“Oʻzbekiston Respublikasining Soliq kodeksiga qoʻshimcha kiritish toʻgʻrisida”gi QT-1-sonli qonunchilik taklifi haqida (4698-IV-son)

06.08.2024

Oʻzbekiston Respublikasi Oliy Majlisi Qonunchilik palatasining

qarori

Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisining Inson huquqlari boʻyicha vakili (ombudsman) tomonidan 2024-yil 12-iyunda qonunchilik tashabbusi tartibida kiritilgan “Oʻzbekiston Respublikasining Soliq kodeksiga qoʻshimcha kiritish toʻgʻrisida”gi QT-1-sonli qonunchilik taklifi boʻyicha Oʻzbekiston Respublikasi Oliy Majlisi Qonunchilik palatasi Budjet va iqtisodiy masalalar qoʻmitasining xulosasi maʼlumot uchun qabul qilinsin.

2. Mazkur qonunchilik taklifida nazarda tutilgan oʻzgartirishlar Oʻzbekiston Respublikasi Davlat budjetining daromadlari kamayishiga olib kelishi mumkinligini inobatga olgan holda, Oʻzbekiston Respublikasi Vazirlar Mahkamasiga ushbu qonunchilik taklifini oʻrganib chiqish va maʼqul deb topilgan taqdirda tegishli qonun loyihasini tayyorlash hamda Oʻzbekiston Respublikasi Oliy Majlisining Qonunchilik palatasiga belgilangan tartibda kiritish tavsiya etilsin.

3. Ushbu Qaror hamda qonunchilik taklifi Oʻzbekiston Respublikasi Vazirlar Mahkamasiga yuborilsin.

4. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2024-yil 6-avgust,

4698-IV-son