Voleybol sport turlarini yanada rivojlantirish chora-tadbirlari toʻgʻrisida (PQ-274-son)

19.07.2024

Oʻzbekiston Respublikasi Prezidentining

Qarori

Voleybol sport turlarini yanada ommalashtirish, yoshlar orasidan voleybol sport turlari bilan shugʻullanuvchi sportchilarni saralab olish tizimini yaxshilash, ushbu sport turi boʻyicha zamonaviy sport infratuzilmasini yaratish hamda milliy terma jamoalarimizning nufuzli sport musobaqalarida yuqori natijalarga erishishini taʼminlash maqsadida:

1. Quyidagilar voleybol, sohil voleyboli va para voleybol sport turlarini (keyingi oʻrinlarda — voleybol sport turlari) rivojlantirishning asosiy yoʻnalishlari etib belgilansin:

voleybol sport turlarini aholi oʻrtasida keng targʻib qilish hamda eng ommaviy sport turlaridan biriga aylantirish;

iqtidorli sportchilar, shu jumladan, sportchi-ayollarni aniqlash, seleksiya qilish hamda ularni professional sportchilar sifatida tayyorlashning barcha bosqichlarini raqamlashtirish;

zarur sharoitlarga ega professional va oliy taʼlim tashkilotlarida voleybol sport turlari boʻyicha toʻgaraklarni tashkil etish;

voleybol sport turlari boʻyicha professional trenerlar va hakamlarni tayyorlash tizimini rivojlantirish;

voleybol sport turlari boʻyicha zamonaviy sport majmualarini barpo etish, mavjud moddiy-texnika bazasini mustahkamlash, ularni zamonaviy sport anjomlari va jihozlari bilan taʼminlash.

2. Quyidagilar:

2024 — 2026-yillarda voleybol sport turlarini rivojlantirish dasturi (keyingi oʻrinlarda — Dastur) 1-ilovaga muvofiq;

2024 — 2026-yillarda voleybol sport turlarini rivojlantirishning maqsadli koʻrsatkichlari 2-ilovaga muvofiq tasdiqlansin.

3. Sport vazirligi, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Oʻzbekiston voleybol federatsiyasining 2025-yildan boshlab har yili anʼanaviy tarzda:

oliy taʼlim muassasalari talabalari, professional taʼlim va umumiy oʻrta taʼlim muassasalari oʻquvchilari oʻrtasida “Volleyball stars” Oʻzbekiston kubogini;

vazirlik va idoralar xodimlari oʻrtasida uch bosqichli (tuman (shahar) — viloyat — respublika) voleybol sport turlari boʻyicha “Yangi Oʻzbekiston” respublika musobaqasini;

umumiy oʻrta taʼlim muassasalari yuqori sinf oʻquvchilari oʻrtasida uch bosqichli Maktabgacha va maktab taʼlimi vazirligi kubogini;

nogironligi boʻlgan shaxslar oʻrtasida para voleybol sport musobaqalarini oʻtkazib borish toʻgʻrisidagi takliflari maʼqullansin.

Oʻzbekiston voleybol federatsiyasi (P. Bobojonov) Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov) hamda Sport vazirligi (A. Ikramov) bilan birgalikda ikki oy muddatda mazkur bandda koʻrsatilgan sport musobaqalarini oʻtkazish tartibini tasdiqlasin.

4. Sport vazirligi (A. Ikramov), Oliy taʼlim, fan va innovatsiyalar vazirligi (K. Sharipov), Maktabgacha va maktab taʼlimi vazirligi (X. Umarova), Ichki ishlar vazirligi (P. Bobojonov), Oʻzbekiston Milliy olimpiya qoʻmitasi (O. Qosimov), Oʻzbekiston Milliy paralimpiya qoʻmitasi (M. Tashxodjayev) va Oʻzbekiston voleybol federatsiyasi bilan birgalikda:

uch oy muddatda mazkur qarorning 3-bandida koʻrsatilgan musobaqalarga puxta tayyorgarlik koʻrish, ularni yuqori saviyada tashkil etish va oʻtkazish hamda musobaqa gʻolib va sovrindorlarini munosib ragʻbatlantirish boʻyicha chora-tadbirlar rejasini tasdiqlasin;

ushbu qarorning 3-bandida koʻrsatilgan sport musobaqalarini 2025-yil 1-yanvardan boshlab budjetdan ajratilgan mablagʻlar doirasida Sport va ommaviy jismoniy tarbiya tadbirlarining respublika kalendar rejasiga kiritish choralarini koʻrsin.

5. Belgilab qoʻyilsinki:

umumiy oʻrta taʼlim muassasalari oʻquvchilari oʻrtasida voleybol sport turi boʻyicha Maktabgacha va maktab taʼlimi vazirligi kubogi musobaqalarining final bosqichida gʻolib boʻlgan taʼlim muassasalariga ularning haqiqiy ehtiyojidan kelib chiqib, zarur sport jihoz va anjomlari yetkazib beriladi;

gʻolib boʻlgan umumiy oʻrta taʼlim muassasalarini ularning haqiqiy ehtiyojidan kelib chiqib, zarur sport jihoz va anjomlari bilan taʼminlash Oʻzbekiston voleybol federatsiyasining mablagʻlari hisobidan amalga oshiriladi;

vazirlik va idoralar xodimlari oʻrtasida har yili oʻtkaziladigan “Yangi Oʻzbekiston” respublika musobaqasining tuman (shahar) va hududiy bosqichlarini tashkil etish hamda oʻtkazish ushbu vazirlik va idoralar tomonidan Oʻzbekiston voleybol federatsiyasi bilan kelishgan holda amalga oshiriladi.

6. Oʻzbekiston voleybol federatsiyasining 2025-yildan boshlab har ikki yilda bir marta federatsiyaga yoʻnaltiriladigan homiylik xayriyalari hisobidan voleybol boʻyicha Markaziy Osiyo voleybol assotsiatsiyasi (CAVA)ga aʼzo davlatlar oʻrtasida “Buyuk Ipak yoʻli” xalqaro turnirini oʻtkazib borish toʻgʻrisidagi taklifi maʼqullansin.

7. Sport vazirligi, Oʻzbekiston Milliy olimpiya qoʻmitasi, Oʻzbekiston voleybol federatsiyasi va Namangan viloyati hokimligining Namangan viloyati Uchqoʻrgʻon tumani olimpiya va milliy sport turlari boʻyicha davlat ixtisoslashtirilgan maktab-internatini amaldagi moliyalashtirish tartibini saqlab qolgan holda Voleybol sport turlariga ixtisoslashtirilgan davlat maktab-internati (keyingi oʻrinlarda — maktab-internat) sifatida qayta tashkil etish toʻgʻrisidagi taklifi maʼqullansin.

8. Quyidagilar maktab-internatning qoʻshimcha vazifalari etib belgilansin:

voleybol sport turlari boʻyicha ilgʻor xorijiy davlatlar tajribalarini oʻrganish va mamlakatimizda joriy etish boʻyicha tavsiyalar ishlab chiqish;

voleybol sport turlari boʻyicha oʻquv dasturlarini yangilash, yoshlarning tayyorgarlik jarayoniga ilgʻor innovatsion texnologiyalarni joriy etish;

voleybol sport turlari boʻyicha milliy terma jamoalar uchun professional sportchilar zaxirasini yaratish hamda bu borada Rossiya, Belarus, Italiya, Polsha, Yaponiya va Turkiya davlatlarining voleybol klublari bilan hamkorlikni rivojlantirish.

9. Belgilansinki:

maktab-internat faoliyati voleybol sport turlari boʻyicha iqtidorli yosh sportchilarni saralab olish va ularni terma jamoalarga asosiy nomzod sifatida tayyorlashga yoʻnaltiriladi;

maktab-internat 2024/2025 oʻquv yilidan faoliyatini boshlaydi hamda oʻz faoliyatini Vazirlar Mahkamasining 2018-yil 2-iyundagi “Sport turlari boʻyicha ixtisoslashtirilgan davlat maktab-internatlari faoliyatini takomillashtirish toʻgʻrisida”gi 410-son qarorida belgilangan tartibga muvofiq amalga oshiradi;

maktab-internatning voleybol sport turlari boʻyicha oʻquvchi-sportchilari soni maktab-internatning umumiy kontingenti doirasida Sport vazirligi tomonidan belgilanadi hamda mavjud sport inshootlari imkoniyatlaridan kelib chiqib qoʻshimcha ravishda chim ustida xokkey, gandbol, erkin kurash kabi sport turlari ham rivojlantiriladi;

2024/2025 oʻquv yiliga qadar maktab-internatda mazkur bandda koʻzda tutilmagan boshqa sport turlari boʻyicha tahsil olayotgan oʻquvchilar ushbu maktab-internatni toʻliq tamomlagunga qadar oʻqishini davom ettiradi.

10. 2025/2026 oʻquv yilidan boshlab voleybol sport turi boʻyicha yuqori natijalarga erishgan 16 nafardan (8 nafar oʻgʻil, 8 nafar qiz) iqtidorli sportchi-oʻquvchi Sport vazirligining tavsiyasiga asosan Ichki ishlar vazirligi akademik litseylariga tanlovning dastlabki va maxsus-professional bosqichidan muvaffaqiyatli oʻtgandan soʻng test sinovlarisiz umumiy kvota doirasida ichki ishlar vaziri tomonidan belgilangan tartibda oʻqishga qabul qilinsin.

11. 2025-2026-yillarda Ichki ishlar vazirligi (P. Bobojonov) vazirlik tasarrufida boʻlgan Toshkent viloyati, Boʻstonlik tumanidagi “Oqtosh” bolalar sogʻlomlashtirish oromgohi bazasida voleybol sport turlari boʻyicha respublika va xalqaro oʻquv-yigʻin mashgʻulotlarini oʻtkazishga moʻljallangan yopiq turdagi sport inshootlari barpo etilishini taʼminlasin.

Mazkur yopiq turdagi sport inshootlarini qurish bilan bogʻliq xarajatlar Ichki ishlar vazirligining budjetdan tashqari mablagʻlari hisobidan amalga oshiriladi.

12. Sport vazirligi (A. Ikramov):

a) bir oy muddatda maktab-internatning ustavini tasdiqlasin va belgilangan tartibda davlat roʻyxatidan oʻtkazilishini taʼminlasin;

b) Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi va Oʻzbekiston voleybol federatsiyasi bilan birgalikda:

maktab-internatda sportchilarni tayyorlash sifati yuzasidan doimiy davlat nazoratini amalga oshirish;

maktab-internat oʻquv-mashgʻulot jarayonida voleybol rivojlangan xorijiy mamlakatlarning yuqori malakali kadrlari hamda ilmiy-metodik salohiyatidan unumli foydalanishni yoʻlga qoʻyish choralarini koʻrsin.

13. Davlat xavfsizlik xizmati, Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya va Bojxona qoʻmitasi Oʻzbekiston voleybol federatsiyasi bilan birgalikda 2024-yil 1-sentabrdan boshlab:

voleybol sport turlari boʻyicha oʻz tizimida budjetdan tashqari mablagʻlari hisobidan sport klublari faoliyatini;

oʻz xodimlari oʻrtasida “Mustahkam oila — armiya tayanchi” shiori ostida har yili voleybol musobaqalarini oʻtkazib borish amaliyotini yoʻlga qoʻysin.

14. Oʻzbekiston voleybol federatsiyasiga sport zallari begʻaraz biriktiriladigan davlat taʼlim muassasalarining manzilli roʻyxati 3-ilovaga muvofiq tasdiqlansin.

Bunda, davlat taʼlim muassasalarining sport zallari darsdan boʻsh vaqtlarda, shuningdek, yozgi taʼtil davrida voleybol sport turlari boʻyicha hududiy terma jamoalar shugʻullanishi uchun ajratiladi.

15. Oʻzbekiston voleybol federatsiyasi hamda Oʻzbekiston Milliy olimpiya qoʻmitasining Oʻzbekiston voleybol federatsiyasi tizimida yuridik shaxs shaklidagi hududiy professional voleybol klublarini tashkil etish toʻgʻrisidagi takliflari maʼqullansin.

Belgilansinki:

hududiy professional voleybol klublari uchun bino va inshootlarni barpo etish Sport vazirligi bilan kelishilgan namunaviy loyiha asosida mahalliy budjetning qoʻshimcha manbalari va homiylik xayriyalari hisobidan amalga oshiriladi hamda ularga hududiy professional voleybol klublari tekin foydalanish huquqi asosida joylashtiriladi;

hududiy professional voleybol klublari iqtidorli yosh sportchilarni saralab (seleksiya) olishni hamda kelgusida ularni milliy terma jamoalarning asosiy va zaxira tarkibiga tayyorlab berishni amalga oshiradi, shuningdek, hududiy saralash musobaqalarini oʻtkazib boradi;

hududiy professional voleybol klublari mahalliy budjet va homiylik xayriyalari hisobidan Xalqaro voleybol federatsiyasining talablari asosida ishlab chiqarilgan sport jihozlari va inventarlari bilan taʼminlanadi.

16. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari:

bir oy muddatda hududiy professional voleybol klublari uchun bino va inshootlarni barpo etish hamda sport jihozlari va inventarlari bilan taʼminlash ishlarini amalga oshirish uchun zarur boʻlgan mablagʻlarni ajratish boʻyicha tegishli xalq deputatlari Kengashlariga taklif kiritsin;

har yili hududiy professional voleybol klublari faoliyatini qoʻllab-quvvatlash, sportchilarning hududiy, respublika va xalqaro sport musobaqalarida ishtirok etishi uchun hududiy sport va ommaviy jismoniy tarbiya tadbirlari kalendar rejasiga zarur mablagʻlarni yoʻnaltirib borsin;

hududiy professional voleybol klublarini sport anjomlari va jihozlari bilan taʼminlash choralarini koʻrsin.

17. Oʻzbekiston Milliy axborot agentligi Oʻzbekiston Milliy teleradiokompaniyasi, Sport vazirligi hamda Oʻzbekiston voleybol federatsiyasi birgalikda mazkur qarorning mazmun-mohiyati va amaliy ahamiyatini yoritishga oid maqola, brifing, tematik telekoʻrsatuvlar tashkil etsin.

18. Sport vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

19. Mazkur qarorning ijrosini samarali tashkil qilishga masʼul va shaxsiy javobgar etib Oʻzbekiston Respublikasi sport vaziri A.I. Ikramov, Oʻzbekiston Milliy olimpiya qoʻmitasi bosh kotibi O.O. Qosimov hamda Oʻzbekiston voleybol federatsiyasi raisi P.R. Bobojonov belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraxmanov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 19-iyul,

PQ-274-son

Oʻzbekiston Respublikasi Prezidentining 2024-yil 19-iyuldagi PQ-274-son qaroriga 1-ILOVA

2024 — 2026-yillarda voleybol sport turlarini rivojlantirish

DASTURI

T/rChora-tadbirlarAmalga oshirish mexanizmlariAmalga oshirish muddatlariMoliyalashtirish manbalariMasʼul ijrochilar1.Voleybol sport turlarini aholi oʻrtasida keng targʻib qilish hamda eng ommaviy sport turlaridan biriga aylantirish.1. Yoshlarni sport klublari, sport maktablarining voleybol seksiyalari va toʻgaraklariga keng jalb etib borish.2. Sport klublari, sport maktablarining voleybol seksiyalari va toʻgaraklariga jalb qilingan yoshlarni mahalliy va respublika musobaqalariga puxta tayyorlab borishni yoʻlga qoʻyish.Doimiy ravishda-Oʻzbekiston voleybol federatsiyasi(P. Bobojonov),Sport vazirligi(A. Ikramov),Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari2.Hududlarda voleybol sport turlari boʻyicha iqtidorli yoshlarni aniqlash, tanlash va saralash (seleksiya) ishlarini takomillashtirish.1. Iqtidorli yoshlarni hududlardagi seleksionerlarni jalb qilgan holda aniqlash.2. Saralab olish (seleksiya) yoʻli bilan aniqlangan iqtidorli yoshlarni kelajakda oliy mahoratli voleybolchi boʻlib shakllanishi uchun sport maktablariga yoʻnaltirish.3. Taʼlim muassasalarida ushbu yoshlarning oʻqish va shugʻullanish jarayonini doimiy nazoratga olgan holda monitoring qilib borish.4. Nufuzli xalqaro musobaqalarda gʻolib va sovrindor boʻlgan mashhur sportchilar hamda boshqa xalqaro darajadagi mutaxassislar tomonidan yosh voleybolchilar bilan mahalla, tuman va shaharlarda doimiy ravishda mahorat darslarini tashkil qilish.2024 — 2026-yillar davomida-Oʻzbekiston voleybol federatsiyasi(P. Bobojonov),Sport vazirligi(A. Ikramov),Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari3.Voleybol sport turlari boʻyicha tegishli xalqaro tashkilotlar tasdiqlagan norma va qoidalarda belgilangan yosh toifalari boʻyicha sport musobaqalarini oʻtkazib borish.1. Oliy taʼlim muassasalari talabalari, professional taʼlim muassasalari va umumiy oʻrta taʼlim muassasalari oʻquvchilari oʻrtasida “Volleyball stars” Oʻzbekiston kubogi musobaqasini oʻtkazish.2. Vazirlik va idoralar xodimlari oʻrtasida uch bosqichli (tuman va shahar — viloyat — respublika) voleybol sport turlari boʻyicha “Yangi Oʻzbekiston” respublika musobaqasini oʻtkazish.3. Umumiy oʻrta taʼlim muassasalari oʻquvchilari oʻrtasida uch bosqichli Maktabgacha va maktab taʼlimi vazirligi kubogi musobaqasini oʻtkazish.2025-yildan boshlab har yiliSport va ommaviy jismoniy tarbiya tadbirlarining respublika kalendar rejasiga ajratilgan mablagʻlarSport vazirligi(A. Ikramov), Maktabgacha va maktab taʼlimi vazirligi(H. Umarova),Oliy taʼlim, fan va innovatsiyalar vazirligi(K. Sharipov),Oʻzbekiston Milliy olimpiya qoʻmitasi(O. Qosimov), Oʻzbekiston Milliy paralimpiya qoʻmitasi(M. Tashxodjayev),Oʻzbekiston voleybol federatsiyasi(P. Bobojonov)4.Markaziy Osiyo voleybol assotsiatsiyasi (CAVA)ga aʼzo davlatlar oʻrtasida “Buyuk Ipak yoʻli” xalqaro turnirini oʻtkazib borish.1. “Buyuk Ipak yoʻli” xalqaro turnirini oʻtkazish hamda gʻolib va sovrindorlarni taqdirlash tartibini ishlab chiqish.2. Markaziy Osiyo voleybol assotsiatsiyasi (CAVA)ga aʼzo davlatlarning voleybol federatsiyalari (assotsiatsiyalar) bilan hamkorlikni yoʻlga qoʻyish.2024-yil 4-chorakOʻzbekiston voleybol federatsiyasi mablagʻlariOʻzbekiston voleybol federatsiyasi(P. Bobojonov),Sport vazirligi(A. Ikramov)3. “Buyuk Ipak yoʻli” xalqaro turnirini Markaziy Osiyo voleybol assotsiatsiyasi (CAVA)ga aʼzo davlatlar ishtirokida keng qamrovda tashkil etish.2025-yildan boshlab har ikki yilda bir marta5.Oʻzbekiston voleybol federatsiyasi huzurida hududiy professional voleybol klublarini tashkil etish.1. Hududiy professional voleybol klublari uchun bino-inshootlar qurishga yer uchastkalarini ajratish choralarini koʻrish.2. Reja-grafik asosida hududlarda professional voleybol klublari uchun bino-inshootlar barpo etilishini taʼminlash.2024-2025-yillar davomidaMahalliy budjetning qoʻshimcha manbalari va homiylik xayriyalariQoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,Oʻzbekiston voleybol federatsiyasi(P. Bobojonov)3. Voleybol boʻyicha nufuzli xalqaro musobaqalarda ishtirok etadigan sportchilar bilan individual ishlash va ularning puxta tayyorgarligini tashkil etib borish.4. Hududiy professional voleybol klublarini Xalqaro voleybol federatsiyasining talablari asosida ishlab chiqarilgan voleybol sport jihozlari va inventarlari bilan taʼminlab borish.doimiy6.Oʻzbekiston voleybol federatsiyasi yoʻllanmasi asosida hududlarga trenerlarni va boshqa mutaxassislarni ilgʻor tajribani joriy etish maqsadida yuborish tizimini yoʻlga qoʻyish.1. Voleybol sport turlari rivojlanmayotgan va natijadorligi past boʻlgan hududlarga trenerlar va tegishli mutaxassislarni yuborish (rotatsiya qilish) hamda ularni biriktirish tartibini ishlab chiqish va tasdiqlash.2. Trenerlar va tegishli mutaxassislarni tajriba tariqasida Jizzax va Surxondaryo viloyatlariga yuborish.3. Mazkur tajribani respublikaning boshqa hududlarida ham keng joriy etish.2025-yildan boshlab-Oʻzbekiston voleybol federatsiyasi(P. Bobojonov),Sport vazirligi(A. Ikramov),Jizzax va Surxondaryo viloyatlari hokimliklari7.Voleybolchilarning sport tibbiyoti boʻyicha bilim darajasini oshirib borish.1. Toshkent tibbiyot akademiyasi, Andijon davlat tibbiyot instituti, Samarqand davlat tibbiyot universiteti, Buxoro davlat tibbiyot instituti sport tibbiyoti kafedralari bilan hamkorlikda seminar-treninglar tashkil etib borish.2. Seminar-treninglarni sport kardiologiyasi, travmatologiyasi va ortopediyasi, farmakologiyasi, sportchilarning somatik kasalliklarini davolash, immunitetni korreksiyalash (tuzatish), funksional tashxis (diagnostika), sport jarohatidan keyingi reabilitatsiyasi hamda sportchilarning mashgʻulotlar va musobaqa yuklamalaridan keyingi reabilitatsiyasi kabi yoʻnalishlarda amalga oshirib borish.2025-yildan boshlabIjrochilar va homiylar mablagʻlariSogʻliqni saqlash vazirligi(A. Xudoyarov),Sport vazirligi(A. Ikramov),Oʻzbekiston voleybol federatsiyasi(P. Bobojonov)8.Voleybol sport turlari bilan shugʻullanuvchi yoshlar qamrovini kengaytirish.1. Voleybol sport turlarini taʼlim muassasalari, yoshlar oʻrtasida keng targʻib qilish orqali ommalashtirish, aholining ushbu sport turiga qiziqishini oshirish.2. Voleybol boʻyicha sport klublari faoliyatini yanada kengaytirish, ularni qoʻllab-quvvatlash.2024-2025-yillardaIjrochilar va homiylar mablagʻlariOʻzbekiston voleybol federatsiyasi(P. Bobojonov),Sport vazirligi(A. Ikramov),Oʻzbekiston Milliy olimpiya qoʻmitasi(O. Qosimov)3. Nogironligi boʻlgan shaxslarning voleybol bilan bepul shugʻullanishlari uchun qulayliklar yaratish va ularni har tomonlama qoʻllab-quvvatlash.Mahalliy budjet mablagʻlariQoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,Oʻzbekiston Milliy paralimpiya qoʻmitasi(M. Tashxodjayev)10.Namangan viloyati Uchqoʻrgʻon tumani olimpiya va milliy sport turlariga ixtisoslashtirilgan davlat maktab-internatini voleybol sport turlariga ixtisoslashtirilgan davlat maktab-internati sifatida qayta tashkil etish.1. Voleybol sport turlariga ixtisoslashtirilgan davlat maktab-internati (keyingi oʻrinlarda — maktab-internat) ustavini qayta ishlab chiqish va tasdiqlash.2. Ustavni belgilangan tartibda davlat roʻyxatidan oʻtkazish.2024/2025 oʻquv yiliga qadar-Sport vazirligi(A. Ikramov),Oʻzbekiston voleybol federatsiyasi(P. Bobojonov)3. Maktab-internatni zarur mebel, kompyuter texnikasi va sport inventarlari bilan jihozlab borish.Mahalliy budjet mablagʻlariNamangan viloyat hokimligi(Sh. Abdurazakov)11.2024-yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida sportni rivojlantirish obyektlari uchun ajratilgan mablagʻlar hisobidan maktab-internatning mavjud bino va inshootlarini rekonstruksiya qilish hamda 200 oʻrinli yotoqxona binosini qurish ishlarini yakunlash va foydalanishga topshirish yuzasidan takliflarni Vazirlar Mahkamasiga kiritish.1. Bino va inshootlarni rekonstruksiya qilish hamda qurish ishlarini yakunlash boʻyicha loyiha-smeta hujjatlarini ishlab chiqish.2. 2024-yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida sportni rivojlantirish obyektlari uchun ajratilgan mablagʻlar hisobidan maktab-internatning bino va inshootlarini rekonstruksiya qilish hamda qurish ishlarini yakunlash uchun zarur boʻladigan mablagʻlarni ajratish boʻyicha Vazirlar Mahkamasi Rayosati bayonida nazarda tutilishi uchun taklif kiritish.2024-yil avgustIjtimoiy va ishlab chiqarish infratuzilmasini rivojlantirish dasturi doirasidaNamangan viloyat hokimligi(Sh. Abdurazakov),Sport vazirligi(A. Ikramov),Iqtisodiyot va moliya vazirligi(I. Norqulov)12.Voleybol sport turlari boʻyicha trener va mutaxassislar malakasini oshirish.1. Trener va hakamlar uchun oʻquv-seminar tashkil etish va oʻtkazish boʻyicha reja grafik va oʻquv dasturini ishlab chiqish hamda tasdiqlash.2. Reja grafik asosida bosqichma-bosqich salohiyatli mutaxassislarni jalb qilgan holda oʻquv seminarlarni tashkil etib borish.2024-yildan boshlab har yili-Sport vazirligi(A. Ikramov),Oʻzbekiston voleybol federatsiyasi(P. Bobojonov)13.Oʻquv-mashgʻulot jarayoniga jahonning yetakchi mutaxassislarini tizimli asosda jalb etish hamda tajriba almashish maqsadida kadrlarni voleybol rivojlangan yetakchi xorijiy davlatlarga yuborish tizimini joriy etish.1. Voleybol boʻyicha yetakchi xorijiy davlatlar (Italiya, Polsha, Yaponiya, Turkiya va boshqalar)ning ilgʻor tajribasini oʻrganish.2. Mahalliy mutaxassislarni xorijiy davlatlarga tajriba almashishga yuborish hamda yetakchi xorijiy mutaxassislarni yurtimizga mahorat darslarini oʻtkazish maqsadida tashrifi rejasini ishlab chiqish hamda tasdiqlash. 2024-yil dekabrIjrochilar va homiylar mablagʻlariOʻzbekiston voleybol federatsiyasi(P. Bobojonov),Sport vazirligi(A. Ikramov),Oʻzbekiston Milliy olimpiya qoʻmitasi(O. Qosimov)14.Xalqaro voleybol federatsiyasi (FIVB), Osiyo voleybol konfederatsiyasi (AVC) va Markaziy Osiyo voleybol assotsiatsiyasi (CAVA) bilan hamkorlikni mustahkamlash.1. Voleybol sport turlari boʻyicha jahon reytinglarida yuqori oʻrinlarni egallagan davlatlar, shu jumladan Italiya, Polsha, Yaponiya va Turkiya davlatlarining ilgʻor tajribasini oʻrganish va amaliyotga joriy qilish.2. Mazkur davlatlardagi sport federatsiya (assotsiatsiya)lari bilan hamkorlikni kuchaytirish.2024-2025-yillarIjrochilar va homiylar mablagʻlariOʻzbekiston voleybol federatsiyasi(P. Bobojonov),Oʻzbekiston Milliy olimpiya qoʻmitasi(O. Qosimov)15.Ommaviy axborot vositalari, shu jumladan Internet orqali voleybol sport turlarini keng targʻib qilish.Quyidagilarni nazarda tutuvchi 2024-2025-yillarga moʻljallangan media-rejani ishlab chiqish va tasdiqlash:Oʻzbekiston Milliy teleradiokompaniyasining “Sport” telekanalida voleybol boʻyicha mahalliy va xalqaro musobaqalar, sportchilarimiz tomonidan erishilgan yutuqlarni muntazam yoritib borish maqsadida voleybol boʻyicha maxsus rukn tashkil qilish;hududiy telekanallar va ommaviy axborot vositalarida voleybol sport turlarini keng yoritish ishlarini doimiy ravishda tashkillashtirib borish;mashhur sportchilar bilan davra suhbatlari, muloqotlar va mahorat darslarini oʻtkazish;taniqli sportchilar ishtirokida ijtimoiy reklama roliklarini ishlab chiqish va namoyish etish;sport jurnalistlarining voleybol yutuqlari tahliliga bagʻishlangan koʻrsatuvlarini ommaviy axborot vositalarida doimiy yoritib borish.2024-yil sentabr-Oʻzbekiston Milliy teleradiokompaniyasi(A. Djuraboyev),Oʻzbekiston Milliy media assotsiatsiyasi(Sh. Qudratxoʻja),Sport vazirligi(A. Ikramov), Oʻzbekiston Milliy olimpiya qoʻmitasi(O. Qosimov), Oʻzbekiston voleybol federatsiyasi(P. Bobojonov)

Oʻzbekiston Respublikasi Prezidentining 2024-yil 19-iyuldagi PQ-274-son qaroriga 2-ILOVA

2024 — 2026-yillarda voleybol sport turlarini rivojlantirishning

MAQSADLI KOʻRSATKICHLARI

Oʻzbekiston Respublikasi Prezidentining 2024-yil 19-iyuldagi PQ-274-son qaroriga 3-ILOVA

Oʻzbekiston voleybol federatsiyasiga sport zallari begʻaraz biriktiriladigan davlat taʼlim muassasalarining

MANZILLI ROʻYXATI