Vazirlar Mahkamasining “Oʻzbekiston Respublikasi fuqarolariga biometrik pasportlar, Oʻzbekiston Respublikasi fuqarolariga xorijga chiqish biometrik pasportlari va fuqaroligi boʻlmagan shaxslarga biometrik harakatlanish hujjatlari berganlik uchun tushayotgan mablagʻlardan foydalanish mexanizmini takomillashtirish chora-tadbirlari toʻgʻrisida” 2011-yil 6-apreldagi 104-son qaroriga oʻzgartirishlar kiritish toʻgʻrisida (739-son)

07.11.2024

Oʻzbekiston Respublikasi Vazirlar Mahkamasining

qarori

Oʻzbekiston Respublikasi fuqarolariga xorijga chiqish biometrik pasportlarini oʻz vaqtida va uzluksiz rasmiylashtirib berilishini taʼminlash maqsadida Vazirlar Mahkamasi qaror qiladi:

1. Vazirlar Mahkamasining “Oʻzbekiston Respublikasi fuqarolariga biometrik pasportlar, Oʻzbekiston Respublikasi fuqarolariga xorijga chiqish biometrik pasportlari va fuqaroligi boʻlmagan shaxslarga biometrik harakatlanish hujjatlari berganlik uchun tushayotgan mablagʻlardan foydalanish mexanizmini takomillashtirish chora-tadbirlari toʻgʻrisida” 2011-yil 6-apreldagi 104-son qarorining 1-bandida:

“a” kichik banddagi “40” raqami “45” raqami bilan hamda “Davlat personallashtirish markazining” soʻzlari “Adliya vazirligi huzuridagi Personallashtirish agentligining” soʻzlari bilan almashtirilsin;

“b” kichik bandning birinchi xatboshisi va “v” kichik banddagi “Davlat personallashtirish markazining” soʻzlari “Adliya vazirligi huzuridagi Personallashtirish agentligining” soʻzlari bilan almashtirilsin.

2. Mazkur qarorning bajarilishini nazorat qilish Oʻzbekiston Respublikasi adliya vaziri A.D. Tashkulov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 7-noyabr,

739-son