Tovar belgilari boʻyicha qonunlar toʻgʻrisidagi Singapur shartnomasini (Singapur, 2006-yil 27-mart) ratifikatsiya qilish haqida (O‘RQ-941-son)

13.08.2024

Oʻzbekiston Respublikasining Qonuni

Qonunchilik palatasi tomonidan 2024-yil 30-aprelda qabul qilingan Senat tomonidan 2024-yil 21-iyunda maʼqullangan

Tovar belgilari boʻyicha qonunlar toʻgʻrisidagi Singapur shartnomasi (Singapur, 2006-yil 27-mart) quyidagi qoʻshimcha shart inobatga olingan holda ratifikatsiya qilinsin:

Shartnoma 29-moddasining 4-bandi boʻyicha: “Oʻzbekiston Respublikasi bayon qiladiki, 19-moddaning 2-bandiga qaramay, u huquqlar buzilganligi munosabati bilan huquq egasining tashabbusiga koʻra boshlangan tartib-taomilda ishtirok etishga yoki litsenziya predmeti sanalgan belgiga boʻlgan huquqning bunday buzilishi natijasida yetkazilgan zararning oʻrnini shunday tartib-taomil orqali qoplashga doir har qanday huquq Oʻzbekiston Respublikasining qonunchiligiga muvofiq litsenziatga berilishi uchun shart sifatida litsenziyaning roʻyxatdan oʻtkazilishini talab qiladi”.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 13-avgust,

OʻRQ-941-son