Oʻzbekiston Respublikasi Vazirlar Mahkamasining “Chegara bojxona postlari infratuzilmasini rivojlantirish chora-tadbirlari toʻgʻrisida” 2022-yil 28-oktabrdagi 626-son qaroriga oʻzgartirishlar kiritish haqida (583-son)
18.09.2024
Oʻzbekiston Respublikasi Vazirlar Mahkamasining
qarori
Toshkent viloyatidagi “Gʻishtkoʻprik” chegara bojxona postining qurilish-montaj ishlari ushbu chegara bojxona postining ish faoliyati bilan bir vaqtda amalga oshirib kelinmoqda. Xususan, ushbu chegara bojxona postida fuqarolar hamda transport vositalari harakatlanishi uchun vaqtinchalik bino va inshootlar qurildi.
Biroq, bugungi kunda chegara bojxona postida olib borilayotgan qurilish-montaj ishlari davomida ushbu ishlarni loyiha-smeta hujjatlarini ishlab chiqish bilan bir vaqtda amalga oshirish zarurati yuzaga kelmoqda.
Shunga koʻra, “Gʻishtkoʻprik” chegara bojxona postida fuqarolar va transport vositalari harakatlanishi uchun noqulayliklar yaratmagan holda qurilish-montaj ishlarini sifatli yakunlash maqsadida Vazirlar Mahkamasi qaror qiladi:
1. Oʻzbekiston Respublikasi Vazirlar Mahkamasining “Chegara bojxona postlari infratuzilmasini rivojlantirish chora-tadbirlari toʻgʻrisida” 2022-yil 28-oktabrdagi 626-son qaroriga ilovaga muvofiq “Gʻishtkoʻprik” chegara bojxona postining qurilish-montaj ishlari hamda loyiha-smeta hujjatlarini qurilish-montaj ishlari bilan bir vaqtda ishlab chiqish muddatlarini uzaytirishni nazarda tutuvchi oʻzgartirishlar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vaziri oʻrinbosarlari A.J. Ramatov va J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 18-sentabr,
583-son
Vazirlar Mahkamasining 2024-yil 18-sentabrdagi 583-son qaroriga ILOVA
Oʻzbekiston Respublikasi Vazirlar Mahkamasining “Chegara bojxona postlari infratuzilmasini rivojlantirish chora-tadbirlari toʻgʻrisida” 2022-yil 28-oktabrdagi 626-son qaroriga kiritilayotgan oʻzgartirishlar
1. 2-banddagi “20-martga” soʻzlari “31-dekabrga” soʻzlari bilan almashtirilsin.
2. 8-bandning “g” kichik bandidagi “1-martgacha” soʻzlari “1-noyabrgacha” soʻzlari bilan almashtirilsin.