Chet ellarda Oʻzbekiston Respublikasining Konsullik vakolatxonalarini ochish toʻgʻrisida (192-son)

07.04.1994

Oʻzbekiston Respublikasi Vazirlar Mahkamasining

qarori

Vazirlar Mahkamasi qaror qiladi:

1. Jiddada (Saudiya Arabistoni Qirolligi), Dubayda (Birlashgan Arab Amirliklari), Qarochida (Pokiston Islom Respublikasi) Oʻzbekiston Respublikasining Bosh konsulxonalari;

Tel-Avivda (Isroil Davlati), Frankfurt-Maynda (Germaniya Federativ Respublikasi), Nyu-Yorkda (Amerika Qoʻshma Shtatlari), Qohirada (Misr Arab Respublikasi), Bangkokda (Tailand Qirolligi), Seulda (Koreya Respublikasi), Quala-Lumpurda (Malayziya), Mozori Sharifda (Afgʻoniston Islom Davlati) Oʻzbekiston Respublikasining konsulxonalari ochilsin.

2. Oʻzbekiston Respublikasi konsullik muassasalarining shtat jadvali va xarajatlar smetasi tasdiqlansin (1 — 11-ilovalar*).

*1 — 11-ilovalar berilmaydi.

3. 1994-yilda har bir konsullik muassasasining shtatdagi xodimlarining oʻrtacha soni 4 kishidan, ulardan diplomatik tarkibda 3 kishi, maʼmuriy tarkibda 1 kishidan iborat qilib belgilansin.

Tashqi ishlar vazirligining Oʻzbekiston Respublikasining chet ellardagi diplomatik vakolatxonalarida ishlovchi kadrlarni muntazam ravishda almashtirib turishni taʼminlash maqsadida qoʻshimcha 40 nafar shtat xodimi ajratish toʻgʻrisidagi taklifi qabul qilinsin (12-ilova*).

* 12-ilova berilmaydi.

Oʻzbekiston Respublikasi Moliya vazirligi 1994-yilda konsullik muassasalarining xarajatlar smetasiga muvofiq va qoʻshimcha shtat xodimlari uchun zarur boʻlgan mablagʻlarni ajratsin.

4. “Oʻzbekiston havo yoʻllari” milliy aviakompaniyasi:

konsullik muassasalarining “Oʻzbekiston havo yoʻllari” milliy aviakompaniyasining chet ellardagi vakolatxonalari xizmat xonalaridan, aloqa vositalari va boshqa xizmatlaridan foydalanganliklari uchun Oʻzbekiston Respublikasi Tashqi ishlar vazirligi tomonidan toʻlanmagan 1992-1993-yillardagi haqiqiy xarajatlarni oʻz mablagʻlari hisobidan qoplasin;

Oʻzbekiston Respublikasi Tashqi ishlar vazirligining 1994 — 1996-yillarda ochiladigan konsullik muassasalariga keyinchalik oʻz xarajatlarini oʻzi qoplash prinsipi asosida “Oʻzbekiston havo yoʻllari” milliy aviakompaniyasi vakolatxonalarining xizmat xonalarini, aloqa vositalari va boshqa xizmatlarini tekinga bersin.

5. Oʻzbekiston Respublikasi Tashqi ishlar vazirligi konsullik muassasalarini shtat jadvaliga muvofiq malakali kadrlar bilan butlash toʻgʻrisida takliflar kiritsin.

Vazirlar Mahkamasining Raisi I. KARIMOV

Toshkent sh.,

1994-yil 7-aprel,

192-son