Ishlab chiqariladigan va realizatsiya qilinadigan tovarlar (ishlar, xizmatlar) boʻyicha qoʻshilgan qiymat soligʻini hisoblab chiqarish va toʻlash tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida (1238-3-son)

20.04.2005

Oʻzbekiston Respublikasi Moliya vazirligi oʻzbekiston respublikasi davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2005-yil 20-aprelda 1238-3-son bilan davlat roʻyxatidan oʻtkazilgan]

Oʻzbekiston Respublikasi Soliq kodeksi, Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasi va Oʻzbekiston Respublikasi Vazirlar Mahkamasining 2005-yilgi “Davlat budjeti parametrlari toʻgʻrisida”gi 610-conli qaroriga (Oʻzbekiston Respublikasi Qonun hujjatlari toʻplami, 2004-y., 52-son, 523-modda) muvofiq, Oʻzbekiston Respublikasi Moliya vazirligi va Davlat soliq qoʻmitasi qaror qiladi:

1. Oʻzbekiston Respublikasi Moliya vazirligi va Davlat soliq qoʻmitasi tomonidan 2003-yil 7-martdagi 43 va 2003-37-sonli qaror bilan tasdiqlangan “Ishlab chiqariladigan va realizatsiya qilinadigan tovarlar (ishlar, xizmatlar) boʻyicha qoʻshilgan qiymat soligʻini hisoblab chiqarish va toʻlash tartibi toʻgʻrisida”gi yoʻriqnomaga (2003-yil 29-aprel, roʻyxat raqami 1238 — Meʼyoriy hujjatlar axborotnomasi, 2003-yil, 7-8-son; Oʻzbekiston Respublikasi Qonun hujjatlari toʻplami, 2004-yil, 40-41-son, 442-modda) ilovaga* binoan oʻzgartirish va qoʻshimchalar kiritilsin.

* Ilova rus tilidagi matnda berilgan.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgach kuchga kiradi.

Moliya vaziri S. RAHIMOV

Toshkent sh.,

2005-yil 31-yanvar,

22-son

Davlat soliq qoʻmitasi raisi B. PARPIYEV

Toshkent sh.,

2005-yil 31-yanvar,

2005-15-son