Hududlar va tarmoqlarda iqtisodiy oʻsish surʼatlarini taʼminlash boʻyicha joriy yilning ikkinchi yarim yilligida ustuvor vazifalarning bajarilishi ustidan taʼsirchan parlament nazoratini amalga oshirish toʻgʻrisida (KQ-785-IV-son)

25.07.2024

Oʻzbekiston Respublikasi Oliy Majlisi Senati Kengashining

qarori

Oʻzbekiston Respublikasining Prezidenti Sh. Mirziyoyev raisligida 2024-yil 17-iyul kuni hududlar va tarmoqlarda iqtisodiy oʻsish surʼatlarini taʼminlash boʻyicha birinchi yarim yillik tahlili va yil yakuniga qadar ustuvor vazifalarga bagʻishlangan videoselektor yigʻilishi boʻlib oʻtdi.

Yigʻilishda hududlar va tarmoqlarda iqtisodiy oʻsish surʼatlarini taʼminlash boʻyicha birinchi yarim yillik tahlili hamda yil yakuniga qadar ustuvor vazifalar, xususan, makroiqtisodiy barqarorlik va iqtisodiy rivojlanishni taʼminlash, aholini daromadli mehnat bilan band qilish, kambagʻallikni qisqartirish, budjetda belgilangan tushum prognozini taʼminlash, investitsiya va eksport hajmini oshirish, sanoat, qishloq xoʻjaligi, uy-joy va kommunal xoʻjaligi hamda qurilish va transport sohalarida vazifalar va yoʻnalishlar belgilab berildi.

Tuman (shahar) hokimlari, tijorat banklari rahbarlari va mahalla raislari tegishli “tajribalar” asosida ishlarni tashkil qilish orqali 2024-yil ikkinchi yarim yilligida 2,4 mln aholi bandligini taʼminlash boʻyicha rejalar ishlab chiqqan hamda ushbu rejalar mahalliy Kengashlar tomonidan tasdiqlab berilgan.

Mazkur vazifalarning oʻz vaqtida va samarali bajarilishi ustidan taʼsirchan parlament nazoratini amalga oshirish, joylarda tushuntirish-targʻibot tadbirlarini olib borish, shuningdek, bu borada vakillik organlarining ishtirokini taʼminlash maqsadida Oʻzbekiston Respublikasi Oliy Majlisi Senatining Kengashi qaror qiladi:

1. Oʻzbekiston Respublikasi Oliy Majlisi Senatining aʼzolari 1-ilovaga muvofiq hududlarga biriktirilsin.

2. Oʻzbekiston Respublikasining Prezidenti Sh. Mirziyoyev raisligida 2024-yil 17-iyul kuni hududlar va tarmoqlarda iqtisodiy oʻsish surʼatlarini taʼminlash boʻyicha birinchi yarim yillik tahlili hamda yil yakuniga qadar ustuvor vazifalarga bagʻishlangan videoselektor yigʻilishida koʻrilgan masalalarni keng targʻib qilish, ularning ijrosi ustidan parlament nazoratini amalga oshirish boʻyicha tavsiyalar 2-ilovaga muvofiq tasdiqlansin.

3. Hududlarga biriktirilgan Senat aʼzolari tegishli xalq deputatlari Kengashlari bilan birgalikda:

hududlar va tarmoqlarda iqtisodiy oʻsish surʼatlarini taʼminlash boʻyicha yil yakuniga qadar ustuvor vazifalarning mazmun-mohiyatini, shu jumladan, Sayxunobod, Uychi, Zarbdor va Gʻijduvon tajribalari asosida aholini tadbirkorlikka jalb qilish, bandligini taʼminlash va daromadlarini oshirish boʻyicha amalga oshirilgan ishlar yuzasidan joylarda tumanlar (shaharlar) hokimlari, sektor rahbarlari hamda “Mahalla yettiligi” ishtirokida tushuntirish-targʻibot tadbirlarini tashkil etsin;

joylarga chiqqan holda hududlarda 2024-yil ikkinchi yarim yilligida amalga oshirilishi lozim boʻlgan asosiy ustuvor yoʻnalishlar boʻyicha belgilangan vazifalarning ijrosi, xususan, 2,4 mln aholi bandligini taʼminlash boʻyicha taʼsirchan parlament nazoratini oʻrnatsin;

mahallalarda aholi va tadbirkorlar bilan bevosita muloqot tashkil etilganligi, har bir hokim hamda bank rahbari mahalla bilan uch tomonlama shartnoma tuzganligi, hamkorlikda ishlar tashkil qilinganligi, shuningdek, tegishli chora-tadbirlar belgilanganligini oʻrgansin hamda monitoring oʻrnatsin;

oʻrganishlar yakunlari Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahar, tumanlar va shaharlar Kengashlarida hokimlar, vazirliklar va idoralarning hududiy boʻlinmalari rahbarlari hamda mahalla raislari ishtirokida muhokama etilishini taʼminlasin;

oʻtkazilgan tadbirlar natijalari yuzasidan Oʻzbekiston Respublikasi Oliy Majlisi Senati devonining Davlat budjeti va hududlarni ijtimoiy-iqtisodiy rivojlantirish masalalarini tahlil qilish boshqarmasiga har oy yakuni boʻyicha axborot kiritsin.

Oʻzbekiston Respublikasi Oliy Majlisi Senati devonining Hududiy vakillik organlari faoliyatini oʻrganish markazi berilgan topshiriqlar ijrosini taʼminlashda mahalliy kengashlarga amaliy yordam koʻrsatib borsin.

4. Oʻzbekiston Respublikasi Oliy Majlisi Senati devoni Axborot xizmati (X. Tulyaganov) Oʻzbekiston Milliy teleradiokompaniyasi, Oʻzbekiston Milliy axborot agentligi va Oʻzbekiston Milliy media birlashmasi bilan birgalikda hududlardagi tushuntirish-targʻibot va parlament nazorati tadbirlarining ommaviy axborot vositalarida, shu jumladan, ijtimoiy tarmoqlarda keng yoritilishini taʼminlash choralarini koʻrsin.

5. Ushbu Qaror ijrosini nazorat qilish Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklansin.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2024-yil 25-iyul,

KQ-785-IV-son

Oʻzbekiston Respublikasi Oliy Majlisi Senati Kengashining 2024-yil 25-iyuldagi KQ-785-IV-sonli qaroriga 1-ILOVA

Qoraqalpogʻiston Respublikasi, viloyatlar, Toshkent shahri hamda tuman va shaharlarga masʼul etib biriktirilgan Oʻzbekiston Respublikasi Oliy Majlisi Senatining aʼzolari roʻyxati

Senat aʼzosi Lavozimi Biriktirilgan tuman va shahar Qoraqalpogʻiston Respublikasiga Senatdan masʼul — Orolboʻyi mintaqasini rivojlantirish masalalari va ekologiya qoʻmitasi raisi Boriy Batirovich Alixanov, qoʻmita raisi oʻrinbosari Batir Djoldasovich Matmuratov Annaklicheva Gulistan Axmedovna “Qoraqalpoq adabiyoti” gazetasi bosh muharriri Toʻrtkoʻl, Beruniy, Ellikqalʼa tumanlari Ataniyazova Oral Aminovna Qoraqalpogʻiston tibbiyot instituti rektori Moʻynoq, Xoʻjayli, Shumanay, Qonlikoʻl va Qoʻngʻirot tumanlari Daniyarov Abatbay Saparbayevich Qoraqalpogʻiston Respublikasi Nukus shahar hokimi Boʻzatov, Kegeyli, Taxtakoʻpir, Chimboy, Qoraoʻzak tumanlari Jalmenov Ulikbek Abilayevich Oʻzbekiston kasaba uyushmalari Federatsiyasining Qoraqalpogʻiston Kengashi raisi Nukus shahri, Amudaryo, Nukus va Taxiatosh tumanlari Andijon viloyatiga Senatdan masʼul — Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi Ravshanbek Azadbekovich Alimov Ganiyeva Matluba Maxamajanovna Andijon tumani Orol mahalla fuqarolar yigʻini raisi Andijon, Baliqchi, Boʻston, Izboskan, Oltinkoʻl, Paxtaobod, Ulugʻnor va Shahrixon tumanlari Gʻaniyev Akrom Toʻlqinovich “Nil-granit” masʼuliyati cheklangan jamiyati ishlab chiqarish boʻyicha direktor oʻrinbosari Andijon va Xonobod shaharlari, Asaka, Buloqboshi, Jalaquduq, Marhamat va Xoʻjaobod tumanlari Alimov Ravshanbek Azadbekovich Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi Jalaquduq, Oltinkoʻl, Paxtaobod va Qoʻrgʻontepa tumanlari Buxoro viloyatiga Senatdan masʼul — Senatning Budjet va iqtisodiy islohotlar masalalari qoʻmitasi raisi Erkin Fayziyevich Gadoyev, Sud-huquq masalalari va korrupsiyaga qarshi kurashish qoʻmitasi raisi oʻrinbosari Shuxrat Askarovich Choʻlliyev Achilov Nurmuxamed Nurullayevich “Parvoz Xumo Ravnaq Trans” masʼuliyati cheklangan jamiyati taʼsischisi Jondor, Olot va Qorakoʻl tumanlari Raxmatov Murtaza Axmedovich “Oʻzbekiston paxta-toʻqimachilik klasteri” uyushmasi raisi Peshku, Romitan va Shofirkon tumanlari Xuseynova Abira Amanovna Oʻzbekiston Respublikasi Oliy Majlisining Inson huquqlari boʻyicha vakilining (ombudsman) Buxoro viloyatidagi mintaqaviy vakili Buxoro va Kogon shaharlari, Buxoro, Kogon va Qorovulbozor tumanlari Gadoyev Erkin Fayziyevich Senatning Budjet va iqtisodiy islohotlar masalalari qoʻmitasi raisi Vobkent va Gʻijduvon tumanlari Jizzax viloyatiga Senatdan masʼul — Agrar va suv xoʻjaligi masalalari qoʻmitasi raisi oʻrinbosari Riskul Ergashboyevich Siddiqov Alimova Xalida Raufovna Jizzax viloyati bolalar koʻp tarmoqli tibbiyot markazi bosh shifokori Zafarobod, Zarbdor va Gʻallaorol tumanlari Muxtorova Nazira Abdusattarovna Jizzax viloyati hokimi oʻrinbosari — Oila va xotin-qizlar boshqarmasi boshligʻi v.b. Jizzax shahri, Mirzachoʻl va Forish tumanlari Pardayev Nusuratulla Oʻzbekiston kasaba uyushmalari Federatsiyasining Jizzax viloyati Kengashi raisi Arnasoy, Doʻstlik, Zomin va Yangiobod tumanlari Suyarova Sanobar Zarfullayevna Jizzax viloyati maktabgacha va maktab taʼlimi boshqarmasi boshligʻi Baxmal, Sharof Rashidov va Paxtakor tumanlari Navoiy viloyatiga Senatdan masʼul — Senatning Budjet va iqtisodiy islohotlar masalalari qoʻmitasi raisi oʻrinbosari Kobul Beknazarovich Tursunov Orziyeva Dilbar Adizovna Karmana tumanidagi “Yangi zamon bolalari” oilaviy bolalar uyi tarbiyachisi Karmana, Nurota va Navbahor tumanlari Tulekova Ziba Tolibekovna Tomdi tumani hokimining chegara masalalari boʻyicha yordamchisi v.b. Zarafshon shahri va Uchquduq va Tomdi tumanlari Fayziyev Ulugʻbek Ganiyevich Navoiy shahridagi “Zarafshan Golden Group” masʼuliyati cheklangan jamiyati taʼsischisi Gʻozgʻon shahri, Qiziltepa va Konimex tumanlari Xodjayev Jamshid Baxtiyorovich Navoiy viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Navoiy shahri va Xatirchi tumani Namangan viloyatiga Senatdan masʼul — Axborot siyosati va davlat organlarida ochiqlikni taʼminlash masalalari qoʻmitasida doimiy asosda ishlovchi senator Maxmud Mamatovich Parpiyev Abdullaxanov Nosirbek Abdurashitovich Namangan shahridagi “Anamed” diagnostika markazi direktori Namangan shahri, Yangi Namangan, Davlatobod va Mingbuloq tumanlari Najmiddinov Ikromxon “Nuroniy” jamgʻarmasi Namangan viloyati boʻlimi raisi Uychi, Uchqoʻrgʻon, Chortoq, Chust va Yangiqoʻrgʻon tumanlari Umarov Baxtiyor Ganiyevich Namangan tumanidagi “Istiqlol tekstil dizayn” masʼuliyati cheklangan jamiyati bosh direktori Kosonsoy, Namangan, Norin tumanlari Dobrix Anna Konstantinovna Namangan shahridagi “Iftixor kiyim sanoat” masʼuliyati cheklangan jamiyati rahbari Pop va Toʻraqoʻrgʻon tumanlari Samarqand viloyatiga Senatdan masʼul — Senatning Xotin-qizlar va gender tenglik masalalari qoʻmitasida doimiy asosda ishlovchi senator Gulnora Maxmudovna Marufova Alimova Gavxar Zayirovna Samarqand viloyati Kattaqoʻrgʻon shahri hokimi Kattaqoʻrgʻon shahri, Kattaqoʻrgʻon, Jomboy, Bulungʻur va Payariq tumanlari Djalolov Shavkat Amonovich “Agromir group” direktorlar assotsiatsiyasi Kengashi raisi Samarqand, Toyloq va Urgut tumanlari Toshev Farmon Isʼhoqovich “Zarafshon” va “Samarkandskiy vestnik” gazetalarining birlashgan tahririyati bosh muharriri Paxtachi, Narpay, Nurobod, Ishtixon va Qoʻshrabot tumanlari Xalmuradov Rustam Ibragimovich Samarqand davlat universiteti rektori Samarqand shahri, Pastdargʻom, Oqdaryo tumanlari Sirdaryo viloyatiga Senatdan masʼul — Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasida doimiy asosda ishlovchi senator Anvar Mirzaaxmedovich Tuychiyev Artukbayeva Xaytxan Oʻzbekiston yozuvchilar uyushmasi Sirdaryo viloyati boʻlimi rahbari Guliston va Shirin shaharlari Boqiyev Farxod Esanovich Oʻzbekiston Respublikasi Maktabgacha va maktab taʼlimi vaziri oʻrinbosari Sirdaryo va Guliston tumanlari Sotiboldiyev Ulugʻbek Norxojayevich Mirzaobod tumanidagi “Bek orp” masʼuliyati cheklangan jamiyati direktori Mirzaobod, Oqoltin, Sayxunobod va Sardoba tumanlari Uralova Dilfuza Djumanovna Sirdaryo viloyati Boyovut tumani hokimi Yangiyer shahri, Boyovut va Xovos tumanlari Surxondaryo viloyatiga Senatdan masʼul — Fan, taʼlim va sogʻliqni saqlash masalalari qoʻmitasi raisi Odiljon Karimovich Iminov Boʻtayeva Baxtigul Abraxmatovna Qiziriq tumanidagi 17-umumiy oʻrta taʼlim maktabi direktori Bandixon, Boysun, Sherobod, Qiziriq va Qumqoʻrgʻon tumanlari Kadirov Baxadir Tuxtayevich Termiz shahridagi “Surxon sanoat qurilish” kompaniyasi boshqaruvi raisi Jarqoʻrgʻon, Oltinsoy va Shoʻrchi tumanlari Sanginov Abdugʻani Abdurahmonovich “Oʻzbekgidroenergo” aksiyadorlik jamiyati boshqaruvi raisi Sariosiyo, Uzun, Denov va Boysun tumanlari Soatov Arzikul Chorshanbiyevich “Nuroniy” jamgʻarmasi Surxondaryo viloyati boʻlimi raisi Termiz shahri, Angor, Muzrabot va Termiz tumanlari Toshkent viloyatiga Senatdan masʼullar — Mudofaa va xavfsizlik masalalari qoʻmitasi raisi Kutbidin Nukritdinovich Burxanov hamda Xotin-qizlar va gender tenglik masalalari qoʻmitasi raisi Malika Akbarovna Kadirxanova Burxanov Kutbidin Nukritdinovich Senatning Mudofaa va xavfsizlik masalalari qoʻmitasi raisi Nurafshon shahri, Oʻrtachirchiq va Oqqoʻrgʻon tumanlari Kadirxanova Malika Akbarovna Senatning Xotin-qizlar va gender tenglik masalalari qoʻmitasi raisi Yangiyoʻl shahri, Zangiota, Toshkent, Chinoz, Qibray va Yangiyoʻl tumanlari Toirov Mahmudjon Oʻzbekiston yozuvchilar uyushmasi Toshkent viloyati boʻlimi rahbari, “Adabiyot ziyosi” gazetasi bosh muharriri Ohangaron va Chirchiq shaharlari, Boʻstonliq, Ohangaron, Parkent, Quyichirchiq, Yuqorichirchiq tumanlari Xursanov Abdullo Xalmuradovich “Olmaliq kon-metallurgiya kombinati” aksiyadorlik jamiyati boshqaruvi raisi Angren, Bekobod va Olmaliq shaharlari, Bekobod, Boʻka, Piskent tumanlari Fargʻona viloyatiga Senatdan masʼul — Fan, taʼlim va sogʻliqni saqlash masalalari qoʻmitasida doimiy asosda ishlovchi senator Manzura Alimovna Salimova Sultanov Ibroxim Ashiraliyevich Fargʻona viloyati Qoʻshtepa tumanidagi “Ismoiljon gilamlari” xususiy ishlab chiqarish korxonasi rahbari Fargʻona, Quvasoy va Qoʻqon shaharlari, Beshariq, Yozyovon, Quva, Toshloq, Bagʻdod, Buvayda, Oltiariq, Rishton, Soʻx, Uchkoʻprik, Fargʻona, Oʻzbekiston tumanlari Salimova Manzura Alimovna Senatning Fan, taʼlim va sogʻliqni saqlash masalalari qoʻmitasida doimiy asosda ishlovchi senator Margʻilon shahri, Furqat, Dangʻara va Qoʻshtepa tumanlari Xorazm viloyatiga Senatdan masʼul — Agrar va suv xoʻjaligi masalalari qoʻmitasi raisi Baxadir Sadullayevich Tajiyev Durdiyeva Gavhar Salayevna Oʻzbekiston Respublikasi Fanlar akademiyasi mintaqaviy boʻlimi — Xorazm Maʼmun akademiyasi ilmiy laboratoriyasi mudiri Xiva shahri, Xiva, Qoʻshkoʻpir va Yangiariq tumanlari Sadullayeva Faraxat Aminovna Xorazm viloyati Xotin-qizlar tadbirkorlik markazi rahbari Urganch shahri, Yangibozor, Gurlan va Shovot tumanlari Sharipov Umarbek Kuranbayevich Xorazm viloyati Urganch tumanidagi “Tillo domor” xususiy korxonasi rahbari Tuproqqalʼa, Urganch va Xonqa tumanlari Kurbanov Ravshanbek Davletovich Respublika ixtisoslashtirilgan kardiologiya ilmiy-amaliy tibbiyot markazi direktori maslahatchisi Bogʻot, Hazorasp tumanlari Qashqadaryo viloyatiga Senatdan masʼul — Mudofaa va xavfsizlik masalalari qoʻmitasi raisi oʻrinbosari Tolibjon Abdumalikovich Madumarov Irkayev Abduraxim Pandjiyevich Qarshi davlat universiteti “Milliy gʻoya va maʼnaviyat asoslari” kafedrasi professori Qarshi shahri, Koson va Qarshi tumanlari Kurbonov Ilxam Uzakovich Qarshi magistral kanalidan foydalanish boshqarmasi boshligʻi Kasbi, Koʻkdala, Mirishkor, Nishon va Chiroqchi tumanlari Fozilov Xurshid Gʻayratovich Respublika ixtisoslashtirilgan kardiologiya ilmiy-amaliy tibbiyot markazi direktori Shahrisabz shahri,Kitob, Shahrisabz va Yakkabogʻ tumanlari Shamsiyev Shermat Joʻraqulovich “Muborak gazni qayta ishlash zavodi” masʼuliyati cheklangan jamiyati direktori Dehqonobod,Muborak, Qamashi va Gʻuzor tumanlari Toshkent shahriga Senatdan masʼullar — Sud-huquq masalalari va korrupsiyaga qarshi kurashish qoʻmitasi raisi Nariman Madjitovich Umarov, Yoshlar, madaniyat va sport masalalari qoʻmitasi raisi oʻrinbosari Diloram Gafurdjanovna Tashmuxamedova Ziyo Azamat Xamid oʻgʻli Oʻzbekiston Respublikasi Fanlar akademiyasining Tarix instituti direktori Uchtepa, Shayxontohur va Bektemir tumanlari Kalanov Rustam Abduxakimovich “Nuroniy” jamgʻarmasi Toshkent shahar boʻlimi raisi Sergeli, Yangihayot, Mirobod va Yunusobod tumanlari Sagdullayev Shamansur Shaxsaidovich Oʻzbekiston Respublikasi Fanlar akademiyasining Oʻsimlik moddalari kimyosi instituti direktori Mirzo Ulugʻbek, Yakkasaroy va Yashnobod tumanlari Tashmuxamedova Diloram Gafurdjanovna Senatning Yoshlar, madaniyat va sport masalalari qoʻmitasi raisi oʻrinbosari Chilonzor va Olmazor tumanlari

Oʻzbekiston Respublikasi Oliy Majlisi Senati Kengashining 2024-yil 25-iyuldagi KQ-785-IV-sonli qaroriga 2-ILOVA

Oʻzbekiston Respublikasining Prezidenti Sh. Mirziyoyev raisligida 2024-yil 17-iyul kuni hududlar va tarmoqlarda iqtisodiy oʻsish surʼatlarini taʼminlash boʻyicha birinchi yarim yillik tahlili hamda yil yakuniga qadar ustuvor vazifalarga bagʻishlangan videoselektor yigʻilishida koʻrilgan masalalarni keng targʻib qilish, ularning ijrosi ustidan parlament nazoratini amalga oshirish boʻyicha

TAVSIYALAR

Ushbu Tavsiyalar Oʻzbekiston Respublikasi Prezidenti Sh.M. Mirziyoyev rahbarligida 2024-yil 17-iyulda hududlar va tarmoqlarda iqtisodiy oʻsish surʼatlarini taʼminlash boʻyicha birinchi yarim yillik tahlili hamda yil yakuniga qadar ustuvor vazifalar yuzasidan kengaytirilgan tarzda oʻtkazilgan videoselektor yigʻilishida belgilangan vazifalar doirasida tayyorlangan.

Senat aʼzolari tomonidan joylarda parlament nazorati va targʻibot-tashviqot tadbirlarida quyidagi masalalarga eʼtibor qaratish tavsiya qilinadi:

1. Aholini tadbirkorlikka jalb qilish, bandligini taʼminlash hamda daromadlarini oshirish boʻyicha Sayxunobod, Uychi, Zarbdor va Gʻijduvon tajribalari asosida hududlarda 2,4 mln aholining bandligini taʼminlashga oid rejalar mavjudligiga.

Bu borada 208 ta tuman (shahar) hokimlari va masʼul tijorat banklarining rejalari xalq deputatlari mahalliy Kengashlarida tasdiqlangan (ilova qilinadi).

Tuman (shahar) hokimlari, tijorat banklari rahbarlari va mahalla raislari aholiga murojaat qilib, oʻz rejalarini tushuntirishlari hamda ularni ommaviy axborot vositalari va ijtimoiy tarmoqlarda eʼlon qilishlari lozim.

2. Tuman hokimlari oʻz hududida mahsulotni koʻpaytirish boʻyicha hisobdor ekanligiga.

3. Sayxunobod, Uychi, Zarbdor va Gʻijduvon tajribalari oʻzini oqlaganini hisobga olib, ularga yangi surʼat bagʻishlash zarurligiga.

Shuningdek, 4 ming 122 ta mahallaning ixtisoslashuv darajasi pastligiga.

“Sayxunobod tajribasi”, yaʼni iqtisodiy kompleks tashkilotlarining mahallaga tushib, “xonadonbay” ishlash tizimi asosida har bir mahalladagi xonadonlar uchun joriy yil yakunigacha moliyaviy paket qilib berilishi zarur. Bu orqali 495 ming aholi bandligi taʼminlanadi.

Mutasaddilarga ikkinchi yarim yillikda “Oilaviy tadbirkorlik” dasturi qamrovini 1,5 barobar oshirib, 4 trillion soʻm ajratish topshirildi.

Yil yakunigacha kamida 50 ta yangi mikro-moliyalash tashkilotini ochib, ularni kreditlashga 1 trillion soʻm resurs berish vazifasi qoʻyildi.

4. “Uychi tajribasi” — tadbirkorlar va biznes bilan shugʻullanish istagidagi aholi bilan manzilli ishlash tizimi asosida tuman hokimlari tadbirkorlar bilan, banklar esa mijozlari bilan muntazam uchrashishi hamda oʻz biznesini kengaytirishlari uchun koʻmaklashishiga.

Bunda tuman hokimi infratuzilma masalasi, bank esa moliyaviy koʻmak masalasi bilan shugʻullanadi.

Tadbirkorlar bilan manzilli ishlash hisobiga yil yakunigacha 670 ming aholining bandligini taʼminlash maqsad qilingan.

5. “Gʻijduvon tajribasi” — tadbirkorlar bilan “mahallabay” ishlash tizimi asosida tuman hokimlari yil yakuniga qadar mingta mahallada vertikal oʻsadigan sanoat binolarini tashkil qilishiga.

Bunday binolarda xonadonlarda tashkil qilingan, lekin kengaytirish imkoni boʻlmagan ishlab chiqarishlar uchun sharoitlar yaratiladi.

Ushbu sanoat markazlarining ikkinchi va undan yuqori qavatlarida ishlayotgan tadbirkorlarga soliq imtiyozlari beriladi.

6. Tuman darajasida katta loyihalarni amalga oshirishga qaratilgan “Zarbdor tajribasi” asosida sanoat, savdo, xizmat va zamonaviy agrotexnologiyalar sohasida kamida 5 — 7 tadan “drayver” loyiha ishlab chiqilishi zarurligiga.

Ular tumanlardagi sanoat zonalari, boʻsh turgan davlat obyektlariga joylashtiriladi.

Eng yaxshi loyihalarga joriy yilda 500 mlrd soʻm ajratilishi orqali yana 150 ming ish oʻrni yaratiladi.

7. Joriy yil budjetida belgilangan tushum prognozini taʼminlash maqsadida mutasaddi rahbarlar tomonidan ikkinchi yarim yillik uchun tushumlar soʻzsiz taʼminlanishi shartligiga.

Tuman hokimlari va soliqchilar rejani bajarish uchun tadbirkorni ortiqcha toʻlov qilishga majburlayotganligi, qiynalgan tadbirkorga koʻmak berish orqaligina ishlab chiqarish va daromad oshishiga erishish mumkinligi.

Barcha hokim va soliqchilar qatʼiy ogohlantirildi: tadbirkorga ortiqcha toʻlov qildirgan masʼullar jazolanishi taʼkidlanib, Bosh prokuraturaga bu masalani alohida nazoratga olish topshirilgan.

Yil boshidan 67 ta tumanda soliq tushumi 1,5 karra oshgan. Masalan, Baxmal, Jalaquduq, Forish, Qoʻrgʻontepa va Guliston tumanlarida oʻsish 2 baravar boʻlgan.

Lekin Nukus, Oqdaryo, Qiziriq, Mingbuloq, Mirzo Ulugʻbek, Qibray, Toyloq tumanlari, Namangan va Zarafshon shaharlarida oʻsish surʼatlari qolgan hududlardan ancha orqada, Shumanayda esa umuman oʻsish boʻlmagan.

Mutasaddilarga soliq tushumlarida oʻsish past boʻlgan ushbu hududlarga borib, ajratilgan kredit, subsidiya, davlatdan berilgan resurslar samarasini tahlil qilish topshirilgan.

8. Joriy yilda hududiy korxonalarda 164 trln soʻmlik mahsulot ishlab chiqarilgan, oʻsish 8,6 foizni tashkil qilgan. Lekin ayrim tumanlarda sanoat pasaygan, baʼzilarida deyarli oʻsmagan.

Viloyat hokimlari va mutasaddilarga yana 2 mingdan ortiq korxona muammosini hal qilib, yil yakunigacha ishlab chiqarish hajmlarini tiklash vazifasi qoʻyilgan.

Umuman, barcha vazirliklar va viloyat hokimliklarida Barqaror rivojlanish markazlarini tashkil qilish zarurligi belgilangan.

Tannarxni kamaytirish, istiqbolli bozorlarga yoʻl ochish, hududlarda tadbirkorlar masalasini tez va shaffof hal qilishda 7 ta iqtisodiy tadqiqot markazlari va oliygohlari imkoniyatlaridan foydalanish lozim.

9. Senatorlarga yuqorida qayd etib oʻtilgan vazifalarni joylarda ijrosini taʼminlash maqsadida quyidagilar tavsiya etiladi:

respublikamizni iqtisodiy rivojlantirishning asosiy makroiqtisodiy koʻrsatkichlari va barqaror iqtisodiy oʻsishni taʼminlash hamda kambagʻallikni qisqartirish borasidagi 2024-yilning birinchi yarim yilligidagi koʻrsatkichlar mazmun-mohiyatining aholiga yetkazilishi;

2024-yilning ikkinchi yarim yilligida barqaror iqtisodiy oʻsish surʼatlarini taʼminlash hamda kambagʻallikni qisqartirish borasidagi vazifalar xalq deputatlari Kengashlarida muhokama etilishi;

Sayxunobod, Uychi, Zarbdor va Gʻijduvon tajribalari asosida hududda aholining bandligini taʼminlash boʻyicha dastur ishlab chiqilishi;

iqtisodiy kompleks tashkilotlarining mahallaga tushib, “xonadonbay” ishlash tizimi asosida har bir mahalladagi xonadonlar uchun moliyaviy paket qilib berilganligi va shu orqali aholi bandligining taʼminlanishi;

“Uychi tajribasi” — tadbirkorlar va biznes bilan shugʻullanish istagidagi aholi bilan manzilli ishlash tizimi asosida tuman hokimlarining tadbirkorlar bilan, banklar esa mijozlari bilan muntazam uchrashuvni yoʻlga qoʻyganligi, koʻtarilgan muammolarning bartaraf etilishi;

“mahallabay” ishlash asosida oilaviy tadbirkorlikni rivojlantirish va aholi bandligini taʼminlash orqali kambagʻallikni qisqartirish hamda “Yoshlar daftari”, “Ayollar daftari”, “Temir daftar”ga kiritilgan ishsiz ijtimoiy himoyaga muhtoj fuqarolarni ish bilan taʼminlash boʻyicha hokim yordamchilari faoliyatining samaradorligini baholash;

ishga tushgan investitsiya loyihalari orqali aholi bandligining taʼminlanishi;

faoliyatini vaqtincha yoki butunlay toʻxtatib qoʻygan tadbirkorlik subyektlarining muammolari bartaraf etilishi;

Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasidan subsidiya mablagʻlarining maqsadli ajratilishi;

oilaviy tadbirkorlikni rivojlantirish dasturlari doirasida ajratilgan kredit mablagʻlarining maqsadli yoʻnaltirilishi;

aholiga dehqon xoʻjaliklarini tashkil qilish uchun auksion savdosi orqali ajratilgan yer maydonlaridan samarali foydalanilishi;

kasb-hunarga va tadbirkorlik koʻnikmalariga oʻqish istagida boʻlgan ishsiz fuqarolarning monomarkazlar, oʻquv markazlari, mahalla oʻquv maskanlari hamda nodavlat oʻquv markazlarida oʻqitilishi va keyinchalik bandligining taʼminlanishi;

mehnat migratsiyasidan qaytib kelgan shaxslarni reyintegratsiya qilish, shu jumladan, ularning bandligini taʼminlash, kasbiy malakasini oshirish va tadbirkorlik tashabbuslarini ragʻbatlantirish boʻyicha amalga oshirilgan ishlarni oʻrganish;

xalq deputatlari Kengashlari bilan birga aholi oʻrtasida tumanlar va mahallalar kesimida keng tushuntirish ishlarini olib borish;

oʻrganishlar yakunlarining Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahar, tumanlar va shaharlar Kengashlarida hokimlar, vazirliklar va idoralarning hududiy boʻlinmalari rahbarlari hamda mahalla raislari ishtirokida muhokama etilishini yoʻlga qoʻyish;

tadbirlarda keng jamoatchilik, OAV va mahalla faollari ishtirokini taʼminlash;