Vazirlar Mahkamasining “Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan oʻxshashi respublikada ishlab chiqarilmaydigan yangi texnologik asbob-uskunalar roʻyxatini tasdiqlash toʻgʻrisida” 2021-yil 4-iyundagi 352-son qaroriga qoʻshimcha kiritish haqida (613-son)

30.09.2024

Oʻzbekiston Respublikasi Vazirlar Mahkamasining

qarori

Aholi punktlarining ekologik holatini yaxshilash, respublikada atrof-muhitni muhofaza qilishni taʼminlash, tabiiy resurslardan oqilona foydalanish maqsadida Vazirlar Mahkamasi qaror qiladi:

1. Vazirlar Mahkamasining “Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan oʻxshashi respublikada ishlab chiqarilmaydigan yangi texnologik asbob-uskunalar roʻyxatini tasdiqlash toʻgʻrisida” 2021-yil 4-iyundagi 352-son qaroriga 1-ilova quyidagi mazmundagi 5701-pozitsiya bilan toʻldirilsin:

“ 5701. 8705 90 800 5 Daraxtlarni koʻchirish uchun moʻljallangan maxsus texnikalar ”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 30-sentabr,

613-son