Savdoga va tijoratga koʻmaklashuvchi “Savdogar” aksionerlik-tijorat bankining faoliyat koʻrsatishi uchun shart-sharoitlar yaratib berishga oid chora-tadbirlar toʻgʻrisida (212-son)

16.04.1994

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Savdoga va tijoratga koʻmaklashuvchi “Savdogar” aksionerlik-tijorat bankini tashkil etish haqida” 1994-yil 18-martdagi Farmoniga muvofiq, shuningdek, bankning normal faoliyat koʻrsatishini va unga yuklatilgan vazifalarning bajarilishini taʼminlash maqsadida Vazirlar Mahkamasi qaror qiladi:

1. “Oʻzsavdobank” tijorat banki va “Oʻzbirlashuvbank” kooperativ banki Kengashlarining ularning negizida savdoga va tijoratga koʻmaklashuvchi “Savdogar” aksionerlik-tijorat banki (“Oʻzsavdogarbank”)ni tuzish toʻgʻrisidagi takliflari qabul qilinsin.

Oʻzbekiston Respublikasi Vazirlar Mahkamasining “Oʻzbekbirlashuv”, “Oʻzkooptayyorlovsavdo” birlashmasi va “Oʻzmevasabzavotuzumsanoat” konserni boshqaruvlarining davlat tasarrufidan chiqarish va xususiylashtirish masalalari boʻyicha takliflari haqida” 1993-yil 20-yanvardagi 44-son qarorining “Oʻzbirlashuvbank” kooperativ bankini ochishga ruxsat berishga oid 6-bandi oʻz kuchini yoʻqotgan deb hisoblansin.

2. “Oʻzsavdogarbank”ning taʼsischilari bir oy muddatda taʼsis badallarini toʻlasinlar va bankning ustav fondini shakllantirsinlar.

3. “Oʻzsavdogarbank”ning ustav fondi bank aksiyalarini sotishdan olingan mablagʻlar hisobiga shakllanishini nazarda tutgan holda, bank Kengashi ikki oy muddatda aksiyalar chiqarilishini va ular taʼsischilar oʻrtasida joylashtirilishini taʼminlasin.

4. Oʻzbekiston Respublikasi Markaziy banki:

“Oʻzsavdogarbank”ni tashkil etish bilan bogʻliq tashkiliy masalalarni hal etishda amaliy yordam koʻrsatsin;

“Oʻzsanoatqurilishbank” va “Oʻzdehqonchiliksanoatbank” bilan birgalikda malakali mutaxassislar bilan butlashda yordam koʻrsatsin.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda “Oʻzsavdogarbank” filiallarini telefon aloqasi bilan taʼminlagan holda tegishli xizmat xonalari ajratsinlar.

6. Oʻzbekbirlashuv boshqaruvi oʻn kun muddatda Klara Setkin koʻchasi, 78-uydagi Toshkent viloyati matbuot balansida boʻlgan binoni “Oʻzsavdogarbank” balansiga oʻtkazsin.

7. “Oʻzulgurjibirjasavdo”, “Toshshaharyoʻlovchitrans”, “Oʻzbeksavdo” uyushmalari, Oʻzbekbirlashuv, “Oʻzqishoqxoʻjaliktaʼminottuzatish” qoʻmitasi, Oʻzbekiston Respublikasi aloqa vazirligi “Oʻzsavdogarbank”ning talabnomasiga koʻra zarur miqdorda inventar, kompyuter texnikasi, transport va aloqa vositalari ajratilishini taʼminlasinlar.

8. Ushbu qarorning bajarilishini nazorat qilish Bosh vazirning oʻrinbosari B.S. Hamidov va Markaziy bank (F.M. Mullajonov) zimmasiga yuklatilsin.

Vazirlar Mahkamasining Raisi I. KARIMOV

Toshkent sh.,

1994-yil 16-aprel,

212-son