Oʻzbekiston Respublikasining ayrim qonun hujjatlariga sud hokimiyatining mustaqilligi kafolatlarini mustahkamlashga, sudlar faoliyati haqida jamoatchilikni xabardor qilishga xamda yagona sud amaliyotini taʼminlashga qaratilgan oʻzgartirish va qoʻshimchalar kiritish toʻgʻrisida (O‘RQ-943-son)

14.08.2024

Oʻzbekiston Respublikasining Qonuni

Qonunchilik palatasi tomonidan 2024-yil 20-fevralda qabul qilingan Senat tomonidan 2024-yil 30-martda maʼqullangan

Keyingi yillarda “Yangi Oʻzbekiston — yangi sud” prinsipi doirasida aholining odil sudlovga erishish imkoniyatlarini yanada kengaytirish uchun insonning qadr-qimmati ustuvorligini taʼminlashga qaratilgan muhim islohotlar amalga oshirildi.

Xususan, mamlakatimizda sud-huquq tizimini yanada takomillashtirish, fuqarolar va tadbirkorlarning huquqlari hamda qonuniy manfaatlarini ishonchli himoya qilish choralarini kuchaytirish, odil sudlovni samarali taʼminlash boʻyicha izchil ishlar olib borildi. Olib borilgan ishlar natijasida odil sudlovni amalga oshirish jarayonida shaxslarning huquqlari va qonuniy manfaatlarini himoya qilish darajasi yangi bosqichga chiqdi.

Shuningdek bugungi kunda sud qarorlarining qonuniyligi, asosliligi va adolatliligini tekshirish institutini takomillashtirish orqali protsessual kodekslarga fuqarolar uchun kulay hamda soddalashtirilgan tartibni yaratishga qaratilgan tegishli oʻzgartirish va qoʻshimchalar kiritildi.

Bundan tashqari yangi tahrirdagi Oʻzbekiston Respublikasi Konstitutsiyasida sud hokimiyatining mustaqil holda ish yuritishiga va sudyalar muayyan ishlar boʻyicha hisobdor boʻlmasligiga oid konstitutsiyaviy kafolatlar belgilab qoʻyilganligi sudlar faoliyati samaradorligini oshirish yoʻlidagi yana bir muhim qadam boʻldi.

Mazkur konstitutsiyaviy kafolatlarni hayotga toʻlaqonli tatbiq etish, sud hokimiyatining mustaqilligi kafolatlarini yanada mustahkamlash maqsadida sudlar raislarining xalq deputatlari mahalliy Kengashlariga bir yilda kamida bir marta axborot taqdim etishi haqidagi qoidani bekor qilish, shuningdek sud qarorlarini qayta koʻrish instituti takomillashtirilganligi munosabati bilan yagona sud amaliyotini taʼminlash, qonunchilikdagi ayrim boʻshliqlarni va ziddiyatlarni bartaraf etish zaruriyati yuzaga kelmoqda.

Ushbu Qonun bilan Oʻzbekiston Respublikasining ayrim qonun hujjatlariga sudlar raislarining xalq deputatlari mahalliy Kengashlariga bir yilda kamida bir marta axborot taqdim etishi haqidagi qoidani bekor qilishni, oʻz navbatida sudlarning oʻz faoliyati toʻgʻrisida jamoatchilikni har chorakda ommaviy axborot vositalari orqali xabardor qilib borishini, shuningdek sud qarorlarini qayta koʻrish instituti takomillashtirilganligi munosabati bilan yagona sud amaliyotini taʼminlashni nazarda tutuvchi oʻzgartirish va qoʻshimchalar kiritilmoqda.

Ushbu Qonun sud hokimiyatining mustaqilligi kafolatlarini yanada mustahkamlashga, jamiyatning sudlar faoliyati toʻgʻrisida muntazam axborot olishi uchun mustahkam huquqiy asoslarni yaratishga, sudyalar zimmasiga odil sudlovni amalga oshirish bilan bogʻliq boʻlmagan biror-bir majburiyat yuklatilishining oldini olishga hamda ular faoliyatining shaffofligini taʼminlashga, shuningdek qonunchilikdagi ayrim boʻshliqlar va ziddiyatlarni bartaraf etishga xizmat qiladi.

1-modda. Oʻzbekiston Respublikasining 1992-yil 9-dekabrda qabul qilingan “Prokuratura toʻgʻrisida”gi 746-XII-sonli Qonuni (Oʻzbekiston Respublikasining 2001-yil 29-avgustda qabul qilingan 257-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2001-yil, № 9-10, 168-modda; 2003-yil, № 5, 67-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 6, 249-modda; 2008-yil, № 9, 487-modda, № 12, 636-modda; 2011-yil, № 4, 101-modda; 2012-yil, № 9/2, 244-modda; 2015-yil, № 8, 310-modda; 2016-yil, № 9, 276-modda; 2017-yil, № 3, 47-modda, № 6, 300-modda, № 9, 510-modda, № 10, 605-modda; 2018-yil, № 4, 218-modda, № 7, 431-modda; 2019-yil, № 1, 1, 5-moddalar, № 5, 267-modda, № 11, 791-modda, № 12, 891-modda; 2020-yil, № 1, 4-modda; 2021-yil, 4-songa ilova, № 11, 1061-modda; 2022-yil, № 5, 466-modda; 2023-yil, № 4, 265-modda, № 10, 797-modda, № 11, 923-modda) 36-moddasining matnidagi “nazorat” degan soʻz “taftish” degan soʻz bilan almashtirilsin.

2-modda. Oʻzbekiston Respublikasining 1993-yil 2-sentabrda qabul qilingan “Mahalliy davlat hokimiyati toʻgʻrisida”gi 913-XII-sonli Qonunining (Oʻzbekiston Respublikasi Oliy Kengashining Axborotnomasi, 1993-yil, № 9, 320-modda; Oʻzbekiston Respublikasi Oliy Majlisining Axborotnomasi, 1997-yil, № 9, 241-modda; 1999-yil, № 1, 20-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2007-yil, № 4, 163-modda, № 9, 420-modda; 2008-yil, № 12, 640-modda; 2013-yil, № 12, 350-modda; 2014-yil, № 4, 86-modda, № 5, 130-modda; 2015-yil, № 6, 228-modda; 2017-yil, № 6, 300-modda, № 8, 383-modda, № 9, 510-modda, № 12, 772-modda; 2018-yil, № 7, 431-modda; 2019-yil, № 1, 1-modda, № 11, 792-modda, № 12, 891-modda; 2020-yil, № 9, 537-modda; 2021-yil, № 1,3, 7, 13-moddalar, 4-songa ilova, № 8, 800-modda, № 12, 1198-modda; 2022-yil, № 3, 213-modda, № 6, 570, 577-moddalar, № 10, 984-modda; 2023-yil, № 1, 2-modda, № 10, 794-modda, № 12, 1003-modda) 24-moddasiga kuyidagi oʻzgartirishlar kiritilsin:

toʻrtinchi qism chiqarib tashlansin;

beshinchi qism toʻrtinchi qism deb hisoblansin.

3-modda. Oʻzbekiston Respublikasining 1997-yil 25-aprelda qabul qilingan 409-I-sonli Qonuni bilan tasdiqlangan Oʻzbekiston Respublikasining Jinoyat-ijroiya kodeksi (Oʻzbekiston Respublikasi Oliy Majlisining Axborotnomasi, 1997-yil, № 6, 175-modda; 2003-yil, № 9-10, 149-modda; 2004-yil, № 1-2, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 6, 248-modda, № 9, 422-modda, № 12, 595-modda; 2008-yil, № 4, 187-modda, № 12, 636, 641-moddalar; 2009-yil, № 4, 136-modda, № 12, 470-modda; 2010-yil, № 9, 334-modda; 2012-yil, № 9/1, 238-modda; 2014-yil, № 9, 244-modda; 2015-yil, № 8, 310-modda; 2017-yil, № 3, 47-modda, № 10, 605-modda; 2019-yil, № 3, 165-modda, № 5, 267-modda, № 8, 469-modda, № 9, 588, 592-moddalar, № 12, 880-modda; 2020-yil, № 6, 337-modda; 2021-yil, 4-songa ilova, № 11, 1061-modda, № 12, 1193-modda; 2022-yil, № 5, 464-modda; 2023-yil, № 2, 104-modda, № 3, 187-modda, № 4, 269-modda) 167-moddasining beshinchi xatboshisidagi “kassatsiya tartibida” degan soʻzlar “kassatsiya, taftish tartibida” degan soʻzlar bilan almashtirilsin.

4-modda. Oʻzbekiston Respublikasining 2004-yil 3-dekabrda qabul qilingan “Oʻzbekiston Respublikasi Savdo-sanoat palatasi toʻgʻrisida”gi 712-II-sonli Qonuni (Oʻzbekiston Respublikasining 2018-yil 9-iyulda qabul qilingan OʻRQ-483-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 7, 428-modda; 2019-yil, № 11, 791-modda, № 12, 891-modda; 2020-yil, № 1, 1-modda; 2021-yil, 4-songa ilova; 2022-yil, № 2, 79-modda, № 3, 214-modda, № 4, 337-modda; 2023-yil № 11, 923-modda) 21-moddasi birinchi qismining toʻqqizinchi xatboshisidagi “shuningdek daʼvo arizalari bilan bir qatorda apellyatsiya, kassatsiya shikoyatlari, arizalar, shu jumladan nazorat tartibida protest keltirish haqida iltimosnomalar berish” degan soʻzlar “shuningdek daʼvo arizalari bilan bir qatorda apellyatsiya, kassatsiya, taftish shikoyatlari, arizalar, shu jumladan taftish tartibida protest keltirish haqida iltimosnomalar berish” degan soʻzlar bilan almashtirilsin.

5-modda. Oʻzbekiston Respublikasining 2010-yil 29-sentabrda qabul qilingan “Voyaga yetmaganlar oʻrtasida nazoratsizlik va huquqbuzarliklarning profilaktikasi toʻgʻrisida”gi OʻRQ-263-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2010-yil, № 9, 343-modda; 2016-yil, № 12, 383-modda; 2017-yil, № 9, 510-modda; 2018-yil, № 7, 431-modda; 2019-yil, № 5, 267-modda, № 9, 592-modda; 2021-yil, 4-songa ilova; 2022-yil, № 1, 5-modda; 2023-yil № 4, 265-modda) kuyidagi oʻzgartirishlar kiritilsin:

1) 26-moddaning:

sakkizinchi qismidagi “jinoyat ishlari boʻyicha Qoraqalpogʻiston Respublikasi Oliy sudiga, jinoyat ishlari boʻyicha viloyat, Toshkent shahar sudiga” degan soʻzlar “Qoraqalpogʻiston Respublikasi sudiga, viloyat, Toshkent shahar sudiga” degan soʻzlar bilan almashtirilsin;

toʻqqizinchi qismidagi “Jinoyat ishlari boʻyicha Qoraqalpogʻiston Respublikasi Oliy sudining, jinoyat ishlari boʻyicha viloyat, Toshkent shahar sudining” degan soʻzlar “Qoraqalpogʻiston Respublikasi sudining, viloyat, Toshkent shahar sudining” degan soʻzlar bilan almashtirilsin;

2) 30-moddaning:

sakkizinchi qismidagi “jinoyat ishlari boʻyicha Qoraqalpogʻiston Respublikasi Oliy sudiga, jinoyat ishlari boʻyicha viloyat, Toshkent shahar sudiga” degan soʻzlar “Qoraqalpogʻiston Respublikasi sudiga, viloyat, Toshkent shahar sudiga” degan soʻzlar bilan almashtirilsin;

toʻqqizinchi qismidagi “Jinoyat ishlari boʻyicha Qoraqalpogʻiston Respublikasi Oliy sudining, jinoyat ishlari boʻyicha viloyat, Toshkent shahar sudining” degan soʻzlar “Qoraqalpogʻiston Respublikasi sudining, viloyat, Toshkent shahar sudining” degan soʻzlar bilan almashtirilsin.

6-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5,463,464, 467-moddalar, № 12, 1186-modda, 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda, № 9, 710-modda; 2024-yil, № 1, 5, 6, 7-moddalar) kuyidagi oʻzgartirishlar va qoʻshimcha kiritilsin:

1) 5-moddaning:

1-bandi kuyidagi tahrirda bayon etilsin:

“1) fuqarolik ishlari boʻyicha sudlarga beriladigan daʼvo arizalaridan, korxonalar, muassasalar, tashkilotlarning, jamoat birlashmalarining maʼmuriy va boshqa ommaviy huquqiy munosabatlardan yuzaga kelmaydigan qarorlari hamda ular mansabdor shaxslarining shunday harakatlari (harakatsizligi) ustidan berilgan daʼvo arizalaridan, alohida tartibda yuritiladigan ishlarga doir arizalardan, fuqarolik ishlari boʻyicha sudlarning hal qiluv qarorlari, ish yuritishni tugatish toʻgʻrisidagi, daʼvoni koʻrmasdan qoldirish toʻgʻrisidagi, sud jarimalarini solish toʻgʻrisidagi ajrimlar ustidan beriladigan apellyatsiya, kassatsiya va taftish shikoyatlaridan, hakamlik sudining hal qiluv qarorlari yuzasidan nizolashish haqidagi arizalardan, hakamlik sudining hal qiluv qarorlarini majburiy ijro etish uchun ijro varaqasi berish toʻgʻrisidagi arizalardan, hakamlik sudining hal qiluv qarorlari yuzasidan nizolashish haqidagi, hakamlik sudining hal qiluv qarorlarini majburiy ijro etish uchun ijro varaqasi berish toʻgʻrisidagi ishlar yuzasidan fuqarolik ishlari boʻyicha sud ajrimlari ustidan beriladigan apellyatsiya, kassatsiya va taftish shikoyatlaridan, chet davlat sudining hamda chet davlat hakamlik sudining (arbitrajining) hal qiluv qarorini tan olish va ijroga qaratish haqidagi arizalardan, chet davlat sudining hamda chet davlat hakamlik sudining (arbitrajining) hal qiluv qarorini tan olish va ijroga qaratish toʻgʻrisidagi ishlar yuzasidan fuqarolik ishlari boʻyicha sud ajrimlari ustidan beriladigan apellyatsiya, kassatsiya va taftish shikoyatlaridan, shuningdek fuqarolik ishlari boʻyicha sudlar tomonidan hujjatlarning dublikatlarini va koʻchirma nusxalarini berganlik uchun”;

2-bandidagi “nazorat” degan soʻz “taftish” degan soʻz bilan almashtirilsin;

3-bandidagi “apellyatsiya va kassatsiya” degan soʻzlar “apellyatsiya, kassatsiya va taftish” degan soʻzlar bilan almashtirilsin;

2) 8-modda:

birinchi qismining:

8 va 9-bandlari chiqarib tashlansin;

14-bandidagi “shuningdek davlat va xoʻjalik boshqaruvi organlarining, mahalliy davlat hokimiyati organlarining qarorlari, ular mansabdor shaxslarining harakatlari (harakatsizligi) ustidan qilingan shikoyatlar yuzasidan” degan soʻzlar chiqarib tashlansin;

15-bandi chiqarib tashlansin;

16-bandidagi “shuningdek fuqarolar oʻzini oʻzi boshqarish organlarining huquqlari va qonuniy manfaatlarini buzayotgan davlat boshqaruvi organlarining, maʼmuriy-huquqiy faoliyatni amalga oshirishga vakolatli boʻlgan boshqa organlarning, ular mansabdor shaxslarining qarorlari, harakatlari (harakatsizligi) ustidan sudga shikoyat qilganda” degan soʻzlar chiqarib tashlansin;

28-bandidagi “shuningdek fermer, dehqon xoʻjaliklari va tomorqa yer egalarining huquqlari va qonuniy manfaatlarini buzayotgan davlat boshqaruvi organlarining, maʼmuriy-huquqiy faoliyatni amalga oshirishga vakolatli boʻlgan boshqa organlarning, fuqarolar oʻzini oʻzi boshqarish organlarining, ular mansabdor shaxslarining qarorlari, harakatlari (harakatsizligi) ustidan fermer, dehqon xoʻjaliklari va tomorqa yer egalarining manfaatlarini koʻzlab qilingan shikoyatlar yuzasidan” degan soʻzlar chiqarib tashlansin;

32-bandi chiqarib tashlansin;

ikkinchi qismidagi “8 — 10, 14, 32 — 36-bandlarida” degan soʻzlar “10, 14, 33 — 36-bandlarida” degan soʻzlar bilan almashtirilsin;

3) 18-modda birinchi qismining:

3-bandidagi “nazorat” degan soʻz “taftish” degan soʻz bilan almashtirilsin;

4-bandidagi “nazorat” degan soʻz “taftish” degan soʻz bilan almashtirilsin;

5-bandi quyidagi tahrirda bayon etilsin:

“5) agar ish sudga taalluqli boʻlmasa, ishni yuritish tugatilganda, bundan ish taalluqliligiga koʻra boshqa sudga koʻrib chiqish uchun oʻtkazilgan hollar mustasno”;

4) 19-moddaning:

birinchi qismi birinchi xatboshisidagi “nazorat” degan soʻz “taftish” degan soʻz bilan almashtirilsin;

ikkinchi qismi chiqarib tashlansin;

uchinchi — oʻttizinchi qismlari tegishincha ikkinchi — yigirma toʻqqizinchi qismlar deb hisoblansin;

5) ilova:

1-bandining:

“b” kichik bandi quyidagi tahrirda bayon etilsin:

“z” kichik bandidagi “nazorat” degan soʻz “taftish” degan soʻz bilan almashtirilsin;

“i” kichik bandidagi “hukmlar” degan soʻz chiqarib tashlansin;

2-bandining “d” kichik bandidagi “nazorat” degan soʻz “taftish” degan soʻz bilan almashtirilsin;

3-bandining “d” kichik bandidagi “nazorat” degan soʻz “taftish” degan soʻz bilan almashtirilsin;

kuyidagi mazmundagi 31-band bilan toʻldirilsin:

7-modda. Oʻzbekiston Respublikasining 2021-yil 28-iyulda qabul qilingan “Sudlar toʻgʻrisida”gi OʻRQ-703-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2021-yil, № 7, 663-modda) quyidagi oʻzgartirishlar va qoʻshimcha kiritilsin:

1) 18-modda uchinchi qismining ikkinchi xatboshisi quyidagi tahrirda bayon etilsin:

“oʻz vakolatlari doirasida ishlarni birinchi instansiya, apellyatsiya yoki kassatsiya va taftish instansiyasi sudi sifatida, shuningdek yangi ochilgan holatlar boʻyicha koʻrib chiqadi”;

2) 28-moddaning birinchi qismi kuyidagi mazmundagi beshinchi xatboshi bilan toʻldirilsin:

“ishlarni taftish tartibida koʻradi”;

3) 29-modda birinchi qismining ikkinchi xatboshisi kuyidagi tahrirda bayon etilsin:

“ishlarni birinchi instansiyada, apellyatsiya yoki kassatsiya va taftish tartibida koʻradi”;

4) 30-modda birinchi qismining:

uchinchi xatboshisidagi “ishni kassatsiya instansiyasi sudida takroran koʻrish” degan soʻzlar “ishni taftish tartibida koʻrish” degan soʻzlar bilan almashtirilsin;

toʻrtinchi xatboshisidagi “ishni kassatsiya instansiyasi sudida takroran koʻrish” degan soʻzlar “ishni taftish tartibida koʻrish” degan soʻzlar bilan almashtirilsin;

5) 31-modda birinchi qismining:

ikkinchi xatboshisidagi “ishni kassatsiya instansiyasi sudida takroran koʻrish” degan soʻzlar “ishni taftish tartibida koʻrish” degan soʻzlar bilan almashtirilsin;

uchinchi xatboshisi chiqarib tashlansin;

toʻrtinchi — oʻn birinchi xatboshilari tegishincha uchinchi — oʻninchi xatboshilar deb hisoblansin;

sakkizinchi xatboshisi quyidagi tahrirda bayon etilsin:

“sudlarning hal qiluv qarorlari, hukmlari, ajrimlari va qarorlari ijrosini qonunda nazarda tutilgan tartibda toʻxtatib turadi”;

6) 33-modda birinchi qismining ikkinchi xatboshisi quyidagi tahrirda bayon etilsin:

“oʻz vakolatlari doirasida ishlarni birinchi, apellyatsiya yoki kassatsiya va taftish instansiyasi sudi sifatida koʻradi”;

7) 36-modda birinchi qismining uchinchi xatboshisi quyidagi tahrirda bayon etilsin:

“ishlarni apellyatsiya yoki kassatsiya va taftish tartibida koʻradi”;

8) 37-modda birinchi qismining:

oʻn birinchi xatboshisi chiqarib tashlansin;

oʻn ikkinchi va oʻn uchinchi xatboshilari tegishincha oʻn birinchi va oʻn ikkinchi xatboshilar deb hisoblansin;

oʻn birinchi xatboshisi quyidagi tahrirda bayon etilsin:

“sudyalarning aholi bilan uchrashuvlarini tashkil etadi, shuningdek jamoatchilikni har chorakda sudning faoliyati toʻgʻrisida ommaviy axborot vositalari orqali xabardor qilib boradi”;

9) 41-modda birinchi qismining:

toʻrtinchi xatboshisi chiqarib tashlansin;

beshinchi va oltinchi xatboshilari tegishincha toʻrtinchi va beshinchi xatboshilar deb hisoblansin;

toʻrtinchi xatboshisi quyidagi tahrirda bayon etilsin:

“sudyalarning aholi bilan uchrashuvlarini tashkil etadi, shuningdek jamoatchilikni har chorakda sudning faoliyati toʻgʻrisida ommaviy axborot vositalari orqali xabardor qilib boradi”;

10) 48-modda birinchi qismining ikkinchi xatboshisi quyidagi tahrirda bayon etilsin:

“oʻz vakolatlari doirasida ishlarni birinchi, apellyatsiya yoki kassatsiya va taftish instansiyasi sudi sifatida koʻradi”;

11) 51-modda birinchi qismining uchinchi xatboshisi quyidagi tahrirda bayon etilsin:

“ishlarni apellyatsiya yoki kassatsiya va taftish tartibida koʻradi”;

12) 52-modda birinchi qismining:

oʻn birinchi xatboshisi chiqarib tashlansin;

oʻn ikkinchi va oʻn uchinchi xatboshilari tegishincha oʻn birinchi va oʻn ikkinchi xatboshilar deb hisoblansin;

oʻn birinchi xatboshisi quyidagi tahrirda bayon etilsin:

“sudyalarning aholi bilan uchrashuvlarini tashkil etadi, shuningdek jamoatchilikni har chorakda sudning faoliyati toʻgʻrisida ommaviy axborot vositalari orqali xabardor qilib boradi”;

13) 56-modda birinchi qismining:

toʻrtinchi xatboshisi chiqarib tashlansin;

beshinchi va oltinchi xatboshilari tegishincha toʻrtinchi va beshinchi xatboshilar deb hisoblansin;

toʻrtinchi xatboshisi kuyidagi tahrirda bayon etilsin:

“sudyalarning aholi bilan uchrashuvlarini tashkil etadi, shuningdek jamoatchilikni har chorakda sudning faoliyati toʻgʻrisida ommaviy axborot vositalari orqali xabardor qilib boradi”;

14) 64-moddaning sakkizinchi qismidagi “oʻta ogʻir” degan soʻzlar “ogʻir yoki oʻta ogʻir” degan soʻzlar bilan almashtirilsin;

15) 1-ilova:

9-moddasi birinchi qismining ikkinchi xatboshisi quyidagi tahrirda bayon etilsin:

“oʻz vakolatlari doirasida ishlarni birinchi instansiya sudi sifatida va apellyatsiya yoki kassatsiya va taftish tartibida koʻrib chiqadi”;

12-moddasi birinchi qismining uchinchi xatboshisi quyidagi tahrirda bayon etilsin:

“ishlarni apellyatsiya yoki kassatsiya va taftish tartibida koʻrib chiqadi”.

8-modda. Oʻzbekiston Respublikasining 2022-yil 12-aprelda qabul qilingan “Toʻlovga qobiliyatsizlik toʻgʻrisida”gi OʻRQ-763-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2022-yil, № 4, 338-modda; 2023-yil, № 11, 923-modda; 2024-yil, № 1, 5-modda) 61-moddasi quyidagi mazmundagi beshinchi qism bilan toʻldirilsin:

“Sudning ushbu moddaning birinchi qismida koʻrsatilgan, apellyatsiya tartibida koʻrilmagan ajrimi ustidan kassatsiya shikoyati ajrim qonuniy kuchga kirgan kundan eʼtiboran bir oy ichida beriladi va u sudga kelib tushgan paytdan eʼtiboran oʻn kun ichida koʻrib chiqilishi lozim”.

9-modda. Oʻzbekiston Respublikasi Oliy sudi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

10-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

11-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 14-avgust,

OʻRQ-943-son