Respublikada tashqi iqtisodiy faoliyatni takomillashtirish va tashqi iqtisodiy aloqalar vazirligini qayta tashkil etish toʻgʻrisida (558-son)

17.11.1994

Oʻzbekiston Respublikasi Vazirlar Mahkamasining

qarori

[Koʻchirma]

Oʻzbekiston Respublikasida Tashqi iqtisodiy aloqalar va eksport-import faoliyat samaradorligini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Tashqi iqtisodiy aloqalar vazirligiga quyidagilar uchun javobgarlik yuklansin:

tovarlar va xizmatlar xalqaro bozorlarini tahlil etish, ularning rivojlanish tamoyillarini prognozlashtirish;

tovar, ilmiy-texnikaviy, narx, sotish, reklama va axborot sohasidagi tashqi-iqtisodiy faoliyat strategiyasini ishlab chiqish;

respublikada tashqi iqtisodiy faoliyatni davlat yoʻli bilan tartibga solish;

davlat resurslarini va markazlashtirilgan resurslarni eksport qilish hamda Oʻzbekiston Respublikasining eksport imkoniyatlaridan foydalanish samaradorligini oshirish uchun zarur shart-sharoitlar yaratish;

davlat ehtiyojlari uchun tovarlar va mahsulotlar importi boʻyicha buyurtmalarni bajarish.

2. Eksport-import operatsiyalarini markazlashtirishga barham berish maqsadida quyidagilarni Tashqi iqtisodiy aloqalar vazirligi tizimidan chiqargan holda:

“Oʻzdonimpeks” respublika xoʻjalik hisobidagi tashqi savdo birlashmasini — “Oʻzdonmahsulot” davlat-aksionerlik korporatsiyasi tarkibiga;

“Oʻzoziqovqatimpeks” va “Interaloqa” — respublika xoʻjalik hisobidagi tashqi savdo birlashmalarini — “Oʻzbeksavdo” davlat uyushmasi tarkibiga;

“Oʻztibbiyotimpeks” respublika xoʻjalik hisobidagi tashqi savdo birlashmasini — “Dori-Darmon” davlat-aksionerlik uyushmasi tarkibiga kiritish maqsadga muvofiq deb hisoblansin.

Oʻzbekiston Respublikasi Tashqi iqtisodiy aloqalar vazirligi bir oy muddatda eksport-import kvotalarini, amaldagi tashqi savdo operatsiyalari boʻyicha aktivlar va passivlarni, shuningdek, koʻrsatib oʻtilgan tashqi savdo birlashmasi mol-mulkini boʻlish balansini tayyorlasin.

3. Mahsulotlari davlat ehtiyojlari uchun eksport qilish dasturiga kiritilgan respublika korxonalari va tashkilotlarining ularda nazarda tutilgan topshiriqlar soʻzsiz bajarilishi uchun javobgarligi oshirilsin.

korxonalar va tashkilotlar Tashqi iqtisodiy aloqalar vazirligiga davlat ehtiyojlari uchun tovarlar, ishlar va xizmatlar eksporti toʻgʻrisida axborot taqdim etsinlar. Tashqi iqtisodiy aloqalar vazirligi koʻrsatib oʻtilgan materiallarni umumlashtirsin va yilning har choragida ularni Moliya vazirligiga taqdim etsin.

4. “Oʻzistiqbolstat” davlat qoʻmitasi, Moliya vazirligi va Tashqi iqtisodiy aloqalar vazirligi 10 kun muddatda 1995-yilga Respublika valyuta fondining asosiy parametrlarini koʻrib chiqish uchun Vazirlar Mahkamasiga taqdim etsin.

5. Belgilab qoʻyilsinki, 1995-yilning 1-yanvaridan boshlab:

paxta tolasini import qilish hisobiga tushayotgan erkin almashtiriladigan valyutadagi butun tushum, xarajatlar (transport, sugʻurta, komission toʻlov va boshqalar) chiqarib tashlangan holda, majburiy ravishda Oʻzbekiston Respublikasi Markaziy bankiga sotilishi kerak;

koʻrsatib oʻtilgan mablagʻlarni sarflash ularni belgilangan tartibda Respublika valyuta birjasi orqali sotish yoʻli bilan amalga oshiriladi.

6. Oʻzbekiston Respublikasi Moliya vazirligi ikki hafta muddatda:

Tashqi iqtisodiy aloqalar vazirligi va Markaziy bank bilan birgalikda davlat ehtiyojlari uchun eksport-import operatsiyalari boʻyicha oʻzaro hisob-kitoblar tartibi toʻgʻrisidagi Nizomni ishlab chiqsin va tasdiqlasin;

Tashqi iqtisodiy aloqalar vazirligi bilan birgalikda import mahsulotlar buyurtmachilarning foydalanilgan xorijiy kreditlar boʻyicha Tashqi iqtisodiy aloqalar vazirligi bilan oʻzaro hisob-kitoblari tartibini belgilasin.

7. Tashqi iqtisodiy aloqalar vazirligi bir oy muddatda 1993 va 1994-yillarda eksportga ajratilgan resurslardan foydalanilganligi toʻgʻrisidagi hisobotni Vazirlar Mahkamasiga va uning nusxasini Moliya vazirligiga taqdim etsin.

8. 1-ilovaga muvofiq strategik jihatdan muhim tovarlarni eksport qilishga kvotalashtirish va litsenziyalashni saqlab qolgan holda 1995-yil 1-yanvardan boshlab kvotalanadigan va litsenziyalanadigan tovarlar, ishlar va xizmatlar roʻyxati qisqartirilsin. Koʻrsatib oʻtilgan tovarlar eksporti boʻyicha kontraktlar Tashqi iqtisodiy aloqalar vazirligida roʻyxatdan oʻtkazilishi kerak.

9. Oʻzbekiston Respublikasi Tashqi iqtisodiy aloqalar vazirligining tuzilmasi 2-ilovaga muvofiq tasdiqlansin. Vazirlik markaziy apparati va uning mintaqaviy vakil qilingan xodimlarining cheklangan soni tegishli ish haqi fondi bilan birgalikda 416 nafardan iborat qilib belgilansin (qoʻriqlash va binoga xizmat koʻrsatuvchi xodimlardan tashqari).

10. Oʻzbekiston Respublikasi Tashqi iqtisodiy aloqalar vazirligi bir oy muddatda Vazirlar Mahkamasiga:

vazirlik toʻgʻrisidagi nizomga mazkur qarordan kelib chiquvchi oʻzgartirish va qoʻshimchalar kiritish;

eksport-import kontraktlar ekspertizasi oʻtishi tartibini soddalashtirish;

tashqi iqtisodiy aloqalar qatnashchilarini roʻyxatga olish tartibini soddalashtirish;

“Oʻzbekiston temir yoʻllari” davlat-aksionerlik kompaniyasi, “Oʻzbekiston havo yoʻllari” milliy aviakompaniyasi va “Oʻzavtotrans” davlat korporatsiyasi bilan birgalikda xalqaro normalar va qoidalarni hisobga olgan holda tashqi savdo va yoʻlovchilar tashishni transport bilan taʼminlashni muvofiqlashtirish;

Oʻzbekiston Respublikasi Moliya vazirligi, Davlat mulki qoʻmitasi va Adliya vazirligi bilan birgalikda xorijiy investitsiyalar jalb etilgan korxonalarni tashkil etish va ularni davlat roʻyxatidan oʻtkazish tartibini soddalashtirish toʻgʻrisida takliflar kiritsin.

11. “Oʻzistiqbolstat” davlat qoʻmitasi, Oʻzbekiston Respublikasi davlat soliq qoʻmitasi tashqi iqtisodiy aloqalar boʻyicha statistika hisobotida davlat ehtiyojlari uchun eksport va import boʻyicha maʼlumotlarni alohida qatorda koʻrsatsinlar.

12. Oʻzbekiston Respublikasi Moliya vazirligining vazirlik markaziy apparati xodimlari sonini 1995-yil 1-yanvardan boshlab 25 kishiga koʻpaytirgan holda uning markaziy apparati tuzilmasida xorijiy valyutadagi qarz mablagʻlaridan foydalanishni hisobga olish va nazorat qilish uchun maxsus boʻlinma, shuningdek, valyuta mablagʻlarini hisobga olish boʻyicha markazlashtirilgan buxgalteriya tashkil etish toʻgʻrisidagi taklifi qabul qilinsin.

14. Vazirlar Mahkamasining “Oʻzbekiston Respublikasi Tashqi iqtisodiy aloqalar vazirligi faoliyatini tashkil etish toʻgʻrisida” 1992-yil 26-martdagi 147-son qarorining vazirlik tuzilmasini tasdiqlashga oid 3-bandi, Vazirlar Mahkamasining “Tashqi savdo operatsiyalarini tartibga solishga oid chora-tadbirlar toʻgʻrisida” 1994-yil 25-martdagi 163-son qaroriga 3-ilova oʻz kuchini yoʻqotgan deb hisoblansin.

15. Mazkur qarorning bajarilishini nazorat qilish Bosh vazirning oʻrinbosarlari Oʻ. T. Sultonov va B. S. Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1994-yil 17-noyabr,

558-son

Vazirlar Mahkamasining 1994-yil 17-noyabrdagi 558-son qaroriga 2-ILOVA

Oʻzbekiston Respublikasi Tashqi iqtisodiy aloqalar vazirligi

TUZILMASI

I. Markaziy apparat tuzilmasi

Rahbariyat

Tashqi iqtisodiy aloqalar tahlili va istiqbollari bosh boshqarmasi

Tashqi iqtisodiy faoliyatni boshqarish bosh boshqarmasi

Iqtisodiyot va tashqi savdoni rejalashtirish bosh boshqarmasi

Protokol xizmati va akkreditatsiya boshqarmasi

Eksport imkoniyatlarini rivojlantirish bosh boshqarmasi

Xalqaro tashuvlar boshqarmasi

Investitsiya loyihalarini iqtisodiy ekspertizadan oʻtkazish boshqarmasi

Moliya, buxgalteriya hisobi va hisobot boshqarmasi

Yuridik boshqarma

Kadrlar tayyorlash va ularning malakasini oshirish bosh boshqarmasi

Kapital qurilish bosh boshqarmasi

Marketing boshqarmasi

Vazir huzuridagi inspeksiya

Tashqi iqtisodiy aloqalar normativ-huquqiy hujjatlari, qonunlarni tartibga solish va kodifikatsiyalash boshqarmasi

Mintaqaviy tashqi iqtisodiy faoliyatni rivojlantirish boshqarmasi

Qoʻshma korxonalar faoliyatini muvofiqlashtirish boshqarmasi

Mehnat va ish haqi boʻlimi

Reklama boʻlimi

Ilmiy-texnika va maxsus axborot boʻlimi

Ishlar boshqarmasi

Maxsus xizmat va feldaloqa boʻlimi

Safarbarlik tayyorgarlik va fuqaro mudofaasi boʻlimi (ikkinchi boʻlim)

Tashqi iqtisodiy aloqalar vazirligining Qoraqalpogʻiston Respublikasi, Respublika viloyatlari va Toshkent shahridagi vakillari mintaqaviy boshqarmalari

II. Tashqi iqtisodiy aloqalar vazirligi tasarrufidagi boʻlinmalar

“Innovatsiya” xoʻjalik hisobidagi respublika tashqi iqtisodiy birlashmasi

“Oʻzagroimpeks” xoʻjalik hisobidagi respublika tashqi savdo birlashmasi

“Oʻzsanoatmashimpeks” xoʻjalik hisobidagi respublika tashqi savdo birlashmasi

“Interservis” xoʻjalik hisobidagi respublika tashqi iqtisodiy birlashmasi

“Oʻztashqitrans” xoʻjalik hisobidagi respublika tashqi iqtisodiy birlashmasi

“Markazsanoateksport” xoʻjalik hisobidagi respublika tashqi savdo firmasi

“Oʻzinterqurilish” xoʻjalik hisobidagi respublika tashqi iqtisodiy firmasi

“Oʻrtaosiyotrans” transport kompaniyasi

“Oʻzxorijtijoratmarkaz” respublika axborot-tijorat markazi

“Oʻzekspomarkaz” respublika savdo-koʻrgazma markazi

Shveysariyadagi Oʻzbekiston savdo-koʻrgazma markazi

Bosmaxona