Termiz davlat muhandislik va agrotexnologiyalar universitetini tashkil etish chora-tadbirlari toʻgʻrisida (PQ-265-son)

18.07.2024

Oʻzbekiston Respublikasi Prezidentining

Qarori

Oliy maʼlumotli kadrlar tayyorlash tizimining uygʻunligini taʼminlash, oliy taʼlim muassasalarining mavjud resurslaridan samarali foydalanish, moddiy-texnika bazasini mustahkamlash orqali Surxondaryo viloyati iqtisodiyot tarmoqlarining, jumladan ishlab chiqarish, muhandislik, qishloq xoʻjaligi va agrotexnologiyalar sohalari boʻyicha zamonaviy bilim va koʻnikmalarga ega oliy maʼlumotli mutaxassislarga boʻlgan ehtiyojni qondirish maqsadida:

1. Oliy taʼlim, fan va innovatsiyalar vazirligi, Qishloq xoʻjaligi vazirligi hamda Iqtisodiyot va moliya vazirligining Termiz muhandislik-texnologiya instituti hamda Termiz agrotexnologiyalar va innovatsion rivojlanish institutini qoʻshib yuborish orqali ularning negizida Termiz davlat muhandislik va agrotexnologiyalar universitetini (keyingi oʻrinlarda — Universitet) tashkil etish toʻgʻrisidagi taklifi maʼqullansin.

Belgilansinki, Universitet davlat oliy taʼlim muassasasi hisoblanadi hamda Oliy taʼlim, fan va innovatsiyalar vazirligi tizimida faoliyat yuritadi.

2. Quyidagilar Universitetning asosiy vazifalari etib belgilansin:

muhandislik, qishloq xoʻjaligi, ishlab chiqarish va xizmat koʻrsatish sohalarida hamda hududning oliy maʼlumotli kadrlarga boʻlgan ehtiyojiga muvofiq oliy maʼlumotli mutaxassislar va ilmiy-pedagog kadrlar tayyorlash;

taʼlim jarayoniga ilgʻor pedagogik texnologiyalarni, ilm-fan va texnikaning soʻnggi yutuqlarini hamda yetakchi xorijiy oliy taʼlim tashkilotlari tajribasi asosida ishlab chiqilgan taʼlim dasturlarini joriy etish;

ixtisoslik sohalari boʻyicha taʼlim, ilm-fan, ishlab chiqarish oʻrtasida integratsiyani kuchaytirish hamda taʼlim dasturlarining ishlab chiqarish jarayonlari bilan uzviy bogʻliqligini taʼminlash,

soha tashkilotlarida talabalarning malakaviy amaliyotini va professor-oʻqituvchilarning stajirovkasini tashkil etish, shuningdek, mutaxassislarni qayta tayyorlash va ularning malakasini oshirish;

amaliy va fundamental ilmiy-tadqiqot ishlari hamda innovatsion loyihalarni amalga oshirish hamda tadqiqot natijalarini tijoratlashtirish;

talabalarda yuksak maʼnaviy va axloqiy fazilatlarni rivojlantirish, Vatanga muhabbat, uning taqdiriga daxldorlik, kasbga sadoqat hissini mustahkamlash, taʼlim-tarbiya jarayoni hamda maʼnaviy-maʼrifiy ishlar samaradorligini oshirish.

3. Oliy taʼlim, fan va innovatsiyalar vazirligi:

a) 2024/2025 oʻquv yilidan boshlab Universitetda Ilgʻor muhandislik maktabi faoliyatini tashkil etsin.

Bunda:

Ilgʻor muhandislik maktabi yuridik shaxs maqomisiz tashkil etiladi hamda unda taʼlim olish uchun akademik koʻrsatkichlari yuqori boʻlgan talabalar tanlov asosida saralanadi va amaliyotga yoʻnaltirilgan maxsus taʼlim dasturlari asosida oʻqitiladi;

Ilgʻor muhandislik maktabi yoʻnalishiga mos sanoat hamkorlari belgilanib, ularning texnik va texnologik taraqqiyotini taʼminlash uchun zamonaviy laboratoriyalar tashkil etiladi;

Ilgʻor muhandislik maktabida sanoat hamkorlari tomonidan taqdim etilgan muammolar portfeli asosida ilmiy-tadqiqot va tajriba-konstruktorlik ishlarini olib borish yoʻlga qoʻyiladi;

Ilgʻor muhandislik maktabida amalga oshiriladigan amaliy va innovatsion loyihalarni sanoat hamkorlari va Innovatsion rivojlanish agentligi mablagʻlari hisobidan birgalikda moliyalashtirish tizimi joriy etiladi;

Ilgʻor muhandislik maktabi faoliyati Universitetning budjetdan tashqari mablagʻlari hamda qonunchilik hujjatlarida taqiqlanmagan boshqa manbalar hisobidan moliyalashtiriladi;

b) Iqtisodiyot va moliya vazirligi hamda Surxondaryo viloyati hokimligi bilan birgalikda:

yirik ishlab chiqarish korxonalarini Universitetning Ilgʻor muhandislik maktabiga sanoat hamkori sifatida biriktirish hamda samarali faoliyatni tizimli davom ettirish;

yetakchi xorijiy oliy taʼlim va ilmiy-tadqiqot tashkilotlarida faoliyat yurituvchi chet ellik va (yoki) xorijda yashovchi vatandosh mutaxassislarni shartnoma asosida Ilgʻor muhandislik maktabi faoliyatiga jalb etish choralarini koʻrsin.

4. Quyidagilar:

2024 — 2027-yillarda Termiz davlat muhandislik va agrotexnologiyalar universiteti faoliyatini tashkil etish hamda uning moddiy-texnika bazasini mustahkamlash boʻyicha “yoʻl xaritasi” 1-ilovaga muvofiq;

Termiz davlat muhandislik va agrotexnologiyalar universiteti hamda Termiz davlat pedagogika institutiga operativ boshqaruv huquqi asosida bepul beriladigan obyektlar roʻyxati 2-ilovaga muvofiq tasdiqlasin.

5. Oliy taʼlim, fan va innovatsiyalar vazirligi:

a) 2024/2025 oʻquv yiliga qadar:

Universitet boshqaruv kadrlari lavozimlariga yetakchi xorijiy oliy taʼlim tashkilotlarida ish tajribasiga ega boʻlgan mutaxassislarning jalb etilishini;

Universitetning tanlov asosida ishlab chiqarish tashkilotlari, oliy taʼlim va ilmiy-tadqiqot muassasalarida katta ilmiy va (yoki) amaliy tajriba orttirgan mutaxassislar, ustuvor ravishda, ilmiy darajaga ega boʻlgan yuqori malakali kadrlar bilan toʻldirilishini;

Universitet talabalarining fanlarni oʻzlashtirish koʻrsatkichini va professor-oʻqituvchilarning ish samarasini xalqaro standartlar asosida baholash tizimining joriy etilishini;

Universitetda Taʼlim xizmatlari markazi tashkil etilishini hamda talabalarga oʻqish davomida vujudga keladigan tashkiliy va huquqiy masalalar yuzasidan barcha zarur xizmatlarning “yagona darcha” tamoyili asosida koʻrsatilishi yoʻlga qoʻyilishini taʼminlasin;

b) Universitet huzurida texnika va qishloq xoʻjaligi ixtisosliklari boʻyicha falsafa doktori (PhD) ilmiy darajasini beruvchi ixtisoslashgan ilmiy kengashlar faoliyatini belgilangan tartibda tashkil etish chorasini koʻrsin;

v) 2025/2026 oʻquv yilidan boshlab:

Universitet professor-oʻqituvchilari va doktorantlarini xorijiy davlatlarning yetakchi oliy taʼlim va ilmiy-tadqiqot tashkilotlariga ilmiy stajirovka va malaka oshirishga yuborish;

Universitetning bakalavriat va magistratura bosqichlariga oʻqishga qabul qilingan iqtidorli talabalar uchun xorijiy tillarda oʻqitiladigan alohida guruhlar tashkil etish choralarini koʻrsin.

6. Universitetga quyidagi huquqlar berilsin:

xalqaro eʼtirof etilgan tashkilotlarning amaldagi reytingida oliy taʼlim muassasalari orasida birinchi 300 talik roʻyxatga kirgan xorijiy oliy taʼlim tashkilotining dasturi asosida oʻz taʼlim dasturlarini shakllantirish;

Universitet faoliyati yoʻnalishlari boʻyicha shartnoma asosida maslahat va ekspert-tahliliy xizmatlar koʻrsatish hamda ilmiy-tadqiqot va innovatsion xizmat koʻrsatuvchi korxonalarni tashkil etish;

taʼlim va ilmiy-tadqiqot jarayoniga xorijiy mutaxassislarni jalb qilish hamda ularga mehnat bozorining amaldagi konyunkturasini hisobga olgan holda, Universitetning budjetdan tashqari mablagʻlari hisobidan oylik maosh hamda boshqa toʻlovlarni belgilash va toʻlash;

professor-oʻqituvchilarni oʻquv-metodik, ilmiy-tadqiqot ishlari va “ustoz-shogird” tizimi boʻyicha bajargan ishlarining natijasi hamda talabalarning erishgan yutuqlari boʻyicha ragʻbatlantirib borish.

7. Belgilab qoʻyilsinki:

a) Termiz muhandislik-texnologiya instituti hamda Termiz agrotexnologiyalar va innovatsion rivojlanish institutida tahsil olayotgan barcha talabalar oʻqishini Universitetda davom ettiradi hamda 2024/2025 oʻquv yilidan boshlab bitiruvchi kurs talabalariga belgilangan tartibda Universitet diplomi beriladi;

b) Universitet Termiz muhandislik-texnologiya instituti hamda Termiz agrotexnologiyalar va innovatsion rivojlanish institutining huquq va majburiyatlari boʻyicha huquqiy vorisi hisoblanadi;

v) Universitet faoliyatini moliyalashtirish:

Davlat budjeti mablagʻlari, toʻlov-kontrakt asosida oʻqitishdan tushadigan mablagʻlar, xoʻjalik faoliyati va shartnoma asosida xizmatlar koʻrsatishdan tushadigan tushumlar, homiylik xayriyalari va grantlar hamda qonunchilik hujjatlarida taqiqlanmagan boshqa manbalar hisobidan amalga oshiriladi;

2024-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Oliy taʼlim, fan va innovatsiyalar vazirligi hamda Qishloq xoʻjaligi vazirligiga ajratilgan mablagʻlar doirasida tasdiqlangan budjet parametrlariga tegishli oʻzgartirish kiritgan holda amalga oshiriladi, 2025-yildan boshlab Davlat budjeti parametrlarida nazarda tutiladi.

8. Oliy taʼlim, fan va innovatsiyalar vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Mazkur qarorning ijrosini samarali tashkil qilishga masʼul va shaxsiy javobgar etib oliy taʼlim, fan va innovatsiyalar vaziri K.A. Sharipov hamda Surxondaryo viloyati hokimi U.B. Qosimov belgilansin.

Qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 18-iyul,

PQ-265-son

Oʻzbekiston Respublikasi Prezidentining 2024-yil 18-iyuldagi PQ-265-son qaroriga 1-ILOVA

2024 — 2027-yillarda Termiz davlat muhandislik va agrotexnologiyalar universiteti faoliyatini tashkil etish hamda uning moddiy-texnika bazasini mustahkamlash boʻyicha

“YOʻL XARITASI”

T/rChora-tadbirlarAmalga oshirish mexanizmiBajarish muddatiMoliyalashtirish manbalariIjro uchun masʼullarI. Termiz davlat muhandislik va agrotexnologiyalar universiteti faoliyatini tashkil etish1.Termiz davlat muhandislik va agrotexnologiyalar universiteti (keyingi oʻrinlarda — Universitet) faoliyatini tashkil etish.1. Universitet ustavini ishlab chiqish, tasdiqlash va belgilangan tartibda davlat roʻyxatidan oʻtkazish.2. Universitetning tashkiliy tuzilmasi, shtatlar jadvali va xarajatlar smetasini tasdiqlash.2024-yil sentabr-Oliy taʼlim, fan va innovatsiyalar vazirligi(Sharipov),Adliya vazirligi(Tashkulov),Universitet2.Universitet fakultetlari va kafedralari faoliyatini tashkil etish.1. Tajribali mutaxassislar, pedagog xodimlar va olimlardan iborat ishchi guruh tuzish.2024-yil avgust-Oliy taʼlim, fan va innovatsiyalar vazirligi(Sharipov),Universitet2. Kadrlar buyurtmachilari talablariga mos tashkil etilishi zarur boʻlgan kafedralar roʻyxatini shakllantirish.2024-yil avgust3. Kafedralarni zarur oʻquv-uslubiy va meʼyoriy-uslubiy hujjatlar bilan taʼminlash.2024-yil avgust4. Kafedralarning professor-oʻqituvchilar tarkibini shakllantirish va faoliyatini yoʻlga qoʻyish.2024-yil sentabr3.Universitetni tajribali va yuqori malakali mutaxassislar (pedagog xodimlar) bilan toʻldirish.1. Xorijiy va mahalliy malakali mutaxassislarni (pedagog xodimlarni) belgilangan tartibda ochiq tanlovlar asosida saralab olish.2024-yil avgust-Oliy taʼlim, fan va innovatsiyalar vazirligi(Sharipov),Kambagʻallikni qisqartirish va bandlik vazirligi(Musayev),Qishloq xoʻjaligi vazirligi(Abduraxmonov),Universitet2. Mehnat qonunchiligi talablari asosida pedagog xodimlarni ishga qabul qilish va mehnat shartnomalarini rasmiylashtirish.2024-yil sentabr3. Termiz muhandislik-texnologiya instituti hamda Termiz agrotexnologiyalar va innovatsion rivojlanish institutining shtatlar soni maqbullashtirilishi natijasida ishdan boʻshatiladigan professor-oʻqituvchilar, ishchi va xizmatchilarni belgilangan tartibda ish bilan taʼminlash choralarini koʻrish.2024-yil sentabrII. Universitetda oʻquv jarayonini tashkil etish, taʼlim sifatini taʼminlash, yangi pedagogik texnologiyalar va oʻqitish usullarini joriy etish4.Taʼlim jarayoniga xalqaro taʼlim standartlariga asoslangan ilgʻor taʼlim texnologiyalari va oʻqitish metodikalarini joriy etish.1. Bitiruvchilarda zamonaviy koʻnikmalarni shakllantirishga qaratilgan malaka talablari va fan dasturlarini ishlab chiqish maqsadida ish beruvchilar takliflari hamda birinchi 300 talik roʻyxatga kirgan oliy taʼlim muassasalari dasturlarini tahlil qilish.2024-yil avgust-Oliy taʼlim, fan va innovatsiyalar vazirligi(Sharipov),Universitet2. Ish beruvchilar takliflari va birinchi 300 talik roʻyxatga kirgan oliy taʼlim muassasalari dasturlari asosida taʼlim yoʻnalishlari fanlar katalogini maqbullashtirish.2024-yil avgust5.Mashgʻulotlar boʻyicha talabalar fikrini oʻrganish (feedback) hamda oʻzaro tashrif (peer review) tizimini rivojlantirish.1. Mashgʻulotlar boʻyicha talabalar fikrini oʻrganishga qaratilgan elektron platformani ishga tushirish.2025-yil sentabrUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Mashgʻulotlar boʻyicha talabalar fikrini oʻrganish tahlili asosida tegishli chora-tadbirlarni belgilash.2025/2026 oʻquv yili6.Taʼlimning zamonaviy pedagogik texnologiyalari va metodlaridan foydalanish samaradorligini oshirish.1. Taʼlim jarayonini innovatsion taʼlim texnologiyalari asosida tashkil etish.2024/2025 oʻquv yilidan boshlabUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Taʼlim mazmunini kreativ fikrlash, innovatsion gʻoya va ishlanmalarni shakllantirishga xizmat qiluvchi taʼlim texnologiyalari bilan boyitish.2024-yil sentabr7.Oʻquv adabiyotlarining yangi avlodini yaratish va joriy etish hamda Axborot-resurs markazi fondini muntazam yangilab borish.1. Oʻquv adabiyotlarining yangi avlodini yaratishga jalb qilinadigan professor-oʻqituvchilar uchun moddiy va maʼnaviy taʼminot asoslarini yaratish.2024-yil oktabrUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Darslik va oʻquv qoʻllanmalarni, ilmiy, uslubiy adabiyotlarni nashr qilish uchun Universitet xarajatlari smetasida muntazam ravishda zarur mablagʻlarni nazarda tutish.2025-yil aprel3. Universitet taʼlim yoʻnalishlari va mutaxassisliklarini yangi avlod oʻquv adabiyotlari bilan taʼminlash maqsadida Tahririy nashriyot boʻlimi faoliyatini tashkil etish, bosmaxonaning moddiy-texnika bazasini mustahkamlash va zamonaviy bosma jihozlar bilan taʼminlash.2026-yil dekabr8.Amaliy va sayyor mashgʻulotlarni oʻtkazishni kengaytirish orqali talabalarning amaliy kompetensiyalarini rivojlantirish.1. Talabalarning amaliyotini Universitet bilan mustahkam aloqalar oʻrnatilgan ijtimoiy, ilmiy-tadqiqot va ishlab chiqarish muassasalarida tashkil etish.2025-yil aprelUniversitetning mazkur maqsadlar uchun koʻzda tutilgan budjet va budjetdan tashqari mablagʻlari doirasidaOliy taʼlim, fan va innovatsiyalar vazirligi(Sharipov),Universitet2. Kadrlar isteʼmolchilari bilan aloqalarni mustahkamlash, talabalar amaliyotini samarali tashkil etish va monitoring qilishni yanada takomillashtirish.2025-yil may9.Hamkor tashkilotlarda kadrlar tayyorlovchi kafedralar filiallarini tashkil etish.1. Universitetning taʼlim yoʻnalishlari va mutaxassisliklari boʻyicha kadrlar tayyorlaydigan tashkilot va korxonalarda Universitet kafedralarining filiallarini tashkil etish.2025-yil sentabrUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet,hamkor tashkilotlar2. Kafedralar filiallarida mashgʻulotlar oʻtkazgan hamda malakaviy amaliyot ishlariga rahbarlik va maslahatchilik qilgan xodimlarga Universitet tomonidan soatbay ish haqi toʻlash tartibini joriy etish.2025/2026 oʻquv yilidan boshlab10.Texnika sohasiga oid 2 ta taʼlim yoʻnalishini xalqaro akkreditatsiyadan oʻtkazish.1. Ichki va tashqi taʼlim sifatini taʼminlashda xorijiy tajribani oʻrganish.2024-yil sentabrUniversitetning budjet va budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Xalqaro tashkilotlar bilan hamkorlikda taʼlim dasturlarini xalqaro akkreditatsiyadan oʻtkazish boʻyicha shartnomalar tuzish.2024-yil noyabr3. Xorijiy ekspertlar ishtirokida ichki va tashqi sifatni taʼminlash boʻyicha tegishli taʼlim dasturlarini xalqaro taʼlim talablariga moslashtirish.2025-yil mart4. Xalqaro taʼlim talablariga moslashtirilgan taʼlim dasturlarini xalqaro akkreditatsiyadan oʻtkazish.2026-yil dekabr11.Universitet professor-oʻqituvchilarining kasbiy mahoratini oshirib borish, jumladan, xorijiy oliy taʼlim va ilmiy-tadqiqot muassasalarida tajriba oshirishlarini tashkil etish.1. Universitet professor-oʻqituvchilarining 2024 — 2027-yillarda xorijda malaka oshirish va stajirovka oʻtash rejasini ishlab chiqish.2024-yil noyabrUniversitetning budjetdan tashqari va grant mablagʻlariOliy taʼlim, fan va innovatsiyalar vazirligi(Sharipov),Universitet2. Har yili kamida 10 nafar professor-oʻqituvchilarni rivojlangan xorijiy mamlakatlarning nufuzli oliy taʼlim muassasalariga malaka oshirishga yuborish.2025 — 2027-yillar3. Professor-oʻqituvchilar uchun xorijiy ilmiy markazlar va oliy taʼlim muassasalarida, shuningdek, korxonalarda stajirovkalar tashkil etish.Doimiy12.Universitet oʻquv jarayonlariga xorijdan professor-oʻqituvchilar hamda soha mutaxassislarini jalb qilish.1. Yetakchi xorijiy oliy taʼlim va ilmiy-tadqiqot muassasalari professor-oʻqituvchilarini oʻquv jarayoniga jalb qilish boʻyicha chora-tadbirlar rejasini ishlab chiqish va tasdiqlash.2024-2025-yillarUniversitetning budjetdan tashqari va grant mablagʻlariOliy taʼlim, fan va innovatsiyalar vazirligi(Sharipov),Universitet2. Oʻzaro hamkorlik asosida xorijiy oliygoh va ilmiy-tadqiqot muassasalarining oʻqituvchilarini oʻquv jarayonlariga jalb etish.2024 — 2027-yillar13.Universitet professor-oʻqituvchilarining soha yoʻnalishi boʻyicha respublikadagi ishlab chiqarish korxonalarida stajirovka oʻtashini tashkil etish.1. Soha yoʻnalishi boʻyicha respublikadagi ishlab chiqarish korxonalarida professor-oʻqituvchilarning stajirovka oʻtashini tashkil etish boʻyicha dastur ishlab chiqish.2024-yil oktabrUniversitetning budjet va budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Professor-oʻqituvchilarning respublikadagi ishlab chiqarish korxonalarida stajirovka oʻtashini tashkil etish.2025 — 2027-yillar14.Universitetni nufuzli xalqaro reyting tashkilotlariga kirishga tayyorlash.1. Universitetni nufuzli xalqaro reyting tashkilotlariga kiritish boʻyicha besh yillik chora-tadbirlar rejasini ishlab chiqish.2024-yil sentabr-Oliy taʼlim, fan va innovatsiyalar vazirligi(Sharipov),Universitet2. Universitetni nufuzli ilmiy-texnik bazalarda oʻz profiliga ega boʻlishini taʼminlash.2024-yil oktabr3. Universitetni nufuzli xalqaro reyting tashkilotlariga kiritish boʻyicha chora-tadbirlar rejasida belgilangan maqsadli parametrlar ijrosini monitoring qilib borish.2024 — 2027-yillar har olti oyda4. Nufuzli xalqaro reyting tashkilotlarida Universitet profilini ochish.2024-yil dekabrUniversitetning budjet va budjetdan tashqari mablagʻlari5. Nufuzli xalqaro reyting tashkilotlari masʼullari ishtirokida Universitet faoliyatini tahlil qilish.2025-yil mart15.Universitet talabalarini bevosita ishlab chiqarish amaliyotiga keng jalb qilish hamda ularda amaliy koʻnikmalarni shakllantirish.1. Talabalarning amaliyotlarini maqsadli tashkil etish maqsadida ularni asosiy ish beruvchi korxona va tashkilotlarga biriktirish.Har yili oktabr-Oliy taʼlim, fan va innovatsiyalar vazirligi(Sharipov),Universitet2. Taʼlim shaklidan qatʼi nazar tegishli taʼlim yoʻnalishlari boʻyicha talabalar amaliyotlarini tarmoq (soha)ning muayyan tashkilotlari va korxonalarida kelishuv (shartnoma) asosida tizimli ravishda oʻtkazilishini taʼminlash.3. Talabalarning amaliyotni oʻtash davrida muayyan tashkilotlar va korxonalarda mavjud boʻsh ish oʻrinlariga ishga joylashishlariga koʻmaklashish.2024/2025 oʻquv yilidan boshlab16.Universitet tasarrufidagi akademik litseyda taʼlim sifati va samaradorligini yanada oshirish choralarini koʻrish.1. Akademik litsey uchun ikki yillik tizimga moslashtirilib chuqurlashtirilgan fanlar boʻyicha yaratilgan darslik va adabiyotlarni aprobatsiyadan oʻtkazish va chop etishga tayyorlash.2. Aprobatsiyadan oʻtgan va chop etishga tayyorlangan darsliklarni chop etish.2025-yil iyul-avgustUniversitetning budjet va budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet3. Universitet tasarrufidagi akademik litsey oʻquv dasturlarini ilgʻor xorijiy dasturlar asosida takomillashtirish.2025/2026 oʻquv yiliga qadarIII. Universitetning ilmiy-tadqiqot va innovatsion faoliyatini rivojlantirish hamda ilmiy ishlar natijadorligini taʼminlash17.Universitetning ilmiy salohiyatini oshirish maqsadida oliy taʼlimdan keyingi taʼlim institutini tizimli tashkil etish.1. Universitetning ilmiy salohiyatini yilma-yil oshirib borish maqsadida oliy taʼlimdan keyingi taʼlim institutini tizimli tashkil etish uchun qishloq xoʻjaligi ixtisosliklari boʻyicha tayanch doktoranturada kadrlarni maqsadli tayyorlashni yoʻlga qoʻyish.2. Universitet tadqiqotchilarini xorijiy oliy taʼlim muassasalariga maqsadli doktoranturaga oʻqishga yuborish.2025-yildan boshlab-Oliy taʼlim, fan va innovatsiyalar vazirligi(Sharipov),Universitet18.Universitet professor-oʻqituvchilari, ilmiy-tadqiqotchilari va talabalarining innovatsion texnologiyalarni yaratish hamda joriy etish borasidagi tashabbuskorligini oshirish.Universitetda innovatsion texnologiyalarni yaratish hamda joriy etish borasidagi tadqiqotchilarning tashabbuskorligini va moddiy manfaatdorligini oshirish maqsadida “Spin-off” shartlari asosida “Kichik innovatsion korxonalar” tashkil etish.2025-yil dekabr-Universitet,Surxondaryo viloyati hokimligi(Qosimov)19.Professor-oʻqituvchilar, tadqiqotchilarni ilmiy stajirovkalarini tashkil etish orqali ilmiy ishlar koʻlamini oshirish.1. Universitet professor-oʻqituvchilari, ilmiy-texnik va muhandis xodimlarini respublikada va xorijiy davlatlarning yetakchi taʼlim muassasalarida, ilmiy-tadqiqot markazlarida stajirovkalarini tashkil etish.2. Iqtisodiyot tarmoqlarida, kooperatsiyalarda, yirik ishlab chiqarish korxonalarida stajirovka oʻtash boʻyicha dasturlar tayyorlash va amalga oshirish.2025-yildan boshlabUniversitetning budjetdan tashqari mablagʻlariUniversitet,Innovatsion rivojlanish agentligi(Rajabboyev),“El-yurt umidi” jamgʻarmasi(Bekmurodov)20.Professor-oʻqituvchilar va tadqiqotchilarning ilmiy faoliyatini kengaytirish maqsadida ragʻbatlantirish tizimini joriy qilish.1. Universitetda “Xirsh” indeksi (h-indeks) yuqori boʻlgan professor-oʻqituvchilar va tadqiqotchilarni ragʻbatlantirish tizimining meʼyoriy-huquqiy asosini ishlab chiqish.2. “Xirsh” indeksi (h-indeks) yuqori boʻlgan olimlar, professor-oʻqituvchi va tadqiqotchilarning ustamalar miqdorini “Xirsh” indeksi (h-indeks):5 dan 9 gacha boʻlsa 20 foiz;10 va undan yuqori boʻlsa 30 foiz etib belgilashni nazarda tutuvchi tizimni joriy qilish.2025-yil yanvarUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet21.Iqtisodiyot tarmoqlarini rivojlantirishning ilmiy-texnologik vazifalarini hal etishga, ilgʻor xorijiy texnologiyalarni sinash va joriy etishga yoʻnaltirilgan ilmiy-amaliy tadqiqotlarni olib borish.1. Universitet kafedralarining ilmiy tadqiqotlari yoʻnalishlarini belgilash, grantlar jalb etishni va xoʻjalik shartnomalarini bajarishni tashkil etish.2. Tarmoq korxonalarining muammolari boʻyicha mavzular bazasini shakllantirish.3. Tarmoq korxonalari bilan xoʻjalik shartnomalarini tuzish va loyihalarni bajarish.2025-yildan boshlabHududdagi tarmoq korxonalarining mablagʻlariUniversitet,Surxondaryo viloyati hokimligi(Qosimov),Oliy taʼlim, fan va innovatsiyalar vazirligi(Sharipov)22.Universitetda davlat ilmiy dasturlari doirasida olib borilayotgan loyihalar va tadqiqotlarning natijadorligini oshirish.1. Davlat ilmiy dasturlari doirasida tadqiqotlar mavzularini hududiy va ishlab chiqarish sohalari muammolarini hisobga olgan holda qayta koʻrib chiqish.2. Ilmiy-tadqiqot ishlariga davlat buyurtmasini shakllantirish uchun loyiha va takliflar kiritib borish.2025-yildan boshlabIlm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlariUniversitet,Innovatsion rivojlanish agentligi(Rajabboyev)23.Universitetda talabalarning ilmiy-ijodiy salohiyatini roʻyobga chiqarish.1. Universitetda iqtidorli talabalarni saralab olish va ilmiy-tadqiqot ishlariga yoʻnaltirish.2. Universitetning tajribali professor-oʻqituvchilariga talabalarni ilmiy-tadqiqot ishlarini bajarish uchun biriktirish.3. Ilmiy-tadqiqot ishlarida faol ishtirok etgan talabalarni ragʻbatlantirib borish.2025-yildan boshlabUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),UniversitetIV. Universitetda maʼnaviy-maʼrifiy va tarbiyaviy ishlar tizimini takomillashtirish24.Universitetda talabalar oʻrtasida atoqli adiblar va mutafakkirlarimiz ijodiy merosini keng targʻib qilish, ularning adabiyotga qiziqishlarini yanada oshirish maqsadida Adiblar xiyobonini tashkil etish.1. Universitet hududida Adiblar xiyoboni uchun joy ajratish va xiyobon loyihasini ishlab chiqish.2025-yil fevralUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Xiyobonda adiblar haykallarini oʻrnatish va ijodkor yoshlarni birlashtiradigan, doimiy ravishda turli festivallar, tadbirlar oʻtkazish uchun barcha sharoitlarga ega koʻrkam maskanga aylantirish.2025-yil mart3. Universitet Adiblar xiyobonida turli tadbirlar va festivallar oʻtkazish.Reja asosida25.Xalq eʼtirofi va el ardogʻidagi sanʼatkor, shoir, yozuvchi, olim, davlat va jamoat arboblari bilan talabalar uchrashuvlarini tashkil etish.1. Xalq eʼtirofi va el ardogʻidagi sanʼatkor, shoir, yozuvchi, olim, davlat va jamoat arboblari roʻyxatini shakllantirish.2025-yil martUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Shakllantirilgan roʻyxatga muvofiq, seminar, ochiq muloqot va boshqa tadbirlarni, shu jumladan masofaviy tarzda tashkil qilish.Reja asosida26.Talabalarda oʻzlikni anglash, milliy iftixor tuygʻularini shakllantirish maqsadida Universitet faoliyati, buyuk ajdodlarimiz tarixi va muhandislik, texnologiyalarga oid muzey faoliyatini yoʻlga qoʻyish.1. Muzey faoliyatini yoʻlga qoʻyish boʻyicha nizom va chora tadbirlar dasturini ishlab chiqish.2025-yil yanvarUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Muzey faoliyatini yoʻlga qoʻyish uchun xona ajratish.3. Muzey uchun ajratilgan xonalarni zarur jihozlar bilan taʼminlash.2025-yil fevral27.Romanlar, hikoyalar va kinofilmlar orqali yoshlar ongida xalq qahramonlari haqida chuqur tasavvur uygʻotish maqsadida targʻibot-tashviqot ishlarini keng yoʻlga qoʻyish.1. Amir Temur, Jaloliddin Manguberdi, Temur Malik, Najmiddin Kubro, jadid bobolarimiz, Ikkinchi jahon urushi davrida oʻz jonini fido qilgan qahramonlarning hayoti va faoliyatiga bagʻishlangan ijodiy kechalar va uchrashuvlarni tashkil etish.2025-yil yanvarUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Talabalarning teatr va muzeylarga tashrifini tashkil etish.3. Talabalar uchun filmlar namoyishini tashkil etish.Reja asosidaV. Universitet moddiy-texnika bazasini mustahkamlash28.Termiz tumani, “Yangi Oʻzbekiston” massivi “Yangiobod” mahallasida Termiz davlat pedagogika instituti uchun davlat-xususiy sheriklik shartlari asosida 1000 oʻringa moʻljallangan talabalar turar joyini barpo etish.1. Davlat-xususiy sheriklik shartlari asosida 1000 oʻringa moʻljallangan talabalar turar joyini barpo etish konsepsiyasini ishlab chiqish.2025-yil oktabrTadbirkorlik subyektlari mablagʻlari,Davlat budjetidan mazkur maqsadlarga ajratilgan subsidiyalarMaktabgacha va maktab taʼlimi vazirligi(Umarova),Termiz davlat pedagogika instituti2. Davlat-xususiy sheriklik shartlari asosida 1000 oʻrinli talabalar turar joylarini qurish ishlarini amalga oshirish.2025-2026-yillar29.Termiz tumani, “Yangiobod” mahallasi, At-Termiziy koʻchasi, 1-a-uy manzilida joylashgan Termiz davlat pedagogika institutining bino va inshootlarini kapital taʼmirlash.1. Bino va inshootlarini kapital taʼmirlash boʻyicha loyiha smeta hujjatlarini ishlab chiqish.2025-yil dekabrOliy taʼlim muassasasining budjetdan tashqari mablagʻlariOliy taʼlim, fan va innovatsiyalar vazirligi(Sharipov),Termiz davlat pedagogika instituti2. Bino va inshootlarini kapital taʼmirlash ishlarini amalga oshirish.2026-yil dekabrVI. Universitet faoliyatini raqamlashtirish va taʼlim jarayonlariga zamonaviy axborot texnologiyalarini joriy etish30.Universitet kampusi va ulardagi bino-inshootlarning AKT infratuzilmasini takomillashtirish.1. Universitetning AKT infratuzilmasi holatini xatlovdan oʻtkazish.2024-yil sentabrUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Raqamli texnologiyalar vazirligi(Shermatov),Universitet2. Xatlov natijalariga koʻra talab etiladigan qurilmalarni xarid qilish.2024-yil noyabr3. Universitet binolarini optik tolali aloqa liniyalari orqali yuqori tezlikdagi internetga ulash.4. Universitet serverlarini uzluksiz zaxira elektr manbai bilan taʼminlash.2024-yil dekabr31.Universitet faoliyatiga boshqarishning zamonaviy texnologiyalarini qoʻllash.1. “Oliy taʼlim jarayonlarini boshqarish axborot tizimi (NEMIS)”ni oʻrnatish sozlash va ishga tushirish.2024-yil avgustUniversitetning budjetdan tashqari mablagʻlariOliy taʼlim, fan va innovatsiyalar vazirligi(Sharipov),Universitet2. Axborot tizimiga Universitetning tuzilmasi, professor-oʻqituvchilar, xodimlar hamda talabalar toʻgʻrisidagi maʼlumotlar toʻliq kiritilishini taʼminlash.2024-yil sentabr3. Universitet veb-saytini zamon talablariga mos ravishda takomillashtirish.2024-yil oktabr32.Talabalarga onlayn usulda shartnomalar olish va toʻlovlarni amalga oshirish imkoniyatini yaratish.1. Universitet uchun Oliy taʼlim, fan va innovatsiyalar vazirligining “billing.edu.uz” axborot tizimida alohida profil yaratish.2024-yil sentabr-Oliy taʼlim, fan va innovatsiyalar vazirligi(Sharipov),Universitet2. Talabalarga shartnomalarni onlayn taqdim etish va toʻlovlarni amalga oshirish imkoniyatini yaratish.2024-yil sentabr

Oʻzbekiston Respublikasi Prezidentining 2024-yil 18-iyuldagi PQ-265-son qaroriga 2-ILOVA

Termiz davlat muhandislik va agrotexnologiyalar universiteti hamda Termiz davlat pedagogika institutiga operativ boshqaruv huquqi asosida bepul beriladigan obyektlar

ROʻYXATI