Oʻzbekiston Respublikasi Davlat budjetini tuzish va ijro etish qoidalarini tasdiqlash haqida (3558-son)

07.10.2024

Oʻzbekiston Respublikasi Iqtisodiyot va moliya vazirining

buyrugʻi

[Oʻzbekiston Respublikasi Adliya vazirligi tomonidan 2024-yil 7-oktabrda roʻyxatdan oʻtkazildi, roʻyxat raqami 3558]

Oʻzbekiston Respublikasining Budjet kodeksi hamda Oʻzbekiston Respublikasi Prezidentining 2020-yil 30-dekabrdagi PQ-4938-son “Oʻzbekiston Respublikasining “2021-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi Davlat budjetini tuzish va ijro etish qoidalari ilovaga muvofiq tasdiqlansin.

2. Mazkur buyruq Oʻzbekiston Respublikasi Hisob palatasi va Vazirlar Mahkamasi huzuridagi Soliq qoʻmitasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Iqtisodiyot va moliya vaziri D. KUCHKAROV

Toshkent sh.,

2024-yil 21-avgust,

168-son

Kelishildi:

Hisob palatasi raisi A. BOBOYEV

2024-yil 24-iyul

Soliq qoʻmitasi raisi Sh. KUDBIYEV

2024-yil 14-avgust

Oʻzbekiston Respublikasi iqtisodiyot va moliya vazirining 2024-yil 21-avgustdagi 168-son buyrugʻiga ILOVA

Oʻzbekiston Respublikasi Davlat budjetini tuzish va ijro etish

QOIDALARI

Mazkur Qoidalar Oʻzbekiston Respublikasining Budjet kodeksiga (bundan buyon matnda Budjet kodeksi deb yuritiladi) muvofiq Oʻzbekiston Respublikasining Davlat budjeti (bundan buyon matnda Davlat budjeti deb yuritiladi), davlat maqsadli jamgʻarmalari va budjet tashkilotlarining budjetdan tashqari jamgʻarmalarining budjetlarini tuzish va ijro etish tartibini belgilaydi.

I boʻlim. Umumiy qoidalar

1. Mazkur Qoidalarda quyidagi asosiy tushunchalar qoʻllaniladi:

Davlat budjeti — davlatning davlat vazifalari va funksiyalarini moliyaviy jihatdan taʼminlash uchun moʻljallangan markazlashtirilgan pul jamgʻarmasi;

budjet tizimi budjetlari — Oʻzbekiston Respublikasining Davlat budjeti, davlat maqsadli jamgʻarmalari budjetlari va budjet tashkilotlarining budjetdan tashqari jamgʻarmalari;

Davlat budjetini tuzish — oʻrta muddatli davr uchun fiskal strategiyani ishlab chiqish va tasdiqlash, budjetdan ajratiladigan budjet mablagʻlarining cheklangan miqdorlarini yetkazish va budjet soʻrovini taqdim etish, Davlat budjeti loyihasini ishlab chiqish, qabul qilingan Davlat budjetini budjet mablagʻlarini taqsimlovchilar va budjet mablagʻlari oluvchilarga yetkazish hamda daromadlar va xarajatlar yoyilmasini tuzish bosqichlarini qamrab oluvchi jarayon;

Davlat budjetini ijro etish — budjet tizimi budjetlari daromadlarining tushishini taʼminlash va xarajatlarini amalga oshirish bilan bogʻliq operatsiyalarni hisobga olishni nazarda tutadigan jarayon;

rejali budjet ssudasi — daromadlarning prognoz qilingan tushumlari, nazarda tutilgan budjetlararo transfertlar, aylanma kassa mablagʻlaridan va yil boshidagi erkin qoldiqlardan vaqtinchalik mablagʻ jalb qilish, tegishli tasdiqlangan budjetlarda nazarda tutilgan ayrim choraklardagi xarajatlarning qoplanishi taʼminlanmagan hollarda yuqori turuvchi budjetdan quyi turuvchi budjetga ajratiladigan budjet ssudasi;

daromadlar kontingenti — soliq maʼmurchiligi boʻyicha hududlarda shakllanadigan, tegishli budjetlarga toʻlanadigan soliqlar, yigʻimlar, davlat bojlari, jarimalar va soliq boʻlmagan toʻlovlar;

daromadlar prognozi — maʼlum bir davr uchun budjet tasnifiga muvofiq aniq manbalar boʻyicha tegishli budjetlarga tushishi kutilayotgan daromadlar summasi;

daromadlar va xarajatlar yoyilmasi — Oʻzbekiston Respublikasining respublika budjeti, davlat maqsadli jamgʻarmalari budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlarining daromadlari va xarajatlarini moliya yili uchun yillik hajmlarini hamda choraklik taqsimlangan koʻrsatkichlarini oʻzida aks ettiruvchi va tegishli budjetlar tasdiqlangandan soʻng budjet tasnifiga muvofiq tuziladigan hujjat;

tartibga soluvchi daromadlar — budjet tizimi budjetlari oʻrtasida ajratmalar normativlari belgilanadigan soliqlar, yigʻimlar va davlat bojlari, shuningdek soliq boʻlmagan toʻlovlar. Soliq boʻlmagan toʻlovlarga budjet tizimi budjetlariga kelib tushadigan soliqlar va boshqa majburiy toʻlovlar boʻlmagan toʻlovlar kiradi;

tartibga soluvchi daromadlardan ajratmalarning normativlari — tartibga soluvchi daromadlardan tushgan tushumlarni budjet tizimi budjetlari oʻrtasida taqsimlash meʼyori;

oʻrta muddatli davr uchun fiskal strategiya (bundan buyon matnda Fiskal strategiya deb yuritiladi) — oʻrta muddatli davr uchun soliq va budjet siyosatining asosiy yoʻnalishlarini belgilovchi hujjat;

budjet soʻrovi — oʻrta muddatli davr uchun budjetdan ajratiladigan mablagʻlarni olishga boʻlgan ehtiyojni asoslashni nazarda tutuvchi hujjat;

aylanma kassa mablagʻi — moliya yilida Oʻzbekiston Respublikasi respublika budjetining, Qoraqalpogʻiston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining shaxsiy gʻazna hisobvaraqlarida turgan budjet mablagʻlarining yoʻl qoʻyiladigan eng kam miqdori;

genderga yoʻnaltirilgan budjetlashtirish — ayollar va erkaklarga teng imkoniyatlar yaratish maqsadini inobatga olgan holda soliq-budjet siyosatini yuritish va davlat budjetini shakllantirish, tasdiqlash, ijrosini taʼminlash va hisobot taqdim etish jarayoni;

“yashil” budjetlashtirish — ekologiya va atrof-muhitni muhofaza qilish maqsadlarini inobatga olgan holda soliq-budjet siyosatini yuritish va davlat budjetini shakllantirish, tasdiqlash, ijrosini taʼminlash va hisobot taqdim etish jarayoni;

“OʻRIMV” AT (bundan buyon matnda axborot tizimi deb yuritiladi) — budjet tizimi budjetlarining budjet jarayonini toʻliq avtomatlashtirish, shu jumladan budjet tizimi budjetlari ijrosi bilan bogʻliq operatsiyalarni aks ettirish uchun moʻljallangan Oʻzbekiston Respublikasi Iqtisodiyot va moliya vazirligining (bundan buyon matnda Iqtisodiyot va moliya vazirligi deb yuritiladi) axborot tizimi;

hududiy iqtisodiyot va moliya organlari — Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari, tumanlar va shaharlar iqtisodiyot va moliya boʻlimlari;

“UzASBO” DM (bundan buyon matnda dasturiy majmua deb yuritiladi) — gʻazna ijrosi bilan qamrab olingan tashkilotlar tomonidan budjet hisobi va hisobotining yuritilishini kompleks avtomatlashtirish uchun moʻljallangan dasturiy majmua.

Oʻzbekiston Respublikasining konsolidatsiyalashgan budjeti — budjet tizimi budjetlarining hamda Oʻzbekiston Respublikasi Tiklanish va taraqqiyot jamgʻarmasining barcha tushumlari va xarajatlari hamda davlat tashqi qarzi hisobidan davlat dasturlariga doir xarajatlar boʻyicha tuziladigan budjet;

rivojlantirish dasturi — budjet mablagʻlarini taqsimlovchi faoliyatining barcha sohalari boʻyicha rivojlanishning asosiy yoʻnalishlari, maqsadlari, vazifalari, sifat va miqdor koʻrsatkichlarini, shuningdek, maqsadlarga erishish va vazifalarni bajarishga qaratilgan oʻzaro bogʻliq huquqiy, iqtisodiy, ijtimoiy, tashkiliy va texnik tadbirlar majmuini hamda kutilayotgan natijalar koʻrsatkichlari tizimini oʻz ichiga olgan uch yildan kam boʻlmagan davr uchun tuzilgan dastur;

umumiy fiskal balans — Oʻzbekiston Respublikasining konsolidatsiyalashgan budjetini hamda davlat dasturlarini amalga oshirish uchun Davlat budjeti va davlat maqsadli jamgʻarmalari hisobidan ajratiladigan depozit, budjet ssudalari va kredit liniyalari hamda ularning qaytarilishi oʻrtasidagi farqni oʻz ichiga olgan jamlanma balans;

davlat tashqi qarzi — davlat tomonidan xorijdan mablagʻlar jalb etilishi natijasida yuzaga kelgan Oʻzbekiston Respublikasining majburiyatlari yigʻindisi;

budjet buyurtmasi — oʻtgan va joriy yillar uchun hamda kelgusi uch yil uchun budjet tizimi budjetlarining mablagʻlari hisobidan budjet tasnifiga muvofiq aks ettiriladigan xarajatlar toʻgʻrisidagi maʼlumot.

2. Davlat budjeti quyidagi darajadagi budjetlardan iborat:

Oʻzbekiston Respublikasining respublika budjeti;

Qoraqalpogʻiston Respublikasi budjeti, viloyatlar va Toshkent shahar mahalliy budjetlari.

3. Qoraqalpogʻiston Respublikasi budjeti tuzilmasiga Qoraqalpogʻiston Respublikasining respublika budjeti, Qoraqalpogʻiston Respublikasi tumanlari va shaharlarining budjetlari kiradi.

Viloyatlar mahalliy budjetlari tuzilmasiga viloyat budjeti, tegishli viloyat tarkibiga kiruvchi tumanlar va shaharlarning budjetlari kiradi.

Toshkent shahar mahalliy budjeti tuzilmasiga shahar budjeti va shahar tarkibiga kiruvchi tumanlarning budjetlari kiradi.

4. Davlat budjeti daromadlari va xarajatlarining gʻazna ijrosi Budjet tizimi budjetlari daromadlarining kassa ijrosi toʻgʻrisidagi yoʻriqnoma (roʻyxat raqami 2771, 2016-yil 30-mart) hamda Oʻzbekiston Respublikasi budjet tizimi budjetlarining gʻazna ijrosi qoidalariga (roʻyxat raqami 2850, 2016-yil 22-dekabr) muvofiq amalga oshiriladi.

II boʻlim. Davlat budjetini tuzish tartibi

1-bob. Davlat budjetining daromadlari va xarajatlari hamda tartibga soluvchi daromadlardan ajratmalarning normativ miqdorlari

1-§. Davlat budjetining daromadlari va xarajatlari

5. Davlat budjetining daromadlari va xarajatlarini shakllantirish Budjet kodeksi hamda amaldagi qonunchilik hujjatlari talablaridan kelib chiqqan holda amalga oshiriladi.

6. Davlat budjeti, Oʻzbekiston Respublikasining respublika budjeti, Qoraqalpogʻiston Respublikasi respublika budjeti, viloyatlar viloyat budjetlari va Toshkent shahri shahar budjeti hamda tumanlar va shaharlar budjetlarining daromadlari va xarajatlari tarkibi Budjet kodeksi bilan belgilanadi.

2-§. Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining tartibga soluvchi daromadlardan ajratmalarning normativ miqdorlarini belgilash

7. Qoraqalpogʻiston Respublikasi budjeti, viloyatlar va Toshkent shahar mahalliy budjetlarini rejalashtirishda ularning xarajatlari daromadlaridan oshib ketishiga, yaʼni taqchilligiga yoʻl qoʻymaslik maqsadida tegishincha tartibga soluvchi budjetlararo transfertlar hamda daromadlarni taqsimlash va qayta taqsimlash orqali ularning daromadlari va xarajatlarining balansliligi taʼminlanadi.

8. Tartibga soluvchi daromadlardan ajratmalarning normativ miqdorlari Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjeti, Toshkent shahrining shahar budjeti, tumanlar va shaharlar budjetlarining daromadlari va xarajatlari balansliligini taʼminlash maqsadida soliqlar, yigʻimlar va davlat bojlari, shuningdek soliq boʻlmagan toʻlovlarni ular oʻrtasida taqsimlash uchun foydalaniladi.

9. Iqtisodiyot va moliya vazirligi tomonidan Oʻzbekiston Respublikasining respublika budjeti va Qoraqalpogʻiston Respublikasi budjeti, viloyatlar va Toshkent shahar mahalliy budjetlari boʻyicha tartibga soluvchi daromadlarning normativ ajratmalar miqdorlarini belgilash boʻyicha takliflar har yili 1-mayga qadar ishlab chiqiladi hamda Fiskal strategiyani tayyorlanishida foydalaniladi.

10. Tartibga soluvchi daromadlardan ajratmalarning normativ miqdorlari quyidagilar:

Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining kelgusi moliya yili uchun xarajatlarning cheklangan miqdorlari;

daromadlar kontingentining Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlari kesimidagi prognozi miqdori asosida aniqlanadi.

11. Tartibga soluvchi daromadlardan ajratmalarning normativ miqdorlarini taqsimlashda bir hududda shakllangan daromad turi boʻyicha ajratmalarning normativ miqdorlari yigʻindisi 100 foizga teng boʻlishi lozim.

12. Tartibga soluvchi daromadlardan ajratmalarning normativ miqdorlari:

budjet tizimi budjetlari boʻyicha Iqtisodiyot va moliya vazirligining taklifiga asosan Oʻzbekiston Respublikasi Prezidentining qarori hamda Oʻzbekiston Respublikasining navbatdagi yil uchun Oʻzbekiston Respublikasining Davlat budjeti toʻgʻrisidagi qonuni (bundan buyon matnda Davlat budjeti toʻgʻrisidagi qonun deb yuritiladi) bilan;

Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlari boʻyicha Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalarining takliflariga asosan Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahar Kengashlarining navbatdagi yil uchun mahalliy budjetlarni tasdiqlash toʻgʻrisidagi qarori (bundan buyon matnda mahalliy budjetlarni tasdiqlash toʻgʻrisidagi qaror deb yuritiladi) bilan belgilanadi.

13. Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlari boʻyicha tartibga soluvchi daromadlardan ajratmalarning normativ miqdorlari mazkur Qoidalarning 1-ilovasiga muvofiq shaklda tasdiqlanadi.

2-bob. Fiskal strategiyani ishlab chiqish va tasdiqlash

14. Fiskal strategiya har yili kelgusi moliya yili uchun budjet prognozi va undan keyingi ikki yil uchun budjet moʻljallarini aniqlash maqsadida ishlab chiqiladi.

15. Fiskal strategiya:

makroiqtisodiy koʻrsatkichlarning oʻrta muddatli davr uchun prognozlarini;

soliq va budjet siyosatining oʻrta muddatli davr uchun asosiy yoʻnalishlarini;

Oʻzbekiston Respublikasining konsolidatsiyalashgan budjeti daromadlari va xarajatlarining soliq-budjet siyosatidan kelib chiqqan holda hisoblangan oʻrta muddatli davr uchun prognozlarini;

kelgusi moliya yili uchun budjet tizimi budjetlari daromadlari prognozini va ular asosida kelgusi ikki yil uchun ishlab chiqilgan maqsadli moʻljallarni;

kelgusi moliya yili uchun budjet tizimi budjetlari xarajatlari prognozini va ular asosida kelgusi ikki yil uchun ishlab chiqilgan maqsadli moʻljallarni;

umumiy fiskal balans prognozlarini;

Davlat budjetining birlamchi profitsiti yoki birlamchi taqchilligi prognozlarini;

“yashil” budjetlashtirish va genderga yoʻnaltirilgan budjetlashtirish boʻyicha erishilgan natijalar va kelgusida amalga oshiriladigan islohotlar toʻgʻrisidagi tahliliy maʼlumotlarni;

fiskal tavakkalchiliklar tahlilini oʻz ichiga oladi.

16. Fiskal strategiya Iqtisodiyot va moliya vazirligi tomonidan Oʻzbekiston Respublikasi Soliq qoʻmitasi (bundan buyon matnda Soliq qoʻmitasi deb yuritiladi), Iqtisodiyot va moliya vazirligi huzuridagi Bojxona qoʻmitasi (bundan buyon matnda Bojxona qoʻmitasi deb yuritiladi), birinchi darajali budjet mablagʻlarini taqsimlovchilar, davlat maqsadli jamgʻarmalarini taqsimlovchi organlar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining maʼlumotlari asosida ishlab chiqiladi hamda tasdiqlash uchun Oʻzbekiston Respublikasi Vazirlar Mahkamasiga (bundan buyon matnda Vazirlar Mahkamasi deb yuritiladi) taqdim etiladi.

17. Kelgusi moliya yili va undan keyingi ikki yilda kutilayotgan Davlat budjeti, Oʻzbekiston Respublikasining respublika budjeti, Qoraqalpogʻiston Respublikasi respublika budjeti, viloyatlar viloyat budjetlari va Toshkent shahri shahar budjeti hamda tumanlar va shaharlar budjetlarining daromadlari tushumining dastlabki miqdorlari toʻgʻrisidagi prognoz koʻrsatkichlari:

tuman va shahar soliq inspeksiyalari tomonidan tegishli tuman va shahar hokimliklariga 10-aprelga qadar mazkur Qoidalarning 2, 2v va 2d-ilovalariga muvofiq;

tuman va shahar hokimliklari tomonidan tegishli Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga 20-aprelga qadar mazkur Qoidalarning 2, 2v va 2d-ilovalariga muvofiq;

Qoraqalpogʻiston Respublikasi, viloyatlar va Toshkent shahar soliq boshqarmalari tomonidan tegishli Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga 20-aprelga qadar mazkur Qoidalarning 2, 2v va 2d-ilovalariga muvofiq;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Iqtisodiyot va moliya vazirligiga 1-mayga qadar mazkur Qoidalarning 2, 2v va 2d-ilovalariga muvofiq;

amaldagi budjet-soliq siyosatidan kelib chiqqan holda Soliq qoʻmitasi, Bojxona qoʻmitasi hamda boshqa vazirliklar va idoralar tomonidan Iqtisodiyot va moliya vazirligiga 1-mayga qadar mazkur Qoidalarning 2 — 2j-ilovalarga muvofiq taqdim etiladi.

18. Iqtisodiyot va moliya vazirligi daromadlar tushumining dastlabki miqdorlari toʻgʻrisidagi prognoz koʻrsatkichlarini olgach Fiskal strategiyaga kiritish uchun Davlat budjeti daromadlari kontingenti koʻrsatkichlarini shakllantiradi.

19. Iqtisodiyot va moliya vazirligi tomonidan 15-aprelga qadar mazkur Qoidalarning 3-ilovasiga muvofiq shaklda asosiy makroiqtisodiy koʻrsatkichlarning oʻrta muddatli davr uchun dastlabki prognozlari ishlab chiqiladi.

Bunda, asosiy makroiqtisodiy koʻrsatkichlarning oʻrta muddatli davr uchun dastlabki prognozlari ikki yoki undan ortiq ssenariyda ishlab chiqiladi hamda quyidagi asosiy koʻrsatkichlarga eʼtibor qaratiladi:

yalpi ichki mahsulot (qiymati, tarkibi, real oʻsish surʼati, deflyatori);

sanoat mahsulotlari (qiymati, tarkibi, real oʻsish surʼati, deflyatori);

xizmatlar (qiymati, tarkibi, real oʻsish surʼati, deflyatori);

qishloq xoʻjaligi mahsulotlari (qiymati, mahsulotlar kesimidagi hajmi, real oʻsish surʼati, deflyatori);

qurilish ishlari (qiymati, tarkibi, real oʻsish surʼati, deflyatori);

inflyatsiya darajasi va boshqa makroiqtisodiy koʻrsatkichlar.

20. Iqtisodiyot va moliya vazirligi joriy moliya yilida tasdiqlangan miqdorlar asosida Fiskal strategiyaga kiritish uchun xarajatlar prognozini shakllantiradi.

21. Iqtisodiyot va moliya vazirligi Oʻzbekiston Respublikasining respublika budjeti hamda Qoraqalpogʻiston Respublikasi respublika budjeti, viloyatlar viloyat budjetlari va Toshkent shahri shahar budjeti boʻyicha xarajatlarni shakllantirishda kelgusi moliya yili va undan keyingi ikki yilda davlat dasturlari va qonunchilik hujjatlarida nazarda tutilgan tadbirlarni amalga oshirish uchun ularning qoʻshimcha mablagʻlarga talabi mavjudligini hamda joriy xarajatlardagi oʻzgarishlarini aniqlaydi va Fiskal strategiyani ishlab chiqishda inobatga oladi.

Bunda, oʻz faoliyati bilan bogʻliq davlat dasturlari va qonunchilik hujjatlarida nazarda tutilgan tadbirlarni amalga oshirish uchun qoʻshimcha mablagʻlarga boʻlgan talab hamda joriy xarajatlardagi oʻzgarishlar haqidagi maʼlumotlar mazkur Qoidalarning 4-ilovasiga muvofiq shaklda:

tumanlar va shaharlar budjetlaridan moliyalashtiriladigan budjet tashkilotlari tegishli tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchilarga 5-aprelga qadar;

Qoraqalpogʻiston Respublikasining respublika budjeti, viloyatlar viloyat budjeti va Toshkent shahri shahar budjetidan moliyalashtiriladigan budjet tashkilotlari tegishli Qoraqalpogʻiston Respublikasining respublika budjeti, viloyatlar viloyat budjeti va Toshkent shahri shahar budjetidan moliyalashtiriladigan hududiy budjet mablagʻlarini taqsimlovchilarga 5-aprelga qadar;

tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchilar tomonidan tegishli tumanlar va shaharlar iqtisodiyot va moliya boʻlimlariga 10-aprelga qadar;

Qoraqalpogʻiston Respublikasining respublika budjeti, viloyatlar viloyat budjeti va Toshkent shahri shahar budjetidan moliyalashtiriladigan hududiy budjet mablagʻlarini taqsimlovchilar tegishli Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalariga 10-aprelga qadar;

Oʻzbekiston Respublikasining respublika budjetidan moliyalashtiriladigan budjet tashkilotlari tomonidan tegishli birinchi darajali budjet mablagʻlari taqsimlovchilariga 10-aprelga qadar;

tumanlar va shaharlar iqtisodiyot va moliya boʻlimlari tomonidan tegishli Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalariga 20-aprelga qadar;

Oʻzbekiston Respublikasining respublika budjetidan moliyalashtiriladigan birinchi darajali budjet mablagʻlarini taqsimlovchilar i tomonidan Iqtisodiyot va moliya vazirligiga 20-aprelga qadar;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Iqtisodiyot va moliya vazirligiga 1-mayga qadar taqdim etiladi.

22. Mazkur Qoidalarning 4-ilovasidagi maʼlumotning:

“Dasturlar va tadbirlar” boʻlimida Oʻzbekiston Respublikasi Prezidenti va Vazirlar Mahkamasi tomonidan tasdiqlangan amaldagi dasturlar hamda tadbirlarni amalga oshirish uchun talab etiladigan qoʻshimcha mablagʻlar;

“Muddati tugagan dasturlar va tadbirlar” boʻlimida Oʻzbekiston Respublikasi Prezidenti va Vazirlar Mahkamasi tomonidan tasdiqlangan, joriy moliya yilida yakuniga yetadigan dasturlar va tadbirlarda nazarda tutilgan mablagʻlar;

“Joriy xarajatlardagi oʻzgarishlar” boʻlimida budjet tashkilotining asosiy faoliyat yoʻnalishidagi kontingentlarga doir oʻzgarishlar (masalan, Maktabgacha taʼlim tashkilotlarida tarbiyalanuvchilar sonining ortishi hisobiga talab etiladigan qoʻshimcha mablagʻlar) asosida talab etiladigan mablagʻlar aks ettiriladi.

23. “Joriy xarajatlardagi oʻzgarishlar” boʻlimi toʻldirilganda, budjet mablagʻlarini taqsimlovchilar va budjet tashkilotlarining joriy xarajatlaridagi sifat va miqdor koʻrsatkichlarining oʻzgarishiga doir maʼlumotlar mazkur Qoidalarning 5-ilovasiga muvofiq shaklda toʻldiriladi hamda mazkur Qoidalarning 4-ilovasidagi maʼlumotlar bilan birgalikda taqdim etiladi.

24. Oʻzbekiston Respublikasining respublika budjetidan moliyalashtiriladigan birinchi darajali budjet mablagʻlarini taqsimlovchilar tomonidan budjetdan tashqari jamgʻarmalarining daromadlari va xarajatlari prognozi 20-aprelga qadar Iqtisodiyot va moliya vazirligiga mazkur Qoidalarning 6-ilovasiga muvofiq shaklda taqdim etiladi.

25. Mazkur Qoidalarning 7-ilovasiga muvofiq shakldagi xarajatlarning daromadlardan oshgan qismini qoplash uchun talab etiladigan tartibga soluvchi budjetlararo transfert miqdorlari hamda tartibga soluvchi daromad boʻyicha takliflar:

tumanlar va shaharlar hokimliklari tomonidan tegishli Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga 20-aprelga qadar;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Iqtisodiyot va moliya vazirligiga 1-mayga qadar taqdim etiladi.

26. Davlat maqsadli jamgʻarmalarini taqsimlovchi organlar tomonidan navbatdagi yil va kelgusi ikki yil uchun davlat maqsadli jamgʻarmalarining daromadlar prognozlari va xarajatlarning dastlabki miqdorlari hamda Oʻzbekiston Respublikasining respublika budjetidan ajratiladigan budjetlararo transfertlarning dastlabki miqdorlari boʻyicha takliflarni mazkur Qoidalarning 8-ilovasiga muvofiq shaklda Iqtisodiyot va moliya vazirligiga 1-mayga qadar taqdim etiladi.

27. Davlat budjetidan qoplanadigan tashqi qarz hisobidan amalga oshiriladigan investitsiya loyihalari doirasida oʻzlashtirilgan (qarz beruvchining hisobraqamidan yechib olingan) mablagʻlar Oʻzbekiston Respublikasining konsolidatsiyalashgan budjeti xarajatlari tarkibida aks ettiriladi.

Bunda, Oʻzbekiston Respublikasi Iqtisodiyot va moliya vazirligining soʻroviga koʻra Davlat budjetidan qoplanadigan tashqi qarz jalb qilgan tegishli budjet tashkilotlari tomonidan mazkur Qoidalarning 9-ilovasiga muvofiq shakldagi tashqi qarz hisobidan amalga oshiriladigan investitsiya loyihalari doirasida oʻzlashtiriladigan (qarz beruvchining hisobraqamidan yechib olinadigan) mablagʻlar prognozlari haqidagi maʼlumotlar soʻrov yuborilgan kundan boshlab 3 ish kuni ichida taqdim etiladi.

Iqtisodiyot va moliya vazirligi tomonidan Davlat budjetidan qoplanadigan tashqi qarz hisobidan amalga oshiriladigan investitsiya loyihalari boʻyicha oʻzlashtiriladigan (qarz beruvchining hisobraqamidan yechib olinadigan) mablagʻlar prognozi umumlashtirilgan holda Fiskal strategiyada va Budjetnoma loyihalarida aks ettiriladi.

28. Iqtisodiyot va moliya vazirligi tomonidan oʻrta muddatli davr uchun makroiqtisodiy koʻrsatkichlarning dastlabki prognozlari, talab etiladigan qoʻshimcha mablagʻlar boʻyicha takliflar va joriy xarajatlardagi oʻzgarishlarning asosliligi hamda xarajatlarning Davlat budjetining kelgusi yil va undan keyingi ikki yilda kutilayotgan daromadlar tushumining dastlabki miqdorlari toʻgʻrisidagi prognoz koʻrsatkichlar bilan mutanosibligi oʻrganiladi.

29. Iqtisodiyot va moliya vazirligi oʻrganishlar natijasiga koʻra:

dastlabki daromadlar prognozidan kelib chiqib, birinchi darajali budjet mablagʻlarini taqsimlovchilar va budjet mablagʻlari oluvchilarga Oʻzbekiston Respublikasi respublika budjetidan ajratiladigan xarajatlarning cheklangan miqdorlari;

davlat maqsadli jamgʻarmalari hamda Qoraqalpogʻiston Respublikasi budjeti, viloyatlar va Toshkent shahar mahalliy budjetlariga ajratiladigan tartibga soluvchi budjetlararo transfertlarning cheklangan miqdorlari;

navbatdagi oʻrta muddatli davrdagi obyektlarni loyihalashtirish, qurish (rekonstruksiya qilish) va jihozlash uchun kapital qoʻyilmalarga Davlat budjetidan ajratiladigan xarajatlarning cheklangan miqdorlarini belgilaydi.

30. Kelgusi yil uchun yangilangan Fiskal strategiya:

Iqtisodiyot va moliya vazirligi tomonidan Vazirlar Mahkamasiga joriy yilning 1-iyuniga qadar kiritiladi;

Vazirlar Mahkamasida joriy yilning 15-iyuniga qadar muhokama qilinadi va tasdiqlanadi;

Vazirlar Mahkamasi tomonidan tasdiqlanganidan keyin Oʻzbekiston Respublikasi Oliy Majlisining palatalariga maʼlumot uchun kiritiladi va Iqtisodiyot va moliya vazirligi tomonidan oʻzining rasmiy veb-saytida eʼlon qilinadi.

3-bob. Budjet tizimi budjetlaridan ajratiladigan mablagʻlarning cheklangan miqdorlarini yetkazish va budjet soʻrovini taqdim etish

1-§. Davlat budjetini shakllantirishda budjetdan ajratiladigan budjet mablagʻlarining cheklangan miqdorlarini yetkazish

31. Fiskal strategiya Vazirlar Mahkamasi tomonidan tasdiqlanganidan keyin besh ish kuni ichida Iqtisodiyot va moliya vazirligi kelgusi moliya yili uchun:

birinchi darajali budjet mablagʻlarini taqsimlovchilarga, Oʻzbekiston Respublikasining respublika budjetidan moliyalashtiriladigan budjet tashkilotlariga va budjet mablagʻlari oluvchilarga, shuningdek Oʻzbekiston Respublikasi Prezidenti Administratsiyasi, Oʻzbekiston Respublikasi Oliy Majlisi Qonunchilik palatasi hamda Vazirlar Mahkamasi huzuridagi ikkinchi darajali budjet mablagʻlarini taqsimlovchilarga — Oʻzbekiston Respublikasining respublika budjetidan ajratiladigan budjet mablagʻlarining cheklangan miqdorlarini, shuningdek obyektlarni loyihalashtirish, qurish (rekonstruksiya qilish) va jihozlash uchun kapital qoʻyilmalar boʻyicha xarajatlarning cheklangan miqdorlarini mazkur Qoidalarning 10-ilovasiga;

davlat maqsadli jamgʻarmalarini taqsimlovchi organlarga — Oʻzbekiston Respublikasining respublika budjetidan davlat maqsadli jamgʻarmalariga ajratiladigan transfertlarning cheklangan miqdorlarini mazkur Qoidalarning 11-ilovasiga;

Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga — Oʻzbekiston Respublikasining respublika budjetidan Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga ajratiladigan budjetlararo transfertlarning cheklangan miqdorlarini, shuningdek obyektlarni loyihalashtirish, qurish (rekonstruksiya qilish) va jihozlash uchun kapital qoʻyilmalar boʻyicha xarajatlarning cheklangan miqdorlarini mazkur Qoidalarning 12-ilovasiga muvofiq shaklda yetkazadi.

32. Oʻzbekiston Respublikasining respublika budjetidan ajratiladigan mablagʻlarning cheklangan miqdorlari yetkazilgan kundan boshlab uch ish kuni ichida birinchi darajali budjet mablagʻlarini taqsimlovchilar oʻz tasarrufidagi ikkinchi darajali budjet mablagʻlarini taqsimlovchilar va budjet tashkilotlariga budjetdan ajratiladigan mablagʻlarning cheklangan miqdorlarini yetkazadi.

2-§. Mahalliy budjetlarni shakllantirishda budjetdan ajratiladigan budjet mablagʻlarining cheklangan miqdorlarini yetkazish

33. Iqtisodiyot va moliya vazirligi tomonidan taqdim etilgan kelgusi moliya yili uchun Oʻzbekiston Respublikasining respublika budjetidan ajratiladigan budjetlararo transfertlarning cheklangan miqdorlari asosida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari besh ish kuni ichida:

Qoraqalpogʻiston Respublikasi respublika budjetidan, viloyatlar viloyat budjetidan va Toshkent shahri shahar budjetidan moliyalashtiriladigan hududiy budjet mablagʻlarini taqsimlovchilarga ajratiladigan budjet mablagʻlarining cheklangan miqdorlarini;

tumanlar va shaharlar budjetlariga ajratiladigan tartibga soluvchi budjetlararo transfertlarning cheklangan miqdorlarini;

budjet soʻrovlarini tuzish hamda ularni taqdim etish muddatlarini belgilash toʻgʻrisida qarorlar qabul qiladi.

34. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan budjet mablagʻlarining cheklangan miqdorlari va budjet soʻrovlarini tuzish hamda ularni taqdim etish muddatlarini belgilash haqida qaror qabul qilinganidan keyin bir ish kunida Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari:

tumanlar va shaharlar hokimliklariga Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan ajratiladigan tartibga soluvchi budjetlararo transfertlarning cheklangan miqdorlarini;

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan moliyalashtiriladigan hududiy budjet mablagʻlarini taqsimlovchilarga — kelgusi moliya yili uchun ajratiladigan budjet mablagʻlarining cheklangan miqdorlarini yetkazadi.

35. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarning tegishli qarorlariga asosan tumanlar va shaharlar hokimliklari uch ish kuni ichida tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchilariga ajratiladigan kelgusi yil uchun budjet mablagʻlarining cheklangan miqdorlarini hamda budjet soʻrovlarini tuzish va ularni taqdim etish muddatlarini belgilash toʻgʻrisida qarorlar qabul qiladi.

36. Tumanlar va shaharlar iqtisodiyot va moliya boʻlimlari tegishli budjetlarning budjet soʻrovlarini tuzish va ularni taqdim etish muddatlarini belgilash haqidagi qarorlarni olganidan keyin bir kun ichida kelgusi moliya yili uchun ajratiladigan budjet mablagʻlarining cheklangan miqdorlarini tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchilarga yetkazadi.

4-bob. Budjet soʻrovini tuzish tartibi

1-§. Umumiy qoidalar

37. Budjet soʻrovi oʻrta muddatli davr uchun budjetdan ajratiladigan mablagʻlarni olishga boʻlgan ehtiyojni asoslashni nazarda tutuvchi hujjat hisoblanib, uni tuzish va taqdim etish dasturiy majmua orqali amalga oshiriladi.

38. Budjet soʻrovi:

budjet tashkilotining, budjet mablagʻlari oluvchining va budjet mablagʻlarini taqsimlovchining budjet tizimi budjetlari mablagʻlaridan foydalanish bilan bogʻliq faoliyatining miqdor va sifat koʻrsatkichlarini oʻz ichiga oluvchi, oʻtgan yilda erishilgan natijalar va joriy yilda kutilayotgan natijalar toʻgʻrisidagi tahliliy hisobotni (bundan buyon matnda tahliliy hisobot deb yuritiladi);

xarajat majburiyatlarining ularni kiritish (ijro etish) uchun asos boʻladigan hamda moliyalashtirish manbalari va amal qilish muddatlarini belgilaydigan normativ-huquqiy hujjatlar, shartnomalar va (yoki) ularning alohida qoidalari koʻrsatilgan reyestrini (bundan buyon matnda xarajatlar majburiyatlarining reyestri deb yuritiladi);

budjet mablagʻlarini taqsimlovchining rivojlantirish dasturini (bundan buyon matnda rivojlantirish dasturi deb yuritiladi);

rivojlantirish dasturi bilan uzviy bogʻliq holda tuzilgan kelgusi davr uchun budjet buyurtmasini oʻz ichiga oladi.

39. Budjet soʻroviga:

Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan dasturlar va tadbirlarni amalga oshirish uchun xarajatlar miqdorlari;

yangi tashkil etilgan tashkilotlar tomonidan kelgusi davr uchun budjet buyurtmalari;

budjet tashkilotlarining budjetdan tashqari jamgʻarmalari tushumlari va xarajatlari;

budjetdan ajratiladigan mablagʻlarning cheklangan miqdorlaridan ortgan qismi uchun budjet soʻrovlarini ilova qilinadi.

40. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari budjet soʻrovi bilan birga tegishli budjetlar daromadlarining kelgusi davr uchun prognozlarini Iqtisodiyot va moliya vazirligiga taqdim etadi.

2-§. Tahliliy hisobotni tuzish

41. Tahliliy hisobot budjet tashkilotlari, budjet mablagʻlari oluvchilar va budjet mablagʻlarini taqsimlovchilar tomonidan mazkur Qoidalarning 13-ilovasiga muvofiq shaklda tuziladi hamda budjet tashkiloti, budjet mablagʻlari oluvchi va budjet mablagʻlarini taqsimlovchining faoliyatini baholash, bundan buyon uni budjet tizimi budjetlarining mablagʻlari hisobidan moliyalashtirishning maqsadga muvofiqligi haqida takliflar tayyorlash uchun foydalaniladi.

42. Tahliliy hisobotda budjet tashkilotlari, budjet mablagʻlari oluvchilar va budjet mablagʻlarini taqsimlovchilar tomonidan har bir faoliyat turi boʻyicha oʻtgan yillarda erishilgan va joriy yilda kutilayotgan natijalarning asosiy koʻrsatkichlari haqidagi hamda ularning gender boʻyicha ajratilgan maʼlumotlari aks ettiriladi.

43. Tahliliy hisobot qisqa va aniq shaklda bayon etilishi hamda u mazkur faoliyat sohasida kasbiy bilimlarga ega boʻlmagan shaxslarning uni tushunishini qiyinlashtiradigan maxsus atamalarni oʻz ichiga olmasligi kerak.

44. Tahliliy hisobotda keltiriladigan maʼlumotlar Budjet tasnifini qoʻllash boʻyicha yoʻriqnomadagi (roʻyxat raqami 2146, 2010-yil 11-oktabr) (bundan buyon matnda Budjet tasnifi deb yuritiladi) xarajatlar tasnifining vazifa jihatdan tasnifi boʻyicha toʻldiriladi.

45. Tahliliy hisobotning tarmoq koʻrsatkichlari budjet tashkilotlari, budjet mablagʻlari oluvchilar va budjet mablagʻlarini taqsimlovchilar faoliyatining asosiy natijalarini muayyan oʻlchov birliklarida (xizmat koʻrsatilgan kontingent soni, bajarilgan ishlarning miqdori yoki hajmi va boshqalar) aks ettirishi lozim.

3-§. Xarajat majburiyatlarining reyestrini tuzish

46. Xarajat majburiyatlarining reyestri budjet tashkiloti, budjet mablagʻlari oluvchi va budjet mablagʻlarini taqsimlovchi tomonidan amalga oshiriladigan faoliyat turlari va tadbirlarning budjet tizimi budjetlarining mablagʻlari hisobidan uni moliyalashtirish uchun asos boʻlgan tegishli qonunchilik hujjati koʻrsatilgan roʻyxatidir.

47. Xarajat majburiyatlarining reyestri budjet tashkiloti, budjet mablagʻlari oluvchi va budjet mablagʻlarini taqsimlovchi tomonidan oʻzlari amalga oshirayotgan xarajatlarni asoslanganligi nuqtai nazaridan tahlil qilish uchun budjet tasnifiga muvofiq tuziladi.

48. Xarajat majburiyatlarining reyestri budjet mablagʻlarini taqsimlovchilar, budjet mablagʻlari oluvchilar va budjet tashkilotlari tomonidan kelgusi moliya yili va undan keyingi ikki yil uchun mazkur Qoidalarning 14-ilovasiga muvofiq shaklda:

“Faoliyat/tadbirlar turlari” ustunida budjet tashkilotlari, budjet mablagʻlari oluvchilar va budjet mablagʻlarini taqsimlovchilar tomonidan amalga oshiriladigan asosiy faoliyat turlari;

“Meʼyoriy-huquqiy hujjat” ustunida budjet tashkilotlari, budjet mablagʻlari oluvchilar va budjet mablagʻlarini taqsimlovchilar tomonidan olib borilayotgan faoliyat yoki alohida maqsadli tadbir turlarining huquqiy asoslari, yaʼni xarajatlarni moliyalashtirish uchun asos boʻladigan meʼyoriy-huquqiy hujjatning shakli, qabul qilingan sanasi, raqami, nomi, kuchga kirish sanasi va amal qilish muddati;

“Budjet tasnifi boʻyicha xarajatlar kodlari” ustunida budjet tashkilotlari, budjet mablagʻlari oluvchilar va budjet mablagʻlarini taqsimlovchilarni qaysi manbalar hamda qaysi budjet darajasidan ajratilishi (respublika yoki mahalliy budjet), shuningdek ularning asosiy faoliyat turidan kelib chiqqan holda Budjet tasnifining xarajatlar tasnifi vazifa jihatdan tasnifi boʻyicha tegishli kodlari;

“Xarajat majburiyatlari ijrosi uchun budjet ajratmalari hajmi” ustunida budjet xarajatlarining oʻtgan yilgi ijrosi, joriy yil uchun tasdiqlangan reja va kutilayotgan ijrosi hamda kelgusi va undan keyingi ikki yil uchun rejalashtirilayotgan prognoz koʻrsatkichlari aks ettiriladi.

Bunda, xarajat majburiyatlarining reyestrining 14, 15 va 16-ustunlaridagi koʻrsatkichlar tegishli ravishda mazkur Qoidalarning 16-ilovasi 9, 14 va 19-ustunlaridagi koʻrsatkichlarga teng boʻlishi lozim.

4-§. Rivojlantirish dasturini tuzish

49. Rivojlantirish dasturi budjet mablagʻlarini taqsimlovchi tomonidan mazkur Qoidalarning 15-ilovasiga muvofiq shaklda uch yildan kam boʻlmagan davr uchun tuziladi va quyidagilarni oʻz ichiga oladi:

budjet mablagʻlarini taqsimlovchi faoliyatining barcha sohalari boʻyicha rivojlanishning asosiy yoʻnalishlari, maqsadlari va vazifalarini, shuningdek, sifat va miqdor, shu jumladan, ayollar va erkaklarga teng imkoniyatlar yaratish hamda ekologiya va atrof-muhitni muhofaza qilish maqsadlarini inobatga olgan koʻrsatkichlarini;

maqsadlarga erishish va vazifalarni bajarishga qaratilgan oʻzaro bogʻliq huquqiy, iqtisodiy, ijtimoiy, tashkiliy va texnik tadbirlar majmuini;

maqsadlarga erishish va vazifalarni bajarishni taʼminlaydigan, muddatlari va turlari boʻyicha kelishilgan kutilayotgan natijalar koʻrsatkichlari tizimini.

50. Rivojlantirish dasturi Oʻzbekiston Respublikasining qonunlari, Oʻzbekiston Respublikasi Prezidenti, Oʻzbekiston Respublikasi Oliy Majlisi palatalari va Vazirlar Mahkamasi qarorlari bilan belgilangan maqsad va vazifalarga asoslanadi.

51. Rivojlantirish dasturi quyidagicha:

“Rivojlantirish dasturining nomi” qatorida — rivojlantirish dasturining hamda ushbu dastur boʻyicha mablagʻ ajratishga asos boʻlgan normativ-huquqiy hujjatning nomi, mablagʻning oʻlchov birligi, kelgusi yil uchun budjet prognozi va undan keyingi ikki yil uchun budjet moʻljallari;

“Dasturning maqsadi” qatorida — rivojlantirish dasturini amalga oshirish orqali erishilishi lozim boʻlgan asosiy maqsad, yaʼni kutilgan natija va ijtimoiy-iqtisodiy samara;

“Yakuniy natija koʻrsatkichi” qatorida — budjet mablagʻlarini taqsimlovchilarning tegishli sohada erishiladigan natijalarini aks ettiruvchi sifat va miqdor koʻrsatkichlari, shuningdek ularning oʻlchov birligi hamda kelgusi yil uchun budjet prognozi va undan keyingi ikki yil uchun budjet moʻljallari;

“Bevosita (toʻgʻridan-toʻgʻri) natija koʻrsatkichi” qatorida — budjet mablagʻlarini taqsimlovchilar tomonidan bajarilgan ishlar, koʻrsatilgan xizmatlar va sotib olingan tovarlar hajmini tavsiflovchi miqdor koʻrsatkichlari, shuningdek ularning oʻlchov birligi hamda kelgusi yil uchun budjet prognozi va undan keyingi ikki yil uchun budjet moʻljallari aks ettiriladi.

52. Rivojlantirish dasturi budjet mablagʻlarini taqsimlovchi tomonidan yuqori turuvchi organ bilan kelishilgan holda tasdiqlanadi.

5-§. Budjet buyurtmasini tuzish

53. Budjet buyurtmasi budjet tashkiloti, budjet mablagʻlari oluvchi va budjet mablagʻlarini taqsimlovchi tomonidan mazkur Qoidalarning 16-ilovasiga muvofiq shaklda tuziladi.

54. Budjet buyurtmasida oʻtgan va joriy yillar uchun hamda kelgusi uch yil uchun budjet tizimi budjetlarining mablagʻlari hisobidan amalga oshiriladigan xarajatlar Budjet tasnifiga muvofiq aks ettiriladi.

55. Budjet tashkiloti yoxud budjet mablagʻlari oluvchi tomonidan tuzilgan budjet buyurtmasi tegishli budjet mablagʻlarini taqsimlovchiga budjet mablagʻlarini taqsimlovchi tomonidan belgilangan muddatda, biroq tegishli iqtisodiyot va moliya organi va davlat maqsadli jamgʻarmasini taqsimlovchi organga budjet soʻrovini taqdim etish muddatidan kechiktirmasdan taqdim etiladi.

56. Budjet mablagʻlarini taqsimlovchi oʻz tasarrufidagi budjet tashkilotlari va budjet mablagʻlari oluvchilarning budjet buyurtmalari asosida jamlanma budjet buyurtmasini mazkur Qoidalarning 17-ilovasiga muvofiq shaklda tuzadi.

Bunda, budjet mablagʻlarini taqsimlovchining jamlanma budjet buyurtmasi budjet mablagʻlarini taqsimlovchining rivojlantirish dasturi bilan uzviy bogʻliq holda tuziladi.

57. Budjet buyurtmasida xarajatlar hajmlarini oʻtgan yillarga nisbatan koʻpaytirishga faqat asoslovchi qonun hujjati boʻlgan taqdirda va mazkur koʻpaytirish budjet mablagʻlarini taqsimlovchining rivojlantirish dasturida nazarda tutilgan hollarda yoʻl qoʻyiladi.

Bunda, xarajatlar hajmlarini oʻtgan yillarga nisbatan koʻpaytirish mazkur Qoidalarning 18-ilovasiga muvofiq shaklda aks ettiriladi.

58. Budjet buyurtmasidagi xarajatlarning miqdori Iqtisodiyot va moliya vazirligi tomonidan taqdim etilgan budjet mablagʻlarining cheklangan miqdoridan oshgan taqdirda, Iqtisodiyot va moliya vazirligiga asoslantiruvchi hisob-kitoblar taqdim etiladi.

6-§. Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan dasturlar va tadbirlarni amalga oshirish uchun xarajatlar

59. Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan dastur va tadbirlarni amalga oshirish uchun xarajatlar mazkur Qoidalarning 19-ilovasiga muvofiq shaklda aks ettiriladi.

Bunda, budjetdan ajratilgan mablagʻlarning cheklangan miqdorlari doirasida ijrosi taʼminlangan dasturlarning mablagʻlari chiqarib tashlanishi, bir yil muddatga qabul qilingan dastur va tadbirlar hisobga olinishi, shuningdek faoliyat natijalarining prognozi (tarmoq, shtat va kontingentlarni oʻzgarishi) inobatga olinishi lozim.

7-§. Yangi tashkil etilgan tashkilotlarni kelgusi davr uchun budjet buyurtmasini tuzish

60. Oʻzbekiston Respublikasi Prezidenti va Vazirlar Mahkamasining qarorlari asosida yangi tashkil etilgan tashkilotlarga kelgusi davr uchun budjet buyurtmasi mazkur Qoidalarning 20-ilovasiga muvofiq shaklda tuziladi.

61. Yangi tashkil etilgan tashkilotlarga kelgusi davr uchun budjet buyurtmasining:

“Budjetdan mablagʻ ajratish uchun asos” ustunida yangi tashkil etilgan tashkilotlar uchun asos hisoblangan qaror raqami va nomi, qabul qilingan sanasi, qaror qabul qilgan organ nomi, dastur va tadbirlar nomi;

“Boʻlim”, “Kichik boʻlim”, “Bob” va “Xarajatlar iqtisodiy tasnifining kodlari” ustunlarida yangi tashkil etilgan tashkilotlar uchun Budjet tasnifining tegishli kodlari;

“_____ yil kutilayotgan kassa xarajati” ustunining “joriy yil uchun” ustunida yangi tashkil etilgan tashkilotni ochilgan sanasidan moliya yili yakuniga qadar talab etiladigan mablagʻ, “jami bir yillik” ustunida esa bir yil uchun talab etiladigan mablagʻ miqdori;

“____-____ yillar uchun xarajatlar loyihasi” ustunida “_____ yil kutilayotgan kassa xarajati” ustunining “jami bir yillik” ustunidagi koʻrsatkichlardan kelib chiqib kelgusi yillar xarajatlar aks ettiriladi.

8-§. Budjet tashkilotlarining budjetdan tashqari jamgʻarmalarining daromadlari va xarajatlari boʻyicha budjet soʻrovlari

62. Budjet tashkilotlarining budjetdan tashqari jamgʻarmalarining daromadlari va xarajatlari boʻyicha budjet soʻrovlari kelgusi moliya yili hamda undan keyingi ikki yil uchun mazkur Qoidalarning 21-ilovasiga muvofiq shaklda tuziladi.

63. Budjet tashkilotlarining budjetdan tashqari jamgʻarmalari daromadlari asosiy faoliyatdan, kreditlar, qarzlar, grantlar va qonunchilikda taqiqlanmagan boshqa budjetdan tashqari daromadlardan joriy oʻtgan yili uchun haqiqiy tushumlar, joriy moliya yili va rejalashtirilayotgan davr uchun prognoz tushumlardan kelib chiqqan holda shakllantiriladi.

Budjet tashkilotlarining budjetdan tashqari jamgʻarmalari xarajatlari Budjet tasnifining xarajatlar iqtisodiy tegishli kodlari bilan oʻtgan yilda amalga oshirilgan kassa xarajati, joriy yil tasdiqlangan rejasi, kutilayotgan kassa xarajati hamda kelgusi yil va undan keyingi ikki yil uchun kutilayotgan xarajatlardan kelib chiqqan holda shakllantiriladi.

9-§. Davlat maqsadli jamgʻarmalarining daromadlari va xarajatlari boʻyicha budjet soʻrovi

64. Davlat maqsadli jamgʻarmalarining navbatdagi moliya yili va kelgusi ikki yil uchun daromadlari va xarajatlari boʻyicha budjet soʻrovi mazkur Qoidalarning 22-ilovasiga muvofiq shaklda tuziladi.

Davlat maqsadli jamgʻarmalari zimmasiga yuklatilgan vazifalar, funksiyalar va majburiyatlardan kelib chiqqan holda oʻz budjetlariga kelib tushadigan soliqlar, yigʻimlar va davlat bojlari, shuningdek soliq boʻlmagan toʻlovlar boʻyicha tushumlar, xarajatlarning turlari, moliya yili boshi va oxiriga qoldiqlar boʻyicha maʼlumotlarni budjet soʻrovida aks ettiradi.

Bunda, davlat maqsadli jamgʻarmalari respublika budjetidan ajratiladigan transfertlarning cheklangan miqdorlari doirasida budjet soʻrovlarini shakllantirilishi lozim.

65. Davlat maqsadli jamgʻarmalarining navbatdagi moliya yili va kelgusi ikki yil uchun budjet soʻrovlariga tushuntirish xati ilova qilinadi. Tushuntirish xatida davlat maqsadli jamgʻarmalari faoliyati samaradorligining asosiy koʻrsatkichlari, ularga ajratiladigan budjetlararo transfertlardan kutilayotgan natija va davlat maqsadli jamgʻarmalari budjetlarining prognoz koʻrsatkichlari boʻyicha izohlar keltiriladi.

10-§. Budjet soʻrovlarini koʻrib chiqish tartibi va taqdim etish muddatlari

66. Budjet soʻrovlarini koʻrib chiqish:

tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchilar boʻyicha — tumanlar va shaharlar iqtisodiyot va moliya boʻlimlari tomonidan;

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan moliyalashtiriladigan hududiy budjet mablagʻlarini taqsimlovchilar, shuningdek tumanlar va shaharlar budjetlari loyihalari boʻyicha — Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan;

birinchi darajali budjet mablagʻlarini taqsimlovchilar tasarrufidagi budjet tashkilotlari va budjet mablagʻlari oluvchilar boʻyicha, shuningdek Oʻzbekiston Respublikasining respublika budjetidan moliyalashtiriladigan ikkinchi darajali budjet mablagʻlarini taqsimlovchilar boʻyicha — tegishli birinchi darajali budjet mablagʻlarini taqsimlovchilar tomonidan (bundan mazkur Qoidalarning 67-bandida belgilangan ikkinchi darajali budjet mablagʻlarini taqsimlovchilar mustasno);

Qoraqalpogʻiston Respublikasining respublika budjeti, viloyatlarning viloyat budjetlari va Toshkent shahrining shahar budjeti, shuningdek birinchi darajali budjet mablagʻlarini taqsimlovchilarining obyektlarni loyihalashtirish, qurish (rekonstruksiya qilish) va jihozlash uchun kapital qoʻyilmalari hamda birinchi darajali budjet mablagʻlarini taqsimlovchilar, Qoraqalpogʻiston Respublikasi budjeti, viloyatlar va Toshkent shahar mahalliy budjetlari loyihalari, shuningdek Oʻzbekiston Respublikasi Tiklanish va taraqqiyot jamgʻarmasi hamda davlat maqsadli jamgʻarmalari budjetlarining loyihalari boʻyicha — Iqtisodiyot va moliya vazirligi tomonidan amalga oshiriladi.

Bunda Iqtisodiyot va moliya vazirligining masʼul tarkibiy tuzilmalari tegishli sohalar boʻyicha budjet mablagʻlariga talabning muhimlilik darajasiga koʻra ketma-ketligining toʻgʻri qoʻyilganligi hamda iqtisod qilinishi mumkin boʻlgan mablagʻlar yuzasidan tahlillarni amalga oshiradi.

Budjet soʻrovlarini koʻrib chiqish jarayonida Iqtisodiyot va moliya vazirligining masʼul tarkibiy tuzilmalari budjet soʻrovlari olinganidan keyin bir oy muddatda quyidagilarga Iqtisodiyot va moliya vazirligining bildirishnomalarini yuboradi:

birinchi darajali budjet mablagʻlarini taqsimlovchilarga va davlat maqsadli jamgʻarmalarini taqsimlovchi organlarga — kelgusi moliya yili uchun ajratiladigan budjet mablagʻlarining cheklangan miqdorlariga kiritilgan oʻzgartirishlar, amalga oshirish uchun asoslar mavjud boʻlmagan, ijtimoiy-iqtisodiy samaradorligi past boʻlgan, budjet daromadlarining tegishli oʻsishi bilan taʼminlanmagan xarajatlarni kamaytirish toʻgʻrisida, shuningdek budjet tashkilotlari va budjet mablagʻlarini oluvchilar faoliyatining samaradorligi koʻrsatkichlari pasaygan hollarda xarajatlarni maqbullashtirish haqida;

Qoraqalpogʻiston Respublikasi Vazirlar Kengashiga, viloyatlar, Toshkent shahar hokimliklariga va davlat maqsadli jamgʻarmalarini taqsimlovchi organlarga — tegishli budjetlarning va davlat maqsadli jamgʻarmalari budjetlarining daromadlari hamda xarajatlarining prognozlari asossiz ravishda pasaytirilgan yoki oshirilgan hollarda mazkur prognozlarga tuzatish kiritish haqida, shuningdek budjetlararo transfertlarning cheklangan miqdorlari toʻgʻrisida.

Bunda birinchi darajali budjet mablagʻlarini taqsimlovchilar, Qoraqalpogʻiston Respublikasi Vazirlar Kengashi, viloyatlar, Toshkent shahar hokimliklari va davlat maqsadli jamgʻarmalarini taqsimlovchi organlar Oʻzbekiston Respublikasi Iqtisodiyot va moliya vazirligining yozma bildirishlarini olganidan keyin uch ish kuni ichida mazkur yozma bildirishlarda koʻrsatilgan fikr-mulohazalarni hisobga olgan holda yangilangan budjet soʻrovlarini taqdim etishi shart.

67. Iqtisodiyot va moliya vazirligi Oʻzbekiston Respublikasi Prezidenti Administratsiyasi, Oʻzbekiston Respublikasi Oliy Majlisi Qonunchilik palatasi va Vazirlar Mahkamasi huzuridagi ikkinchi darajali budjet mablagʻlarini taqsimlovchilar boʻyicha budjet soʻrovlarini koʻrib chiqadi.

68. Kelgusi yil uchun budjet soʻrovlari joriy yilning 1-avgustiga qadar:

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan, tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchilar tomonidan tegishli iqtisodiyot va moliya organlariga;

birinchi darajali budjet mablagʻlarini taqsimlovchilar, shuningdek davlat maqsadli jamgʻarmalarini taqsimlovchi organlar tomonidan — Iqtisodiyot va moliya vazirligiga taqdim etiladi.

69. Joriy yilning 15-avgustiga qadar Iqtisodiyot va moliya vazirligi tomonidan oʻrta muddatli davr uchun makroiqtisodiy koʻrsatkichlarning aniqlashtirilgan prognozlari ishlab chiqiladi.

70. Joriy yilning 20-avgustiga qadar Soliq qoʻmitasi hamda Iqtisodiyot va moliya vazirligi huzuridagi Bojxona qoʻmitasi, boshqa vazirliklar va idoralar davlat budjeti daromadlarining prognozi boʻyicha (choraklik, daromad manbalari hamda hududlar kesimida) hamda davlat maqsadli jamgʻarmalari daromadlarining choraklik prognozi boʻyicha takliflarni Iqtisodiyot va moliya vazirligiga taqdim etadi.

Iqtisodiyot va moliya vazirligi Davlat budjeti daromadlari prognozining choraklar va hududlar kesimidagi taqsimot loyihasini ishlab chiqadi hamda qonunchilikda belgilangan tartibda Oʻzbekiston Respublikasi Vazirlar Mahkamasiga kiritadi.

Davlat budjeti daromadlari prognozining choraklar va hududlar kesimidagi taqsimoti Oʻzbekiston Respublikasi Prezidenti hujjatlari bilan tasdiqlanadi.

71. Iqtisodiyot va moliya vazirligi tomonidan joriy yilning 25-avgustiga qadar Davlat budjeti va davlat maqsadli jamgʻarmalari daromadlari va xarajatlari prognozlari koʻrib chiqiladi.

72. Iqtisodiyot va moliya vazirligi Davlat budjeti va davlat maqsadli jamgʻarmalari daromadlarining prognozi boʻyicha takliflar taqdim etilgan kundan boshlab besh ish kuni ichida Davlat budjeti va davlat maqsadli jamgʻarmalari daromadlarining navbatdagi moliya yili uchun yangilangan prognozini tayyorlaydi.

73. Iqtisodiyot va moliya vazirligi kelgusidagi oʻrta muddatli davr uchun makroiqtisodiy koʻrsatkichlarning aniqlashtirilgan prognozlaridan kelib chiqqan holda Davlat budjeti va davlat maqsadli jamgʻarmalari daromadlarining yangilangan prognozi boʻyicha tayyorlangan takliflar asosida quyidagilarga:

birinchi darajali budjet mablagʻlarini taqsimlovchilarga kelgusi moliya yili uchun ajratiladigan budjet mablagʻlarining cheklangan miqdorlariga;

Qoraqalpogʻiston Respublikasi budjetining, viloyatlar va Toshkent shahar mahalliy budjetlarining, shuningdek birinchi darajali budjet mablagʻlarini taqsimlovchilarning kelgusi moliya yili uchun obyektlarni loyihalashtirish, qurish (rekonstruksiya qilish) va jihozlash uchun kapital qoʻyilmalar boʻyicha xarajatlarining cheklangan miqdorlariga;

Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga kelgusi moliya yili uchun Oʻzbekiston Respublikasining respublika budjetidan ajratiladigan budjetlararo transfertlarning cheklangan miqdorlariga;

Davlat maqsadli jamgʻarmalariga kelgusi moliya yili uchun Oʻzbekiston Respublikasining respublika budjetidan ajratiladigan budjetlararo transfertlarning cheklangan miqdorlariga oʻzgartirishlar kiritadi.

74. Budjet soʻrovlarini koʻrib chiqish jarayonida Iqtisodiyot va moliya vazirligi budjet soʻrovlari olinganidan keyin bir oy muddatda quyidagilarga bildirishnomalar yuboradi:

birinchi darajali budjet mablagʻlarini taqsimlovchilarga va davlat maqsadli jamgʻarmalarini taqsimlovchi organlarga — kelgusi moliya yili uchun ajratiladigan budjet mablagʻlarining cheklangan miqdorlariga kiritilgan oʻzgartirishlar, amalga oshirish uchun asoslar mavjud boʻlmagan, ijtimoiy-iqtisodiy samaradorligi past boʻlgan, budjet daromadlarining tegishli oʻsishi bilan taʼminlanmagan xarajatlarni kamaytirish toʻgʻrisida, shuningdek budjet tashkilotlari va budjet mablagʻlari oluvchilar faoliyatining samaradorligi koʻrsatkichlari pasaygan hollarda xarajatlarni maqbullashtirish haqida;

Qoraqalpogʻiston Respublikasi Vazirlar Kengashiga, viloyatlar, Toshkent shahar hokimliklariga va davlat maqsadli jamgʻarmalarini taqsimlovchi organlarga — tegishli budjetlarning va davlat maqsadli jamgʻarmalari budjetlarining daromadlari hamda xarajatlarining prognozlari asossiz ravishda pasaytirilgan yoki oshirilgan hollarda mazkur prognozlarga tuzatish kiritish haqida, shuningdek budjetlararo transfertlarning cheklangan miqdorlari toʻgʻrisida.

Bunda birinchi darajali budjet mablagʻlarini taqsimlovchilar, Qoraqalpogʻiston Respublikasi Vazirlar Kengashi, viloyatlar, Toshkent shahar hokimliklari va davlat maqsadli jamgʻarmalarini taqsimlovchi organlar Iqtisodiyot va moliya vazirligining yozma bildirishnomalarini olganidan keyin uch ish kuni ichida mazkur yozma bildirishnomalarda koʻrsatilgan fikr-mulohazalarni hisobga olgan holda yangilangan budjet soʻrovlarini taqdim etishi shart.

5-bob. Davlat budjeti toʻgʻrisidagi qonun loyihasini ishlab chiqish va kiritish

1-§. Davlat budjeti toʻgʻrisidagi qonun loyihasini ishlab chiqish

75. Davlat budjeti toʻgʻrisidagi qonun loyihasini ishlab chiqish Budjet kodeksi, mazkur Qoidalar hamda amaldagi qonunchilik hujjatlaridan muvofiq amalga oshiriladi.

76. Davlat budjetining loyihasi Iqtisodiyot va moliya vazirligi tomonidan:

makroiqtisodiy koʻrsatkichlar prognozi;

daromadlarning tashkil topish manbalari boʻyicha Davlat budjeti daromadlari prognozi;

birinchi darajali budjet mablagʻlarini taqsimlovchilarning budjet soʻrovlari va Oʻzbekiston Respublikasining respublika budjeti hisobidan ayrim tadbirlar uchun xarajatlar hajmining prognozi;

Qoraqalpogʻiston Respublikasi budjeti, viloyatlar va Toshkent shahar mahalliy budjetlari loyihalari asosida ishlab chiqiladi.

77. Davlat budjetining loyihasida xarajatlar daromadlarning prognoz qilinayotgan hajmidan kelib chiqib Davlat budjeti taqchilligining cheklangan miqdori hisobga olingan, uni qoplash manbalari belgilangan holda nazarda tutiladi.

78. Davlat budjetining loyihasi:

Budjet kodeksining 50 va 69-moddalariga muvofiq Davlat budjetining daromadlar manbalari boʻyicha daromadlari va yoʻnalishlar boʻyicha xarajatlari prognozidan;

Davlat budjeti taqchilligining eng yuqori miqdori va uni qoplash manbalaridan tarkib topadi.

79. Budjetnoma — erishilgan natijalar hisobga olingan holda mamlakatni kelgusi davrda ijtimoiy-iqtisodiy rivojlantirishning asosiy yoʻnalishlarini nazarda tutuvchi hujjat boʻlib, ushbu yoʻnalishlar asosida Davlat budjeti toʻgʻrisidagi qonun loyihasi ishlab chiqiladi.

80. Budjetnoma quyidagilarni oʻz ichiga oladi:

Oʻzbekiston Respublikasi konsolidatsiyalashgan budjetining loyihasini ishlab chiqishda foydalanilgan asosiy makroiqtisodiy koʻrsatkichlarning oʻrta muddatli davr uchun prognozini;

Oʻzbekiston Respublikasi konsolidatsiyalashgan budjetining joriy yildagi ijrosining prognoz bahosini;

yangilangan Fiskal strategiyani;

prognoz yil uchun Davlat budjetining va davlat maqsadli jamgʻarmalari budjetlarining, Oʻzbekiston Respublikasi Tiklanish va taraqqiyot jamgʻarmasi daromadlari hamda xarajatlarining loyihasini va kelgusi ikki yil uchun budjet moʻljallarini;

sohalar boʻyicha rivojlanishning asosiy yoʻnalishlari, maqsadlari, vazifalari, sifat va miqdor koʻrsatkichlarini;

“yashil” budjetlashtirish va genderga yoʻnaltirilgan budjetlashtirish boʻyicha erishilgan natijalar va kelgusida amalga oshiriladigan islohotlar toʻgʻrisidagi tahliliy maʼlumotlarni;

davlat qarzining holati toʻgʻrisidagi maʼlumotlarni, shuningdek Oʻzbekiston Respublikasi nomidan va Oʻzbekiston Respublikasining kafolati ostida jalb qilinadigan qarz mablagʻlarining yillik cheklangan miqdorini.

2-§. Davlat budjeti toʻgʻrisidagi qonun loyihasini kiritish

81. Davlat budjeti toʻgʻrisidagi qonun loyihasi va budjetnoma:

Iqtisodiyot va moliya vazirligi tomonidan Vazirlar Mahkamasiga — joriy yilning 15-sentabriga qadar kiritiladi;

Vazirlar Mahkamasi tomonidan Oʻzbekiston Respublikasi Prezidenti Administratsiyasiga — joriy yilning 20-sentabriga qadar kiritiladi;

Vazirlar Mahkamasi tomonidan Oʻzbekiston Respublikasi Hisob palatasiga xulosa taqdim etishi uchun — joriy yilning 20-sentabriga qadar kiritiladi. Oʻzbekiston Respublikasi Hisob palatasi Vazirlar Mahkamasiga Davlat budjeti toʻgʻrisidagi qonun loyihasi va oʻrta muddatli davr uchun fiskal strategiya boʻyicha xulosani joriy yilning 5-oktabridan kechiktirmay taqdim etadi;

Vazirlar Mahkamasi tomonidan Oʻzbekiston Respublikasi Oliy Majlisining Qonunchilik palatasiga, qoida tariqasida, joriy yilning 15-oktabridan kechiktirmay Oʻzbekiston Respublikasi Hisob palatasining xulosasi bilan kiritiladi.

Budjetnoma Vazirlar Mahkamasi tomonidan Oʻzbekiston Respublikasi Oliy Majlisining Senatiga ham, qoida tariqasida, joriy yilning 15-oktabridan kechiktirmay kiritiladi.

82. Davlat budjeti toʻgʻrisidagi qonun loyihasi, oʻrta muddatli davr uchun fiskal strategiya Oʻzbekiston Respublikasi Oliy Majlisi Qonunchilik palatasiga yuborilishidan oldin majburiy ravishda jamoatchilik muhokamasiga qoʻyiladi, shuningdek Iqtisodiyot va moliya vazirligi tomonidan ishlab chiqiladigan “Fuqarolar uchun budjet” axborot nashri jamoatchilik muhokamasi uchun bir vaqtning oʻzida eʼlon qilinadi.

6-bob. Qoraqalpogʻiston Respublikasi budjeti, viloyatlar va Toshkent shahar mahalliy budjetlarining loyihalarini ishlab chiqish

1-§. Qoraqalpogʻiston Respublikasi budjetining, viloyatlar va Toshkent shahar mahalliy budjetlarining loyihalarini ishlab chiqish

83. Qoraqalpogʻiston Respublikasi budjetining, viloyatlar va Toshkent shahar mahalliy budjetlarining loyihalari Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan:

daromadlar boʻyicha — Davlat budjetiga kiritiladigan daromadlar prognoziga doir takliflar hamda soliq boshqarmalari va hokimliklarning boshqarmalari, Qoraqalpogʻiston Respublikasi, viloyatlar va Toshkent shahar davlat boshqaruvi organlarining boʻlinmalari tomonidan maʼmuriy-hududiy birlik iqtisodiyotini rivojlantirishning makroiqtisodiy koʻrsatkichlari prognoziga muvofiq taqdim etiladigan boshqa maʼlumotlar asosida;

Oʻzbekiston Respublikasining respublika budjetidan ajratiladigan tartibga soluvchi budjetlararo transfertlarning cheklangan miqdorlari asosida;

xarajatlar boʻyicha — Qoraqalpogʻiston Respublikasining respublika budjetidan, viloyatlarning viloyat budjetlaridan, Toshkent shahrining shahar budjetidan moliyalashtiriladigan hududiy budjet mablagʻlarini taqsimlovchilarning budjet soʻrovlari hamda tegishli tumanlar va shaharlar budjetlarining loyihalari, shuningdek Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan moliyalashtiriladigan ayrim tadbirlar uchun xarajatlarning prognoz qilinayotgan hajmi asosida ishlab chiqiladi.

Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari budjet tashkilotlarining budjetdan tashqari jamgʻarmalari mablagʻlari loyihalarini ishlab chiqadi.

84. Qoraqalpogʻiston Respublikasi budjetining, viloyatlar va Toshkent shahar mahalliy budjetlarining loyihalarini taqchillik bilan ishlab chiqishga yoʻl qoʻyilmaydi. Bunda, budjet loyihalarining daromad bilan taʼminlanmagan qismiga xarajatlar qismi kamaytiriladi.

85. Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar va shaharlar hokimliklari tegishli budjetlarni birinchi navbatda ish haqi hamda unga tenglashtirilgan toʻlovlar, oziq-ovqat mahsulotlari va dori-darmon vositalarini sotib olish, shuningdek kommunal xizmatlar xarajatlarini nazarda tutgan holda shakllantiradi.

2-§. Qoraqalpogʻiston Respublikasi budjetining, viloyatlar va Toshkent shahar mahalliy budjetlari toʻgʻrisida Kengashlar qarorlari loyihalarini tayyorlash va tasdiqlash

86. Navbatdagi yil uchun Qoraqalpogʻiston Respublikasi budjetining, viloyatlar va Toshkent shahar mahalliy budjetlarining loyihalari:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Oʻzbekiston Respublikasi Hisob palatasiga tegishli xulosani taqdim etishi uchun joriy yilning 20-sentabriga qadar yuboriladi. Oʻzbekiston Respublikasi Hisob palatasining Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga Qoraqalpogʻiston Respublikasi budjetining, viloyatlar va Toshkent shahar mahalliy budjetlarining loyihalari boʻyicha xulosasi joriy yilning 1-oktabridan kechiktirmay taqdim etiladi;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan joriy yilning 10-oktabridan kechiktirmay jamoatchilik muhokamasi uchun joylashtiriladi;

ularning jamoatchilik muhokamasi yakunlari boʻyicha kelib tushgan asoslangan takliflar va fikr-mulohazalar asosida qayta koʻrib chiqiladi hamda Oʻzbekiston Respublikasi Hisob palatasining xulosasi bilan birgalikda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan joriy yilning 25-oktabridan kechiktirmay tegishincha Qoraqalpogʻiston Respublikasi Joʻqorgʻi Kengesiga, xalq deputatlari viloyatlar va Toshkent shahar Kengashlariga kiritiladi.

861. Qoraqalpogʻiston Respublikasi budjeti, viloyatlar va Toshkent shahar mahalliy budjetlarining loyihalari boʻyicha Oʻzbekiston Respublikasi Hisob palatasining xulosasi tegishincha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlarining majlislarida Oʻzbekiston Respublikasi Hisob palatasining masʼul vakillari ishtirokida muhokama qilinadi.

862. Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari Davlat budjeti daromadlari prognozining choraklar va tumanlar (shaharlar) kesimidagi taqsimot loyihasini ishlab chiqadi hamda tasdiqlash uchun Qoraqalpogʻiston Respublikasi Vazirlar Kengashiga, viloyatlar va Toshkent shahar hokimlariga kiritadi.

87. Davlat budjeti toʻgʻrisidagi qonun rasmiy eʼlon qilingandan soʻng Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan bir hafta muddat ichida tegishincha mahalliy budjetlarni tasdiqlash toʻgʻrisidagi qarorlar Davlat budjeti toʻgʻrisidagi qonunga muvofiqlashtirilgan holda qabul qilinadi hamda mazkur qarorlar bilan ushbu Qoidalarning 23 — 29-ilovalariga koʻrsatilgan maʼlumotlar tasdiqlanadi.

7-bob. Tumanlar va shaharlar budjetlarining loyihalarini ishlab chiqish

1-§. Tumanlar va shaharlar budjetlarining loyihalarini ishlab chiqish

88. Tumanlar va shaharlar budjetlarining loyihalari tumanlar va shaharlar iqtisodiyot va moliya boʻlimlari tomonidan:

daromadlar boʻyicha — Davlat budjetiga kiritiladigan daromadlar prognoziga doir takliflar hamda soliq inspeksiyalari, hokimliklarning boʻlimlari va davlat boshqaruvi organlarining boshqa tuman hamda shahar boʻlinmalari tomonidan maʼmuriy-hududiy birlik iqtisodiyotini rivojlantirishning makroiqtisodiy koʻrsatkichlari prognoziga muvofiq taqdim etiladigan boshqa axborot asosida;

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan ajratiladigan budjetlararo transfertlarning cheklangan miqdorlari asosida;

xarajatlar boʻyicha — tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchilarning budjet soʻrovlari asosida ishlab chiqiladi.

Tumanlar va shaharlar iqtisodiyot va moliya boʻlimlari budjet tashkilotlarining budjetdan tashqari jamgʻarmalari mablagʻlari loyihalarini ishlab chiqadi.

Tumanlar va shaharlar iqtisodiyot va moliya boʻlimlari tegishli budjetlarni birinchi navbatda ish haqi hamda unga tenglashtirilgan toʻlovlar, oziq-ovqat mahsulotlari va dori-darmon vositalarini sotib olish, shuningdek kommunal xizmatlar xarajatlarini nazarda tutgan holda shakllantiradi.

89. Tumanlar va shaharlar hokimliklari tumanlar va shaharlar budjetlari tasdiqlangan xarajatlarining (bundan tumanlar va shaharlar budjetlari zaxira jamgʻarmalarining mablagʻlari mustasno) 5 foiziga teng miqdordagi mablagʻlarni jamoatchilik fikri asosida shakllantiriladigan tadbirlarni moliyalashtirishga yoʻnaltiradi.

2-§. Tumanlar va shaharlar budjetlari toʻgʻrisida xalq deputatlari tumanlar va shaharlar Kengashlari qarorlari loyihalarini tayyorlash va tasdiqlash

90. Navbatdagi yil uchun tumanlar va shaharlar budjetlarining loyihalari tumanlar va shaharlar hokimliklari tomonidan:

joriy yilning 10-oktabridan kechiktirmay jamoatchilik muhokamasi uchun joylashtiriladi;

ularning jamoatchilik muhokamasi yakunlari boʻyicha kelib tushgan asoslangan takliflar va fikr-mulohazalar asosida qayta koʻrib chiqiladi hamda joriy yilning 1-noyabridan kechiktirmay tegishincha xalq deputatlari tumanlar va shaharlar Kengashlariga kiritiladi.

91. Qoraqalpogʻiston Respublikasi budjeti, viloyatlar va Toshkent shahar mahalliy budjetlari toʻgʻrisida qarorlar qabul qilinganidan soʻng uch ish kuni ichida xalq deputatlari tumanlar va shaharlar Kengashlari ushbu qarorlarga muvofiqlashtirilgan holda tegishincha tumanlarning va shaharlarning budjetlari toʻgʻrisida qarorlar qabul qiladi.

92. Qoraqalpogʻiston Respublikasi budjeti, viloyatlar va Toshkent shahar mahalliy budjetlari, tumanlar va shaharlar budjetlari toʻgʻrisidagi tegishli qarorlar Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar va shaharlar hokimliklari tomonidan ular qabul qilinganidan soʻng uch ish kuni ichida oʻzlarining rasmiy veb-saytlariga joylashtiriladi.

8-bob. Aylanma kassa mablagʻlarining miqdorini aniqlash

93. Oʻzbekiston Respublikasi respublika budjetining, Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, shuningdek tumanlar, shaharlar budjetlarining aylanma kassa mablagʻlari ularning daromadlari bilan xarajatlari oʻrtasidagi vaqtinchalik kassa uzilishini qoplash maqsadida shakllantiriladi.

94. Aylanma kassa mablagʻlarining miqdorlari:

Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlari uchun — Oʻzbekiston Respublikasi Prezidentining yoki Vazirlar Mahkamasining qarori bilan;

tumanlar va shaharlar budjetlari uchun — Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan Qoraqalpogʻiston Respublikasi budjeti, viloyatlar va Toshkent shahar mahalliy budjetlari toʻgʻrisidagi qarorlar qabul qilinayotganda belgilanadi.

95. Aylanma kassa mablagʻlarining belgilangan miqdorlari moliya yilining har choraklar yakuni bilan saqlanadi.

Yil mobaynida aylanma kassa mablagʻlaridan jalb qilingan summalar yil oxirigacha tiklanishi lozim. Aylanma kassa mablagʻlarining yil oxiridagi miqdori belgilangan summaga mos kelishi kerak.

96. Kelgusi moliya yili uchun belgilangan aylanma kassa mablagʻlari:

tegishli budjetlarning shaxsiy gʻazna hisobvaraqlaridagi mablagʻlarning yil boshidagi qoldiqlari;

joriy yilning birinchi — uchinchi choraklari yakunlari boʻyicha daromadlar prognozining oshirib bajarilishi summalari hisobidan toʻldiriladi.

97. Tumanlar va shaharlar budjetlarining mazkur Qoidalarning 96-bandida koʻrsatilgan manbalari yetarli boʻlmaganda tumanlar va shaharlar budjetlarining aylanma kassa mablagʻlarini toʻldirish toʻgʻrisida Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari tomonidan qaror qabul qilinishi mumkin.

9-bob. Davlat budjeti mablagʻlarini yetkazish

1-§. Qabul qilingan Davlat budjetini budjet mablagʻlarini taqsimlovchilar, budjet tashkilotlari hamda budjet mablagʻlari oluvchilarga yetkazish

98. Davlat budjeti toʻgʻrisidagi qonun rasmiy eʼlon qilinganidan keyin Iqtisodiyot va moliya vazirligi tomonidan uch ish kuni ichida:

Qoraqalpogʻiston Respublikasi budjeti, viloyatlar va Toshkent shahar mahalliy budjetlariga Oʻzbekiston Respublikasining respublika budjetidan beriladigan budjetlararo transfertlar hajmlarini, daromadlari va xarajatlari miqdorlarini, tartibga soluvchi daromadlardan Qoraqalpogʻiston Respublikasi budjeti, viloyatlar va Toshkent shahar mahalliy budjetlariga tushumlardan ajratmalar normativlarini Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda iqtisodiyot va moliya bosh boshqarmalariga;

birinchi darajali budjet mablagʻlarini taqsimlovchilar, Oʻzbekiston Respublikasining respublika budjetidan moliyalashtiriladigan budjet tashkilotlari va budjet mablagʻlari oluvchilarga ular uchun nazarda tutilgan budjetdan ajratiladigan mablagʻlar hajmlari miqdori yetkaziladi.

2-§. Qabul qilingan Qoraqalpogʻiston Respublikasi budjetini, viloyatlar va Toshkent shahar mahalliy budjetlarini yetkazish

99. Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan mahalliy budjetlarni tasdiqlash toʻgʻrisidagi qarorlar qabul qilinganidan soʻng mazkur Qoidalarning 24-ilovasiga muvofiq shaklda:

tumanlar va shaharlar hokimliklariga hamda iqtisodiyot va moliya boʻlimlariga tegishli tumanlar va shaharlar budjetlari daromadlari va xarajatlari hajmlari uch ish kunida;

tumanlar va shaharlar budjetlariga Qoraqalpogʻiston Respublikasi respublika budjetidan, viloyatlar viloyat budjetidan va Toshkent shahar budjetidan beriladigan budjetlararo transfertlar hajmlari, tartibga soluvchi daromadlardan ajratmalarning normativlari, zaxira jamgʻarmasi miqdorlari, shuningdek tumanlar va shaharlar budjetlarining aylanma kassa mablagʻlari miqdorlari uch ish kunida;

Qoraqalpogʻiston Respublikasi respublika budjeti, viloyatlar viloyat budjetidan va Toshkent shahrining shahar budjetidan moliyalashtiriladigan hududiy budjet mablagʻlarini taqsimlovchilarga ular uchun belgilangan xarajatlar miqdori bir haftalik muddatda yetkaziladi.

3-§. Qabul qilingan tumanlar va shaharlar budjetlarini yetkazish

100. Tumanlar va shaharlar iqtisodiyot va moliya boʻlimlari tomonidan tumanlar va shaharlar xalq deputatlari kengashlari qarori bilan tumanlar va shaharlar budjetlari tasdiqlanganidan keyin bir haftalik muddatda tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchilarga ular nazarda tutilgan budjetdan ajratiladigan mablagʻlarning hajmlari mazkur Qoidalarning 24-ilovasiga muvofiq shaklda yetkaziladi.

III boʻlim. Davlat budjetini ijro etish

1-bob. Daromadlar va xarajatlar yoyilmasini shakllantirish, tasdiqlash va unga oʻzgartirishlar kiritish

1-§. Umumiy qoidalar

101. Daromadlar va xarajatlar yoyilmasi:

budjet tasnifiga muvofiq tuzilgan daromadlar va xarajatlar prognozi ularning tasdiqlangan parametrlariga muvofiqligini;

daromadlar va xarajatlar parametrlari ijrosining monitoringini taʼminlash maqsadida tuziladi.

102. Daromadlar va xarajatlar yoyilmalarining:

daromad qismi tegishli budjet daromadlarining budjet tasnifiga muvofiq oyma-oy boʻlingan yillik hajmlaridan;

xarajat qismi tegishli budjet xarajatlarining moliya yili uchun tasdiqlangan xarajatlar smetalari va jamlanma xarajatlar smetalari asosida tuziladigan, budjet tasnifiga muvofiq oyma-oy boʻlingan yillik hajmlaridan tashkil topadi.

103. Daromadlar va xarajatlar yoyilmasining xarajat qismiga xarajatlar smetalarini tuzish talab qilinmaydigan quyidagi:

budjet tashkilotlari va budjet mablagʻlari oluvchilarning xarajatlar smetalarini roʻyxatdan oʻtkazish hamda ijro etish jarayonida boʻshaydigan;

tovar-moddiy qimmatliklarning normativdan ortiq zaxiralari boʻyicha hisobga olingan;

advokatlar tomonidan koʻrsatilgan yuridik yordam uchun davlat hisobidan toʻlanishi nazarda tutiladigan;

davlat organlari yoki ular mansabdor shaxslarining qonunga xilof harakatlari (harakatsizligi) natijasida jismoniy yoki yuridik shaxslarga yetkazilgan zararning oʻrnini qoplash uchun nazarda tutiladigan;

budjet tashkilotlarida ishlovchi ayollarga homiladorlik va tugʻish nafaqasini toʻlash uchun nazarda tutiladigan, budjet tashkilotlarining xarajatlar smetalariga qonunchilikda belgilangan tartibda oʻzgartirishlar kiritilgan hollar bundan mustasno;

bir yoʻla beriladigan davlat pul mukofotlari va mukofotlarini toʻlash uchun nazarda tutiladigan;

Chernobil AES halokati oqibatlarini tugatish ishtirokchilariga kompensatsiyalar toʻlash uchun nazarda tutiladigan;

transportda imtiyozli yurishni qoplash uchun nazarda tutiladigan;

davlat qarzi boʻyicha xizmat koʻrsatish, Oʻzbekiston Respublikasi ishtirokchi boʻlgan xalqaro tashkilotlarga aʼzolik badallarini toʻlash va ularni moliyalashtirishda ishtirok etish uchun moʻljallangan;

davlat ehtiyojlari uchun qishloq xoʻjaligi mahsulotlarini yetishtirayotgan qishloq xoʻjaligi korxonalarini moliyaviy qoʻllab-quvvatlash uchun nazarda tutiladigan;

saylov va referendumlar oʻtkazish uchun nazarda tutiladigan;

tijorat banklari va boshqa moliya institutlarining ustav kapitalini shakllantirish va koʻpaytirish uchun nazarda tutiladigan;

rezident-yuridik shaxslarga budjet ssudalari ajratish va Oʻzbekiston Respublikasi Iqtisodiyot va moliya vazirligining kredit liniyalarini ochish uchun nazarda tutiladigan;

soliq va budjet siyosatining asosiy yoʻnalishlarida nazarda tutilgan tadbirlar hamda moliya yili mobaynida amalga oshirilishi nazarda tutilgan va Davlat budjeti xarajatlarini koʻpaytirishni talab qiladigan boshqa tadbirlar uchun moʻljallangan;

davlat maqsadli jamgʻarmalariga oʻtkazib beriladigan;

Oʻzbekiston Respublikasi Vazirlar Mahkamasining, Qoraqalpogʻiston Respublikasi respublika budjetining, viloyatlar viloyat budjetlarining va Toshkent shahri shahar budjetining tumanlar va shaharlar budjetlarining zaxira jamgʻarmalarini shakllantirish uchun budjetdan ajratiladigan mablagʻlar kiritiladi.

Bunda, xarajatlar smetalarini tuzish talab qilinmaydigan budjetdan ajratiladigan mablagʻlar Iqtisodiyot va moliya vazirligi hamda hududiy iqtisodiyot va moliya organlari tomonidan axborot tizimiga toʻgʻridan-toʻgʻri kiritiladi.

104. Daromadlar va xarajatlar yoyilmasi tegishli moliya yili uchun Davlat budjeti toʻgʻrisidagi qonun hamda mahalliy budjetlarni tasdiqlash toʻgʻrisidagi qarorlar bilan tasdiqlangan budjetlar miqdorlariga muvofiq shakllantiriladi.

Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari Davlat budjeti daromadlari prognoz koʻrsatkichlarini tasdiqlash boʻyicha Oʻzbekiston Respublikasi Prezidentining farmoyishi qabul qilingandan soʻng ikki ish kuni ichida tuman va shaharlar boʻyicha budjet daromadlari prognozining daromad manbalari hamda choraklar kesimidagi taqsimotini Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga tasdiqlash uchun kiritadi.

Bunda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir ish kuni ichida tuman va shaharlar boʻyicha budjet daromadlari prognozining choraklar kesimidagi taqsimotini tasdiqlaydi.

1041. Oʻzbekiston Respublikasi Davlat budjetining daromadlar va xarajatlari yoyilmasida Davlat budjeti toʻgʻrisidagi qonunda belgilangan taqchillikni qoplash manbasi bilan balanslilikni taʼminlash uchun quyidagi mablagʻlar jalb qilinganda, ularning yillik jami miqdori nolga teng boʻlishi talab etiladi:

rejali budjet ssudasi;

aylanma kassa mablagʻlari;

yil boshidagi erkin qoldiq mablagʻlari;

belgilangan normativlar boʻyicha davlat aktivlarini sotishdan olingan daromadlarning Oʻzbekiston Respublikasi respublika budjetiga ajratmalari;

Oʻzbekiston Respublikasi respublika budjeti mablagʻlarining moliya yili boshidagi qoldiqlari;

davlat tomonidan mablagʻ jalb qilish;

qonunchilikka muvofiq boshqa manbalar.

105. Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlarining daromadlar va xarajatlari yoyilmasida balanslilikni taʼminlash uchun quyidagi mablagʻlar jalb qilinganda, ularning yillik jami miqdori yuqori turuvchi budjetdan ajratiladigan budjetlararo transfertlarni hisobga olgan holda nolga teng boʻlishi talab etiladi:

rejali budjet ssudasi;

aylanma kassa mablagʻlari;

yil boshidagi erkin qoldiq mablagʻlari.

Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlarining daromadlari va xarajatlari jamlanma yoyilmasi mazkur Qoidalarning 291-ilovasiga muvofiq shaklda tuziladi hamda Qoraqalpogʻiston Respublikasi Vazirlar Kengashi hamda tegishli hokimliklar tomonidan tasdiqlanadi.

106. Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahri shahar budjeti, tumanlar va shaharlar budjetlarining daromadlar va xarajatlari ijrosi jarayonida ushbu budjetlarning daromadlari va xarajatlariga kiritiladigan oʻzgartirishlar belgilangan tartibda tegishincha daromadlar va xarajatlar yoyilmalarida hisobga olib boriladi.

Oʻzbekiston Respublikasining davlat budjetida rejalashtirilgan xarajatlarni kamaytirish natijasida shakllangan mablagʻlar hisobidan qonunchilik hujjatlariga asosan budjet ssudalari rejalari koʻpaytirilishi mumkin.

107. Daromadlar va xarajatlar yoyilmalari bir moliya yili muddatiga tuziladi va amal qiladi.

108. Daromadlar va xarajatlar yoyilmalari ming soʻmda tuzilib, dasturga soʻmda kiritiladi.

109. Daromadlar va xarajatlar yoyilmalarini shakllantirish, tasdiqlash va unga oʻzgartirishlar kiritish dasturiy majmua va axborot tizimi orqali amalga oshiriladi.

2-§. Oʻzbekiston Respublikasining respublika budjeti daromadlari va xarajatlarining yoyilmasini shakllantirish va tasdiqlash

110. Davlat budjetining daromadlar va xarajatlar yoyilmasi Iqtisodiyot va moliya vazirligi tomonidan Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlar va Toshkent shahri mahalliy budjetlarining keyingi yil uchun daromadlar va xarajatlar yoyilmalarini jamlagan holda joriy yilning oxirgi ish kuniga qadar mazkur Qoidalarning 30 va 31-ilovalariga muvofiq shakllarda tuziladi.

Bunda, daromadlar yoyilmasi daromadlar turlari va miqdorlarining prognozi boʻyicha hamda xarajatlar yoyilmalari xarajatlar smetalari asosida shakllantiriladi.

111. Iqtisodiyot va moliya vazirligi tomonidan Oʻzbekiston Respublikasining respublika budjeti boʻyicha daromadlar va xarajatlar yoyilmasini shakllantirishda oylar va choraklar taqsimotidagi balanslilikni taʼminlash:

oldingi choraklar (oylar)dagi daromadlarning xarajatlardan oshgan qismi hisobiga kelgusi choraklar (oylar)dagi xarajatlarni daromadlardan oshgan qismini qoplash;

xarajatlarni daromadlardan oshgan qismini qoplash uchun aylanma kassa mablagʻlari, yil boshidagi erkin qoldiq mablagʻlari, Oʻzbekiston Respublikasining respublika budjetining taqchilligini qoplash manbalari mablagʻlarini jalb qilish hisobiga amalga oshiriladi.

Oʻzbekiston Respublikasi Davlat budjetining daromadlari va xarajatlari jamlanma yoyilmasi mazkur Qoidalarning 311-ilovasiga muvofiq shaklda tuziladi hamda Oʻzbekiston Respublikasi Vazirlar Mahkamasi tomonidan tasdiqlanadi.

112. Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga Oʻzbekiston Respublikasining respublika budjetidan ajratiladigan budjetlararo transfertlar Oʻzbekiston Respublikasining respublika budjetining xarajatlari tarkibiga kiritilmaydi, ularning hisobi alohida yuritiladi hamda ular Oʻzbekiston Respublikasi respublika budjetining ijrosi toʻgʻrisidagi hisobotda aks ettiriladi.

Budjetlararo transfertlarni hisobga olish tegishli budjetlarning xarajatlarida alohida balansdan tashqari hisobvaraqlarda aks ettirilgan holda amalga oshiriladi.

113. Vaqtinchalik kassa uzilishini qoplash uchun rejali budjet ssudasi Oʻzbekiston Respublikasining respublika budjetining daromadlar va xarajatlar yoyilmasida budjet tasnifi asosida quyidagi tartibda:

Oʻzbekiston Respublikasining respublika budjetidan ajratiladigan rejali budjet ssudasi “+” belgi bilan tegishli oylarda Oʻzbekiston Respublikasi respublika budjetining xarajatlar qismida;

Oʻzbekiston Respublikasining respublika budjetidan ajratilgan rejali budjet ssudasini qaytishida “-” belgi bilan tegishli oylarda Oʻzbekiston Respublikasi respublika budjetining xarajatlar qismida rejalashtiriladi.

114. Iqtisodiyot va moliya vazirligi tomonidan Oʻzbekiston Respublikasining respublika budjeti mablagʻlarining moliya yili boshidagi qoldiqlari, davlat tomonidan mablagʻ jalb qilingan mablagʻlar va qonunchilik hujjatlariga muvofiq boshqa manbalar hisobidan Oʻzbekiston Respublikasi respublika budjetining taqchilligini qoplashga yoʻnaltiriladigan mablagʻlar Oʻzbekiston Respublikasi respublika budjetining daromadlar va xarajatlar yoyilmasida budjet tasnifi asosida rejalashtiriladi.

3-§. Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlari va xarajatlarining yoyilmasini shakllantirish va tasdiqlash

115. Qoraqalpogʻiston Respublikasi budjeti, viloyatlar va Toshkent shahar mahalliy budjetlari boʻyicha daromadlar va xarajatlarining yoyilmasi tegishincha Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan Qoraqalpogʻiston Respublikasining respublika budjeti, viloyatlarning viloyat budjeti va Toshkent shahrining shahar budjeti va ularning tarkibidagi tumanlar va shaharlar budjetlarining daromadlar va xarajatlar yoyilmalarini jamlangan holda mazkur Qoidalarning 30 va 31-ilovalariga muvofiq shakllarda tuziladi.

116. Daromadlar va xarajatlar yoyilmasi tegishli budjetlar daromadlari va xarajatlarining moliya yili uchun tasdiqlangan parametrlari asosida:

daromadlar boʻyicha tartibga soluvchi daromadlardan ajratmalarning normativlari hisobidan tegishli budjetlarga tushishi kutilayotgan daromadlar turlarining yillik, choraklik va oylar kesimidagi prognozi;

daromadlar va xarajatlar yoyilmalarini tuzish uchun respublika budjetidan ajratiladigan budjetlararo transfertlarning yillik, choraklik va oylar kesimidagi miqdori;

xarajatlar boʻyicha belgilangan tartibda roʻyxatdan oʻtkazilgan budjet tashkilotlari va budjet mablagʻlari oluvchilarning xarajatlar smetalari, budjet mablagʻlarini taqsimlovchilar va hududiy budjet mablagʻlarini taqsimlovchilarning xarajatlar smetalari va jamlanma xarajatlar smetalari asosida shakllantiriladi.

117. Hududiy iqtisodiyot va moliya organlari tomonidan tegishincha Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahri shahar budjeti boʻyicha daromadlar va xarajatlar yoyilmasining oylar va choraklar boʻyicha taqsimotidagi balanslilikni taʼminlash:

oldingi choraklar (oylar)dagi daromadlarning xarajatlardan oshgan qismi hisobiga kelgusi choraklar (oylar)dagi xarajatlarni daromadlardan oshgan qismini qoplash;

xarajatlarni daromadlardan oshgan qismini qoplash uchun aylanma kassa mablagʻlari, yil boshidagi erkin qoldiq mablagʻlari va yuqori turuvchi budjetlardan jalb qilinadigan rejali budjet ssudasi hisobiga amalga oshiriladi.

118. Budjetlararo transfertlarni moliyalashtirish tegishli budjetlar hisobidan amalga oshiriladi, ushbu mablagʻlar oʻtkazib berilgan budjetlarning daromadlarini shakllantirish manbasi hisoblanmaydi.

Budjetlararo transfertlar tegishli budjetlarning xarajatlari tarkibiga kiritilmaydi, ularning hisobi alohida yuritiladi hamda ular tegishli budjetlarning ijrosi toʻgʻrisidagi hisobotda aks ettiriladi.

Budjetlararo transfertlarni hisobga olish tegishli budjetlarning daromadlari va xarajatlarida alohida balansdan tashqari hisobvaraqlarda aks ettirilgan holda amalga oshiriladi.

Bunda, budjetlararo transfertlarni moliyalashtirish tegishli budjetlarning daromadlari va xarajatlari yoyilmasida budjet tasnifi asosida alohida balansdan tashqari hisobvaraqlarda aks ettirilgan holda amalga oshiriladi.

119. Vaqtinchalik kassa uzilishini qoplash uchun tegishli budjetlarning daromadlari va xarajatlari yoyilmasida aylanma kassa mablagʻlari va yil boshidagi erkin qoldiq mablagʻlari jalb qilinganda “+” belgi bilan, qayta tiklanganda “-” belgi bilan tegishli oylarda Qoraqalpogʻiston Respublikasining respublika budjeti, viloyatlarning viloyat budjeti, Toshkent shahri shahar budjetining daromadlar qismida rejalashtiriladi.

120. Vaqtinchalik kassa uzilishini qoplash uchun rejali budjet ssudasi quyidagi tartibda tegishli budjetlarning daromadlari va xarajatlari yoyilmasida budjet tasnifi asosida:

Oʻzbekiston Respublikasining respublika budjetidan ajratiladigan rejali budjet ssudasi “+” belgi bilan tegishli oylarda Qoraqalpogʻiston Respublikasining respublika budjeti, viloyatlarning viloyat budjeti, Toshkent shahri shahar budjetining daromadlar qismida;

Oʻzbekiston Respublikasining respublika budjetidan ajratilgan rejali budjet ssudasining qaytarilishida “-” belgi bilan tegishli oylarda Qoraqalpogʻiston Respublikasining respublika budjeti, viloyatlarning viloyat budjeti, Toshkent shahri shahar budjetining daromadlar qismida rejalashtiriladi.

4-§. Tumanlar va shaharlar budjetlarining daromadlari va xarajatlarining yoyilmasini shakllantirish va tasdiqlash

121. Tumanlar va shaharlar budjetlarining daromadlar va xarajatlar yoyilmasi tegishincha tumanlar va shaharlar iqtisodiyot va moliya boʻlimlari tomonidan mazkur Qoidalarning 30 va 31-ilovalariga muvofiq shakllarda tuziladi.

122. Tumanlar va shaharlar budjetlarining daromadlar va xarajatlar yoyilmasi tegishli budjetlarning daromadlar va xarajatlar prognozining moliya yili uchun tasdiqlangan parametrlari asosida daromadlar boʻyicha tartibga soluvchi daromadlardan ajratmalarning normativlari hisobidan tegishli budjetlarga tushishi kutilayotgan daromadlar va yuqori turuvchi budjetdan ajratiladigan budjetlararo transfertlar miqdori hamda xarajatlar boʻyicha belgilangan tartibda roʻyxatdan oʻtkazilgan budjet tashkilotlarining xarajatlar smetalari va hududiy budjet mablagʻlarini taqsimlovchilarning xarajatlar smetalari va jamlanma xarajatlar smetalari asosida shakllantiriladi.

123. Tumanlar va shaharlar iqtisodiyot va moliya organlari tomonidan tegishincha tumanlar va shaharlar budjetlarining daromadlar va xarajatlar yoyilmasida oldingi oylardagi daromadlarning xarajatlardan oshgan qismi hisobiga kelgusi oylardagi xarajatlarni daromadlardan oshgan qismini qoplash, xarajatlarni daromadlardan oshgan qismini qoplash uchun aylanma kassa mablagʻlari, yil boshidagi erkin qoldiq mablagʻlar va yuqori turuvchi budjetlardan jalb qilinadigan rejali budjet ssudasi hisobiga oylar va choraklar boʻyicha balanslilik taʼminlanadi.

124. Yuqori budjetdan ajratiladigan budjetlararo transfertlar tegishincha tumanlar va shaharlar budjetlarining daromadlarini shakllantirish manbasi hisoblanmaydi.

Budjetlararo transfertlarni hisobga olish tegishli budjetlarning daromadlarida alohida balansdan tashqari hisobvaraqlarda aks ettirilgan holda amalga oshiriladi.

125. Vaqtinchalik kassa uzilishini qoplash uchun tegishli budjetlarning daromadlari va xarajatlari yoyilmasida aylanma kassa mablagʻlari va yil boshidagi erkin qoldiq mablagʻlari jalb qilinganda “+” belgi bilan, qayta tiklanganda “-” belgi bilan tegishli oylarda tumanlar va shaharlar budjetining daromadlar qismida rejalashtiriladi.

126. Qoraqalpogʻiston Respublikasining respublika budjetidan, viloyatlarning viloyat budjetidan, Toshkent shahrining shahar budjetidan ajratiladigan rejali budjet ssudasi “+” belgi bilan, rejali budjet ssudasining qaytarilishida “-” belgi bilan tegishli oylarda tegishincha tumanlar va shaharlar budjetlarining daromadlar qismida rejalashtiriladi.

2-bob. Budjetlararo munosabatlar

127. Budjetlararo munosabatlar Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar, shaharlar budjetlari, shuningdek davlat maqsadli jamgʻarmalari budjetlari oʻrtasidagi Budjet kodeksi bilan tegishli budjetlarga biriktirilgan xarajatlarni amalga oshirish uchun zarur boʻlgan tegishli budjetlarni moliyaviy resurslar bilan taʼminlashga doir munosabatlardir.

Budjetlararo munosabatlar Budjet kodeksida belgilangan tartibda amalga oshiriladi.

128. Budjetlararo transfertlar subvensiyalar, dotatsiyalar, oʻtkazib beriladigan daromadlar, budjet ssudasi, oʻzaro hisob-kitoblar boʻyicha mablagʻlar, tartibga soluvchi budjetlararo transfertlar va maqsadli ijtimoiy transfertlar shaklida amalga oshiriladi.

129. Budjet ssudasi ajratish boʻyicha tumanlar va shaharlar iqtisodiyot va moliya boʻlimlari tomonidan Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalariga mazkur Qoidalarning 32-ilovasiga muvofiq shaklda ajratish toʻgʻrisida talabnoma yuboriladi.

130. Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan tumanlar va shaharlar budjetlarida xarajatlarni mablagʻ bilan taʼminlash uchun budjet ssudasini ajratish toʻgʻrisidagi talabnoma daromadlar prognozi ijrosi va amalga oshirilishi rejalashtirilayotgan xarajatlar miqdorini tahlil qilish asosida bir ish kuni davomida koʻrib chiqiladi.

Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan tumanlar va shaharlar budjetlariga budjet ssudasi ajratish toʻgʻrisidagi talabnomani koʻrib chiqishda Oʻzbekiston Respublikasining respublika budjetidan tegishli Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjetining xarajatlarini qoplash uchun budjet ssudasi ajratish ehtiyoji mavjudligi aniqlanadi.

131. Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari ajratilishi lozim deb topilgan budjet ssudasi boʻyicha oʻz imkoniyatlari doirasida tegishli budjet ssudasini ajratish toʻgʻrisida qaror qabul qiladi yoki budjet ssudalarini ajratish boʻyicha umumlashtirilgan talabnomani Iqtisodiyot va moliya vazirligiga yuboradi.

Qoraqalpogʻiston Respublikasining respublika budjetidan, viloyatlarning viloyat budjetlaridan, Toshkent shahrining shahar budjetidan budjet ssudasini berish toʻgʻrisidagi qaror tegishincha Qoraqalpogʻiston Respublikasi iqtisodiyot va moliya vaziri, viloyatlar va Toshkent shahar iqtisodiyot va moliya bosh boshqarmalari boshliqlari tomonidan qabul qilinadi.

132. Mahalliy budjetlarning budjet ssudasini ajratish toʻgʻrisidagi talabnomasi Iqtisodiyot va moliya vazirligining masʼul tarkibiy tuzilmasi tomonidan besh ish kuni ichida koʻrib chiqiladi va uning natijasi toʻgʻrisida murojaat etuvchiga xabar qilinadi.

Bunda Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan berilgan budjet ssudasi boʻyicha umumlashtirilgan talabnomadagi mablagʻlarni tegishli hududning daromadlar tushumini koʻpaytirish hamda amalga oshirilishi dolzarbligi yuqori boʻlmagan rejalashtirilgan xarajatlarni keyingi oylarga koʻchirish imkoniyati tahliliy oʻrganib chiqiladi.

Oʻrganib chiqish natijasi ijobiy boʻlgan taqdirda bir ish kuni ichida arizachi ajratiladigan budjet ssudasining miqdori, uni ajratishdan maqsad va belgilangan qaytarib berish muddatlari toʻgʻrisida xabar qilinadi.

Budjet ssudasini berish rad etilgan taqdirda arizachi bir ish kuni ichida budjet ssudasi berish rad etilganligi toʻgʻrisida aniq sabablar va asoslar koʻrsatilgan holda xabardor qilinadi.

Oʻzbekiston Respublikasining respublika budjetidan budjet ssudasini berish toʻgʻrisidagi qaror Oʻzbekiston Respublikasi iqtisodiyot va moliya vaziri tomonidan qabul qilinadi.

Iqtisodiyot va moliya vazirligining masʼul tarkibiy tuzilmasi tomonidan mahalliy budjetlarga budjet ssudasini oʻtkazish uchun gʻazna memorial orderi axborot tizimida shakllantiriladi hamda Iqtisodiyot va moliya vazirligi huzuridagi Gʻaznachilik xizmati qoʻmitasiga yuboriladi.

Iqtisodiyot va moliya vazirligi huzuridagi Gʻaznachilik xizmati qoʻmitasi taqdim qilingan gʻazna memorial orderiga asosan budjet ssudasini tegishli mahalliy budjetlarga belgilangan tartibda oʻtkazilishini taʼminlaydi.

133. Bir ish kuni ichida:

Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan tumanlar va shaharlar budjetlariga ularning budjet ssudasini ajratish toʻgʻrisidagi talabnomalari asosida budjet ssudasini oʻtkazish boʻyicha takliflar tayyorlanadi. Bunda, Oʻzbekiston Respublikasining respublika budjetidan mahalliy budjetlarga talabnomaga nisbatan budjet ssudasi miqdori kamaytirib ajratilganda, tumanlar va shaharlar budjetlariga ularning talabnomalaridagi budjet ssudasi miqdori mutanosib ravishda kamaytiriladi;

Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan tumanlar va shaharlar budjetlariga budjet ssudasini oʻtkazish uchun axborot tizimida gʻazna memorial orderi shakllantiriladi va hududiy gʻaznachilik boʻlinmalariga yuboriladi;

hududiy gʻaznachilik boʻlinmalari taqdim qilingan gʻazna memorial orderlariga asosan budjet ssudasini tumanlar va shaharlar budjetlariga belgilangan tartibda oʻtkazilishini taʼminlaydi.

134. Budjetlararo transfertlar boʻyicha hisob-kitoblar joriy moliya yilida qoʻshimcha vaqt davri hisobga olingan holda tugallanishi kerak.

3-bob. Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlari, tumanlar va shaharlar budjetlarining daromadlar va xarajatlar yoyilmalariga oʻzgartirishlar kiritish

1-§. Umumiy qoidalar

135. Moliya yili mobaynida Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlari, tumanlar va shaharlar budjetlariga oʻzgartirishlar kiritish:

Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlari, tumanlar va shaharlar budjetlari daromadlari va (yoki) xarajatlarini kamaytirishni yoki koʻpaytirishni nazarda tutuvchi qonunchilik hujjatlari oʻzgargan;

bir budjet tashkiloti va budjet mablagʻlari oluvchi uchun budjetdan ajratiladigan mablagʻlar kamaytirilib, mos ravishda boshqa budjet tashkiloti va budjet mablagʻlari oluvchi uchun budjetdan ajratiladigan mablagʻlar koʻpaytirilgan;

budjet tashkilotlari va budjet mablagʻlari oluvchilarda budjetdan ajratiladigan mablagʻlar xarajatlarning bir moddasidan boshqa moddasiga oʻtkazish zaruriyati yuzaga kelgan;

Davlat budjeti mablagʻlarining moliya yili boshidagi erkin qoldiqlari Budjet kodeksining 126-moddasida nazarda tutilgan tartibda xarajatlarni moliyalashtirishga yoʻnaltirilgan;

budjet tasnifiga oʻzgartirishlar kiritilgan;

Budjet kodeksining 120-moddasi toʻrtinchi qismida nazarda tutilgan hollarda amalga oshiriladi.

Ushbu oʻzgartirishlarning hisobi tegishli ravishda Iqtisodiyot va moliya vazirligi hamda hududiy iqtisodiyot va moliya organlari tomonidan axborot tizimida yuritiladi.

136. Daromadlar va xarajatlar yoyilmalarining oylik va choraklik taqsimoti boʻyicha kiritiladigan oʻzgartirishlar tegishli budjetlarning daromadlari va xarajatlari yoyilmalarining oylik va choraklik taqsimotidagi balansliligi taʼminlangan holda amalga oshiriladi.

137. Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlarining mahalliy budjetlarga oʻzgartirish kiritish toʻgʻrisidagi qarorlari asosida Qoraqalpogʻiston Respublikasi Iqtisodiyot va moliya vazirligi, viloyatlar, Toshkent shahar iqtisodiyot va moliya bosh boshqarmalari tomonidan tegishincha Qoraqalpogʻiston Respublikasining respublika budjeti, viloyatlarning viloyat budjeti va Toshkent shahri shahar budjeti daromadlarining parametrlari koʻpaytirilganda (kamaytirilganda), ushbu budjetlarning xarajatlar parametrlari teng miqdorda koʻpaytiriladi (kamaytiriladi), shuningdek Qoraqalpogʻiston Respublikasining respublika budjeti, viloyatlarning viloyat budjeti va Toshkent shahri shahar budjetining xarajatlar parametrlariga mos ravishda budjet tashkilotlari va budjet mablagʻlari oluvchilarning xarajatlar smetalari koʻpaytiriladi (kamaytiriladi).

Yuqori budjetdan bir moliya yilidan ortiq muddatga ajratilgan budjet ssudalarini qaytarish tegishli budjetning qoʻshimcha manbalari hamda xarajatlarni maqbullashtirish hisobiga shakllangan mablagʻlarini budjet ssudasini qaytarishga yoʻnaltirish orqali amalga oshiriladi.

Bunda budjet ssudasini qaytarish tegishli budjetlarning xarajatlarini maqbullashtirish hisobiga amalga oshirilganda mos ravishda budjet ssudalarini qaytarish manbasi koʻpaytiriladi.

138. Bir hududiy budjet mablagʻlarini taqsimlovchi uchun ajratilgan budjet mablagʻlarini boshqa hududiy budjet mablagʻlarini taqsimlovchiga oʻtkazish ajratiladigan budjet mablagʻlarining cheklangan miqdorining:

10 va undan ortiq foiz miqdorda Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahar, tumanlar va shaharlar Kengashlari tomonidan;

10 foizdan kam miqdorda Qoraqalpogʻiston Respublikasi Vazirlar Kengashi, viloyatlar, Toshkent shahar, tumanlar va shaharlar hokimliklari tomonidan amalga oshiriladi, bundan Budjet kodeksi 145-moddasining ikkinchi qismida nazarda tutilgan hollar mustasno.

139. Hududiy budjet mablagʻlarini taqsimlovchi tasarrufidagi bir budjet tashkiloti va budjet mablagʻlari oluvchidan boshqa budjet tashkiloti va budjet mablagʻlari oluvchi uchun budjetdan ajratiladigan mablagʻlarni oʻtkazishda hududiy budjet mablagʻlarini taqsimlovchilar tomonidan tegishli hisob-kitoblar tahlil qilinadi va ular tomonidan maʼlumot tayyorlanib, dasturiy majmuaga kiritiladi.

Bunda kiritilgan maʼlumotda cheklov oʻrnatilgan xarajat moddalarini kamaytirish holati aniqlanmagan taqdirda axborot tizimi tomonidan maʼlumot avtomatik tarzda ijroga olinadi, aks holda bekor qilinadi.

142. Qoraqalpogʻiston Respublikasi budjeti, viloyatlar va Toshkent shahar mahalliy budjetlari daromadlar va xarajatlar yoyilmasiga oʻzgartirishlar kiritish uchun Iqtisodiyot va moliya vazirligi masʼul tarkibiy tuzilmasining maʼlumotlariga asosan budjet ijrosiga masʼul tarkibiy tuzilma tomonidan mazkur Qoidalarning 33-ilovasiga muvofiq shakldagi xabarnoma (bundan buyon matnda xabarnoma deb yuritiladi) Qoraqalpogʻiston Respublikasi Iqtisodiyot va moliya vazirligi, viloyat va Toshkent shahar iqtisodiyot va moliya bosh boshqarmalariga axborot tizimi orqali yuboriladi.

143. Iqtisodiyot va moliya vazirligining xabarnomalariga asosan Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan:

tumanlar va shaharlar iqtisodiyot va moliya boʻlimlariga tegishli xabarnomalar axborot tizimiga;

mahalliy budjetlardan moliyalashtiriladigan budjet mablagʻlarini taqsimlovchilar, budjet tashkilotlari va budjet mablagʻlari oluvchilarga ularning jamlanma xarajatlar smetasiga va xarajatlar smetasiga oʻzgartirish kiritilganligi boʻyicha Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomning (roʻyxat raqami 2634, 2014-yil 15-dekabr) 12-ilovasiga muvofiq 17-son shakldagi maʼlumotnoma-bildirishnoma (bundan buyon matnda 17-son shakl maʼlumotnoma-bildirishnoma deb yuritiladi) dasturiy majmua orqali yuboriladi.

144. Mahalliy budjetlardan moliyalashtiriladigan hududiy budjet mablagʻlarini taqsimlovchilar tomonidan oʻzlarining boʻysunuvidagi budjet tashkilotlari va budjet mablagʻlari oluvchilarga 17-son shakl maʼlumotnoma-bildirishnomaga asosan xarajatlar smetalariga oʻzgartirish kiritilganligi boʻyicha Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomning (roʻyxat raqami 2634, 2014-yil 15-dekabr) 13-ilovasiga muvofiq 18-son shakldagi maʼlumotnoma-bildirishnoma (bundan buyon matnda 18-son shakl maʼlumotnoma-bildirishnoma deb yuritiladi) dasturiy majmua orqali yuboriladi.

145. Tumanlar va shaharlar iqtisodiyot va moliya boʻlimlari tomonidan jamlanma xarajatlar smetalariga va xarajatlar smetalariga oʻzgartirish kiritilganligi boʻyicha 17-son shakl maʼlumotnoma-bildirishnoma hududiy budjet mablagʻlarini taqsimlovchilar va budjet tashkilotlariga dasturiy majmua orqali yuboriladi.

146. Tumanlar va shaharlar budjetidan moliyalashtiriladigan hududiy budjet mablagʻlarini taqsimlovchilar tomonidan oʻzlarining boʻysunuvidagi budjet tashkilotlari va budjet mablagʻlari oluvchilarga 17-son shakl maʼlumotnoma-bildirishnomaga asosan xarajatlar smetalariga kiritilgan oʻzgartirishlar 18-son shakl maʼlumotnoma-bildirishnoma dasturiy majmua orqali yuboriladi.

147. Xabarnoma va 17-son shakl maʼlumotnoma-bildirishnoma tegishli budjetlarning xarajatlari yoyilmalariga oʻzgartirishlar kiritishga asos boʻladi.

148. Yuqori turuvchi va quyi turuvchi budjetlarning daromadlari va xarajatlari yoyilmasiga kiritilgan oʻzgartirishlar budjetlararo oʻzaro hisob-kitoblarda aks ettiriladi.

149. Qoraqalpogʻiston Respublikasi budjeti, viloyatlar va Toshkent shahar mahalliy budjetlari daromadlar koʻrsatkichlarining kamayishi (koʻpayishi) yoki xarajatlari parametrlarining koʻpayishi (kamayishi) natijasida Oʻzbekiston Respublikasi respublika budjetining ushbu budjetlarga budjetlararo oʻzaro hisob-kitoblar boʻyicha qarzdorligi yuzaga keladi.

150. Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga budjetlararo oʻzaro hisob-kitoblar boʻyicha joriy qarzdorlikni qoplash uchun Oʻzbekiston Respublikasining respublika budjetidan mablagʻlar oʻtkazib beriladi.

2-§. Daromadlar yoyilmalariga oʻzgartirishlar kiritish

151. Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlari va xarajatlarining balansliligini taʼminlash uchun Qoraqalpogʻiston Respublikasi budjeti, viloyatlar va Toshkent shahar mahalliy budjetlari daromadlarining prognoz koʻrsatkichlari joriy moliya yilining 1-aprel, 1-iyul, 1-oktabr va kelgusi moliya yilining 1-yanvar holatiga bajarilishi kerak.

152. Moliya yili mobaynida Davlat budjeti budjetlarining daromadlar yoyilmalariga:

budjet daromadlarini kamaytirishni yoki koʻpaytirishni nazarda tutuvchi qonunchilik hujjatlari qabul qilinganda;

Qoraqalpogʻiston Respublikasi budjeti, viloyatlar va Toshkent shahar mahalliy budjetlari daromadlarining prognozi aniqlashtirilganda oʻzgartirishlar kiritiladi.

153. Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlar yoyilmalariga oʻzgartirishlar kiritilganda, ushbu budjetlar daromadlarining kontingent prognozlariga ham oʻzgartirishlar kiritiladi hamda ushbu oʻzgartirishlar Iqtisodiyot va moliya vazirligi tomonidan Oʻzbekiston Respublikasi Prezidenti Administratsiyasi bilan kelishgan holda amalga oshiriladi.

Bunda Qoraqalpogʻiston Respublikasi respublika budjeti, viloyatlar va Toshkent shahar mahalliy budjetlari birinchi — uchinchi choraklarining daromadlar prognoziga oʻzgartirish kiritilayotganda tegishli choraklar boʻyicha daromadlar prognozining kamaytirilgan (koʻpaytirilgan) summalariga mos ravishda toʻrtinchi chorakning daromadlar prognozi koʻpaytirilishi (kamaytirilishi) mumkin.

Qoraqalpogʻiston Respublikasi respublika budjeti, viloyatlar va Toshkent shahar mahalliy budjetlarining choraklik daromadlar prognozini kamaytirish (koʻpaytirish) mos ravishda Oʻzbekiston Respublikasi respublika budjetining daromadlar prognozini koʻpaytirish (kamaytirish) orqali amalga oshiriladi.

154. Iqtisodiyot va moliya vazirligi hamda hududiy iqtisodiyot va moliya organlari tegishli budjetlar daromadlarining yoyilmasiga kiritilgan oʻzgartirishlar boʻyicha xabarnomalarni tegishli quyi turuvchi iqtisodiyot va moliya organlariga axborot tizimi orqali yuboradi.

155. Iqtisodiyot va moliya vazirligi tomonidan Davlat budjeti daromadlarining prognoz koʻrsatkichlarini oʻzgartirishda uning choraklik taqsimoti Soliq qoʻmitasi ishtirokida aniqlangan daromadlarning hajmi hamda ularning turlari boʻyicha hisob-kitob tayyorlanadi. Ushbu hisob-kitoblar asosida daromadlarning aniq turlari boʻyicha koʻrsatkichlari aniqlanadi.

156. Davlat budjeti daromadlarining aniqlangan koʻrsatkichlari boʻyicha tayyorlangan maʼlumotlar Oʻzbekiston Respublikasi Prezidenti Administratsiyasi bilan kelishilgandan soʻng Oʻzbekiston Respublikasi iqtisodiyot va moliya vaziri yoki tegishli oʻrinbosariga tasdiqlash uchun kiritiladi.

157. Davlat budjeti daromadlarining aniqlangan koʻrsatkichlari toʻgʻrisida quyidagilarga:

Soliq qoʻmitasi;

Bojxona qoʻmitasi;

Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari xabardor qilinadi.

Hududiy iqtisodiyot va moliya organlari tegishli ravishda Qoraqalpogʻiston Respublikasi respublika budjeti, viloyatlar va Toshkent shahar mahalliy budjetlari daromadlarining prognoz koʻrsatkichlariga kiritilgan oʻzgartirishlar haqida Qoraqalpogʻiston Respublikasi, viloyatlar va Toshkent shahar soliq boshqarmalariga xabar qiladi.

158. Davlat budjeti daromadlari hamda Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlarining tasdiqlangan parametrlariga oʻzgartirishlar kiritilganda, ushbu budjetlarining daromadlar yoyilmasiga oʻzgartirish kiritish uchun Iqtisodiyot va moliya vazirligi tomonidan Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalariga xabarnomalar axborot tizimi orqali yuboriladi.

Bunda, tumanlar va shaharlar mahalliy budjetlariga yoʻnaltiriladigan daromadlar prognoziga oʻzgartirishlar kiritilganida bu toʻgʻrisida tumanlar va shaharlar budjetlarining daromadlari yoyilmasiga oʻzgartirishlar kiritilishi uchun Qoraqalpogʻiston Respublikasi Iqtisodiyot va moliya vazirligi, viloyatlar, Toshkent shahar iqtisodiyot va moliya bosh boshqarmalari tomonidan quyi turuvchi iqtisodiyot va moliya organlariga xabarnomalar axborot tizimi orqali yuboriladi.

159. Oʻzbekiston Respublikasining respublika budjetiga oʻtkaziladigan daromadlar prognoziga oʻzgartirishlar kiritilganda, Oʻzbekiston Respublikasining respublika budjeti daromadlari yoyilmasiga oʻzgartirishlar kiritish Iqtisodiyot va moliya vazirligi tomonidan amalga oshiriladi.

160. Tegishli budjetlarning daromadlari va xarajatlari yoyilmalarining daromadlar qismini aniqlashtirishda xatoliklarga yoʻl qoʻyilganda, hududiy iqtisodiyot va moliya organlari yuqori turuvchi iqtisodiyot va moliya organlariga tuzatishlar kiritilganligi toʻgʻrisida xabarnomani taqdim etgan holda, budjet daromadlarining aniqlashtirilgan prognozlari doirasida yoʻl qoʻyilgan xatoliklarga tuzatishlar kiritiladi.

Bunda, hududiy iqtisodiyot va moliya organi xatolikni aniqlagan vaqtda, zudlik bilan daromad prognozini xatoligini bartaraf etadi. Xatolikni tuzatish uchun tayyorlanadigan xabarnomada quyidagilar koʻrsatiladi.

“20__-yil ________dagi __-son bildirishnoma-maʼlumotnomaga muvofiq 20__ yilning __-chorak ______ oyining daromadlar koʻrsatkichlariga aniqliklar kiritilmoqda.”.

3-§. Xarajatlar yoyilmalariga oʻzgartirishlar kiritish

161. Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlari va xarajatlari yoyilmalariga quyidagi holatlarda oʻzgartirishlar kiritiladi:

a) Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlariga oʻzgartirish kiritish zarurati nazarda tutilgan qonunchilik hujjatlari qabul qilinganda yoki oʻzgarganda (budjet mablagʻlarini taqsimlovchilar va hududiy budjet mablagʻlarini taqsimlovchilar yangidan tashkil etilganda yoki budjet tashkilotlari va budjet mablagʻlari oluvchilarning boʻysunuvi oʻzgarganda va boshqa holatlarda);

b) ish haqi, stipendiyalar va nafaqalar miqdori, shuningdek ayrim xizmat turlari boʻyicha tariflar oshirilishi bilan bogʻliq xarajatlar oʻzgarganda;

v) Hududiy iqtisodiyot va moliya organlari tomonidan oʻz vakolati doirasida Qoraqalpogʻiston Respublikasi budjeti, viloyatlar va Toshkent shahar mahalliy budjeti hamda tumanlar va shaharlar budjetlarining xarajatlari yoyilmasiga oʻzgartirish kiritilganda;

g) budjet mablagʻlarini taqsimlovchilar va budjet tashkilotlari tashabbusi bilan xarajatlar smetalariga oʻzgartirishlar kiritilganda.

162. Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlari va xarajatlari yoyilmalariga oʻzgartirishlarning kamaytirilayotgan qismi tegishli yoyilmalarning budjet tasnifi va oyida koʻzda tutilgan miqdorlardan ortiq miqdorda boʻlishiga yoʻl qoʻyilmaydi.

1621. Budjet tizimi budjetlarining ijrosi jarayonida budjetdan ajratilgan mablagʻlarning ortiqcha rejalashtirilganligi aniqlangan mablagʻlar, shtat birliklari toʻldirilmaganligi, shuningdek tarmoq, shtatlar va kontingentlar boʻyicha reja bajarilmaganligi natijasida boʻshab qoladigan mablagʻlar (bundan buyon matnda boʻshab qolgan mablagʻlar deb yuritiladi) ish haqi va nafaqalar miqdorini, ayrim xizmat turlari boʻyicha tariflarni oshirish bilan bogʻliq xarajatlarni moliyalashtirishga yoʻnaltiriladi.

Bunda boʻshab qolgan mablagʻlar budjet tashkilotlarida yillik ish haqi va unga tenglashtirilgan toʻlovlar boʻyicha yetishmovchilikka yoʻl qoʻyilmagan taqdirda kamaytirilishi mumkin.

Moliya yili davomida birinchi — uchinchi chorak yakunlari boʻyicha ish haqi va unga tenglashtirilgan toʻlovlar uchun ajratilgan mablagʻlarning oʻzlashtirilishi toʻliq boʻlmagan taqdirda ushbu holat tegishli iqtisodiyot va moliya organi mutaxassisi tomonidan tahlil qilinadi hamda yillik ish haqi va unga tenglashtirilgan toʻlovlar yetishmaganda mablagʻlarning oʻzlashtirilmagan qismi kamaytiriladi hamda toʻrtinchi chorak rejasi mos ravishda koʻpaytiriladi. Shundan soʻng boʻshab qolgan mablagʻlar aniqlanganda mazkur bandning birinchi xatboshisida belgilangan tartib qoʻllaniladi.

Xarajatlar smetasini roʻyxatdan oʻtkazish jarayonida hamda moliya yili davomida boʻshab qolgan mablagʻlar budjet xarajatlari yoyilmasining tegishli boʻlimi, 999-kichik boʻlimi, tegishli bobi, birinchi va ikkinchi guruh xarajat moddalarida hamda toʻrtinchi guruh xarajatlarining “48 21 180 Maqsadli xarajat” moddasida aks ettiriladi.

1622. Boʻshab qolgan mablagʻlarning kamaytirilishi va mos ravishda budjet xarajatlari yoyilmasining tegishli boʻlimi, 999-kichik boʻlimi, tegishli bobi, birinchi va ikkinchi guruh xarajat moddalarining hamda toʻrtinchi guruh xarajatlarining “48 21 180 Maqsadli xarajat” moddasining koʻpaytirilishi boʻyicha oʻzgartirishlar iqtisodiyot va moliya organining masʼul xodimi tomonidan axborot tizimiga kiritiladi. Kiritilgan oʻzgartirishlarda guruhdan guruhga oʻtadigan mablagʻlar mavjud emasligi axborot tizimida tekshiriladi va bunday mablagʻlar mavjud boʻlmasa, kiritilgan oʻzgartirishlar avtomatik tarzda tasdiqlanadi, aks holda bekor qilinadi.

164. Qoraqalpogʻiston Respublikasi budjeti, viloyatlar budjetlari va Toshkent shahar mahalliy budjetining daromadlari va xarajatlarini mos ravishda oshirish hisobiga oʻzgartirishlar kiritish Iqtisodiyot va moliya vazirligi bilan kelishiladi.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari tomonidan mahalliy budjetning daromadlari va xarajatlarini mos ravishda oshirish yuzasidan ishlab chiqilgan takliflari Iqtisodiyot va moliya vazirligining ijobiy xulosasi olingandan soʻng Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga koʻrib chiqish va tasdiqlash uchun kiritiladi.

Tumanlar va shaharlar hokimlari tomonidan mahalliy budjetining daromadlari va xarajatlarini mos ravishda oshirish yuzasidan ishlab chiqilgan takliflari Iqtisodiyot va moliya bosh boshqarmalari orqali Iqtisodiyot va moliya vazirligi bilan kelishiladi hamda ijobiy xulosa olingandan soʻng tuman va shahar xalq deputatlari Kengashlariga koʻrib chiqish va tasdiqlash uchun kiritiladi.

Iqtisodiyot va moliya vazirligi tegishli hokimliklar va Iqtisodiyot va moliya bosh boshqarmalari tomonidan mahalliy budjetning daromadlari va xarajatlarini mos ravishda oshirish yuzasidan kiritilgan takliflarini bir hafta muddatda koʻrib chiqadi va tegishli xulosa beradi.

Bunda yillik daromad prognozlarining ortiqcha bajarilishi asoslangan hisob-kitoblar bilan kafolatlangan taqdirdagina Iqtisodiyot va moliya vazirligi tomonidan Qoraqalpogʻiston Respublikasi budjeti va tegishli mahalliy budjetlarning daromadlari va xarajatlarini mos ravishda oshirilishi boʻyicha ijobiy xulosa beriladi.

4-§. Qonunchilik hujjatlari qabul qilinishi munosabati bilan xarajatlar yoyilmasiga oʻzgartirishlar kiritish

165. Oʻzbekiston Respublikasi Prezidentining farmon va qarorlari, shuningdek Vazirlar Mahkamasining qarorlari asosida yangi tashkil etilgan budjet tashkilotlari va budjet mablagʻlari oluvchilarga budjetdan ajratmalar yoki qoʻshimcha chora-tadbirlarni amalga oshirishni moliyalashtirish uchun mablagʻlar yoʻnaltirish maqsadida Davlat budjetining daromadlar va xarajatlar parametrlari oshirilganda, joriy moliya yilidagi tegishli budjetlar daromadlar va xarajatlar yoyilmasiga belgilangan tartibda tegishli oʻzgartirishlar kiritiladi.

166. Davlat budjeti parametrlarida yangi tashkil etilgan budjet tashkilotlari va budjet mablagʻlari oluvchilarga budjetdan ajratmalar yoki qoʻshimcha chora-tadbirlarni amalga oshirishni moliyalashtirish uchun qoʻshimcha mablagʻlar yoʻnaltirish koʻzda tutilmaganda, Oʻzbekiston Respublikasi respublika budjetining daromadlari va xarajatlari yoyilmasiga Iqtisodiyot va moliya vazirligi tomonidan tegishli oʻzgartirishlar birinchi darajali budjet mablagʻlarini taqsimlovchilarga 17-son shakl maʼlumotnoma-bildirishnomani dasturiy majmuada yuborish orqali amalga oshiriladi.

Bunda, birinchi darajali budjet mablagʻlarini taqsimlovchilar ikkinchi darajali budjet mablagʻlarini taqsimlovchilarga, quyi turuvchi budjet tashkilotlari va budjet mablagʻlari oluvchilarga jamlanma xarajatlar smetalari va xarajatlar smetalarini tuzish uchun 18-son shakl maʼlumotnoma-bildirishnomani yuboradi.

167. Davlat budjeti parametrlarida yangi tashkil etilgan budjet tashkilotlari va budjet mablagʻlari oluvchilarga budjetdan ajratmalar yoki qoʻshimcha chora-tadbirlarni amalga oshirishni moliyalashtirish uchun Qoraqalpogʻiston Respublikasi budjeti, viloyatlar va Toshkent shahar mahalliy budjetlarida qoʻshimcha mablagʻlar yoʻnaltirish koʻzda tutilmaganda, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlari va xarajatlari yoyilmasiga oʻzgartirishlar kiritilgan holda ushbu budjetlarning xarajatlar yoyilmasida koʻzda tutilgan mablagʻlar doirasida tegishli hududiy iqtisodiyot va moliya organlari tomonidan oʻzgartirishlar kiritiladi.

168. Oʻzbekiston Respublikasi qonunlari, Oʻzbekiston Respublikasi Oliy Majlisining qarorlari, Oʻzbekiston Respublikasi Prezidentining farmon va qarorlari, shuningdek Vazirlar Mahkamasining qarorlariga asosan budjet tashkilotlari va budjet mablagʻlari oluvchilarning hududiy joylashuvi, idoraviy yoki boshqa jihatdan boʻysunuv darajasi oʻzgarishi natijasida budjetdan ajratmalar bir budjetdan ikkinchi budjetga olib berilganda, yuqori turuvchi iqtisodiyot va moliya organlari tomonidan tegishli budjet tashkiloti yoki budjet mablagʻlari oluvchining soʻroviga koʻra Davlat budjeti daromadlari va xarajatlari yoyilmasiga belgilangan tartibda oʻzgartirishlar kiritiladi.

5-§. Ish haqi, stipendiyalar va nafaqalar miqdori, shuningdek ayrim xizmat turlari boʻyicha tariflar oshirilishi munosabati bilan xarajatlar yoyilmasiga oʻzgarish kiritish

169. Davlat budjeti toʻgʻrisidagi qonunga muvofiq tasdiqlangan budjet parametrlarida inflyatsiya darajasi, narx omili va mehnatga haq toʻlashning eng kam miqdori oʻzgarishi munosabati bilan budjet xarajatlarini indeksatsiya qilish uchun Oʻzbekiston Respublikasi respublika budjeti parametrlarida rejalashtirilgan budjet mablagʻlari nazarda tutiladi.

Davlat budjeti parametrlarida ish haqi, stipendiyalar, nafaqalarning oshirilishi munosabati bilan mahsulot va xizmatlar narxlari va tariflarining oshirilishi (xarajatlarni indeksatsiya qilish) bilan bogʻliq qoʻshimcha budjet xarajatlarini qoplash uchun rejalashtirilgan budjet mablagʻlari budjet tasnifining tegishli boʻlim, kichik boʻlim va xarajat moddalari boʻyicha asosiy budjet mablagʻlari summasidan alohida hisobga olinadi.

Budjet xarajatlarini indeksatsiya qilish uchun mablagʻ ajratilishida Iqtisodiyot va moliya vazirligi tomonidan boʻshab qolgan mablagʻlar inobatga olinadi.

170. Birinchi darajali budjet mablagʻlarini taqsimlovchilarga ajratilgan mablagʻlar tarkibida kelgusida qayta taqsimlash maqsadida rejalashtirilgan mablagʻlar Oʻzbekiston Respublikasi Prezidentining farmon va qarorlariga muvofiq Oʻzbekiston Respublikasining respublika budjetidan boshqa budjetga oʻtkazilishi nazarda tutilganda, Oʻzbekiston Respublikasining respublika budjeti va tegishli budjetlarning xarajatlari yoyilmasiga Iqtisodiyot va moliya vazirligi tomonidan birinchi darajali budjet mablagʻlarini taqsimlovchilarning murojaatlariga asosan oʻzgartirishlar kiritiladi hamda ushbu oʻzgartirishlar hisobiga yuqori budjetdan quyi budjetlarga oʻzaro hisob-kitob mablagʻlari ajratiladi.

6-§. Qoraqalpogʻiston Respublikasi iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari hamda tumanlar va shaharlar iqtisodiyot va moliya boʻlimlari tomonidan xarajatlari yoyilmasiga oʻzgartirish kiritish

171. Qoraqalpogʻiston Respublikasi iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari hamda tumanlar va shaharlar iqtisodiyot va moliya boʻlimlari tomonidan mahalliy budjetlarning xarajatlar yoyilmalariga oʻzgartirishlar quyidagi hollarda kiritiladi:

Qoraqalpogʻiston Respublikasining respublika budjeti, viloyatlar va Toshkent shahar mahalliy budjetlari hamda tumanlar va shaharlar budjetlarining tasdiqlangan parametrlaridagi rivojlantirish dasturlari boʻyicha koʻzda tutilgan mablagʻlarga tegishli xalq deputatlar kengashlarining qarorlari asosida oʻzgartirish kiritish;

Qoraqalpogʻiston Respublikasi respublika budjetining, viloyatlar va Toshkent shahar mahalliy budjetlari hamda tumanlar va shaharlar budjetlarining tasdiqlangan parametrlarida koʻzda tutilgan mablagʻlarni (bundan birinchi va ikkinchi guruh xarajatlari, oziq-ovqat mahsulotlari va dori-darmonlar sotib olish xarajatlari (bundan buyon matnda cheklov oʻrnatilgan xarajat moddalari deb yuritiladi) mustasno) tegishli xalq deputatlar kengashlarining qarorlari bilan boshqa sohalarga yoʻnaltirish;

Qoraqalpogʻiston Respublikasi respublika budjeti, viloyatlar viloyat budjetlari, Toshkent shahri shahar budjetidan mablagʻ oluvchi budjet tashkilotlarining soʻrovlari hamda tumanlar va shaharlar iqtisodiyot va moliya boʻlimlari tomonidan kiritilgan tasdiqlangan xarajatlar smetasidagi cheklov oʻrnatilgan xarajat moddalarini kamaytirish yoki koʻpaytirish;

Qoraqalpogʻiston Respublikasi iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan III guruh xarajatlari “Kapital qoʻyilmalar” xarajat turi boʻyicha alohida ochilgan shaxsiy gʻazna hisobvaraqlarida yuritiladigan xarajatlar smetasi doirasida bir xarajat moddasini kamayishi hisobiga boshqa xarajat turini koʻpaytirish.

172. Tumanlar va shaharlar budjetlaridan moliyalashtiriladigan hududiy budjet mablagʻlarini taqsimlovchi, budjet tashkiloti yoki budjet mablagʻlarini oluvchi cheklov oʻrnatilgan xarajat moddalarini kamaytirish yoki koʻpaytirishni nazarda tutuvchi oʻzgartirishlarni asoslangan hisob-kitoblar bilan tumanlar va shaharlar iqtisodiyot va moliya boʻlimlariga kiritadi.

Tumanlar va shaharlar iqtisodiyot va moliya boʻlimlari tomonidan kiritilgan tegishli oʻzgartirishlar Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan koʻrib chiqiladi va ijroga beriladi.

173. Tumanlar va shaharlar iqtisodiyot va moliya boʻlimlari tomonidan budjet tashkilotlarining soʻrovlari va tegishli xalq deputatlar kengashlari qarorlariga asosan xarajatlar smetasiga kiritilgan oʻzgarishlar markazlashgan buxgalteriyaga ega boʻlgan budjet tashkilotlari tasarrufidagi budjet tashkilotlariga xarajatlar smetalariga oʻzgartirishlarning 17-son shakl maʼlumotnoma-bildirishnomalari, markazlashgan buxgalteriya tomonidan esa 18-son shakl maʼlumotnoma-bildirishnomalar dasturiy majmua orqali yuboriladi.

174. Qoraqalpogʻiston Respublikasi respublika budjetining, viloyatlar viloyat budjetlari, Toshkent shahri shahar budjetining zaxira jamgʻarmasidan mablagʻlarni ajratish Qoraqalpogʻiston Respublikasi respublika budjetining, viloyatlar viloyat budjetlari, Toshkent shahri shahar budjeti hamda tumanlar va shaharlar budjetlariga Qoraqalpogʻiston Respublikasi Joʻqorgʻi Kengesi va xalq deputatlari hududiy Kengashlarining mahalliy budjetlar toʻgʻrisidagi qarorlariga oʻzgartirishlar kiritilmasdan amalga oshiriladi.

1741. Qoraqalpogʻiston Respublikasi respublika budjeti, viloyatlar viloyat budjetlari, Toshkent shahri shahar budjeti, tumanlar va shaharlar budjetlaridan ajratiladigan mablagʻlar:

1) budjet tashkiloti va budjet mablagʻlari oluvchilar faoliyati toʻxtatib turilganligi (toʻxtatib turilgan davr uchun);

2) budjet tashkilotlari va budjet mablagʻlari oluvchilarning tasdiqlangan xarajatlar smetalarida nazarda tutilgan, davlat moliyaviy nazorati boʻyicha tadbirlar davomida aniqlangan ortiqcha va qonunga xilof ravishda budjetdan ajratilgan mablagʻlarning summalariga kamaytirilishi;

3) qonunchilik hujjatlari qabul qilinishi munosabati bilan budjetdan ajratiladigan mablagʻlar miqdorlarining qisqartirilishi summalariga kamaytirilishi;

4) dotatsiyalar va subsidiyalarni toʻlash uchun moʻljallanib, ammo zarurati qolmagan summalariga kamaytirilishi natijasida birinchi va ikkinchi guruh xarajatlaridan maqbullashtirilgan mablagʻlar birinchi va ikkinchi guruh xarajatlarining tegishli moddasida, toʻrtinchi guruh xarajatlaridan maqbullashtirilgan mablagʻlar budjet xarajatlari yoyilmasining tegishli boʻlimi, 998-kichik boʻlimi, tegishli bobi va “48 21 190 Boshqa xarajatlar‎” moddasida aks ettiriladi.

7-§. Budjet mablagʻlarini taqsimlovchilar va budjet tashkilotlari tashabbusi bilan xarajatlar smetalariga oʻzgartirishlar kiritish

175. Budjet mablagʻlarini taqsimlovchilar va budjet tashkilotlarining soʻroviga koʻra moliya yilida uning uchun nazarda tutilgan xarajatlarning ayrim moddalari boʻyicha budjetdan ajratiladigan mablagʻlarning hajmi xarajatlarning boshqa moddalari boʻyicha budjetdan ajratiladigan mablagʻlar teng miqdorda kamaytirilgan hamda budjet mablagʻlarini taqsimlovchilar va budjet tashkilotlari uchun nazarda tutilgan budjetdan ajratiladigan mablagʻlarning tasdiqlangan umumiy hajmi saqlab qolingan holda koʻpaytirilishi mumkin.

Bunda, xarajatlar smetasidagi cheklov oʻrnatilgan xarajat moddalari va kommunal toʻlovlar boʻyicha koʻzda tutilgan xarajatlarni boshqa moddalarga oʻtkazishda mablagʻlar kamaytirilgandan keyin qolgan mablagʻ joriy yilning qolgan davriga yetishi inobatga olinishi lozim.

Budjet mablagʻlarini taqsimlovchilar va budjet tashkilotlari oʻz tashabbuslari bilan ularga ajratilgan jami xarajatlar doirasidagi oʻzgartirishlarni tegishli hisob-kitoblarga asosan axborot tizimiga kiritadi.

Mazkur oʻzgartirishlar axborot tizimida:

Oʻzbekiston Respublikasining respublika budjetidan moliyalashtiriladigan ikkinchi darajali budjet mablagʻlarini taqsimlovchilar va budjet tashkilotlari boʻyicha — birinchi darajali budjet mablagʻlarini taqsimlovchi tomonidan;

birinchi darajali budjet mablagʻlarini taqsimlovchilar va budjet tashkilotlari boʻyicha — Iqtisodiyot va moliya vazirligi tomonidan;

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan moliyalashtiriladigan budjet mablagʻlarini taqsimlovchilar hamda budjet tashkilotlari boʻyicha — tegishincha Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan;

tumanlar va shaharlar budjetlaridan moliyalashtiriladigan budjet mablagʻlarini taqsimlovchilar va budjet tashkiloti boʻyicha — tumanlar va shaharlar iqtisodiyot va moliya boʻlimlari tomonidan roʻyxatdan oʻtkaziladi.

1751. Birinchi darajali budjet mablagʻlarini taqsimlovchilar tomonidan oʻzining ikkinchi darajali budjet mablagʻlarini taqsimlovchilar uchun tasdiqlangan budjetdan ajratiladigan mablagʻlarga oʻzgartirishlar tegishli hisob-kitoblarga asosan dasturiy majmuaga kiritiladi va ushbu oʻzgartirishlar:

budjetdan ajratiladigan mablagʻlarning 10 foizgacha boʻlgan qismini tashkil qilsa, dasturiy majmuada avtomatik tarzda tasdiqlanadi;

10 va undan ortiq foizni tashkil qilsa, Iqtisodiyot va moliya vazirligining masʼul tarkibiy tuzilmasi tomonidan tekshirilib, axborot tizimida tasdiqlanadi.

1752. Davlat maqsadli jamgʻarmalarining xarajatlariga ularning tasdiqlangan umumiy hajmlarini koʻpaytirmasdan yoki kamaytirmasdan oʻzgartirishlar kiritish davlat maqsadli jamgʻarmalarini taqsimlovchi organlar tomonidan Oʻzbekiston Respublikasi Vazirlar Mahkamasining ruxsatiga koʻra hamda Iqtisodiyot va moliya vazirligi bilan kelishuvga koʻra amalga oshiriladi.

Bunda davlat maqsadli jamgʻarmalarini taqsimlovchi organlar davlat maqsadli jamgʻarmalarini saqlash bilan bogʻliq xarajatlarga ajratilgan mablagʻlar doirasida oʻzgartirishlarni mustaqil amalga oshiradi.

176. Budjet mablagʻlari taqsimlovchining, budjet tashkilotining va budjet mablagʻlari oluvchining soʻroviga koʻra kamaytirish tomonga oʻzgartirishlar kiritishga yoʻl qoʻyilmaydigan xarajatlar moddalari Iqtisodiyot va moliya vazirligi tomonidan belgilanadi.

Qoraqalpogʻiston Respublikasi respublika budjeti, viloyatlar viloyat budjetlari, Toshkent shahri shahar budjetining cheklov oʻrnatilgan xarajat moddalariga oʻzgartirish kiritish zarurati yuzaga kelganda ushbu oʻzgartirishlar asoslangan hisob-kitoblarga muvofiq tegishli iqtisodiyot va moliya organlari tomonidan amalga oshiriladi.

177. Budjet tashkilotlari va budjet mablagʻlari oluvchilarning tashabbusi bilan ularning tasdiqlangan xarajatlar smetasi doirasida budjetdan ajratilgan mablagʻlarni koʻpaytirish yoki kamaytirishni nazarda tutuvchi barcha kiritiladigan oʻzgartirishlar hajmi ijro jarayonida budjet tasnifiga muvofiq oyma-oy balanslashgan boʻlishi shart.

178. Budjet tashkilotlarining tasdiqlangan xarajatlar smetasiga yil mobaynida oʻzlarining tashabbusi bilan kiritiladigan oʻzgartirishlar dasturiy majmua orqali amalga oshiriladi va axborot tizimida avtomatik tarzda tasdiqlanadi. Bunda, alohida shaxsiy gʻazna hisobvaraqlari boʻyicha quyidagi oʻzgartirishlar amalga oshiriladi:

xarajatlar smetasida koʻzda tutilgan mablagʻlar doirasida oyma-oy balans taʼminlangan holda bir xarajat moddasini kamaytirish, mos ravishda boshqa xarajat moddasini koʻpaytirish;

xarajatlar smetasida koʻzda tutilgan mablagʻlar doirasida oyma-oy balans taʼminlangan holda xarajat moddalari boʻyicha ayrimlarini oldingi oyga oʻtkazish, mos ravishda boshqa xarajat moddasini keyingi oyga oʻtkazish.

Mazkur bandning birinchi — uchinchi xatboshilarida belgilangan oʻzgartirishlar cheklov oʻrnatilgan xarajat moddalari boʻyicha budjetdan ajratiladigan mablagʻlarni koʻpaytirish yoki kamaytirishga nisbatan tatbiq etilmaydi.

179. Budjet tashkilotlarining soʻroviga muvofiq cheklov oʻrnatilgan xarajat moddalari boʻyicha Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomning (roʻyxat raqami 2634, 2014-yil 15-dekabr) 12-ilovasiga muvofiq xarajatlarni kamaytirish yoki koʻpaytirish tegishli iqtisodiyot va moliya organlari tomonidan belgilangan tartibda amalga oshiriladi.

4-bob. Davlat budjetining qoʻshimcha manbalarini aniqlash

1-§. Umumiy qoidalar

180. Davlat budjetining qoʻshimcha manbalari Davlat budjetining har bir darajasidagi budjetlarida alohida-alohida shakllantiriladi va quyidagilardan tashkil topadi:

Oʻzbekiston Respublikasi respublika budjetining, Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining har yil boshida aniqlanadigan erkin qoldiq mablagʻlari;

Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlari daromadlarining birinchi — uchinchi hisobot choraklari yakunlari boʻyicha aniqlanadigan prognozdan oshirib bajarilishi;

Qoraqalpogʻiston Respublikasining respublika budjetiga, viloyatlarning viloyat budjetlariga, Toshkent shahrining shahar budjetiga, tumanlar va shaharlar budjetlariga elektron savdo maydonchasida yer uchastkalariga boʻlgan huquqlarni sotishdan tushgan mablagʻlar;

Qoraqalpogʻiston Respublikasining respublika budjetiga, viloyatlarning viloyat budjetlariga, Toshkent shahrining shahar budjetiga, tumanlar va shaharlar budjetlariga davlat aktivlarini xususiylashtirishdan tushgan mablagʻlar;

Oʻzbekiston Respublikasining respublika budjetidan ajratiladigan mablagʻlar Oʻzbekiston Respublikasi Hisob palatasi va (yoki) Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi tomonidan kamaytirilishi natijasida maqbullashtirilgan mablagʻlar;

Oʻzbekiston Respublikasi Hisob palatasi va (yoki) Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi tomonidan qoʻshimcha aniqlangan daromadlardan respublika budjetiga undirilgan mablagʻlar;

Budjet kodeksining 120-moddasi toʻrtinchi qismiga muvofiq budjetdan ajratiladigan mablagʻlar kamaytirilishi natijasida boʻshab qolgan mablagʻlar.

181. Qoraqalpogʻiston Respublikasining budjeti, viloyatlar va Toshkent shahar mahalliy budjetlariga elektron savdo maydonchasida yer uchastkalariga boʻlgan huquqlarni sotishdan hamda davlat aktivlarini xususiylashtirishdan tushadigan tushumlar boʻyicha daromadlar prognozi belgilanmaydi.

182. Oʻzbekiston Respublikasining respublika budjeti, Qoraqalpogʻiston Respublikasining budjeti, viloyatlar va Toshkent shahar mahalliy budjetlarining daromadlarining birinchi — uchinchi hisobot choraklari yakunlari boʻyicha daromadlarni prognozdan oshirib bajarilgan miqdori, elektron savdo maydonchasida yer uchastkalariga boʻlgan huquqlarni sotishdan hamda davlat aktivlarini xususiylashtirishdan tushgan mablagʻlar hisobidan xarajatlar tegishli budjetlar prognozlariga oʻzgartirishlar kiritilmasdan amalga oshiriladi.

1821. Oʻzbekiston Respublikasining respublika budjetidan ajratiladigan mablagʻlar Oʻzbekiston Respublikasi Hisob palatasi va (yoki) Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi tomonidan kamaytirilishi natijasida maqbullashtirilgan mablagʻlarning aks ettirilishi Iqtisodiyot va moliya vazirligi tomonidan budjet xarajatlari yoyilmasining 7019-boʻlimi, 998-kichik boʻlimi, 222-bobi va “48 21 190 Boshqa xarajatlar” moddasini mos ravishda koʻpaytirish orqali amalga oshiriladi.

Ushbu mablagʻlar Budjet kodeksining 126-moddasida belgilangan tartibda yoʻnaltiriladi.

2-§. Erkin qoldiq mablagʻlarini aniqlash

183. Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlarining har moliya yili boshida aniqlanadigan erkin qoldiq mablagʻlari tegishli budjetlarning ijrosi toʻgʻrisidagi yillik hisobotlar asosida quyidagi formula asosida aniqlanadi:

EQ = YBQ — AKM

Bunda:

EQ — Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlarining har moliya yili boshida aniqlanadigan erkin qoldiq mablagʻlari;

YBQ — Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti, tumanlar va shaharlar budjetlarining budjet tizimi budjetlari oʻrtasidagi munosabatlari yakunlari boʻyicha har moliya yili boshidagi qoldiq mablagʻlari (yuqori turuvchi budjetdan jalb qilingan bir moliya yilidan ortiq, ammo uch moliya yilidan ortiq boʻlmagan muddatga berilgan budjet ssudasidan qarzdorlik summasi chegirilgan holda);

AKM — moliya yilida Oʻzbekiston Respublikasi respublika budjetining, Qoraqalpogʻiston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining shaxsiy gʻazna hisobvaraqlarida turgan budjet mablagʻlarining yoʻl qoʻyiladigan eng kam miqdori.

Bunda, Oʻzbekiston Respublikasi respublika budjetining erkin qoldiq mablagʻlari Oʻzbekiston Respublikasining respublika budjeti taqchilligini qoplashga, joriy moliya yili uchun belgilangan aylanma kassa mablagʻlarining miqdorini toʻldirishga, qolgan qismi Oʻzbekiston Respublikasi Prezidenti hujjatlari asosida ijtimoiy-iqtisodiy rivojlantirish tadbirlarini moliyalashtirishga yoʻnaltiriladi.

3-§. Daromadlarni prognozdan oshirib bajarilgan miqdorini aniqlash

184. Oʻzbekiston Respublikasi respublika budjetining birinchi — uchinchi hisobot choraklari yakunlari boʻyicha daromadlarning prognozdan oshirib bajarilgan miqdori quyidagi formula asosda aniqlanadi:

DOBRn = DTRn — DAPRn — (OTRn — OTR(n-1))×α — YESTRn — XTMn — DBTSn — RBOʻBDn — QADn;

n=1, 2 va 3-hisobot choragi

Agar:

(OTRn — OTR(n-1)) ≥ 0 → α=1;

(OTRn — OTR(n-1))

Bunda:

DOBRn — Oʻzbekiston Respublikasining respublika budjeti daromadlarining tegishli hisobot choraklari yakunlari boʻyicha prognozdan oshirib bajarilgan miqdori;

DTRn — tegishli hisobot choragida Oʻzbekiston Respublikasining respublika budjetiga haqiqatda tushgan tushumlar;

DAPRn — tegishli hisobot choragida Oʻzbekiston Respublikasi respublika budjetining soliqlar, yigʻimlar, davlat bojlari hamda soliq boʻlmagan toʻlovlar boʻyicha daromadlarining aniqlangan prognozi;

OTRn — tegishli hisobot davri yakunidagi Oʻzbekiston Respublikasining respublika budjetiga belgilangan ajratmalar meʼyorlariga muvofiq soliqlar, yigʻimlar, davlat bojlari hamda soliq boʻlmagan toʻlovlarning ortiqcha toʻlangan yoki ortiqcha undirilgan summalari;

OTR(n-1) — tegishli hisobot davri boshidagi Oʻzbekiston Respublikasining respublika budjetiga belgilangan ajratmalar meʼyorlariga muvofiq soliqlar, yigʻimlar, davlat bojlari hamda soliq boʻlmagan toʻlovlarning ortiqcha toʻlangan yoki ortiqcha undirilgan summalari;

YESTRn — tegishli hisobot choragida Oʻzbekiston Respublikasining respublika budjetiga haqiqatda tushgan elektron savdo maydonchasida yer uchastkalariga boʻlgan huquqlarni sotishdan tushgan pul mablagʻlari, bunda ushlab qolingan zakalat summasi, auksion tashkil etish xizmatlari toʻlovi va yer uchastkalarini tanlash materiallarini tayyorlash qiymatini chegirib tashlanadi;

XTMn — tegishli hisobot choragida Oʻzbekiston Respublikasining respublika budjetiga davlat aktivlarini xususiylashtirishdan tushgan mablagʻlar;

DBTSn — dehqon bozorlari, ixtisoslashtirilgan va buyum bozorlaridan Oʻzbekiston Respublikasi respublika budjetiga tushgan soliqlardan mazkur bozorlar joylashgan tuman (shahar)lar budjetlariga oʻtkaziladigan mablagʻlar;

RBOʻBDn — Oʻzbekiston Respublikasi respublika budjetidan mahalliy budjetlarga oʻtkazib beriladigan daromadlar (jismoniy shaxslardan olinadigan daromad soligʻi, foyda soligʻi, qoʻshilgan qiymat soligʻi);

QADn — Oʻzbekiston Respublikasi Hisob palatasi va (yoki) Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi tomonidan qoʻshimcha aniqlangan daromadlardan respublika budjetiga undirilgan mablagʻlar. Ushbu mablagʻlarning hisoblanishi mazkur Qoidalarning 331-ilovasiga muvofiq amalga oshiriladi.

Bunda, Oʻzbekiston Respublikasi respublika budjetining prognozdan ortiqcha bajarilgan miqdori Oʻzbekiston Respublikasining respublika budjeti taqchilligini qoplashga, joriy moliya yili uchun belgilangan aylanma kassa mablagʻlarining miqdorini toʻldirishga, qolgan qismi Oʻzbekiston Respublikasi Prezidenti hujjatlari asosida ijtimoiy-iqtisodiy rivojlantirish tadbirlarini moliyalashtirishga yoʻnaltiriladi.

1841. Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahri shahar budjeti hamda tumanlar va shaharlar budjetlarining birinchi — uchinchi hisobot choraklari yakunlari boʻyicha daromadlarning prognozdan oshirib bajarilgan miqdori quyidagi formula asosida aniqlanadi:

DOBn = DTn — DAPn — (OTn — OT(n-1))×α — YESTn + DBTSn + RBOʻBDn;

n=1, 2 va 3-hisobot choragi

Agar:

(OTn — OT(n-1)) ≥ 0 → α=1;

(OTn — OT(n-1))

Bunda:

DOBn — Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlari daromadlarining tegishli hisobot choraklari yakunlari boʻyicha prognozdan oshirib bajarilgan miqdori;

DTn — tegishli hisobot choragida Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlariga haqiqatda tushgan tushumlar;

DAPn — tegishli hisobot choragida Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlarining soliqlar, yigʻimlar, davlat bojlari hamda soliq boʻlmagan toʻlovlar boʻyicha daromadlarining aniqlangan prognozi;

OTn — tegishli hisobot davri yakunidagi Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlariga belgilangan ajratmalar meʼyorlariga muvofiq soliqlar, yigʻimlar, davlat bojlari hamda soliq boʻlmagan toʻlovlarning ortiqcha toʻlangan yoki ortiqcha undirilgan summalari;

OT(n-1) — tegishli hisobot davri boshidagi Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlariga belgilangan ajratmalar meʼyorlariga muvofiq soliqlar, yigʻimlar, davlat bojlari hamda soliq boʻlmagan toʻlovlarning ortiqcha toʻlangan yoki ortiqcha undirilgan summalari;

YESTn — tegishli hisobot choragida Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlariga haqiqatda tushgan elektron savdo maydonchasida yer uchastkalariga boʻlgan huquqlarni sotishdan tushgan pul mablagʻlari, bunda ushlab qolingan zakalat summasi, auksion tashkil etish xizmatlari toʻlovi va yer uchastkalarini tanlash materiallarini tayyorlash qiymati chegirib tashlanadi;

DBTSn — dehqon bozorlari, ixtisoslashtirilgan va buyum bozorlaridan Oʻzbekiston Respublikasi respublika budjetiga tushgan soliqlardan mazkur bozorlar joylashgan tuman (shahar)lar budjetlariga oʻtkaziladigan mablagʻlar;

RBOʻBDn — Oʻzbekiston Respublikasi respublika budjetidan mahalliy budjetlarga oʻtkazib beriladigan daromadlar (jismoniy shaxslardan olinadigan daromad soligʻi, foyda soligʻi, qoʻshilgan qiymat soligʻi).

185. Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlari daromadlarining birinchi — uchinchi hisobot choraklari yakunlari boʻyicha daromadlarni prognozdan oshirib bajarilgan miqdorini aniqlashda:

tegishli hisobot choragi uchun Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlarining soliqlar va yigʻimlar boʻyicha daromadlarning aniqlangan prognozi;

tegishli hisobot choragida elektron savdo maydonchasida yer uchastkalariga boʻlgan huquqlarni sotishdan tushgan pul mablagʻlari (ushlab qolingan zakalat summasi, auksion tashkil etish xizmatlari toʻlovi va yer uchastkalarini tanlash materiallarini tayyorlash qiymatini chegirib tashlagan holda) boʻyicha maʼlumotlar tegishincha Iqtisodiyot va moliya vazirligi, Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari, tumanlar va shaharlar iqtisodiyot va moliya boʻlimlari tomonidan shakllantiriladi.

Tegishli hisobot choragida belgilangan ajratmalar meʼyorlariga muvofiq Oʻzbekiston Respublikasining respublika budjeti, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahrining shahar budjeti hamda tumanlar va shaharlar budjetlariga haqiqatda tushgan tushumlar, tegishli hisobot davri boshidagi va yakunidagi ushbu budjetlarga soliqlar va yigʻimlarning ortiqcha toʻlangan summasi tegishincha Soliq qoʻmitasi, Qoraqalpogʻiston Respublikasi, viloyatlar va Toshkent shahar soliq boshqarmalari, tumanlar va shaharlar soliq inspeksiyalari tomonidan shakllantiriladi.

5-bob. Budjet tashkilotlari tovar-moddiy qiymatliklarining meʼyordan ortiq zaxiralari

186. Budjet tashkilotlari meʼyorda faoliyat yuritishlarini taʼminlash uchun tovar-moddiy qiymatliklarning muayyan zaxirasiga ega boʻlishi mumkin. Bu zaxiralar oʻrnatilgan meʼyorlardan oshmasligi kerak.

187. Zaxiralar meʼyori tovar-moddiy qiymatliklarning alohida guruhlari asosida kunlar boʻyicha belgilanadi.

188. Tovar-moddiy qiymatliklar zaxiralarining foydalaniladigan kunlar soni mazkur Qoidalarning 34-ilovasiga muvofiq belgilanadi.

189. Budjet tashkilotlarida tovar-moddiy qiymatliklarining meʼyordan ortiq zaxiralarining summalarini aniqlash mazkur Qoidalarning 35-ilovasiga muvofiq shaklga amalga oshiriladi.

190. Budjet tashkilotlari tomonidan tovar-moddiy qiymatliklarning meʼyordan ortiq zaxiralarining summalari joriy moliya yili uchun rejalashtirilgan budjet mablagʻlari hisobidan:

yillik xarajatlar summasida belgilangan materiallar guruhi boʻyicha tovar-moddiy qiymatliklar zaxiralarining meʼyorlari;

oʻtgan yil boʻyicha haqiqiy xarajatlar toʻgʻrisidagi maʼlumotlar asosida budjet tashkilotlarini bir meʼyorda moliyalashtirilishi uchun zarur boʻlgan materiallar, oziq-ovqat mahsulotlari, dori-darmonlar va bogʻlash vositalari, yoqilgʻi, yonilgʻi-moylash materiallarining pul shaklidagi qiymatlari asosida amalga oshiriladi.

191. Ovqat tayyorlash bilan bogʻliq xarajatlari boʻlmagan budjet tashkilotlari (madaniy-maʼrifiy tashkilotlar, umumtaʼlim maktablari va boshqa muassasalar) boʻyicha yoqilgʻi, yonilgʻi-moylash materiallarining meʼyoriy zaxiralarining summasi yillik moliyaviy hisobotlarning “Tovar-moddiy zaxiralar va nomoliyaviy aktivlar harakati toʻgʻrisidagi hisobot”ida koʻrsatilgan ushbu maqsadlar uchun sarflangan mablagʻlarni kuz-qish mavsumidagi kunlar soniga (asosan 5 oy kuz-qish mavsumi — 150 kun olinadi) boʻlish va olingan summani meʼyor boʻyicha foydalaniladigan kunlar soniga koʻpaytirish orqali aniqlanadi.

192. Budjet tashkilotlari uchun yoqilgʻi, yonilgʻi-moylash materiallari va boshqa moddiy qiymatliklar meʼyoriy zaxiralari quyidagi tartibda hisoblanadi:

tibbiyot muassasalari boʻyicha — yillik hisobotning “Tovar-moddiy zaxiralar va nomoliyaviy aktivlar harakati toʻgʻrisidagi hisobot”ida koʻrsatilgan tashkilot ehtiyoji uchun sarflangan materiallar va oziq-ovqat mahsulotlarining har bir guruhi boʻyicha koʻrsatilgan summa 360 ga boʻlinadi va olingan natija meʼyor boʻyicha foydalaniladigan kunlar soniga koʻpaytiriladi;

boshqa tashkilotlar boʻyicha — yillik hisobotning “Tovar-moddiy zaxiralar va nomoliyaviy aktivlar harakati toʻgʻrisidagi hisobot”ida koʻrsatilgan tashkilot ehtiyoji uchun sarflangan materiallar va oziq-ovqat mahsulotlarining har bir guruhi boʻyicha koʻrsatilgan summa 305 ga boʻlinadi va olingan natija meʼyor boʻyicha foydalaniladigan kunlar soniga koʻpaytiriladi;

avvalgi yilda yil davomida toʻliq faoliyat koʻrsatmagan yangi budjet tashkilotlari ochilganda — yillik hisobotning “Tovar-moddiy zaxiralar va nomoliyaviy aktivlar harakati toʻgʻrisidagi hisobot”ida koʻrsatilgan tashkilot ehtiyoji uchun sarflanadigan materiallar va oziq-ovqat mahsulotlarining har bir guruhi boʻyicha koʻrsatilgan summa haqiqatda faoliyat koʻrsatilgan kunlar soniga boʻlinadi va olingan natija meʼyor boʻyicha foydalaniladigan kunlar soniga koʻpaytiriladi.

193. Tovar-moddiy qiymatliklarning har bir guruhi (turi) boʻyicha zaxiralarning cheklangan miqdori yillik moliyaviy hisobotning “Tovar-moddiy zaxiralar va nomoliyaviy aktivlar harakati toʻgʻrisidagi hisoboti”ida koʻrsatilgan yil oxiriga tovar-moddiy qiymatliklarning har bir guruhi boʻyicha qoldiqlari bilan taqqoslanadi. Tovar-moddiy qiymatliklarning har bir turi boʻyicha zaxira cheklangan miqdori va zaxiralarning haqiqiy qoldigʻi oʻrtasida hisoblangan farq aniqlanadi va joriy yil budjetidan chegiriladi.

194. Kommunal toʻlovlar boʻyicha joriy yilning 1-yanvar holatiga debitor qarzdorlikning qonunchilikka muvofiq kommunal toʻlovlar uchun oldindan toʻlovlaridan ortiqcha summasi hisobga olinadi.

195. Budjetga chegirilishi kerak boʻlgan tovar-moddiy qiymatliklarning ortiqcha zaxiralari hamda kommunal toʻlovlar boʻyicha debitor qarzdorlik summalari:

Oʻzbekiston Respublikasining respublika budjetidan moliyalashtiriladigan budjet tashkilotlari (jumladan, ikkinchi darajali budjet mablagʻlarini taqsimlovchilar) boʻyicha Iqtisodiyot va moliya vazirligi tomonidan;

Qoraqalpogʻiston Respublikasi budjeti, viloyatlar va Toshkent shahar mahalliy budjetidan moliyalashtiriladigan budjet tashkilotlari boʻyicha esa Qoraqalpogʻiston respublikasi iqtisodiyot va moliya vazirligi hamda viloyatlar iqtisodiyot va moliya bosh boshqarmalari tomonidan;

tumanlar va shaharlar budjetidan moliyalashtiriladigan budjet tashkilotlari (jumladan, markazlashgan buxgalteriya xizmat koʻrsatuvchi budjet tashkilotlari va muassasalari) boʻyicha tumanlar va shaharlar iqtisodiyot va moliya boʻlimlari tomonidan aniqlanadi.

Bunda, birinchi darajali budjet mablagʻlarini taqsimlovchilar tomonidan oʻzi va tizimidagi ikkinchi darajali budjet mablagʻlarini taqsimlovchilar uchun chegirilishi lozim boʻlgan tovar-moddiy qiymatliklarning ortiqcha zaxiralari va chegiriladigan debitor qarzdorlik summalari boʻyicha hisob-kitob bilan birgalikda “Tovar-moddiy zaxiralar va nomoliyaviy aktivlar harakati toʻgʻrisidagi hisobot”i boʻyicha tovar-moddiy qiymatliklarning haqiqiy qoldiq summasi hamda debitor qarzdorliklar toʻgʻrisidagi maʼlumotlar Iqtisodiyot va moliya vazirligining tegishli tarmoq boʻlinmalariga taqdim etiladi.

196. Joriy yil xarajatlar smetalarida rejalashtirilgan mablagʻlar hisobiga tovar-moddiy qiymatliklarning ortiqcha zaxiralarini hisobga olish hamda kommunal toʻlovlar boʻyicha chegiriladigan debitor qarzdorlik summasining hisob-kitobi iqtisodiyot va moliya organining masʼul boʻlinmasi tomonidan tuziladi va iqtisodiyot va moliya organining rahbari tomonidan tasdiqlanadi hamda hisobga olish natijalari esa tegishli tashkilotlarning rahbarlariga maʼlum qilinadi.

197. Budjet mablagʻlarini taqsimlovchilar hamda markazlashtirilgan moliya-buxgalteriya xizmatlaridagi bir budjet tashkiloti uchun tovar-moddiy qiymatliklarning zaxirasidagi yetishmaydigan qismi boshqa budjet tashkilotlaridan budjetga chegirilayotgan summa hisobidan kamaytirilmaydi.

198. Budjet tashkilotlari tovar-moddiy qiymatliklarning meʼyordan ortiq zaxiralarining summalaridan tegishli tovar-moddiy qiymatliklarning oʻtgan va joriy moliya yilidagi narxlar oʻrtasidagi farq hisobiga yuzaga kelgan summalar chegirilmaydi.

199. Budjet tashkilotlarining xarajatlar smetalari roʻyxatdan oʻtkazilganidan soʻng, hisobot koʻrsatkichlaridan kelib chiqib IV guruh xarajatlari boʻyicha tovar-moddiy qiymatliklarning meʼyordan ortiqcha zaxiralarining summalari va chegiriladigan debitor qarzdorliklar summalari joriy moliya yilining 15-apreliga qadar xarajatlar smetasidan kamaytiriladi va mablagʻlar tegishli budjetlarning tegishincha boʻlim, boblari boʻyicha xarajat moddasida jamlanadi.

III1 boʻlim. Umumiy fiskal balansni tuzish

1-§. Umumiy qoida

1991. Umumiy fiskal balans Iqtisodiyot va moliya vazirligi tomonidan shakllantiriladi hamda davlat moliyasi barqarorligini baholash, fiskal siyosatni yuritish va makroiqtisodiy prognozlarni ishlab chiqishda qoʻllaniladi.

Umumiy fiskal balans joriy moliya yilining choraklik va yillik ijro koʻrsatkichlari, kelgusi moliya yili uchun budjet prognozi hamda navbatdagi ikki yillik budjet moʻljallari asosida shakllantiriladi.

Umumiy fiskal balans taqchilligining cheklangan miqdori tegishli moliya yili uchun Davlat budjeti toʻgʻrisidagi qonun bilan yalpi ichki mahsulotga nisbatan foizlarda belgilanadi. Shuningdek, Davlat budjeti toʻgʻrisidagi qonunda umumiy fiskal balans tarkibi va taqchillikning miqdorlari maʼlumot uchun ilova qilinadi.

2-§. Umumiy fiskal balansni aniqlash

1992. Umumiy fiskal balans konsolidatsiyalashgan budjet daromadlaridan konsolidatsiyalashgan budjet xarajatlarini hamda davlat dasturlarini amalga oshirish uchun Davlat budjeti va davlat maqsadli jamgʻarmalari hisobidan ajratiladigan depozit, budjet ssudalari, kredit liniyalari va ularning qaytarilishi oʻrtasidagi farqni chegirish orqali aniqlanadi.

1993. Konsolidatsiyalashgan budjet daromadlari Davlat budjetining, davlat maqsadli jamgʻarmalarining, Oʻzbekiston Respublikasi Tiklanish va taraqqiyot jamgʻarmasining hamda budjet tashkilotlarining budjetdan tashqari jamgʻarmalarining daromadlarini oʻz ichiga oladi.

1994. Konsolidatsiyalashgan budjet xarajatlari Davlat budjeti, davlat maqsadli jamgʻarmalari, Oʻzbekiston Respublikasi Tiklanish va taraqqiyot jamgʻarmasi, budjet tashkilotlarining budjetdan tashqari jamgʻarmalarining xarajatlarini hamda davlat tashqi qarzi hisobidan davlat dasturlariga xarajatlarni oʻz ichiga oladi.

Davlat budjeti xarajatlari miqdorini aks ettirishda xalqaro standartlarga muvofiq davlat qarzining asosiy qismini soʻndirish xarajatlari inobatga olinmaydi.

1995. Umumiy fiskal balansda tegishli moliya yili uchun Davlat budjeti hamda davlat maqsadli jamgʻarmalari hisobidan ajratiladigan depozitlar, budjet ssudalari va kredit liniyalari hamda ularning qaytarilishi (toʻliq yoki qisman) oʻrtasidagi farq davlat dasturlarini moliyalashtirish uchun depozitlar, budjet ssudalari va kredit liniyalari saldosi bilan bir qatorda aks ettiriladi.

3-§. Umumiy fiskal balansda takroriy hisobga olish holatlarini tartibga solish

1996. Konsolidatsiyalashgan budjet daromadlarida mablagʻlarning takroriy hisobga olinishining oldini olish maqsadida:

davlat maqsadli jamgʻarmalarining daromadlari ularga Davlat budjetidan ajratiladigan transfertlarni hamda ulardan Davlat budjetiga ajratiladigan transfertlarni inobatga olmagan holda;

budjet tashkilotlarining budjetdan tashqari jamgʻarmalari daromadlari ularga Davlat budjeti, davlat maqsadli jamgʻarmalari va boshqa maqsadli jamgʻarmalardan oʻtkazmalarni inobatga olmagan holda aks ettiriladi.

1997. Konsoliyadatsiyalashgan budjet xarajatlarida mablagʻlarning takroriy hisobga olinishining oldini olish maqsadida quyidagilar amalga oshiriladi:

Davlat budjeti xarajatlari tarkibidan davlat maqsadli jamgʻarmalariga ajratiladigan transfertlar chegirilgan holda aks ettiriladi;

Davlat maqsadli jamgʻarmalari xarajatlari toʻliq hajmda, yaʼni ularning daromadlari va Davlat budjetidan ajratiladigan transfertlar hisobidan amalga oshiriladigan jami xarajatlar miqdori aks ettiriladi. Bunda davlat maqsadli jamgʻarmalaridan Davlat budjetiga oʻtkazib beriladigan transfertlar davlat maqsadli jamgʻarmalari xarajatlari tarkibidan chegirilgan holda aks ettiriladi;

Oʻzbekiston Respublikasi Tiklanish va taraqqiyot jamgʻarmasi xarajatlari ushbu jamgʻarmadan Davlat budjetiga oʻtkazib beriladigan transfertlar miqdori chegirilgan holda aks ettiriladi;

Oʻzbekiston Respublikasi Tiklanish va taraqqiyot jamgʻarmasi mablagʻlari hisobidan ajratilgan ssuda, depozit va kredit mablagʻlari shu moliya yilining oʻzida qaytarilganda ushbu qaytgan mablagʻlar tegishli kassa xarajatlarini tiklash orqali jamgʻarmaga kirim qilinadi;

Oʻzbekiston Respublikasining respublika budjetidan Oʻzbekiston Respublikasi Tiklanish va taraqqiyot jamgʻarmasiga qaytariladigan qarz mablagʻlarining asosiy qismi Oʻzbekiston Respublikasining respublika budjetida Davlat qarzlarini asosiy qismini soʻndirish qatorida aks ettiriladi;

budjet tashkilotlarining budjetdan tashqari jamgʻarmalari xarajatlari ularga Davlat budjeti, davlat maqsadli jamgʻarmalari va boshqa maqsadli jamgʻarmalardan ajratiladigan mablagʻlar hisobidan amalga oshiriladigan xarajatlarni inobatga olmagan holda aks ettiriladi.

1998. Konsolidatsiyalashgan budjet daromadlari va xarajatlarini hisoblashda budjet tizimi budjetlari oʻrtasidagi oʻzaro hamda ularning Oʻzbekiston Respublikasi Tiklanish va taraqqiyot jamgʻarmasi oʻrtasidagi transfertlari takroran hisobga olinishiga yoʻl qoʻyilmaydi.

IV boʻlim. Yakuniy qoida

200. Mazkur Qoidalar talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Oʻzbekiston Respublikasi Davlat budjetini tuzish va ijro etish qoidalariga 1-ILOVA

Oʻzbekiston Respublikasi Davlat budjetini tuzish va ijro etish qoidalariga 2-ILOVA

Oʻzbekiston Respublikasi Davlat budjetini tuzish va ijro etish qoidalariga 2a-ILOVA

Oʻzbekiston Respublikasi Davlat budjetini tuzish va ijro etish qoidalariga 2b-ILOVA

Navbatdagi yil va kelgusi ikki yilda Soliq qoʻmitasi maʼmurchiligidagi kutilayotgan daromadlar tushumining dastlabki miqdorlari toʻgʻrisida prognoz koʻrsatkichlarmln.soʻmT/rDaromad turlari20__ (oʻtgan) yil ijro20__ (joriy) yil20__ yil (kelgusi) prognozbudjet moʻljallaritasdiqlangan prognozkutilayotgan ijro20__ yil20__ yilJamiI.MAHALLIY DARAJADAGI TOʻLOVCHILAR1.Foyda soligʻi2.Aylanmadan olinadigan soliq3.Jismoniy shaxslardan olinadigan daromad soligʻi4.Yakka tartibdagi tadbirkorlar tomonidan toʻlanadigan daromad soligʻi5.Qoʻshilgan qiymat soligʻi6.Aksiz soligʻi (yakuniy isteʼmol)7.Yuridik shaxslarning mol-mulkiga solinadigan soliq8.Jismoniy shaxslardan olinadigan mol-mulk soligʻi9.Yer soligʻiyuridik shaxslardanjismoniy shaxslardan10.Qurilish materiallari boʻyicha yer qaʼridan foy-lik uchun soliq11.Suv resurslaridan foydalanganlik uchun soliq12.BoshqalarDividendlar (Soliq qoʻmitasi qismi)Davlat ishtirokidagi korxona sof foydasidan ajratmalarDavlat bojiYigʻimlarJarimalarDavlat mulkini ijarasiBoshqa tushumlar (musodara, ...)II.YIRIK TOʻLOVCHILAR1.Qoʻshilgan qiymat soligʻi2.Foyda soligʻi3.Jismoniy shaxslardan olinadigan daromad soligʻi4.Aksiz soligʻi (yakuniy isteʼmol)alkogolpivosigarettabiiy gazsuyultirilgan gazneft mahsulotlariyakuniy isteʼmolpoliyetilen granulalarimobil aloqa xizmatiboshqa mahsulotlar5.Yer qaʼridan foydalanganlik uchun soliq6.Qurilish materiallari boʻyicha yer qaʼridan foydalanganlik uchun soliq7.Yuridik shaxslarning mol-mulkiga solinadigan soliq8.Yuridik shaxslardan olinadigan yer soligʻi9.Suv resurslaridan foydalanganlik uchun soliq

* Ushbu jadval Soliq qoʻmitasi (shu jumladan YSTBH DSI boʻyicha) hamda hududlar boʻyicha alohida tayyorlanadi.

Oʻzbekiston Respublikasi Davlat budjetini tuzish va ijro etish qoidalariga 2v-ILOVA

Oʻzbekiston Respublikasi Davlat budjetini tuzish va ijro etish qoidalariga2g-ILOVA

Soliq qarzi va ortiqcha toʻlovlar (hududlar kesimida) mln soʻm T/r Tuman / shaharlar Soliq qarzi Ortiqcha toʻlov 20__ (joriy) yil 1-yanvar holatiga 20__ (joriy) yil 1-yanvar holatiga Jami 1. Qoraqalpogʻiston Respublikasi 2. Andijon viloyati 3. Buxoro viloyati 4. Jizzax viloyati 5. Qashqadaryo viloyati 6. Navoiy viloyati 7. Namangan viloyati 8. Samarqand viloyati 9. Surxondaryo viloyati 10. Sirdaryo viloyati 11. Toshkent viloyati 12. Fargʻona viloyati 13. Xorazm viloyati 14. Toshkent shahri

Oʻzbekiston Respublikasi Davlat budjetini tuzish va ijro etish qoidalariga2d-ILOVA

Oʻzbekiston Respublikasi Davlat budjetini tuzish va ijro etish qoidalariga2e-ILOVA

Oʻzbekiston Respublikasi Davlat budjetini tuzish va ijro etish qoidalariga2j-ILOVA

Oʻzbekiston Respublikasi Davlat budjetini tuzish va ijro etish qoidalariga3-ILOVA

Oʻzbekiston Respublikasi Davlat budjetini tuzish va ijro etish qoidalariga4-ILOVA

Oʻzbekiston Respublikasi Davlat budjetini tuzish va ijro etish qoidalariga5-ILOVA

Budjet mablagʻlarini taqsimlovchilar va budjet tashkilotlarining joriy xarajatlaridagi sifat va miqdor koʻrsatkichlarining oʻzgarishiga doir

MAʼLUMOTLAR

Budjet tashkiloti (budjet mablagʻlari oluvchi, taqsimlovchi) nomi___________________________________________T/rKoʻrsatkichlar nomi*Oʻlchov birligiBoʻlim, kichik boʻlim va bobTarmoq koʻrsatkichlar(mingda)____ yil ijro____ yil tasdiqlangan____ yil reja____ yil moʻljal____ yil moʻljalA123456781.tashkilot soni2.oʻquvchilar sonia)erkakb)ayol3.xodimlar sonia)erkakb)ayol...* Izoh: Budjet tashkilotlarining faoliyatidan kelib chiqqan holda tarmoq koʻrsatkichlari toʻldiriladi (shtat birliklari, koyka oʻrin soni, ped stavka, oʻrin soni va boshqalar)Tashkilot rahbari___________________(imzo)Bosh hisobchi___________________(imzo)

Oʻzbekiston Respublikasi Davlat budjetini tuzish va ijro etish qoidalariga6-ILOVA

Oʻzbekiston Respublikasi Davlat budjetini tuzish va ijro etish qoidalariga7-ILOVA

Oʻzbekiston Respublikasi Davlat budjetini tuzish va ijro etish qoidalariga8-ILOVA

Oʻzbekiston Respublikasi Davlat budjetini tuzish va ijro etish qoidalariga9-ILOVA

Oʻzbekiston Respublikasi Davlat budjetini tuzish va ijro etish qoidalariga10-ILOVA

Oʻzbekiston Respublikasi Davlat budjetini tuzish va ijro etish qoidalariga11-ILOVA

* Daromad va xarajatlarning birlamchi prognoz va moʻljallari

Oʻzbekiston Respublikasi Davlat budjetini tuzish va ijro etish qoidalariga12-ILOVA

_________________ (mahalliy budjet nomi)ning daromadlari, xarajatlari va transfertlarning cheklangan miqdorlari

Oʻzbekiston Respublikasi Davlat budjetini tuzish va ijro etish qoidalariga13-ILOVA

Budjet tashkilotining, budjet mablagʻlari oluvchining va budjet mablagʻlarini taqsimlovchining budjet tizimi budjetlari mablagʻlaridan foydalanish bilan bogʻliq faoliyatining miqdor va sifat koʻrsatkichlarini oʻz ichiga oluvchi, oʻtgan yilda erishilgan natijalar va joriy yilda kutilayotgan natijalar toʻgʻrisidagi tahliliy

HISOBOT

Budjet tashkiloti (budjet mablagʻlari oluvchi, taqsimlovchi) nomi ___________________________________________T/rKoʻrsatkichlar nomi*Boʻlim, kichik boʻlim va bobTarmoq koʻrsatkichlar(mingda)Budjet mablagʻlari(ming soʻmda)____ yil ijro____ yil tasdiqlangan____ yil reja____ yil moʻljal____ yil moʻljal____ yil ijro____ yil tasdiqlangan____ yil reja____ yil moʻljal____ yil moʻljalA1234567891011121.tashkilot soni2.oʻquvchilar sonia)erkakb)ayol3.xodimlar sonia)erkakb)ayol...* Izoh: Budjet tashkilotlarining faoliyatidan kelib chiqqan holda tarmoq koʻrsatkichlari toʻldiriladi (shtat birliklari, koyka (oʻrin) soni, ped stavka, oʻrin soni va boshqalar)Tashkilot rahbari___________________(imzo)Bosh hisobchi___________________(imzo)

Oʻzbekiston Respublikasi Davlat budjetini tuzish va ijro etish qoidalariga14-ILOVA

Oʻzbekiston Respublikasi Davlat budjetini tuzish va ijro etish qoidalariga15-ILOVA

Birinchi darajali budjet mablagʻlari taqsimlovchilarning rivojlantirish dasturlari

Budjet tashkiloti (budjet mablagʻlari oluvchi va taqsimlovchi) nomi: ____________________________T/rRivojlantirish dasturi va maqsadli indikatorlar nomiOʻlchov birligiKelgusi yil uchun budjet prognozi va undan keyingi ikki yil uchun budjet moʻljallari *____ yil___ yil___ yil1.Vazirlik yoki idoraning nomimlrd. soʻmStrategik maqsad:1.1Rivojlantirish dasturining nomi: ______________ (normativ-huquqiy hujjat raqami va sanasi)mlrd. soʻmDastur maqsadi:Yakuniy natija koʻrsatkichi…Bevosita (toʻgʻridan-toʻgʻri) natija koʻrsatkichi……2.Vazirlik yoki idoraning nomimlrd. soʻmStrategik maqsad:2.1Rivojlantirish dasturining nomi: ______________ (normativ-huquqiy hujjat raqami va sanasi)mlrd. soʻmDastur maqsadi:Yakuniy natija koʻrsatkichi…Bevosita (toʻgʻridan-toʻgʻri) natija koʻrsatkichi…Izoh: * Kelgusi yillar uchun rivojlantirish dasturlari va maqsadli indikatorlarining reja koʻrsatkichlari kelgusi yillar uchun davlat budjeti hisobidan ajratiladigan mablagʻlarning cheklangan miqdorlari doirasida qayta tasdiqlanadi.Tashkilot rahbari___________________(imzo)Bosh hisobchi___________________(imzo)

Oʻzbekiston Respublikasi Davlat budjetini tuzish va ijro etish qoidalariga16-ILOVA

Budjet mablagʻlarini taqsimlovchilar va budjet tashkilotlarining navbatdagi yil va kelgusi ikki yil uchun

BUDJET BUYURTMASI

Oʻzbekiston Respublikasi Davlat budjetini tuzish va ijro etish qoidalariga17-ILOVA

Budjet mablagʻlarini taqsimlovchilarning navbatdagi yil va kelgusi ikki yil uchun

JAMLANMA BUDJET BUYURTMASI

Oʻzbekiston Respublikasi Davlat budjetini tuzish va ijro etish qoidalariga18-ILOVA

Kelgusi yillarda hisobga olinadigan davlat dasturlari va tadbirlarini hisoblashda foydalaniladigan oshirish koeffitsiyentlari* T/r Koʻrsatkichlar Oshirish koeffitsiyentlari ____ yil (reja) uchun ____ yil (moʻljal) uchun** ____ yil (moʻljal) uchun** 1. Ish haqi (ish haqi, ustamalar va boshqa ragʻbatlantiruvchi toʻlovlar) 2. Nafaqalar va pensiya toʻlovlari 3. Stipendiya 4. Ijtimoiy soliq 5. Elektroenergiya 6. Tabiiy gaz 7. Issiq suv va issiqlik energiyasi 8. Sovuq suv va oqova 9. Yonilgʻi va YOMM 10. Koʻmir 11. Obyektlarni qoʻriqlash xizmatlari 12. Oziq-ovqat mahsulotlari 13. Dori-darmonlar 14. Boshqalar

* Oshirish koeffitsiyentlari Iqtisodiyot va moliya vazirligi tomonidan belgilanadi va dasturiy majmuaga kiritiladi.

** Bunda, ____ yillar (moʻljal) uchun yillardagi oshirish koeffitsiyentlari ham joriy yildagi bazaviy miqdorlarga nisbatan qoʻllaniladi.

Oʻzbekiston Respublikasi Davlat budjetini tuzish va ijro etish qoidalariga19-ILOVA

Oʻzbekiston Respublikasi Davlat budjetini tuzish va ijro etish qoidalariga20-ILOVA

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari asosida yangi tashkil etilgan tashkilotlar uchun ajratilgan qoʻshimcha xarajatlar toʻgʻrisidagi MAʼLUMOT Budjet tashkiloti (budjet mablagʻlari oluvchi, taqsimlovchi) nomi___________________________________________ (ming soʻmda) T/r Budjetdan mablagʻ ajratish uchun asos Boʻlim Kichik boʻlim Bob Xarajatlar iqtisodiy tasnifining kodlari ____ yil kutilayotgan kassa xarajati ____-____ yillar uchun xarajatlar loyihasi Raqam, qabul qilingan sana Qaror qabul qilgan organ Dastur va tadbirlar nomi joriy yil uchun jami bir yillik ____ yil (reja) ____ yil (moʻljal) ____ yil (moʻljal) A 1 2 3 4 5 JAMI 1. 2. 3. … Tashkilot rahbari ___________________ (imzo) Bosh hisobchi ___________________ (imzo)

Oʻzbekiston Respublikasi Davlat budjetini tuzish va ijro etish qoidalariga21-ILOVA

Oʻzbekiston Respublikasi Davlat budjetini tuzish va ijro etish qoidalariga22-ILOVA

Oʻzbekiston Respublikasi Davlat budjetini tuzish va ijro etish qoidalariga23-ILOVA

Oʻzbekiston Respublikasi Davlat budjetini tuzish va ijro etish qoidalariga24-ILOVA

Oʻzbekiston Respublikasi Davlat budjetini tuzish va ijro etish qoidalariga25-ILOVA

Oʻzbekiston Respublikasi Davlat budjetini tuzish va ijro etish qoidalariga26-ILOVA

Oʻzbekiston Respublikasi Davlat budjetini tuzish va ijro etish qoidalariga27-ILOVA

Qishloq xoʻjaligi uchun moʻljallanmagan yerlar uchun yuridik shaxslar boʻyicha mutlaq miqdorda 1 gektar yer uchun belgilangan bazaviy soliq stavkasiga kiritilayotgan kamaytiruvchi va oshiruvchi koeffitsiyentlar

Oʻzbekiston Respublikasi Davlat budjetini tuzish va ijro etish qoidalariga28-ILOVA

Jismoniy shaxslar boʻyicha (dehqon xoʻjaligini yuritish uchun berilgan qishloq xoʻjaligiga moʻljallagan yerlardan tashqari) mutloq miqdorda 1 m2 uchun belgilangan bazaviy soliq stavkalariga nisbatan kiritilayotgan kamaytiruvchi va oshiruvchi koeffitsiyentlar

Oʻzbekiston Respublikasi Davlat budjetini tuzish va ijro etish qoidalariga29-ILOVA

Noturar koʻchmas mulk obyektlarining mol-mulk soligʻi boʻyicha 1 m2 maydon uchun mutlaq miqdorda belgilangan eng kam qiymatga nisbatan kiritilayotgan koeffitsiyentlar

Oʻzbekiston Respublikasi Davlat budjetini tuzish va ijro etish qoidalariga291-ILOVA

Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahri shahar budjeti, tumanlar va shaharlar budjetlarining daromadlar va xarajatlari jamlanma yoyilmasi

mln. soʻmT/rKoʻrsatkichlarJamiShundan (oylar)YanvarFevral...DekabrRejaIjroRejaIjroRejaIjroRejaIjroIDavr boshiga qoldiqIIJami manbalar boʻyicha tushum000000000shundanErkin qoldiqMahalliy budjet daromadlariRespublika budjetidan ajratiladigan transfertlarOʻzaro hisob-kitoblarOʻtkazib beriladigan daromadlarIIIXarajatlar000000000shundan1-guruh xarajatlari2-guruh xarajatlari3-guruh xarajatlari4-guruh xarajatlariIVDavr oxiriga qoldiq000000000

Oʻzbekiston Respublikasi Davlat budjetini tuzish va ijro etish qoidalariga30-ILOVA

Oʻzbekiston Respublikasi Davlat budjetini tuzish va ijro etish qoidalariga31-ILOVA

Oʻzbekiston Respublikasi Davlat budjetini tuzish va ijro etish qoidalariga311-ILOVA

Oʻzbekiston Respublikasi Davlat budjetining daromadlari va xarajatlarining jamlanma yoyilmasi

mln. soʻmT/rKoʻrsatkichlarJamiShundan (oylar)YanvarFevral...DekabrRejaIjroRejaIjroRejaIjroRejaIjroIDavr boshiga qoldiqIIJami manbalar boʻyicha tushum000000000shundanErkin qoldiqRespublika budjeti daromadlariAvval berilgan depozitlar va budjet ssudalarining qaytishiIIIJami moliyalashtirishga talab000000000shundanRespublika budjeti xarajatlariMahalliy budjetlarga transfertlarDavlat qarzini soʻndirish (asosiy qarz)DepozitlarBudjet ssudalariIVMablagʻ taqchilligi000000000VTaqchillikni qoplash manbalari000000000Xalqaro moliya institutlarining qarz mablagʻlariDavlat qimmatli qogʻozlarini joylashtirishdan tushgan mablagʻlarDavlat aktivlarini xususiylashtirishdan tushumlarBoshqa tushumlarVIDavr oxiriga qoldiq000000000

Oʻzbekiston Respublikasi Davlat budjetini tuzish va ijro etish qoidalariga32-ILOVA

Oʻzbekiston Respublikasi Davlat budjetini tuzish va ijro etish qoidalariga33-ILOVA

Oʻzbekiston Respublikasi Davlat budjetini tuzish va ijro etish qoidalariga331-ILOVA

Oʻzbekiston Respublikasi Hisob palatasi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi tomonidan qoʻshimcha aniqlangan daromadlardan respublika budjetiga undirilgan mablagʻlarning hisob-kitobi toʻgʻrisida

MAʼLUMOT

Iqtisodiyot va moliya vazirligining tegishli tarkibiy tuzilmasi:ming soʻmdaT/rAkt seriyasi*Iqtisodiyot va moliya vazirligining DMBAT dasturidagi tushum boʻyichaDavlat budjetiga qoʻshimcha hisoblangan manbalarDavlat budjetiga undirilgan (davlat budjeti va 4014-hisobraqamiga)Davlat budjetiga undirilgan mablagʻdan respublika budjetiga tushgan qismiIDsanasishaxsiy gʻazna hisobraqami1.

Izoh: * Nazorat tadbirlarini tizimlashtirish uchun beriladigan unikal kod (tekshirish obyekti, sanasi, toʻlov turi va boshqalar).

Oʻzbekiston Respublikasi Davlat budjetini tuzish va ijro etish qoidalariga34-ILOVA

Oʻzbekiston Respublikasi Davlat budjetini tuzish va ijro etish qoidalariga35-ILOVA