Oʻzbekiston Respublikasi Markaziy saylov komissiyasining 2019-yil 25-oktabrdagi “Oʻzbekiston Respublikasi Prezidenti, Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, xalq deputatlari viloyat, tuman va shahar Kengashlari deputatlari saylovlariga tayyorgarlik koʻrish va ularni oʻtkazishni moliyalashtirish hamda mablagʻlardan foydalanish tartibi toʻgʻrisidagi yoʻriqnomani tasdiqlash haqida”gi 969-son qaroriga oʻzgartirish va qoʻshimchalar kiritish haqida (1351-son)

19.07.2024

Oʻzbekiston Respublikasi Markaziy saylov komissiyasining

Qarori

Oʻzbekiston Respublikasining “Oʻzbekiston Respublikasining ayrim qonun hujjatlariga saylov va referendum oʻtkazish tartibini yanada takomillashtirishga qaratilgan oʻzgartirish va qoʻshimchalar kiritish toʻgʻrisida” 2023-yil 18-dekabrdagi OʻRQ-883-son Konstitutsiyaviy Qonuni hamda Oʻzbekiston Respublikasi Saylov kodeksining 14 va 16-moddalariga muvofiq, Oʻzbekiston Respublikasi Markaziy saylov komissiyasi qaror qiladi:

1. Oʻzbekiston Respublikasi Markaziy saylov komissiyasining 2019-yil 25-oktabrdagi “Oʻzbekiston Respublikasi Prezidenti, Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, xalq deputatlari viloyat, tuman va shahar Kengashlari deputatlari saylovlariga tayyorgarlik koʻrish va ularni oʻtkazishni moliyalashtirish hamda mablagʻlardan foydalanish tartibi toʻgʻrisidagi yoʻriqnomani tasdiqlash haqida”gi 969-son qaroriga ilovaga muvofiq oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.

3. Mazkur qarorning ijrosini nazorat qilish Oʻzbekiston Respublikasi Markaziy saylov komissiyasi Raisining oʻrinbosari B. Kuchkarov zimmasiga yuklansin.

Rais Z. NIZAMXODJAYEV

Toshkent sh.,

2024-yil 19-iyul,

1351-son

Oʻzbekiston Respublikasi Markaziy saylov komissiyasining 2024-yil 19-iyuldagi 1351-son qaroriga ILOVA

Oʻzbekiston Respublikasi Markaziy saylov komissiyasining 2019-yil 25-oktabrdagi “Oʻzbekiston Respublikasi Prezidenti, Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, xalq deputatlari viloyat, tuman va shahar Kengashlari deputatlari saylovlariga tayyorgarlik koʻrish va ularni oʻtkazishni moliyalashtirish hamda mablagʻlardan foydalanish tartibi toʻgʻrisidagi yoʻriqnomani tasdiqlash haqida”gi 969-son qaroriga kiritilayotgan oʻzgartirish va qoʻshimchalar

1. Qarorning 4-bandi ikkinchi xatboshisidagi “viloyat” degan soʻz “hududiy” degan soʻz bilan almashtirilsin.

2. 1-ilovada:

a) 1-band quyidagi tahrirda bayon etilsin:

“1. Ushbu Yoʻriqnoma Oʻzbekiston Respublikasi Markaziy saylov komissiyasi (bundan buyon matnda MSK deb yuritiladi), Qoraqalpogʻiston Respublikasi Markaziy saylov komissiyasi, viloyatlar va Toshkent shahar hududiy saylov komissiyalari (bundan buyon matnda hududiy saylov komissiyasi deb yuritiladi), tuman va shahar saylov komissiyalari, xalq deputatlari viloyatlar va Toshkent shahar Kengashlariga saylov oʻtkazish boʻyicha okrug saylov komissiyalari (bundan buyon matnda okrug saylov komissiyalari deb yuritiladi) va uchastka saylov komissiyalari, davlat hokimiyati va boshqaruvi organlari, siyosiy partiyalar uchun majburiydir.”;

b) 2-band “Davlat budjeti” degan soʻzlaridan keyin “(bundan buyon matnda Davlat budjeti deb yuritiladi)” degan soʻzlar bilan toʻldirilsin;

v) 6-bandda:

ikkinchi xatboshi quyidagi tahrirda bayon etilsin:

“Bunda, MSKning markazlashgan xarajatlari mazkur Yoʻriqnomaning 1-ilovasiga muvofiq Qoraqalpogʻiston Respublikasi Markaziy saylov komissiyasi, hududiy, tuman, shahar saylov komissiyalarining, okrug va uchastka saylov komissiyalarning xarajatlari mazkur Yoʻriqnomaning 2-ilovasiga muvofiq aniqlanadi. Prognoz koʻrsatkichlarni belgilashda siyosiy partiyalar va nomzodlarning saylovoldi tashviqoti xarajatlari ham inobatga olinadi.”;

quyidagi mazmundagi uchinchi — beshinchi xatboshilari bilan toʻldirilsin:

“Boʻshab qolgan deputatlik oʻrinlari uchun boʻlib oʻtadigan saylovlarga tayyorgarlik koʻrish va uni oʻtkazish quyidagicha moliyalashtiriladi:

Oʻzbekiston Respublikasi Oliy Majlisi Qonunchilik palatasining bir mandatli saylov okruglari boʻyicha boʻshab qolgan deputatlik oʻrinlari uchun boʻlib oʻtadigan saylovlar Davlat budjetidan ajratiladigan mablagʻlar hisobidan;

Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga hamda xalq deputatlari tuman va shahar Kengashlariga boʻshab qolgan deputatlik oʻrinlari uchun boʻlib oʻtadigan saylovlar tegishincha Qoraqalpogʻiston Respublikasi budjeti, viloyatlar va Toshkent shahar, tuman (shahar)lar mahalliy budjetlari mablagʻlari hisobidan.”

g) 7-band quyidagi tahrirda bayon etilsin:

“7. Saylov oʻtkaziladigan yilning birinchi choragida saylov komissiyalarining xarajatlar smetalari quyidagi tartibda tuziladi, tasdiqlanadi va roʻyxatdan oʻtkaziladi:

a) Oʻzbekiston Respublikasi Prezidenti saylovi boʻyicha MSKning markazlashgan xarajatlari, shuningdek Qoraqalpogʻiston Respublikasi Markaziy saylov komissiyasi va hududiy saylov komissiyalarining xarajatlar smetasi — MSK tomonidan Oʻzbekiston Respublikasi Iqtisodiyot va moliya vazirligi (bundan buyon matnda Iqtisodiyot va moliya vazirligi deb yuritiladi), Qoraqalpogʻiston Respublikasi Joʻqorgʻi Kengesi, viloyatlar va Toshkent shahar hokimliklari bilan birgalikda tuman (shahar)lar kesimida prognoz yoyilmasi ilova qilingan holda tuziladi. Bunda moliyaviy hujjatlarga birinchi imzo huquqi MSKning Raisiga, Qoraqalpogʻiston Respublikasi Markaziy saylov komissiyasi raisiga, hududiy saylov komissiyasi raisiga, ikkinchi imzo huquqi MSKning, Qoraqalpogʻiston Respublikasi Joʻqorgʻi Kengesi, viloyat va Toshkent shahar hokimliklarining bosh buxgalterlariga tegishli boʻladi;

b) Oʻzbekiston Respublikasi Oliy Majlisi Qonunchilik palatasiga saylov boʻyicha MSKning markazlashgan xarajatlari, shuningdek Qoraqalpogʻiston Respublikasi Markaziy saylov komissiyasi va hududiy saylov komissiyalarining xarajatlar smetasi — MSK tomonidan Iqtisodiyot va moliya vazirligi, Qoraqalpogʻiston Respublikasi Joʻqorgʻi Kengesi, viloyatlar va Toshkent shahar hokimliklari bilan birgalikda tuman (shahar)lar kesimida prognoz yoyilmasi ilova qilingan holda tuziladi. Bunda moliyaviy hujjatlarga birinchi imzo huquqi MSKning raisiga, Qoraqalpogʻiston Respublikasi Markaziy saylov komissiyasi raisiga, hududiy saylov komissiyasi raisiga, ikkinchi imzo huquqi MSKning, Qoraqalpogʻiston Respublikasi Joʻqorgʻi Kengesi, viloyat va Toshkent shahar hokimliklarining bosh buxgalterlariga tegishli boʻladi;

v) Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga saylov boʻyicha Qoraqalpogʻiston Respublikasi Markaziy saylov komissiyasi va hududiy saylov komissiyalarining xarajatlar smetasi — Qoraqalpogʻiston Respublikasi Markaziy saylov komissiyasi va hududiy saylov komissiyalari tomonidan tegishliligi boʻyicha Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari bilan birgalikda tuziladi va MSK bilan kelishgan holda tegishliligi boʻyicha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga tasdiqlash uchun kiritiladi. Bunda moliyaviy hujjatlarga birinchi imzo huquqi Qoraqalpogʻiston Respublikasi Markaziy saylov komissiyasi raisi, hududiy saylov komissiyasi raisiga, ikkinchi imzo huquqi tegishincha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar hokimliklarining bosh buxgalteriga tegishli boʻladi.

Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga saylov boʻyicha xarajatlar smetasi tegishincha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan tasdiqlangandan soʻng tegishliligi boʻyicha Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalarida belgilangan tartibda roʻyxatdan oʻtkaziladi;

g) xalq deputatlari tuman va shahar Kengashlariga saylov boʻyicha tuman, shahar saylov komissiyalarining xarajatlar smetasi — tuman, shahar saylov komissiyalari tomonidan tegishli iqtisodiyot va moliya boʻlimlari bilan birgalikda tuziladi va MSK bilan kelishgan holda tegishligi boʻyicha xalq deputatlari tuman va shahar Kengashlariga tasdiqlash uchun kiritiladi. Bunda moliyaviy hujjatlarga birinchi imzo huquqi tuman, shahar saylov komissiyalari raisiga, ikkinchi imzo huquqi tegishincha tuman, shahar hokimliklarining bosh buxgalteriga tegishli boʻladi.

Xalq deputatlari tuman va shahar Kengashlariga saylov boʻyicha xarajatlar smetasi tegishincha xalq deputatlari tuman va shahar Kengashlari tomonidan tasdiqlanganidan soʻng tegishli tuman, shahar iqtisodiyot va moliya boʻlimlarida belgilangan tartibda roʻyxatdan oʻtkaziladi;

d) Oʻzbekiston Respublikasi Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, xalq deputatlari viloyat, Toshkent shahar, tuman, shahar Kengashlari deputatlari saylovi bir vaqtda oʻtkazilganda, MSKning markazlashgan xarajatlari, shuningdek Qoraqalpogʻiston Respublikasi Markaziy saylov komissiyasi va hududiy saylov komissiyalarining xarajatlar smetasi — MSK tomonidan Iqtisodiyot va moliya vazirligi, Qoraqalpogʻiston Respublikasi Joʻqorgʻi Kengesi, viloyatlar va Toshkent shahar hokimliklari bilan birgalikda tuman (shahar)lar kesimidagi saylov komissiyalari (tuman, shahar, okrug saylov komissiyalari) xarajatlari yoyilmasi ilova qilingan holda tuziladi. Bunda moliyaviy hujjatlarga birinchi imzo huquqi MSKning raisiga, Qoraqalpogʻiston Respublikasi Markaziy saylov komissiyasi raisiga, hududiy saylov komissiyasi raisiga, ikkinchi imzo huquqi MSKning, Qoraqalpogʻiston Respublikasi Joʻqorgʻi Kengesi, viloyat va Toshkent shahar hokimliklarining bosh buxgalterlariga tegishli boʻladi.

Oʻzbekiston Respublikasi Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari hamda xalq deputatlari tuman va shahar Kengashlari deputatlarining boʻshab qolgan oʻrinlarga saylov boʻyicha saylov komissiyalarining xarajatlar smetalari tegishincha mazkur Yoʻriqnomaning 7-bandi b, v, g-kichik bandlarida belgilangan tartibda amalga oshiriladi.”;

d) 9-bandda:

“7-8-bandlarida” degan soʻzlar, “7-bandi a, b, d-kichik bandlarida hamda 8-bandida” degan soʻzlar bilan almashtirilsin;

“Oʻzbekiston Respublikasi Moliya” degan soʻzlar “Iqtisodiyot va moliya” degan soʻzlar bilan almashtirilsin;

e) 11-banddagi “Moliya vazirligi” degan soʻzlar “Iqtisodiyot va moliya vazirligi” degan soʻzlar bilan almashtirilsin;

j) 14-bandning birinchi xatboshisi quyidagi tahrirda bayon etilsin:

“14. Qoraqalpogʻiston Respublikasi Markaziy saylov komissiyasi, hududiy, tuman, shahar, okrug, uchastka saylov komissiyalarining xarajatlari boʻyicha toʻlovlari tegishli Qoraqalpogʻiston Respublikasi Markaziy saylov komissiyasi, hududiy, tuman, shahar saylov komissiyalarining raislari va Qoraqalpogʻiston Respublikasi Joʻqorgʻi Kengesi yoki tegishli hokimliklarning bosh buxgalterlari tomonidan ularga xizmat koʻrsatuvchi hududiy gʻaznachilik boʻlinmalariga taqdim etiladigan toʻlov topshiriqnomalari asosida amalga oshiriladi.”;

z) 15-band quyidagi tahrirda bayon etilsin:

“15. Qoraqalpogʻiston Respublikasi Markaziy saylov komissiyasi, hududiy, tuman, shahar, okrug, uchastka saylov komissiyalari faoliyatini moliyalashtirish tegishincha Qoraqalpogʻiston Respublikasi Joʻqorgʻi Kengesi, viloyatlar, Toshkent shahar, tumanlar va shaharlar hokimliklarining maxsus ochilgan shaxsiy gʻazna hisobvaraqlari (bundan buyon matnda maxsus hisob raqam deb yuritiladi) orqali mazkur Yoʻriqnomaning 3-ilovasida keltirilgan sxema boʻyicha quyidagi tartibda:

a) Oʻzbekiston Respublikasi Prezidenti saylovi boʻyicha — Qoraqalpogʻiston Respublikasi Markaziy saylov komissiyasi, hududiy, uchastka saylov komissiyalarining xarajatlari tegishincha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar hokimliklarining maxsus hisob raqami orqali;

b) Oʻzbekiston Respublikasi Oliy Majlisi Qonunchilik palatasiga saylov boʻyicha — Qoraqalpogʻiston Respublikasi Markaziy saylov komissiyasi, hududiy, uchastka saylov komissiyalarining xarajatlari tegishincha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar, tuman, shahar hokimliklarining maxsus hisob raqami orqali;

v) Qoraqalpogʻiston Respublikasi Joʻqorgʻi Kengesi, xalq deputatlari viloyat, Toshkent shahar, tuman va shahar Kengashlariga saylov boʻyicha — Qoraqalpogʻiston Respublikasi Markaziy saylov komissiyasi, hududiy, tuman, shahar, okrug, uchastka saylov komissiyalarining xarajatlari Qoraqalpogʻiston Respublikasi Joʻqorgʻi Kengesi, viloyat, Toshkent shahar, tuman, shahar hokimliklarining maxsus hisob raqami orqali amalga oshiriladi;

g) Oʻzbekiston Respublikasi Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, xalq deputatlari viloyat, Toshkent shahar, tuman, shahar Kengashlari deputatlari saylovi bir vaqtda oʻtkazilganda — Qoraqalpogʻiston Respublikasi Markaziy saylov komissiyasi, hududiy, tuman, shahar, okrug, uchastka saylov komissiyalarining xarajatlari Qoraqalpogʻiston Respublikasi Joʻqorgʻi Kengesi, viloyat, Toshkent shahar, tuman, shahar hokimliklarining maxsus hisob raqami orqali amalga oshiriladi.”;

i) 16-bandidan “Oʻzbekiston Respublikasi” degan soʻzlar chiqarib tashlansin;

y) 17 va 18-bandlardagi “davlat” degan soʻz “Davlat budjeti” degan soʻzlar bilan almashtirilsin;

k) 25, 26, 47-bandlar oʻz kuchini yoʻqotgan deb hisoblansin;

l) 27-bandda:

birinchi xatboshisi quyidagi tahrirda bayon etilsin:

“27. Saylov jarayonlarida saylov komissiyasi aʼzolari boʻlgan, lekin doimiy ish joyiga ega boʻlmagan shaxslarga, pensionerlarga mehnatga haq toʻlashning yagona tarif setkasiga muvofiq saylov komissiyasi raisiga 9-razryad boʻyicha, saylov komissiyasi rais oʻrinbosariga 8-razryad boʻyicha, saylov komissiyasining kotibi va boshqa aʼzolariga 4-razryad boʻyicha ish haqi hisoblanadi.”;

ikkinchi va uchinchi xatboshilari chiqarib tashlansin;

toʻrtinchi xatboshi ikkinchi xatboshi deb hisoblansin;

m) 28-bandda:

birinchi xatboshisidagi “Okrug” degan soʻz “Qoraqalpogʻiston Respublikasi Markaziy saylov komissiyasi, hududiy, tuman, shahar, okrug” degan soʻzlar bilan almashtirilsin;

ikkinchi — toʻrtinchi xatboshilaridagi “okrug” degan soʻzdan oldin “Qoraqalpogʻiston Respublikasi Markaziy saylov komissiyasi, hududiy, tuman, shahar,” degan soʻzlar bilan toʻldirilsin;

quyidagi mazmundagi oʻninchi xatboshi bilan toʻldirilsin:

“Mazkur Yoʻriqnomaning 27-bandi boʻyicha saylov komissiyalari aʼzolariga ish haqi hisoblanganda ularga kompensatsiya toʻlovlari amalga oshirilmaydi. Hududiy saylov komissiyasida doimiy asosda ishlovchi komissiya aʼzolari bundan mustasno.”;

n) 29-bandidagi “Qoraqalpogʻiston Respublikasi, viloyatlar hamda Toshkent shahar” degan soʻzlar “Qoraqalpogʻiston Respublikasi Markaziy saylov komissiyasi, hududiy” degan soʻzlar bilan almashtirilsin;

o) 30-bandda:

birinchi xatboshisidagi “26 va 27-bandlar” degan soʻzlar “27-bandi” degan soʻzlar bilan almashtirilsin;

uchinchi xatboshisidagi “pasport nusxasi, STIR, JBPX, buyruq nusxalari, plastik karta maʼlumotlari, telefon raqami va hokazo” degan soʻzlar “pasport yoki identifikatsiya ID-kartasi nusxasi, STIR, JBPX, buyruq nusxasi, bank plastik karta maʼlumotlari, telefon raqami” degan soʻzlar bilan almashtirilsin;

p) 31-banddagi “arizasiga koʻra plastik kartochkalariga” degan soʻzlar “bank plastik kartalariga” degan soʻzlar bilan almashtirilsin;

r) 34-bandning ikkinchi xatboshisidagi “hududiy saylov komissiyaning” degan soʻzlar “Qoraqalpogʻiston Respublikasi Markaziy saylov komissiyasi, hududiy, tuman, shahar saylov komissiyasining” degan soʻzlar bilan almashtirilsin;

s) 41-bandda:

birinchi xatboshisidagi “davlat” degan soʻz “Davlat budjeti” degan soʻzlar bilan almashtirilsin;

“a” kichik bandi quyidagi tahrirda bayon etilsin:

“a) Qoraqalpogʻiston Respublikasi Markaziy saylov komissiyasi, hududiy saylov komissiyalari tomonidan Qoraqalpogʻiston Respublikasi Joʻqorgʻi Kengesi, viloyatlar va Toshkent shahar hokimliklari bilan birgalikda — MSKga va tegishligi boʻyicha Qoraqalpogʻiston Respublikasi Iqtisodiyot va moliya vazirligiga, viloyatlar va Toshkent shahar iqtisodiyot va moliya bosh boshqarmalariga yigirma kundan kechiktirmasdan mazkur Yoʻriqnomaning 8-ilovasiga muvofiq;”;

“b” kichik bandidagi “Moliya vazirligi, viloyatlar va Toshkent shahar moliya bosh boshqarmalari tomonidan — Oʻzbekiston Respublikasi Moliya” degan soʻzlar “Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tomonidan — Iqtisodiyot va moliya” degan soʻzlar bilan almashtirilsin;

“g” kichik bandidagi “Oʻzbekiston Respublikasi Moliya” degan soʻzlar “Iqtisodiyot va moliya” degan soʻzlar bilan almashtirilsin;

t) 43-bandda:

“budjet” degan soʻz “Davlat budjeti” degan soʻzlar bilan almashtirilsin;

“boyliklarining hisobi” degan soʻzlar “qimmatliklarining hisobi tegishli” degan soʻzlar bilan almashtirilsin;

“qonun hujjatlarida” degan soʻzlar “qonunchilik hujjatlarida” degan soʻzlar bilan almashtirilsin;

u) 45-banddagi “masʼul” degan soʻz “tegishli” degan soʻz bilan almashtirilsin;

f) 48-banddagi “Oʻzbekiston Respublikasi Moliya” degan soʻzlar “Iqtisodiyot va moliya” degan soʻzlar bilan almashtirilsin.

3. Yoʻriqnomaga 1-ilovada:

a) nomidagi “markazlashtirilgan” degan soʻz “markazlashgan” degan soʻz bilan almashtirilsin;

b) quyidagi mazmundagi 22 va 23-bandlar bilan toʻldirilsin:

“22. Muhrlar, stendlarni tayyorlash xizmati, saylovga tayyorgarlik koʻrish va uni oʻtkazish uchun zarur materiallar va boshqa jihozlar.

23. Saylov jarayonlarida axborot kampaniyasi xarajatlari. Bunda ushbu xarajatlar, MSK tomonidan ijtimoiy tarmoqlarda targʻibot-tashviqot ishlarini amalga oshirish, televideniya, radio, ijtimoiy tarmoqlar va internet saytlarga joylashtiriladigan materiallarni tayyorlash hamda boshqa xarajatlar hisoblanadi”;

v) izoh qismidagi “Moliya” degan soʻz “Iqtisodiyot va moliya” degan soʻzlar bilan almashtirilsin.

4. Yoʻriqnomaga 2-ilovada:

a) nomidagi “viloyat” degan soʻz “hududiy” degan soʻz bilan almashtirilsin;

b) izoh qismidagi “Moliya” degan soʻz “Iqtisodiyot va moliya” degan soʻzlar bilan almashtirilsin.

5. Yoʻriqnomaga 3-ilova quyidagi tahrirda bayon etilsin:

“Oʻzbekiston Respublikasi Prezidenti, Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, Xalq deputatlari viloyat, tuman va shahar kengashlari deputatlari saylovlariga tayyorgarlik koʻrish va ularni oʻtkazishni moliyalashtirish hamda mablagʻlardan foydalanish tartibi toʻgʻrisidagi yoʻriqnomaga 3-ILOVA

Oʻzbekiston Respublikasi Prezidenti, Oliy Majlisi Qonunchilik palatasi hamda mahalliy Kengashlarga saylovlarni moliyalashtirish sxemasi

”.

6. Yoʻriqnomaga 4-ilova oʻz kuchini yoʻqotgan deb hisoblansin.

7. Yoʻriqnomaga 4a-ilovada:

a) “Okrug” degan soʻz “Qoraqalpogʻiston Respublikasi Markaziy saylov komissiyasi, hududiy, tuman, shahar, okrug” degan soʻzlar bilan almashtirilsin;

b) “Pasport raqami, seriyasi” degan soʻzlar “Pasport yoki identifikatsiya ID-karta seriyasi va raqami” degan soʻzlar bilan almashtirilsin;

v) “INPS” degan soʻz “JBPX” degan soʻz bilan almashtirilsin;

g) izoh qismining ikkinchi xatboshisi quyidagi tahrirda bayon etilsin:

“Saylov komissiyasining raisiga 9-razryad, rais oʻrinbosariga 8-razryad, kotib va komissiyaning boshqa aʼzolariga 4-razryad boʻyicha ish haqi hisoblanadi.”.

8. Yoʻriqnomaga 4b-ilovada:

a) ilova nomidagi “viloyat” degan soʻz “Markaziy saylov komissiyasi, hududiy” degan soʻzlar bilan almashtirilsin;

b) “Pasport raqami, seriyasi” degan soʻzlar “Pasport yoki identifikatsiya ID-karta seriyasi va raqami” degan soʻzlar bilan almashtirilsin;

v) “INPS” degan soʻz “JBPX” degan soʻz bilan almashtirilsin.

9. Yoʻriqnomaga 5-ilova quyidagi tahrirda bayon etilsin:

“Oʻzbekiston Respublikasi Prezidenti, Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, Xalq deputatlari viloyat, tuman va shahar kengashlari deputatlari saylovlariga tayyorgarlik koʻrish va ularni oʻtkazishni moliyalashtirish hamda mablagʻlardan foydalanish tartibi toʻgʻrisidagi yoʻriqnomaga 5-ILOVA

DALOLATNOMA 20__ yil “____” __________________ ____________________ (QR, viloyatlar va Toshkent shahar) _________________ (tuman va shahar) hokimligining balansida mavjud boʻlgan quyidagi jihozlar va boshqa tovar-moddiy qimmatliklari hokimlikning moddiy javobgar shaxsi ______________________ (F.I.O.) tomonidan ____________________________________________ (saylov turi koʻrsatiladi) saylovida foydalanish uchun ________-uchastka saylov komissiyasi raisi _________________________ (F.I.O.) ningmoddiy javobgarligiga topshiradi: T/r Tovar-moddiy boyliklar nomi Oʻlchov birligi Soni Ishlab chiqarilgan yili Izohlar 1. Oʻzbekiston Respublikasi Davlat bayrogʻi (ichki) dona 2. Oʻzbekiston Respublikasi Davlat bayrogʻi (tashqi) dona 3. Oʻzbekiston Respublikasi Davlat gerbi dona 4. Ovoz berish qutisi (katta) dona 5. Ovoz berish qutisi (kichik) dona 6. Ovoz berish qutisi (koʻchma) dona 7. Yashirin ovoz berish kabinasi (2-xonalik) dona 8. Yashirin ovoz berish kabinasi (3-xonalik) dona 9. Yashirin ovoz berish kabinasi (4-xonalik)) dona 10. Yashirin ovoz berish kabinasi (koʻchma) dona 11. Axborotlar stendi dona 12. Maʼlumotlar stendi dona 13. Saylovchilar roʻyxati stendi dona 14. Flagshtok (ichki) dona 15. Flagshtok (tashqi) dona 16. Muhr (dumaloq rezinali) dona Izoh: Qoraqalpogʻiston Respublikasi hududida toʻldiriladigan dalolatnomaga Qoraqalpogʻiston Respublikasining Davlat bayrogʻi hamda Qoraqalpogʻiston Respublikasining Davlat gerbi kiritiladi. Topshiruvchi: tuman yoki shahar hokimligining tashkiliy-kadrlar guruhi rahbari: ___________ _________________ _____ _________________ __________________________________________________(imzo) __________________ (F.I.O.) tuman yoki shahar hokimligining moddiy javobgar shaxsi: _____________________ _________________ _____ _________________ __________________________________________________(imzo) __________________ (F.I.O.) Qabul qiluvchi: _______-uchastka saylov komissiyasi raisi: _____ _________________ _____ _________________ ___________________________________________________(imzo) __________________ (F.I.O.) ”.

10. Yoʻriqnomaga 5a-ilova quyidagi tahrirda bayon etilsin:

“Oʻzbekiston Respublikasi Prezidenti, Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi, Xalq deputatlari viloyat, tuman va shahar kengashlari deputatlari saylovlariga tayyorgarlik koʻrish va ularni oʻtkazishni moliyalashtirish hamda mablagʻlardan foydalanish tartibi toʻgʻrisidagi yoʻriqnomaga 5a-ILOVA

DALOLATNOMA 20__ yil “____” __________________________ ____________________ (QR, viloyatlar va Toshkent shahar) _________________ (tuman va shahar) ________-uchastka saylov komissiyasi raisi _______________________ (F.I.O.) _________________________________________ (saylov turi koʻrsatiladi) saylovida foydalanish uchun qabul qilgan jihozlar va boshqa tovar-moddiy qimmatliklarni hokimlikning moddiy javobgar shaxsi _________________________ (F.I.O.)ga qayta topshiradi: T/r Tovar-moddiy boyliklar nomi Oʻlchov birligi Soni Ishlab chiqarilgan yili Izohlar 1. Oʻzbekiston Respublikasi Davlat bayrogʻi (ichki) dona 2. Oʻzbekiston Respublikasi Davlat bayrogʻi (tashqi) dona 3. Oʻzbekiston Respublikasi Davlat gerbi dona 4. Ovoz berish qutisi (katta) dona 5. Ovoz berish qutisi (kichik) dona 6. Ovoz berish qutisi (koʻchma) dona 7. Yashirin ovoz berish kabinasi (2-xonalik) dona 8. Yashirin ovoz berish kabinasi (3-xonalik) dona 9. Yashirin ovoz berish kabinasi (4-xonalik)) dona 10. Yashirin ovoz berish kabinasi (koʻchma) dona 11. Axborotlar stendi dona 12. Maʼlumotlar stendi dona 13. Saylovchilar roʻyxati stendi dona 14. Flagshtok (ichki) dona 15 Flagshtok (tashqi) dona 16. Muhr (dumaloq rezinali) dona Izoh: Qoraqalpogʻiston Respublikasi hududida toʻldiriladigan dalolatnomaga Qoraqalpogʻiston Respublikasining Davlat bayrogʻi hamda Qoraqalpogʻiston Respublikasining Davlat gerbi kiritiladi. Topshiruvchi: _______-uchastka saylov komissiyasi raisi: ____ _________________ ____ _________________ __________________________________________________ (imzo) __________________ (F.I.O.) Qabul qiluvchi: tuman yoki shahar hokimligining tashkiliy-kadrlar guruhi rahbari: ___________ _________________ ____ _________________ ___________________________________________________ (imzo) ________________ (F.I.O.) tuman yoki shahar hokimligining moddiy javobgar shaxsi: _______________________________________ ____ _________________ ____________________________________________________ (imzo) ________________ (F.I.O.) ”.

11. Yoʻriqnomaga 6-ilovada:

a) ilova nomidagi “(Qoraqalpogʻiston Respublikasi, viloyat, Toshkent shahar) saylov komissiyalari” degan soʻzlar “(Qoraqalpogʻiston Respublikasi Markaziy saylov komissiyasi, hududiy) saylov komissiyasi” degan soʻzlar bilan almashtirilsin;

b) “Qoraqalpogʻiston Respublikasi, viloyat, shahar, tuman,” degan soʻzlar “Qoraqalpogʻiston Respublikasi Markaziy saylov komissiyasi, hududiy, tuman, shahar,” degan soʻzlar bilan almashtirilsin.

12. Yoʻriqnomaga 9-ilovada:

a) ilova nomidagi “Qoraqalpogʻiston Respublikasi, viloyat, Toshkent shahar,” degan soʻzlar “Qoraqalpogʻiston Respublikasi Markaziy saylov komissiyasi, hududiy,” degan soʻzlar bilan almashtirilsin;

b) izoh qismidagi “Prezident” degan soʻz “Oʻzbekiston Respublikasi Prezidenti” degan soʻzlar bilan almashtirilsin;

v) “Moliya organlari rahbarlari (yoki okrug raislari tegishlicha)” degan soʻzlar “Rahbar” degan soʻz bilan almashtirilsin.

13. Yoʻriqnomaga 11-ilovada:

a) 4-pozitsiyasidagi “OSK” degan soʻz “HSK” degan soʻz bilan almashtirilsin;

b) izoh qismidagi “Ushbu jadval” soʻzlaridan keyin “Oʻzbekiston Respublikasi” soʻzlari bilan toʻldirilsin.