Oʻzbekiston Respublikasi Vazirlar Mahkamasining 1995-yil 12-sentabrdagi 354-son qarori bilan tasdiqlangan moliya-sanoat guruhlari toʻgʻrisidagi nizomga oʻzgartirishlar kiritish haqida (105-son)

10.03.1998

Oʻzbekiston Respublikasi Vazirlar Mahkamasining

qarori

“Tovar bozorlarida monopolistik faoliyatni cheklash va raqobat toʻgʻrisidagi Oʻzbekiston Respublikasining Qonunini amalga kiritish tartibi haqida” Oʻzbekiston Respublikasi Oliy Majlisining 1997-yil 27-dekabrdagi qarorini bajarish yuzasidan Vazirlar Mahkamasi qaror qiladi:

1. Vazirlar Mahkamasining 1995-yil 12-sentabrdagi 354-son qarori bilan tasdiqlangan Moliya-sanoat guruhlari toʻgʻrisidagi nizomga ilovaga muvofiq oʻzgartirishlar kiritilsin.

Vazirlar Mahkamasining Raisi I. KARIMOV

Toshkent sh.,

1998-yil 10-mart,

105-son

Vazirlar Mahkamasining 1998-yil 10-martdagi 105-son qaroriga ILOVA

Vazirlar Mahkamasining 1995-yil 12-sentabrdagi 354-son qarori bilan tasdiqlangan Moliya-sanoat guruhlari toʻgʻrisidagi nizomga kiritiladigan oʻzgartirishlar

Vazirlar Mahkamasining 1995-yil 12-sentabrdagi 354-son qarori bilan tasdiqlangan Moliya-sanoat guruhlari toʻgʻrisidagi nizomning 10-bandida:

ikkinchi xatboshi quyidagi tahrirda bayon qilinsin:

“moliya-sanoat guruhi qatnashchilari tarkibiga monopol korxonalar roʻyxatiga kiritilgan korxonalarning kirishlariga”;

uchinchi xatboshi chiqarib tashlansin.