Oʻzbekiston uchun ustuvor boʻlgan xalqaro reyting va indekslar roʻyxatini tasdiqlash toʻgʻrisida (SQ-963-IV-son)

16.08.2024

Oʻzbekiston Respublikasi Oliy Majlisi Senatining

qarori

Oʻzbekiston Respublikasi Prezidentining 2024-yil 19-iyundagi “Xalqaro reyting va indekslar bilan ishlash tizimini takomillashtirish hamda ushbu sohada parlament nazoratini kuchaytirish boʻyicha qoʻshimcha chora-tadbirlar toʻgʻrisida”gi PF-91-sonli Farmoni ijrosini taʼminlash maqsadida Oʻzbekiston Respublikasi Oliy Majlisi Senati qaror qiladi:

1. Quyidagilar:

Oʻzbekiston Respublikasi uchun ustuvor boʻlgan xalqaro reyting va indekslar roʻyxati 1-ilovaga;

Oʻzbekiston Respublikasi uchun ustuvor boʻlgan xalqaro reyting va indekslarga masʼul vazirlik va idoralar roʻyxati 2-ilovaga;

Oʻzbekiston Respublikasi uchun ustuvor boʻlgan xalqaro reyting va indekslarda mamlakatimizning oʻrnini yaxshilash boʻyicha maqsadli koʻrsatkichlar (bundan buyon matnda maqsadli koʻrsatkichlar deb yuritiladi) 3-ilovaga muvofiq tasdiqlansin.

2. Mutasaddi vazirlik va idoralarning birinchi rahbarlari maqsadli koʻrsatkichlarga erishilishi uchun shaxsan masʼul hisoblanishi qayd etib oʻtilsin.

3. Xalqaro reyting va indekslar bilan ishlash boʻyicha respublika kengashi (bundan buyon matnda Respublika kengashi deb yuritiladi) ishchi organlari — Iqtisodiyot va moliya vazirligi, Adliya vazirligi:

Oʻzbekiston Respublikasi uchun ustuvor boʻlgan xalqaro reyting va indekslarga masʼul vazirlik va idoralar bilan birgalikda maqsadli koʻrsatkichlarga oʻz vaqtida erishilishini doimiy ravishda monitoring qilsin;

mamlakatimiz uchun ustuvor boʻlgan xalqaro reyting va indekslarni muntazam ravishda tahlil qilib borish asosida past koʻrsatkichli indikator va subindikator boʻyicha soha va tarmoqlardagi mavjud tizimli kamchiliklarni bartaraf etish yuzasidan takliflarni Respublika kengashiga kiritsin;

har yili xalqaro miqyosda tan olingan xalqaro reyting va indekslarning metodologiyalarini hamda ularning respublikamizda ijtimoiy-iqtisodiy va siyosiy-huquqiy sohada olib borilayotgan islohotlarga taʼsirini chuqur oʻrgangan holda ularni ustuvor etib belgilash boʻyicha takliflarni Oʻzbekiston Respublikasi Oliy Majlisi Senatiga kiritib borsin;

2024-yilning 1-dekabriga qadar Oʻzbekiston Respublikasining ustuvor xalqaro reyting va indekslardagi oʻrni yaxshilanishi toʻgʻrisidagi milliy maʼruzani dastlabki tarzda koʻrib chiqish uchun Respublika kengashiga kiritish choralarini koʻrsin.

4. Oʻzbekiston Respublikasi Prezidenti huzuridagi Axborot va ommaviy kommunikatsiyalar agentligi Respublika kengashining ishchi organlari bilan birgalikda doimiy ravishda:

mamlakatimizda olib borilayotgan tub oʻzgarishlarning xalqaro reyting va indekslarga taʼsiri nuqtai nazaridan tahliliy materiallarni tayyorlab, ommaviy axborot vositalari va Internet jahon axborot tarmogʻi orqali joylashtirib borsin;

ustuvor xalqaro reyting va indekslarga hamda ularning indikatorlari va subindikatorlariga ijobiy taʼsir koʻrsatuvchi respublikamizda ijtimoiy-iqtisodiy va siyosiy-huquqiy sohada amalga oshirilayotgan islohotlar mazmun-mohiyatini jahon media makonda targʻib qilish choralarini koʻrsin.

5. Ushbu Qarorning ijrosini nazorat qilish Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklansin.

6. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2024-yil 16-avgust,

SQ-963-IV-son

Oʻzbekiston Respublikasi Oliy Majlisi Senatining 2024-yil 16-avgustdagi SQ-963-IV-sonli qaroriga 1-ILOVA

Oʻzbekiston Respublikasi uchun ustuvor boʻlgan xalqaro reyting va indekslar ROʻYXATI

Oʻzbekiston Respublikasi Oliy Majlisi Senatining 2024-yil 16-avgustdagi SQ-963-IV-sonli qaroriga 2-ILOVA

Oʻzbekiston Respublikasi uchun ustuvor boʻlgan xalqaro reyting va indekslarga masʼul vazirlik va idoralar

ROʻYXATI

Oʻzbekiston Respublikasi Oliy Majlisi Senatining 2024-yil 16-avgustdagi SQ-963-IV-sonli qaroriga 3-ILOVA

Oʻzbekiston Respublikasi uchun ustuvor boʻlgan xalqaro reyting va indekslarda mamlakatimizning oʻrnini yaxshilash boʻyicha

MAQSADLI KOʻRSATKICHLAR