Sanoat sohasida nufuzli xalqaro brendlar bilan hamkorlikni rivojlantirish va milliy brendlarni qoʻllab-quvvatlash chora-tadbirlari toʻgʻrisida (PQ-286-son)
07.08.2024
Oʻzbekiston Respublikasi Prezidentining
Qarori
Oʻzbekiston Respublikasiga sanoat sohasidagi nufuzli xalqaro brendlarni jalb qilish boʻyicha yangicha yondashuvlarni joriy qilish, xalqaro brendlar ostida sanoat mahsulotlari ishlab chiqarish hajmini kengaytirish, ichki va tashqi bozorlarda raqobatbardosh milliy brendlarni yaratishni yanada ragʻbatlantirish hamda bu borada tadbirkorlik subyektlarini qoʻllab-quvvatlash maqsadida:
1. Savdo-sanoat palatasi hamda Investitsiyalar, sanoat va savdo vazirligining tadbirkorlik subyektlarining “Oʻzbekistonda ishlab chiqarilgan” (“Made in Uzbekistan”) yorligʻi ostida xalqaro brendlarning global qoʻshilgan qiymat zanjiriga kirishini ragʻbatlantirish hamda milliy sanoat brendlarini qoʻllab-quvvatlash dasturini amalga oshirish toʻgʻrisidagi taklifi maʼqullansin.
2. Shunday tartib oʻrnatilsinki, unga muvofiq 2025-yildan boshlab har yili 1-aprelga qadar Savdo-sanoat palatasi maxsus elektron platformada:
a) nufuzli xalqaro brendlar roʻyxatini xalqaro eʼtirof etilgan tashkilotlarning soʻnggi reytingida birinchi 500 oʻrinni egallagan sanoat yoʻnalishidagi brend egalari ichidan saralab olgan holda shakllantiradi va eʼlon qiladi;
b) milliy brendlar roʻyxatini ikki bosqichda shakllantiradi va eʼlon qiladi:
birinchi bosqichda — Adliya vazirligi va Soliq qoʻmitasi bilan birgalikda 1-ilovaga muvofiq sanoat yoʻnalishlari boʻyicha yuqori va oʻrta barqarorlik reytingiga ega tadbirkorlik subyektlarining belgilangan tartibda roʻyxatdan oʻtkazilgan tovar belgilari roʻyxatini shakllantiradi;
ikkinchi bosqichda — roʻyxatga kiritilgan tovar belgilari boʻyicha milliy konsalting kompaniyalarining tadqiqotlari, mazkur tovar belgilari ommaviy axborot vositalari, internet va ijtimoiy tarmoqlarda yoritilishi holati va ular toʻgʻrisida soʻrovlar soni, aholi oʻrtasida oʻtkazilgan ijtimoiy soʻrovlar tahlili natijalari asosida milliy brendlar roʻyxatini shakllantiradi va eʼlon qiladi.
Savdo-sanoat palatasi Adliya vazirligi, Soliq qoʻmitasi hamda manfaatdor idoralar bilan birgalikda 2024-yil 1-sentabrga qadar ushbu bandda belgilangan tartib asosida 2024-yil uchun nufuzli xalqaro va milliy brendlar roʻyxatlari shakllantirilishi va eʼlon qilinishini taʼminlasin.
3. 2024-yil 1-sentabrdan boshlab Savdoga koʻmaklashish jamgʻarmasi mablagʻlari hisobidan quyidagi moliyaviy qoʻllab-quvvatlash choralari joriy qilinsin:
a) nufuzli xalqaro brendlar roʻyxatiga kiritilgan brend egalari bilan sanoat mahsulotlarini ishlab chiqarishni yoʻlga qoʻyish toʻgʻrisida toʻgʻridan-toʻgʻri shartnoma tuzgan yuqori va oʻrta barqarorlik reytingidagi tadbirkorlik subyektlari (keyingi oʻrinlarda — brend hamkorlari) uchun:
xalqaro standartlarni joriy qilish, ekologik va muvofiqlik boʻyicha sertifikatlash, shuningdek, mazkur qarorga 2-ilovada keltirilgan roʻyxatdagi mutaxassislarning brend egalari hisoblangan korxonalarda, jumladan, ularning ishlab chiqarish maydonlarida malakasini oshirish xarajatlarini qoplash;
nufuzli xalqaro brendlar ostida kamida 1 million AQSh dollari miqdorida sanoat mahsulotlari ishlab chiqarilganda — grantlar ajratish;
b) milliy brendlar roʻyxatiga kiritilgan brend egalariga (keyingi oʻrinlarda — milliy brend egalari) quyidagi xarajatlarning 50 foizigacha qismini qoplab berish:
standartlashtirish va sertifikatlashning xalqaro tizimlarini joriy etish, shuningdek, xorijiy vakolatli organlarda milliy mahsulotlar va brendlarni (tovar belgilarini) roʻyxatdan oʻtkazish;
xalqaro savdo maydonchalariga (marketpleyslarga) chiqish, xorijiy davlatlardagi “Made in Uzbekistan” shourumlarida mahsulotlarini joylashtirish, xorijiy savdo uylarini tashkil qilishda binolarni ijaraga olish;
xalqaro koʻrgazmalarda qatnashish uchun roʻyxatdan oʻtish, joyni ijaraga olish, koʻrgazma stendlarini tashkil etish va mahsulotlar reklamasini internet tarmogʻida joylashtirish;
ishlab chiqarish biznes jarayonlarini avtomatlashtirish boʻyicha (CRM, ERP, CERM) axborot tizimlarini joriy qilish;
mazkur qarorga 2-ilovaga muvofiq kamida bir yilga jalb qilingan malakali xorijiy mutaxassislarning ish haqini toʻlash;
v) Savdo-sanoat palatasi hamda Investitsiyalar, sanoat va savdo vazirligi tomonidan tarmoq uyushmalari bilan birgalikda ishlab chiqiladigan dastur asosida sanoat sohalari uchun talab yuqori boʻlgan, mazkur qarorning 2-ilovasida koʻrsatilgan yoʻnalishlar boʻyicha mahalliy mutaxassislarni oʻqitish va malakasini oshirish.
Mazkur bandda nazarda tutilgan xarajatlarni moliyalashtirish uchun Savdoga koʻmaklashish jamgʻarmasidan 25 million AQSh dollari miqdorida mablagʻ yoʻnaltirilsin.
4. Savdo-sanoat palatasi:
a) 2024/2025 oʻquv yilidan boshlab Vazirlar Mahkamasi huzuridagi Biznes va tadbirkorlik oliy maktabi hamda Turkiya Iqtisodiyot va texnologiyalar universitetining Toshkent shahridagi filialida “Moda”, “Dizayn”, “Texnologiya”, “Standartlashtirish”, “Innovatsiyalar”, “Marketing” va “Menejment” taʼlim yoʻnalishlarida mahalliy mutaxassislarni tayyorlashni yoʻlga qoʻysin;
b) Investitsiyalar, sanoat va savdo vazirligi hamda Tashqi ishlar vazirligi bilan birgalikda har yili 1-sentabrga qadar nufuzli xalqaro brendlar roʻyxatidagi brend egalari bilan hamkorlikni yoʻlga qoʻyish boʻyicha muzokaralar oʻtkazib:
ishlab chiqarishni ularning talablariga moslashtirish boʻyicha tavsiyalar tadbirkorlik subyektlariga yetkazilishini taʼminlasin;
nufuzli brendlar ostida ishlab chiqarishni yoʻlga qoʻyish boʻyicha “yoʻl xaritalari”ni Vazirlar Mahkamasiga kiritsin;
v) har yili 1-yanvarga qadar tasdiqlanadigan reja-grafiklar boʻyicha namunaviy qoʻllanmalar asosida ishlab chiqarish faoliyatini nufuzli xalqaro brend talablariga moslashtirish, milliy brend yaratish (brending), brend menejment va marketing yoʻnalishlarida tadbirkorlik subyektlari va ularning mutaxassislari uchun oʻquv seminarlarini tashkil qilib borsin;
g) Investitsiyalar, sanoat va savdo vazirligi bilan birgalikda Savdoga koʻmaklashish jamgʻarmasi mablagʻlari hisobidan sanoat sohalari uchun talab yuqori boʻlgan, mazkur qarorning 2-ilovasida koʻrsatilgan yoʻnalishlar boʻyicha mahalliy mutaxassislarni nufuzli xalqaro brendlarning ishlab chiqarish maydonlarida oʻqitishni tashkil qilsin.
5. Vazirlar Mahkamasi ikki hafta muddatda milliy brend egalarini hamda nufuzli xalqaro brendlar hamkorlarini Savdoga koʻmaklashish jamgʻarmasi mablagʻlari hisobidan qoʻllab-quvvatlash tartibini tasdiqlasin.
6. Oʻzbekiston Respublikasi Prezidentining 2024-yil 21-fevraldagi “Oʻzbekiston — 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida”gi PF-37-son Farmoni bilan 2024-yil 1-iyuldan boshlab:
nufuzli xalqaro brendlar bilan ishlab chiqarishni boshlayotgan korxonalar uch yil davomida nufuzli xalqaro brendlar ostida ishlab chiqariladigan mahsulotlar uchun zarur boʻlgan barcha xomashyolar mahalliylashtirish darajasini kamida 60 foizga yetkazish sharti bilan bojxona bojidan ozod etilganligi;
nufuzli xalqaro brendlardan jalb qilingan texnolog, dizayner, marketolog kabi mutaxassislardan Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnoma berilganligi uchun toʻlovlar undirilishi bekor qilinganligi maʼlumot uchun qabul qilinsin.
7. Belgilansinki:
a) mazkur qarorning 6-bandida belgilangan bojxona boji imtiyozlari “Loyihalar va import kontraktlarini kompleks ekspertiza qilish markazi” DUK xulosasi asosida taqdim etiladi.
Bunda 2027-yil 1-yanvar holatiga nufuzli xalqaro brendlar ostida ishlab chiqariladigan mahsulotlarning mahalliylashtirish darajasi 60 foizdan kam boʻlganda imtiyoz qoʻllanishi natijasida tadbirkorlik subyektlari ixtiyorida qolgan summalar qaytarib olinadi;
b) 2024-yil 1-sentabrdan 2027-yil 1-yanvarga qadar mahsulotining kamida 30 foizini nufuzli xalqaro brend ostida ishlab chiqaradigan brend hamkorlari uchun yer soligʻi, mol-mulk soligʻi va suv resurslaridan foydalanganlik uchun soliq stavkalari hisobot davrida 50 foizga kamaytiriladi;
v) 2024-yil 1-sentabrdan boshlab brend hamkorlari va milliy brend egalari tomonidan mazkur qarorga 2-ilovadagi roʻyxat boʻyicha mutaxassis sifatida jalb qilingan chet el fuqarolari uchun Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomaning amal qilish muddati 3 yilgacha etib belgilanadi.
8. Savdo-sanoat palatasi Raqamli texnologiyalar vazirligi bilan birgalikda 2025-yil 1-yanvarga qadar quyidagilarni nazarda tutuvchi elektron platformani ishga tushirsin:
nufuzli xalqaro brendlar roʻyxatini shakllantirish, ularning talablari, ushbu talablarga mahalliy tadbirkorlik subyektlarini moslashtirish boʻyicha tavsiyalar, shuningdek, brendlarni jalb qilish uchun nazarda tutilgan qoʻllab-quvvatlash choralarini aks ettirish;
milliy brendlar roʻyxatini shakllantirish va unga kiritilgan brend egalari uchun nazarda tutilgan qoʻllab-quvvatlash choralarini aks ettirish.
9. Xalqaro brendlarni jalb qilish va milliy brendlarni qoʻllab-quvvatlash boʻyicha “yoʻl xaritasi” 3-ilovaga muvofiq tasdiqlansin.
10. Savdo-sanoat palatasi quyidagilar boʻyicha Vazirlar Mahkamasiga takliflar kiritsin:
uch oy muddatda Iqtisodiyot va moliya vazirligi bilan birgalikda 2025-yildan boshlab Savdoga koʻmaklashish jamgʻarmasiga mazkur qarorda nazarda tutilgan xarajatlarni moliyalashtirish uchun zarur mablagʻlarni Davlat budjeti hisobidan ajratish toʻgʻrisida;
ikki oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida.
11. Mazkur qaror ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev va Savdo-sanoat palatasi raisi D.A. Vahobov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 7-avgust,
PQ-286-son
Oʻzbekiston Respublikasi Prezidentining 2024-yil 7-avgustdagi PQ-286-son qaroriga 1-ILOVA
Milliy brendlar roʻyxatiga kiritiladigan sanoat yoʻnalishlari
ROʻYXATI
* Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga Savdo-sanoat palatasining takliflariga asosan ushbu roʻyxatga oʻzgartirish va qoʻshimchalar kiritish vakolati beriladi.
Oʻzbekiston Respublikasi Prezidentining 2024-yil 7-avgustdagi PQ-286-son qaroriga 2-ILOVA
Sanoat yoʻnalishlari boʻyicha jalb qilinadigan xorijiy mutaxassislarning
ROʻYXATI
* Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga Savdo-sanoat palatasining takliflariga asosan ushbu roʻyxatga oʻzgartirish va qoʻshimchalar kiritish vakolati beriladi.
Oʻzbekiston Respublikasi Prezidentining 2024-yil 7-avgustdagi PQ-286-son qaroriga 3-ILOVA
Xalqaro brendlarni jalb qilish va milliy brendlarni qoʻllab-quvvatlash boʻyicha
“YOʻL XARITASI”
T/rChora-tadbirlar nomiAmalga oshirish mexanizmiAmalga oshirish muddatiBajarish uchun masʼullarI. Xalqaro brendlarni jalb qilish boʻyicha1.Nufuzli xalqaro brendlar roʻyxatini shakllantirish.1. Xalqaro eʼtirof etilgan tashkilotlarning soʻnggi reyting natijalarini tahlil qilish.2024-yil 1-sentabr,Savdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov)2. Reytinglarda birinchi 500 oʻrinni egallagan sanoat yoʻnalishidagi brend egalari ichidan nufuzli xalqaro brendlar roʻyxatini shakllantirish va eʼlon qilish.2025-yildan boshlab har yili 1-aprelga qadar2.Nufuzli xalqaro brendlar bilan muzokaralar oʻtkazish boʻyicha xorijiy konsalting kompaniyalarini jalb qilish.1. Konsalting kompaniyasini jalb qilish boʻyicha texnik topshiriqni ishlab chiqish.2024-yil 1-oktabrSavdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov),Tashqi ishlar vazirligi(B. Saidov),tarmoq tashkilotlari2. Texnik topshiriqqa asosan tender hujjatlarini ishlab chiqish.2024-yil 1-noyabr3. Tender eʼlon qilish va gʻolibni aniqlash hamda gʻolib kompaniya bilan shartnoma imzolash.2024-yil 1-dekabr3.Nufuzli xalqaro brendlar bilan amalga oshirishga taklif etiladigan istiqbolli loyiha takliflarini ishlab chiqish.1. Hudud va tarmoqlarning salohiyati va imkoniyatlarini oʻrganib chiqish. Drayver sohalarni belgilab olish.2024-yil 1-oktabrSavdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov),tarmoq tashkilotlari2. Tanlab olingan sohalar boʻyicha tahliliy maʼlumotlar tayyorlash va masʼul idoralar bilan kelishish.2024-yil 15-oktabr3. Tahliliy maʼlumotlarga asosan istiqbolli loyiha takliflarini ishlab chiqish.2024-yil 15-noyabr4. Konsalting kompaniyalari bilan ishlab chiqilgan loyihalarni tanlab olish va ularga texnik-iqtisodiy shartlarni ishlab chiqish.2024-yil 15-dekabr4.Loyiha takliflariga nufuzli xalqaro brendlarni jalb qilish boʻyicha targʻibot ishlarini olib borish.1. Xalqaro brendlar roʻyxatiga kiritilgan kompaniyalar bilan hamkorlikni yoʻlga qoʻyish boʻyicha muzokaralar oʻtkazishni sohalar kesimida tashkillashtirish.2024-yil sentabr-oktabrInvestitsiyalar, sanoat va savdo vazirligi(L. Kudratov),Savdo-sanoat palatasi(D. Vahobov),Tashqi ishlar vazirligi(B. Saidov),tarmoq tashkilotlari2. Muzokaralar natijasidan kelib chiqib ishlab chiqarishni tashkil etish boʻyicha shartnomalar tuzish.2024-yil noyabr-dekabr3. Tadbirkorlik subyektlariga brendlar bilan ishlab chiqarishni tashkil etish boʻyicha barcha tashkiliy masalalarda koʻmaklashish.Doimiy ravishda5.Nufuzli xalqaro brendlar ostida ishlab chiqarishni yoʻlga qoʻyish boʻyicha “yoʻl xaritalari”ni ishlab chiqish.1. Nufuzli xalqaro brendlar ostida ishlab chiqarishni yoʻlga qoʻyish boʻyicha “yoʻl xaritalari”ni ishlab chiqish va Hukumat komissiyasida tasdiqlash.2024-yil 1-oktabrVazirlar Mahkamasi(J. Xodjayev),Investitsiyalar, sanoat va savdo vazirligi(L. Kudratov),Savdo-sanoat palatasi(D. Vahobov),tarmoq tashkilotlari2. “Yoʻl xaritalari”da belgilangan vazifalar ijrosini nazorat qilish va muddatida ijrosini taʼminlash.Doimiy ravishda6.100 ta tadbirkorlik subyektini nufuzli xalqaro brendlar talablariga toʻliq moslashtirish.1. Nufuzli xalqaro brendlar talablariga moslashtiriladigan 100 ta tadbirkorlik subyektini tanlov asosida saralab olish.2024-yil 1-oktabrVazirlar Mahkamasi(J. Xodjayev),Savdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov),Tashqi ishlar vazirligi(B. Saidov),Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,tarmoq tashkilotlari2. Saralab olingan tadbirkorlik subyektlari faoliyatiga brendlar talabiga muvofiq xalqaro standartlar va sertifikatlarni joriy qilish choralarini koʻrish.2024-yil oktabr — dekabr3. Tadbirkorlik subyektlari ishlab chiqarishidagi mehnat sharoitlarini brendlar talabiga muvofiqlashtirish.2024-yil oktabr — dekabr4. Brendlar talablariga muvofiq boshqa tashkiliy choralarni amalga oshirish.2024-yil dekabr7.Toʻqimachilik sanoatiga nufuzli xalqaro brendlarni jalb qilish.1. Mato, uy tekstil mahsulotlari, tayyor kiyimlar, gilam mahsulotlari ishlab chiqaruvchi nufuzli xalqaro brendlar bilan mahalliy korxonalarda “franchayzing” va “autsorsing” asosida ishlab chiqarishni yoʻlga qoʻyish boʻyicha brendlar buyurtmalarini joylashtiruvchi “sorsing” kompaniyalari bilan muzokaralar olib borish.2024-yil avgust-sentabr“Oʻztoʻqimachiliksanoat” uyushmasi(M. Sultonov),“Oʻzmilliybank” AJ(A. Mirsoatov),“Asakabank” AJ(K. Tulyaganov),Tashqi ishlar vazirligi(B. Saidov)2. Muzokaralar natijalariga koʻra nufuzli xalqaro brendlar talablariga mahalliy korxonalarni tayyorlash.2024-yil oktabr-noyabr3. Nufuzli xalqaro brendlar va mahalliy korxonalarning ishlab chiqarish hamkorligini yoʻlga qoʻyish.2024-yil dekabr8.Charm-poyabzal sanoatiga nufuzli xalqaro brendlarni jalb qilish.1. Poyabzal va charm-attorlik mahsulotlari ishlab chiqaruvchi nufuzli xalqaro brendlar bilan mahalliy korxonalarda “franchayzing” va “autsorsing” asosida ishlab chiqarishni yoʻlga qoʻyish boʻyicha brendlar buyurtmalarini joylashtiruvchi “sorsing” kompaniyalari bilan muzokaralar olib borish.2024-yil avgust-sentabr“Oʻzcharmsanoat” uyushmasi(A. Sultanov),Savdo-sanoat palatasi(D. Vahobov),AT “Xalq banki”(Sh. Atabayev),Tashqi ishlar vazirligi(B. Saidov)2. Muzokaralar natijalariga koʻra nufuzli xalqaro brendlar talablariga mahalliy korxonalarni tayyorlash.2024-yil oktabr-noyabr3. Nufuzli xalqaro brendlar va mahalliy korxonalarning ishlab chiqarish hamkorligini yoʻlga qoʻyish qilish.2024-yil dekabr9.Qurilish materiallari sanoatiga nufuzli xalqaro brendlarni jalb qilish.1. Lok-boʻyoq, marmar, chinni, kafel, idish va santexnika mahsulotlari ishlab chiqaruvchi nufuzli xalqaro brendlar bilan mahalliy korxonalarda “franchayzing” va “autsorsing” asosida ishlab chiqarishni yoʻlga qoʻyish boʻyicha brendlar buyurtmalarini joylashtiruvchi “sorsing” kompaniyalari bilan muzokaralar olib borish.2024-yil avgust-sentabr“Oʻzsanoatqurilishmateriallari” uyushmasi(B. Boboqulov),Savdo-sanoat palatasi(D. Vahobov),“Oʻzsanoatqurilishbank” ATB(A. Akbarjonov),Tashqi ishlar vazirligi(B. Saidov)2. Muzokaralar natijalariga koʻra nufuzli xalqaro brendlar talablariga mahalliy korxonalarni tayyorlash.2024-yil oktabr-noyabr3. Nufuzli xalqaro brendlar va mahalliy korxonalarning ishlab chiqarish hamkorligini yoʻlga qoʻyish qilish.2024-yil dekabr10.Oziq-ovqat sanoatiga nufuzli xalqaro brendlarni jalb qilish.1. Quritilgan va konservalangan meva-sabzavot, qandolat mahsulotlari ishlab chiqaruvchi nufuzli xalqaro brendlar bilan mahalliy korxonalarda “franchayzing” va “autsorsing” asosida ishlab chiqarishni yoʻlga qoʻyish boʻyicha brendlar buyurtmalarini joylashtiruvchi “sorsing” kompaniyalari bilan muzokaralar olib borish.2024-yil avgust-sentabrQishloq xoʻjaligi vazirligi(I. Abduraxmonov),Savdo-sanoat palatasi(D. Vahobov),Bojxona qoʻmitasi(A. Mavlonov),“Turonbank” ATB(Ch. Mirzayev),“Mikrokreditbank” ATB(A. Xamidov),Tashqi ishlar vazirligi(B. Saidov)2. Muzokaralar natijalariga koʻra nufuzli xalqaro brendlar talablariga mahalliy korxonalarni tayyorlash.2024-yil oktabr-noyabr3. Nufuzli xalqaro brendlar va mahalliy korxonalarning ishlab chiqarish hamkorligini yoʻlga qoʻyish qilish.2024-yil dekabr11.Kimyo sanoati sohasiga nufuzli xalqaro brendlarni jalb qilish.1. Kimyoviy vositalar ishlab chiqaruvchi nufuzli xalqaro brendlar bilan mahalliy korxonalarda “franchayzing” va “autsorsing” asosida ishlab chiqarishni yoʻlga qoʻyish boʻyicha brendlar buyurtmalarini joylashtiruvchi “sorsing” kompaniyalari bilan muzokaralar olib borish.2024-yil avgust-sentabr“Oʻzkimyosanoat” AJ(T. Muxamedjanov),Savdo-sanoat palatasi(D. Vahobov),Tashqi ishlar vazirligi(B. Saidov)2. Muzokaralar natijalariga koʻra nufuzli xalqaro brendlar talablariga mahalliy korxonalarni tayyorlash.2024-yil oktabr-noyabr3. Nufuzli xalqaro brendlar va mahalliy korxonalarning ishlab chiqarish hamkorligini yoʻlga qoʻyish qilish.2024-yil dekabrII. Milliy brendlarni qoʻllab-quvvatlash boʻyicha12.Milliy brendlar roʻyxatini shakllantirish.1. Sanoat yoʻnalishlari boʻyicha yuqori va oʻrta barqarorlik reytingiga ega va tovar belgisi belgilangan tartibda roʻyxatdan oʻtkazilgan tadbirkorlik subyektlarining tovar belgilari roʻyxatini shakllantirish.2024-yil 1-sentabr,Savdo-sanoat palatasi(D. Vahobov),Soliq qoʻmitasi(Sh. Kudbiyev),Adliya vazirligi(A. Tashkulov),Savdo-sanoat palatasi(D. Vahobov)2. Roʻyxatga kiritilgan tovar belgilari boʻyicha milliy konsalting kompaniyalarining tadqiqotlari, mazkur tovar belgilari ommaviy axborot vositalari, Internet va ijtimoiy tarmoqlarda yoritilishi holati va ular toʻgʻrisida soʻrovlar soni, aholi oʻrtasida oʻtkazilgan ijtimoiy soʻrovlar tahlili natijalari asosida milliy brendlar roʻyxatini shakllantirish va eʼlon qilish.2025-yildan boshlab har yili 1-aprelga qadar13.Mahalliy ishlab chiqaruvchi korxonalarning oʻz brendini yaratish boʻyicha tushunchasi va koʻnikmalarini oshirish.1. Xalqaro brend menejerlar, mahalliy ilgʻor tadbirkorlar ishtirokida hududlarda oʻquv seminarlari va taqdimotlar tashkil etish.2024-yil sentabr-oktabrInvestitsiyalar, sanoat va savdo vazirligi(L. Kudratov),Adliya vazirligi(A. Tashkulov),Savdo-sanoat palatasi(D. Vahobov),Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,tarmoq tashkilotlari2. Intellektual mulk huquqi boʻyicha mahalliy tadbirkorlarning bilim va koʻnikmalarini oshirish yuzasidan oʻquv seminarlari va taqdimotlar tashkil etish.Doimiy ravishda14.Ishlab chiqarishga xalqaro standartlar va sertifikatlash talablarini joriy qilish boʻyicha mutaxassislarning malakasini oshirish dasturini amalga oshirish.1. Standartlar institutida xalqaro standartlar va sertifikatlash talablari boʻyicha mutaxassislar malakasini oshirish dasturini ishlab chiqish va Vazirlar Mahkamasiga tasdiqlash uchun kiritish.2024-yil sentabrInvestitsiyalar, sanoat va savdo vazirligi(L. Kudratov),Oʻzbekiston texnik jihatdan tartibga solish agentligi(A. Jumanazarov),Savdo-sanoat palatasi(D. Vahobov)2. Dastur doirasida mahalliy korxonalar mutaxassislarini xalqaro standartlar asosida oʻqitish va oʻqish jarayonlariga xorijiy malakali ekspertlar va oʻqituvchilarni jalb qilish choralarini koʻrish.Dasturda belgilangan muddatlarda15.Milliy mahsulotlar va brendlarning (tovar belgilarini) xorijda koʻrgazma-tashviqot tadbirlari va reklama kampaniyalarini tashkil qilish.1. Xorijiy ommaviy axborot vositalari, xalqaro bosma nashrlar va nufuzli biznes-kataloglarda milliy mahsulotlar va brendlarning targʻibotini muntazam ravishda oʻtkazib borish.2. Milliy mahsulotlar va brendlarning (tovar belgilarining) tashqi bozorlarga kirishi uchun xorijda koʻrgazma-tashviqot tadbirlari va reklama kampaniyalarini tashkil qilishga Oʻzbekiston Respublikasining chet eldagi elchixonalarini faol jalb qilish.3. Mahalliy korxonalarga xorijiy davlatlarda savdo uylarini ochish masalalarida amaliy yordam koʻrsatish.doimiy ravishdaSavdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov),Tashqi ishlar vazirligi(B. Saidov),tarmoq tashkilotlari16.Istiqbolli tashqi bozorlarda salohiyatli mahalliy korxonalar va brendlarning “road-shou”lari va har bir tarmoq boʻyicha dunyodagi nufuzli ekspertlar va kompaniyalarni jalb qilgan holda “Oʻzbekiston kunlari” targʻibot tadbirlarini oʻtkazish.1. Taqdimot materiallarini tayyorlash, marketing tadqiqotlarini amalga oshirish (“road-shou” va boshqalar).2. Muntazam faoliyat yurituvchi “Made in Uzbekistan” shourumlarining samarali faoliyatini taʼminlash.3. Har bir tarmoq boʻyicha respublikada joriy etilayotgan qulayliklarning mazmun-mohiyatini dunyodagi nufuzli ekspertlar va kompaniyalar oʻrtasida targʻib qilish hamda ularda ijobiy fikrni shakllantirish maqsadida ommaviy axborot vositalari va ijtimoiy tarmoqlarda keng targʻibot-tashviqot ishlarini amalga oshirish.doimiy ravishdaSavdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov),Tashqi ishlar vazirligi(B. Saidov)17.Tashqi bozorlarda ishonchli yetkazib beruvchi sifatida ijobiy imidjni mustahkamlash.Milliy mahsulotlarni ishlab chiqarish jarayonlariga sifat, boshqaruv, ijtimoiy, xavfsizlik kabi xalqaro standart va sertifikatlar joriy etilganligi hamda ishlab chiqarish texnologiyalari xalqaro talablarga muvofiqligi toʻgʻrisida xorijlik xaridorlar va isteʼmolchilar xabardorligini oshirish.doimiy ravishdaSavdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov),Tashqi ishlar vazirligi(B. Saidov)III. Xalqaro brendlarni jalb qilish va milliy brendlarni rivojlantirish uchun qoʻllab-quvvatlash choralarini taqdim etishni moliyalashtirish va raqamlashtirish boʻyicha18.Milliy brend egalarini hamda nufuzli xalqaro brendlar hamkorlarini Savdoga koʻmaklashish jamgʻarmasi mablagʻlari hisobidan qoʻllab-quvvatlash tartibini joriy qilish.1. Milliy brend egalarini hamda nufuzli xalqaro brendlar hamkorlarini Savdoga koʻmaklashish jamgʻarmasi mablagʻlari hisobidan qoʻllab-quvvatlash tartibini ishlab chiqish.2. Tartibni tasdiqlash uchun Vazirlar Mahkamasiga kiritish.2024-yil 31-avgustSavdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov)19.Xalqaro brendlarni jalb qilish va milliy brendlarni rivojlantirish boʻyicha moliyaviy qoʻllab-quvvatlash xarajatlarini Savdoga koʻmaklashish jamgʻarmasi mablagʻlari hisobidan moliyalashtirish.1. Qarorda nazarda tutilgan xarajatlarni moliyalashtirish uchun Savdoga koʻmaklashish jamgʻarmasidan mablagʻlar ajratish.2024-yil 1-sentabrdan boshlabSavdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov)Tiklanish va taraqqiyot jamgʻarmasi(Sh. Vafayev)Iqtisodiyot va moliya vazirligi(I. Norqulov)2. 2025-yildan boshlab davlat budjeti parametrlarida Savdoga koʻmaklashish jamgʻarmasiga mazkur qarorda nazarda tutilgan xarajatlarni moliyalashtirish uchun zarur mablagʻlar ajratilishi boʻyicha taklif ishlab chiqish va Vazirlar Mahkamasiga kiritish.2024-yil 1-oktabr20.Nufuzli xalqaro va milliy brendlar boʻyicha elektron platformani ishga tushirish.Quyidagilarni nazarda tutuvchi elektron platformani ishga tushirish:nufuzli xalqaro brendlar roʻyxati, ularning talablari, ushbu talablarga mahalliy tadbirkorlik subyektlarini moslashtirish boʻyicha tavsiyalar, shuningdek, brendlarni jalb qilish uchun nazarda tutilgan qoʻllab-quvvatlash choralari;milliy brendlar roʻyxati va unga kiritilgan brend egalari uchun nazarda tutilgan qoʻllab-quvvatlash choralari.2025-yil 1-yanvarSavdo-sanoat palatasi(D. Vahobov),Investitsiyalar, sanoat va savdo vazirligi(L. Kudratov),Raqamli texnologiyalar vazirligi(Sh. Shermatov)