Aholini davlat tomonidan ijtimoiy qoʻllab-quvvatlash tartibini tubdan takomillashtirish toʻgʻrisida (PQ-267-son)

18.07.2024

Oʻzbekiston Respublikasi Prezidentining

Qarori

[Koʻchirma]

Oʻzbekiston Respublikasi Prezidentining 2023-yil 1-iyundagi “Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida”gi PF-82-son Farmoniga muvofiq hamda aholi tomonidan davlat ijtimoiy qoʻllab-quvvatlashi kafolatlangan tarzda olinishi, uning manzilliligi va samaradorligini taʼminlash maqsadida:

1. Aholini davlat tomonidan ijtimoiy qoʻllab-quvvatlashga oid barcha choralarni raqamli texnologiyalar asosida taqdim etishga oʻtishning asosiy yoʻnalishlari etib quyidagilar belgilansin:

“Ijtimoiy karta” axborot tizimini (keyingi oʻrinlarda — “Ijtimoiy karta” AT) joriy etish orqali ijtimoiy toʻlovlar va subsidiyalar, ijtimoiy xizmatlar va yordamlarni tayinlash, taqdim etish, monitoring qilish va baholash jarayonlarini, shuningdek, aholini davlat tomonidan qoʻllab-quvvatlashning ijtimoiy xususiyatga ega boshqa barcha choralarini bosqichma-bosqich toʻliq avtomatlashtirish;

ijtimoiy yordamga muhtoj toifadagi fuqarolarning ehtiyojlarini hisobga olgan holda ularning ijtimoiy xizmatlardan, yordam va toʻlovlardan, shuningdek davlat tomonidan ijtimoiy qoʻllab-quvvatlashning boshqa choralaridan foydalanish uchun hujjatlarni yigʻish zaruratini bekor qilish;

davlat tomonidan ijtimoiy qoʻllab-quvvatlash choralarini manzilli, qisqa muddatlarda, masofadan turib hamda proaktiv tarzda olish imkoniyatini berish;

ijtimoiy sugʻurtalashni joriy qilish doirasida raqamli servislarni rivojlantirish orqali davlat va tadbirkorlik subyektlari oʻrtasida hamkorlik qilishni soddalashtirish;

respublika, viloyat, tuman (shahar) va mahalla darajasida davlat ijtimoiy qoʻllab-quvvatlashini amalga oshiruvchi davlat organlari va mahalliy davlat hokimiyati organlari faoliyatining samaradorligini oshirish.

2. Shunday tartib oʻrnatilsinki, unga muvofiq quyidagi qoʻllab-quvvatlash choralari “Ijtimoiy karta” ATdan foydalangan holda ijtimoiy karta orqali taqdim etiladi:

a) 2024-yil 1-dekabrdan boshlab yangidan tayinlanadigan ijtimoiy toʻlovlar, xizmatlar va imtiyozlar, shu jumladan protez-ortopediya moslamalari va reabilitatsiya qilishning texnik vositalarini 1 va 2-ilovalarga muvofiq Vazirlar Mahkamasi tomonidan belgilangan vaucherlar qiymatida xarid qilish;

b) 2026-yil 1-yanvardan boshlab bosqichma-bosqich shaxsning nogironligini, talaba, oʻquvchi, urush qatnashchisi yoki urush qatnashchisiga tenglashtirilgan shaxs holatini tasdiqlash. Bunda nogironlik toʻgʻrisidagi maʼlumotnoma va guvohnomalar, talabalik guvohnomalari, oʻquvchilar guvohnomalari, urush qatnashchilari yoki ularga tenglashtirilgan shaxslar guvohnomalarining qogʻoz shakli ijtimoiy kartaga almashtirish orqali bekor qilinadi;

v) 2026-yil 1-fevraldan boshlab tajriba-sinov tariqasida Toshkent shahri va Toshkent viloyatining Yangiyoʻl tumanida, 2026-yil 1-iyuldan boshlab respublikaning qolgan hududlarida Ijtimoiy reyestrga kiritilgan oilalarning vakillari boʻlgan jismoniy shaxslarga qonunchilik hujjatlarida belgilangan tovarlar (xizmatlar)ni belgilangan miqdor doirasida xarid qilishda toʻlangan qoʻshilgan qiymat soligʻi summasini bir ish kunida qaytarish.

Bunda ushbu xaridni soliq organlarining maxsus mobil ilovasida xarid chekining fiskal belgisini matritsali shtrix kod (QR-kod) yordamida skanerlash talab etilmaydi;

g) 2026-yil 1-iyuldan boshlab bosqichma-bosqich:

Vazirlar Mahkamasi tomonidan tasdiqlanadigan roʻyxatga muvofiq barcha davlat organlari va tashkilotlari, fuqarolarning oʻzini oʻzi boshqarish organlari hamda vazirlik va idoralar tizimida budjet mablagʻlari hisobidan faoliyat yurituvchi boshqa tuzilmalar tomonidan fuqarolarga budjet mablagʻlari hisobidan koʻrsatiladigan ijtimoiy xizmatlar va yordam, subsidiyalar, grantlar, imtiyozlar va ijtimoiy kafolatlar hamda moddiy xususiyatga ega boshqa toʻlovlar;

nogironligi boʻlgan va imkoniyati cheklangan shaxslar uchun umumiy foydalanishdagi avtomobil, temir yoʻl, havo va daryo transporti, yoʻnalishsiz taksi xizmatlaridan foydalanish boʻyicha imtiyozlar, shuningdek ushbu xizmatdan imtiyozli foydalanish huquqiga ega boʻlgan aholining boshqa toifalari uchun imtiyozlar;

kirish bilet operatsiyalari tizimi asosida tartibga solinadigan davlat ijtimoiy obyektlariga, konsert-tomosha tadbirlari va boshqa tadbirlarga bepul tashrif buyurish yoki qisman haq toʻlash boʻyicha imtiyozlar.

d) 2027-yil 1-yanvardan boshlab — qonunchilik hujjatlarida belgilangan boshqa imtiyozlar va ijtimoiy kafolatlardan foydalanish.

3. 2026-yil 1-dekabrdan boshlab pensiya oluvchilarga oʻz xohishiga koʻra yoshga doir, nogironlik va boquvchisini yoʻqotganligi boʻyicha pensiyalarni ijtimoiy karta orqali olish huquqi berilsin.

4. Belgilansinki:

ijtimoiy karta Ijtimoiy himoya milliy agentligi (keyingi oʻrinlarda — Agentlik) tomonidan Oʻzbekiston Respublikasi fuqarolariga, Oʻzbekiston Respublikasi hududida doimiy yashovchi chet el fuqarolariga va fuqaroligi boʻlmagan shaxslarga (keyingi oʻrinlarda — fuqarolar) Vazirlar Mahkamasi tomonidan belgilangan tartibda beriladi hamda fuqarolarning davlat tomonidan ijtimoiy qoʻllab-quvvatlash choralariga boʻlgan huquqlari amalga oshirilishi taʼminlanadigan hujjatlardan biri hisoblanadi va noyob, oʻzgartirib boʻlmaydigan shaxsiy raqamni oʻz ichiga oladi;

ijtimoiy karta boʻyicha alohida operatsiyalarni amalga oshirishni taqiqlash va cheklash tartibi Vazirlar Mahkamasi tomonidan belgilanadi;

“Ijtimoiy karta” AT maʼlumotlar bazasi Vazirlar Mahkamasi tomonidan belgilangan tartibda fuqarolar va davlat organlari tomonidan taqdim etilgan maʼlumotlar, shu jumladan biometrik maʼlumotlar asosida Agentlikning serverlarida shakllantiriladi va yuritiladi.

2026-yil 1-apreldan boshlab Oʻzbekiston Respublikasining barcha rezident tijorat banklari tegishli texnik talablarga mos boʻlganda ijtimoiy kartani muomalaga chiqarish va foydalanish uchun taqdim etish boʻyicha moliyaviy agent (keyingi oʻrinlarda — moliyaviy agent) vazifasini bajarishlari mumkin boʻladi.

5. Vazirlar Mahkamasi:

a) bir hafta muddatda “Ijtimoiy karta” ATni ishlab chiqish, sinovdan oʻtkazish, sanoatda foydalanishga joriy etish va takomillashtirish (keyingi oʻrinlarda — Loyiha) maqsadida qoʻshma korxona (keyingi oʻrinlarda — Korxona) tashkil etish uchun xususiy investorni aniqlashni nazarda tutuvchi qaror qabul qilsin, shuningdek Loyihani amalga oshirish uchun zarur boʻlgan boshqa chora-tadbirlarni koʻrsin;

b) Agentlikning takliflari asosida davlat ijtimoiy qoʻllab-quvvatlash choralarini ijtimoiy kartalarga oʻtkazadigan moliyaviy agentlarni, shuningdek, Loyihaning boshqa ishtirokchilarini belgilab borsin;

v) 2024-yil 1-oktabrga qadar Oʻzbekiston Respublikasining ijtimoiy kartasi toʻgʻrisidagi nizomni tasdiqlasin;

g) 2026-yil 1-iyulga qadar:

respublikada yashovchi aholining barcha ijtimoiy himoyaga muhtoj toifalariga ijtimoiy kartalarni bosqichma-bosqich berish jadvalini;

Oʻzbekiston Respublikasi Prezidentining 2023-yil 21-dekabrdagi PF-209-son Farmoni bilan tasdiqlangan “Mahalla yettiligi”ning kollegial qarorlari asosida koʻrsatiladigan ijtimoiy yordam va ajratiladigan subsidiyalar, shuningdek, “Yoshlar daftari”, “Ayollar daftari” va “Saxovat va koʻmak” jamgʻarmalari va boshqa qoʻllab-quvvatlash jamgʻarmalari hamda qonunchilikka muvofiq beriladigan imtiyoz va ijtimoiy kafolatlarning yagona roʻyxatini va klassifikatorini tasdiqlasin.

6. Belgilansinki, Agentlikka nisbatan oʻz vazifalari va funksiyalarini bajarish uchun jalb etiladigan grantlar, xorijiy maslahatchilar va ekspertlarga texnik koʻmak mablagʻlari hisobidan amalga oshirishga moʻljallangan loyiha takliflarini ishlab chiqish va tasdiqlash tartibi hamda Oʻzbekiston Respublikasi Prezidentining 2024-yil 29-maydagi “Tarkibiy islohotlarni amalga oshirishda ekspertlik koʻmagi samaradorligini taʼminlashga doir qoʻshimcha chora-tadbirlar toʻgʻrisida”gi PQ-198-son qarori talablari tatbiq etilmaydi.

7. Quyidagilar:

“Ijtimoiy karta” axborot tizimi dasturiy-apparat kompleksini joriy etish boʻyicha chora-tadbirlar rejasi 3-ilovaga* muvofiq;

*3-ilova berilmaydi.

“Yagona milliy ijtimoiy himoya” axborot tizimini “Elektron hukumat” tizimi idoralararo integratsiyalashuv platformasi bilan integratsiya qilish orqali maʼlumot almashiladigan davlat maʼlumotlari toʻplamlari roʻyxati 4-ilovaga muvofiq tasdiqlansin.

8. Raqamli texnologiyalar vazirligi manfaatdor tashkilotlar bilan birgalikda belgilangan tartibda Agentlik va Korxonaga Loyihani amalga oshirish doirasida loyiha-texnik hujjatlari, shuningdek, loyiha doirasida joriy etiladigan apparat vositalari va dasturiy mahsulotlarni attestatsiyadan, ekspertizadan oʻtkazish va sertifikatlashtirishda koʻmaklashsin.

9. Loyihani amalga oshirishda ishtirok etuvchi Korxona va toʻlov tashkilotiga Dasturiy mahsulotlar va axborot texnologiyalari texnologik parki rezidentlari uchun qonun hujjatlarida nazarda tutilgan soliq va bojxona imtiyozlari tatbiq etilsin.

Loyiha doirasida Korxona tomonidan berilgan tovarlar (ishlar, xizmatlar) qabul qiluvchi tomon uchun foyda soligʻi, aylanmadan olinadigan soliq va jismoniy shaxslardan olinadigan daromad soligʻi boʻyicha soliq solish obyekti hisoblanmasligi belgilab qoʻyilsin.

10. Agentlik talabnomalariga (buyurtmanomalariga) muvofiq:

Tashqi ishlar vazirligi — Loyihani amalga oshirishda ishtirok etayotgan xorijiy mutaxassislarga konsullik va boshqa yigʻimlar undirmagan holda kirish vizalari rasmiylashtirilishini;

Ichki ishlar vazirligi — koʻp martalik vizalar berilishi va uning muddati uzaytirilishini, shuningdek, Loyihani amalga oshirishda ishtirok etuvchi xorijiy mutaxassislar turgan joyi boʻyicha roʻyxatdan oʻtkazilishi va uning muddati uzaytirilishini;

Kambagʻallikni qisqartirish va bandlik vazirligi — belgilangan tartibda Loyihani amalga oshirishda ishtirok etayotgan yuqori malakali xorijiy mutaxassislarga Oʻzbekiston Respublikasi hududida mehnat faoliyatini olib borish huquqini beruvchi tasdiqnomalar berilishini taʼminlasin.

11. Agentlik:

a) Oʻzbekiston Respublikasi Prezidenti Administratsiyasiga:

2025-yil 1-mayga qadar Oʻzbekiston Respublikasi Iqtisodiyot va moliya vazirligi bilan birgalikda ijtimoiy kartani joriy qilishning tajriba bosqichi natijalarini oʻrganish asosida ijtimoiy yordamga muhtoj toifadagi barcha shaxslarni, shu jumladan pensiya oluvchilarni ijtimoiy karta bilan qamrab olish va davlat tomonidan ijtimoiy qoʻllab-quvvatlashning barcha choralarini ijtimoiy karta orqali taqdim etishning maqsadga muvofiqligi toʻgʻrisidagi takliflarni;

2026-yil 1-iyulga qadar Loyihani amalga oshirish doirasida xususiy, jumladan, institutsional investorlarni jalb qilgan holda tijorat bankini tashkil etish toʻgʻrisidagi taklifni;

2026-yil 1-martga qadar “Yagona milliy ijtimoiy himoya” axborot tizimini yanada rivojlantirish konsepsiyasini tasdiqlash hamda davlat tomonidan ijtimoiy qoʻllab-quvvatlash choralarini raqamli texnologiyalar asosida taqdim etishga oʻtish toʻgʻrisidagi taklifni kiritsin;

b) axborot xavfsizligi talablarini hisobga olgan holda “Ijtimoiy karta” axborot tizimi va “Elektron hukumat” tizimi idoralararo integratsiyalashuv platformasining toʻgʻridan-toʻgʻri integratsiyasini va maʼlumotlar almashinuvini taʼminlasin.

12. Oʻzbekiston Respublikasi Markaziy banki:

Loyihani amalga oshirish doirasida Agentlikning murojaatiga koʻra oʻz vakolatlariga taalluqli masalalar boʻyicha litsenziyalar va ruxsat etish xususiyatiga ega hujjatlar belgilangan tartibda berilishida koʻmaklashsin;

uch oy muddatda ekvayer tijorat banklari bilan birgalikda ijtimoiy kartalarga xizmat koʻrsatishda savdo va xizmat koʻrsatish korxonalarining asosiy faoliyati boʻyicha toʻgʻri tasniflanishini taʼminlash maqsadida savdo nuqtalariga chiqarilgan barcha toʻlov terminallarining MSS kodlarini (sotuvchi toifasi kodi) xatlovdan oʻtkazsin;

2024-yil 1-oktabrdan boshlab tijorat banklari xodimlari uchun toʻlov terminallarini berishda sotuvchilar toifalarini toʻgʻri kodlash boʻyicha majburiyat belgilasin.

13. Soliq qoʻmitasi Agentlikka alkogol va tamaki mahsulotlarini, shuningdek boshqa tovarlar, ishlar yoki xizmatlarni sotish nuqtalarida mahsulot va xizmatlarning identifikatsiya kodlaridan foydalanish monitoringi asosida ijtimoiy karta, mobil ilova orqali amalga oshiriladigan xarajatlar tahlilini oʻtkazishda koʻmaklashsin.

14. Oʻzbekiston Milliy axborot agentligi, Oʻzbekiston Milliy teleradiokompaniyasi mazkur qarorning maqsad va vazifalari hamda aholi va tadbirkorlik subyektlari uchun yaratilayotgan imkoniyatlar va ijtimoiy karta afzalliklari keng yoritilishini taʼminlasin.

15. Mazkur qaror ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti maslahatchisi — Ijtimoiy himoya milliy agentligi direktori M.P. Olloyorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 18-iyul,

PQ-267-son

Oʻzbekiston Respublikasi Prezidentining 2024-yil 18-iyuldagi PQ-267-son qaroriga 1-ILOVA

Ijtimoiy toʻlovlarni ijtimoiy kartalar orqali toʻlashni bosqichma-bosqich joriy qilish

JADVALI

T/rNafaqa nomlanishiMuddati1-bosqich. Loyihani Toshkent shahri va Toshkent viloyatining Yangiyoʻl tumanida tajriba-sinov sifatida joriy etish doirasida1.Ijtimoiy reyestrga kiritilgan oilalarga bolalar nafaqasi2024-yil 1-dekabrdan2.Ijtimoiy reyestrga kiritilgan oilalarga moddiy yordam3.Yoshga doir nafaqa4.Nogironlik nafaqasi5.Yolgʻiz keksalar va nogironligi boʻlgan shaxslar uchun har oylik moddiy yordam6.Nogironligi boʻlgan 18 yoshgacha bolalarga nogironlik nafaqalari7.Nogironligi boʻlgan bolalarni parvarishlayotgan onalar uchun nafaqa8.Protez-ortopediya buyumlari va reabilitatsiya qilishning texnik vositalari xaridi uchun vaucher9.Boquvchisini yoʻqotganlik nafaqasi11.“Ayollar daftari” jamgʻarmasi hisobidan toʻlanadigan bir martalik moddiy yordamlar2-bosqich. Loyihani Oʻzbekiston Respublikasining barcha hududlarida joriy qilish doirasida12.Ijtimoiy reyestrga kiritilgan oilalarga bolalar nafaqasi2025-yil 1-oktabrdan13.Ijtimoiy reyestrga kiritilgan oilalarga moddiy yordam14.Yoshga doir nafaqa15.Nogironlik nafaqasi16.Yolgʻiz keksalar va nogironligi boʻlgan shaxslar uchun har oylik moddiy yordam17.Nogironligi boʻlgan 18 yoshgacha bolalarga nogironlik nafaqalari18.Parvarishlash nafaqasi19.Boquvchisini yoʻqotganlik nafaqasi21.Protez-ortopediya buyumlari va reabilitatsiya qilishning texnik vositalari xaridi uchun vaucher22.Ozodlikdan mahrum etish joylaridan ozod qilinganlarga bir martalik moddiy yordam221.Homiladorlik va tugʻish nafaqasi2026-yil 1-yanvardan222.Vaqtinchalik mehnatga layoqatsizlik nafaqasi2026-yil 1-iyuldan23.Yoshga doir pensiya (xohishiga koʻra)2026-yil 1-dekabrdan24.Nogironlik pensiyasi (xohishiga koʻra)25.Boquvchisini yoʻqotganlik pensiyasi (xohishiga koʻra)27.Oʻrta maxsus taʼlim tashkilotlari yoki oliy taʼlim muassasalarida taʼlim oluvchi yetim bolalar va ota-ona qaramogʻidan mahrum boʻlgan bolalar uchun har oylik va bir martalik ijtimoiy toʻlovlar28. Kambagʻal oila farzandlariga oʻquv jihozlari va qurollari hamda sport kiyimlarini xarid qilish uchun ajratiladigan mablagʻlar 2027 yil 1-yanvardan 29. Talabalar uchun maxsus stipendiya toʻlovi30. Oʻrmon fondi yerlarida ekilgan daraxtlar uchun subsidiya

Oʻzbekiston Respublikasi Prezidentining 2024-yil 18-iyuldagi PQ-267-son qaroriga 2-ILOVA

“Ijtimoiy karta” axborot tizimi orqali ijtimoiy xizmatlar va yordam koʻrsatish, imtiyoz huquqidan xabardor qilish tizimini bosqichma-bosqich joriy etish va ularning taqdim etilishini monitoring qilish

JADVALI

T/rXizmatlarning nomlanishiMuddati1-bosqich. Loyihani Toshkent shahri va Toshkent viloyatining Yangiyoʻl tumanida tajriba-sinov sifatida joriy etish doirasida2.Ijtimoiy reyestrga kiritilgan oilalarning vakillari boʻlgan jismoniy shaxslarga qonunchilik hujjatlarida belgilangan tovarlar (xizmatlar)ni belgilangan miqdor doirasida xarid qilishda toʻlangan qoʻshilgan qiymat soligʻi summasini qaytarish2026-yil 1-fevraldan3.Sogʻlomlashtirish uchun sihatgohlarga bepul yoʻllanma berish2026-yil 1-iyuldan4.Bepul dori vositalari bilan taʼminlash2-bosqich. Loyihani Oʻzbekiston Respublikasining barcha hududlarida joriy etish doirasida5.Shahar yoʻlovchi transportining barcha turlaridan (taksidan tashqari) bepul foydalanish2026-yil 1-iyuldan6.Yashash joyi boʻyicha maʼmuriy tuman doirasidagi qishloq joylarda umumiy foydalanishdagi avtomobil transportida (taksi bundan mustasno), shuningdek, shahar atrofida qatnovchi temir yoʻl transportida va shahar atrofi yoʻnalishlaridagi avtobuslarda bepul yurish2026-yil 1-iyuldan7.Yashash joyidan davolanish, dispanser, ambulator yoki klinik kuzatuv joyigacha transportda bepul (taksidan tashqari) borish va kelish8.Respublikaning boshqa hududlarida joylashgan tibbiyot tashkilotlarida tibbiyot xizmatidan foydalanganda ikki tomonga borish-kelish xarajatlarini toʻlash9.Temir yoʻl transportida yilda bir marta bepul yurish (borish va kelishga), temir yoʻl qatnovi mavjud boʻlmagan tumanlarda havo, suv yoki shaharlararo avtomobil transportida chiptalarni birinchi navbatda sotib olish huquqi bilan yurish11.Sogʻlomlashtirish uchun sihatgohlarga bepul yoʻllanma berish12.Bepul dori vositalari bilan taʼminlash13.Imkoniyati cheklangan yoshlarni “Imkon taʼlim” granti doirasida axborot texnologiyalari sohasida grant asosida bepul oʻqitish14.Zaxiraga qoʻyiladigan ish oʻrinlariga ishga joylashtirish15.Ijtimoiy qoʻllab-quvvatlashga muhtoj oilalar farzandlarini hamda rivojlanishida jismoniy yoki psixik nuqsonlari boʻlgan bolalarni parvarishlash, ovqatlantirish va ularga qarab turish uchun ota-onalar toʻlovi imtiyozlari16.Jismoniy shaxslardan olinadigan yer soligʻini toʻlashdan ozod qilish huquqi2026-yil 1-iyuldan17.Jismoniy shaxslardan olinadigan mol-mulk soligʻini toʻlashdan ozod qilish huquqi18.Jismoniy shaxslardan olinadigan daromad soligʻini toʻlashdan ozod qilish huquqi19.Bolaligidan nogironligi boʻlgan shaxs hisoblangan doimiy parvarishni talab etadigan farzandi bilan birga yashab, uni tarbiyalayotgan ota yoki onani doimiy parvarish zarurligi sababli jismoniy shaxslardan olinadigan daromad soligʻini toʻlashdan ozod qilish huquqi20.Shaxsning mulkidagi oltmish kvadrat metr doirasidagi mol-mulkni qonun hujjatlariga muvofiq soliq solishdan ozod qilinganligi huquqi21.Jismoniy shaxslardan olinadigan yer soligʻini toʻlash boʻyicha imtiyoz huquqi22.Soliqni qatʼiy belgilangan miqdorlarda toʻlovchi soliq toʻlovchilar uchun faoliyat turi va uni amalga oshirish joyidan qatʼi nazar jismoniy shaxslardan olinadigan daromad soligʻini toʻlashga imtiyoz huquqi23.Davlat ijtimoiy obyektlarida (teatrlar, muzeylar, kutubxonalar, sport va fitnes majmualari, hayvonot bogʻlari, sirklar, kinoteatrlar, sanatoriy-kurort zonalari, istirohat bogʻlari, botanika bogʻlari), konsert-tomosha va boshqa tadbirlarda xizmatlardan bepul yoki imtiyozli foydalanish2027-yil 1-yanvardan3-bosqich. Koʻrsatiladigan ijtimoiy xizmatlar va yordamlar roʻyxatini kengaytirish24.Yashash joyi manziligacha yoʻl haqi xarajatlarini qoplash2027 — 2030-yillar25.Uyda ijtimoiy-maishiy xizmatlar koʻrsatish26.Tibbiy-ijtimoiy xizmatlarni ixtisoslashtirilgan muassasalarda koʻrsatish27.Taʼlim xizmatlarini koʻrsatish (malaka oshirish, qayta tayyorlash, yangi kasblarga oʻrgatish, tayyorlov kurslari va hokazo)28.Oliy yoki oʻrta maxsus professional taʼlim olish uchun kontrakt toʻlovining bir qismini qoplash29.Yetim bolalar va ota-ona qaramogʻidan mahrum boʻlgan bolalarni saqlash va tarbiyalash uchun xizmatlarni sotib olish30.Alohida toifadagi aholi (nogironligi boʻlgan shaxslar, pensiya yoshidagi shaxslar va boshqalar) uchun sport mashgʻulotlari bilan shugʻullanish xizmatlarini sotib olish31.Alohida taʼlimga ehtiyojlari boʻlgan bolalar uchun ixtisoslashtirilgan taʼlim muassasalari xizmatlarini sotib olish32.Sogʻligʻi tufayli internatga joylashtirish imkoni boʻlmagan alohida taʼlimga ehtiyojlari boʻlgan bolalarni uyda oʻqitish xizmatlarini sotib olish33.Davlat oliy taʼlim muassasalariga kvotali oʻrinlarga grant asosida kirishda imtiyoz berish34.Tashkillashtirilgan mehnat migratsiyasi yoʻli bilan vaqtincha mehnat faoliyatini amalga oshirish uchun xorijga chiqib ketayotgan shaxslarga mikroqarz olish uchun imtiyoz berish35.Tadbirkorlik subyektlarining xotin-qizlar doimiy bandligini taʼminlash maqsadida “Ayollar daftari”ga kiritilgan va kredit olishdan voz kechgan ayollarni ishga joylashtirishga qaratilgan loyihalarini moliyalashtirish uchun imtiyozli bank kreditini olish huquqi36.Tomorqadan va dehqon xoʻjaligidan daromad manbai sifatida foydalanish uchun imtiyozli kredit olish huquqi

Oʻzbekiston Respublikasi Prezidentining 2024-yil 18-iyuldagi PQ-267-son qaroriga 4-ILOVA

“Yagona milliy ijtimoiy himoya” axborot tizimini “Elektron hukumat” tizimi idoralararo integratsiyalashuv platformasi bilan integratsiya qilish orqali maʼlumot almashiladigan davlat maʼlumotlari toʻplamlari

ROʻYXATI

Maʼlumotlar toʻplami nomiT/rMaʼlumotlar toʻplami tarkibiMaʼlumotlarni olishdan kutilayotgan natijaMaʼlumotlar taqdim etishga masʼullarI. Jismoniy shaxsga doir shaxsiy va boshqa maʼlumotlarShaxsga doir umumiy maʼlumotlar1.Familiyasi, ismi, otasining ismi (mavjud boʻlsa), tugʻilgan yili, oyi, sanasi va joyi, jinsi Axborot tizimida shaxsni identifikatsiya qilish,shaxsga doir ishonchli maʼlumotlar olishAdliya vazirligi huzuridagi Personallashtirish agentligi(keyingi oʻrinlarda — Personallashtirish agentligi) Bogʻlanish uchun maʼlumotlar (roʻyxatdan oʻtgan, yashash manzili)2.Viloyat, shahar, tuman, mahalla, koʻcha, mavze, shohkoʻcha, uy (imorat), berk koʻcha, yoʻlak, kvartira Shaxs bilan telefon, pochta, shu jumladan, elektron tarzda muloqot qilishIchki ishlar vazirligi3.Abonent raqami, id.egov.uz dagi elektron pochta manzili (mavjud boʻlsa)Raqamli texnologiyalar vazirligi,Elektron texnologiyalarini rivojlantirish markazi4.Amaldagi elektron raqamli imzoning mavjudligi toʻgʻrisidagi maʼlumotlarVazirlar Mahkamasi huzuridagi Soliq qoʻmitasi(keyingi oʻrinlarda — Soliq qoʻmitasi) Pasport maʼlumotlari, tugʻilganlik haqidagi guvohnoma maʼlumotlari (voyaga yetmaganlar uchun), oʻlim toʻgʻrisidagi guvohnoma maʼlumotlari 5.Jismoniy shaxsning shaxsiy identifikatsiya raqamiAxborot tizimida shaxsni identifikatsiya qilishPersonallashtirish agentligi6.Biometrik pasport yoki ID-karta seriyasi va raqami, biometrik fotosurat, berilgan sanasi, qachon va kim tomonidan berilganligiChet el fuqarolari va fuqaroligi boʻlmagan shaxslarning yashash guvohnomasi maʼlumotlari Ichki ishlar vazirligi7.Tugʻilganlik haqidagi guvohnoma maʼlumotlari, berilgan sanasi, qachon va kim tomonidan berilganligiFuqarolik holati dalolatnomalarini yozish organlari(keyingi oʻrinlarda — FHDY)8.Oʻlim toʻgʻrisidagi guvohnoma maʼlumotlariShaxsning oʻlimini tasdiqlash va uning muomala layoqatini tugatish Ijtimoiy holat toʻgʻrisidagi maʼlumotlar 9.Maktabgacha taʼlim tashkiloti tarbiyalanuvchisiShaxsni muayyan aholi guruhiga kiritish Maktabgacha va maktab taʼlimi vazirligi10.Oʻquvchi (umumtaʼlim maktablari, akademik litseylar va kasb-hunar maktablari) 11.Talaba (kollej, texnikum, bakalavriat, magistratura, doktorantura)Oliy taʼlim, fan va innovatsiyalar vazirligi12.Ishsiz Kambagʻallikni qisqartirish va bandlik vazirligi13.PensionerIqtisodiyot va moliya vazirligi huzuridagi budjetdan tashqari Pensiya jamgʻarmasi(keyingi oʻrinlarda — Pensiya jamgʻarmasi)14.Yakka tartibdagi tadbirkor, oʻzini-oʻzi band qilganSoliq qoʻmitasi,Adliya vazirligi15.Ijtimoiy reyestrga kiritilganligi toʻgʻrisidagi maʼlumotlarIjtimoiy himoya milliy agentligi(keyingi oʻrinlarda — Agentlik)16.“Yoshlar daftari”ga kiritish toʻgʻrisidagi maʼlumotlarYoshlar ishlari agentligi17.“Ayollar daftari”ga kiritish toʻgʻrisidagi maʼlumotlarOila va xotin-qizlar qoʻmitasi, Agentlik18.“Saxovat va koʻmak” jamgʻarmasi hisobidan yordam koʻrsatish uchun roʻyxatga olish maʼlumotlari 19.“Onlayn mahalla” axborot tizimida roʻyxatga olish toʻgʻrisidagi maʼlumotlarKambagʻallikni qisqartirish va bandlik vazirligi huzuridagi Mahallabay ishlash va tadbirkorlikni rivojlantirish agentligi(keyingi oʻrinlarda — Mahalla va tadbirkorlik agentligi)20.Ish qidirayotgan, ishsiz va jamoat ishlarida band boʻlgan shaxslar maqomi toʻgʻrisidagi maʼlumotlar Kambagʻallikni qisqartirish va bandlik vazirligi21.Mehnat organlari tomonidan arizachiga va uning oila aʼzolariga (mavjud boʻlsa) koʻrsatiladigan xizmatlar toʻgʻrisidagi maʼlumotlar22.Oʻzgalar parvarishiga muhtoj yolgʻiz keksalar va nogironligi boʻlgan shaxslarni bepul asosda asosiy oziq-ovqat mahsulotlari va shaxsiy gigiyena buyumlari bilan taʼminlash toʻgʻrisidagi maʼlumotlarAgentlikOilaviy holati toʻgʻrisidagi maʼlumotlar23.Boʻydoq, uylangan, uylanmagan, ajrashgan, bevaShaxsning oilaviy holatni belgilash Adliya vazirligi24.Farzandlar haqida maʼlumotlar (agar mavjud boʻlsa, ularning soni, yoshi)Oilaning oʻzagini belgilashFHDY25.Ota-onalar haqida maʼlumotlar26.Yaqin qarindoshlar va qarindoshlik darajasi toʻgʻrisida maʼlumotlar (mavjud boʻlsa)27.Vasiylik va homiylik ostidagi bolalar toʻgʻrisidagi maʼlumotlarAgentlikning vasiylik va homiylik organlari 28.Ijtimoiy reyestrga kiritilgan oila farzandlari toʻgʻrisida maʼlumotlar Bolalarning ijtimoiy holatini belgilash Agentlik29.Ijtimoiy reyestrga kiritilgan oilalarning farzandlari qatoridan ayrim fanlar chuqur oʻrganiladigan davlat ixtisoslashtirilgan umumtaʼlim muassasalari oʻquvchilarining ovqatlanish xarajatlarini qisman qoplash uchun ota-onalar toʻlovidan ozod qilish toʻgʻrisidagi maʼlumotlarMaktabgacha va maktab taʼlimi vazirligi30.Umumtaʼlim muassasalari oʻquvchilarining ayrim toifalarini Oʻzbekiston Respublikasi Davlat budjeti mablagʻlari hisobidan darsliklar va qishki kiyim-bosh toʻplami bilan bepul taʼminlash toʻgʻrisidagi maʼlumotlar31.Bolalar musiqa va sanʼat maktablari, “Barkamol avlod” bolalar maktablari, shuningdek, boshqa maktabdan tashqari taʼlim muassasalarida oʻqiganlik uchun ota-onalar toʻlovidan ozod qilingan bolalar toʻgʻrisidagi maʼlumotlar32.Oilaga tarbiyaga olingan har bir farzand uchun tayinlangan va toʻlangan nafaqalar toʻgʻrisidagi maʼlumotlarAgentlik33.Yetim bolalar va ota-ona qaramogʻisiz qolgan bolalarga tayinlangan va toʻlangan bir martalik pulli nafaqalar hamda uy-joy berilishi toʻgʻrisidagi maʼlumotlarAholining ijtimoiy ehtiyojmand toifalariga mansubligi toʻgʻrisidagi maʼlumotlar 34.Shaxsni bir yoki bir nechta ijtimoiy ehtiyojmand toifaga kiritish toʻgʻrisidagi maʼlumotlarIjtimoiy huquqlar (imtiyozlar va boshqa ijtimoiy kafolatlar)ni belgilashAgentlik 35.Oʻn toʻrt yoshga toʻlmagan bolalari, nogironligi boʻlgan bolalari bor yolgʻiz ota-ona (ularning oʻrnini bosuvchi shaxs), shuningdek, koʻp bolali oilalardagi ota-onalar (ularning oʻrnini bosuvchi shaxslar) haqidagi maʼlumotlarShaxsni ish topishda qiynalayotgan hamda mehnat bozorida teng sharoitlarda raqobatlasha olmaydigan toifaga kiritish36.Umumiy oʻrta va oʻrta maxsus taʼlim muassasalari, kasb-hunar maktablari, kollej va texnikumlarni tamomlab, kasbga ega boʻlgan yoshlar toʻgʻrisidagi maʼlumotlarMaktabgacha va maktab taʼlimi vazirligi,Oliy taʼlim, fan va innovatsiyalar vazirligi37.“Mehribonlik” uylarining bitiruvchilari, shuningdek, oliy taʼlim muassasalarining davlat grantlari boʻyicha taʼlim olgan bitiruvchilari toʻgʻrisidagi maʼlumotlar38.Yetim bolalar va ota-ona qaramogʻisiz qolgan bolalar orasidan oʻrta maxsus, professional taʼlim muassasalari yoki oliy oʻquv yurtlari bitiruvchilari toʻgʻrisidagi maʼlumotlar39.Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiyasi, Davlat xavfsizlik xizmati qoʻshinlaridagi muddatli harbiy xizmatdan boʻshatilgan shaxslar toʻgʻrisidagi maʼlumotlarMudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya, Davlat xavfsizlik xizmati40.Nogironligi boʻlgan shaxslar toʻgʻrisidagi maʼlumotlarAgentlik41.Pensiyaoldi yoshidagi shaxslar toʻgʻrisidagi maʼlumotlarKambagʻallikni qisqartirish va bandlik vazirligi42.Jazoni ijro etish muassasalaridan ozod qilingan shaxslar yoki sudning qaroriga koʻra oʻziga nisbatan tibbiy yoʻsindagi majburlov choralari qoʻllangan shaxslar toʻgʻrisidagi maʼlumotlarIchki ishlar vazirligi43.Odam savdosidan jabrlanganlar toʻgʻrisidagi maʼlumotlarOdam savdosiga va majburiy mehnatga qarshi kurashish boʻyicha hududiy komissiyalarMol-mulk toʻgʻrisidagi maʼlumotlar 44.Quyidagi koʻchmas mulk turlari va ularning miqdori toʻgʻrisidagi maʼlumotlar, koʻchmas mulkning kadastr raqami, turar joy (noturar joy) maydoni, kadastr qiymati, ulushdorning hissali ishtiroki: binolar, inshootlar, koʻp yillik daraxtlar; yer uchastkasi.Mol-mulk mavjudligini aniqlashIqtisodiyot va moliya vazirligi huzuridagi Kadastr agentligi45.Yetim bolalar va ota-ona qaramogʻisiz qolgan bolalar orasidan boʻlgan talabalarni uy-joy bilan taʼminlash toʻgʻrisidagi maʼlumotlarAgentlik46.Koʻchar mulk toʻgʻrisidagi maʼlumotlar:avtotransport vositasi toʻgʻrisidagi maʼlumotlar (ishlab chiqarilgan yili, markasi, roʻyxatdan oʻtkazish raqami, dvigatel quvvati, texnik holati (soz, nosoz);Ichki ishlar vazirligi47.avtotransport vositasini boshqarish va sotish huquqi uchun ishonchnoma berilgan fuqarolar toʻgʻrisidagi maʼlumotlar, avtotransport vositasi turi (yengil, ogʻir, mototsikl, tirkama, traktor va boshqalar);Adliya vazirligi,notariuslar48.garov reyestrida roʻyxatdan oʻtkazilgan boshqa koʻchar mulk toʻgʻrisidagi maʼlumotlar.Markaziy bank,Markaziy bank huzuridagi “Garov reyestri” davlat unitar korxonasi(keyin oʻrinlarda — “Garov reyestri” DUK)49.Qimmatli qogʻozlar toʻgʻrisidagi maʼlumotlar (miqdori, bozor va nominal qiymati, mavjud boʻlgan taqdirda, ulardan olingan dividendlar)Istiqbolli loyihalar milliy agentligi50.Koʻchar va koʻchmas mulkning garovi (zakalati) toʻgʻrisidagi maʼlumotlarMarkaziy bank,“Garov reyestri” DUK Taʼlim toʻgʻrisidagi maʼlumotlar51.Maktabgacha, umumiy oʻrta va oʻrta maxsus, professional va oliy taʼlim muassasalari nomi va ularda oʻqitish, taʼlim shakli (kunduzgi, kechki, sirtqi va masofaviy), oʻqitish turi (davlat granti, toʻlov-kontrakt) toʻgʻrisidagi, akademik taʼtilda boʻlish haqidagi maʼlumotlar Taʼlim darajasini aniqlash Maktabgacha va maktab taʼlimi vazirligi,Oliy taʼlim, fan va innovatsiyalar vazirligi,Kambagʻallikni qisqartirish va bandlik vazirligi52.Bolalar musiqa va sanʼat maktablari, “Barkamol avlod” bolalar maktablari, va boshqa maktabdan tashqari taʼlim muassasalarida oʻqitish toʻgʻrisidagi maʼlumotlar53.Mutaxassislik (klassifikator boʻyicha), ilmiy daraja toʻgʻrisidagi maʼlumotlar54.Oʻquv yurtini tugatganlik haqida davlat tomonidan tasdiqlangan namunadagi taʼlim toʻgʻrisidagi hujjatlar maʼlumotlari55.Maktabgacha taʼlim tashkilotlari tarbiyalanuvchilari toʻgʻrisidagi maʼlumotlar56.Kasbiy tayyorgarlik, qayta tayyorlash yoki malakasini oshirishga yuborilgan shaxslar toʻgʻrisidagi maʼlumotlar va ularga toʻlanadigan stipendiyalar miqdori57.Kollej, texnikum va umumiy oʻrta taʼlim maktablarida tahsil olayotgan 18 yoshdan oshgan shaxslar toʻgʻrisidagi maʼlumotlar58.Chet tillarini bilish, IT va boshqa kurslarning sertifikatlari mavjudligi toʻgʻrisidagi maʼlumotlarRaqamli texnologiyalar vazirligi59.Bolalar uylari tarbiyalanuvchilari toʻgʻrisidagi maʼlumotAgentlik60.Bolalar uylari, Ijtimoiy qoʻllab-quvvatlash markazlari va “Gʻamxoʻrlik” markazlarida joylashtirilgan shaxslar toʻgʻrisidagi maʼlumotlarAgentlikIsh joyi toʻgʻrisidagi maʼlumotlar 61.Ish joyi, staji toʻgʻrisidagi maʼlumotlarIshi, daromadi mavjudligini va ish haqi miqdorini aniqlash Kambagʻallikni qisqartirish va bandlik vazirligi62.Rasmiy ish joyi toʻgʻrisidagi maʼlumotlar63.Chet elda tashkil etilgan mehnat faoliyati toʻgʻrisidagi maʼlumotlar 64.Toʻlangan yoki toʻlashdan ozod qilingan daromad va mehnat faoliyati bilan bogʻliq boshqa soliqlar miqdori toʻgʻrisidagi maʼlumotlarSoliq qoʻmitasi Bank maʼlumotlari 65.Quyidagilar haqida maʼlumotlar: bank plastik kartasi mavjudligi; toʻlovlar va qaydnomalar yuborilganligi.Moliyaviy holatni aniqlashMarkaziy bank,tijorat banklari66.Banklarda ochiq depozit hisobvaraqlaridagi mablagʻ qoldiqlari toʻgʻrisidagi maʼlumotlar67.Quyidagilar toʻgʻrisidagi maʼlumotlar:toʻlangan mablagʻlar, oila aʼzolari nomiga oʻtkazilgan pul oʻtkazmalari;68.bank plastik kartalaridagi mablagʻlar qoldigʻi.Yagona umumrespublika protsessing markazi (Uzcard),Milliy banklararo protsessing markazi (NUMO)Daromadlar toʻgʻrisidagi maʼlumotlar 69.Mehnatga haq toʻlash, mulkiy daromad, deklaratsiyalangan daromad koʻrinishidagi rasmiy daromadlar miqdori toʻgʻrisidagi maʼlumotlar.Soliq qoʻmitasi70.Tadbirkorlik faoliyatiga nisbatan qoʻllanadigan soliq stavkasi turi71.Oʻzini oʻzi band qilish toʻgʻrisidagi maʼlumotlar: oʻzini oʻzi band qilgan jismoniy shaxslardan olinadigan daromad soligʻining qatʼiy belgilangan summasi; 72.oilaviy tadbirkor, shu jumladan, yakka tartibdagi tadbirkor sifatida davlat roʻyxatidan oʻtish.73.Jismoniy shaxslardan olinadigan mol-mulk va yer soligʻi74.Korxonalar muassislari va ularning yuridik shaxs — tijorat tashkilotining ustav fondidagi ulushi toʻgʻrisidagi maʼlumotlar75.Mehnat organlari tomonidan toʻlanadigan subsidiyalar miqdori toʻgʻrisidagi maʼlumotlarKambagʻallikni qisqartirish va bandlik vazirligi76.Toʻlanadigan ishsizlik nafaqasining miqdori va davomiyligi toʻgʻrisidagi maʼlumotlar77.Shaxsni (oila aʼzolarini) haq toʻlanadigan jamoat ishlariga jalb qilish va daromad miqdori toʻgʻrisidagi maʼlumotlar78.Oliy oʻquv yurtlari talabalariga budjet va toʻlov-kontrakt mablagʻlaridan toʻlanadigan stipendiya miqdori toʻgʻrisidagi maʼlumotlarOliy taʼlim, fan va innovatsiyalar vazirligi79.Talabalar stipendiyalari miqdori toʻgʻrisidagi maʼlumotlar80.Qimmatli qogʻozlar, koʻchmas mulk va avtotransport vositalari oldi-sotdi shartnomalarining hamda daromad keltiradigan va majburiy davlat roʻyxatidan oʻtkazilishi lozim boʻlgan boshqa bitimlarning miqdori toʻgʻrisidagi maʼlumotlarAdliya vazirligi, notarial idoralar81.Fuqarolarga uy-joy sotib olish, uy-joy ijarasi uchun taqdim etilgan subsidiyalar miqdori toʻgʻrisidagi maʼlumotlarQoraqalpogʻiston Respublikasi Vazirlar Kengashi, viloyatlar va Toshkent shahri hokimliklari82.Tuman (shahar) mahalliy budjetida ijtimoiy toʻlovlarni toʻlashga rejalashtirilgan mablagʻlar miqdori toʻgʻrisidagi maʼlumotlar (jamgʻarma limitlari)83.Tayinlangan nafaqalar va moddiy yordamni toʻlash uchun zarur boʻlgan pul mablagʻlari uchun toʻlov topshiriqnomalari gʻaznachilik organlariga yuborilganligi toʻgʻrisidagi maʼlumotlarIqtisodiyot va moliya vazirligi 84.“Har bir oila — tadbirkor” dasturi doirasida kredit olgan jismoniy shaxslar toʻgʻrisidagi maʼlumotlarTadbirkorlik faoliyatini qoʻllab-quvvatlash davlat jamgʻarmasi,AT “Xalq banki”,“Mikrokreditbank” ATB,“Agrobank” ATB85.Kredit tarixi toʻgʻrisidagi maʼlumotlar“Kredit-axborot tahliliy markazi” kredit byurosi86.Ijtimoiy reyestrga kiritilgan oilalar aʼzolarining ijtimoiy taʼminoti toʻgʻrisidagi maʼlumotlar (bepul qishki kiyimlar, darsliklar toʻplami, ota-onalar uchun nafaqalarga chegirmalar va boshqalar)Maktabgacha va maktab taʼlimi vazirligi87.Aliment toʻlovchilar va oluvchilar haqida hamda toʻlangan va olingan aliment miqdori toʻgʻrisida maʼlumotlarMajburiy ijro byurosi88.Yoʻlovchi tashish (taksi) faoliyati bilan shugʻullanuvchilar toʻgʻrisidagi maʼlumotlarSoliq qoʻmitasi 89.Pensionerlar va pensiya toʻlovlari miqdorlari toʻgʻrisidagi maʼlumotlarPensiya jamgʻarmasi 90.Moliyaviy yordam, yoshga doir pensiya yoki nogironlik pensiyasini oluvchilar toʻgʻrisidagi maʼlumotlarAgentlik91.Shaxslar va ularga tayinlangan pensiya, nafaqa toʻlovlari va boshqa toʻlovlar miqdori toʻgʻrisidagi maʼlumotlar92.Bolalarga Ijtimoiy reyestrga kiritilgan oilalar farzandlari sifatida koʻrsatilgan ijtimoiy yordam toʻgʻrisidagi maʼlumotlar 93.Oʻzgalar parvarishiga muhtoj boʻlgan oila aʼzosini yoki oʻzgalar parvarishiga muhtoj boʻlgan 80 yoshga toʻlgan keksalarni parvarishlayotgan shaxslar toʻgʻrisidagi maʼlumotlar94.Uy-joy kommunal xizmatlar haqini toʻlash boʻyicha oylik kompensatsiya pul toʻlovlari toʻlangan shaxslar toʻgʻrisidagi maʼlumotlar95.Ozodlikdan mahrum etish joylaridan ozod etilgan shaxslarning ijtimoiy moslashuvi uchun toʻlanadigan bir martalik nafaqa miqdori toʻgʻrisidagi maʼlumotTomorqa xoʻjaliklari toʻgʻrisidagi maʼlumotlar96.Tomorqa yer uchastkalari toʻgʻrisidagi maʼlumotlar (mahsuldorlik darajasi (bonitet bali), maydoni)Belgilangan daromad miqdorini aniqlashMahalla va tadbirkorlik agentligi97.Yirik va mayda shoxli qoramollar (shu jumladan, parrandalar) toʻgʻrisidagi maʼlumotlarOʻzbekiston fermer, dehqon xoʻjaliklari va tomorqa yer egalari kengashiBiometrik maʼlumotlar 98.Aniq bir shaxsning biologik va fiziologik oʻziga xos xususiyatlari (barmoq izlari, shaxsning yuz qiyofasi biometrik fotosurati)Maʼlumotlarni identifikatsiyalashning bir necha usullari yordamida aniqlash va himoya qilish Personallashtirish agentligi,Ichki ishlar vazirligiTibbiy maʼlumotlar99.Shaxsning poliklinikada roʻyxatdan oʻtganligi, surunkali kasalliklari borligi, ayrim dori-darmonlarga boʻlgan ehtiyoji toʻgʻrisidagi maʼlumotlar;ixtisoslashtirilgan tibbiyot muassasalarida bepul tibbiy xizmatlar, ixtisoslashtirilgan (ambulator yoki kunduzgi) tibbiy yordam olish uchun berilgan order toʻgʻrisidagi maʼlumotlar;shaxsning ruhiy kasalliklar boʻyicha dispanser hisobida turishi toʻgʻrisidagi maʼlumotlar;onkologik kasalliklardan uzoq muddat davolanayotgan shaxslar toʻgʻrisidagi maʼlumotlar;mehnatga layoqatsizlik varaqalari va ushbu varaqalar berilgan shaxslar toʻgʻrisidagi maʼlumotlar;bepul davolanishga berilgan orderlar toʻgʻrisidagi maʼlumotlar.Tibbiy ehtiyojlarni aniqlash Sogʻliqni saqlash vazirligi100.Nogironlik toʻgʻrisidagi maʼlumotlar (nogironlik guruhi va muddati)Agentlik101.Bepul oziq-ovqat mahsulotlari va shaxsiy gigiyena vositalari bilan taʼminlanish huquqiga ega boʻlgan shaxslar toʻgʻrisidagi maʼlumotlar Sudlanganlik, maʼmuriy huquqbuzarlik va alimentlar toʻgʻrisidagi maʼlumotlar102.Sudlanganlik holati mavjudligi, maʼmuriy huquqbuzarliklardan qarzlar borligi toʻgʻrisidagi maʼlumotlarQarzdorlik hamda aliment toʻlamaslik holatlarini aniqlash Majburiy ijro byurosi103.Aliment toʻlovlarini toʻlashda kechikish holatlari toʻgʻrisidagi maʼlumotlar104.Jazoni oʻtash, ozodlikdan mahrum etish toʻgʻrisidagi maʼlumotlarIchki ishlar vazirligi105.Yoʻl harakati qoidalarini buzish toʻgʻrisidagi maʼlumotlar106.Avtotransport vositasi sugʻurtasi qoidalarini buzish toʻgʻrisidagi maʼlumotlar107.Chet elda jazoni oʻtash, ozodlikdan mahrum etish toʻgʻrisidagi maʼlumotlarTashqi ishlar vazirligi108.Qarzdorlikka olib keladigan boshqa qoidabuzarliklar toʻgʻrisidagi maʼlumotlarOliy sudDavlat chegarasini kesib oʻtish toʻgʻrisidagi maʼlumotlar109.Mamlakatga kirish va chiqish sanasi toʻgʻrisidagi maʼlumotIjtimoiy toʻlovlarni olishda qonuniylikni aniqlash uchun fuqaroning mamlakatda mavjudligini aniqlashPersonallashtirish agentligi110.Mamlakatdan tashqarida boʻlganlik toʻgʻrisidagi maʼlumotlar111.“Labor migration” dasturiy majmuasi maʼlumotlari Tashqi mehnat migratsiyasi agentligiKommunal xizmatlardan foydalanish toʻgʻrisidagi maʼlumotlari112.Elektr taʼminoti xizmatlari uchun toʻlov maʼlumotlariXizmatlardan foydalanish uchun xarajatlar miqdorini aniqlash“Hududiy elektr tarmoqlari” AJ113.Gaz taʼminoti xizmatlari uchun toʻlov maʼlumotlari“Hududgaztaʼminot” AJ114.Issiqlik taʼminoti xizmatlari uchun toʻlov maʼlumotlari“Veolia Energy Tashkent” MCHJ115.Ichimlik suv taʼminoti va oqova suv xizmatlari uchun toʻlov maʼlumotlari“Oʻzsuvtaʼminot” Aj116.Qattiq maishiy chiqindilarni toʻplash va olib chiqish uchun toʻlovlar“Maxsustrans” DUK117.Uy-joy kommunal xizmatlari uchun toʻlov maʼlumotlari Qurilish va uy-joy kommunal xoʻjaligi vazirligi 118.Statsionar telefon aloqasi xizmatlari uchun toʻlov maʼlumotlariRaqamli texnologiyalar vazirligi119.Mobil aloqa xizmatlari uchun toʻlov maʼlumotlari120.Internet xizmatlari uchun toʻlov maʼlumotlariPulli elektron davlat xizmatlarini koʻrsatish toʻgʻrisidagi maʼlumotlar121.Toʻlangan davlat bojlari, gerb yigʻimlari, davlat xizmatlari koʻrsatganlik uchun yigʻimlar toʻgʻrisidagi maʼlumotlarIqtisodiyot va moliya vazirligiTovar (ish, xizmat)ning bojxona qiymati toʻgʻrisidagi maʼlumotlar122.Qiymati (Agentlik tomonidan belgilanadigan) miqdoridan oshadigan tovarlar, ishlar, xizmatlar importi toʻgʻrisidagi maʼlumotlarMoliyaviy holat darajasini aniqlash Bojxona qoʻmitasi123.Qiymati (Agentlik tomonidan belgilanadigan) miqdoridan oshadigan xalqaro posilkalarni qabul qilib olish toʻgʻrisidagi maʼlumotlarImtiyozli va boshqa ijtimoiy kafolatlar toʻgʻrisidagi maʼlumotlar124.Oliy oʻquv yurtlariga kirishda imtiyozlarga ega boʻlgan abituriyentlar toʻgʻrisidagi maʼlumotlarImtiyoz va ijtimoiy kafolatlar koʻrinishidagi davlat ijtimoiy qoʻllab-quvvatlash choralarini aniqlashOliy taʼlim, fan va innovatsiyalar vazirligi125.Koʻp bolali oilalar va ularga taqdim etilgan imtiyozlar toʻgʻrisidagi maʼlumotlarOila va xotin-qizlar qoʻmitasi 126.Tayinlangan nafaqalar va moliyaviy yordam boʻyicha “Xalq banki” aksiyadorlik tijorat banki tomonidan elektron toʻlovlarning amalga oshirilganligi toʻgʻrisidagi maʼlumotlarAT “Xalq banki”127.Ijtimoiy reyestrga kiritilgan oilalar farzandlarini maktabgacha taʼlim tashkilotlariga kirishda ota-onalar toʻlovidan ozod etish boʻyicha taqdim etilgan imtiyozlar toʻgʻrisidagi maʼlumotlarMaktabgacha va maktab taʼlimi vazirligi128.Aholining ayrim imtiyozli toifalariga yoʻlovchilar tashish transporti (shahar, havo, temir yoʻl, daryo) xizmatlarini bepul yoki imtiyozli asosda taqdim etish toʻgʻrisidagi maʼlumotlarTransport vazirligiMahallalar toʻgʻrisidagi maʼmuriy maʼlumotlar 129.Har bir oʻzini oʻzi boshqarish organiga berilgan alohida identifikatsiya raqami bilan oʻzini oʻzi boshqarish organlarining elektron maʼlumotnomasi maʼlumotlariOʻzbekiston mahallalari uyushmasiII. Fuqarolarning ayrim toifalariga nisbatan oʻzaro maʼlumotlar almashinuvi amalga oshiriladigan ijtimoiy obyektlarTugʻuruq majmualari toʻgʻrisidagi maʼlumotlar130.Tugʻuruq majmualari toʻgʻrisidagi maʼlumotlar Kirish va chiqish hamda davlat tomonidan kafolatlangan xizmatlar uchun toʻlovlarni hisobga olishSogʻliqni saqlash vazirligiDavlat taʼlim muassasalari toʻgʻrisidagi maʼlumotlar131.Maktabgacha taʼlim va tarbiya;umumiy oʻrta va oʻrta maxsus taʼlim;professional taʼlim;oliy taʼlim;oliy taʼlimdan keyingi taʼlim;kadrlarni qayta tayyorlash va malakasini oshirish;maktabdan tashqari taʼlim.Maktabgacha va maktab taʼlimi vazirligi,Oliy taʼlim, fan va innovatsiyalar vazirligiNodavlat taʼlim tashkilotlari toʻgʻrisidagi maʼlumotlar132.Maktabgacha taʼlim va tarbiya;umumiy oʻrta va oʻrta maxsus taʼlim;professional taʼlim;oliy taʼlim;oliy taʼlimdan keyingi taʼlim;kadrlarni qayta tayyorlash va malakasini oshirish;maktabdan tashqari taʼlim.Kirish va chiqish hamda davlat tomonidan kafolatlangan xizmatlar uchun toʻlovlarni hisobga olishMaktabgacha va maktab taʼlimi vazirligi, Oliy taʼlim, fan va innovatsiyalar vazirligiIjtimoiy himoya tizimidagi muassasa va tashkilotlar toʻgʻrisidagi maʼlumotlar133.Ijtimoiy himoya tizimidagi muassasalar va tashkilotlarning tasnifiga koʻra maʼlumotlarKirish va chiqish hamda davlat tomonidan kafolatlangan xizmatlar uchun toʻlovlarni hisobga olishAgentlikTegishli imtiyozlar asosida elektron davlat xizmatlaridan foydalangan fuqarolar toʻgʻrisidagi maʼlumotlar134.Elektron davlat xizmatlaridan foydalangan fuqarolar va ularga koʻrsatilgan elektron davlat xizmatlarining nomi va qiymati toʻgʻrisidagi maʼlumotlar Kirish va chiqish hamda davlat tomonidan kafolatlangan xizmatlar uchun toʻlovlarni hisobga olishRaqamli texnologiyalar vazirligi,Adliya vazirligiShifoxona va boshqa sogʻliqni saqlash tashkilotlari toʻgʻrisidagi maʼlumotlar135.Oilaviy poliklinikalar, shifokor punktlari toʻgʻrisidagi maʼlumotlar Kirish va chiqish hamda davlat tomonidan kafolatlangan xizmatlar uchun toʻlovlarni hisobga olishSogʻliqni saqlash vazirligiQamoqda saqlash joylari, tergov hibsxonalari, axloq tuzatish muassasalari va maxsus muassasalar toʻgʻrisidagi maʼlumotlar136.Qamoqda saqlash joylari, tergov hibsxonalari, axloq tuzatish muassasalari va maxsus muassasalar toʻgʻrisidagi maʼlumotlarKirish va chiqish hamda davlat tomonidan kafolatlangan xizmatlar uchun toʻlovlarni hisobga olishIchki ishlar vazirligiModdiy madaniy meros obyektlari toʻgʻrisidagi maʼlumotlar137.Moddiy madaniy meros obyektlari toʻgʻrisidagi maʼlumotlarKirish va chiqish hamda davlat tomonidan kafolatlangan xizmatlar uchun toʻlovlarni hisobga olishMadaniy meros agentligi,Madaniyat va sanʼatni rivojlantirish jamgʻarmasi Madaniyat va sanʼat sohasi obyektlari toʻgʻrisidagi maʼlumotlar138.Teatrlar, sirklar va boshqa ommaviy-madaniy va konsert-tomosha tadbirlari turlari toʻgʻrisidagi maʼlumotlarKirish va chiqish hamda davlat tomonidan kafolatlangan xizmatlar uchun toʻlovlarni hisobga olishMadaniyat vazirligiShahar va tuman obodonlashtirish boshqarmalari tasarrufidagi jamoat qabristonlari139.Shahar va tuman obodonlashtirish boshqarmalari (Fuqarolarga xizmat koʻrsatish boshqarmalari) tasarrufidagi jamoat qabristonlari toʻgʻrisidagi maʼlumotlar Davlat tomonidan koʻrsatilgan kafolatlangan xizmatlarni hisobga olishTuman (shahar) mahalliy davlat hokimiyati organlari