Oʻzbekiston Respublikasi Vazirlar Mahkamasining “Fuqarolarga qarashli mol-mulkning davlat majburiy sugʻurtasi toʻgʻrisida” 1993-yil 23-dekabrdagi 609-son qaroriga oʻzgartirishlar kiritish haqida (603-son)

14.12.1994

Oʻzbekiston Respublikasi Vazirlar Mahkamasining

qarori

Fuqarolik mulkiy manfaatlarini moddiy jihatdan yanada toʻlaroq himoya qilishni taʼminlash maqsadida va Vazirlar Mahkamasining “Fuqarolarga qarashli mol-mulkning davlat majburiy sugʻurtasi toʻgʻrisida” 1993-yil 23-dekabrdagi 609-son qarorining 6-bandiga muvofiq Vazirlar Mahkamasi qaror qiladi:

1. Vazirlar Mahkamasining “Fuqarolarga qarashli mol-mulkning davlat majburiy sugʻurtasi toʻgʻrisida” 1993-yil 23-dekabrdagi 609-son qaroriga quyidagi oʻzgartirishlar kiritilsin:

2-banddagi “pulining har 100 “soʻm-kuponidan” soʻzlari “pulidan foizlar hisobidan” soʻzlari bilan almashtirilsin;

1 va 2-ilovalar yangi tahririda bayon qilinsin (ilova qilinadi).

2. Oʻzbekiston Respublikasi Moliya vazirligi ikki hafta muddatda fuqarolarga qarashli mol-mulkni sugʻurta qilish boʻyicha hisobga olish, toʻlovlarni hisoblash va toʻlash hamda sugʻurta toʻlovini toʻlash tartibi toʻgʻrisidagi yoʻriqnomaga tegishli oʻzgartirishlar kiritsin.

3. Mazkur qaror 1995-yilning 1-yanvaridan amalga kiritilsin.

Oʻzbekiston Respublikasining Bosh vaziri A. MUTALOV

Toshkent sh.,

1994-yil 14-dekabr,

603-son

Vazirlar Mahkamasining 1994-yil 14-dekabrdagi 603-son qaroriga 1-ILOVA

Fuqarolarga qarashli imoratlar va chorva mollarining davlat sugʻurtasi boʻyicha pullarining

miqdorlari

Vazirlar Mahkamasining 1994-yil 14-dekabrdagi 603-son qaroriga 2-ILOVA

Davlat majburiy sugʻurtasi boʻyicha bir yil uchun sugʻurta pulidan foizlar hisobidan olinadigan sugʻurta toʻlovlarining tabaqalashtirilgan stavkalari

miqdorlari

Eslatma: Koʻp qavatli uy-joylardagi xususiylashtirilgan kvartiralar uchun tarif stavkasi sugʻurta pulining 0,3 foizi miqdorida belgilansin.