Oʻzbekiston Respublikasi Prezidentining 2020-yil 24-iyuldagi “Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida”gi PF-6034-son Farmoniga oʻzgartirish va qoʻshimcha kiritish haqida (PF-142-son)

20.09.2024

Oʻzbekiston Respublikasi Prezidentining

Farmoni

Sud tizimida sudyalarning oʻzini oʻzi boshqarish tamoyilini samarali joriy etish maqsadida Oʻzbekiston Respublikasi Prezidentining 2020-yil 24-iyuldagi “Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida”gi PF-6034-son Farmoniga ilovaga muvofiq oʻzgartirish va qoʻshimcha kiritilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 20-sentabr,

PF-142-son

Oʻzbekiston Respublikasi Prezidentining 2024-yil 20-sentabrdagi PF-142-son Farmoniga ILOVA

Oʻzbekiston Respublikasi Prezidentining 2020-yil 24-iyuldagi “Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida”gi PF-6034-son Farmoniga kiritilayotgan oʻzgartirish va qoʻshimcha

1. 9-bandi quyidagi mazmundagi sakkizinchi xatboshi bilan toʻldirilsin:

“Sudyalarning oʻzini oʻzi boshqarish tamoyilini toʻlaqonli joriy etish maqsadida Oʻzbekiston Respublikasi Oliy sudi raisining oʻrinbosarlari — sudlov hayʼatlari raislari faoliyati yoʻnalishini Oliy sud raisining taqdimnomasiga binoan Oliy sud Plenumi tomonidan tasdiqlash tartibi joriy etilsin”.

2. 1-ilova quyidagi tahrirda bayon etilsin:

“Oʻzbekiston Respublikasi Prezidentining 2020-yil 24-iyuldagi PF-6034-son Farmoniga 1-ILOVA

Oʻzbekiston Respublikasi Oliy sudining

TUZILMASI

Jami boshqaruv xodimlari shtat birliklari soni — 208 ta, shu jumladan sudyalar — 73 ta.

Izoh: yordamchi xodimlar shtat birliklari soni oʻrnatilgan meʼyorlar asosida aniqlanadi”.