Hududlarda sanoat salohiyatini yanada oshirish boʻyicha qoʻshimcha chora-tadbirlar toʻgʻrisida (PQ-295-son)

15.08.2024

Oʻzbekiston Respublikasi Prezidentining

Qarori

Hududlarda sanoatni jadal rivojlantirish, korxonalarning mavjud muammolarini tezkorlik bilan hal etish, mahalliy ijro etuvchi hokimiyat organlarining sanoat tarmoqlari bilan ishlash samaradorligini yanada oshirish, shuningdek, Oʻzbekiston Respublikasi Prezidentining 2023-yil 12-oktabrdagi “Sanoat va uning bazaviy tarmoqlarini jadal rivojlantirish boʻyicha qoʻshimcha chora-tadbirlar toʻgʻrisida”gi PF-169-son Farmoni ijrosini taʼminlash maqsadida:

1. Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining tuman va shaharlarda sanoat korxonalari bilan ishlash boʻyicha “respublika — viloyat — tuman” tamoyili asosida vertikal tizimni samarali yoʻlga qoʻyish toʻgʻrisidagi taklifi maʼqullansin.

2. Shunday tartib oʻrnatilsinki, unga muvofiq:

a) hududlarda sanoat korxonalari bilan manzilli ishlash maqsadida quyidagilar tashkil etiladi:

tuman va shaharlarda hokimning birinchi oʻrinbosari boshchiligida soliq va statistika organlari, banklar va iqtisodiy infratuzilma korxonalarining rahbarlarini oʻz ichiga oluvchi hududiy shtablar;

iqtisodiyot va moliya vazirining oʻrinbosari (X.B. Mustafayev) rahbarligida hududiy shtablar faoliyatini muvofiqlashtiruvchi Respublika shtabi.

Bunda Qoraqalpogʻiston Respublikasi Vazirlar Kengashi Raisi, viloyatlar, Toshkent shahar hokimlarining moliya-iqtisodiyot va kambagʻallikni qisqartirish masalalari boʻyicha birinchi oʻrinbosarlari hamda tuman va shahar hokimlari hududiy shtablar faoliyatini samarali tashkil etish, korxonalarning samaradorligini oshirish hamda ularning muammolarini tezkor hal etishga har tomonlama koʻmaklashish uchun shaxsan masʼul hisoblanadi;

b) Energetika vazirligi, Markaziy bank, Soliq va Bojxona qoʻmitalari, Milliy statistika qoʻmitasi va boshqa respublika ijro etuvchi hokimiyat organlari tomonidan Respublika shtabi soʻroviga muvofiq, sanoat korxonalariga oid maʼlumotlar hududiy shtablarga taqdim etilishi taʼminlanadi;

v) hududiy shtablar tomonidan har hafta sanoat korxonalari muammolarini hal etish boʻyicha amalga oshirilayotgan ishlar holati yuzasidan maʼlumotlar Respublika shtabiga, Respublika shtabi tomonidan esa har oy hududlar kesimidagi maʼlumotlar va tizimli muammolarni hal etish boʻyicha takliflar Oʻzbekiston Respublikasi Prezidenti Administratsiyasi va Vazirlar Mahkamasiga kiritiladi.

3. Belgilansinki, 2024-yil 1-sentabrdan boshlab:

Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tarkibida 5 ta shtat birligidan iborat Sanoatni rivojlantirish yigʻma boʻlimlari tashkil etiladi;

tumanlar (shaharlar) iqtisodiyot va moliya boʻlimlarida sanoatni rivojlantirish boʻyicha bosh mutaxassis lavozimi joriy etiladi.

Bunda yangi kiritilayotgan shtat birliklari 1 va 2-ilovalarga muvofiq vazirliklar va mahalliy davlat hokimiyati organlarining shtat birliklarini qisqartirish hisobidan ajratiladi.

4. Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tuman va shaharlar hokimlarining moliya-iqtisodiyot va kambagʻallikni qisqartirish masalalari boʻyicha birinchi oʻrinbosarlari bir vaqtning oʻzida:

Qoraqalpogʻiston Respublikasi iqtisodiyot va moliya vaziri, viloyatlar va Toshkent shahar iqtisodiyot va moliya bosh boshqarmalari boshligʻi;

tumanlar (shaharlar) iqtisodiyot va moliya boʻlimlari boshligʻi etib belgilansin.

5. Iqtisodiyot va moliya vazirligi:

bir oy muddatda yangi tashkil etilayotgan boʻlimlar va bosh mutaxassis lavozimlarini yuqori malakali kadrlar bilan toʻldirish boʻyicha choralarni koʻrsin;

uch oy muddatda Adliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda mahalliy ijro etuvchi hokimiyat organlari tashkiliy tuzilmasini qayta koʻrib chiqqan holda, uni takomillashtirish boʻyicha takliflarni Vazirlar Mahkamasiga kiritsin.

6. Adliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

7. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 15-avgust,

PQ-295-son

Oʻzbekiston Respublikasi Prezidentining 2024-yil 15-avgustdagi PQ-295-son qaroriga 1-ILOVA

Vazirliklar hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarida qisqartiriladigan

SHTAT BIRLIKLARI

T/r Hudud nomi Vazirliklar Qoraqalpogʻiston Respublikasi Vazirlar Kengashi va hududiy hokimliklar Iqtisodiyot va moliya vazirligi tizimi Investitsiyalar, sanoat va savdo vazirligi tizimi Investitsiya masalalari boʻyicha kotibiyat Mahalliy sanoatni rivojlantirish masalalari kotibiyati Jami (109 ta) 15 69 12 13 1. Qoraqalpogʻiston Respublikasi 2 5 2 1 2. Andijon viloyati 1 5 1 1 3. Buxoro viloyati 1 5 1 1 4. Jizzax viloyati 1 5 1 1 5. Qashqadaryo viloyati 1 5 1 1 6. Navoiy viloyati 1 5 1 1 7. Namangan viloyati 1 5 1 8. Samarqand viloyati 1 5 1 1 9. Sirdaryo viloyati 1 5 1 1 10. Surxondaryo viloyati 1 5 1 1 11. Toshkent viloyati 1 5 1 1 12. Fargʻona viloyati 1 5 1 13. Xorazm viloyati 1 5 14. Toshkent shahri 1 4 1 1

Oʻzbekiston Respublikasi Prezidentining 2024-yil 15-avgustdagi PQ-295-son qaroriga 2-ILOVA

Tuman va shahar hokimlari oʻrinbosarlari — investitsiyalar, sanoat va savdo boʻlimlari boshliqlari kotibiyatlaridagi qisqartiriladigan

SHTAT BIRLIKLARI

T/r Hudud nomi Jami Jami 169 1. Qoraqalpogʻiston Respublikasi 15 1. Nukus shahri 1 2. Amudaryo tumani 2 3. Beruniy tumani 1 4. Boʻzatov tumani 1 5. Qoraoʻzak tumani 1 6. Qoʻngʻirot tumani 2 7. Moʻynoq tumani 1 8. Taxiatosh tumani 1 9. Taxtakoʻpir tumani 1 10. Toʻrtkoʻl tumani 1 11. Xoʻjayli tumani 1 12. Chimboy tumani 1 13. Ellikqalʼa tumani 1 2. Andijon viloyati 14 1. Andijon shahri 2 2. Xonobod shahri 1 3. Andijon tumani 1 4. Asaka tumani 1 5. Baliqchi tumani 1 6. Boʻston tumani 1 7. Izboskan tumani 1 8. Marhamat tumani 1 9. Oltinkoʻl tumani 1 10. Paxtaobod tumani 1 11. Xoʻjaobod tumani 1 12. Ulugʻnor tumani 1 13. Shahrixon tumani 1 3. Buxoro viloyati 5 1. Buxoro shahri 1 2. Romitan tumani 1 3. Shofirkon tumani 1 4. Qorakoʻl tumani 1 5. Gʻijduvon tumani 1 4. Jizzax viloyati 7 1. Jizzax shahri 1 2. Zarbdor tumani 1 3. Zomin tumani 1 4. Forish tumani 1 5. Gʻallaorol tumani 2 6. Doʻstlik tumani 1 5. Qashqadaryo viloyati 10 1. Qarshi shahri 1 2. Koʻkdala tumani 1 3. Mirishkor tumani 1 4. Chiroqchi tumani 1 5. Shahrisabz tumani 1 6. Qamashi tumani 1 7. Qarshi tumani 1 8. Muborak tumani 1 9. Gʻuzor tumani 1 10. Kasbi tumani 1 6. Navoiy viloyati 6 1. Navoiy shahri 2 2. Navbahor tumani 1 3. Nurota tumani 1 4. Xatirchi tumani 1 5. Tomdi tumani 1 7. Namangan viloyati 8 1. Namangan shahri 1 2. Kosonsoy tumani 1 3. Norin tumani 1 4. Pop tumani 1 5. Toʻraqoʻrgʻon tumani 1 6. Uchqoʻrgʻon tumani 1 7. Chortoq tumani 1 8. Chust tumani 1 8. Samarqand viloyati 27 1. Samarqand shahri 2 2. Bulungʻur tumani 2 3. Jomboy tumani 2 4. Ishtixon tumani 2 5. Kattaqoʻrgʻon tumani 2 6. Narpay tumani 1 7. Nurobod tumani 1 8. Oqdaryo tumani 1 9. Payariq tumani 2 10. Pastdargʻom tumani 2 11. Paxtachi tumani 2 12. Samarqand tumani 2 13. Toyloq tumani 1 14. Urgut tumani 2 15. Qoʻshrabot tumani 2 16. Kattaqoʻrgʻon shahri 1 9. Sirdaryo viloyati 11 1. Guliston shahri 1 2. Yangiyer shahri 1 3. Shirin shahri 1 4. Boyovut tumani 1 5. Guliston tumani 1 6. Mirzaobod tumani 1 7. Oqoltin tumani 1 8. Sardoba tumani 1 9. Sayxunobod tumani 1 10. Sirdaryo tumani 1 11. Xovos tumani 1 10. Surxondaryo viloyati 16 1. Termiz shahri 1 2. Angor tumani 1 3. Bandixon tumani 1 4. Boysun tumani 1 5. Denov tumani 2 6. Jarqoʻrgʻon tumani 1 7. Muzrabot tumani 1 8. Oltinsoy tumani 1 9. Sariosiyo tumani 1 10. Termiz tumani 1 11. Uzun tumani 1 12. Sherobod tumani 1 13. Shoʻrchi tumani 1 14. Qiziriq tumani 1 15. Qumqoʻrgʻon tumani 1 11. Toshkent viloyati 13 1. Bekobod shahri 1 2. Olmaliq shahri 1 3. Ohangaron shahri 1 4. Nurafshon shahri 1 5. Boʻstonliq tumani 1 6. Qibray tumani 1 7. Parkent tumani 1 8. Piskent tumani 1 9. Zangiota tumani 1 10. Oʻrta Chirchiq tumani 1 11. Chinoz tumani 1 12. Yangiyoʻl tumani 1 13. Ohangaron tumani 1 12. Fargʻona viloyati 17 1. Fargʻona shahri 2 2. Margʻilon shahri 1 3. Quvasoy shahri 1 4. Qoʻqon shahri 1 5. Bagʻdod tumani 1 6. Yozyovon tumani 1 7. Oltiariq tumani 1 8. Soʻx tumani 1 9. Toshloq tumani 1 10. Uchkoʻprik tumani 1 11. Furqat tumani 1 12. Oʻzbekiston tumani 1 13. Quva tumani 1 14. Beshariq tumani 1 15. Dangʻara tumani 1 16. Fargʻona tumani 1 13. Xorazm viloyati 8 1. Urganch shahri 1 2. Xiva shahri 1 3. Urganch tumani 1 4. Hazorasp tumani 1 5. Xonqa tumani 1 6. Shovot tumani 1 7. Yangibozor tumani 1 8. Gurlan tumani 1 14. Toshkent shahri 12 1. Bektemir tumani 1 2. Mirzo Ulugʻbek tumani 1 3. Mirobod tumani 1 4. Olmazor tumani 1 5. Sergeli tumani 1 6. Uchtepa tumani 1 7. Shayxontohur tumani 1 8. Chilonzor tumani 1 9. Yunusobod tumani 1 10. Yakkasaroy tumani 1 11. Yashnobod tumani 1 12. Yangihayot tumani 1