Oʻzbekiston Respublikasining xorijiy mamlakatlardagi diplomatik vakolatxonalari shtat jadvallariga oʻzgartirish va qoʻshimchalar kiritish toʻgʻrisida (533-son)

28.11.2003

Oʻzbekiston Respublikasi Vazirlar Mahkamasining

qarori

Oʻzbekiston Respublikasining ayrim xorijiy mamlakatlardagi diplomatik vakolatxonalari faoliyatini takomillashtirish maqsadida Vazirlar Mahkamasi qaror qiladi:

1. 2003-yil 1-dekabrdan boshlab Oʻzbekiston Respublikasining Isroil Davlatidagi Elchixonasida Savdo-iqtisodiy masalalar boʻyicha maslahatchi, Oʻzbekiston Respublikasining Afgʻoniston Islom Davlatidagi Konsulligida (Mozori-Sharif shahri) uchinchi kotib, Oʻzbekiston Respublikasining Pokiston Islom Respublikasidagi Bosh konsulligida (Qarochi shahri) katta buxgalter lavozimlari tugatilsin.

2. 2003-yil 1-dekabrdan boshlab Oʻzbekiston Respublikasining Afgʻoniston Islom Davlatidagi Qobul shahridagi Elchixonasida birinchi kotib, uchinchi kotib va katta buxgalter lavozimlari kiritilsin.

3. Oʻzbekiston Respublikasining Isroil Davlatidagi va Afgʻoniston Islom Davlatidagi Elchixonalarining, Oʻzbekiston Respublikasining Pokiston Islom Respublikasidagi Bosh konsulligi (Qarochi shahri) va Oʻzbekiston Respublikasining Afgʻoniston Islom Davlatidagi Konsulligining (Mozori-Sharif shahri) shtat jadvallari 1—4-ilovalarga muvofiq tasdiqlansin.

4. Oʻzbekiston Respublikasi Moliya vazirligi koʻrsatib oʻtilgan diplomatik muassasalarning taʼminoti uchun, shtat jadvallaridagi oʻzgartirishlarni hisobga olgan holda, joriy moliya yili uchun budjetda tasdiqlangan xorijiy muassasalarni moliyalashtirish hajmlaridan kelib chiqib mablagʻlar ajratsin.

5. Quyidagilar:

Oʻzbekiston Respublikasi Vazirlar Mahkamasining “Chet ellarda Oʻzbekiston Respublikasining konsullik vakolatxonalarini ochish toʻgʻrisida” 1994-yil 7-apreldagi 192-son qaroriga 3 va 11-ilovalar;

Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining 1997-yil 4-martdagi 119-son qaroriga oʻzgartirishlar kiritish toʻgʻrisida” 1999-yil 22-apreldagi 191-son qaroriga ilova;

Oʻzbekiston Respublikasi Vazirlar Mahkamasining “Afgʻonistonda Oʻzbekiston Respublikasining Elchixonasini ochish toʻgʻrisida” 2002-yil 29-noyabrdagi 416-son qarorining 2-bandi va ushbu qarorga ilova oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasining Tashqi ishlar vaziri S.S. Safoyev zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2003-yil 28-noyabr,

533-son

Vazirlar Mahkamasining 2003-yil 28-noyabrdagi 533-son qaroriga 1-ILOVA

Oʻzbekiston Respublikasining Isroil Davlatidagi Elchixonasining

shtat jadvali

Vazirlar Mahkamasining 2003-yil 28-noyabrdagi 533-son qaroriga 2-ILOVA

Oʻzbekiston Respublikasining Afgʻoniston Islom Davlatidagi Elchixonasining

shtat jadvali

Vazirlar Mahkamasining 2003-yil 28-noyabrdagi 533-son qaroriga 3-ILOVA

Oʻzbekiston Respublikasining Pokiston Islom Respublikasidagi Bosh konsulligining (Qarochi shahri)

shtat jadvali

Vazirlar Mahkamasining 2003-yil 28-noyabrdagi 533-son qaroriga 4-ILOVA

Oʻzbekiston Respublikasining Afgʻoniston Islom Davlatidagi Konsulligining (Mozori-Sharif shahri)

shtat jadvali