Yagona ijtimoiy toʻlovni hamda davlat ijtimoiy sugʻurtasiga majburiy badallar va ajratmalarni hisoblash, toʻlash va taqsimlash toʻgʻrisida nizomni tasdiqlash haqida (1333-son)

06.04.2004

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI MEhNAT VA AhOLINI IJTIMOIY MUhOFAZA QILISh VAZIRLIGI OʻZBEKISTON RESPUBLIKASI DAVLAT SOLIQ QOʻMITASI OʻZBEKISTON RESPUBLIKASI MARKAZIY BANKI BOShQARUVINING

Qarori

[Oʻzbekiston Respublikasi Adliya vazirligi tomonidan 2004-yil 6-aprelda 1333-son bilan davlat roʻyxatidan oʻtkazilgan]

Oʻzbekiston Respublikasining Mehnat kodeksi, “Davlat pensiya taʼminoti toʻgʻrisida”gi Qonuni va Oʻzbekiston Respublikasi Vazirlar Mahkamasining 2003-yil 25-dekabr 567-sonli “Oʻzbekiston Respublikasi Davlat budjetining 2004-yil parametrlari toʻgʻrisida”gi qaroriga asosan Oʻzbekiston Respublikasi Moliya vazirligi, Mehnat va aholini ijtimoiy muhofaza qilish vazirligi, Davlat soliq qoʻmitasi va Markaziy banki Boshqaruvi qaror qiladi:

1. Quyida ilova qilingan yagona ijtimoiy toʻlovni hamda davlat ijtimoiy sugʻurtasiga majburiy badallar va ajratmalarni hisoblash, toʻlash va taqsimlash toʻgʻrisidagi nizom* tasdiqlansin.

* Ilova rus tilidagi matnda berilgan.

2. Ushbu qaror Oʻzbekiston Respublikasi Adliya vazirligida roʻyxatdan oʻtgandan keyin 10 kun oʻtgach amalga kiritilsin.

3. Ushbu qaror amalga kiritilgandan keyin quyidagilar oʻz kuchini yoʻqotgan deb hisoblansin:

“Budjetdan tashqari Pensiya jamgʻarmasiga Davlat ijtimoiy sugʻurtasi boʻyicha majburiy badallar va ajratmalarni hisoblash va toʻlash tartibi toʻgʻrisida”gi yoʻriqnomani (2001-yil 16-mart, roʻyxat raqami 1018-son) tasdiqlash toʻgʻrisidagi Oʻzbekiston Respublikasi Davlat Soliq qoʻmitasi, Markaziy banki Boshqaruvi, Moliya vazirligi va Mehnat va aholini ijtimoiy muhofaza qilish vazirliklarining 2001-yil 7-martdagi 2001-21, 182-v, 17 va 181/2-sonli qarori — Meʼyoriy hujjatlar axborotnomasi, 2001-y., 6-son;

“Budjetdan tashqari Pensiya jamgʻarmasiga Davlat ijtimoiy sugʻurtasi boʻyicha majburiy badallar va ajratmalarni hisoblash va toʻlash tartibi toʻgʻrisida”gi yoʻriqnomaga oʻzgartirishlar kiritish”ni (2001-yil 18-oktabr, roʻyxat raqami 1018-1-son) tasdiqlash toʻgʻrisidagi Oʻzbekiston Respublikasi Davlat Soliq qoʻmitasi, Markaziy banki, Moliya vazirligi va Mehnat va aholini ijtimoiy muhofaza qilish vazirliklarining 2001-yil 20-sentabr, 2001-95, 182-V-1, 97 va 05/2573-sonli qarori — Meʼyoriy hujjatlar axborotnomasi, 2001-y., 19-son;

“Budjetdan tashqari Pensiya jamgʻarmasiga Davlat ijtimoiy sugʻurtasi boʻyicha majburiy badallar va ajratmalarni hisoblash va toʻlash tartibi toʻgʻrisidagi yoʻriqnomaga oʻzgartirishlar kiritish”ni (2003-yil 24. aprel, roʻyxat raqami 1018-2-son) tasdiqlash toʻgʻrisidagi Oʻzbekiston Respublikasi Davlat Soliq qoʻmitasi, Markaziy banki, Moliya vazirligi va Mehnat va aholini ijtimoiy himoya qilish vazirliklarining 2003-yil 11-aprel, 2003-32, 182-V-2, 50 va 37 sonli qarori — Meʼyoriy hujjatlar axborotnomasi, 2003-y., 7-8-son.

Moliya vaziri M. NURMURATOV

Toshkent sh.,

2004-yil 25-fevral,

35-son

Mehnat va aholini ijtimoiy muhofaza qilish vaziri O. OBIDOV

Toshkent sh.,

2004-yil 25-fevral,

74-son

Davlat soliq qoʻmitasi raisi B. PARPIYEV

Toshkent sh.,

2004-yil 25-fevral,

2004-24-son

Markaziy bank Boshqaruvi raisi F. MULLAJONOV

Toshkent sh.,

2004-yil 25-fevral,

245-V-son