasining jamoaviy sport turlari bilan shugʻullanishini tashkil qilish.3. Vazirlik va idoralar, xoʻjalik birlashmalari, davlat ishtirokidagi tijorat banklari va korxonalar rasmiy veb-saytlari va ijtimoiy tarmoqlardagi sahifalarida bu borada amalga oshirilayotgan ishlarni, shuningdek, sogʻlom turmush tarziga amal qilish va jismoniy faollikni muntazam ravishda (har kuni) yoritib borishni taʼminlash. 4. Xodimlar oʻrtasida jamoaviy sport turlari boʻyicha “Rahbar kubogi”, “Hokim kubogi” musobaqalarini tashkil etib borish. Bunda musobaqalar gʻolib va sovrindorlarini moliyaviy ragʻbatlantirib borish.Doimiy5.Vazirlik va idoralar, xoʻjalik birlashmalari, davlat ishtirokidagi tijorat banklari va korxonalarda jamoaviy sport turlari boʻyicha sport klublari faoliyatini yoʻlga qoʻyish. 1. Vazirlik va idoralar, xoʻjalik birlashmalari, davlat ishtirokidagi tijorat banklari va korxonalarda kamida uchta jamoaviy sport turlari boʻyicha sport klublarini tashkil etish.2. Vazirlik va idoralar, xoʻjalik birlashmalari, davlat ishtirokidagi tijorat banklari va korxonalar rahbari oʻrinbosarlaridan birini jamoaviy sport turi boʻyicha sport klublari faoliyatini tashkil etishga masʼul etib belgilash.2025-yil fevralIjrochilar mablagʻlari,homiylik mablagʻlariVazirlik va idoralar, xoʻjalik birlashmalari, davlat ishtirokidagi tijorat banklari va korxonalar3. Vazirlik va idoralar, xoʻjalik birlashmalari, davlat ishtirokidagi tijorat banklari va korxonalarda budjetdan tashqari mablagʻlar va qonunchilikda taqiqlanmagan boshqa manbalar hisobidan jamoaviy sport turlari boʻyicha infratuzilmani yaratish choralarini koʻrish.4. Zarur sport infratuzilmasi mavjud boʻlmagan vazirlik va idoralar, xoʻjalik birlashmalari, davlat ishtirokidagi tijorat banklari va korxonalar hamda ularning vertikal tuzilmalarining Sport vazirligi tizimidagi sport taʼlim muassasalari sport inshootlaridan asosiy mashgʻulotlardan boʻsh vaqtida shartnoma asosida foydalanishini yoʻlga qoʻyish.2025-yildan boshlab6.Tadbirkorlik subyektlari xodimlarini jamoaviy sport turlari bilan shugʻullanishga tizimli jalb qilib borishni yoʻlga qoʻyish.1. Tadbirkorlik subyektlari xodimlarini jamoaviy sport turlari bilan muntazam shugʻullanib borishga jalb qilish.DoimiyTadbirkorlik subyektlari mablagʻlari Oʻzbekiston korporativ sport assotsiatsiyasi mablagʻlariSavdo-sanoat palatasi(D. Vahobov),Sport vazirligi(A. Ikramov),“Tadbirkor ayol”Oʻzbekiston ishbilarmon ayollar assotsiatsiyasiSavdo-sanoat palatasi(D. Vahobov),Iqtisodiyot va moliya vazirligi(I. Norqulov),Sport vazirligi(A. Ikramov),Soliq qoʻmitasi(F. Pulatov) Oʻzbekiston korporativ sport assotsiatsiyasi 2. Tadbirkorlik subyektlarida jamoaviy sport turlari boʻyicha sport klublarini tashkil qilishga koʻmaklashish.3. Tadbirkorlik subyektlarining oʻz xodimlarining jamoaviy sport turlari bilan shugʻullanishini tashkil qilishi boʻyicha targʻibot ishlarini olib borish. Doimiy4. Xodimlarining jamoaviy sport turlari bilan shugʻullanishi uchun zarur shart-sharoitlar yaratgan tadbirkorlik subyektlari faoliyatini qoʻllab-quvvatlash hamda jamoaviy sport turlariga homiylik mablagʻlarini yoʻnaltirganlik uchun soliq imtiyozlarini taqdim qilish boʻyicha Vazirlar Mahkamasiga taklif kiritish.5. Tadbirkorlik subyektlarining xodimlarni sportga jalb qilish boʻyicha reytingini joriy etish hamda ularning sport klublari reyestrini yuritish, shuningdek, har yili eʼlon qilib borish tizimini yoʻlga qoʻyish2025-yiliyun 2025-yilaprel7.Tadbirkorlik subyektlari oʻrtasida jamoaviy sport turlari boʻyicha sport musobaqalari tizimli oʻtkazib borilishini tashkil qilish.1. Oʻzbekiston korporativ sport assotsiatsiyasini tashkil qilish.2025-yil fevralTadbirkorlik subyektlari mablagʻlari,ijrochilar mablagʻlariSavdo-sanoat palatasi(D. Vaxabov),Sport vazirligi(A. Ikramov)Oʻzbekiston korporativ sport assotsiatsiyasi, tijorat banklari, korxona va tashkilotlar2. Jamoaviy va boshqa sport turlari boʻyicha tijorat banklari, korxona va tashkilotlar oʻrtasida quyidagi sport musobaqalarini tashkil qilib borish:Oʻzbekiston korporativ sport ligalari va kuboklari;“Korporativ sport oʻyinlari” musobaqalari (kubok, turnir va boshqalar).Doimiy8.Aholining jismoniy faolligini oshirish uchun “mahalla yettiligi” imkoniyatlaridan foydalangan holda mahalladan boshlab jamoaviy sport turlari bilan shugʻullanadigan aholi qamrovini kengaytirish.1. Har bir mahallada mahalla hududidagi mavjud sport infratuzilmasi va umumiy oʻrta taʼlim maktablari sport inshootlari bazasida aholini jamoaviy sport turlari bilan shugʻullanishga jalb qilib borish. 2025-yildan boshlab doimiyIjrochilar mablagʻlari,homiylik mablagʻlariOʻzbekiston mahallalari uyushmasi(Q. Kuranbayev),Sport vazirligi(A. Ikramov),Maktabgacha va maktab taʼlimi vazirligi(X. Umarova),Oila va xotin-qizlar qoʻmitasi(Z. Mahkamova),Yoshlar ishlari agentligi(A. Saʼdullayev),“Nuroniy” jamgʻarmasi(S. Turdiyev),Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2. Jamoaviy sport turlari bilan shugʻullanadigan aholi qamrovini 3,4 million nafarga yetkazish. Bunda mahallalardagi:21 — 30 yoshdagi 1,3 million nafar aholini;31 — 40 yoshdagi 900 ming nafar aholini;41 — 50 yoshdagi 650 ming nafar aholini;51 — 60 yoshdagi 350 ming nafar aholini;60 yoshdan oshgan 150 ming nafar aholini jamoaviy sport turlari bilan qamrab olish.2025-yil dekabr9.Mahallalarda jamoaviy sport turlari boʻyicha ommaviy sport musobaqalarini tizimli oʻtkazib borishni yoʻlga qoʻyish.1. Har bir mahallalarda kamida bitta jamoaviy sport turi boʻyicha mahalla jamoasini tashkil qilish.2. Mahalla jamoalari oʻrtasida “Mahalla ligasi” sport musobaqalarini oʻtkazib borish.3. “Mahalla yettiligi” zimmasiga “Mahalla ligasi” sport musobaqalarini oʻtkazib borishni tashkil qilish vazifasini yuklash.4. Mahallalar jamoalari oʻrtasida “Mahalla kubogi”, “Hokim kubogi”, “Rahbar kubogi” kabi sport musobaqalarini oʻtkazib borish.2025-yildan boshlabIjrochilar mablagʻlariOʻzbekiston mahallalari uyushmasi (Q. Kuranbayev),Sport vazirligi(A. Ikramov),Yoshlar ishlari agentligi(A. Saʼdullayev),“Nuroniy” jamgʻarmasi(S. Turdiyev),Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari10.Mahallalarda aholini jamoaviy sport turlariga jalb qilish orqali sogʻlom turmush tarzini targʻib qilish boʻyicha faoliyatni ragʻbatlantirish tizimini joriy qilish. 1. Jamoaviy sport turlari boʻyicha sport musobaqalarida yuqori natija koʻrsatgan mahallalarni sport jihozlari va anjomlari bilan taʼminlash.2. Joylarda aholini jamoaviy sport turlariga jalb qilish orqali sogʻlom turmush tarzini targʻib qilishda faollik koʻrsatgan masʼullarni tegishli esdalik va koʻkrak nishonlari bilan taqdirlab borish.DoimiyIjrochilar mablagʻlari,homiylik mablagʻlariOʻzbekiston mahallalari uyushmasi(Q. Kuranbayev),Sport vazirligi(A. Ikramov),Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari3. Jamoaviy sport turlari boʻyicha sport musobaqalaridagi natijalarni va aholini jamoaviy sport turlariga jalb qilish orqali sogʻlom turmush tarzini targʻib qilish boʻyicha faoliyatni mahalliy hokimliklar va “mahalla yettiligi” faoliyatiga baho berishning asosiy mezonlaridan biri sifatida belgilash boʻyicha tegishli qaror loyihasini Hukumatga kiritish.2025-yil iyun11.Mahallalarda jamoaviy sport turlari boʻyicha sport infratuzilmasini yaxshilash.1. Mahallalarda jamoaviy sport turlari boʻyicha mavjud sport inshootlarini xatlovdan oʻtkazish.2025-yil fevral–Oʻzbekiston mahallalari uyushmasi(Q. Kuranbayev),Sport vazirligi(A. Ikramov),Iqtisodiyot va moliya vazirligi(I. Norqulov)2. Jamoaviy sport turlari boʻyicha sport inshootlari mavjud boʻlmagan mahallalarda zarur sport infratuzilmasini homiylik mablagʻlarini jalb qilish orqali, shuningdek, davlat-xususiy sheriklik shartlari asosida barpo etishni kengaytirish.Doimiy12.Qurolli Kuchlar va huquqni muhofaza qiluvchi organlarda jamoaviy sport turlari, jumladan, regbi sport turini rivojlantirish va ommalashtirish.1. Qurolli Kuchlar va huquqni muhofaza qiluvchi organlarda jamoaviy sport turlarini ommalashtirish va rivojlantirish, harbiy xizmatchi va xodimlarini ushbu sport turlariga keng jalb qilish boʻyicha dasturlarni ishlab chiqish va tasdiqlash.2025-yil martIjrochilar mablagʻlariMudofaa vazirligi(Sh. Xalmuxamedov),Ichki ishlar vazirligi(P. Bobojonov),Favqulodda vaziyatlar vazirligi(A. Qoʻldoshev),Davlat xavfsizlik xizmati(B. Kurbanov),Milliy gvardiya(R. Djurayev),Oʻzbekiston Milliyolimpiya qoʻmitasi(O. Umarov),jamoaviy sport turlari boʻyicha sport federatsiyalari (uyushmalari)2. Qurolli Kuchlar va huquqni muhofaza qiluvchi organlar xodimlarining jamoaviy sport turlari, jumladan, regbi sport turi boʻyicha muntazam shugʻullanib borishini tashkil etish.Doimiy 3. Qurolli Kuchlar tizimi harbiy xizmatchilari va huquqni muhofaza qiluvchi organlar xodimlari orasidan regbi sport turi boʻyicha sifatli sport zaxirasi va terma jamoalar tarkibini shakllantirish.2025-yildan boshlabII. Jamoaviy sport turlari boʻyicha yuqori mahoratli sportchilarni tayyorlash va iqtidorli yoshlari saralab olish tizimini takomillashtirish13.Jamoaviy sport turlari boʻyicha terma jamoalar va professional sport klublari uchun sport zaxirasini yaratish, shuningdek, iqtidorli yosh sportchilarni aniqlash va saralab olish tizimini takomillashtirish.1. Jamoaviy sport turlari boʻyicha ixtisoslashtirilgan moddiy-texnik bazani yaxshilash, uzluksiz oʻquv-yigʻin mashgʻulotlarini oʻtkazib borish va xorijiy mutaxassislarni jalb qilish orqali yuqori mahoratli sportchilarni tayyorlashni yoʻlga qoʻyish. Bunda:jamoaviy sport turlari bilan doimiy shugʻullanuvchilar sonini 1,5 barobarga oshirish;sport taʼlim muassasalarida jamoaviy sport turlari bilan shugʻullanuvchilar sonini 130 ming nafarga yetkazish;sport-taʼlim muassasalaridagi jamoaviy sport turlari boʻyicha trenerlar sonini 2,5 ming nafarga yetkazish;jamoaviy sport turlari boʻyicha respublikada oʻtkaziladigan sport musobaqalari sonini 2 barobarga oshirish.2. Jamoaviy sport turlari boʻyicha sport obyektlarini barpo etish, mavjudlarining moddiy-texnika bazasini mustahkamlash, ularni maxsus sport kiyimlari, sport anjomlari va jihozlari bilan taʼminlash choralarini koʻrish.2025-yil dekabrIjrochilar mablagʻlariSport vazirligi(A. Ikramov),Oʻzbekiston Milliyolimpiya qoʻmitasi(O. Umarov),jamoaviy sport turlari boʻyicha sport federatsiyalari (uyushmalari)14.Hududlarda jamoaviy sport turlarini rivojlantirish, hududiy sport klublari faoliyatini yoʻlga qoʻyish.1. Mahalliy hokimliklar huzurida jamoaviy sport turlari boʻyicha hududiy sport klublari faoliyatini yoʻlga qoʻyish.2. Hududiy sport klublarini rivojlantirish va moliyalashtirish, shuningdek, hududiy sport klublariga homiy tashkilotlarni biriktirish yuzasidan zarur chora-tadbirlarni amalga oshirish.2025-yil sentabrMahalliy budjet mablagʻlari,homiylik mablagʻlariQoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,Sport vazirligi(A. Ikramov),Oʻzbekiston Milliyolimpiya qoʻmitasi(O. Umarov),jamoaviy sport turlari boʻyicha sport federatsiyalari (uyushmalari)Oʻzbekiston Milliyolimpiya qoʻmitasi(O. Umarov),jamoaviy sport turlari boʻyicha sport federatsiyalari (uyushmalari)3. Jamoaviy sport turlari boʻyicha sport federatsiyalari (uyushmalari)ning hududiy boʻlinmalari moliyaviy va moddiy-texnik bazasini mustahkamlashga koʻmaklashish.4. Tegishli hududlarning rahbar kadrlari orasidan nomzodlarni jamoaviy sport turlari boʻyicha sport federatsiyalari (uyushmalari)ning hududiy boʻlinmalari rahbarlari lavozimiga tavsiya etib borish.Doimiy5. Jamoaviy sport turlari boʻyicha sport federatsiyalari (uyushmalari)ning hududiy boʻlinmalari faoliyatida uslubiy-tashkiliy taʼminlash hamda malakali mutaxassislarni jalb qilishga koʻmaklashib borish. Doimiy15.Jamoaviy sport turlari boʻyicha sport musobaqalarini tizimli oʻtkazib borishni yoʻlga qoʻyish.1. Jamoaviy sport turlari boʻyicha sport ligalarini tashkil qilish va oʻtkazib borish.2026-yildan boshlabSport va ommaviy jismoniy tarbiya tadbirlarining respublika kalendar rejasi, ijrochilar mablagʻlariJamoaviy sport turlari boʻyicha sport federatsiyalari (uyushmalari), Oʻzbekiston Milliyolimpiya qoʻmitasi(O. Umarov),Sport vazirligi(A. Ikramov)2. Sport vazirligi va Oʻzbekiston Milliy olimpiya qoʻmitasi bilan kelishilgan holda sport ligalarini oʻtkazib borish tartibini tasdiqlash.2025-yil iyun3. Sport ligalari doirasida oʻtkazib boriladigan sport musobaqalariga malakali sport hakamlarini jalb qilib borish.Doimiy16.Jamoaviy sport turlari boʻyicha trenerlar, hakamlar va boshqa mutaxassislarni tayyorlash, ularning malakasini oshirish va qayta tayyorlash tizimini yanada takomillashtirish.1. Yuqori mahoratli mahalliy va xorijiy mutaxassislarni jalb qilgan holda faoliyat yuritayotgan trener va hakamlar uchun malaka oshirish kurslarini tashkil etib borish.2. Jamoaviy sport turlari boʻyicha terma jamoalar va sport klublariga malakali mutaxassis va trenerlarni jalb qilib borish.3. Istiqbolli sportchilar, trenerlar va hakamlarni xorijiy davlatlarga tajriba oshirishga yuborishni yoʻlga qoʻyish boʻyicha amaliy chora-tadbirlarni amalga oshirish.2025-yildan boshlab doimiyIjrochilarning mablagʻlariSport vazirligi(A. Ikramov),Oʻzbekiston Milliyolimpiya qoʻmitasi(O. Umarov),jamoaviy sport turlari boʻyicha sport federatsiyalari (uyushmalari)17.Jamoaviy sport turlari boʻyicha trener, hakam va boshqa mutaxassislarga haq toʻlash tizimini takomillashtirish.1. Jamoaviy sport turlari boʻyicha trener, hakam va boshqa mutaxassislarga haq toʻlash tizimini tahlil qilish.2025-yil mart–Sport vazirligi(A. Ikramov),Oʻzbekiston Milliy olimpiya qoʻmitasi (O. Umarov),jamoaviy sport turlari boʻyicha sport federatsiyalari (uyushmalari) Sport vazirligi(A. Ikramov)2. Ilgʻor xorijiy tajriba asosida jamoaviy sport turlari boʻyicha trener, hakam va boshqa mutaxassislarga haq toʻlashni takomillashtirish boʻyicha takliflarni Vazirlar Mahkamasiga kiritish.2025-yilaprel3. Sport-taʼlim muassasalarining trener-oʻqituvchilari va yoʻriqchi-uslubchilariga malaka toifalarini berish hamda sport hakamlariga malaka toifasini berish boʻyicha davlat xizmatlari koʻrsatishni proaktiv shaklga oʻtkazish.2025-yildekabr18.Jamoaviy sport turlari boʻyicha terma jamoalarning nufuzli xalqaro sport musobaqalariga tayyorgarlik koʻrishi va unda munosib ishtirok etishini taʼminlash.1. Jamoaviy sport turlari boʻyicha terma jamoalarga malakali xorijiy mutaxassislarni jalb qilish.Bunda xorijiy mutaxassislar zimmasiga terma jamoalarni tayyorlash bilan birga mahalliy trenerlarning malakasini oshirish, joylarda seleksiyani amalga oshirish orqali jamoaviy sport turlari boʻyicha milliy maktabni shakllantirishga koʻmaklashish vazifasini yuklashni nazarda tutish.2. Nufuzli xalqaro musobaqalarga tayyorgarlik koʻrish boʻyicha chora-tadbirlar rejasini tasdiqlash.3. Chora-tadbirlar rejasi asosida terma jamoalar uchun xalqaro va mahalliy oʻquv-mashgʻulot yigʻinlarini tashkil etib borish.4. Terma jamoalarning nufuzli xalqaro sport musobaqalarida ishtirokini taʼminlash.2025 — 2028-yillarIjrochilarning mablagʻlariSport vazirligi(A. Ikramov),Oʻzbekiston Milliy olimpiya qoʻmitasi (O. Umarov),jamoaviy sport turlari boʻyicha sport federatsiyalari (uyushmalari)19.Jamoaviy sport turlari rivojlanmagan hududlarda ushbu sport turlarini rivojlantirish boʻyicha chora-tadbirlarni amalga oshirish.1. Jamoaviy sport turlari rivojlanmagan hududlarning mavjud imkoniyatlari va salohiyatini tahlil qilish, sport-taʼlim muassasalari va klublarining qamrovi va resurs taʼminoti, aholining jamoaviy sport turlariga boʻlgan qiziqishini oʻrganish.2025-yil fevralIjrochilar mablagʻlariSport vazirligi(A. Ikramov),Oʻzbekiston Milliy olimpiya qoʻmitasi (O. Umarov)Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari2. Hududlarda jamoaviy sport turlari yanada rivojlantirish va ommalashtirish boʻyicha hududiy dasturlarni ishlab chiqish va tasdiqlash.2025-yil mart20.Jamoaviy sport turlari boʻyicha iqtidorli yoshlarni aniqlash, tanlash va saralab olish (seleksiya) tizimini raqamlashtirish.1. Iqtidorli yoshlarni aniqlash, tanlash va saralab olish (seleksiya) boʻyicha “ERP-sport” yagona elektron boshqaruv tizimida qoʻshimcha texnik imkoniyatlarni yaratish.2. Har bir jamoaviy sport turi boʻyicha alohida mezonlarni ishlab chiqish.3. Sportchilarning joriy jismoniy holati toʻgʻrisidagi maʼlumotlarni “ERP-sport” yagona elektron boshqaruv tizimiga yuklab borish mexanizmini yoʻlga qoʻyish.4. Sunʼiy intellektdan foydalangan holda toʻplangan maʼlumotlarni tahlil qilish hamda sportchilarning jismoniy holati va imkoniyatlarini baholash tizimini joriy etish.2025 — 2027-yillardaSportni qoʻllab-quvvatlash jamgʻarmasi mablagʻlariSport vazirligi(A. Ikramov),Oʻzbekiston Milliy olimpiya qoʻmitasi (O. Umarov),jamoaviy sport turlari boʻyicha sport federatsiyalari (uyushmalari)21.Jamoaviy sport turlari boʻyicha xalqaro sport tashkilotlari bilan hamkorlikni kuchaytirish.1. Xalqaro sport tashkilotlarining konferensiya, seminar va boshqa sport tadbirlarini Oʻzbekistonda oʻtkazib borish boʻyicha amaliy chora-tadbirlarni amalga oshirib borish.2. Xalqaro sport tashkilotlari boshqaruviga sport hamjamiyatida obroʻ-eʼtiborga ega boʻlgan mahalliy sportchi va sport sohasining boshqa vakillarini nomzod sifatida kiritib borish amaliyotini yoʻlga qoʻyish.Doimiy–Sport vazirligi(A. Ikramov),Oʻzbekiston Milliy olimpiya qoʻmitasi (O. Umarov),jamoaviy sport turlari boʻyicha sport federatsiyalari (uyushmalari)