Radiatsiya natijasida kelib chiqishi mumkin boʻlgan kasalliklar roʻyxatini tasdiqlash haqida (1340-son)

19.04.2004

Oʻzbekiston Respublikasi Sogʻliqni saqlash vazirligi Oʻzbekiston Respublikasi Mehnat va aholini ijtimoiy muhofaza qilish vazirligining

Qarori

[Oʻzbekiston Respublikasi Adliya vazirligi tomonidan 2004-yil 19-aprelda 1340-son bilan davlat roʻyxatidan oʻtkazilgan]

Radiatsiyadan zarar koʻrgan fuqarolarga tibbiy yordamni tashkil etish va ulardagi rivojlangan kasalliklarni radiatsiyaga bogʻliqligini aniqlash masalalarini takomillashtirishda, Xalqaro qoʻmitalarning, Mustaqil Davlatlar Hamdoʻstligi davlatlaridagi hamda Oʻzbekiston Respublikasidagi bir qator ilmiy tashkilotlarning tadqiqotlariga asoslangan holda Oʻzbekiston Respublikasi Sogʻliqni saqlash vazirligi va Mehnat va aholini ijtimoiy muhofaza qilish vazirligi qaror qiladi:

1. Radiatsiya natijasida kelib chiqishi mumkin boʻlgan kasalliklar roʻyxati ilovaga muvofiq tasdiqlansin.

2. Ushbu qaror Adliya vazirligi tomonidan roʻyxatga olingan kundan boshlab 10 kundan keyin kuchga kiritilsin.

Sogʻliqni saqlash vaziri F. NAZIROV

Toshkent sh.,

2004-yil 27-fevral,

4-son

Mehnat va aholini ijtimoiy muhofaza qilish vaziri O. OBIDOV

Toshkent sh.,

2004-yil 27-fevral,

75-son

Sogʻliqni saqlash vazirligi, Mehnat va aholini ijtimoiy muhofaza qilish vazirligining 2004-yil 27-fevral 4-son, 75-sonli qaroriga ILOVA

Radiatsiya natijasida kelib chiqadigan kasalliklar roʻyxati

1. Turli darajadagi oʻtkir va surunkali nur xastaligi.

2. Xavfli oʻsma kasalliklarning (saraton) barcha turlari.

3. Leykoz.