Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga qoʻshimcha va oʻzgartirishlar kiritish toʻgʻrisida (PF-119-son)

23.08.2024

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining 2024-yil 22-iyuldagi “Paxtachilik sohasi korxonalarining iqtisodiy-moliyaviy holatini yaxshilashga oid chora-tadbirlar toʻgʻrisida”gi PF-103-son Farmoniga muvofiq:

2. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq qoʻshimcha va oʻzgartirishlar kiritilsin.

3. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.

Farmon ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 23-avgust,

PF-119-son

Oʻzbekiston Respublikasi Prezidentining 2024-yil 23-avgustdagi PF-119-son Farmoniga ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan qoʻshimcha va oʻzgartirishlar

1. Oʻzbekiston Respublikasi Prezidentining 2023-yil 12-dekabrdagi “Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari toʻgʻrisida”gi PF-205-son Farmonining 5-bandi quyidagi mazmundagi “b1” kichik band bilan toʻldirilsin:

“b1) klasterlar hamda toʻqimachilik mahsulotlari ishlab chiqarishni yoʻlga qoʻygan korxonalarga fyuchers shartnomasi boʻyicha ortiqcha yetishtirilgan paxta xomashyosining yigʻim-terimi uchun — paxta xomashyosi qiymatining 20 foizigacha yillik 10 foizda (shundan, bank marjasi 2 foiz) 10 oyga, shu jumladan 3 oylik imtiyozli davr va oxirgi 7 oy davomida teng ulushlarda qaytarish sharti bilan kredit ajratiladi”.

2. Vazirlar Mahkamasining 2023-yil 25-dekabrdagi 680-son qarori bilan tasdiqlangan Paxta xom ashyosini yetishtirish va paxta yigʻim-terimi xarajatlarini hamda paxta xom ashyosini xarid qilishning yakuniy hisob-kitobini kreditlash toʻgʻrisidagi nizomda:

a) 9-bandda:

“g” kichik bandidagi “klasterlarining” soʻzi “klasterlari hamda toʻqimachilik mahsulotlari ishlab chiqarishni yoʻlga qoʻygan korxonalarning” soʻzlari bilan almashtirilsin;

quyidagi mazmundagi “e” kichik bandi bilan toʻldirilsin:

“e) fyuchers shartnomasi boʻyicha ortiqcha yetishtirilgan paxta xom ashyosining yigʻim-terimi uchun — paxta xom ashyosi qiymatining 20 foizigacha 10 oy muddatga, yillik 8 foizda kredit resurslarini qaytarish muddatini uzaytirish huquqisiz joylashtiradi”;

b) 10-bandda:

birinchi xatboshi quyidagi tahrirda bayon etilsin:

“10. Jamgʻarmaning kredit resurslari hisobidan paxta xomashyosini yetishtirish, uning yigʻim-terimi va u boʻyicha yakuniy hisob-kitoblar uchun ajratilgan kreditlar bitimlarda belgilangan muddatda qaytarilmagan taqdirda, kreditlarning qaytarilmagan qismiga foizlar Markaziy bank asosiy stavkasining 1,5 barobari (shundan, bank marjasi — 2 foiz) miqdorida toʻlanadi”;

quyidagi mazmundagi ikkinchi xatboshi bilan toʻldirilsin:

“Ushbu tartib avvalgi yillar paxta hosilini yetishtirish va yigʻim-terimi uchun ajratilgan kreditlarga ham tatbiq etiladi”;

ikkinchi va uchinchi xatboshilar tegishlicha uchinchi va toʻrtinchi xatboshilar deb hisoblansin;

v) 11-bandning “v” kichik bandida:

birinchi xatboshi quyidagi tahrirda bayon etilsin:

“v) paxta-toʻqimachilik klasterlari hamda toʻqimachilik mahsulotlari ishlab chiqarishni yoʻlga qoʻygan korxonalari paxta xomashyosini xarid qilishning yakuniy hisob-kitobi va yigʻim-terimi uchun”;

ikkinchi xatboshidagi “fyuchers shartnomasi” soʻzlari “fyuchers shartnomalari, toʻgʻridan-toʻgʻri tuzilgan shartnomalar va spot shartnomalari” soʻzlari bilan almashtirilsin;

g) 18-bandda:

birinchi xatboshidagi “yetishtirish” soʻzi “yetishtirish, terim va yakuniy hisob-kitob” soʻzlari bilan almashtirilsin;

“g” kichik bandidagi “klasterlarining” soʻzi “klasterlari hamda toʻqimachilik mahsulotlari ishlab chiqarishni yoʻlga qoʻygan korxonalarining” soʻzlari bilan almashtirilsin;

quyidagi mazmundagi “e” kichik bandi bilan toʻldirilsin:

“e) paxta-toʻqimachilik klasterlari hamda toʻqimachilik mahsulotlari ishlab chiqarishni yoʻlga qoʻygan korxonalariga fyuchers shartnomasi boʻyicha ortiqcha yetishtirilgan paxta xom ashyosining yigʻim-terimini kreditlash uchun 10 oy muddatga, 3 oylik imtiyozli davr va soʻnggi 7 oyda teng ulushlarda qaytarish sharti bilan, paxta xom ashyosi qiymatining 20 foizigacha, yillik 10 foizda (shundan bank marjasi 2 foiz) kredit ajratadi”;

yettinchi xatboshi tegishincha sakkizinchi xatboshi deb hisoblansin.