Oʻzbekiston Respublikasi fuqarosining xorijga chiqish biometrik pasportini rasmiylashtirish va berish boʻyicha davlat xizmatlarini koʻrsatish tartibi takomillashtirilishi munosabati bilan Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritish toʻgʻrisida (PQ-380-son)

04.11.2024

Oʻzbekiston Respublikasi Prezidentining

qarori

Oʻzbekiston Respublikasi fuqarosining xorijga chiqish biometrik pasporti oʻz vaqtida rasmiylashtirib berilishini taʼminlash, mazkur davlat xizmatini koʻrsatish tartibini yanada soddalashtirish hamda fuqarolarga qoʻshimcha qulayliklar yaratish maqsadida:

1. Oʻzbekiston Respublikasi Prezidentining ayrim qarorlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

xorijga chiqish biometrik pasportini berganlik uchun undiriladigan davlat boji summasini qayta taqsimlash;

xorijga chiqish biometrik pasportini pochta xizmati orqali yetkazib berish;

voyaga yetmagan shaxslarga xorijga chiqish biometrik pasporti rasmiylashtirilganda uning ota-onasi yoki ularning oʻrnini bosuvchi yoxud hamrohlik qiluvchi shaxslarni bolani chet davlat hududida nazoratsiz qoldirganlik uchun javobgarlik haqida ogohlantirish.

2. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 4-noyabr,

PQ-380-son

Oʻzbekiston Respublikasi Prezidentining 2024-yil 4-noyabrdagi PQ-380-son qaroriga ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2018-yil 26-dekabrdagi PQ-4079-son qarori bilan tasdiqlangan Oʻzbekiston Respublikasi fuqarolarining xorijga chiqish tartibi toʻgʻrisidagi nizomda:

a) 29-bandda:

“a” kichik bandda:

ikkinchi xatboshidagi “40” raqami “45” raqami bilan almashtirilsin;

uchinchi xatboshidagi “10” raqami “5” raqami bilan almashtirilsin;

“b” kichik bandda:

ikkinchi xatboshidagi “40” raqami “45” raqami bilan almashtirilsin;

uchinchi xatboshidagi “10” raqami “5” raqami bilan almashtirilsin;

toʻrtinchi xatboshi quyidagi tahrirda bayon etilsin:

“5 foizi — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga oʻtkaziladi”;

“v” kichik bandda:

ikkinchi xatboshidagi “40” raqami “45” raqami bilan almashtirilsin;

uchinchi xatboshidagi “10” raqami “5” raqami bilan almashtirilsin;

b) quyidagi mazmundagi 391 va 392-bandlar bilan toʻldirilsin:

“391. Xizmatdan foydalanuvchi soʻrovnomada xorijga chiqish biometrik pasporti pochta aloqasi orqali yetkazib berilishini koʻrsatgan boʻlsa, maʼlumotlarni yigʻish punkti xodimlari xorijga chiqish biometrik pasportini pochta xizmati xodimiga beradi.

Bunda pochta xarajatlari xizmatdan foydalanuvchi hisobidan qoplanadi.

Pochta xizmati tomonidan koʻrsatilgan xizmat uchun toʻlov miqdorini pochta xizmati belgilaydi.

Pochta xizmati xodimi tayyor boʻlgan xorijga chiqish biometrik pasportini olgandan soʻng xizmatdan foydalanuvchi bilan telefon orqali bogʻlanib, soʻrovnomada koʻrsatilgan manzilga (Toshkent shahri va viloyatlar markazida bir ish kuni, qolgan hududlarda ikki ish kuni ichida) xorijga chiqish biometrik pasportini yetkazib beradi.

392. Xizmatdan foydalanuvchi bilan telefon orqali kelishilgan vaqtda u ushbu manzilda boʻlmasa, xizmatdan foydalanuvchi xorijga chiqish biometrik pasportini ushbu hududdagi pochta aloqasi boʻlimidan oʻn ish kuni davomida olishi mumkin.

Xizmatdan foydalanuvchi xorijga chiqish biometrik pasportini mazkur bandning birinchi xatboshisida koʻrsatilgan muddatda olib ketmasa, pochta xizmati xodimi uni maʼlumotlarni yigʻish punktiga topshiradi. Bunda xizmatdan foydalanuvchining oʻzi shaxsini tasdiqlovchi hujjat bilan soʻrovnomada koʻrsatilgan maʼlumotlarni yigʻish punktiga kelib xorijga chiqish biometrik pasportini olib ketadi.

Pochta xizmati uchun toʻlangan toʻlovlar qaytarilmaydi.

Pochta xizmati xodimi xorijga chiqish biometrik pasportini maʼlumotlarni yigʻish punktidan qabul qilib olgandan boshlab uni foydalanuvchiga yoki tegishli maʼlumotlarni yigʻish punktiga qayta topshirgunga qadar but saqlanishini taʼminlash uchun javobgar hisoblanadi”;

v) 40-band quyidagi tahrirda bayon etilsin:

“40. Tayyor boʻlgan xorijga chiqish biometrik pasporti faqatgina xizmatdan foydalanuvchining oʻziga taqdim etiladi.

Bunda 16 yoshdan katta shaxslarga xorijga chiqish biometrik pasporti qoʻl barmoqlarining elektron izlarini solishtirish orqali verifikatsiya qilish yoki biometrik identifikatsiya qilish (Face-ID) orqali taqdim etiladi”;

g) 3-ilovaning “5-bosqich” pozitsiyasi quyidagi tahrirda bayon etilsin:

d) 4-ilova quyidagi mazmundagi 12-pozitsiya bilan toʻldirilsin:

e) 5-ilova quyidagi mazmundagi 11-pozitsiya bilan toʻldirilsin:

2. Oʻzbekiston Respublikasi Prezidentining 2023-yil 29-dekabrdagi PQ-422-son qarori bilan tasdiqlangan Davlat hokimiyati va boshqaruvi organlari, vazirliklar va idoralari tomonidan undiriladigan ayrim turdagi davlat bojlari, majburiy yigʻimlar, toʻlovlar, jarimalar va ajratmalar taqsimotida:

a) 44-pozitsiya quyidagi tahrirda bayon etilsin:

b) quyidagi mazmundagi 45-pozitsiya bilan toʻldirilsin: