Oʻzbekiston Respublikasi Prezidentining ayrim hujjatlariga tashqi savdo operatsiyalari boʻyicha valyuta nazoratini yanada takomillashtirishga qaratilgan oʻzgartirish va qoʻshimchalar kiritish toʻgʻrisida (PF-156-son)

14.10.2024

Oʻzbekiston Respublikasi Prezidentining

Farmoni

Tashqi savdo operatsiyalarida muddati oʻtgan debitor va kreditor qarzdorliklarni hisoblash, aktivlarni repatriatsiya qilish munosabatlarini tartibga solishni hamda bojxona toʻlovlarini kechiktirib toʻlash tartibini yanada takomillashtirish maqsadida:

1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

bojxona toʻlovlarini kechiktirib toʻlash muddatlarini birxillashtirish va ularning 120 kundan oshmasligini belgilash;

tashqi savdo operatsiyalarida muddati oʻtgan debitor va kreditor qarzdorliklarni hisoblash hamda aktivlarni repatriatsiya qilish tartibini takomillashtirish.

2. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 14-oktabr,

PF-156-son

Oʻzbekiston Respublikasi Prezidentining 2024-yil 14-oktabrdagi PF-156-son Farmoniga ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

2. Oʻzbekiston Respublikasi Prezidentining 2019-yil 27-iyundagi “Soliq va bojxona imtiyozlari berilishini yanada tartibga solish chora-tadbirlari toʻgʻrisida”gi PF-5755-son Farmonining 8-bandi oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2020-yil 19-martdagi “Koronavirus pandemiyasi va global inqiroz holatlarining iqtisodiyot tarmoqlariga salbiy taʼsirini yumshatish boʻyicha birinchi navbatdagi chora-tadbirlar toʻgʻrisida”gi PF-5969-son Farmonining 11-bandida:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin.

4. Oʻzbekiston Respublikasi Prezidentining 2023-yil 12-iyundagi “Kambagʻallikni qisqartirishda tadbirkorlik subyektlari bilan oʻzaro manfaatli hamkorlik oʻrnatishga qaratilgan chora-tadbirlar toʻgʻrisida”gi PF-93-son Farmonida:

a) 7-bandning “b” kichik bandi uchinchi xatboshisi quyidagi tahrirda bayon etilsin:

“barcha soliqlarni (qoʻshilgan qiymat soligʻi va soliq agentlari sifatida toʻlanadigan soliqlar bundan mustasno) bir yilgacha va bojxona toʻlovlarini 120 kungacha muddatga taʼminotsiz va foizsiz boʻlib-boʻlib toʻlash huquqi beriladi”;

b) 1-ilovaning 3-pozitsiyasida:

“b” kichik band quyidagi tahrirda bayon etilsin:

quyidagi mazmundagi “b1” kichik band bilan toʻldirilsin:

5. Oʻzbekiston Respublikasi Prezidentining 2021-yil 1-fevraldagi “Qishloq xoʻjaligi mashinasozligi tarmogʻida sogʻlom raqobat muhitini yaratishga doir qoʻshimcha chora-tadbirlar toʻgʻrisida”gi PQ-4969-son qarorining 1-bandidagi “270” raqami “120” raqami bilan almashtirilsin.

6. Oʻzbekiston Respublikasi Prezidentining 2021-yil 3-martdagi “Chorvachilik tarmoqlarini davlat tomonidan yanada qoʻllab-quvvatlashga doir qoʻshimcha chora-tadbirlar toʻgʻrisida”gi PQ-5017-son qarorining 2-bandi ikkinchi xatboshisidagi “180” raqami “120” raqami bilan almashtirilsin.

7. Oʻzbekiston Respublikasi Prezidentining 2022-yil 8-fevraldagi “Chorvachilikni yanada rivojlantirish va chorva ozuqa bazasini mustahkamlash chora-tadbirlari toʻgʻrisida”gi PQ-121-son qarori 6-bandidagi “180” raqami “120” raqami bilan almashtirilsin.

8. Oʻzbekiston Respublikasi Prezidentining 2023-yil 24-fevraldagi “Ipakchilik tarmogʻini yanada rivojlantirish boʻyicha chora-tadbirlar toʻgʻrisida”gi PQ-73-son qarorining 14-bandi oʻz kuchini yoʻqotgan deb hisoblansin.

9. Oʻzbekiston Respublikasi Prezidentining 2023-yil 29-martdagi “Agrar sektorni zamonaviy qishloq xoʻjaligi texnikalari bilan taʼminlashni ragʻbatlantirishning qoʻshimcha chora-tadbirlari toʻgʻrisida”gi PQ-103-son qarori 1-bandi uchinchi xatboshisidagi “270” raqami “120” raqami bilan almashtirilsin.

10. Oʻzbekiston Respublikasi Prezidentining 2023-yil 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qoʻshimcha chora-tadbirlar toʻgʻrisida”gi PQ-135-son qarorining 9-bandi uchinchi xatboshisidagi “12 oy muddatga” soʻzlari “120 kunga” soʻzlari bilan almashtirilsin.

11. Oʻzbekiston Respublikasi Prezidentining 2024-yil 9-fevraldagi “Qoraqalpogʻiston Respublikasini kompleks ijtimoiy-iqtisodiy rivojlantirish va aholi bandligini taʼminlashning qoʻshimcha chora-tadbirlari toʻgʻrisida”gi PQ-66-son qarorining 10-bandidagi “270” raqami “120” raqami bilan almashtirilsin.

Izoh: ilovaning 4 — 11 bandlari ushbu Farmon rasmiy eʼlon qilingan kundan eʼtiboran uch oydan keyin kuchga kiradi.